CHECKPOINTS SA MINDANAO MANANATILI KAHIT WALA NANG ML

(NI AMIHAN SABILLO)

MANANATILI at walang pagbabago sa pagpapatupad ng checkpoints sa Mindanao ang Armed forces of the Philippines (AFP) kahit wala nang martial law.

Ito ang inihayag ni AFP Spokesperson Bgen. Edgard Arevalo kaugnay ng mga inaasahang pagbabago sa Security protocols sa Mindanao matapos magdesisyon ang Pangulo na wag nang palawigin ang martial law pagkatapos ng December 31.

Sinabi pa ni Arevalo, dati na rin namang may mga checkpoints sa Mindanao at ang “frequency” lang naman ng checkpoints ang nadagdagan sa pagpapairal ng martial law.

Magkakaroon lamang umano ng konting adjustments kung saan kailangan pa ang mga ito.

Sinabi naman ni Western Mindanao Command Commander Lt Gen. Cirilito Sobejana na mananatili ang “operational tempo” ng AFP sa Mindanao sa pagtatapos ng martial law.

Wala din umanong pagbabago sa kanilang security plan, para panatilihing ang ‘momentum’ laban sa mga naghahasik ng kaguluhan sa Mindanao.

Matatandaan na sa nakalipas na pagpapatupad ng batas militar ay naging mas ‘manageble’ na ang security situation sa Mindanao, bagamat may mga armadong grupo pa na nag-ooperate sa Maguindanao at Sulu.

 

Please follow and like us:
Read More

PLANONG PAG-ATAKE NG TERORISTA NAUNSYAMI

NPA

(NI JG TUMBADO)

NAUNSYAMI ang planong paghahasik ng terorismo ng ISIS terror linked na Dawla Islamiyah (DI) at Bangsamoro Islamic Freedom Fighters (BIFF) sa ilang mahahalagang pasilidad sa Central Mindanao makaraang madiskubre at masabat ang malalakas na uri ng pampasabog ng militar.

Narekober ng mga sundalo ang nasa labing dalawang ibat ibang home made explosive devices sa kalagitnaan ng surgical operations laban sa nabanggit na teroristang grupo sa bulubunduking bahagi ng Shariff Saydona Mustafa.

Ayon kay Major Gen. Diosdado Carreon, commander ng 6th Infantry Division at pinuno ng Joint Task Force Central (JTFC), kabilang sa mga nakumpiska ang mga Improvised Explosive Devices o IED, ibat iba rin na uri ng armas, at ilang mga bomb-making equipment.

Sa Barangay Pamalian, Shariff Saydona, ay hiwalay na nakuha ang high powered armalite rifles na may mga bala, improvised bombs na yari sa hand grenade at nakakabit sa live 81 mm mortar at iba pang sangkap sa paggawa ng IED.

Sinabi ni Carreon na gagamitin umano sa pag atake sa ibat ibang lugar sa Maguindanao at ilan pang mga kalapit na lalawigan ang mga pampasabog.

Batay sa intelligence report, ang mga bomba ay gagamitin at ipakakalat sa mga lansangan ng Maguindanao at mga matataong lugar sa Cotabato, Maguindanao at Sultan Kudarat.

Please follow and like us:
Read More

M’DANAO QUAKE: GURO ITINAYA ANG BUHAY SA MGA ESTUDYANTE

(NI DONDON DINOY)

MAKILALA, North Cotabato-Viral ngayon sa social media ang isang guro ng day care matapos itaya ang buhay masagip lang ang mga bata mula sa mga gumuhong pader dahil sa malakas na lindol noong Martes.

Kinilala ang guro na si Erlinda Ajero, residente sa lugar, na nagtamo rin ng mga sugat sa katawan at ulo matapos tamaan ng mga hollow blocks.

Agad dinala sa ospital ang ginang at nasa maayos na ang kalagayan.

Sinabi ng anak nito na si Mark, guro rin sa Kidapawan City, nabigla na lamang siya namg malaman ang nangyari sa kanyang ina.

Ayon sa kanya, may aktibidad umano sa silid-aralan ng ina nang biglang tumama ang magnitude 6.6 na lindol, alas 9:04 ng umaga kung saan ang epicenter nito ay sa Tulunan, North Cotabato.

Sa kasagsagan ng pagyanig ay niyakap umano ng guro ang kanyang mga mag-aaral ngunit natamaan ng nahulog na hollow blocks sa katawan.

Matapos ang pag-uga ng lupa ay isa-isang pinalabas ng guro ang mga bata ngunit nakita nito na may naiwan pa sa loob kung kaya’t kanyang binalikan ngunit nahulog na naman ang ilang hollow blocks kaya tinamaan ito sa ulo.

Please follow and like us:
Read More

MINDANAO NIYANIG NG 6.6 LINDOL

lindol12

NIYANIG ng magnitude 6.6 earthquake ang ilang bahagi ng Mindanao kanila, ayon sa Philippine Institute of Volcanology and Seismology (Phivolcs).

Ang epicenter ay naitala sa Tulunan town sa Cotabato province, kung saan nilindol din nitong buwan na pumatay sa tatlo katao.

Naitala ang lakas ng lindol sa:  Intensity VII – Tulunan at Makilala, Cotabato; Kidapawan City; Malungon, Sarangani

Intensity VI – Davao City; Koronadal City; Cagayan de Oro City

Intensity V – Tampakan, Surallah at Tupi, South Cotabato; Alabel, Sarangani

Intensity IV – General Santos City; Kalilangan, Bukidnon

Intensity III – Sergio Osmeña Sr., Zamboanga del Norte; Zamboanga City; Dipolog City; Molave, Zamboanga del Norte; Talakag, Bukidnon

Intensity I – Camiguin, Mambajao

The U.S. Geological Survey also measured the quake at Magnitude 6.6.

“Mas malakas ito kumpara sa nakaraang lindol,” sabi ni Tulunan Mayor Reuel Limbungan, na ang tinutukoy ay ang magnitude 6.3 na lindol na tumama sa noong Oktubre 16 na sumira sa mga barangay hall, health center, at senior citizen’s hall.

Sinuspinde na ang klase at trabaho sa lahat ng pampubliko at pribadong kompanya sa Tulunan.

 

Please follow and like us:
Read More

BABAENG NPA LEADER SA MINDANAO, TIMBOG

npa12

(NI DONDON DINOY)

DAVAO CITY–Ikinagalak ng mga otoridad sa Davao Region ang pagkaaresto ng ikinokonsiderang “top 1 wanted terrorist” sa Mindanao matapos isailalim sa manhunt operation, alas 4:45 ng hapon sa San Francisco Public Market sa Agusan del Sur.

Ayon sa Police Regional Office-11, nahuli ang notoryus na kumander ng New People’s Army (NPA) na si Rachel Cortez Daguman, alyas Kumander Jasmin, 44-anyos, itinuturing secretary ng Front Committee 51 ng rebeldeng komunista.

Kinilala rin ang naaresto na pinuno ng Regional Peasant Bureau at residente sa Brgy. Coronon, Sta. Cruz, Davao del Sur.
Ang suspek ay may warrant of arrest sa kasong robbery with homicide na walang bail bond na nilagdaan ni Judge Carmelita Davin sa Branch 19 ng Digos City noong Nobyembre 28, 2008.
Maliban dito ay may dalawang kasong murder din si Kumander Jasmin mula sa Regional Trial Court (RTC) Branch 18 na ipinalabas ni Presiding Judge Marivic Trabajo-Daray at kasong frustrated murder mula sa RTC Branch 20 na nilagdaan ni Presiding Judge Albert Axalan.

Agad namang dinala sa Bureau of Jail Management and Penology (BJMP) ng Digos City ang nasabing lider ng NPA.

Sa ngayon, ipinapatupad na ng BJMP ang mahigpit na seguridad sa paligid ng kulungan matapos makulong ang high ranking NPA leader.

 

Please follow and like us:
Read More

‘INENG’ PAALIS, BAGONG LPA NAMATAAN SA M’DANAO

bagyo1

HABANG paalis ng bansa ang bagyong ‘Ineng’, namataan naman ang isang bagong low pressure area sa Mindanao at minomonitor na ngayon ng Pagasa.

Sinabi ni weather specialist Gener Quitlong na ang LPA ay namataan sa 1,900 kilometers east ng Mindanao at kasalukuyang wala pang direktang epekto sa bansa.

Nagpapatuloy naman si ‘Ineng’ patungong Batanes at namataan sa 105 kilometers east-northeast ng Basco town.

May bitbit itong lakas na 100 kilometer per hour (kph) at pinakamalakas na hangin ng hanggang 125 kph.

Nakataas pa rin sa signal number 2 ang Batanes at Babuyan Group of Islands.

Ang Apayao, Cagayan, Ilocos Norte, Isabela, Kalinga at northern Abra ay nasa signal number 1.

Sinabi ni Quitlong na magpapatuloy ang malalakas na pag-ulan sa Ilocos Region, Cordillera Administrative Region, Batanes at Cagayan, kabilang ang Babuyan Group of Islands, Metro Manila, Zambales, Bataan, Cavite, Laguna, Batangas, Rizal, Mindoro Provinces, northern portions ng Palawan, kabilang ang Calamian at Cuyo Islands, Aklan, Antique, Iloilo at Guimaras.

Inaasahang aalis ng bansa si ‘Ineng’ Sabado ng hapon o gabi.

 

Please follow and like us:
Read More

MAHIGIT P23-M NAKUHA SA INVESTMENT FIRM; STAFF NAKATAKAS 

(NI AMIHAN SABILLO)

SINALAKAY  ng mga kawani ng Criminal and Investigation and Detection Group (CIDG) ng Philippine national Police (PNP), Philippine Army (PA) at Armed Forces of the Philippines (AFP) ang isang investment firm sa Brgy. Cubi-cubi, Nasipit, Agusan Del Norte na nasasangkot umano sa scam dahil sa paglabag sa securities and regulations code.

Ayon kay CIDG Spokesperson Lt. Col. Mary Grace Madayag, alas-8 Miyerkoles ng gabi nang magsagawa ng operasyon laban sa FRX Rice Trading, makaraang makatanggap ng ulat mula sa isang confidential informant na mayroong pay out nitong Miyerkoles ang mga miyembro ng trading company kaya naman nagkasa sila ng operasyon.

Nasaktuhan pa sa lugar ang mga kasapi ng trading company na nakatanggap na ng payout ngunit sa kasamaang-palad ay nakatakas naman ang mga staff ng FRX.

Kabilang sa mga nakuha sa kumpanya ang 5 storage box na naglalaman ng mahigit P23 milyon, tatlong  counting machines, 127 logbooks, tatlong notebook at 5 piraso ng folder.

Matatandaan na bago nito, apat na investment scam company na rin ang nasalakay ng CIDG na karamihan ay nag o-operate sa Mindanao.

 

Please follow and like us:
Read More

SANGGOL NALUNOD SA BALDE NG TUBIG; 1 NA-HOSTAGE

baby feet12

(NI JESSE KABEL)

PATAY na nang iahon ang isang anim na buwang gulang na sanggol matapos umanong malunod sa balde ng tubig, Lunes ng umaga sa lungsod ng Bacolod.

Lumitaw sa pagsisiyasat na hindi namalayan ng mag-asawang Liana Mae Aloro na nagising ang kanilang anak at sa paglalaro nito ay nakarating sa kanilang kusina at  gumapang patungong balde na puno ng tubig.
Nagawa pang dalhin sa hospital ang sanggol subalit idineklarang dead on arrival na ito.

Samantala nalagay naman sa bingit ng kamatayan ang isang pitong buwang gulang na sanggol nang tangayin ito at gawing hostage ng isang 60-anyos na lolo nitong nakalipas na lingo sa bayan ng Ampatuan sa Maguindanao.

Ayon kay P/Maj. Guilbert Aporbo, hepe ng Ampatuan PNP, inilapag umano ng kanyang lola ang baby dahil may bumili sa kanilang tindahan, at saka ito binuhat ng suspek na pinsan ng lolo ng sanggol .

Bitbit ang sangol at armado ng itak ay umalis ang suspek subalit naharang ito sa  national highway na buhat ang sanggol.

Hinihinalang may sayad ang matanda nang itapat nito sa leeg ng sanggol ang hawak na itak.

Mabuti na lamang at makaraan ang ilang minuto, nakumbinsi rin ang suspek at nakuha ang sanggol na masuwerteng nakaligtas.

Nang bitawan ang sanggol ay agad kinuyog ng galit na taumbayan ang suspect.

 

Please follow and like us:
Read More

MGA PULIS SA INVESTMENT SCAM SA REGION 7, SISIBAKIN

central visayas12

(NI NICK ECHEVARRIA)

SISIBAKIN sa puwesto at kasamang kukumpiskahin ang service firearms ng sinumang pulis na mapatutunayang naglagak ng investment sa Kapa-Community Ministry International Inc., isang independent religious corporation.

Ito ang mahigpit na babala ni P/BGen. Dobold Sinas, Director ng Police regional Office (PRO) 7.

Ginawa ni Sinas ang babala makaraang mabatid ang mabilis na pagdami ng mga recruits na nag-invest sa ‘Kapa’ na umabot na sa 10,000 sa loob lamang ng tatlong linggong operasyon nito sa Cebu.

Pangunahing target umano ng ‘Kapa’ na ma-recruit ang mga police, mga miyembro ng Bureau of Jail Management and Penology (BJMP),  Bureau of Fire Protection (BFP) sa Region 7 at mga guro, kung saan ang iba umano sa mga ito ay nakapaglagak na umano ng investment.

Ayon sa Securities and Exchange Commission (SEC), nangongolekta umano ang ‘Kapa’ ng investments mula sa publiko na itinatago bilang donasyon kasunod ang pangako na bibigyan sila ng 30%  na tubo ng kanilang investment sa bawat buwan.

Paliwanag ni Sinas ang mga nakokolektang pera mula sa mga recruits ng ‘Kapa’ sa Central Visayas ay ginagamit namang pambayad sa mga kliyente nito sa Mindanao.

Sinabi pa ni Sinas na itinuturing na pinaka-agresibong pyramiding schemes ang ‘Kapa’ at may malawak na operasyon sa Mindanao.

Naniniwala ang opisyal na sakaling makapagtayo ng tanggapan sa Region 7, dadalhin ng ‘Kapa’ ang kanilang magiging koleksyon sa Mindanao para ipambayad naman sa mga nabiktima  nila doon.

Nitong nakalipas na June 1, dinisarmahan ng mga tauhan ng Civil Security Unit ang dalawang guwardiya ng ‘Kapa’ sa kanilang opisina sa Sitio Hika, Poblacion, Compostela Valley, Cebu makaraang matuklasan na walang lisensiya ang mga service firearms  ng mga ito na isang shotgun at 9mm pistol.

Noong April 3 naman nang ipawalang-bisa ng SEC ang Certificate of Corporate Registration ng Kapa-Community Ministry International Inc, dahil ang pangongolekta nito ng investment mula sa kanilang mga miyembro na itinatago bilang donasyon ay walang kaugnayan sa kanilang pakay bilang religious organization at isa umanong malaking panloloko.

Patuloy ang pakikipag-ugnayan ni Sinas sa SEC kaugnay sa ipinalabas na cease and desist order nito laban sa ‘Kapa’ para magsagawa ng raid at hindi na makapang-biktima pa ang naturang establisimyento.

Please follow and like us:
Read More

DINAMITA SUMABOG SA DAGAT; MAG-TIYUHIN MALUBHA

dynamite12

(NI NICK ECHEVARRIA)

SUGATAN ang mag-tiyuhin makaraang masabugan ng dinamita na gamit sa pangingisda sa Cotabato City, Biyernes ng umaga.

Kinilala ni Abdul Marudin, lider ng isang sitio sa Coastal Village ng Kalanganan, ang dalawang biktima na malubhang nasugatan  na sina Datu Matabalao at ang kanyang tiyuhin na si Mahdi na kapwa nakatira sa nasabing lugar.

Sa salaysay ni Marudin nangingisda ang mag-tiyuhin sa bukana ng Rio Grande de Mindanao nang bigla na lamang sumabog ang tatlong improvised dynamites na nakatago sa loob ng kanilang bangka bandang alas-11:00 ng umaga.

Mabilis namang nasaklolohan ng iba pang kasamang mga mangingisda ang mga biktima at agad na dinala sa Cotabato Regional Medical Center kung saan sila nagpapagaling ngayon.

Lumalabas sa  imbestigasyon ng pulisya na marunong gumawa ng mga pampasabog ang mag-tiyuhin na ginagamit sa pangingisda.

Ipinag-utos naman ni P/Col. Michael Lebanan, Director ng Cotabato City Police ang mahigpit na pagbabantay sa pagma-manufacture ng mga dinamita sa nasabing lugar na ginagamit sa ilegal na pangingisda, para mailigtas ang mga buhay at maingatan ang mga yamang dagat.

Sa kabila ng mahigpit na pagbabawal sa dynamite fishing, patuloy ang ilang mga mangingisda sa paggamit nito sa nabanggit na coastal village at sa ilang mga kalapit na lugar sa Maguindanao dahil umano sa mahinang pagpapatupad batas tungkol dito.

 

Please follow and like us:
Read More

BAGYONG ‘CHEDENG’ INAASAHANG PAPASOK SA BANSA

chedeng

NAGING bagyo na ang low pressure area (LPA) na nasa labas pa lamang ng Philippine Area of Responsibility (PAR).

Huling namataan ang tropical depression sa layong 1,595 kilometro silangan ng Mindanao.

Taglay ng bagyo ang lakas ng hanging aabot sa 45 kilometro kada oras malapit sa gitna at pagbugsong 60 kilometro kada oras.

Kumikilos ang bagyo sa direksiyong kanluran sa bilis na 22 kilometro kada oras.

Sa ngayon ay wala pang direktang epekto ang bagyo sa ano mang bahagi ng bansa ngunit inaasahan na itong papasok Sabado ng gabi o Linggo ng madaling araw.

Pagpasok ng PAR ay papangalanan itong bagyong ‘Chedeng’.

 

Please follow and like us:
Read More

El NIñO RAMDAM NA SA MINDANAO

el1

KORONADAL CITY – Nararamdaman na umano sa ilang bahagi ng Mindanao ang nakapainit na panahong banta ng El Nino, ayon sa pagmomonitor ng Philippine Atmospheric Geographical and Astronomical Services Administration (PAGASA).

Sinabi ni PAGASA forecaster Benrio Beñon, nasa estado aniya sila ng El Niño watch lalo na sa Region 12 na isa sa mga maaapektuhan ng dry spell.

Sa pagtatapos ng Pebrero inaasahang papasok ang El Nino at posibleng tumagal ng limang buwan.

Posibleng tamaan ang mga probinsya ng South Cotabato, Sarangani, North Cotabato, Sultan Kudarat, Lanao del Norte, Lanao del Sur, Bukidnon, Misamis Oriental, Davao del Sur, at iba pang mga kalapit na lugar.

Kaugnay nito, ngayon pa lang ay nangangamba na ang mga rice farmers lalo na sa SOCSKSARGEN (South Cotabato, Cotabato, Sultan Kudarat, Sarangani, General Santos City) dahil malaking banta ito sa produksyon ng bigas sa rehiyon na posibleng maging dahilan upang magkaroon na naman ng krisis sa pagkain.

 

 

Please follow and like us:
Read More

NPA TARGET NG OPENSIBA SA MINDANAO

npa1

ZAMBOANGA CITY – Walang humpay ang opensiba ng militar kontra New People’s Army matapos lusubin ng mga sundalo at makubkob ang isang kampo ng rebedeng grupo sa Agusan del Sur sa Mindanao.

Dalawang rebelde ang napatay ng mga tropa kamakalawa sa naturang operasyon sa bayan ng San Luis na kung saan ay natunton ng mga ito ang taguan ng NPA sa Barangay Binicalan.

Nabawi ng mga sundalo ang mga bangkay at dalawang armas, ngunit nakasibat naman ang maraming iba sa nasabing labanan. Walang inulat na nasawi sa panig ng militar at patuloy pa rin kahapon ang operasyon ng mga sundalo laban sa NPA sa lalawigan at iba pang bahagi ng rehiyon.

Ang opensiba ay kasunod ng kautusan ni Pangulong Rodrigo Duterte sa militar na durugin ang NPA matapos na pumalya ng maraming beses ang peace talks. Nais ng komunistang grupo na palayain ni Duterte ang lahat ng mga rebeldeng nakapiit sa bilangguan sa buong bansa bilang kondisyon sa isang ceasefire.  Al Jacinto

Please follow and like us:
Read More