POT SESSION SA RESTOBAR, 6 TIKLO

(NI FRANCIS SORIANO)

KALABOSO ang anim katao, kabilang na ang dalawang menor-de-edad, matapos maaresto at matiklo sa kanilang pot session sa loob ng restobar sa Maria’s Backyard Restobar Brgy. Baritan, Malabon City, nitong Linggo.

Kinilala ni PCOL Jessie Tamayao, hepe ng Malabon City PNP ang mga suspek na sina

Arvi Villamar y Blancada, 21, ng B3-L28, Site 8, Phase 2, Area 3, Brgy. NBBS, Christian Jimenez y Masotes, 21, ng B1-L22, Phase 2, Area 2, NBBS, Apollo Dormiendo, 21, ng B2,- L26, Phase 2, Area 2.

Ang tatlong menor-de-edad ay isang , 17-anyos,  isang 16-anyos at  17- anyos na kapwa residente sa nabangit na lugar.

Ayon sa mga taga PCP-7, kasalukuyang nagsasagawa ang mga operatiba nito ng  Oplan Galugad/Bakal sa nabangit  na establishments nang lumapit at isuplong ng guwardya ang ongoing pot session ng anim na suspek dakong  ala 2:45 ng madaling araw noong linggo na nagresulta sa pagkakaaresto ng mga ito.

Narekober sa mga suspek ang isang piraso ng heat sealed transparent plastic sachet na hinihinalang dried leaves ng marijuana fruiting tops,  isang improvised pipe/glass tube na naglalaman ng dried leaves nng marijuana at  isang disposable lighter.

Please follow and like us:
Read More

ESTUDYANTE EDAD 15, 13, BINARIL NG KAKLASE

crime43

Ni FRANCIS SORIANO

KASALUKUYAN pa ring ginagamot sa Jose Reyes Medical Center ang 15-anyos at 13-anyos na estudyante sanhi ng tama ng bala sa katawan matapos itong pagbabarilin ng kanyang kaklase sa Malabon City, Biyernes ng gabi.

Kinilala ng awtoridad ang biktima na si alyas JR, 15, at alyas Jojo,13, habang nasa pangangalaga na ng City of Social Welfare Development (CSWD) ang suspek na si alyas Mark, 16, pawang mga estudyante ng Tinajeros National High School.

Ayon sa ulat ng pulisya, dakong alas-6:40 ng gabi habang nakatambay ang mga biktima sa gilid ng isang tindahan sa Celia St. Brgy. Tinajeros nang barilin ang mga ito ng suspek gamit ang improvised cal. 22.

Matapos ang pamamaril, tumakas ang suspek subalit agad itong nadakip sa follow-up operation.

Lumabas sa imbestigasyon ng pulisya na unang nagkaroon ng pagtatalo sa pagitan ng isa sa mga biktima at ng suspek. Hindi pa batid ang dahilan ng away na nauwi sa pamamaril sa mga biktima.

Patuloy na iniimbestigahan ng pulisya ang insidente.

Please follow and like us:
Read More

14-ANYOS TINANGAY; RAPIST KULONG

huli

(Ni FRANCIS SORIANO)

REHAS naman na bakal ang hinihimas ngayon ng isang 33-anyos na cook,  matapos maaresto sa follow-up operation ng Malabon City Police ang umano’y tumangay at nanghalay sa 14-anyos na Grade 8 student, kahapon ng madaling araw.

Kinilala ni P/Col. Jessie Tamayao, hepe ng Malabon City Police Station, ang suspek na si Kenneth Odie Gabriel, ng 52 D. Crispin St., Brgy. Tinajeros na naaresto sa Gov. Pascual Avenue, sa harap ng Robinson’s Town Mall bandang ala-1:45, Miyerkoles ng ng madaling araw.

Ayon kay Tamayao, naganap ang insidente noong nakaraang buwan subalit, nitong Lunes lamang ipinagtapat ng biktimang itinago sa pangalang “Norma” sa kanyang ate ang nangyari sa kanya na naging dahilan upang magsampa ang mga ito ng reklamo.

Sa pahayag sa pulisya ng biktima at ate nito na dalawang beses siyang hinalay ng suspek na tumangay umano sa kanya noong nakaraang buwan at dinala siya sa Astrotel Motel sa Samson Road.

Sinabi pa ng biktima sa kanyang nakatatandang kapatid na pinagbantaan siya ng suspek na papatayin kung sasabihin nito kahit kanino ang nangyari sa pagitan nila.

Please follow and like us:
Read More

NGITNGIT NG TINOROTOT

crime85

(NI GUILLERMO OCTAVIO)

ISANG lalaki na nang-agaw umano ng kalive-in ng iba ang binaril at nasugatan sa Malabon City, Linggo ng gabi.

Mapalad ang biktimang si Rudy Roquero at hindi asintado ang nakuhang tirador ng kanyang karibal na si Ronnie Eleuterio, 52, kaya’t pinauwi rin siya matapos magamot ang tama sa kaliwang braso at kanang palad sa Tondo Medical Center.

Samantala, ikinulong si Eleuterio matapos masakote ng mga rumespondeng pulis at makatakas ang ni-recruit nitong birador na nakilala lang sa alyas ‘MacMac.’

Sakay ang biktima ng isang pampasaherong jeep sa P. Aquino St., Letre, Road, Brgy. Tonsuya, ng lungsod nang sumakay sina Eleuterio at MacMac sa tapat ng Everlasting Cemetery.

Paghinto ng jeep ay bumunot ng baril si MacMac at  dahil maliit ang jeep ay malapitang pinutukan ng dalawang beses si Roquero ngunit braso at palad lamang nito ang tinamaan.

Agad tumakas ang mga suspek nang maispatan ang mga pulis sa Letre Road ngunit nasakote si Eleuterio at tuluyang nakapuslit si ‘MacMac’.

Nabatid na matagal nang nagngingitngit si Eleuterio matapos layasan siya ng dating kasintahan at mamuhay kasama si Roquero.

 

Please follow and like us:
Read More

NAPIKON SA SELOS NG BF; BEBOT NANAKSAK

crime85

(NI ALAIN AJERO)

SAKSAK ang isinukli ng isang lasing na bebot sa bintang ng kanyang lasing ding kinakasama  na nakikipag-sex siya sa ibang lalaki, sa Malabon City Linggo ng hapon.

Nananatiling nakaratay sa Ospital ng Malabon sanhi ng  saksak sa likod si Jonathan Gamba, 43, habang dinampot naman ang suspek na nakilalang si Marissa Parawan, 37.

Alas-2:24 pa lamang ng hapon ay matutulog na sana ang dalawa dala ng kalasingan sa loob ng kanilang bahay sa 129 Sitio, Sto. Niño, Brgy. Concepcion.

Mula sa kawalan ay kinompronta ni Gamba si Parawan ukol sa umano’y palihim na pakikipagtagpo nito sa isang alyas “Junior.”

Dito na napikon ang suspect sa tila hindi matapos-tapos na akusasyon ng biktima.

Kumuha ang suspect ng kitchen knife saka inundayan ng isang saksak sa likod ang biktima.

Bagama’t may saksak ay nakalabas ng bahay ang biktima at nakahingi ng tulong sa mga opisyal ng barangay na nagsugod sa kanya sa naturang pagamutan.

Kusa namang sumuko sa pulisya si Parawan at isinuko rin ang ginamit na patalim.

Please follow and like us:
Read More

BEAUTICIAN NA DADALAW SA BF NA PRESO BINARIL

crimeshooting12

(NI ALAIN AJERO)

HIMALANG nabuhay ang isang beautician matapos barilin sa ulo ng isa sa dalawang maskaradong lalaki habang dadalaw sa nakakulong na kinakasama, sa Malabon City, nitong Biyernes.

Agaw-buhay sa Jose Reyes Memorial Medical Center si Sheryl Pineda, 48, ng Block 1, Lot 10 Sitio 6, Brgy. Catmon sanhi ng tama ng bala sa ulo habang nakatakas naman ang mga hindi nakilalang maskaradong suspek

Paalis ang biktima kasama ang pamangkin na si Jian Ronquillo sakay ng isang tricycle ala-1:40  ng hapon para dalawin ang kinakasama ni Pineda na nakapiit sa Malabon City Jail, nang bumulusok sa eksena ang mga suspek sa Governor Pascual Avenue, Sitio 6, Brgy, Catmon.

Isa sa mga suspek ang bumunot ng baril at pinaputukan nang malapitan sa ulo ang biktima.

Sa pag-aakalang todas na ang biktima ay tumalilis ang mga salarin habang itinakbo ni Ronquillo ang tiyahin sa nasabing ospital.

Isang basyo ng hindi nabatid na kalibre ng baril ang narekober sa pinangyarihan ng insidente.

Patuloy ang imbestigasyon upang makilala at mahuli ang mga suspek at malaman ang motibo sa likod ng pamamaril.

Please follow and like us:
Read More

MAKE-UP ARTIST, PATAY SA 2 NAKIPAG-SELFIE

stab100

(NI CHERK BALAGTAS)

HINAHANTING ng pulisya ang dalawang kalalakihang nakipag-selfie muna sa isang make-up artist bago pinagsasaksak na ikinasawi nito sa Lungsod ng Malabon, Lunes ng hapon.

Kinilala ang biktimang si Christian Pontanes, alyas Heart, ng VMN Compound, Barangay Potrero, ng nasabing lungsod.

Namatay si Pontanes habang nilalapatan ng lunas sa Manila Central University (MCU) hospital dahil sa mga saksak sa iba’t ibang bahagi ng katawan.

Sa ulat ni Malabon City Police chief P/Col. Jessie Tamayo, umaga pa lang umano bago magtanghalian nang dumating sa inuupahang bahay ng biktima ang mga suspek na kinilalang sina Johndel Flores at isang nakilala lang sa pangalang ‘Renel’, pawang 18-anyos.

Positibo silang kinilala ng saksi na sina Roan Rosal, 35, at Rose Ann Ramos, 33.

Napag-alamang regular customer umano ni Pontanes ang dalawa kaya’t malaya ang mga itong nakakapasok sa inuupahang kwarto ng biktima. Bago umano maganap ang insidente ay hiniram pa umano ng mga suspek ang cellphone ng biktima at nag-selfie pa umano ang mga ito.

Hindi na umano nabatid kung ano ang dahilan kung bakit pinagsasaksak ito ng mga suspect gamit ang kitchen knife.

Na-recover sa pinangyarihan ng krimen ang cellphone ng biktima na andun pa ang selfie picture nila ng mga suspek at isang duguang kitchen knife na ginamit umano sa krimen.

 

Please follow and like us:
Read More

KANDILA NG ADIK LUMIKHA NG SUNOG

fire123

(NI GUILLERMO OCTAVIO)

TINATAYANG 100 pamilya ang nawalan ng tahanan sa isang sunog sa Malabon City, Huwebes ng madaling araw na nag-ugat umano sa kandilang ginagamit ng mga adik na tanglaw sa kanilang pagbatak.

Napag-alamang nagsimula ang sunog sa ikalawang palapag ng isang bahay sa Herrera St., Barangay Ibaba dakong alas- 3:30.

Wala umaong kuryente ang nasabing bahay kaya’t pinamumugaran umano ng mga adik at sa isang nakasinding kandila umano ng mga bumabatak nag-ugat ang nasabing sunog.

Walang naiulat na nasaktan sa nasabing sunog na umabo sa ari-arian at idineklarang fire out alas-6 ng umaga.

Please follow and like us:
Read More

TRIKE DRIVER NAGLALAKO NG SHABU PANG-‘BOUNDARY’ ARESTADO

drugs

(NI GUILLLERMO OCTAVIO)

ARESTADO ang isang tricycle driver na hindi lamang pasahero kundi pati shabu ang ibinibyahe para umano makapag-boundary sa kanyang operator.

Tatlong iba pa ang inaresto sa magkahiwalay na operasyon ng pulisya sa Malabon City.

Alas alas-9:30 ng gabi nitong Biyernes kamakalawa nang isagawa ang  isang buy-bust operation sa Tiwala St. Brgy. Tonsuya na nagresulta sa pagkakaaresto sa tricycle driver at tulak na si Rizaldy La Fuente alyas “Cogan”, 28, ng Brgy. Longos at suki nito sa shabu na si Luisito Garganta,  alyas “Luis”, 40, ng Sito Balut, Brgy. Tonsuya.

Narekober sa mga suspek ang limang plastic sachet na naglalaman ng hindi pa matukoy na halaga ng hinihinalang shabu at buy-bust money.

Kinailangan umanong magtulak ng shabu ni La Fuente dahil hirap itong makapag-boundary dahil matumal ang biyahe nitong nakalipas na Semana Santa at dahil bakasyon din ng mga estudyante.

Alas -2 naman ng madaling araw, nagsasagawa ng anti-criminality campaign ang mga pulis sa kahabaan ng Labahita St., Brgy. Longos nang isang concerned citizen ang mag-nguso sa dalawang lalaking armado ng boga at nagbebenta ng shabu.

Nang puntahan ng mga pulis ang itinurong lugar ay nasakote sina Rudy Boy Barcenas, alyas “Bunso,” 34, at Christian Roberto, alyas “Ian,” 19, kapwa ng Brgy. 14, Caloocan City.

Nakumpiska sa mga suspek ang isang 9mm pistol na may tatlong bala at dalawang plastic sachet ng shabu at  idiniretso sila sa presinto.

Please follow and like us:
Read More

SPECIAL ASST NG ANG NARS PARTYLIST HULI SA PINEKENG TSEKE

arrested

(NI GUILLERMO OCTAVIO)

ARESTADO ang  special assistant ng pangulo ng isang partylist matapos tangkaing ipalit ng pera ang tsekeng ninakaw sa kanyang amo, Miyerkoles ng hapon sa Malabon City.

Dinakip ng mga pulis dakong ala-1 ng hapon si Kristine Joy Legaspi, ng 11 Alumino St., Brgy. Tugatog,  matapos magsumbong si Ang Nars Partylist president at pangulo ng United Health Care Organization of the Philippines (UHOP) na si Leah Samaco-Paquiz na sumikwat umano si Legaspi sa kanyang bahay na nagsisilbi ring opisina sa 67 Bronze St., Brgy. Tugatog, ng dalawang tseke.

Napag-alamang kinulimbat umano ni Legaspi ang dalawang blangkong tseke ng kanyang amo, pineke ang pirma nito at hinati ang halagang P73,000 sa dalawang tseke.

Matapos ito, inatasan ni Legaspi si John Lloyd Lacsina, 27, graphic artist, na ipalit ng pera ang mga tseke mula sa dalawang kilalang banko na  may nakalagay na halagang P28,000 at  P45,000, kapalit ng pabuya.

Gayunpaman, sa halip na ipalit ang mga tseke, pumunta si Lacsina sa opisina ni Paquiz at isinuko ang mga ninakaw na tseke na nagresulta sa pagkadakip ni Legaspi.

Kakasuhan si Legaspi ng ng qualified theft at forgery sa Malabon City Prosecutor’s Office.

 

Please follow and like us:
Read More

GRAB DRIVER LAGLAG SA BOGA

arrested134

(NI GUILLERMO OCTAVIO)

ARESTADO ang isang Grab driver na sisitahin lamang sana dahil sa pagmamaneho ng motorsiklo nang nakahubad ngunit nahulihan ng baril nang tangkaing takasan ang mga pulis sa Malabon City.

Kinilala ang nadakip na si Arnel Vincente, 27 ng No. 81 Espiritu St. Brgy. Tinajeros.

Ala-1:50 ng madaling araw, nagpapatrulya ang mga tauhan ng PCP-4 na sina PCpl Ramon Dalo, PCpl Khen Brent Visca at PCpl Alex Jhaynard Chico, sa kahabaan ng Aracity St., Brgy. Tinajeros nang mapansin ang suspek na nakahubad.

Nang mapansin ng suspek ang mga pulis, tumakas ito kung saan hinabol ng mga pulis at naaaresto.

Nang pabuksan ng mga pulis ang compartment ng kanyang motorsiklo, narekober ang isang itim na belt bag, isang cal. 45 pistol na kargado ng magazine at apat na bala, isang walang laman na magazine at sari-saring mga identification cards.

Kaugnay nito, 27 iba’t ibang uri ng matataas na kalibre ng baril ang isinuko sa pulisya bilang pagtalima sa mahigpit na kampanya ng mga pulis kontra loose firearms at hindi lisensyadong baril at Oplan Katok sa Malabon City.

Ang mga naturang baril na kusang isinuko ng isang private owner na humiling na itago ang katauhan ay iprinisinta sa media.

Nanawagan ang pulisya sa publiko lalo na sa mga nag-iingat ng hindi lisensyadong baril at mga gun owners na expired na ang papeles na isuko ang mga ito sa pulisya para hindi na masampahan ng kaukulang kaso.

 

Please follow and like us:
Read More

2 GAMER NAGKAPIKUNAN, 1 SINAKSAK SA MUKHA

crime9

(NI GUILLERMO OCTAVIO)

AGAW-BUHAY ang isang gamer nang araruhin ng saksak sa leeg at mukha ng umanoý  ‘’loser” at “walang binatbat” na madalas nitong talunin sa computer games sa Malabon City, Martes ng umaga.

Sira ang gandang lalaki at patuloy na nakaratay sa Tondo Medical Center sanhi ng mga saksak si Gerald Agana, 21, ng No. 872 Gulayan, Brgy. Catmon, habang nasa loob ng computer shop na pinaglalaruan nito.

Tinutugis naman ng mga alagad ng batas ang suspek na nakilalang si John Paul Lopez alyas “Popong”, 24, residente rin ng nasabing lugar.

Alas-10 ng umaga, abala sa games sa loob ng isang computer shop sa 685 Interior Gulayan, Brgy. Catmon ang biktima kasama ang kabigan na si El John Vasquez, 25, nang lumapit ang suspek at makipagkuwentuhan sa biktima.

Ilang sandali pa ay kumuha ng kitchen knife mula sa kanyang baywang ang suspek at ihinalihaw ang nasabing patalim sa leeg at mukha ang biktima.

Matapos ang krimen ay itinapon ng suspek ang ginamit na kutsilyo at tumalilis habang isinugod naman ni Vasquez ang biktima sa naturang pagamutan.

Please follow and like us:
Read More

PROBLEMADO SA BF; BABAE LUMAGOK NG SILVER CLEANER

crime123

(NI ALAIN AJERO)

WINAKASAN ng isang 23-anyos na bebot ang kanyang buhay sa pamamagitan ng pag-inom ng silver cleaner matapos makipag-away sa text sa kanyang kinakasama, Huwebes ng hapon sa Malabon City.

Alas-5:20, bangkay na si Hazel Grace Abarquez nang matagpuan ng pinsang si Ken Alamo sa roofdeck ng kanilang bahay sa 38 Malian St., Brgy. San Agustin, ng lungsod.

Ayon kay Alamo dakong alas 2:00 ng hapon ay nanghiram ng silver cleaner si Abarquez at nang hindi niya ito pahiramin ay lumayas at sinabing bibili na lang siya ng sarili niyang silver cleaner.

Nang umakyat si Alamo sa roofdeck ng kanilang bahay para kumuha ng damit ay bumulaga sa kanya ang bangkay ng pinsan at agad niyang ipinaalam ito sa kanilang pamilya.

Ayon sa pulisya nakipag-away ang biktima sa kinakasama batay sa mga mensaheng nakuha sa cellular phone nito.

Dagdag pa ng isang pinsan ni Abarquez na si Shiela Mae Alamo, nabanggit ng biktima na nais na nitong magpakamatay dahil sa mga suliranin sa buhay.

Lumagda naman ang legal guardian ni Abarquez na si Virgilio Alamo  na hindi na sila interesadong paimbestigahan ang pagpapatiwakal ng pamangkin.

Please follow and like us:
Read More

ESTUDYANTE BINOGA SA BARANGAY HALL

crimebaril1

(NI GUILLERMO OCTAVIO)

KRITIKAL ang isang 19-anyos na estudyante matapos barilin ng isang construction worker na tinotoo ang bantang babarilin niya ang unang lalabas sa barangay hall kung saan dinala ang dalawang kelot na humipo sa maseselang bahagi ng katawan ng kanyang kinakasama sa Malabon City, Lunes ng gabi.

Kinilala ang biktimang nananatiling nasa maselang kalagayan sa Tondo Medical Center matapos na ilipat rito mulas sa Ospital ng Malabon na si Jimboy Nobleza, ng  113 Adante St. Brgy. Tañong habang nakatakas naman ang suspek na si Jessie Boy Cordero alyas “Burnok,” 22, ng Camia St. Brgy. Maysilo, ng lungsod.

Unang inireklamo ng kinakasama ng suspek na si Kristine Joy Andalas, sina Daren Larto, 36, at Carlo Buenaventura, 21, ng pambabastos ang panghihipo kaya’t binitbit ng mga barangay tanod ang dalawa sa barangay hall upang imbestigahan.

Kaibigan ng biktimang si Nobleza sina Larto at Buenaventura kaya’t sumama ito sa barangay hall para suportahan ang dalawang pinagbibintangang nanghipo.

Habang tinatanong ng mga opsiyal ng barangay ang dalawa, dumating naman si Cordero at nagbanta na mamamatay ang unang lalabas ng barangay hall.

Ipinagkibit-balikat lamang ng mga ng mga opisyal ng barangay ang pagbabanta at nagulat na lamang ang lahat nang barilin ni Cordero si Nobleza.

Please follow and like us:
Read More

PULIS UMAWAT SA AWAY MAG-SYOTA GINULPI

pnp

(CHERK BALAGTAS)

ARESTADO ang limang kalalakihan matapos pagtulungang gulpihin ang isang pulis na tumugon lang sa tawag ng tungkulin sa Lungsod ng Malabon Biyernes ng madaling araw.

Kinilala ang mga suspek na sina John Jay Bungco, 27 anyos, security guard; Ian Ajoc, 24 anyos; Vicente Jay Carillo, 21 anyos; Benjiel Carillo, 25 anyos at Gilbert Polo, 30, pawang mga residente ng Barangay Tinajeros ng nasabing lungsod.

Sa ulat ng Malabon City Police, ganap umanong alas 2:30 ng madaling araw nang maganap ang insidente sa kahabaan ng Sisa Street, Goldendale, Barangay Tinajeros ng nasabing lungsod.

Pauwi na sana umano noon ang biktimang si PO2 Johnny Camfoli, 30 anyos, na nakatalaga sa Malabon City Police Community Precint 1 sakay ng kanyang motorsiklo nang mapansin ang isang lalaki na kinalaunan ay nakilalang si Bungco na ginugulpi ang babaeng umano’y karelasyon nito.

At dahil sa tawag ng tungkulin ay agad na huminto si Camfoli at nagpakilalang pulis saka inawat si Bungco, ngunit sa halip na kumalma ay lalong nagalit ang huli at pinagbalingan ng galit ang umaawat lang na pulis.

Pinagsusuntok ni Bungco ang biktima at doon na din nakisali ang apat pang suspek na nakibugbog na din, matapos ang insidente ay agad ding nagsitakas ang mga suspek samantalang kahit na hinang – hina ay nagawa pa ring makahingi ng saklolo ng biktima sa kanyang mga kapwa pulis na agad ding nakaresponde na nauwi sa agarang pagkakaaresto sa lima.

Sa ngayon ay nasa kustodiya na ng Malabon City Police Detention Cell ang mga suspek na nahaharap sa kasong Physical Injuries at Direct Assault, kasalukuyan namang nagpapagaling pa ang biktima sa mga pinsalang natamo niya sa pambubugbog.

Please follow and like us:
Read More

1 BATA BAWAT BUWAN IBINUBUWIS SA RESORT

lunod18

(NI GUILLERMO OCTAVIO)

ISANG walong taong gulang na totoy ang nalunod sa isang resort sa Malabon City Lunes ng umaga nang imbitahan sa swimming ng boyfriend ng ina, isang buwan matapos isang nene ang malunod din sa nasabing resort na inimbita naman ng tiyuhin sa kaarawan ng girlfriend nito.

Kinilala ang biktima na si Nigelmin Berinio, estudyante, ng 402 Pacheco St., Brgy. 67, Tondo, Manila.

Alas 11:30 ng umaga nang maganap ang trahedya sa M&A Resort sa 356 M. H. Del Pilar St,. Brgy. Maysilo.

Inimbitahan ang biktima, kasama ang kanyang ina na si July Anne, 25, at boyfriend nito para sa family outing sa naturang resort.

Nabulabog ang masayang resort nang masagi ng paa ni Mark Anthony Guia, 17, ang katawan ni Berinio sa ilalim ng swimming pool.

Tinawag ni Guia ang isang kaibigan at ipinaalam ang insidente sa duty lifeguard na si Leidielyn Cruz, 37, na agad iniahon ang biktima saka sinubukang i-revive sa pamamgitan ng cardiopulmonary resuscitation (CPR) bago isinugod sa San Lorenzo Ruiz Women’s Hospital kung saan idineklarang dead-on-arrival ang paslit.

Magugunitang noong Enero, sa San Lorenzo Ruiz Women’s Hospital din nalagutan ng hininga si Ayesha Amore Herrera, 5,  estudyante, ng 2054 C. Oroquieta St. Sta. Cruz, Manila, matapos na malunod sa nasabing resort.

Inimbitahan ang biktima ng kanyang tiyuhin si Yeardly Russle Bautista, 22, sa birthday celebration ng girlfriend nitong si Eillen Carandang, 31, at alas 2:30 ng hapon ay nabulabog ang kasiyahan nang ipaalam sa magkatipan ng mga kasamahan na nakitang lumulutang sa swimming pool ang paslit.

Isinailalim sa CPR ni Mary Grace Carandang, 32, registered nurse, saka itinakbo sa naturang pagamutan subalit, namatay din ito makalipas ang ilang oras.

 

Please follow and like us:
Read More

MAG-AMIGA KALOBOSO SA SHABU

amiga1

(NI GUILLERMO OCTAVIO)

ARESTADO ang isang bebot na pinagugulong ang kinikita sa pagpapa-5-6 sa pagtutulak ng shabu at ang kanyang amiga sa isang buy-bust operation sa Malabon City Miyerkoles ng madaling-araw.

Kinilala ang mga dinakip na sina Ruby Mateo, 39, na sangkot din patubuang pautang, at Racquel Serano, 49, kapwa ng 95 5th St. Brgy. 11.

Nasakote ang dalawa dakong alas-3:30 ng madaling-araw sa Prelaya St., Brgy. Tugatog.

Idinaos ang operasyon laban sa mag-amiga matapos ang dalawang linggong pagmamanman ng mga pulis.

Nang makaiskor sa kanila ang mga parak ng P500 halaga ng shabu ay pinosasan na ito ng mga parak

Nang kapkapan ay nakuhan pa ng mga pulis ang 16 na sachets na naglalaman ng hindi pa batid na dami ng shabu at ang buy-bust money.

Please follow and like us:
Read More

‘HIRED KILLER’ ARESTADO SA EXTORTION

kotong

ARESTADO sa entrapment operation sa Malabon City ang hinihinalang hitman at kasama nito dahil sa umano’y pangongotong sa isang negosyante.

Sinabi ng negosyate na humihingi ang mga suspect ng P150,000 kapalit ng hindi pagpatay sa kanya. Nakatanggap umano ang negosyante ng sulat noong December 17 na nagsasabing gusto siyang ipatumba ng kalabang grupo.

Idinagdag pa ng hitman na sya ang pumatay sa pamangkin ng negosyante noong 2018 at nagbanta na siya na ang kasunod kung hindi niya papantayan ang perang iniaalok ng kalabang grupo ng negosyante.

“Para manatili raw akong buhay ay tapatan ko raw ‘yung halaga na ipinatong sa ulo ko,” sabi ng biktima.

Nang hindi umano sya kumagat sa gusto ng suspect, nagpadala ito ng bala kalapit ng sulat.

Doon na humingi ng tulong ang negosyante sa Criminal Investigation and Detection Group (CIDG) Quezon City Field Unit.

Ikinasa ang entrapment operation at inaresto na ang mga suspect nang tanggapin sa isang remittance center ang perang galing sa negosyante sa barangay Tanong.

Hindi na nagbigay ng komento ang mga suspect nang arestuhin.

Please follow and like us:
Read More