LIZA: ‘BAWAL PA AKO MAG-BF NOON KAYA LANG MATIGAS ‘YUNG ULO KO!’

LIZA

Mahigit limang taon nang magkasintahan ngayon sina Liza Soberano at Enrique Gil. Labingpitong taong gulang pa lamang noon ang aktres nang maging nobya ng binata. Matatandaang tutol pa noong una ang pamilya ni Liza sa pagkakaroon ng karelasyon dahil wala pa sa tamang edad ang dalaga. “Ipinaglaban ko siya, I think the craziest thing I wouldn’t have expected myself to do is, siyempre seventeen lang ako noong naging kami. So ipinaglaban ko ‘yung relationship namin. Kasi bawal pa ako magka-boyfriend noon kaya lang matigas ‘yung ulo ko,” natatawang pahayag ni Liza.

Nakumbinsi ng aktres ang ama na magkaroon ng kasintahan sa murang edad dahil pinaliwanagan daw niya ito. Naniniwala si Liza na si Enrique na ang kanyang mapapangasawa at makakasama habambuhay. “Sabi ko sa daddy ko, ‘Masaya ako, kung gusto mo ako maging masaya, papayagan mo ako. Yes, I believe so (na si Enrique ang mapapangasawa), 100% in my heart,” giit niya.

Ngayon ay napag-uusapan na rin umano nina Liza at Enrique ang tungkol sa pagpapakasal. Ayon sa dalaga ay hindi siya magdadalawang isip kung sakali mang mag-propose na ng kasal ang aktor. “Siyempre you can never say that you’re fully ready or prepared for that big question. Pero no doubt, I will say yes,” nakangiting pagtatapos ng aktres.

Samantala, mamayang gabi ay magsisimula na sa Kapamilya network ang pinakabagong teleserye na pinagbibidahan nina Liza at Enrique na Make It With You. Kinunan pa sa bansang Croatia ang maraming eksena para sa naturang serye.  (Ni Boy Abunda with James C. Cantos)

Please follow and like us:
Read More

AYAW SA EXTRA SERVICE PERO… ENRIQUE NAGPA-MASSAGE NG HUBO’T HUBAD

rommel placente(NI ROMMEL PLACENTE)

GAYA ng ibang artista, pinasok na rin ni Liza Soberano ang pagnenegosyo. Nagtayo siya ng spa, na tinawag niyang  Hope..Your Wellness Ritual. Dalawa na ang branches nito. Ang isa ay matatagpuan sa Tomas Morato, at ang isa ay sa Filinvest Alabang, na kamakailan ay ginanap ang blessing nito. Dumalo rito ang boyfriend at ka-loveteam niyang si Enrique Gil, manager na si Ogie Diaz at ang kaibigan na si Robi Domingo.

Sa interview ni Ogie kay Liza, tinanong niya ang alaga kung bakit sa Alabang nito naisipang magtayo ng spa.

Sabi ni Liza,”Kasi madalas po ako rito (Alabang). And whenever I’m here, I really feel like home, for some reason because it’s more relaxed, chilled, and parang ganoon ‘yon ang  vibe na gusto kop for Hope…Your Wellness Ritual. In the future, dito rin ako titira.”

Pagkatapos makausap ni Ogie si Liza, sunod naman nitong kinausap si Enrique. Dahil nga nandoon sa blessing ng spa ang young actor, ipinakita lang nito na supportive siyang boyfriend kay  Liza. Tinanong ni Ogie si Enrique kung gaano ito ka-supportive kay Liza.

Sabi ni Enrique:”Sobrang supportive. Kahit anong dreams niya, kahit anong gusto niyang gawin sa career niya, nandoon po ako.”

Since spa ang business ni Liza, tinanong ni Ogie ang aktor kung na-experience na ba nitong magpa-massage nang hubo.

“Oo, sa The Farm,”sagot ni Enrique na natatawa.

“Ewan ko pero parang hindi ako sanay. Minsan paglabas ko naka-brief pa ako. Tapos ‘yong mga babae roon, ‘yong mga masahista, sabi,”Sir tanggalin ninyo po ‘yan (brief). May provided na short,” Basta, parang ang weird ng feeling,”natatawang sabi pa ni Enrique

Sabi ni Ogie, ang swerte raw ng masahista na namasahe ang puwet ni Enrique.

“Oo nga, eh,”tawa na naman ni Enrique

Na-experiencia na rin ba niya ‘yung tinatawag na spakol? ‘Yung mamasahehin tapos ima-musturbate ng masahista?

“A, hindi.  Hindi pa,”natatawa na namang sagot ni Enrique

“Actually, may ginawa kaming pelikula  before, kami nina Xian (Lim), Enchong (Dee), Kean (Cipriano), ‘yung The Reunion. We had this, ‘yung cast bonding. Sabi ni Direk, tara may pamasads doon, ako na bahala, pamasahe tayo. Nauna pa nga akong pumasok doon (spa). Tapos noong nasa loob na ako ng cubicle, meron na ngang ganoon (spakol). Sabi ko sa masahista, “No, no, ‘yong normal massage lang,” natatawa pang kwento ni Enrique.

 

Please follow and like us:
Read More

LIZA, PRESSURED NA PUPUNTA SA ABS-CBN BALL

boy abunda(NI BOY ABUNDA)

SA Sabado na gaganapin sa Shangri-la Hotel sa Taguig ang ABS-CBN Ball. Isa sa mga pinakaaabangan taun-taon ay si Liza Soberano dahil sa kanyang magandang ayos at kasuotan. Aminado naman ang dalaga na nakararamdam talaga siya ng kaba sa tuwing dumadalo sa nasabing event. “I can never really say that I’m fully excited for the ball because I feel there’s so much pressure. That makes me more nervous because I don’t want to let people down, of course. I also don’t want expectations to get in to my head,” paliwanag ni Liza.

Kahit kinakabahan ay masaya pa rin ang aktres dahil ito ang pagkakataon na nagkakasama-sama o nagkakaisa ang mga artista ng Kapamilya network sa nasabing event. “I feel like the ball is supposed to be something that the management, Star Magic and all of us artists, we come together as one just to celebrate and to mingle with each other. For some reason, through the years, parang mas napi-pressure ako nang napi-pressure. I just want to enjoy and spend time with them and gain new friends,” nakangiting pahayag ng dalaga.

Masaya rin si Liza dahil ang pagtitipong ito na ginagawa ng ABS-CBN taun-taon ay maraming natutulungang mga bata. Inilalaan sa Bantay Bata 163 ang pondong malilikom mula sa mga dadalo rito. “I’m really happy about that. I love children dearly and it is something that Ma’am Gina (Lopez) would have wanted. So I’m really glad that they’re doing that. This event isn’t just glamour, it is also about giving back and I really respect that and I’m all for that,’ giit niya.

Samantala, pagkatapos ng Star Magic Ball ay nakatakda nang simulan ang taping para sa pinakabagong teleserye nina Liza at Enrique Gil. Sa ibang bansa pa raw kukunan ang mahahalagang eksena para sa bagong proyekto. “Actually we’re going to leave the country sometime next week I guess, but I don’t have any details yet as to where or what’s the story all about. But they’re going to send the story within the week,” pagtatapos ng aktres. -Reports from JCC-  

 

 

 

Please follow and like us:
Read More

DAHIL SA MAHABANG BAKASYON; FANS NI LIZA NABABAWASAN?

pwede ed deleon(NI ED DE LEON)

PARA sa isang artista, isa sa pinaka malaking problema iyong out of circulation ka. Bagama’t may mga fans na talagang loyal at maghihintay sa iyo, mas maraming fans ang mawawala dahil lilipat iyan sa isang bagong artistang mas madalas nilang makikita. Kaya nga ang sinasabi nilang kalaban ng isang artista talaga ay iyong mahabang absence sa kanilang career.

Isang magandang example si Nora Aunor. Bago siya umalis noon papunta sa US, kahit na papaano gumagalaw pa rin naman ang career niya. May mga major film producers pa ring kumukuha sa kanya. Tapos tumanggap siya ng shows sa US, nagkaroon naman siya ng problema sa airport. Dahil sa kaso, hindi siya makaalis sa US. Napakatagal niyang out of circulation. Nang magbalik pa siya, wala na siyang boses na nadisgrasya sa isang operasyon. Hirap na ang career ni Nora.

Wala nang malaking film company na kumuha sa kanya. Puro indie na lang.

Maski na si Vilma Santos eh, suwerte nga lang siya dahil kahit na papaano mas marami ang kanyang loyal followers na talagang nakahandang maghintay sa kanya. Ang advantage siguro ni Ate Vi, nakikita pa rin naman siya ng mga fans kahit na wala siyang pelikula. Pero marami na ring fans na nawala, at normal lang naman iyon dahil wala siyang pelikula o TV show.

Nabanggit lang namin iyan dahil kay Liza Soberano. Tatlong buwan siya sa US dahil sa pagpapa-opera ng kanyang finger. At least totoong nagpa-opera, hindi iyong ang sinasabing operasyon at drawing lang kung hindi man masasabing fund raising activity.

Tapos ngayon ang sinasabi ng kanyng doctor, kailangan niyang magpahinga ng mga dalawang buwan pa habang sumasailalim sa therapy. Halos kalahating taon na iyang hindi napapanood si Liza. Ilang fans ang nawala sa kanya dahil diyan? Hindi naman mauubos ang fans niya, pero malaki ang mawawala.

Please follow and like us:
Read More

FRESH DARNA ANG KAILANGAN

darna123

pwede ed deleon(NI ED DE LEON)

MASKI pala naman si Liza Soberano naniniwala na mas maganda nga siguro kung isang baguhan ang siyang papalit sa kanya sa pelikulang Darna. Ang paniwala niya, ang kuwento mismo ni Darna ay makagagawa ng isang baguhang star at maganda nga namang mabigyan ng pagkakataon ang isang baguhan, after all kailangan naman natin ng mga box office stars talaga. Tingnan nga ninyo iyong ibang pinipilit na i-build up, maski sa teleserye pang tatlong linggo lang flop na.

Maganda nga namang pagkakataon iyang Darna para maka-discover ng isang may tunay na potentials para maging isang star. Dalawang araw silang nagsagawa ng auditions, aywan kung may nakuha naman sila. May mga datihan na ring artista na nag-audition pa, sa paniniwala siyempre na iyon ang magpapa-angat sa kanilang career.

Iyon naman palang director ng pelikula, payag ding baguhan ang maging Darna, kasi kung mga beauty queen o kaya ay datihan nang artista, medyo matured na sa tingin niya dahil ang paniwala niya dapat ay young looking si Darna, iyong mukhang fresh talaga.

Malaking sugal iyan. Alalahanin ninyo, gumawa ng Darna si Nanette Medved. Gumawa rin ng Darna si Anjanette Abayari. Pero natanim ba sa isipan ng mga tao na naging Darna sila? Kasi nga medyo matured na at saka sexy image eh. Kaya ang naaalala nila sina Angel Locsin, at maging ang star for all seasons na si Vilma Santos, dahil noong gawin nila ang Darna, hindi sila pa-sexy at fresh ang dating.

Palagay namin iyon ang formula riyan. Kung ang ilalagay mo riyan ay nagpa-sexy na kung saan-saan, aba eh halos wala na ring novelty ang pagsu-suot niya ng costume ni Darna, kasi nga nakita na siyang nakasuot nang mas labas pati kuyukot niya.

DANIEL AABANGANG NAKASUOT NG SPANDEX

Sabi ng isang movie writer, “dapat pagawin nila si Daniel Padilla ng isang action film na kagaya ng Avengers, iyong super hero siya. Makikita natin kung ano talaga ang lakas niya sa takilya”.

Noong marinig namin iyon, naisip namin pwede rin. Iyong popularidad ni Daniel at iyong trend na nai-set para sa mga superheroes niyang pelikulang Avengers, aba malaking advantage iyan.

Pero kailangan paghandaan iyan ni Daniel. Baka kailangan siyang mag-gym nang kaunti para mas  mailagay pa sa ayos ang kanyang katawan. Kung sa bagay maaari naman iyong dayain nang kaunti sa costume na gagamitin niya.

At ang sabi pa ng bading na movie writer, “aabangan din nila si Daniel kung nakasuot na ng spandex, alam mo na”. Ganoon ba talaga Tito KC? Iyon ba talaga ang aabangan nila?

 

 

Please follow and like us:
Read More

DARNA MAY SUMPA NGA BA?

angel liza12

pwede ed deleon(NI ED DE LEON)

MAY nagbulong sa amin Tito KC, mukhang may sumpa raw iyong project na Darna.

Ang tagal na nga naman niyan pero hanggang ngayon hindi magawagawa. Kung pag-aaralan mo rin, ang talagang lalabas sanang Darna ay  si Angel Locsin. Hindi ba nagkaroon siya ng problema sa kanyang spinal column. Kailangan siyang magpa-opera pa sa Singapore, at sumailalim sa therapy, pero pagkatapos ng lahat ng iyan, hindi pa rin siya umubra.

Sumunod naman si Liza Soberano, at iisipin mo bang mababalian din siya ng buto sa kanyang daliri kaya hindi siya pumuwede?

Aba eh nakatatakot iyan, baka ang sumunod diyan cancer na sa buto ang abutin ni Darna.

                                          DRUG LORD PINANALO NG AWARD!

Napansin mo ba Tito KC ang comment sa nai-post mo sa social media tungkol sa panalo ng award ni Nadine Lustre?

Sinabi sa comment, nanalo na naman daw ng ibang award si Nadine, at hindi sa isang award-giving body na “nagbebenta ng awards” siya nanalo. Talaga ba ibinebenta na nila ang kanilang awards? Magkano kaya sa bawa’t category?

Iyon ba ang dahilan kung bakit minsan may nakakulong na drug lord na pinapanalo pa nila ng award? Magkano na ang turing?

Iyang mga ganyang usapan, iyan ang dahilan kung bakit hindi na pinapansin iyong mga awards. Pero papaano ba ang bayaran?

Talagang cash lang ba ang involved o may iba pang benefits? At saka anu-anong categories ang for sale? Gusto lang naming malaman, baka may interesadong buyer.

 

Please follow and like us:
Read More

DANIEL-LIZA SA PELIKULA, TATABO SA TAKILYA?

danielliza12


pwede ed deleon
(NI ED DE LEON)

ANO ang masasabi mo Tito KC doon sa sinasabing dapat daw magkaroon din naman ng ibang leading lady si Daniel Padilla? Kahit na nga sabihing subok na sa box office ang tambalan nila ni Kathryn Bernardo, hindi mo masasabing iyon na nga ang full potentials ng kanilang pelikula. Kailangan masubukan naman ang iba.

Kagaya nga niyan, itinambal nila si Kathryn kay Alden, at least masusubukan ang lakas nila.

Eh papaano naman si Daniel, matatali na lang ba siya sa love team nila ni Kathryn habang panahon? Hindi naman siguro dapat.

May nagbulong nga sa amin kahapon, palagay daw niya magiging malakas kung ang pagtatambalin ay ang sinasabing “most beautiful girl” na si Liza Soberano, at si Daniel. Kung titingnan mo nga naman sa mukha’t mukha na lang, sino ba ang masasabing makakalaban ni Daniel kung may pipili rin ng “most beautiful boy” sa panahong ito, kagaya noong panahon ni Leonard Whiting? Iba iyong dating ng mukha ni Daniel eh, at mukhang bagay nga sila ni Liza.

Isa pang factor, hindi naman maikakaila na ang popularidad ni Daniel ang nagdadala sa Kathniel. At maikakaila mo rin ba naman na ang popularidad ni Liza ang nagdadala sa Liz Quen? Kung iyang dalawang nagdadala ng kani-kanilang love team ang pagsasamahin, aba matindi iyan. Kailangan na nga siguro nilang pag-isipan iyan.

Inaamin naming hindi rin namin naisip iyan kung di nga lang may nagbulong sa amin, at take note Tito KC, ang nagbulong sa amin ay isang kinikilalang big man sa marketing ng mga pelikulang Pilipino. Aba eh kung silang may mga sinehan ganyan ang paniniwala, hindi ba ako maniniwala?

 

      PIETRO BOSSELLI, KABIBE ANGVTAKIP NG PRIVATE PARTS SA ISLAND PICTORIAL

Natawa kami doon sa isang kuwento na nagulantang daw ang mga netizens dahil sa mga posts noong dating math teacher at naging sikat na modelo ng brief na si Pietro Bosseli. Kasi nga doon sa mga pictures niya ay wala na siyang suot na brief. Tinakpan na lang ng kabibe ang kanyang private parts.

Pero ano nga ba ang bago roon? Kasi natatandaan namin may ganyan na rin siyang picture noong araw na para bang ang nakatakip naman ay radiator yata ng kotse o ano?

Mayroon na ba ngayong nagpo-promote ng kabibe na pamalit sa underwear? O baka naman iyan ay gimmick dahil doon sa diumano ay mga higanteng tulya na hina-harvest ng mga barko ng Tsina sa West Philippine Sea? Kasi pinapansin ninyo ang gimmick eh kaya ganoon. Sana sa susunod iyong talagang talukap na lang ng tulya, o ng talangka ang gamitin niyang panakip.

 

SEXY ACTOR AT ASAWA ON-THE-ROCKS ANG PAGSASAMA DAHIL SA HINDI TOTOONG KASAL

Mukhang “on the rocks” na naman daw ang relasyon ng isang dating male sexy star sa kanyang pangalawang asawa. Kasi problema nila talaga iyong naunang kasal ng babae sa isang dating young male star na hindi pa pala annulled, kaya lumalabas na ang kanilang kasal ay bale wala rin. Hindi siya tuluyang maipetisyon ng asawa niya na makapanirahan sa abroad, na siya naman niyang gusto kaya nga niya pinakasalan ang pangalawang asawa niya.

Naging obvious lang naman iyon dahil sinasabi ng dati niyang gay benefactor na “panay na naman ang tawag niya sa akin ngayon”.

 

Please follow and like us:
Read More

PIA WILLING MAG-AUDITION PARA SA ‘DARNA’

pia w12

boy abunda(NI BOY ABUNDA)

IKINALUNGKOT din ni Pia Wurztbach nang mabalitaang umatras na si Liza Soberano para gawin ang pelikulang ‘Darna.’ Kamakailan ay nagbigay ng pahayag si Liza tungkol sa pagbibitiw niya sa nasabing proyekto dahil sa tinamong injury sa daliri noong isang taon.

“Nalungkot ako talaga, kasi kaibigan ko na rin si Liza. ‘Yung feeling na, sa ‘yo na eh and then may mga things na hindi natin ma-control. I feel bad for her. I also messaged her. I can just imagine what it feels like. I feel really bad for what happened,” pahayag ni Pia.

Naging magkaibigan ang dalawa mula nang gumanap si Liza bilang si Pia sa istorya ng buhay ng beauty queen sa ‘Maalaala Mo Kaya’ noong 2017. Nakapagkuwentuhan din sina Pia at Liza tungkol sa ‘Darna’ nang magkasama sa ASAP sa Sydney, Australia noong isang taon. “I remember talking to her about the movie ‘Darna’ while we were doing ASAP in Australia, her preparation and how she was really excited about it,” nakangiting kwento ni Pia.

Isa sa mga pangalang lumutang na posibleng gumanap bilang ‘Darna’ ay si Pia. Isang malaking karangalan naman daw para sa Miss Universe 2015 kung papalarin siyang makaganap sa nasabing iconic role. “Kung papalarin na ibibigay sa akin ‘yung role na Darna, tatanggapin ko. I will work hard, I will train, I will attend workshops. Ibibigay ko lahat ng lakas ko. But of course, it’s ABS-CBN’s decision in the end to see who is the perfect fit to play the role,” paglalahad ng beauty queen.

Walang problema kay Pia kung kinakailangan niyang mag-audition para magampanan lamang ang pinakaaasam na role. “Yes, of course. If I find out that they’re open to have me audition, then I’m going to try. Why not? It’s everybody’s dream. It’s a dream role for me to play a superhero. If it happens, it happens. If not, then that’s also fine,” pagtatapos ng dalaga. -Reports from JCC-  

 

 

Please follow and like us:
Read More

NADINE KAY LIZA AFTER ‘DARNA’: MAS MARAMI PANG DARATING

nadine lustre123

boy abunda(NI BOY ABUNDA)

BUKOD kina Angel locsin at Kathryn Bernardo ay nagbigay na rin ng reaksyon si Nadine Lustre tungkol sa pag-atras ni Liza Soberano para gawin ang pelikulang Darna. Malaki ang panghihinayang ni Nadine sa naging desisyon ni Liza.

“We talked about it before, actually no’ng Christmas Special she showed to me nga what happened to her finger. It’s her decision. Of course, everyone respects it. It would have been nice to see her. Kasi she was working on it na, sayang,” bungad ni Nadine.

Umaasa naman ang aktres na mas marami pang magagawang ibang proyekto si Liza kapag umayos na ang daliring nagtamo ng injury noong isang taon. “It’s just mean that it’s really not for her and there’s something else bigger that’s meant for her,” giit ng dalaga.

Isa ang pangalan ni Nadine sa mga lumutang sa social media na posible umanong pumalit kay Liza sa pinakaaabangang proyekto ayon sa netizens. “I super appreciate that. For them to see me as a person who is strong and very empowered. Darna is a strong woman and nakikita nila sa akin ‘yon, it’s good. I want to thank everyone for the support of course but Darna kasi, I am sure, it will be given to someone who is deserving for the role and someone who can really give justice,” nakangiting pahayag ng aktres.

Kailan man ay hindi umano sumagi sa isip ni Nadine na makaganap siya bilang isang superhero sa pelikula o telebisyon. “Not a superhero but I would want to do an action film. Something like may mga fight scenes. Something’s that’s gonna raise my adrenaline up. I am doing ‘Indak’ now but it’s dancing kasi so it’s different. I really want to do it matagal na. It will come, I am not rushing or anything but it will come,” pagtatapos ni Nadine. -Reports from JCC-     

Please follow and like us:
Read More

ANGEL NAAWA KAY LIZA SA PAG-ATRAS SA DARNA

angel locsin 12

boy abunda(NI BOY ABUNDA)

MAINIT pa ring pinag-uusapan ang pag-atras ni Liza Soberano na gawin ang pelikulang ‘Darna.’ Matatandaang unang nakumpirma na magbibida ang aktres noong 2017 sa pinakaaabangang proyektong ito.

Kamakailan ay emosyonal na ipinaalam ng dalaga sa publiko na hindi na niya itutuloy ang pagganap bilang Darna dahil sa tinamong injury sa daliri noong isang taon dahil sa isang eksena sa teleseryeng ‘Bagani’. Nakailang operasyon na rin si Liza sa daliri pero hindi pa rin maayos ang lagay nito sa ngayon.

Ikinalungkot naman ni Angel Locsin nang mabalitaan ang nangyari. Suportado ng aktres si Liza sa pagganap bilang Darna na una dapat gagawin ni Angel. Umatras din si Angel noon dahil naman sa spine injury.

“Nag-try ako mag-message sa kanya. Sagot niya, ‘Ate, I’m sorry,’ Naawa ako sa kanya. Naramdaman ko kung gaano siya ka-devastated sa nangyari. Kung meron mang taong makakaintindi sa pinagdadaanan niya ngayon, mas ako ‘yon. Nag-alala ako sa kanya, sana okay lang siya,” pahayag ni Angel.

Umaasa rin ang aktres na malalampasan ni Liza kung ano man ang mga pinagdadaanan nito ngayon. Naniniwala si Angel na marami pang proyekto ang magagawa ni Liza kapag bumalik na sa trabaho. “Hindi kasi ito ang katapusan ng lahat for Liza eh. Alam nating marami pang mangyayari. Sana hindi niya hayaang ma-define siya ng injury na ‘yan. Kasi marami pa siyang pwedeng i-offer,” giit ng aktres.

Dahil sa pagbibitaw ni Liza sa nasabing ay proyekto ay may bulung-bulungan namang posible na muling mapunta kay Angel ang iconic role. “Of course masaya ako sa pagmamahal na binigay nila, pero no,” makahulugang pahayag ni Angel. -Reports from JCC-

Please follow and like us:
Read More

KAILANGAN NI LIZA NG CHALLENGING ROLE MINUS QUEN

lizasoberano12

pwede ed deleon(NI ED DE LEON)

MATAPOS tumangging maging Darna dahil sa kanyang finger, gagawa na lang daw ng isang teleserye at isa pang pelikula si Liza Soberano na kasama si Enrique Gil. Na naman?

Wala na ba talagang mas challenging role na maipapagawa kay Liza kung di ang isang pelikula na kasama si Enrique Gil? Wala na rin ba silang maisip na role para doon sa Enrique Gil kung di maging lover na lang ni Liza?

Sino nga kaya ang die-hard Liz-Quen fan diyan sa ABS-CBN?

Kung hindi man makagawa ng action si Liza dahil sa finger niya, hindi ba puwedeng subukan naman siya sa isang mas mabigat na role para mapatunayan na niya ang pagiging aktres niya? Hindi rin ba posibleng makakuha siya ng ibang leading man bukod kay Enrique Gil?

Please follow and like us:
Read More

SINO ANG PAPALIT KAY LIZA SA DARNA?

pwede ed deleon(NI ED DE LEON)

NAPANOOD namin ang kabuuan ng video ng statement ni Liza Soberano tungkol sa naging aksidente niya noon sa Bagani, sa kalagayan ng kanyang daliri na kailangang lagyan ng bakal matapos na mabali ang buto, ang matagal na therapy na kailangan para maibalik iyon sa dati, at ang kanyang pagtanggi na ngayong gawin ang Darna dahil doon.

Tiyak sasabihin ng iba, malabo iyan. Hindi matutuloy ang Darna “nang dahil lang sa finger”.

Siyempre, umarangkada naman agad ang mga nag-aambisyong maging Darna. Sukdulang masabing third choice matapos na iyan ay tanggihan ni Angel Locsin dahil sa naging problema sa spinal column na inoperahan pa sa Singapore. Sukdulang iniwan din iyan ni Liza Soberano na nabalian ng buto sa kanyang index finger. May nag-aambisyon pa ring maging third, fourth o kahit na fifth choice siguro basta magawa lang ang Darna, o kahit na masabi lang na considered silang maging Darna.

Pero kung titingnan ninyo, bukod nga ba kina Angel at Liza sa ngayon, sino pa ba ang puwede ninyong gawing Darna? Remember, hindi lahat ng naging Darna nag-click. Hindi click si Anjanette Abayari. Hindi rin naman nag-click ang napaka-slim na si Nanette Medved. Hindi ka kasi puwedeng maglagay ng Darna na ang ganda ay hindi talagang matindi. Nasanay kasi ang tao na ang Darna, hindi lang maganda ang katawan, kailangan maganda rin ang mukha.

Sino ngayon ang ilalagay mo sa Darna? Sabihin nga ninyo kung sino? Malabo namang ilagay pa ninyo riyan iyong mga artistang ang pelikula ay naglupasay na sa takilya.

Sa nakikita namin sa ngayon, talagang limited lang ang choice kina Angel at Liza, eh ngayong parehong nagkaroon ng problema sa buto, sino pa nga ba?

Nakakatakot na iyan, baka naman ang mailagay nila riyan sa Darna, magkalasug-lasog na ang buto basta ginawa pa iyan.

PEKE ANG IVAN DORSCHNER SEX VIDEO

Kumalat ang tsismis na may sex video rin daw si Ivan Dorschener. Noong marinig namin iyan, hindi kami naniwala dahil napaka-wholesome ng image niyang batang iyan. Hindi naman gagawa ng sex video iyan. Pero ang totoo, sinubukan din naming hanapin kung mayroon nga. Nagtanong kami sa aming mga sources, at may nagsabi naman kung saan mayroon.

Sa opening ng napakaikling video na iyon, puro close up ni Ivan. Mukhang video call iyon eh. Tapos sa kalagitnaan biglang naging black and white na lang, at naging malaswa na nga. Noong maging black and white, wala na ang mukha ni Ivan. Maliwanag sa amin na fake ang video. Idinugtong lang ang mahalay na video sa close up videos ni Ivan.

Kung totoo na may video nga si Ivan, aba maraming maghahanap noon. Hindi kagaya noong isang video na kumakalat na pinagtatawanan at pinandidirian pa.

 

    ANO KUNG MAY KAHALIKANG IBA ANG EX NI CATRIONA?

May nakakita daw kay Clint Bondad na may kasama at “kahalikan” pang isang babae sa isang upscale na bar sa Makati. Eh ano ang problema, maliwanag namang tapos na ang relasyon nilang dalawa ni Catriona Gray. Kung maghanap man siya ng iba, hindi problema iyon.

Ang problema iyong nakita naming isang actor-model na nakikipaghalilkan din sa isang bar, kasi ang kahalikan niya ay isang lalaki.

 

 

Please follow and like us:
Read More

LIZA PINURI NG BTS LEAD SINGER JONG KOOK

LIZA HONGKONG12

pwede ed deleon(NI ED DE LEON)

TOTOO iyon ha, dumayo pa sa Hongkong sina Liza Soberano at Enrique Gil para mapanood ang concert ng South Korean boy band na BTS. Inaamin naman ni Liza na siya ay fan ng Korean boy band na iyon. At doon sa concert venue, si Liza, kasama ang iba pa ay matiyagang pumila para makapasok sa venue. Aba hindi puwede roon iyong basta ka sisingit, pero dahil sikat naman si Liza, siguro kung sinubukan niyang huwag pumila lulusot siya.

Napansin nga iyon ng lead singer ng BTS na si Jong Kook. Sa kanyang social media account sinabi niyang si Liza Soberano na isang sikat na aktres ay isa sa mga nakapila sa pagpasok sa kanilang concert, “kasama ang kanyang boyfriend”. Hindi siguro alam ni Jong Kook kung ano ang pangalan ni Enrique Gil. Hindi rin siguro alam ng lead singer ng BTS na artista rin si Enrique, kaya ang sinabi niya ay “with her boyfriend”.

Hindi naman issue kung nakilala man o hindi ni Jong Kook si Enrique. Ang issue riyan ay ipinakita nila na kahit na sila ay sikat, pumila sila. Iyon ang tamang disiplina. Hindi kagaya noong iba na dahil artista sila ang gusto nila ay bigyan sila ng VIP treatment. Hindi ba naging issue iyan sa isang male star na hindi naman kasikatan, na hindi pumila sa isang concert at inis na inis sa kanya ang ibang mga fans na nagtiyagang pumila. Dahil artista siya papasok na lang siya, samantalang ang iba pumila nang kung ilang oras?

Dahil sa disiplinang kanyang ipinakita, napansin siya maski ni Jong Kook. Sayang hindi kilala ng Koreanong singer ang “kanyang boyfriend” at hindi niya alam na artista rin iyon.

Minsan sa mga ganyang pagkakataon, matutuwa ka sa ipinakikita nilang ugali dahil napupuri ang mga Pilipino dahil sa kanilang magandang halimbawa.

 

    SERYOSONG WORKSHOP KAILANGAN NI GIL CUERVA

Noong isang gabi, medyo nalingat kami matapos manood ng balita sa telebisyon, kaya nasilip namin iyong bagong serye tungkol sa mga Badjao. Naroroon pala si Gil Cuerva, at sa kuwento ay nabuntis niya ang babaing Badjao, pero ayaw niyang pakasalan dahil hindi siya Badjao.

Maikli lang iyong role, o baka naman mahaba pero hindi namin napansin dahil lumipat din kami agad ng channel, mukhang may improvement naman ang acting ni Gil kaysa noong panahong gumanap siyang isang ET. Mukhang mas buhay na ang kanyang delivery ng dialogue.

Siguro kailangan lang niyang si Gil ang isang “seryosong workshop”. Iyong talagang ang hahasain ay ang kanyang abilidad sa acting. Mukhang mas may fans naman talaga si Gil Cuerva kaysa sa ibang ginagawa nilang leading man.

                           

            PUMATOL SA RICH GAY SI BF KAYA AGAD-AGAD HINIWALAYAN SIYA NG FEMLE STAR

Kaya pala kasing bilis ng alas kuwatro nang makipag-split ang isang female star sa kanyang boyfriend. Kasi nakumpirma niyang totoo “ipinakilala” iyon ng kanyang manager sa isang milyonaryong bading, at iyong akala niya ay show sa isang Southern City, wala naman palang show kung di nakipag-date lang ang boyfriend niya sa gay millionaire. May nakakita kasi sa kanyang boyfriend na kasama ng rich gay sa southern city na iyon, kaya nakumpirma niya ang tsismis.

Maliwanag na ngayon na ang dahilan pala ng kanilang split at hindi nga isang third party kungdi ang “sideline” lang ng boyfriend.

Iyan na nga ba ang sinasabi namin eh. Bakit ba maraming nagmamana ng propesyong iyan?

 

Please follow and like us:
Read More

LIZA SOBERANO MAY ‘GAYUMA’ SA MOVIEGOERS

LIZA

pwede ed deleon(NI ED DE LEON)

TANGGAP ba ninyo iyong sinasabi nila ngayon na sa mga artistang babae natin sa kasalukuyan ay iyong si Liza Soberano ang may pinaka magandang mukha?

Aaminin namin, hindi namin napapansin iyan noong una, pero nang ilatag sa amin ng isang showbiz photographer ang pictures ng lahat na sikat na leading ladies sa ngayon, kumbinsido kami na si Liza nga ang may pinaka magandang mukha.

At saka lang namin naisip na matagal na nga pala tayong walang artistang babae na ganyan ang hitsura. Ang pinaka huling natatandaan naming panlaban talaga ang mukha ay sina Dawn Zulueta at Gretchen Barretto pa. Bago sila ay naroroon sina Hilda Koronel at Marianne dela Riva. Mas nauna roon si Amalia Fuentes. Pero sa ngayon marami nga ang sinasabi ng yumao nang writer na si Ramon Teodoro na kung tawagin noong araw ay si “Mama Monchang”  na “puro plain-faced”.

Ngayon lang namin napansin, iba nga pala ang ganda ni Liza Soberano. Ipinaalala pa sa amin ng fotog, “kamukha niya si Olivie Hussey, na naging artista noong araw ng director na si Franco Ziferelli doon sa Romeo and Juliet”. Oo nga may hawig siya sa artistang minsan ay tinawag na “most beautiful girl in the world”. Iyong mukha ni Liza, talagang pang international. Pang world class.

Huwag magagalit sa amin ang fans ng mga artistang “plain-faced”. Tanggapin na lang ninyo ang katotohanan, dahil totoo naman iyan.

Sino pa ba Tito KC ang masasabi mong may classic beauty sa mga sikat nating artista sa ngayon? Palagay ko wala ka ring masasabi, kasi nga noong iniharap sa amin lahat iyong mga pictures, talagang kahit na kami walang maituro maliban kay Liza.

Mahirap pala nilang masabayan iyang si Liza, dahil sigurado matatabunan sila sa ganda.

Please follow and like us:
Read More