KELOT KINALASAN NG LIVE-IN PARTNER, NAGBIGTI

suicide

(NI BONG PAULO)

NORTH COTABATO – Pinaniniwalaang matinding kalungkutan at pagkaulila ang dahilan kung bakit kinitil ng isang 36-anyos na lalaki ang sariling buhay matapos matagpuang wala nang buhay sa Purok 1, Barangay Del Carmen, President Roxas, North Cotabato, nitong Linggo.

Kinilala ang nasawi na si Rackie Reginan Alisaje at nakatira din sa nasabing lugar.

Sa ulat ng President Roxas PNP, natagpuan ng kapitbahay ng biktima na nakalambitin ito sa puno ng durian pasado alas 6:00 ng umaga.

Nang makausap ng mga otoridad ang ina ni Alisaje, sinabi nitong isa sa mga posibleng dahilan ng pagpapakamatay ng kanyang anak ay matapos na iwan ito ng kanyang kalive-in dalawang buwan na ang nakalilipas.

Ilang araw bago nagpakamatay si Alisaje ay tulala na ito at halos hindi na kumakain.

Nagsisiyasat na rin ang pulisya kung may foul play sa pagkamatay nito.

 

Please follow and like us:
Read More

SUNDALO NABARIL NG LIVE-IN PARTNER SA MOTEL

(NI JESSE KABEL)

PATULOY na inaalam ng mga imbestigador ang motibo sa pagbaril at pagkamatay ng isang aktibong sundalo ng kanyang kinakasama sa loob ng motel sa Catbalogan, Samar.

Sa ulat ng Catbalogan City PNP masusi nilang ini-imbestigahan ang pagkasawi ng 31 anyos na si  PFC Carmelo Batocoy Jr. na umano’y aksidenteng nabaril ng kanyang kinakasama sa loob ng motel.

Si Batocoy ay kasalukuyang nakadestino sa 8th Infantry Division ng Philippine Army bilang miyembro ng kanilang banda.

Ayon sa report na hawak ng Samar Police Provincial Office, nag-check in sa naturang motel ang sundalo kasama ang kanyang live-in partner nang biglang magkaroon nang mainitang pagtatalo ang dalawa.

Nakuha umano ng babae ang baril ng biktima at sa gitna ng pagtatalo ay nakalabit nito ang gatilyo at tinamaan ang biktima.

Please follow and like us:
Read More

9-ANYOS BUGBOG-SARADO SA LIVE-IN PARTNER NG NANAY

agusan del sur12

(NI ANNIE PINEDA)
KRITIKAL ang kalagayan ng isang batang babae matapos himatayin sa tindi ng bugbog na inabot mula sa kanyang stepfather sa Purok-5, Barangay Del Monte, sa bayan ng Talacogon, Agusan Del Sur.

Huling iniulat na agaw-buhay ang biktima na tinukoy lang si alyas Diding, 9, habang ang suspek ay ang ka-live in ng kanyang ina na si Bulam Kembriya, 42, residente ng nasabing lugar.

Napag-alamang nagreklamo sa Talacogon Municipal Police Station ang lola ng biktima na si Ernita Estrilla at isinalaysay na kahit maliit ang pagkakamali ng bata ay lagi itong sinasaktan ng stepfather.

Kamakalawa ay dumanas ng matinding pananakit ang bata hanggang mawalan ito ng malay kaya isinugod sa Davao Regional Center habang tumakas naman ang kanyang stepfather.

Please follow and like us:
Read More

BABAE KINATAY, PINULUPUTAN NG ALAMBRE SA LEEG

crime34

(NI JG TUMBADO)

SELOS ang nakikitang motibo sa pagpatay ng isang lalaki sa kanyang kinakasama na umano’y binurdahan ng saksak at pinulupot pa ang alambre sa leeg, Roxas, Capiz.
Patay na si Bevelyn Argente, 37, residente ng bayan ng Cuyo, nang maabutan ng mga sumaklolong kapitbahay.

Tinadtad ito ng saksak at may pulupot na alambre sa leeg.

Tumakas naman sakay ng bangka ang suspect na live in partner ng biktima na si Michael Hamora, 33, residente ng Bgy. Bacao, sa bayan ng Dumaran.

Dakong alas-10 ng Sabado ng gabi nang marinig na nagtatalo ang dalawa malapit sa barangay hall ng Tumarbong.

Kasunod nito ay narinig nang nagpapasaklolo ang babae at nang puntahan ng mga residente sa lugar ay natagpuan na itong walang buhay.

Sinasabing sumakay ng bangka para tumakas ang suspek.

Dumalo lang umano sa isang kasal ang mag-live in partner sa Roxas at matapos nito ay nagkaroon na sila ng pagtatalo hanggang sa mauwi sa krimen.

 

Please follow and like us:
Read More

BAHAY NILUSOB; LALAKI NIRATRAT SA HARAP NG PARTNER

crime

(NI JUN V. TRINIDAD)

LUCENA CITY – Isang lalaki na hinihinalang sangkot sa operasyon ng iligal na droga ang binaril at napatay sa loob ng kanyang bahay sa lungsod na ito noong Huwebes.

Sa report ng pulisya, masayang nagkukuwentuhan sa loob ng kanilang bahay ang biktimang si Christian Nuera, 28, at ang kanyang live-in partner na si Chris Chenery Datinguinoo, nang biglang pumasok sa loob ng tahanan ang dalawang lalaki na armado ng hindi pa matiyak na kalibre ng baril na parehong may suot na maskara.

Batay sa testimonya ni Datinguinoo, inutusan umano si Nuera ng dalawang armadong bisita na ilabas ang iligal na droga na nasa pag-iingat ng biktima.

Nang hindi sundin ang utos ay bigla na lang binaril sa ulo ang biktima na siya nitong dagliang ikinamatay.

Iniwan ng mga namaril si Datinguinoo na hindi naman sinaktan.

Hindi kinumpirma sa report kung may talagang kinalaman ang biktima sa lokal na sindikato ng droga.

Patuloy ang isinasagawang imbestigasyon upang kilalanin ang mga pumatay.

 

Please follow and like us:
Read More

GURO KINATAY NG PARTNER; LALAKI NAGSAKSAK SA SARILI

stab

(NI JG TUMBADO)

TINADTAD ng saksak hanggang sa mapatay ang isang public school teacher ng kanya mismong live in partner bago naman ito nagtangkang mag suicide sa bayan ng Bato, Catanduanes, gabi ng Huwebes.

Nakilala ang biktima na si Liezl Tato, 24, nagtuturo sa Hawan Elementary School habang ang suspek sa karumal dumal na krimen ay ang kanyang live in partner na si Reymark Tebelin.

Batay sa report kay Police Col. Paul Abay, Catanduanes Provincial Police Office (CPPO) Director, naganap ang krimen sa mismong tinutuluyang bahay ng dalawa sa Barangay Binanuahan dakong alas 8:45 ng gabi.

Bago ang insidente, nagkaroon muna umano ng mainitang pagtatalo ang dalawa hanggang sa mauwi sa pananaksak.

Nabatid sa imbestigasyon na nagsaksak din sa sarili ang suspek.

Kapwa isinugod ang dalawa sa Immaculate Heart of Mary Hospital sa bayan ng Virac subalit sa tindi ng tinamong saksak sa ibat ibang bahagi ng katawan ay namatay si Tato habang si Tebelin naman ay agad ikinostudiya ng Bato Municipal Police makaraang magtamo lang ito ng minor injury sa tangkang suicide.

Isa sa mga sinisilip na dahilan ng krimen ay matinding selos ng lalaki sa biktima.

Please follow and like us:
Read More

LALAKI SINAKSAK NG DATING ASAWA NG LOVER

stab

(NI KEVIN COLLANTES)

ISANG mister ang nasugatan nang pagsasaksakin ng dating asawa ng kanyang kinakasama, na dati na umanong kaalitan sa Barangay Mauway, Mandaluyong nitong Linggo.

Nilapatan na ng lunas ngunit inoobserbahan pa sa Mandaluyong City Medical Center ang biktimang si Victor Domingo, 42, habang nakatakas naman ang suspek na si Ronnel Ehiga, dating miyembro ng Bantay Bayan at residente rin ng naturang lugar.

Sa isinagawang imbestigasyon ng Mandaluyong City Police, dakong alas-5:10 ng hapon nang maganap ang insidente habang nakaupo si Domingo sa harapan ng kanilang tahanan sa Block 5, Barangay Mauway.

Bigla umanong dumating ang suspect saka bumunot ng isang ‘Rambo knife’ at ilang ulit na pinagsasaksak ang nabiglang biktima.

Dalawang saksak sa dibdib ang tinamo ng biktima.

Matapos ang pananaksak ay tumakas ang suspek habang isinugod naman ang biktima ng kanyang mga kaanak sa pagamutan.

Nang makapanayam naman ng mga imbestigador ang biktima sa emergency room ng pagamutan,  sinabi nito  na ang suspek ay dating asawa ng kanyang live-in partner.

Dati na umano silang may alitan ng suspek dahil sa kasong kriminal na isinampa niya laban dito, ngunit hindi naman na tinukoy ang pinag-ugatan ng naturang kaso.

Tinutugis na ng mga awtoridad ang suspek upang panagutin sa krimen.

 

 

Please follow and like us:
Read More

LIVE-IN PARTNER NAPATAY SA SAKAL SA AWAY SA PERA

crime

(NI JESSE KABEL)

NAHAHARAP ngayon sa kasong pagpatay ang isang 24-anyos na lalaki matapos niyang mapatay sa sakal ang kanyang kinakasama dahil lamang sa away sa pera, ayon sa ulat ng pulisya, sa Cordon lalawigan ng Isabela.

Sa report ng Cordon Police, nakilala ang suspek na si  Vinson Salazar, live-in partner ng biktima.

Ayon kay P/Maj Richard Gatan, hepe ng Cordon Police Station, nadiskubre sa isang sagingan ang bangkay ng 18-anyos na si Maricar Ortiz sa Barangay Anonang.

Lumitaw sa pagsisiyasat na masaya pang dumalo sa isang kasalan ang mag live-in subalit nang pauwi na sila sa kanilang bahay ay nagkaroon sila ng pagtatalo tungkol sa pera.

Dito umano nasuntok  ng lalaki ang kinakasama hanggang sa sakalin niya ito at malagutan ng hininga .

Nang mahimasmasan at humupa ang galit ay nagpasya ang suspek na itago ang bangkay sa isang sagingan subalit agad na nadiskubre ng ilang barangay official sa kanilang lugar.

Agad namang nadakip si Salazar sa follow-up operation at inamin nito sa mga imbestigador na napatay niya ang kanyang kinakasama  dahil sa away sa pera.

Please follow and like us:
Read More

GERMAN NATIONAL, LIVE-IN PARTNER PATAY SA AMBUSH

crime145

(NI KEVIN COLLANTES)

PATAY ang isang German national at kanyang live-in partner nang tambangan at paulanan ng bala ng riding-in-tandem habang pauwi na ng kanilang tahanan, sa Antipolo City, nitong Sabado.

Away sa lupa ang isa sa mga motibong tinututukan ngayon ng pulisya.

Ayon kay Rizal Police Provincial Office (RPPO) Director P/Col. Lou Evangelista, dead on the spot ang mga biktimang sina Conrad Heinrich, German national, at partner nito na si Remedios Kauth, residente ng Golden Hills Subdivision, Barangay San Roque, Antipolo City.

Nagtamo ng maraming tama ng bala sa katawan ang mga ito mula sa mga suspect na tumakas matapos ang krimen.

Batay sa ulat ng Antipolo City Police, dakong alas-2:40 ng hapon nang maganap ang pananambang sa Golden Hills Subdivision, sa Barangay San Roque, hind kalayuan sa tahanan ng mga biktima.

Sakay umano ng Isuzu Trooper na may plakang XLN-109 ang mga biktima, at pauwi na sa kanilang tahanan nang pagsapit sa naturang lugar ay bigla na lang silang parahin ng mga suspek na magkaangkas sa hindi na-plakahang motorsiklo.

Nang mag-menor ang sasakyan ay kaagad nang niratrat ng mga salarin ang mga biktima na nagresulta sa kanilang agarang kamatayan.

Please follow and like us:
Read More

MAGLIVE-IN, KINATAY NG KAINUMAN

lobo1

(NI NILOU DEL CARMEN)

LOBO, Batangas – Malagim na kamatayan ang inabot ng isang maglive-in partner nang ang mga ito ay pagtatagain ng isang lalaking kanilang pinainom sa kanilang tahanan sa lobo, Batangas Lunes ng gabi.

Agad nasawi ang mga biktimang sina Robert Mendoza at Aileen Barela dahil sa mga tama ng taga sa iba’t ibang bahagi ng katawan.

Batay sa report ng Lobo police, dumayo umano ng inuman ang suspek na si Joseph Condes sa bahay ng mga biktima sa Barangay Banalo.

Subalit sa kasagsagan ng inuman, bigla na lamang pinagtataga ng suspek ang dalawa dakong alas-8:00 ng gabi.

Tumakbo ang suspek patungo sa mabundok na bahagi ng barangay matapos ang pananaga.

Patuloy pa ang isinasagawang manhunt operation ng mga pulis sa suspek at inaalam pa rin ang motibo sa krimen.

Please follow and like us:
Read More

MISTER TINODAS NG LIVE-IN PARTNER

stab

(NI JULIE DUIGAN)

PATAY  ang isang 47-anyos na mister matapos pagsasaksakin ng kanyang ka-live-in na umano’y wala sa katinuan sa Sampaloc, Maynila, Martes ng madaling-araw.

Hindi na umabot ng buhay sa Jose Reyes Memorial Medical Center ang biktimang si Randy Zara, habang nasa kustodiya naman ng Manila Police District-Homicide Section si Rosemarie Regonay, 36, kapwa residente ng 708-J Marzan St., Sampaloc.

Base sa ulat ni Det. Enjason Fernandez, may hawak ng kaso bandang 1:20 ng madaling araw,, nang maganap ang insidente sa J.Marzan St., sa Sampaloc.

Nagkaroon umano ng palitan ng suntok ang magka-live-in sa hindi pa malamang kadahilanan, at bigla umanong pinag-uundayan ng saksak si Zara.

Nagawa pa umano nitong makatakbo sa loob ng bahay, habang nakatayo lamang sa labas ang ginang, kaya nang maisugod ng ilang kaptibahay , agad din nadakip ang natulalang ginang.

Gayunman , hindi na rin naisalba ang buhay ni Zara , habang dinala naman sa MPD-headquarters si Regonay, para isailalim sa interogasyon.

Please follow and like us:
Read More

BEAUTICIAN BINURDAHAN NG SAKSAK NG EX- PARTNER

beautician

(NI NILOU DEL CARMEN)

PINAGSASAKSAK hanggang sa mapatay ng isang lalaki ang kanyang dating live-in partner sa San Pablo City Sabado ng gabi.

Kinilala ng San Pablo police ang biktima na si Sabrina Ojeda, 56, residente ng Barangay Santiago Uno.

Agad nasawi ang biktima matapos tadtarin ng saksak sa iba’t ibang bahagi ng katawan.

Batay sa imbestigasyon ng San Pablo City police, pauwi na sa kanyang bahay ang biktima galing sa trabaho nang abangan ito ng suspek na si Pablito De Villa at pagsasaksakin dakong alas-7:00 ng gabi.

Nagalit umano ang lalaki nang makipaghiwalay dito ang biktima noong nakaraang taon.

Ayon sa mga kapitbahay, palagi umanong sinasaktan ng suspek ang biktima noong nagsasama pa ang mga ito kaya hiniwalayan ng biktima ang suspek.

Apat na beses na ring nagsampa ng kaso ang biktima laban sa suspek  mula noong January 2017 hanggang December 2018 dahil sa pagmamaltrato nito na siyang lalong ikinagalit ng suspek.

Pinaghahanap pa rin ng mga awtoridad si De Villa.

Please follow and like us:
Read More

BEBOT GRINIPUHAN NG LIVE-IN PARTNER

crime

NORTH COTABATO – Pinaniniwalaang matinding paninibugho ang dahilan kung bakit pinagsasaksak ang isang 30-anyos na babae ng kanyang kinakasama sa krimen na naganap sa Peoples Village, Barangay Cannery Site, Polomolok, South Cotabato, ayon sa ulat kahapon.

Kinilala ng Polomolok PNP na pinamumunuan ni Police Superintendent Samuel Cadungon ang biktima na si Cherry Anas, ng Peoples Village, Barangay Cannery Site, Polomolok, South Cotabato. Ang biktimang si Anas ay idineklarang dead on arrival sa Hubbard Howard Hospital sa nasabing bayan, dakong alas-4:40 ng hapon. Ito ay matapos undayan ng saksak sa ulo at dibdib ng umano’y live in partner na si Johnny Gonzales.

Lumabas sa inisyal na pagsisiyasat ng mga pulis na sinaksak ng suspek ang biktima nang umabot na sa sukdulan ang kanilang pagtatalo sa kanilang relasyon bilang mag-live in partner. Crime of passion naman ang anggulo na sinunsundan ng imbestigasyon ng Polomolok PNP sa krimen.

Matapos masaksak ang biktima, ang suspek na si Gonzales ay tumakas at patuloy pang pinaghahanap ng mga pulis. Inihahanda na ng Polomolok PNP ang kasong murder laban sa kanya. Bong Paulo

Please follow and like us:
Read More