2 TOTOY NAGLAKO NG DAMO, ARESTADO

MARIJUANA

CAVITE – Gustong makatikim ng luho ng katawan, luminya sa paglalako ng marijuana ang isang 16-anyos na senior high school student, isa pang menor de edad at dalawang kasamahan nito ngunit minalas na madakip sa isinagawang buy-bust operation sa magkahiwalay na lugar sa Imus City sa lalawigang ito.

Hawak ngayon ng Department of Social Welfare and Development (DSWD) ang dalawang menor de edad na sina alyas “James”, 17, out-of-school youth, at alyas “Marcus”, 16, senior high school student, habang nakakulong naman sa Imus City Custodial Center ang kasama nilang sina Joel Bautista, 18, at Lester Mendoza, 21, pawang ng lalawigan ng Cavite.

Sa ulat ni P/SSgt. Mak Joseph Jader ng Imus City Police Station, dakong alas-12:30 kahapon ng madaling araw nang unang isinagawa ang buy-bust operation ng mga elemento ng Drug Enforcement Unit (DEU) ng Imus CPS sa Brgy. Palico 1, ng naturang lungsod na nagresulta sa pagkakaaresto kay James at nakuha sa kanyang pag-iingat ang tinatayang 64.1 gramo ng marijuana na P3,400 ang street value.

Dakong ala-1:20 kahapon ng madaling araw nang muling nagsagawa ng buy-bust operation sa Brgy. Malagasang 2-G, Imus City, Cavite na nagresulta sa pagkakaaresto kina Marcus, Bautista at Mendoza at narekober sa kanilang pag-iingat ang tinatayang 104.3 gramo ng pinatuyong marijuana na may street value na P4,400.

Ayon kay Jader, tila garapalan muli ang pagbebenta ng  marijuana dahil bumaba ang presyuhan at  dumarami ang suplay. (SIGFRED ADSUARA)

Please follow and like us:
Read More

6 DRUG PERSONALITIES HULI SA SHABU, MARIJUANA

SHABU-MARIJUANA

ANIM katao na sinasabing sangkot sa operasyon ng droga ang inaresto matapos mahulihan ng P320,000 halaga ng ilegal na droga sa magkahiwala na drug operations sa Caloocan City kahapon ng madaling araw.

Unang inaresto ng mga rumespondeng pulis ang mga suspek na sina Anthony Justine Ebio, 18; Reynaldo Galves Jr., 37 at Bernie Grande, 36 sa Barangay 155, Bagong Barrio bandang 12:30 ng umaga.

Nabatid na may tumawag na impormante sa pulisya at ipinagbigay alam na may transaksyon ng droga ang tatlong suspek na nakuhanan ng apat na plastic ng shabu na may timbang na 17.82 gramo na may street value na P121,176 at isang bloke ng pinatuyong dahon ng marijuana na may timbang na 250 gramo at market price na P30,000.

Naaresto rin ng mga pulis sina Emrinor Tenorio, 54; Jennifer Bugante, 45 at Victor Barajas, 19, sa isinagawang buy-bust operation sa kanto ng Ilang-ilang St sa Barrio Concepcion sa Barangay 188.

Aktong iniaabot ng mga suspek ang shabu sa isang poseur buyer cop kapalit ng buy bust money na P1,000 nang biglang lagyan ng posas ang mga kamay ng mga ito.

Mabawi mula sa tatlong suspek ang 25 gramo ng shabu na  may street value na P170,000.

Pawang nakapiit ang mga suspek at nahaharap sa kasong paglabag sa Comprehensive Dangerous Drugs Act of 2002. (Alain Ajero)

Please follow and like us:
Read More

RAKET SA SIMBANG GABI; TEENAGER HULI SA MARIJUANA

(NI ALAIN AJERO)

ISANG teenager na bukod sa pagtitinda ng ‘ready to wear’ na damit ay nagtutulak din ng marijuana sa gilid ng simbahan ang dinakip at nakuhanan ng P120,000 halaga ng droga sa Caloocan City, Sabado ng gabi.

Napipintong sa piitan abutin ng Pasko si Jenard Velasco alyas “Chong Good,” 19, ng  11B, Milegos St., Brgy. 98, Zone 9, Caloocan, City, na kakasuhan ng paglabag sa Comprehensive Dangerous Drugs Act of 2002.

Naganap ang insidente alas- 8:20 ng gabi sa gilid ng Our Lady of Grace Church sa sa 11th Avenue, Brgy. 90, Zone 8, ng lungsod.

Nakabili ng chongke ang isang parak kay Velasco at nang sumenyas ang poseur-buyer sa mga kasama ay dinaluhong na ng mga parak ang suspek.

Nakumspiska kay Velasco ang isang malaking plastic ng marijuana at  isang medium na plastic ng marijuana na tumitimbang na humigit-kumulang isang kilo at nagkakahalaga ng P120,000.

Nasamsam din kay Velasco ang isang tunay na 1,000 bill na naka-bundle sa 14 na pekeng pera na ginamit sa operasyon, isang plastic bag at isang itim na motorsiklo.

 

Please follow and like us:
Read More

‘POT SESSION’ SA PNP PATROL CAR; 8 TIMBOG

(NI JUN V. TRINIDAD)

QUEZON – Timbog ang walong kabataan, pito ay pawang menor-de-edad, habang sama-samang humihihit ng marijuana sa loob ng sirang sasakyan ng pulis sa Tayabas City sa lalawigang ito, araw ng Lunes.

Sa report ng pulisya, huli sa akto si Jovert de la Peña, 18, at ang pito niyang kasamahan habang nagsasagawa ng ‘pot session’ sa loob ng sirang Mahindra mobile patrol 141 na nakaparada sa loob ng isang talyer  sa Barangay Wakas dakong 1:10  ng madaling araw.

Nakumpiska sa mga suspect ang maliit na glass tube na naglalaman ng 2.45 gramo ng tuyong dahon ng marijuana, cigarette papers at iba pang kagamitan sa paghitit ng damo.

Batay sa report, tumanggap ng tawag mula sa isang tipster ang Tayabas police station sa kanilang hotline at isinumbong ang nagaganap na pot session sa talyer.

Sa pagresponde ng mga pulis ay huli sa akto ang grupo na abala sa ginagawang tsongkehan sa loob ng sasakyan ng parak.

Ang pitong suspek na itinuturing na “children in conflict with the law” ay nasa ilalim ng kustodiya ng Women and Children Protection Desk.

Si De la Peña naman ay nakakulong sa police jail.

 

Please follow and like us:
Read More

P1.8-M KUSH INIPIT SA SLEEPING BAG, NASABAT SA NAIA

(NI KOI HIPOLITO)

ARESTADO ng mga operatiba ng PDEA at ng NAIA Inter-Agency Drug Intediction Task Group (NAIA-AIDTG) ang isang suspek na claimant ng hindi bababa sa P1.8 milyon ng mga pinaghihinalaang high grade na marijuana o kush na tinangkang palusutin matapos itong ideklarang “Marvel Comic at Sleeping Bag” nitong Biyernes ng hapon sa Central Mall Exchange Center (CMEC) sa lungsod ng Pasay City.

Base sa report ng Customs NAIA frontliners, ang kontrabando ay nakapangalan sa isang indibidwal na nakatira sa Taguig City at nang isailalim sa physical inspection ng mga otoridad ang laman nasabing sleeping bag ay tumambad sa harapan ng mga ito ang tatlong piraso ng vacuum sealed pouches na naglalaman ng mga pinaniniwalaang kush weed na may bigat na 973 grams at may market value na P1,800.000. Agad naman dinakip ang suspek at ibinigay sa kustodiya ng PDEA na  nakatakdang kasuhan ng paglabag sa Violation of RA 9165 o Comprehensive Laws on Dangerous Drugs Act of 2002 in relation to RA 10863 o Customs Modernization Tarriff Act.(CMTA).

Pinuri naman ni NAIA District Collector Carmelita Talusan ang maagap na pag-aksiyon ng mga Customs NAIA frontliners nang agad ipinaalam sa mga otoridad ng NAIA Inter-Agency Drug Interdiction Task Group (NAIA-IADTG) ang kahinahinalang laman ng package.

Ayon pa kay Collector Talusan magpapatuloy ang Customs NAIA sa pagbabantay sa mga magtatangkang magpasok at magpalabas ng mga iligal na droga at iba pang kontrabando alinsunod narin sa direktiba ni Customs Commissioner Rey Leonardo Guerero.

 

Please follow and like us:
Read More

GERMAN, 2 PINOY HULI SA COCAINE, MARIJUANA

(NI ROSS CORTEZ)

TIMBOG ang tatlong drug suspect na kinabibilangan ng isang German national, Fil Am at isang Pinoy matapos makipagtransaksyon sa poseur buyer na operatiba ng Cavite Provincial Intelligence Branch, sa Barangay Molino 4 lungsod ng Bacoor Cavite, alas-9:00 kaninang umaga.

Kinilala ang mga suspek na sina Andreas Waltney, alyas Andrew, 34, English teacher, ng 1035 Rizal Blvd Tagapo, Sta. Rosa City, Laguna), Patrick Paredes, 22, ng 459 Sonny Boy St. Brgy Hulo, Mandaluyong City at Alex Joel Tolentino, 44, ng 14L Bldg 9 3rd St Taguig City.

Nabatid na katransaksyon ng mga operatiba ang German na suspek at nagbenta ng 4 na pouch ng high grade marijuana kush na tumitimbang ng 112 gramo kapalit ng P128,000 boodle money

Narekober din sa Pinoy at Fil Am na suspek ang apat na pouch ng dried marijuana at isang sachet na naglalaman ng hinihinalang cocaine na tumitimbang ng 3.24 gramo at nagkakahalaga ng 24, 000. Nakuha rin sa mga suspek ang anim na pakete ng party drugs.

Sa panayam, sinabi ni Waltney na driver lamang umano siya ay binabayaran ng hanggang P10,000 magpapadrive ang mga kasama niya para magdeliver ng droga

Kolektor naman at taga remit ng perang pinagbentahan ng droga ang papel ng Pinoy na si Patrick, ayon sa kanya, sa isang “Alvin” na taga Mandaluyong City niya inireremit ang nakokolektang pera sa droga.

Habang for medication sa kanyang gout ang dahilan ng Fil Am na si Alex, gayunma’y sasampahan pa rin sila ng kasong paglabag sa Comprehensive Dangerous Drug Act of 2002.

 

Please follow and like us:
Read More

TANIMAN NG ‘DAMO’ SA BAKURAN NI-RAID

QUEZON – Isang taniman ng marijuana o ‘damo’ ang sinalakay ng puwersa ng pulisya sa bayan ng Candelaria sa lalawigang ito noong Lunes.

Sa report ni Quezon police chief Colonel Audie Madrideo, nagsagawa ng raid ang mga anti-illegal drugs operatives sa bahay ng isang Emily Abrera sa Barangay Malabanban Norte noong 5:15 ng hapon.

Sa bakuran ni Abrera ay nadiskubre ng mga parak ang 68 puno ng marijuana na pawang bagong ani, siyam na iba pang matataas na puno na nakatanim at mga tuyong dahon na ibinalot sa dalawang peryodiko.

Ang mga nakumpiskang damo ay may kabuuang timbang na 2,100 gramo. Hindi naman nakalagay sa report kung magkano ang halaga ng mga nakumpiskang marijuana sa bentahan ng mga humihitit nito.

Wala si Abrera nang isagawa ang raid dahil sa Maynila na ito naninirahan.

Subalit ayon sa dalawang house keepers na sina Celina Ramos, 45, at ang kanyang anak na lalaking si Rheycel, 22, ang mga puno ng marijuana ay itinanim umano ni Charles Altomonte, kapatid ni Abrera, noong nakaraang buwan ng Hunyo at inani ang mga iligal na tanim nitong unang araw ng September.

Ang raid ay sinaksihan ng mga opisyales ng barangay at mga lokal na mamamahayag.

Ang mag-inang Ramos ay nakakulong sa Candelaria police jail.

 

 

Please follow and like us:
Read More

CALL CENTER AGENT HULI SA MARIJUANA

(NI KEVIN COLLANTES)

BAGSAK sa kulungan ang isang call center agent nang mahulihan ng pake-pakete ng marijuana sa Barangay dela Paz, Pasig City nitong Sabado ng gabi.

Sa imbestigasyon ng Pasig City Police, lumilitaw na dakong 11:00 ng gabi nang maaresto ang suspek na si Robert Quijano, 36, sa 14 Edward Street, Christine Village, Barangay Dela Paz.

Nauna rito, nakatanggap ng tip ang mga awtoridad hinggil sa ilegal na aktibidad ng suspek.

Kaagad namang nag-aplay ng search warrant sa hukuman ang mga tauhan ng Station Drug Enforcement Unit (SDEU) sa pangunguna ni P/Cpl Edgar Garcia III , at sa bisa nito ay sinalakay ang naturang lugar.

Mabilis na dinakip at binitbit sa presinto ang suspek nang makumpiskahan ng 13 pirasong zipped locked transparent plastic sachet na may lamang pinatuyong dahon ng marijuana; isang plastic bag na may lamang di pa tukoy na dami ng suspected marijuana leaves; isang plastic canister na may undetermined quantity ng suspected dried marijuana leaves; isang zipped locked transparent plastic sachet na may lamang mga buto ng marijuana, isang plastic bag na may lamang mga hinihinalang marijuana stalk; at isang pulang timbagan.

Ang suspek ay sasampahan ng kasong paglabag sa Republic Act 9165 o The Comprehensive Dangerous Drugs Act of 2002.

 

Please follow and like us:
Read More

P5-M SHABU, MARIJUANA NALAMBAT SA CEBU

(NI JG TUMBADO)

TINATAYANG nasa P5 milyon halaga ng shabu at marijuana ang nasamsam ng pulisya sa magkakahiwalay na anti illegal drugs operations sa Cebu City.

Sa bulubundukin at tagong lugar ng Barangay Tagba-o nadiskubre ng mga awtoridad ang nasa 11,200 marijuana stalks nitong araw ng Huwebes.

Batay sa report, nasa P4.4 milyong ang halaga ng marijuana na binunot at sinira ng mga tauhan ng City Mobile Force Company sa lugar mismo kung saan natagpuan ang mga ito.

Samantala, sa Barangay Labangon ay inilunsad naman ang drug bust operation ng mga operatiba ng Drug Enforcement Group ng Cebu City Police Office (CCPO) na nagresulta sa pagkakadakip sa 23- anyos na pedicab driver na si Jason Dayap.

Nahulihan si Dayap ng nasa 80 gramo ng shabu na nagkakahalaga ng P500,000.

Ang naturang magkahiwalay na operasyon ng Cebu City Police ay bahagi umano ng kanilang tinatawag na Oplan Amazon.

Please follow and like us:
Read More

P2.4 MILYON MARIJUANA NASAMSAM SA CAVITE

arested12

(NI ROSS CORTEZ)

WALANG  pag-amin sa bahagi ng apat na taong inaresto sa 120 kilo ng marijuana bricks na nagkakahalaga ng halos P2.4 milyon sa ikinasang buy bust operation sa Barangay Salitran 3, lungsod ng Dasmariñas, Cavite, alas-3:00 ng hapon ng Martes.

Arestado ang mga drug suspect na sina Albert Abogadie, Don Ragracias, Maryrose Delapeñas at Raymond Austria, na nahaharap sa kasong paglabag sa Comprehensive Dangerous Drug Act of 2002.

Nabatid na target ng buy bust operation ng Dasmariñas Drug Enforcement Unit, ang pangunahing suspek na si Abogadie, gamit ang P200 na marked money, nakabili ng droga ang poser buyer sa suspek.

Dito na sila inaresto at nadiskubre pa ang ilang sako na naglalaman ng 119 bricks ng pinatuyong dahon ng marijuana na mula pa umano sa Baguio City.

 

Please follow and like us:
Read More

P1.4-M MARIJUANA SA TORTILLA CHIPS NASABAT SA NAIA

customs naia12

(NI DAVE MEDINA)

NASABAT ng mga tauhan ng Bureau of Customs (BOC) sa  Ninoy Aquino International Airport (NAIA) ang tinatayang nasa  P1.4 milyon halaga ng pinatuyong marijuana or  kush marijuana na inilagay sa  tortilla chips mula sa Illinois, USA.

Habang kini-claim  sa  Post office NAIA Customs ang tumitimbang sa 847.20 grams  na kontrabando ay inaresto ng BOC operatives ang suspect na nakilalang si Ryan Ramos Soriano,  isang call center employee, ng  San Juan City.

Nakatakdang sampahan ng pag labag  sa Section 117, 1400 at 1113 ng R.A. 10863 (CMTA) na may kaugnayan sa R.A. No. 9165 (Comprehensive Dangerous Drugs Act of 2002), ang suspek na si Soriano.

Ang naturang operation ay ika-15 drug bust ng Customs NAIA sa  taong ito at record-breaking sa 44 drug case na nakumpiska nitong 2018.

Please follow and like us:
Read More

P3-M HALAGA NG MARIJUANA NAKUMPISKA SA CAVITE

arrested124

(NI SIGRED ADSUARA)

INARESTO  ng Cavite police ang isang dancer  na umano’y  number  1 na tulak sa buong Lungsod ng Bacoor City, Cavite sa isinagawang buy bust operation.

Nakakulong ngayon sa Bacoor City Custodial Center ang  suspek na si Daniel Mendoza, binata, isang dancer, ng Blk 10, Lot 19 Sparrow St., Camella Springville East 2, Brgy. Molino 4, Bacoor City, Cavite.

Sa ulat ni PMSgt Christian Rosales ng Bacoor City, Cavite,  nagsagawa ng buy bust operation ang miyembro ng Station Drug Enforcement Unit (SDEU) ng Bacoor CPS at PDEA Cavite sa  Block 10 Lot 19 Sparrow St., Camella Springville East 2 Brgy Molino 4, Bacoor City, Cavite, dakong alas-7:50 Huwebes ng gabi,  kung saan nakabili sa kanya ang poseur buyer ng isang sachet ng pinatuyong frutty tops at mga buto ng marijuana (kush).

Ayon sa pulisya, ang suspek ay kilalang tulak at no. 1 na nagpapakalat ng marijuana sa buong Lungsod ng Bacoor, Cavite at kasama rin ang kanyang pangalan sa listahan ng  Station Drug Watch  at t Newly Identified Street Level Target.

Kasong paglabag sa RA 9165 ang isinampang kaso laban sa naarestong suspek.

 

Please follow and like us:
Read More

MAHIGIT P20-M ILIGAL NA DROGA, NAKUMPISKA

cebu200

(NI NICK ECHEVARRIA)

MAHIGIT P20 million halaga ng mga ilegal na droga ang nakumpiska ng pulisya sa Cebu City at Cebu Province sa magkakahiwalay na  anti-drug operations nitong Biyernes ng gabi at Sabado ng umaga.

Base sa report, unang nasamsan ng mga tauhan ng Mambaling Police Station at mga elemento ng  Drug Enforcement Unit ng Cebu  City Police Office (CCPO) ang 1.6 kilo ng shabu na nagkakahalaga ng P11,390,000 mula sa naarestong taxi driver na si  Richard Barbosa, alias Butong, sa  Sitio Bayutan, Barangay Duljo-Fatima,  bandang alas-9:00 noong Biyernes ng gabi.

Si Barbosa ay kabilang sa mga high-value target ng Mambaling Police Station na isinailalim sa kanilang surveillance.

Bagama’t mayroon nang impormasyon, nagsagawa pa rin ang mga awtoridad ng imbestigasyon para matiyak kung saan kinukuha ng suspek ang suplay ng shabu na kanilang nakumpiska.

Samantala, sa isa pang operasyon, nakumpiska rin ng mga tauhan ng  CCPO ang 789 gramo ng shabu  na may katumbas na halagang mahigit P5 million.

Tatlumpung mga warrants of arrest umano ang isinilbi ng  CCPO laban sa mga akusado sa kanilang nasasakupan subalit 29  lamang  ang kanilang nadakip na karamihan ay nahaharap sa mga kaso ng paglabag sa ipinagbabawal na droga.

Alas-5:00 naman ng umaga nitong Sabado ng salakayin ng mga miyembro ng Toledo City Police Station ang isang plantasyon ng marijuana sa Sitio Himatogan, Barangay Captain Claudio.

Sa pagsalakay, pinagbubunot ng mga awtoridad ang halos may  10,000 puno ng mga fully-grown marijuana na may street value na  P4,000,000, kung saan naaresto ang isang Elmer Cantutay na nakatira malapit sa plantasyon na hinihinalang siyang may tanim ng mga binunot na marijuana.

Batay sa ulat ni  Police Lt. Col. Janette Rafter, hepe ng Toledo City police dalawang linggo  na nilang hinahanap ang nasabing taniman ng marijuana hanggang sa makatanggap sila ng impormasyon mula sa isang concerned citizen.

Naniniwala si Rafter na sangkot si Cantutay sa operasyon ng illegal drug trade dahil sa tindig ng bahay nito na pinakamalaki at pinakamaganda sa  nabanggit na lugar.

Ayon pa sa opisyal, ilang beses na silang nagsagawa ng operasyon sa nasabing lugar at sinira ang mga tanim na Marijuana, subalit nitong nakalipas na linggo lamang ay muli silang nakatanggap ng report na mayroon na namang nagtanim na nag-positibo.

Ang pagkakakumpiska sa mahigit na P20 million halaga ng mga ilegal na droga ay resulta ng magkapanabay at pinaigitng na mga police operations sa Cebu na inilunsad sa loob  ng magdamag.

 

Please follow and like us:
Read More

HRM GRAD TIKLO SA MARIJUANA SA LRT 2

MARIJUANA

(NI TJ DELOS REYES)

BUMAGSAK sa kulungan ang isang HRM graduate matapos na mahulihan ito ng marijuana habang pasakay sa Light Rail Transit Line 2 (LRT-2)  Cubao station sa Quezon City.

Sa nakarating ulat kay NCRPO Director Major General Guillermo Lorenzo Eleazar nakilala ang suspek na si Aarol Josh Barreda, 22, binata, nakatira sa No. 819, Roxas St., Brgy. 568, Sampaloc, Maynila.

Base sa ulat, dakong alas-5:30 ng hapon nang dakpin si Bareda sa South Entrance Gate ng  LRT 2 Gateway Cubao.

Ayon sa report, sasakay sana ng LRT-2 ang suspek, subalit pagdaan nito sa  inspeksiyon ay nakuha sa kanya ang isang plastic sachet ng pinatuyong dahon ng marijuana at dalawang improvised glass tubes.

Agad na pinigil ni Roberto Agoot, duty guard ng LRT-2, ang suspek at humingi ng tulong sa Police Station 7 at Regional Mobile Force Battalion (RMFB) para iturn-over.

Nakapiit na ang suspek sa QCPD station 7 at nahaharap sa kasong possession of illegal drugs.

 

 

Please follow and like us:
Read More

LALAKI  NAG-MARIJUANA SA LOOB NG MALL, HULI

MARIJUANA

(NI LILY REYES)

ARESTADO  ang 22-anyos  na sales representative ng isang mall sa Quezon City makaraang maaktuhang humihitit ng  marijuana sa stock room ng nasabing department store.

Kinilala ni Quezon City Police District (QCPD) Director, PCSUPT.  Joselito  Esquivel Jr. ang suspek na si  Rodel Naranja, ng Roque1 Ext. Brgy. Pasong Tamo.

Ayon kay QCPD- Masambong Police Station 2 Commander, PSUPT Rodrigo Soriano,  bandang alas -6:00 Linggo ng gabi  habang  nagsasagawa umano ng roving patrol ang security guard ng Fisher Mall na si  Gilbert Genova, ay naaktuhan nito ang suspek na humihitit ng  marijuana sa stock room .

Agad na inaresto ng sekyu ang suspek at inilipat sa PS-2 ng QCPD,  kasama ang mga  nakumpiskang drug paraphernalia tulad ng aluminum tube  na may bakas ng marijuana, improvised plastic tube at disposable lighter.

Samantala, naaresto rin ng mga operatiba ng PS-2 ang  apat katao sa isinagawang drug buy bust operation bandang ala 1:30 Lunes ng madaling araw sa may Brgy, Pagasa. Kinilala ang mga naarestong suspek na sina   Mark Angelo  Agpaoa,  alias Boy,  18,   Jaycris Bueza, alias Chupoy, 27 ,  Alemar Atanindagat, alias Mar,  26 at   Cherry Acera,  34 , kapwa mga taga  Brgy. Bagong Pag-asa.

Nakumpiska mula sa mga  naarestong suspek ang limang sachets ng  shabu at ang  ginamit na  buy-bust money.

Si  Agpaoa  ay kabilang  sa  Barangay Anti-drug Advisory Council (BADAC) watch list habang si  Acera  naman ay kasama sa  Directorate for Intelligence (DI) watch list.

Please follow and like us:
Read More

NA-STRESS, NAG-MARIJUANA SA KALSADA, 2 ARESTADO

mj123

(NI ALAIN AJERO)

NATUPAD ang kagustuhang mapahinga muna sa pamamasada ang magkumpareng driver matapos na masakoteng humihithit ng marijuana dahil nai-stress na umano ang mga ito sa kalsada sa Caloocan City, Miyerkoles ng gabi.

Mabababad ngayon sa selda sina Michael Pangilinan, 36, ng 82 Gen. Malvar Brgy. 142, at Victorino Bonifacio, 47, ng 86 Interior Mariano Ponce St., Brgy. 132.

Alas-10:30 ng gabi, nagpapatrolya ang mga pulis sa kahabaan ng Brgy. 132, Bagong Barrio nang may mag-nguso sa kanila na ‘chumochongke’ ang magkumpare sa sa Gen. Concepcion St.

Nang puntahan ng mga parak ang naturang lugar ay nabulaga  sina Pangilinian at Bonifacio na humihithit ng marijuana kaya’t agad silang binitbit sa presinto.

Please follow and like us:
Read More

3 ARESTADO SA HIGIT P500-K MARIJUANA

mj12

(NI ROSS CORTEZ)

HUMIGIT kumulang sa 47 kilo na pinatuyong dahon ng marijuana ang nakumpiska ng mga operatiba sa buy bust operation ng Dasmariñas Component Police Station sa Barangay Salitran 3, alas-8:00, Lunes ng gabi.

Kinilala ang mga naarestong suspek na sina Felix Flores , alyas  Alex, 34, Rodel Herrera, 35, at Alberto Mabini, 36. Nasa watchlist ng barangay ang pangunahing suspek habang nakatala naman bilang newly identified drug personality sina Rodel at Albert

Bago nadiskubre ang tig-isang kilo ng 47 bloke ng marijuana, nakapagbenta muna ng tatlong pakete nito ang pangunahing suspek sa umaktong police poseur-buyer

Tinatayang may market value na hindi bababa sa P564,000 ang halaga ng mga narekober na marijuana. Nabawi rin sa mga suspek ang P400 marked money

Nahaharap sila ngayon sa kasong paglabag sa Comprehensive Dangerous Drug Act.

Please follow and like us:
Read More

MARIJUANA DELIVERY: LALAKING SUPPLIER ARESTADO

angkas1

(NI KEVIN COLLANTES)

BILANGGUAN ang binagsakan ng isang 23-anyos na lalaki nang maaresto habang aktong tinatanggap ang ipinadeliber na pakete na may lamang pinatuyong dahon ng marijuana sa isang Angkas driver sa Barangay Rosario, Pasig City Sabado ng madaling araw.

Ang suspek na si Mikko Berino, residente ng naturang barangay, ay nakakulong na at nahaharap sa kasong paglabag sa Republic Act 9165 o The Comprehensive Dangerous Drugs Act of 2002.

Lumilitaw sa ulat ng Pasig City Police, sa Eastern Police District (EPD), na dakong 5:00 ng madaling araw nang maaresto ang suspek sa Amang Rodriguez, tapat ng Gomez Village, sa Barangay Rosario.

Bago ang pag-aresto ay humingi ng tulong sa pulisya ang Angkas rider na si Jeffrey Francisco, nang maghinalang mga pinatuyong dahon ng marijuana ang laman ng pakete na ipinade-deliber sa kanya sa suspek.

Kaagad namang nag-abang ang mga alagad ng batas at inaresto ang suspek habang aktong inaabot ang pakete, na may lamang isang pirasong zip locked na transparent sachet ng dried marijuana leaves, na hindi pa batid ang dami at halaga.

 

Please follow and like us:
Read More

ESTUDYANTE HULI SA MARIJUANA SA HARAP NG SCHOOL  

mari

(NI SIGFRED ADSUARA)

HINDI na nakapalag pa ang isang 18-anyos na estudyante nang kapkapan at mahulihan ng pinatuyong marijuana sa harapan ng eskuwelahan sa Silang, Cavite.

Hawak ngayon ng Silang Police Station ang suspek na si Christian John Obsid, alias G-boy, ng Purk 3 Brgy Lumil, Slang, Cavite.

Sa ulat ni PO3 Marcelino Fuller ng Silang MPS,  nagsagawa ng foot patrol sina SPO2 Louie Sanches at PO2 Marc Pecundo, kapwa nakatalaga sa Silang MPS  sa harapan ng Lumi National High School sa Bgry Lumi, Silang Cavite dakong  alas-4:30 ng hapon nang napansin ang kakaibang ikinikilos ng suspek.

Nang kapkapan ay nakuha sa kanyang pag-iingat ang isang plastic sachet na naglalaman ng pinatuyong marijuana.

Kasong paglabag sa RA 9165 ang isinampang kaso  laban sa suspek.

 

Please follow and like us:
Read More

MAGBABARKADA ARESTADO SA TSONGKI

TSONGKI

KULUNGAN ang kinahantungan ng apat na magbabarkada nang matiyempuhan ng mga nagpapatrolyang pulis na humihithit ng marijuana sa Valenzuela City kamakalawa ng gabi.

Kinilala ang mga suspek na sina Darwin Alano, 20, factory worker; Shan Cristian Sarmiento, 19, service crew; Romnick Ramos, 20, helper; at Raffy Mendoza, 19, service crew, pawang mga naninirahan sa  Brgy. Ugong.

Ayon sa mga pulis, nakita nila ang mga suspek na nagpapasahan ng pipa ng marijuana sa Barrios St., Brgy. Ugong ng nabanggit na lungsod.

Nasamsam sa mga ito ang isang plastic sachet ng pinatuyong dahon ng marijuana at ang kanilang improvised na pipang gawa sa palara ng sigarilyo.

Please follow and like us:
Read More

P4.6-M MARIJUANA PLANTS, BINUNOT, SINUNOG

pdeamj1

CEBU CITY – Nahuli ang mga caretakers ngunit hindi ang mga may-ari ng marijuana platation kung saan binunot ang may P4.6 milyong halaga ng marijuana plants sa Brgy. Gaas, sa bayan ng Balamban, sa Cebu.

Inaresto sina sina Amado Cañonera Jr. at Bernabe Pardillo, habang nakatakas naman ang mga nagtanim nito na sina Ben Habasa, Jeric Cañonera, at Romnick Ocariza.

Sinabi ni SPO2 Rolando Navarro, ng Balamban Police Station, matagal na umanong under surveillance ang lugar matapos makatanggap ng tip na may tanim na marijuana sa lugar.

Agad ding sinunog ng mga tauhan ng Cebu Provincial Police Office ang halos 12,000 mga marijuana plants habang iniimbestiahan ng PDEA-7 ang mga nahuling caretakers.

Please follow and like us:
Read More

KELOT NA MAY BITBIT NA MARIJUANA SA CONCERT, ARESTADO

MARIJUANA

(SIGFRED ADSUARA)

ARESTADO ang isang 19-anyos na lalaki nang tangkaing ipasok ang mga pinatuyong dahon ng marijuana sa loob ng isang sport complex kung saan magaganap ang isang DAMBALASEK concert sa Imus City, Cavite.

Hawak ngayon ng Imus City police ang suspek na si Ace Villena, binata, walang trabaho,  ng Block 9 Lot 18 Alfronso Village, Brgy Alapan 1-B, Imus City, Cavite.

Ayon kay PO2 Marjorie Pabiton ng Imus City Police Station, dakong alas-9:30 kamakalawa ng gabi nang pinigil nina Brgy. Kagawad Celso Ayo at PO1 Leo James Ojeno, mga  nagsilbing bantay sa gate, ang suspek  para inspeksiyunin subalit tumanggi ang suspek.

Bago pa makapkapan si Villena ay may kinuha umano ito sa kanyang bulsa na isang pouch na tinangkang  itapon subalit nakuha ng dalawang bantay at nang tignan ay nakita ang 4 na pirasong dahon ng pinatuyong marijuana  na tumitimbang ng 5.40 gramo.

Ang DAMBALASEK ang isang taunang libreng  concert  na ipinagkakaloob ng pamahalaang Lungsod ng Imus City kung saan ang mga performers ay sina Ron Henley at Imago.

Please follow and like us:
Read More

‘DEAL’ IKINASA SA AUV; P120K MARIJUANA NASAMSAM

(PHOTO BY AJ GOLEZ)

UMAABOT sa  P120,000 halaga ng pinatuyong dahon ng marijuana ang nasamsam ng pulisya sa buy-bust operation sa loob ng van sa Valenzuela City ng Martes.

Bandang ala-1 ng madaling araw, isinagawa ng mga miyembro ng Station Drug Enforcement Unit of the Valenzuela City Police Station, sa pakikipagtulungan ng Philippine Drug Enforcement Agency, sa 7th Street, Fortune Village 5, Barangay Parada.

Bumili ang undercover officer kay Johnedel Geronimo ng P500 halaga ng marijuana sa kanyang pulang Toyota Innova. Matapos nito ay agad na syang dinampot at nabawi rito ang P2,000 cash. Isa pang suspect, si Methusela Paradero ay nakuhanan ng marked money.

Nang halughugin ang sasakyan, nakita pa ang apat na bloke ng umano’y marijuana na may bigat na apat na kilo.

Agad dinala ang mga suspect sa Valenzuela City Police Station para imbestigahan pa.

Please follow and like us:
Read More

DRUG PAYMENT IDINARAAN SA REMITTANCE CENTERS

remit7

(NI JUN V. TRINIDAD)

LUCENA CITY – Dahil sa sunod-sunod na aresto sa mga nagbebenta ng shabu sa lalawigan ng Quezon, agresibong itinutulak ngayon ng mga drug pushers ang marijuana bilang alternatibong droga sa pamamagitan ng Facebook.

Ayon kay Senior Supt. Osmundo de Guman, Quezon police director, ginagamit umano ngayon ng mga drug pushers ang Facebook Messenger upang ibenta ang marijuana o “damo” bilang kapalit ng shabu.

“Nagaganap ang paguusap ng pushers at buyers sa Facebook Messenger. Dito rin nagaganap ang transaksyon ng bentahan,” ani De Guzman sa panayam nitong Huwebes.

“Kapag nagkasundo, ang bayad sa iniskor na ‘damo’ ay idadaan sa pera padala centers. At yung marijuana naman ay ilalagay lang ng pusher sa isang lugar. Lilitratuhan niya ang puwesto at lugar at ipapadala rin sa messenger para kunin ng bumili,” ang dagdag na paliwanag ng pulis.

“Big-time sale”

Ngunit dahil sa katakawan sa pera at paghahangad na makabenta ng big-time ay lumantad ang dalawang marijuana pushers at personal na nakipagkita sa ahente ng pulis na nagpanggap na bibili ng bulto sa dalawang magkahiwalay na transaksyon na naganap sa Tayabas City at bayan ng Atimonan.

Nasakote si John Kenneth Mabilin, 19, pagkatapos niyang personal na makipagkita at magbenta ng “damo” sa batang ahente ng pulisya sa Barangay Opias sa Tayabas City noong Miyerkules ng gabi.

Narekober ng pulisya ang 24 na plastic sachets ng marijuana na tumitimbang ng 214.84 gramo na nagkakahalaga ng P11,896 sa estimate ng Dangerous Drugs Board (DDB).

Noong Martes ng gabi ay natimbog din si June Bamba, 31, sa Barangay Zone 1 sa bayan ng Atimonan.

Nakumpiska sa suspek ang 605 gramo ng marijuana na nagkakahalaga ng P33,000 base sa DDB estimate.

Target ang estudyante

Ayon kay De Guzman, target ng mga nagbebenta ng marijuana ang mga estudyante na gustong sumubok ng droga. Nagmumula sa Mountain Province ang marijuana na ikinakalat sa lalawigan.

“Dahil sa matagumpay naming kampanya laban sa mga nagbebenta ng shabu at kakulangan na rin ng suplay nito sa merkado, ang marijuana ang itinutulak nilang murang droga bilang alternatibo,” ani De Guzman.

Simula noong July 1, 2016 hanggang Jan. 6, 2019, ay nasa 5,084 na ang naaresto ng pulisya sa Quezon kabilang na ang siyam na opisyales ng local government at barangay at tatlong Chinese nationals.

Tinataya namang nagkakahalaga ng P278 million ang cocaine, shabu at marijuana, ang kabuuang nasakote ng mga awtoridad sa lalawigan pagpasok ng administrasyong Duterte.

 

Please follow and like us:
Read More