MINIBUS TUMAGILID; 26 SUGATAN

(NI AMIHAN SABILLO)

AGAD naisugod sa pagamutan ang nasa 26 pasahero matapos bumagsak patagilid ang sinasakyan nilang minibus sa national highway na sakop ng Sitio Sandayong, Barangay Liko, Sogod, Cebu.

Ayon kay Police Staff Sergeant Raymund Bacordo ng Sogod Police station, patungong Cebu City ang minibus na may sakay na  40 mga pasahero, kabilang ang driver nito at dalawang konduktor nang mangyari ang aksidente dakong alas 2:00 ng madaling araw ngayong Lunes.

Napag-alaman na may lima sa 26 na sugatan ang nasa malubhang kalagayan bunsod ng mga tinamong sugat sa iba’t ibang bahagi ng katawan.

Isinugod ang mga ito sa  Cebu City Hospital para malapatan ng lunas habang ang mga bahagyang nasaktan ay dinala sa Sogod District Hospital.

Sa paunang imbestigasyon, binilisan umano ng driver na si  Edgar Munez Atendido, 44, ang takbo  para mag-overtake sa isang bus sa kaniyang harap subalit nawalan umano ito ng kontrol dahilan para mawala ito sa balanse hanggang tumagilid ito nang tuluyan.

Mahaharap si Atendido sa kasong multiple physical injury at damage to property.

 

Please follow and like us:
Read More

SUMABIT SA TRIKE, NADALE NG BUS

accident12

(NI SIGFRED ADSUARA)

NASAWI ang isang 33-anyos na lalaki nang nasagi ang sinasakyang triycle  ng kasalubong na mini bus habang nakasabit sa labas ng sidecar sa Naic, Cavite.

Dead on arrival sa San Lorenzo Hospital ang biktimang si Dante Marcellana, binata ng Brgy Sapang 2, Ternate, Cavite, habang kapwa inaresto naman ang driver ng isang pampasaherong mini bus na isang  kulay green na Fuso na may plakang DXW 485 na minamaneho ni Jayson Manalo ng Brgy., Munting Mapino, Naic Cavite at  isang Red Honda TMX na motorsiklo na may sidecar na minamaneho ni Mark Kevin Dicem , 28, kung saan sakay nito ang biktima.

Sa ulat ni PSSgt Rodrigo Veloso III ng Naic Municipal Police Station, dakong alas-11:00, Linggo ng gabi nang naganap ang insidente  sa kahabaan ng Governor’s Highway, Brgy., Malainen Bago, Naic, Cavite kung saan may  magkaibang bersiyon na kuwento ng mga driver ng dalawang sasakyan.

Ayon kay Manalo, binabagtas niya ang kahabaan ng Governor’s Highway, Brgy., Malainen Bago, Naic, Cavite patungo sa direksiyon ng Maragondon proper at napansin ang biktima na nakatayong nakabitin ito sa sidecar ng minamanehong tricycle ni Dicem, pero sa bersiyon naman ni Dicem, binabagtas nito ang direksiyon ng Naic town proper nang napansin na nag-overtake ang bus at okupahan ang kalsada dahilan upang masagi sila na nagresulta upang madale ang kanyang sakay.

Pero ayon kay Veloso, lumalabas na lasing ang driver ng tricycle at may nakita ring mga bubog na dalawang sasakyan sa nabanggit na lugar na ipinapalagay na nagbanggan ang dalawang sasakyan.

Please follow and like us:
Read More