BANGON MARAWI (3)

MARAWI-17

Paghihilom sa Sugat ng Nakaraan

(Ni Mac Cabreros)

NAGKAPITKAMAY ang mga opisyales ng pamahalaan kasama ang mga ordinaryong mamamayan sa pagtutulong-tulong upang makaahon ang Marawi sa pagkakalugmok bunga ng hindi naiwasang gulo sa Mindanao.

Sa pagdiriwang ng paggunita sa kabayanihan ng mga nasawi sa Marawi Siege, nakiisa sina Task Force Bangon Marawi Chairman Roberto del Rosario, Marawi City Mayor Majul Gandamra, Lanao del Sur Gov. Mamintal Adiong, Bangsamoro Autonomous Region in Muslim Mindanao Deputy Chief Minister Ali Solaiman, Brig. Gen. Felicisimo Budiongan, 103rd Brigade Commander Col. Jose Maria Cuerpo, 2nd Mechanized Brigade Commander Col. Facundo Palafox IV, at Philippine National Police Lanao del Sur Chief Police Col. Madzgani Muksan Mukaram.

Ayon kay TF Bangon Marawi Chairman Del Rosario, chairperson ng Housing and Urban Development Coordinating Council,  nagsi­mula nang  umarangkada ang mga proyekto at programa ng gobyerno katuwang ang pribadong sektor para maibalik ang normal na pamumuhay ng taga-Marawi.

“We would like to inform everybody, especially our Maranao brothers and sisters, that in this second anniversary of the Marawi liberation, we are on track with our timetable as embodied in the master deve­lopment plan,” ayon kay Del Rosario.

“This October, the most affected area will be cleared of bombs. We will be requesting the AFP to declare the MAA as safe from the danger of bombs,” banggit Del Rosario. Aniya, matatapos ang ‘pagwawalis’ sa alikabok ngayong Nobyembre at sisimulan na ang pagtatayo ng iba’t ibang imprastraktura bago matapos ang taon.

“With these developments, we can say that the completion of the rehabilitation will be attained or achieved by December 2021,” dagdah pa ni Del Rosario.

Pagbubuklod ng mga mamamayan

Para mapabilis ang pahilom ng sugat at mabalik ang sigla ng pamumuhay sa lungsod, binigyan-diin ni Sec. Galvez sa isang multi-stakeholder peace forum sa Mindanao State University na kailangan ang social healing at reconci­liation.

“Ang pagtitipon na ito ang magbibigay daan upang tayo ay makapag-usap at magpalitan ng kuro-kuro kung paano natin maisusulong ang kapayapaan at kaunlaran dito sa inyong lugar,”wika Galvez at hinikayat ang mamamayan na makipagtulungan sa gobyerno para maibangon ang lungsod sa lalong madaling panahon.

“Magagawa po natin ito sa pamamagitan ng mga pag-uusap na katulad nito. Buksan po natin ang ating mga puso at isipan, at pakinggan ang bawat isa. Naniniwala ako na ang lahat ng nandirito ngayon ay may malaking maitutulong sa pagbangon ng Marawi.” Din ni Galvez.

Kasalukuyang itinataguyod ng Presidential Adviser on the Peace Process (OPAPP) ang Social Healing and Peacebuilding Program o SHAPE. Magiging katuwang ng OPAPP ang Mindanao State University para umarangkada ang nabanggit na programa saan target na pagbubuklurin ang lahat na mamamayan maging ito ay Muslim, Kristiyano at Katutubo.

“We will never leave you behind,” pagtatapos Galvez.

Please follow and like us:
Read More

BANGON MARAWI (2)

MARAWI-1

Sulyap sa Hinaharap

(Ni Mac Cabreros)

MATAPOS ang dalawang taon, kumusta na kaya ang Marawi City?

“We are on our way to ­being well. We are finally ­learning what peace is all about,” ­pahayag ni Marawi City Mayor Majul Gandamra sa Week of Peace Festival bilang bahagi sa paggunita ng Marawi siege.

Hinikayat ng alklade ang kanyang mga nasasakupan at kababayan na makibahagi sa social healing  program ng ­gobyerno.

“Peace starts with us. Peace must be realized,” pagdidiin pa ni Gandamra.

“In reality, it is you, the people of Marawi, who have inspired and strengthen my resolve to work for genuine and enduring peace,” pahayag naman Peace Adviser Carlito Galvez Jr.

“Truly, I am very inspired to know that as we observe the Holy Month of Ramadan, you are using the occasion as an opportunity to reflect on the lessons of the Marawi experience and apply them to your daily lives. This is where the healing process can truly begin.”

Sinabi pa ng kalihim na makikinabang ang Marawi City sa itinatag na Bangsamoro region. “The opportunity for us to heal, rebuild, and recover is within reach. With the establishment of the Bangsamoro ­government, the fate of this beautiful city now rests not only in the hands of the new leadership but also in your hands. You now have the opportunity to play a key role in charting the course of Marawi’s future,” sabi ni  Galvez.

Para marating ang dulo ng healing process, isinulong ng Office of the Presidential Adviser on the Peace Process (OPAPP) at Armed Forces of the Philippines, na alalayan ang mga natitirang miyembro ng Maute group na sumuko sa gobyerno.

“We are looking at the Basilan model, wherein members of the Abu Sayyaf, who have surrendered, where given proper interventions,” pahayag Col. Romeo Brawner, commander ng Task Force Ranao.

“What we are looking at it as the implementation of transitional justice and reconciliation here,” sabi naman ni Galvez.

Sa programa, gagamitin ng gobyerno ang mga sumukong Maute members para kausapin ang kanilang kababayan na iwasang magpalinlang at sumanib sa bandidong grupo at mag aklas laban sa gobyerno.

Nitong Oktubre 17 taon kasalukuyan binalikan at ginunita ang digmaang sumiklab sa Marawi City na bumura sa ganda nito kung saan pinulbos ng ngipin ng ilang libong bala at bomba ang mga bahay, ospital, paaralan, simbahan at iba pang istraktura . Nagmistula itong ‘ghost town’ at tinawag ‘ground zero’.

“We will never forget Marawi.” Bigkas ni  Presidential Peace Adviser Galvez Jr. sa isang seremonya sa 103rd Infantry Brigade ng Philippine Army habang nakatayo sa harap ng monumento saan nakalilok ang mga pangalan ng 126 sundalong nalagas sa labanan.

“This is the time to remember their names one by one. I remember the time how they fought and how they died. I remember every name of those who sacrificed for the liberation of Marawi. This is one of the many ways that we can show to the people that we will always remember them.

Losing a hundred people is something you can never forget,” dagdag pa ng kalihim.

“In hindsight, I would like tell the people that this is the way…how soldiers [had] to give up their lives just to ­liberate Marawi from the clutches of terrorism. That’s the oath of the soldier and that we are ready to die for our country and for our people,” impit ang boses na dugtong ng Kalihim saka sumaludo.  (May Karugtong)

Please follow and like us:
Read More

BANGON MARAWI (1)

MARAWI-10

Kamay na Bakal, Sanhi ng Paghupa ng Apoy

(Ni Mac Cabreros)

MAYO 23, 2017 nang ideklara ni Pangulong Rodrigo Roa Duterte, na noon ay nasa Russia para sa state visit, ang Martial Law sa bisa ng Proclamation Order No. 216 para makontrol ang buong Mindanao kasama ang Basilan, Sulu at Tawi-Tawi.

Ito ay dahil sumiklab ang labanan ng puwersa ng pamahalaan at Islamic State of Irac and the Levant o ISIL kasama ang Maute Group at Abu Sayyaf Salafi jihadist group.

Nang mapawi ang usok ng digmaan, hiniling ni Pangulong Duterte sa Kongreso na panatilihin ang Martial Law sa Mindanao kahit marami ang kumontra na nauwi pa sa pagtungo ng usapin sa Korte Suprema subalit naibasura kaya’t nagpatuloy ang pagkontrol ng military sa  mga rehiyon sa Mindanao.

Sa isinagawang pag-aaral ng International Alert Philippines, natukoy na malaki ang naiambag ng Martial Law para ‘lumamig ang ulo’ ng mamamayan sa Mindanao. Nakitang bumaba ang bilang ng mga insidente ng karahasan at kaguluhan na madalas nareresulta sa patayan sa Bangsamoro Autonomous Region for Muslim Mindanao (BARMM), kasama ang Isabela, siyudad ng Cotabato, Davao at CARAGA region, kung  saan may naiulat na 45,000 insidente.

“Data show that conflict incidence across all provinces in the ARMM dropped 30% from 4,140 incidents in 2017 to 2,910 in 2018. Conflict deaths also decreased by 60% in 2018 from a year before from 2,261 to 900,” banggit Nikki de la Rosa, IAP country manager.

Aniya, ang pagbaba ng bilang ng bangayan at patayan ay bunga ng madalang na pag-atake at paggamit ng baril at bomba ng mga armadong grupo.

“The State was also able to maintain a fragile peace in the Bangsamoro by imposing martial law, which in turn deterred the carrying and use of firearms,” diin Dela Rosa.

Dagdag dito, ayon pa Dela Rosa, ang pag-aresto ng Philippine National Police sa mga taong ilegal na nagdadala ng baril noong 2018 ay nagresulta upang matapyasan ang patayan sanhi ng baril sa 31 porsyento mula 1,290 noong 2017 ay naging 891 noong 2018.

“Bombing incidents declined from 193 incidents in 2017 to 166 in 2018 and were less deadly in 2018 with five deaths per incident, slightly down from six in 2017,” banggit pa Dela Rosa.

Bagama’t unti-unti nang humuhupa ang apoy sa dibdib ng taga-Mindanao, nananatiling nasa balag nang alanganin ang kaayusan at kapayapaan dito.

Kahit maayos na ang buhay ng mga tao sa Bangsamoro, nananatili pa rin sa isip ng tao na ito ang pinakamapanganib na lugar sa bansa dahil hanggang sa ngayon ay hindi pa tuluyang naapula ang apoy.

Sinabi rin ni Dela Rosa na posibleng magningas muli ang apoy at pumutok ang karahasan at kaguluhan bunsod nang patuloy na extremism,bangayan ng mga armadong grupo, away ng mga angkan at maging iringan ng mga pulitiko.

Ayon naman kay Francisco Lara, Senior Peace and Conflict Adviser ng Alert Philippines, maraming aspeto pa ang dapat tignan o timbangin bago alisin ang Martial Law.

“Because of the fragile peace, certain conditions will have to be met before the military pulls out. The lifting of martial law in Mindanao is certain, but there has to be a political settlement on the use of weapons before it is lifted,” wika Lara.

“It is certainly critical because extremist violence remains resilient and resurgent. Tensions are rising because of the unexplainable delays in the Marawi reconstruction process that has added to the grievances of those affected, especially women and the youth,” pagsang-ayon De la Rosa. May Karugtong

Please follow and like us:
Read More

OPISYAL NG PNP INARESTO SA NAKAW NA SASAKYAN

(NI NICK ECHEVARRIA)

ARESTADO ang isang opisyal ng Philippine National Police (PNP) na nakatalaga sa Marawi City Police Station (CPS) makaraang mabawi sa kanyang pag-iingat ang isang nakaw na sasakyan.

Nabatid sa ipinadalang ulat ni Police Regional Office ng Bangsamoro Autonomous Region in Muslim Mindanao (PRO-BARMM) Director P/BGen. Marni Marcos sa Camp Crame, nakilala ang naarestong suspek na si P/Cpt. Santos Libres Monares, ng Marawi CPS.

Isang Ford Everest na may conduction sticker # lK3400 ang nakumpiska kay Monares na nakarehistro sa isang Dolores Gutierez mula sa Sta. Cruz, Manila.

Si Monares ay inaresto ng mga tauhan ng Regional Intelligence at Anti-Carnapping Unit ng PNP-BARMM, makaraang  wala itong maipakitang lisensiya at rehistro ng minamanehong sasakyan.

Itinuro naman ni Monares ang isang P/Cpt. Ramces Cartejana ng Police Regional Office (PRO)10 mula sa Camp Alagar, Cagayan de Oro City, na siyang nagbenta sa kanya ng nasabing sasakyan.

Please follow and like us:
Read More

2 MAUTE-ISIS SUMUKO

maute

(NI DEREK LIPANA)

SUMUKO sa mga tauhan ng 55th Infantry Battalion ng Philippine Army na nakabase sa Pagawayan, Lanao del Sur ang dalawang miyembro ng Maute ISIS remnants terrorist group noong Biyernes  bandang alas-9:00 ng umaga.

Ang dalawang Maute na sumuko na pansamantalang hindi muna ibinunyag ang mga pangalan para sa kanilang seguridad ay sinasabing mga tauhan ni ni Owayda Benito Marohombsar na kilala sa alyas na Abu Dar.

Matatandaan na matapos mapatay ng militar ang leader ng Islamic State group sa Southeast Asia na si Isnilon Hapilon at ang Maute Brothers na lumusob sa Marawi City noong May 23, 2017 ay si Abu Dar na ang tumayong pinuno ng mga natitirang miyembro ng Maute ISIS.

Ayon kay Lt. Col. Ian Ignes, commander ng 55th IB sadyang pagod na ang dalawang sumukong Maute sa katatakbo sa pag-iwas sa pinaigting na military offensive laban sa kanila, kung kaya’t mas minabuti na lamang nilang sumuko sa pamahalaan at maka-avail ng tulong na ibinibigay ng gobyerno sa mga nagbabalik- loob.

Kasalukuyan silang sumasailalim ngayon sa custodial debriefing  sa kampo ng militar samantalang kasamang isinuko ng dalawang returnees ang kanilang mga armas na isang calibre KG 9 sub machine gun at isang kalibre .45 baril.

Sinabi naman ni Col. Romeo Brawner, ang bagong commander ng 103rd Infantry Brigade na nakabase sa Marawi City, Lanao del Sur, hindi nila titigilan ang paglulunsad ng combat operation laban sa mga nalalabi pang kasapi ng teroristang Maute ISIS upang hindi rin maantala ang recovery at reconstruction ng Marawi na nagmistulang “ghost town” sa limang buwang  bakbakan ng militar at mga Maute militants.

 

Please follow and like us:
Read More