1 PANG INVESTMENT FIRM SINALAKAY NG PNP

cebu mandaue12

(NI JESSE KABEL)

MATAPOS salakayin ng Philippine National Police ang tanggapan ng  Kabus Padatuon (KAPA) Community Ministry International Inc.,  isinunod ng mga tauhan ng PNP- Criminal Investigation and Detection Group (CIDG) sa Region 7 ang tanggapan ng isa pang investment company sa Cebu.

Martes ng umaga, isang araw matapos na madiskubre ang pagsasara ng tanggapan ng Organico Agribusiness Ventures Corporation sa A.C. Cortes Avenue sa Mandaue City ay isinagawa ng mga pulis ang raid.

Nabatid na nagsimulang dumagsa sa naturang tanggapan ang mga investor ng Organico matapos malamang isinara ito nang walang pasabi sa kanilang mga miyembro/investors.

Tanging ang karatulang ‘closed for renovation’ ang sumalubong sa mga tao na ngayon ay kinakaban at posibleng biktima na rin sila ng isang investment scam.

Nagreklamo ang mga investor dahil walang makapagbigay sa kanila ng paliwanag kung bakit isinara ang tanggapan.

Hanggang kahapon ay patuoy na dumarating sa Organico ang mga investor nito na umaasang makakokolekta ng kanilang payout.

Magugunitang ipinahuhuli na ni Pangulong Rodrigo Roa Duterte ang mga taong nasa likod ng KAPA investment na sinasabing nasa likod ng P50 billion investment scam na tinuturing na pinakamalaking organized fraud syndicate sa Pilipinas ngayon.

Please follow and like us:
Read More

4 MIYEMBRO NG PAROJINOG GROUP PATAY SA ENCOUNTER

cebu mandaue12

APAT na pinaghihinalaang miyembro ng kilabot na Parojinog group na sinasabing malaking sindikato ng droga ang napatay sa magkakahiwalay na insidente, Biyernes ng gabi sa Mandaue, Cebu.

Isang Jessie Parojinog, alyas ‘Oyong’, ang napatay matapos umanong manlaban sa mga aarestong pulis sa Barangay Tingub. Isinugod pa siya sa ospital ngunit hindi na umabot nang buhay.

Nakatakas naman ang kasama nito.

Sa Barangay Looc, patay din sina Henry Labajo at Eduard Baliling nang pumalag habang inaaresto. May warrant of arrest ang mga ito dahil sa illegal possession at pagbebenta ng illegal na droga.

Isa pang kinilala sa pangalang Danilo Parojinog ang napatay ng hindi pa kilalang suspect na sakay ng motorsiklo.

Sinabi ni Police Major Mercy Villaro, spokesperson ng Mandaue City Police Office, na ang pagpatay ay may kinalaman umano sa mga miyembro ng Ozamis-based Parojinog group na matagal nang isinasangkot sa illegal drug trade.

Nakatira umano ang mga napatay sa Mandaue City, Cebu sa kabila ng matagal nang warrant sa illegal drugs at robbery.

Nauna nang idinawit mismo ni Pangulong Rodrigo Duterte ang mga Parojinog sa illegal na droga.
Ilang miyembro na rin ng pamilya ang napatay sa police raid noong Hulyo 2017.

 

 

Please follow and like us:
Read More