SARAH, MATTEO DAPAT MAGSAMA MUNA SA PELIKULA BAGO ANG KASAL

pwede ed deleon(NI ED DE LEON)

ALAM ninyo kung ano ang magandang ideya, ngayong umamin na sina Sarah Geronimo at Matteo Gudicelli na engaged na nga sila nang isang taon na, mas maganda kung hindi muna gagawin ni Sarah ang pelikulang kasama si Daniel Padilla. Itigil na rin muna iyong character film ni Matteo Guidicelli. Dapat pagawin muna sila ng isang project na magkasama bilang isang love team bago sila pakasal.

Ano nga ba ang dahilan para hindi pa nila sabayan iyang “real life love team” na iyan kung sakali. Alam naman ninyo ang mga fans, mahilig sa mga makatotohanang love team. At tandaan ninyo, kung sakali ngayon lang magkakasama sina Sarah at Matteo sa isang project. Hindi ba iyon naman ang gusto ring mangyari ni Matteo kaya siya lumipat ng management company?

Alam niyang mas maganda ang kanyang chances kung may back up siya ng isang malaking network, pero gusto niyang magkasama na sila ni Sarah eh, kaya siya lumipat. Iyon lang naman ang masasabi mong considerations sa desisyong iyon.

Ang dami-dami nilang sinusugalang love team na wala rin naman, bakit hindi nila sugalan ngayon sina Matteo at Sarah, na nakikita naman ng marami na may potentials nga lalo na ngayong aminin na nila na engaged sila at may plano nang pakasal. Basta naunahan pa kayo ng kasal niyan wala na. Baka maulit na naman sa inyo iyong mas mahaba ang pila sa bilihan ng popcorn kaysa sa pumapasok sa sine.

Baka iyan din ang muling mag-aangat kay Sarah matapos ang pelikula niyang hindi masyadong hit. Iyan din ang makapaghahanda kay Matteo para sa isang solo movie na balak nilang ipagawa sa kanya. Makakatulong din iyan nang malaki kay Matteo para ang kanyang image ay mas maibaba pa nang kaunti sa masa.

Iyang mga ganyang bagay, pinag-iisipan na iyan.

STILL UNRESOLVED AFTER 18 YEARS ANG DEATH  NI NIDA BLANCA

May nagpaalala lang sa amin kahapon, labing walong taon na nga pala ang nakaraan simula noong paslangin ang aktres na si Nida Blanca at matagpuan siyang wala nang buhay sa parking lot ng Atlanta Building sa Greenhills kung saan naroroon noon ang office ng MTRCB. Board member noon si Nida ng MTRCB.

Kung anu-anong theory ang lumabas sa nangyaring krimen, hanggang sa ipinako nila ang kanilang atensiyon bilang suspect ang kanyang asawang si Rod Strunk. Iyong mga kaibigan nilang malapit sa kanila, hindi naniniwala na magagawa ni Rod Strunk na patayin o ipapatay si Nida. Ang ebidensiya lang naman nila, bumili daw ng swiss knife si Rod. Eh hindi naman sinabing swiss knife ang isinaksak kay Nida.

Basta tapos na daw ang kaso, kasi sabi nila nag-suicide na raw si Rod Strunk nang tumalon mula sa second floor ng tinitirahan niyang hotel sa US. Talaga bang nag-suicide siya o nalasing lang at nahulog mula sa second floor? Bakit sigurado ba sila talagang si Strunk ang may kagagawan noon? Hindi ba itinanggi iyon ng kanilang witness na si Philip Medel?

 

Please follow and like us:
Read More

HINDI MALAYONG SI MAINE ANG SUSUNOD KAY ANGEL

pwede ed deleon(NI ED DE LEON)

KATATAPOS pa lang makipag-engage ni Angel Locsin sa kanyang boyfriend, ang tinatanong nila ay kung sino naman daw kaya ang susunod. May nagtatanong sino kaya ang mauuna kina Maine Mendoza at Kathryn Bernardo?

Doon sa tanungang iyan, hindi na kasama si Nadine Lustre dahil aminado naman sila ng kanyang boyfriend na si James Reid na nagli-live in na sila. Hindi lang engagement iyan dahil nagsasama na eh. Hindi na kailangang tanungin iyan.

Iyang si Kathryn Bernardo, aminado naman na totoong may relasyon sila ng kanyang boyfriend na si Daniel Padilla. Inamin na rin naman nila ang katotohanan na talagang matagal na ang kanilang relasyon bagama’t noong una ay hindi nila inaamin. Natural lang naman iyon dahil siguro noong panahong iyon ay hindi pa sila sigurado sa isa’t isa. Noong sigurado na sila, at saka umamin na talaga ngang mag-syota na sila.

Pero bago pa man iyang kanilang pag-amin sa publiko na may relasyon sila, nag-post na ng tukso ang nanay ni Kathryn na “may nag-propose na”. Pero natakpan agad iyon at wala namang umamin noon. Pero bakit magsasabi nang ganoon ang nanay ni Kathryn kung wala siyang nalalaman?

Iyan namang si Maine, wala pa namang sinasabing nag-propose na ang kanyang boyfriend na si Arjo Atayde. Pero mapapansin mo na halos hindi na sila nagkakahiwalay. Madalas din silang magkasama sa abroad na mukhang silang dalawa lang talaga. Hindi sinasabing may barkada sila. Hindi rin sinasabing may kasama silang kamaganak, basta silang dalawa lang.

Kung ganyan na rin ang sitwasyon, matindi na rin ang relasyong  ‘yan. Hindi nga malayo na isang araw magulat na lang tayo iyang si Maine pala ang susunod kay Angel.

SASAYANGIN LANG NI MATTEO ANG HITSURA NIYA SA ACTION MOVIES NA HINDI NA USO

Tama ang sinasabi ng ilang observers. Tiyak na pagkatapos ng military training niyang si 2nd. Lt. Matteo Guidecelli, tiyak ang sasabihin ay nakahanda na siyang gumawa ng isang action picture. Iyong training niya sa scout rangers, para lang pagsasanay noong araw sa SOS Daredevils.

Sinasabi nga nila, iyong huling seryeng ginawa ni Matteo sa telebisyon, iyong Bagani ay isang action fantasy rin naman at mahusay siya roon. Pero kung kami ang tatanungin, hindi bagay si Matteo sa action. Sayang kasi iyong hitsura niya kung action movies lang ang gagawin niya samantalang sa totoo lang kapos tayo sa mga batang leading men na may hitsura.

Kaya nga iyong iba mga mukhang ampaw, mukhang kung masasalubong mo sa West Philippine Sea ay babanggain ka, pinipilit minsang gawing bida. Eh wala eh. Tapos ba sasayangin ninyo ang hitsura ni Matteo sa mga action pictures lamang na hindi naman uso ngayon?

 

Please follow and like us:
Read More