12-ANYOS SINAKSAK SA LEEG, TINANGKANG HALAYIN

(NI KIKO CUETO)

PAMPANGA – Sinaksak sa leeg at tinangka pang halayin ng lalaki ang isang 12-anyos na dalagita noong Huwebes sa Barangay Lourdes Northwest, Angeles City.

Sa imbestigasyon ng pulis, lumalabas na katrabaho ng suspek ang mga magulang ng biktima.

Nagtatrabaho ito bilang tinder ng manok sa pwesto ng pamilya ng biktima sa puwesto ng manok sa Pampanga market.

Sinabi pa ng pulis na pauwi na ang mga biktima nang manggaling sa bakasyon kasama ang kanyang nanay.

Aminado ang suspek na balak niyang pagsamantalahan ang biktima at pumunta sa bahay nito matapos iwanan ang mga katrabaho.

Nakuha sa pinangyarihan ng krimen ang kutsilyong ginamit para saksakin ang biktima.

Nakakulong na ang suspek sa Angeles City Police Station 2.

 

Please follow and like us:
Read More

TATAY GINILITAN NG ANAK 

crime43

(NI ANNIE PINEDA)

INUNAHAN na ng isang anak, bago pa man siya mapatay ng kanyang ama, matapos niyang bagsakan ng bato at gilitan sa leeg ang kanyang tatay habang natutulog, iniulat kaninang umaga sa Zamboanga del Sur.

Kinilala ang biktimang si Fernando Bulaga Mercado, 54, habang nadakip naman ang suspek na kinilalang si Robert Cabrera Mercado, 24, kapwa residente ng Sitio Tambulian, Barangay Malim, Tabina, Zamboanga del Sur.

Batay sa report ng Tabina Police Station, himbing na natutulog ang biktima sa kanilang bahay nang bagsakan ito ng malaking bato sa ulo ng anak saka ginilitan sa leeg na agad nitong ikinamatay.

Lumabas sa imbestigasyon, bago ang insidente, lasing na umuwi ang matandang Mercado sa kanilang bahay at pinagbantaan ang anak (suspek) na papatayin at tinutukan niya ito ng airgun.

Pagkatapos ay natulog na ang biktima. Dito na isinakatuparan ng suspek ang pagpatay sa ama.

Kusa naman sumuko sa pulisya ang suspek at nahaharap sa kasong murder.

 

Please follow and like us:
Read More

BABAENG KOREAN PINATAY NG LIVE-IN PARTNER, ITINAGO SA BANYO

crime

AGNAS nang natagpuan ang isang babaeng Korean sa isang condominium unit sa Angeles City, Pampanga nitong Linggo.

Nabatid na aabot sa 10 saksak sa katawan ang tinamo ng biktima kung saan ang mismong ka live in nitong Koreano rin ang suspect.

Matapos patayin, ibinalot nito sa kumot ang bangkay at itinago sa banyo.

Mismong live-in partner ng biktima ang suspek, na isa ding Korean at nangungupahan sa nasabing condo unit.

Dito inaresto ng pulisya ang suspek na hindi lumabas sa condo unit mula na gawin umano ang krimen. Umalingasaw lamang ang bangkay sa buong paligid kung kaya’t natunton ang krimen.

Inaalam pa ngayon ang tunay na motibo sa pagpatay.

Nakikipag-ugnayan na ang pulisya sa Korean desk liaison at Korean consular assistant sa Angeles para malaman ang background ng suspek, na kinasuhan na ng murder at nakakulong na.

 

Please follow and like us:
Read More

SUSPEK SA MURDER NG PASTOR, PATAY SA TANDEM

CRIME12

(NI NILOU DEL CARMEN)

ISANG buwan matapos masangkot sa kasong murder, binaril naman ng hindi nakilalang riding in tandem gunmen ang umano ay pangunahing suspek sa pagkamatay ng isang pastor sa San Juan, Batangas.

Ayon sa San Juan police, agad nasawi ang biktimang si Edwin Razon Triviño matapos ratratin habang nagmamaneho ng  isang Toyota Revo sa national road sa Barangay Calubcub 2, alas 4:30 ng Martes ng hapon.

Nagtamo ito ng isang tama sa dibdib at hindi na umabot nang buhay sa San Juan District Hospital.

Tinapatan umano ito ng mga hindi nakilalang suspek na nakasakay sa motorsiklo at saka pinagbabaril ang biktima.

Batay sa report, ang biktima ang itinuturong salarin sa pagkamatay ng 30-anyos na pastor na si Renato Remegio ng Jesus Alone Church Mission International,   na binaril sa harap ng kanyang bahay sa nasabi ring barangay noong October 28.

Sinasabing usapin sa lupang tinitirhan ng pastor at ng iba pang residente ang ugat ng pagpaslang sa pastor.

Si Triviño ay dating katiwala sa pinag-aawayang lupa na pag-aari ng Macalintal Land Properties na ngayon  ay  sumasailalim sa housing project ng DMCI Homes Corporation.

Umaabot sa nasa 100 kabahayan at pamilya  ang sapilitang pinalayas sa kanilang mga dating tirahan dahil sa proyekto.

Patuloy pa ang isinasagawang malalimang  imbestigasyon ng mga pulis sa pangyayari.

 

Please follow and like us:
Read More

PUMATAY SA P6-M UTANG; LALAKI ARESTADO SA MURDER NG NEGOSYANTE

CRIME12

(NI ANNIE PINEDA)

HAWAK na ng mga awtoridad ang persons of interest sa pamamaril sa mag-asawang negosyante na ikinasawi ng mister na pinaniniwalaan dahil sa umano’y P6-milyon pagkakautang ng suspek sa mag-asawa, iniulat kaninang umaga sa probinsya ng Ifugao.

Kinilala ang nasawi na si Orlando Dumlao Jr., habang ginagamot naman sa ospital ang misis nitong si Michelle Dumlao, at kapwa residente ng Rumang-ay Echauge, Isabela.

Batay sa report ng Alfonso Lista Police Station, naganap ang insidente habang naka-convoy ang sasakyan ng mag-asawa sa suspek nang bigla na lamang paulanan ng bala ng baril ang mga biktima.

Kaagad naman dinala sa ospital ang mag-asawa pero nalagutan na rin ng hininga si Orlando habang nagtamo ng tama sa balikat ang misis.

Lumabas sa imbestigasyon ng pulisya, nagpapautang ang mag-asawa ng mga binhi at abono sa San Juan, Alfonso Lista, Ifugao.

Sinabi pa ni Michelle, unang beses pa lamang nilang magtungong mag-asawa sa Alfonso Lista, Ifugao kaya’t naging convoy nila ang sasakyan ng kaibigan na siyang tinututukan ngayon ng mga awtoridad na person of interest.

Sa himpilan ng pulisya, itinanggi naman ng suspek ang akusasyon laban sa kanya samantalang wala naman maalala si Michelle na may atraso sa kahit kaninuman.

 

Please follow and like us:
Read More

40-ANYOS GINANG PINATAY; DROGA SINISILIP NA MOTIBO

cebu

(NI JG TUMBADO)

PATAY ang isang 40-anyos na ginang nang pagbabarilin ito sa loob ng kanyang tahanan sa Cebu City.

Tig isang tama ng bala ng baril sa leeg at braso ang sinasabing dahilan ng pagkamatay ng biktima na si Vicenta Abano, naninirahan sa Block 3 Missionaries, Barangay Suba.

Nabatid sa imbestigasyon ng pulisya, pasado alas 12 ng hatinggabi ng Biyernes nang pasukin sa loob ng bahay ang biktima ng dalawang naka-bonnet na lalaki at pinagbabaril nang matunton sa kanyang kuwarto.

Bago ang pagpatay sa ginang ay sinundan na siya ng mga suspek habang pauwi sa bahay nito sa nabanggit na lugar at nang malamang mag-isa lamang ito ay doon na isinakatuparan ang krimen.

Pero, ayon kay Cebu City Police Office (CCPO) Director Police Col. Gemma Cruz Vinluan, paghihiganti umano o personal na galit ang motibo sa pagpatay sa ginang.

Bagaman hindi pa nila natutukoy kung sino ang nasa likod ng paglikida kay Abano ay may ilang persons of interest na ang pulisya.

Sinabi ni Vinluan na si Abano ang ikaapat sa pamilyang pinatay sa loob lamang ng limang buwan ng taong kasalukuyan.

Ang biktima ay anak ng barangay chairman ng Jagoliao sa Getafe, Bohol  na si Alejandro Abano, na tinambangan noong June 28.

Habang pinagbabaril din ang nakababatang kapatid ni Vicenta na si Ninolito Abano sa loob ng kanyang auto repair shop sa Barangay San Nicolas, July 29 kung saan napatay din ang kanilang pinsan na lalaki.

Dagdag pa ni Vinluan, isa rin sa kanilang sinisilip sa dahilan ng pagpaslang kay Vicenta ay ang koneksyon nito sa ilegal na kalakalan ng shabu.

Patuloy pa ang pagsisiyasat ng mga awtoridad sa krimen.

Please follow and like us:
Read More

GUNMAN PINAG-ALMUSAL PA; MAGSASAKA PATAY SA ‘KAIBIGAN’ 

(NI ANNIE PINEDA)

HINDI inakala ng isang magsasaka na kamatayan ang kapalit pagkatapos nilang kumain ng almusal ng kanyang kaibigan, nang pagbabarilin ito ng huli, iniulat kaninang umaga sa probinsya ng Capiz.

Kinilala ang biktimang si Leandro Gapasinao, 54, ng Barangay Agpalali, Tapaz, Capiz.

Tugis naman ng pulisya ang suspek na kinilalang si Isidro Bundalan, 52, ng Barangay Tabon, Tapaz, Capiz.

Batay sa report ng Tapaz-Police Station, naganap ang insidente umaga ng Biyernes sa loob ng bahay ng biktima.

Lumabas sa imbestigasyon, dumating ang suspek sa bahay ng biktima kaya niyaya rin itong sabay na silang mag-almusal.

Pagkatapos kumain, lumabas na ang suspek sa bahay ng biktima at sumunod naman ang biktima sa pag-aakalang makikipagkuwentuhan pa ito.

Dito, naglabas ng .45 kalibre na baril ang suspek at pinagbabaril ang biktima sa iba’t ibang parte ng katawan na agad nitong ikinamatay saka mabilis na tumakas.

Nagpapatuloy naman ang imbestigasyon ng mga awtoridad para malaman ang tunay na motibo sa krimen.

 

Please follow and like us:
Read More

LOLO KINATAY NG KARIBAL; RELASYON BUKING SA TEXT 

(NI ANNIE PINEDA)

HINDI inakala ng isang lolo na ang pagmamahal nito sa isang babae ang magiging dahilan ng kanyang kamatayan makaraan katayin ito ng tricycle na driver na kasintahan ng kanyang karelasyon, iniulat kaninang umaga sa lalawigan ng Pangasinan.

Kinilala ang biktimang si Marcelino Penuliar, 61, habang tugis naman ang suspek na kinilalang si James Berbon, 44, at kapwa taga Alaminos City, Pangasinan.

Batay sa report ng Alaminos Police Station, bago ang insidente, inaya pa ng suspek ang biktima na mag-inuman para maisakatuparan ang plano nitong pagpatay kay Penuliar.

Ayon sa pulisya, nabuking umano ni Berbon ang relasyon ni Penuliar sa kanyang ka-live in nang makita ang text message ng biktima na nagpadala ng pera sa karelasyon.

Dito umano nabuo sa isipan ng suspek na patayin ang biktima para matigil ang relasyon sa kanyang kalive-in.

Habang nag-iinuman, naglabas ng patalim ang suspek at pinagsasaksak ng 25 beses ang biktima sa iba’t ibang parte ng katawan. Hindi pa ito nakuntento, kumuha pa ng malaking bato at inihampas sa ulo na naging sanhi ng agaran kamatayan ni Penuliar.

Nabatid, na matagal na umanong alam ng suspek na may relasyon ang biktima at kanyang kasintahan.

Matapos ang pamamaslang tumakas ang suspek at ngayon ay tinutugis na ng pulisya.

Please follow and like us:
Read More

LALAKI ITINUMBA SA SABUNGAN

crime22

(NI ANNIE PINEDA)

NALILIGO sa sariling dugo nang bumagsak sa sabungan ang isang lalaki matapos pagbabarilin ng suspek na naka-maskara, iniulat kaninang umaga sa lalawigan ng Pangasinan.

Kinilala ng biktimang si biktimang si Ranjit King Calimquim, 27, ng Sta. Barbara.

Batay sa report ng Pangasinan-PNP, naganap ang insidente sa isang sabungan sa Brgy. Ventinilla Sta. Barbara, Pangasinan .

Lumabas sa imbestigasyon na nasa likurang bahagi ng sabungan ang apat na suspek saka pinagbabaril ang biktima na tinamaan sa iba’t ibang parte ng katawan na agad nitong ikinamatay.

Matapos ang pamamaril mabilis na tumakas ang mga suspek sakay ng dalawang motorsiklo.

Nagpapatuloy naman ang imbestigasyon ng otoridad sa nasabing insidente at inaalam na ang motibo sa pagpaslang sa biktima.

 

Please follow and like us:
Read More

BABAE BINARIL SA SUGALAN

(NI ANNIE PINEDA)

DUGUAN humandusay ang isang babae habang nagsusugal nang lapitan ito at pagbabarilin ng kanyang kalugar, Lunes ng sabi sa lalawigan ng Vigan City.

Kinilala ang biktimang si Jennifer Quintin, habang tugis naman ng pulisya ang suspek na kinilalang si Edgardo Quidolit, residente ng Barangay Salindeg, Vigan City.

Batay sa report ng Vigan City-PNP, dakong alas 10:00 ng gabi nang maganap ang insidente sa nasabing lugar.

Lumabas sa paunang imbestigasyon, abala ang biktima sa pasusugal at hawak-hawak nito ang baraha nang biglang sumulpot ang suspek at walang babalang pinagbabaril si Quintin saka tumakas.

Kaagad naman dinala sa Ilocos Sur Provincial Hospital- Gabriela Silang ang biktima pero idineklara na ring patay.

Nagpapatuloy naman ang imbestigasyon ng pulisya para alamin ang tunay na motibo sa krimen at mabilis na pagdakip sa suspek.

 

Please follow and like us:
Read More

KUMATAY SA MAG-INA NANG-AGAW NG BARIL NG PULIS, PATAY

(NI DONDON DINOY)

DAVAO CITY–PATAY na ng dumating sa ospital ang lalaking suspek sa pagpatay sa kanyang kinakasama at 11-anyos na anak nito noong Sabado ng tanghali.

Ayon sa ulat, tinangka ng suspek na agawin ang baril ng mga pulis kaya inunahan nila ito.

Sinabi ni Police Captain Rosario Aguilar, officer-in-charge na spokesperson ng Davao City Police Office (DCPO), sinubukan pa nilang dalhin sa ospital si Renuel Wabinga Habillo, alyas Lotlot, ngunit wala na itong buhay pagdating sa pagamutan.

Nagsagawa noon ng fingerprinting ang otoridad para sa suspek, nang bigla umanong agawin ang baril ng isang pulis.

Matatandaang ang suspek ay naaresto sa pagpatay kay Evelyn Saganay Lapera, 40-anyos, at anak nitong si Joy Saganay Lapera, Grade 6 student noong Miyerkoles, Nobyembre 6, sa Barangay Megcauwayan, Calinan District, Davao City.

Sa inisyal na imbestigasyon ng Homicide and Arson Section ng Calinan Police Station, napag-alaman na nag-init ang ulo ng suspek matapos malaman na may kabit ang live-in partner nito.

Sa kalagitnaan ng kanilang bangayan ay kumuha ang suspek ng itak at pinagtataga si Evelyn pati ang anak nito.

Inamin  ng suspek na nagawa niya ang krimen dahil sa sobrang selos at galit sa kanyang kinakasama.

Please follow and like us:
Read More

BITIN SA ALAK; TANOD PINATAY SA TAGA

(NI ANNIE PINEDA)

PATAY ang isang lalaki makaraan pagtatagain ng kainuman na nabitin umano sa alak sa isang inuman, iniulat kaninang umaga sa probinsya ng Balete, Aklan.

Kinilala ang biktimang si Ronnie Sarandin, 48, barangay tanod, habang nadakip naman ang suspek na kinilalang si Robert dela Cruz, 27, at kapwa residente ng Barangay Guanco, Balete.

Batay sa report ng Balete Police Station, dakong alas 6:00 ng gabi nang maganap ang insidente sa nasabing lugar.

Lumabas sa imbestigasyon ng pulisya, nag-iinuman ang biktima at suspek sa kapitbahay nilang si Randy Cuadrante at makalipas ang ilang oras ay natapos na ang inuman dahil ubos na ang alak.

Nagpasyang umuwi ang biktima at sumama na rin ang suspek kahit pa nabitin ito sa inuman . Habang naglalakad, bigla na lamang inaway ni dela Cruz si Sarandin na nauwi sa mainitang pagtatalo.

Dito, walang habas na pinagtataga ng suspek ang biktima sa iba’t ibang parte ng katawan na agad nitong ikinamatay.

Matapos ang pananaga bumalik ang suspek sa bahay ni Cuadrante , pero nakita niya itong puno ng dugo ang itak kaya isinara nito ang pintuan ng bahay sa takot na pati siya ay pagtatagain.

Nadakip naman ang suspek ng mga rumespondeng pulis at kasalukuyang nakakulong sa Balete-PNP at nahaharap sa kasong pagpatay.

 

Please follow and like us:
Read More

17-ANYOS, TINADTAD, GINILITAN

(NI JG TUMBADO)

PINAGTATAGA na ay ginilitan pa ang isang 17-anyos na binatilyo ng kainuman nito sa Indang, Cavite, Lunes ng gabi.

Dead on the spot ang biktimang tinukoy bilang si Jhon Carlo Abalos habang naaresto naman ang suspek na si Dino Lagartoha.

Lumalabas sa imbestigasyon, nauwi sa pagtatalo ang inuman ng dalawa.

Sa galit ay kumuha ng bolo ang suspek at pinagtataga ang biktima.

Mabilis na tumakas si Lagartoha pero naaresto rin matapos mamataan malapit sa isang istasyon ng pulisya.
Aminado naman ang suspek sa ginawang brutal na pagpatay sa biktima dahil sa napikon ito sa kanilang mainitang usapan.

Napag-alaman din na wanted ang suspek sa probinsya ng Samar dahil sa kasong murder.

Please follow and like us:
Read More

GRAB DRIVER NIRATRAT SA BEACH RESORT

batangas1

(NI NILOU DEL CARMEN)

PATAY  ang isang grab driver matapos pagbabarilin ng isang umano ay lango sa ipinagbabawal na gamot habang nasa isang beach sa Nasugbu, Batangas, Martes ng hapon.

Dead on the spot dahil sa mga tama ng bala sa ulo at katawan ang biktimang si Junnel Mar Alano, 35, residente ng Bicutan, Taguig City.

Ayon kay PMaj Ronald Cayago, hepe ng Nasugbu police,  naglalaro ang biktima  sa dalampasigan ng Munting Buhangin Beach Camp sa Barangay Natipunan nang pagbabarilin ng suspek dakong alas dos ng hapon.

Bigla na lamang umanong lumapit ang suspek at binaril sa ulo ng ilang beses ang walang kamalay-malay na biktima.

Kinilala ang suspek na si Dennis Esmeralda, 31, negosyante at residente ng Binan City, Laguna at guest din sa nasabing resort.

Batay sa imbestigasyon lango sa iligal na droga ang suspek at napagtripan lamang nito ang pamamaril sa biktima.

Ayon sa girlfriend nito, tatlong gabi na umano itong hindi natutulog,

Bigla na lamang umano itong lumabas sa kanilang cottage na bitbit ang baril na caliber. 40.

Nasa beach naman ang biktima matapos maarkila ang sasakyan nito patungo sa lugar.

Napag-alaman din na may dati na rin kasong kaso ng murder ang suspek sa Muntinlupa City.

Nakakulong na ito ngayon sa Nasugbu police station at sinampahan na ng kasong murder.

 

Please follow and like us:
Read More

PARAK, 1 PA ITINUMBA SA SABUNGAN 

(NI ANNIE PINEDA)

GALIT ang tinitingnan anggulo ngayon ng mga awtoridad sa pagbaril at pagpatay sa isang miyembro ng Philippine National Police (PNP) at isang binata matapos pagbabarilin sa loob mismo ng sabungan, iniulat kahapon sa Davao City.

Kinilala ang mga biktimang sina Cpl. Kronish Alvaira, 30, ng Purok 2, Brgy Mainit, ComVal at Jul Vincent Manzanares, 26, at residente ng 01 Guiho St., Nova Tierra Village, Davao City.

Batay sa report ng Sta. Ana Police station, naganap ang insidente sa loob ng compound sa sabungan ng Aquino Coliseum Gallera, Agdao sa lungsod ng Davao.

Lumabas sa imbestigasyon ng pulisya, bigla na lamang sumulpot ang mga suspek na armado ng matataas na kalibre at pinagbabaril ang mga biktima sa iba’t ibang parte ng katawan na agad nilang ikinamatay.

Matapos ang pamamaril mabilis na tumakas ang mga suspek sa hindi malamang direksyon.

Sa pagresponde ng mga pulis sa lugar ng pinangyarihan ng insidente nakapulot sila ng mga basyo mula sa 5.56 mm na pistola at bala .45 caliber na nasa 19 at .45 caliber pistol na nasa walong basyo.

Nakuha rin mula kay Manzanares ang halagang P100,000.

Hinala ng mga awtoridad personal na galit ang motibo sa pagpaslang sa mga biktima.

Nagpapatuloy naman ang ginagawang pagsisiyasat ng pulisya hinggil sa insidente.

 

Please follow and like us:
Read More

ATE NA MAY DIPERENSIYA SA ISIP, GINILITAN NG KAPATID

(NI KEVIN COLLANTES)

PINAGSASAKSAK at ginilitan ng leeg ng isang lalaki ang kanyang ate, na may diperensiya sa pag-iisip, matapos umano siya nitong pagmumurahin at batuhin ng remote control sa loob ng kanilang tahanan sa Antipolo City, Martes ng gabi nang utusan niya itong patayin na ang telebisyon.

Dead on arrival sa Amang Rodriguez Memorial Medical Center ang biktimang si Rodelyn Magas, 50, habang nakapiit na si Roberto Magas, 48, matapos maaresto ng mga awtoridad.

Lumilitaw sa ulat ng Antipolo City Police, dakong alas-7:00 ng gabi nang maganap ang krimen sa loob ng tahanan ng magkapatid na Magas sa Lopez Ville Subdivision, Barangay Mayamot, Antipolo City.

Bago ang krimen ay inutusan umano ni Roberto si Rodelyn na patayin na ang telebisyon ngunit ikinagalit umano ito ng biktima at pinagmumura ang nakababatang kapatid at saka binato ng remote control.

Napikon naman ang suspek sa ginawa ng kanyang ate kaya’t kaagad itong kinaladkad patungong garahe at saka pinagsasaksak sa dibdib at ginilitan pa ng leeg.

Sa tulong ng mga rescue team ng Barangay Mayamot ay isinugod sa pagamutan ang biktima ngunit hindi na ito umabot nang buhay habang nadakip naman ng mga tauhan ng Police Community Precinct 1 (PCP-1) at sasampahan ng kaukulang kaso sa piskalya ang suspek.

Sa imbestigasyon, nakumpirma ng mga awtoridad mula sa mga kaanak na ang biktima ay dumaranas ng malalang karamdaman sa pag-iisip simula pa noong taong 1998.

Lumala pa umano ang kondisyon nito nang sumailalim sa brain surgery may tatlong buwan na ang nakakalipas.

Lagi rin umano itong sanhi ng gulo at away sa kanilang pamilya, na ayon sa kanyang mga kaanak, ay maaaring siyang nagtulak sa suspek upang patayin ito.

Please follow and like us:
Read More

LALAKI PUMATAY SA 5-ANYOS ARESTADO SA BULACAN

(NI JG TUMBADO)

NADAKIP sa manhunt operation ng pulisya ang 24-anyos na lalaking suspek sa brutal na pagpaslang at tangkang panggagahasa sa 5 taong gulang na babae sa bayan ng San Jose Del Monte sa Bulacan, madaling araw ng Linggo.

Batay sa impormasyon kay City of San Jose Del Monte chief of Police Lt. Col. Orlando Castil Jr., Lunes ng gabi nang matunton ng mga awtoridad ang kinaroroonan ng suspek na si Eman Lambuhon, sa Barangay Sto. Cristo na kung saan umano ay tinangka nitong makipagkita sa isa nitong kaibigan.

Hindi na nagawang makatakas pa ng suspek nang agad sunggaban ng mga operatiba ng special operations unit ng CSJDM police.

Si Lambuhon ang itinuturong salarin ng ilang mga nakakitang kapitbahay sa pagdukot sa biktimang si Princess Angela Langomez na kalaunan ay nadiskubreng duguan at wala nang buhay na inabandona sa isang bakanteng lote noong madaling araw ng Linggo sa Barangay Kaypian.

Pinalo umano ng suspek ang bata sa ulo ng isang matigas na bagay na ikinamatay ng bata.

Ayon naman sa ina ng biktima, posibleng rape ang balak ng suspek pero nataranta ito kaya pinalo na lang sa ulo ang bata.

Napag-alaman din na nauna nang tinangka ng suspek na pumasok sa bahay ng biktima para halayin ang bata.

Hinihintay pa ng mga awtoridad ang autopsy report para malaman kung pinagsamantalahan ang biktima ni Lambuhon na nahaharap ngayon sa kasong murder.

 

Please follow and like us:
Read More

BABAE, GINAHASA, SINUNOG

crime44

(NI ANNIE PINEDA)

SUNOG ang ulo, walang saplot nang matagpuan ang bangkay ng isang babae na pinaniniwalaang ginahasa muna saka pinatay ng hindi pa kilalang suspek, sa Camarines Sur.

Inaalam na ngayon ng mga awtoridad ang pagkakakilanlan sa biktima na tinatayang nasa 30 hanggang 40 anyos.

Batay sa report, natagpuan ang hubad at sunog na katawan ng biktima sa Sitio Rawis, Barangay Patitinan, Sagnay, Camarines Sur.

Sa pagresponde ng mga pulis, nakapulot sila ng isang basyo ng bala sa hindi pa mabatid na kalibre na armas.

Nagpapatuloy naman ang ginagawang pagsisiyasat ng pulisya para alamin ang tunay na motibo sa krimen at pagkakakilanlan sa suspek.

Nanawagan na rin ang pulisya sa mga residente na may nawawalang kaanak para sa pagkakakilanlan sa biktima.

 

Please follow and like us:
Read More

PUGANTENG SUSUKO NA SA GCTA, ITINUMBA

(NI ANNIE PINEDA)

HINDI na umabot pa ang isang dating preso na nakalaya sa Good Conduct Time Allowance (GCTA) sa Sablayan Prison and Penal Farm sa Occidental Mindoro na nakatakdang sumuko ngayon araw ng Biyernes, matapos pagbabarilin at mapatay ng hindi pa kilalang suspek, nitong Miyerkoles, probinsya ng Dalaguete, Cebu.

Kinilala ang biktimang si Manuel Mercado Amaya Jr., 56, ng Barangay Mantalongon, ng nasabing lungsod.
Batay sa report ng Dalaguete Police Station, dakong alas 7:00 ng gabi nang maganap ang insidente sa harap ng bahay ng biktima.

Lumabas sa pagsisiyasat ng pulisya, papasok na ng bahay ang biktima nang biglang dumating ang mga suspek sakay ng motorsiklo at pinagbabaril ang biktima sa iba’t ibang parte ng katawan .

Matapos ang pamamaril mabilis na tumakas ang mga suspek sa hindi malamang direksyon.

Dinala naman sa ospital ang biktima pero nalagutan din ng hininga.

Ayon sa kaanak ng biktima, susuko na sana si Amaya Jr., sa kautusan ni Pangulong Rodrigo Duterte, na 15-araw na pagsuko, pero siya ang kauna-unahang biktima na nasawi sa mga sumukong preso.

Nabatid, nakalabas ng penal farm ang biktima noong Disyembre 2018 sa kasong murder at frustrated murder taon 1993.

Nagpapatuloy naman ang imbestigasyon ng pulisya sa hinggil sa insidente.

 

 

Please follow and like us:
Read More

ABOGADO PINATAY SA LOOB NG FAST FOOD CHAIN

crime

(NI KEVIN COLLANTES)

ISANG abogado ang patay nang pagbabarilin ng hindi kilalang salarin habang kumakain ng tanghalian kasama ang kanyang mga kaanak sa loob ng isang fast food chain sa Antipolo City, nitong Huwebes.

Isang tama ng bala sa ulo ang ikinasawi ng biktimang si Atty. Irineo Michael Cabugoy, 73, habang nakatakas naman ang mga hindi kilalang salarin sa krimen.

Lumilitaw sa ulat ng Antipolo City Police na dakong 11:50 ng umaga nang maganap ang krimen sa loob ng isang kilalang fast food chain sa Barangay San Roque.

Magkakasama umanong kumakain ng tanghalian ang biktima at ilang kaanak nang sa di pa batid na kadahilanan ay bigla na lang lumapit ang salarin at kaagad na pinaputukan ang biktima saka tumakas.

Naisugod pa sa Antipolo Doctor’s Hospital ang biktima ngunit binawian rin ito ng buhay.

Iniimbestigahan na ng mga awtoridad ang krimen para sa agarang ikareresolba nito.

Please follow and like us:
Read More

16-ANYOS BINARIL SA ULO NG NAKARAMBULAN

BACOLOD CITY — Patay sa isang tama ng bala sa ulo ang isang 16-anyos na binatilyo matapos itong targetin ng lalaking umano’y nakaalitan nito, Miyerkoles ng gabi.

Pinaghahanap na ng pulisya ang suspek na kinilala lamang sa pangalang ‘Jayson’.

Ayon sa ulat ng pulisya, nakatambay sa isang tindahan sa Barangay Handumanan ang biktima kasama ang kaniyang kaibigang menor de edad din.

Bigla na lang umanong ginulpi ang biktima ng tatlong lalaki pero matapos ang ilang saglit ay bumunot na ng baril ang isang alyas ‘Jayson’ at pinutok sa ulo ng biktima.

Dinala pa sa pagamutan ang biktima ngunit binawian din ito ng buhay.

Naaresto naman ang dalawang kasabwat ni ‘Jayson’ pero itinanggi nilang may kinalaman sila sa planong pamamaril.

Tinutugis pa ng pulisya si Jayson habang inihahanda naman ang kasong murder sa dalawang niyang kaibigan.

Please follow and like us:
Read More

MASAHISTA KINATAY, 5 TANOD INARESTO

(NI NILOU DEL CARMEN)

KALUNUS-LUNOS na kamatayan ang sinapit ng isang lalaking masahista na natagpuang patay sa isang bakanteng lote sa Barangay Muntingpulo, Lipa City, Batangas, Martes ng umaga.

Nakagapos sa likuran ang mga kamay nito at tadtad ng tama ng bala sa iba’t ibang bahagi ng katawan nang matagpuan sa masukal na lote sa gilid ng isang kalsada.

Nakilala lamang ng mga awtoridad ang isinalvage na bangkay noong Miyerkoles matapos matunton ng kanyang mga kaanak sa pinagdalahang punerarya sa lungsod ng Lipa.

Kinilala ito na si Patrick Jones Nadera, 33, tubong bayan ng Taal, nakatira sa isang dorm sa Barangay Sabang, Lipa at nagtatrabaho bilang masahista sa isang spa sa naturang lungsod.

Lumalabas sa imbestigasyon ng Lipa City police na pinahirapan muna at pinatay ito sa ibang lugar bago itinapon ang bangkay.

Sa follow-up operation ng Lipa City police, inaresto nitong Huwebes ang limang barangay tanod ng Barangay Sabang  na umano ay sangkot sa krimen.

Nakumpiska rin sa mga ito ang baril na umano ay siyang ginamit sa pagpatay at ang Suzuki multi cab na pag-aari ng barangay na siyang pinagkargahan sa biktima.

Nasabit ang mga tanod matapos na malamang sila ang mga naka-duty noong gabi na patayin ang biktima at makilala na ang kulay gray na barangay patrol vehicle ang ginamit sa pagtatapon sa bangkay.

Nasa kostudiya  na ang mga ito ngayon sa Lipa City police habang patuloy pa ang isinsagawang imbestigasyon at inaalam ang iba pang mga pangyayari kaugnay sa krimen at kung bakit pinatay ang biktima.

 

Please follow and like us:
Read More

MINULTO? PUMATAY SA BEBOT SA FISHPOND, SUMUKO

(NI GUILLERMO OCTAVIO)

ARESTADO  ang lalaking umaming pumatay sa babaeng nakitang nakabalot sa kumot at natatakpan ng water lily sa isang fish pond matapos umanong multuhin ng biktima sa Valenzuela City.

Positibong kinilala ni Charlie Conching Sagal at iba pang kaanak ang biktima na si Rosalie Mission Sagal, 43, ng Barangay North Bay Boulevard South, Navotas City, at ang suspek naman ay nakilala lamang sa alyas na “Jan,” ng Barangay Pasolo, Valenzuela City.

Ayon sa pulisya, dating karelasyon ng suspek ang biktima na nawala noong Hulyo 20.

Nabatid na nangumpisal si ‘Jan’ na siya ang tumodas kay Sagal nang tanungin ng pulisya sa isang drug rehabilitation center sa Pampanga kung saan siya sumuko noong Hulyo 26 dahil minumulto umano siya ng biktima.

Natagpuan ang bangkay ni Sagal ng mga kawani ng Valenzuela City Waste Management Office na nagtanggal ng water lily sa kahilingan ni Luciano P. Marcelo, barangay chairman ng Pasolo, matapos na isang itim na plastic bag ang lumutang sa fishpond laman ang bangkay ng biktima.

 

Please follow and like us:
Read More

58-ANYOS CLASS ADVISER BINISTAY SA LOOB NG KLASE

crimeshooting12

(NI ANNIE PINEDA)

BUMAHA ng dugo ang loob ng silid-aralan makaraang pagbabarilin ng dalawang hindi pa kilalang mga suspek ang isang guro habang nagkaklase, sa Zamboanga del Sur.

Kinilala ang biktimang si Narcisa Gumibao Caay, 58, Grade 6 class adviser, ng Balongating National High School, Brgy. Balongating, Guipos, Zamboanga del Sur at residente ng nasabing lugar.

Batay sa report ng pulisya, kasalukuyang nasa loob ng classroom ang biktima nang bigla na lamang sumulpot ang dalawang lalaki na nakasuot ng jacket at helmet.

Dito, walang sabi-sabing pinagbabaril si Caay na tinamaan ng tatlong beses sa iba’t ibang parte ng katawan na agad nitong ikinamatay.

Matapos ang pamamaril mabilis naman tumakas ang mga suspek sa hindi malamang direksyon lulan ng motorsiklo.

Sa ngayon nagpapatuloy ang ginagawang follow-up investigation ng pulisya para alamin ang tunay na motibo sa pamamaril at pagkakakilanlan sa mga suspek para sa agaran ikadarakip sa mga ito.

 

Please follow and like us:
Read More