LOLO KALABOSO SA RAPE NG APO

arrested124

(NI JULIE DUIGAN)

KALABOSO ang isang 63-anyos na lolo makaraang ireklamo ng panggagahasa ng sariling apo, sa Tondo, Manila.

Kasong rape o paglabag sa Republic Act 8353  ang haharapin ng suspek na residente ng Tondo, Manila dahil sa reklamo ng 13-anyos na dalagitang apo, Grade 9.

Batay sa ulat ng Manila  Police District-Jose Abad Santos Police Station 7, naganap ang panghahalay ng bandang ala-1:00 ng hapon nitong Lunes (Hunyo 10) sa loob ng kanilang bahay.

Inaresto nina Kagawad Rodolfo Cabinbin at Ex-O Dennis Romio Marquez, ng  Barangay 232 Zone 21 District 2 ang suspek nang pormal na ireklamo ng biktima.

Sa salaysay ng biktima kay P/Corporal Shiela Marie De Guzman, habang mag-isa siyang  natutulog  sa loob ng kanilang bahay ay nagulat siya nang gisingin ng kanyang lolo.

Ini-lock umano ng lolo niya ang pintuan at inutusan siyang maghubad ng underwear at gahasain ito.

Please follow and like us:
Read More

MATAPOS ANG 10-TAON; LOLO HIMAS-REHAS SA MURDER

arested12

(N DAVE MEDINA)

HIMAS-REHAS ang isang senior citizen makaraan ang isang dekadang pagtatago sa batas matapos tuluyang maisilbi ang kanyang warrant of arrest, nitong Lunes.

Ang suspek na si  Francisco  Agub,  alyas  Kikoy, 76, ay tuluyang nasilbihan ng  warrant of arrest sa kanyang pinagtataguan sa Block 4 Bay Garden Lupang Arenda, Taytay, Rizal, Lunes ng madaling araw dahil sa kasong murder na iniwan sa Pateros noong 2008.

Walang piyansang inirekomenda ang korte para kay Lolo Kikoy dahil kasong murder ang kanyang bubunuin.

Please follow and like us:
Read More

LOLO TINODAS SA INTERNET SHOP

crime85

(NI DANN RIVERA)

LUCENA CITY QUEZON-Bulagta ang isang 63-anyos na mananahi matapos itong paulanan ng putok ng hindi nakilalang mga salarin habang ito ay nasa loob ng computer shop sa may Purok Pagkakaisa 2,bahagi ng Barangay Ibabang Iyam nabanggit na lunsod.

Sa report ng Lucena PNP, nakilala ang biktima na si Dante Mendoza at residente ng nasabing barangay.

Batay sa imbestigasyon dakong alas 9:00 ng gabi habang nanonood ng video games ang biktima nang biglang lumapit ang isa sa suspek at walang habas na pinagbabaril ito hanggang sa mamatay.

Duguang bumagsak ang biktima at nagtamo ng mga tama ng bala mula sa caliber 45 na baril habang tumakas naman ang mga suspek matapos maisagawa ang pamamaril.

Patuloy pa ang isinasagawang imbestigasyon ng mga pulis upang makilala ang salarin at hindi pa rin matukoy ang tunay na motibo ng pamamaslang.

Please follow and like us:
Read More

SENIOR CITIZEN BINURDAHAN NG SAKSAK NG MAGKA-LIVE IN

stab

(NI JULIE DUIGAN)

HINDI na nagawang maisalba ng mga manggagamot sa Tondo General Hospital ang isang 60-anyos na street sweeper, makaraang pagtulungang patayin  sa saksak ng mag–live in sa Tondo, Manila , Huwebes ng gabi.

Sa isinagawang follow-up operation ng mga tauhan ni P/Lt.Col. Reynaldo Magdaluyo , Station Commander ng Manila Police District-Raxabago Police Station 1, nadakip ang suspek na nakilalang si Ferdinand Nedrosa habang patuloy ang pagtugis sa tumakas na umano’y  kinakasama ni Nedrosa na  si Rochelle Dumag , kapwa residente ng 107 Roxas St., sa Brgy.100 Zone 8, Tondo.

Nakilala naman ang biktimang si Ernesto Calanoc.

Base sa ulat na isinumite ni Det. Richard Escarlan , kay P/Capt. Henry Navarro , hepe ng MPD-Homicide Section , bandang alas-8:45 ng gabi, nang maganap ang krimen sa Trinidad St., malapit sa panulukan ng Lacson St., sa Tondo.

Ayon sa isang Jeyson Aparato, 44 , pauwi na umano ito at habang naglalakad sa kahabaan ng Trinidad St., nang makita nitong nakakubabaw na pinag-uundayan ng saksak si Calanoc, habang ang kinakasama naman nito ay nakasakal sa leeg. Nang makitang wala ng malay ang biktima, nagkanya-kanya na umanong takas papalayo ang dalawa, habang isinugod sa nasabing pagamutan si Calanoc.

Hinalang may kaugnayan sa shabu ang pinag-ugatan ng krimen ngunit patuloy pa itong iniimbestigahan.

 

Please follow and like us:
Read More

69-ANYOS HULI SA SHABU

arrested123

(NI GUILLERMO OCTAVIO)

KALABOSO ang isang lolo nang madakip matapos suriin sa kalsada kung sakto ba o kulang ang timbang ng naiskor niyang shabu sa Malabon City.

Sa edad na 69 ay kakasuhan ng paglabag sa Comprehensive Dangerous Drugs Act of 2002 at daranas pa ng paghihirap ang nadakip na suspect na si Efren Salac, ng Barangay Catmon, Malabon City.

Alas-8 ng gabi, nagpapatrulya umano ang mga pulis sa nasabing barangay nang maispatan si Salac na tila may sinusuring maliit na bagay.

Nang lapitan ng mga pulis ay natuklasang sachet pala ng shabu ang itinatapat ng matanda sa liwanag upang malaman kung na-onse siya sa timbang ng kanyang suking tulak.

Dinakma ng mga parak ang suspek at idiniretso sa presinto.

 

Please follow and like us:
Read More

GALING SA FAMILY REUNION; LOLO PATAY SA DUMP TRUCK

accidentsign1

(NI BONG PAULO)

PATAY ang isang 78-anyos na lolo makaraang masagasaan ng dump truck matapos dumalo sa kanilang reunion at masangkot sa aksidente sa pathway ng Sitio Traankini, barangay Lamlahak, Lake Sebu, South Cotabato, iniulat nitong Martes.

Kinilala ni Lake Sebu PNP OIC Police Major Nathaniel Panaguiton, ang nasawing biktima na si Teopisto Langub, 78, magsasaka at ng Trento, Agusan Del Sur.

Lumabas sa inisyal na pagsisiyasat ng mga pulis na ang biktimang si Langub na dumalo lamang sa family reunion ay nasagasaan ng dump truck, pasado alas-4:00 ng hapon.

Nabatid na ang dump truck na nakasagasa sa biktima ay maghahatid sana ng buhangin para sa gagawing pathway papunta sa Traankini Cold Spring.

Ang biktima ay agad na binawian ng buhay sanhi ng matinding mga sugat na natamo nito. Habang ang driver ng dump truck na nakasagasa na si Alibert Pangan ng Lamfugon, Lake Sebu ay tumakas at inabandona ang dump truck sa national highway barangay Bacdulong sa nasabing bayan.

Please follow and like us:
Read More

LOLO TINAWAG NA MANYAK NANAKSAK

stab

(NI JG TUMBADO)

KRITIKAL sa pagamutan ang isang 45 anyos na ginang makaraang pagsasaksakin ng kanyang kapitbahay na tinawag nitong ‘manyak’ sa Iligan City, Isabela.

Tatlong malalalim na tama ng saksak sa katawan ang tinamo ni Analyn Paduala mula sa 60-anyos na suspek na si Recarter Elew, ilang sandal matapos magkainitan ang mga ito.

Ayon sa imbestigasyon ni Police Master Sergeant Margel Dayday ng Iligan City police, nangyari ang insidente sa labas ng bahay ng suspek sa Purok 2 Barangay Dalipuga nitong araw ng Huwebes dakong alas 8:00 ng umaga.

Sinugod umano ng matanda ang ginang makaraang ipagsigawan nito sa kanilang mga kapitbahay na isa itong ‘manyak’ na labis namang ikinapikon ng una hanggang humantong na sa pananaksak.

Pero nabatid kay Dayday na matagal na umanong may matinding alitan sa pagitan ng dalawa na nauwi pa sa demandahan.

Agad namang sumuko sa pulisya si Elew matapos ang ginawa nitong pananaksak kay Paduala.

Sa kulungan inihayag ni Elew na nagawa nya lamang ang krimen dahil na rin sa pag uudyok ng biktima.

Matagal na umano siyang nanahimik sa ginagawang pangungutya sa kanya ni Paduala hanggang mangyari na ang insidente.

Pero sa kuwento naman ng kaanak ng biktima, bigla na lamang nanaksak si Elew sa hindi malamang dahilan.

Naglalakad lamang umano ang biktima kasama ang ilang kaibigan nang matapat sa bahay ng suspek.

Inakala umano ng matanda na siya ang pinag-uusapan at pinagtatawanan ng grupo ni Paduala na bumansag sa kanya na manyak.

Kasong frustrated homicide ang ikinakaharap na kaso ngayon ni Elew makaraan itong sampahan sa  City Prosecutors Office nitong Biyernes.

Please follow and like us:
Read More

LOLO TINAGA SA ULO NG ‘PRANING’ NA KAPITBAHAY

ARRESTED-3

(NI KEVIN COLLANTES)

SUGATAN ang isang lolo nang pagtatagain ng isang lalaking umano’y may diperensiya sa pag-iisip, sa harap ng kanyang tahanan sa Antipolo City  nitong Huwebes.

Ang biktimang si Arsenio Padaong, 69, ng Sitio Riverside, Tagbac, Barangay San Jose, ay nagtamo ng dalawang taga sa ulo at kanang hita habang arestado naman ang suspek na si Jaime Barrera de Lumen, kapitbahay ng biktima.

Batay sa ulat ng Antipolo City Police, sa Rizal Police Provincial Office, dakong 10:30 ng umaga nang maganap ang krimen sa harapan mismo ng inuupahang tahanan ng biktima.

Nabatid na nakaupo lamang at nagpapahinga ang matanda nang bigla na lang lapitan ng suspek at pagtatagain, gamit ang isang itak na may habang 26 na pulgada.

Nakita naman ng ilang kapitbahay ang pangyayari kaya’t dinaluhan ang matanda, na kaagad namang nalapatan ng lunas.

Tumawag rin sila ng mga pulis na nagresulta sa pagkakaaresto ng suspek at pagkarekober ng itak na ginamit nito sa krimen.

Ayon sa pulisya, ang suspek ay sasampahan ng kasong frustrated murder at paglabag sa Batas Pambansa 6 (illegal possession of bladed weapon) in relation to Omnibus Election Code (Gun ban).

 

Please follow and like us:
Read More

LOLO BINASTED; NILILIGAWAN SINAKSAK

stabbing1

(NI DAVE MEDINA)

KULUNGAN  ang kinabagsakan ng isang lolo makaraang pagsasaksakin ang nililigawan sa Paranaque City, nitong Miyerkoles. Kinilala ang suspek na si Zenas Cañete, 70, bantay ng isang bilyaran sa Bgy. San Dionisio, Parañaque City.

Sa record ng pulisya, nagalit ang suspect nang bastedin ng nililigawang dalaga sa San Dionisio kaya’t pinagsasaksak niya ang biktima na ikinasugat nito.

Kwento ng biktimang si Michelle Santos, makailang beses na umano siyang pinadadalhan ng inspiring messages ni Cañete at nagpaparamdam na may gusto sa kanya sa pamamagitan ng text.

Nung una ay inakala umano ni Santos na nagbibiro si Lolo Boy pero kinalaunan ay hindi na inspiring messages kundi malalaswang text messages na ang ipinadadala ng inirereklamo.

Sinikap pa umano ni Santos na igalang ang matanda sa kabila nito pero nang sineryoso ng suspek na manligaw, binasted na niya ito, dahilan para magalit ang suspek.

Kagabi ay nagkausap pa umano sila ni Lolo Boy habang lasing ito na nauwi sa mainitang pagtatalo. Tinanggihan umano ng biktima ang panliligaw dahilan para saksakin siya ng suspect.

Hindi man inaasahan ni Michelle na magagawa sa kanya ng manliligaw na sasaksakin siya, pero maagap din niyang nasalag ng kaliwang kamay ang pagsaksak sa kanya ng suspek ng kutsilyo, bago ay sumigaw siya sa paghingi ng saklolo.

Umamin naman si Cañete na nagkakatext sila ni Santos pero itinangging nanliligaw siya dahil hindi naman umano niya gusto ang biktima dahil hindi siya maganda.

Lalo namang nagdesisyon si Santos na hindi iurong ang reklamo laban sa matanda sa takot na bweltahan pa siya ng suspek .

 

Please follow and like us:
Read More

LOLO BINARIL SA ULO

crime100

(NI BONG PAULO)

TUMIMBUWANG ang isang 60-anyos na lolo makaraang pagbabarilin ng hindi pa nakilalang gunman sa panibagong pamamaril na naganap sa Purok 6, barangay Southern Panigi sa bayan ng Padada Davao Del Sur, Linggo ng umaga.

Kinilala ang biktima na si Felix Camarinos Rabillum, 60, may asawa at nakatira sa nasabing lugar.

Nangyari ang pamamaril habang nakaupo ang biktima sa bahay ng kanilang kapit-bahay alas 9:00 ng umaga.

Ayon sa PNP, hinihintay lang ni Rabillum ang kanyang anak upang ipagamot ang karamdaman nito sa Digos City nang biglang dumating ang gunman sakay ng motorsiklo at barilin ang biktima.

Naisugod pa ang biktima sa ospital pero idineklara na itong dead on arrival ng mga doktor.

Di pa malaman sa ngayon kung ano ang motibo ng mga resposable sa nasabing pamamaril.

Please follow and like us:
Read More

LOLO PATAY SA SEX

heart1000

(Ni JG TUMBADO)

ISANG 70-anyos na lolo ang namatay sa pakikipagtalik sa isang 24-anyos na babae sa loob ng kanyang bahay sa Asingan, Pangasinan.

Si George Martinez, Sr., tricycle driver, ay namatay habang isinusugod sa Asingan Community Hospital bandang alas-11:40 kagabi.

Ayon sa pulisya, hindi umano nakahinga si Martinez habang nakikipag-sex sa babae at nawalan ng malay. Sinabi ng mga kaanak ni Martinez na ang matanda ay mag hypertension at posibleng tumaas ang presyon nito habang nakikipagtalik.

Please follow and like us:
Read More

LOLO PATAY NANG NASUBSOB ANG ULO SA TUBIG-BAHA SA KANILANG BAHAY

DEAD MAN-1

(Ni CHE ALMADIN)

PATAY nang matagpuan ang isang matandang lalaki na nakalublob ang kanyang ulo sa tubig baha sa ilalim ng kanilang bahay sa Lungsod ng Malabon.

Ang bangkay ni Reynaldo Diamzon (68-anyos) ay natagpuan ng kanyang pamangking si Alfred Tumalad (16-taong-gulang) pasado alas 3:00 ng hapon kahapon.

Ayon kay Tumalad, nakita niya ang katawan ng kanyang lolo na lumulutang sa tubig-baha sa ilalim ng kanilang bahay sa Celia II Street, Barangay Bayan-Bayanan.

Nakasubsob pa raw ang ulo ng biktima sa tubig-baha..

Matagal nang may baha ang kanilang bahay na hindi na nawala simula pa noon, saad ng binatilyo.

Please follow and like us:
Read More