BATANGAS NIYANIG NG 37 LINDOL, BIYAHE NG BUS KANSELADO

phivolcs lindol12

NASA 37 sunud-sunod na lindol ang naranasan ng mga Batangueno sa buong magdamag kaugnay ng pagsabog ng Taal volcano.

Ayon sa Phivolcs, tectonic origin ang mga lindol na wala namang gaanong magiging epekto sa mga gusali at mga kongkretong bahay.

Gayunman, pinag-iingat pa rin ang lahat sakaling muling lumindol.

Aabot naman sa 35,000 pamilya o higit pa ang pamilyang inilikas sa iba’t ibang lugar upang masiguro ang kanilang kaligtasan.

Karamihan umano sa mga inilikas ay hindi makapaniwala dahil nanonood pa sila rito nang sumabog ang bulkan.

Ayon pa sa kanila, hindi sila naniniwalang puputok ng ganito kalakas ang Taal Volcano dahil taon-taon itong nagbabanta ng pagputok ngunit hindi naman natutuloy.

Matatandaang nagkaroon din ng ganito katinding pagsabog ang Taal Volcano noong 1977.

Samantala, kanselado ang klase sa buong Batangas at Metro manila maging ang mga biyahe ng bus patungong Maynila at pabalik dahil walang madaanan, ngunit alerto 24-oras ang lahat ng mga ospital na pribado at publiko para sa mga inaasahang dagsa ng mga pasyenteng inatake ng hika, high blood at sakit sa puso sanhi ng ashfall.

Nakaabang din ang lahat ng ambulansya at volunteers ng Red Cross para sa mga hihingi ng saklolo.

Maging ang TV host na si Willie Revillame ay personal na nag-ikot sakay ng kanyang chopper upang tiyaking walang naiwang residente malapit sa apektado ng pagsabog ng bulkan. (NENET L. VILLAFANIA)

Please follow and like us:
Read More

DAVAO ORIENTAL NIYANIG NG 5.4 LINDOL

LINDOL-2

NIYANIG ng magnitude 5.4 na lindol ang southern province ng Davao Oriental, madaling araw ng Lunes kung saan inaasahan ang aftershocks, ayon sa Phivolcs.

Bandang alas-3:00 ng madaling araw nang maramdaman ang pagyanig 72 kilometers southeast ng Governor Generoso town, ayon pa sa Phivolcs.

May lalim na 50 kilometers, ang lindol ay naramdaman na ‘parang may nagdaan na mga truck’, ayon pa sa pagtala ng ahensiya.

Habang inaasahan ang aftershocks, hindi naman ito makalilikha ng pinsala.

Noong Disyembre, niyanig ng 6.9 magnitude quake ang katabing Davao del Sur na ikinasawi ng 11 katao at nakasira sa may 14,000 kabahayan.

Please follow and like us:
Read More

SIMBANG GABI NABULABOG NG MAGNITUDE 4.3 LINDOL

LINDOL-3

(NI DONDON DINOY)

DIGOS CITY—Ginulantang ng pagyanig ang mga nagsilabasang mananampalataya matapos ang Simbang Gabi sa Mary Mediatrix Cathedral, Linggo ng umaga.

Ayon kay Rosita Pantonial, 46, bigla siyang parang idinuyan ng lupa matapos maramdaman ang lindol.

Sinabi naman Ritchie Amisola, 32, simula Sabado ng gabi, wala na silang tulog sa kanilang bahay dahil bigla ring naramdaman ang malakas na pagyanig.

Sa ulat ng Philippine Institute of Volcanology and Seismology (Phivocs) naitala ang magnitude 4.4 dakong alas 6:44 ng gabi, at nasa 4 kilometro sa southeast ng Kiblawan, Davao del Sur. Tectonic ang origin at may depth of focus na 1kilometro.

Nagkaroon din nga mga Instrumental intensities 3 sa Malungon, Sarangani; Intensity 2 sa Tupi, South Cotabato at Intensity 1 sa Kidapawan City; Alabel, Sarangani at Koronadal City.

Ayon sa Phivolcs ang lindol dakong alas 5:26 ng umaga ng Linggo ay isang magnitude 4.3, at ang epicenter ay naitala mga 15-kilometros northwest ng Malungon, Sarangani province.

Dagdag ng state seismic bureau na may lalim itong 34 kilometro at tectonic in origin.

Naitala din ng Phivolcs ang mga pagyanig sa iba’t ibang dako ng Mindanao.

Intensity 3 sa Digos City; Intensity 2 sa Davao City; General Santos City; Koronadal City;  at Tampakan, South Cotabato.

Ang Instrumental intensities na Intensity 5 ay naitala sa Malungon, Sarangani; Intensity 4 asa Tupi, South Cotabato, Intensity 3 sa Koronadal City; Alabel, Sarangani at Kidapawan City at Intensity 2 sa Davao City; General Santos City at Kiamba sa Sarangani province.

Simula ng mangyari ang magnitude 6.9 na tumama sa Matanao, Davao del Sur noong Disyembre 15, naitala na ng Phivocs ang mahigit 1,000 aftershocks sa malaking parte ng Mindanao.

Sinabi ng mga Geologists na ang Tangbulan Fault, na may habang 69 kilometro mula sa bayan ng Bansalan, Davao de Lsur papuntang Sta. Maria in Davao Occidental, ang posible umanong naging sanhi ng malalakas na lindol at aftershocks sa lalawigan at mga karatig na lugar.

Inabisuhan din ng Phivolcs ang publiko na huwag mag-panic at mag-ingat sa mga darating pang aftershocks.

 

 

Please follow and like us:
Read More

2 MALALAKAS NA AFTERSHOCK YUMANIG SA DAVAO DEL SUR

lindol12

(NI DONDON DINOY)

MAGSAYSAY, Davao del Sur — Dalawang malalakas na lindol na naman ang tumama dito sa lalawigan ng Davao del Sur, Miyerkoles ng umaga.

Nagulantang ang mga dumalo sa Simbang Gabi matapos biglang maramdaman ang malakas na pagyanig.

Sa ulat ng Philippine Institute of Volcanology and Seismology (Phivolcs), isang magnitude 5.3 aftershock ang tumama sa Davao del Sur at mga karatig lalawigan dakong alas 4:18 ng umaga.

Naitala ang episentro ng lindol mga 28-kilometros southeast sa bayan ng Padada, may siyam na kilometrong lalim at tectonic ang origin.

Naramdaman naman ang Intensity IV sa Digos City at General Santos City.

Ayon sa Phivocs isa ito sa mga aftershocks ng magnitude 6.9 na lindol na tumama sa Mindanao noong Disyembre 15.

Dakong alas 8:22 ng umaga naman ng tumama ang magnitude 4.8 na aftershocks dito sa bayan, kung saan ang episentro ay naitala mga 2 kilometro southwest ng Magsaysay at may lalim na 7-kilometro at tectonic pa rin ang origin.

Naramdaman din sa ibang lugar ang pagyanig:

Intensity IV- Bansalan at Digos City sa Davao del Sur

Naitala ang mga instrumental intensities:

Intensity II- Davao City

Intesnity IV- Malungon, Sarangani

Intensity II- Kidapawan City, Cotabato; Davao City, Koronadal City, at Tupi, South Cotabato

Intensity I- Alabel, Sarangani

Wala namang inaasahang pinsala ngunit patuloy na mararamdaman ang mga aftershocks.

Ang Magsaysay ay kalapit lang sa bayan ng Matanao, kung saan namatay ang 81-anyos na lola matapos atakehin sa puso at 2-anyos na batang babae matapos madaganan ng gumuhong pader sa kanilang bahay.

Nangyari ang malalakas na aftershocks, apat na araw matapos tumama ang mapaminsalang lindol sa Mindanao.

Una ng sinabi ng Phivolcs na nakapagtala na sila ng 700 aftershocks matapos ang magnitude 6.9 na lindol kung saan 70 nito ang naramdaman.

 

Please follow and like us:
Read More

MAGSAYSAY, DAVAO DEL SUR NIYANIG NG LINDOL

phivolcs lindol12

(NI ABBY MENDOZA)

ISANG 4.6 magnitude quake ang tumama sa bayan ng Magsaysay sa Davao del Sur, dalawang araw matapos ang 6.9 magnitude na pagyanig sa kalapit na bayan na Matanao, Davao del Sur kung saan 7 ang nasawi.

Ayon sa Philippine Institute of Volcanology and Seismology(Phivolcs), alas 2:07 ng hapon naramdaman ang lindol na may lalim na 21 kilometers at tectonic ang pinagmulan.

May kalakasan ang naramdamang lindol kung saan naitala ang Intensity 5 sa Hagonoy, Davao del Sur; Intensity 4 sa

Davao City at Intensity 3 sa Kidapawan City.

Wala namang inaasahang pinsala at walang aftershocks sa nasabing pagyanig.

Ang nasabing lindol ay hindi umano konektado sa naganap na 6.9 magnitude quake bagkus ay hiwalay ito.

 

Please follow and like us:
Read More

AFTERSHOCKS DAHILAN NG PAGTIGIL NG RESCUE OPS

(NI NICK ECHEVARRIA)

TATLO ang patay, anim ang nailigtas habang anim din ang patuloy na pinaghahanap sa gumuhong shopping center sa bayan ng Padada, Davao del Sur, matapos yanigin ng 6.9 magnitude na lindol ang nasabing lalawigan, Linggo ng hapon.

Ito ang kinumpirma ni Christopher Tan mula sa Padada Municipal Risk Reduction and Management Office.

Unang narekober ang balawang bangkay mula sa gumuhong Southern Trade Shopping Center pasado alas-10:00 ng umaga nitong Lunes na nakilalang sina Elsa Ababon, 52 at Vangie Artiaga, 67, asawa ng isang dating kapitan ng barangay, samantalang hindi pa makuha ang isa pang bangkay na nakita ng mga nagrespondeng tauhan ng Bureau of Fire Protection ng Padada.

“Mahirap po pumasok sa loob, nag aftershock eh, kakatapos lang ng dalawang aftershock, so yun ang nakakahamper sa operation, lumalabas yung mga rescuers natin, nagtutulungan na lang lahat ng rescuers para mailabas yung dalawa at hopefully yung isa pang bangkay,” saad ni Tan.

Bandang alas-4:16 ng madaling araw nang isagawa ang ang rescue operation mula sa gumuhong gusali matapos makapag-text ang isa mga na-trap na empleyado sa isang kaibigan nito.

Nasa maayos namang kalagayan na ang anim na nasagip mula sa gumuhong shopping center, ayon kay Tan.

Sa ngayon ay nasa apat na ang naitalang patay sa naganap na lindol matapos unang maiulat ang pagkamatay ng 6-anyos na bata sa Barangay Asinan, idagdag pa rito ang naunang 16 na sugatan na nabagsakan ng mga debris sa bayan gn Magsaysay, kung saan apat sa mga ito ang nagtamo ng major injuries habang ang 12 iba pa ay nagtamo lang ng minor injuries.

Isinailalim na sa state of calamity ang bayan ng Padada dahil sa tinamong grabeng pinsala dulot ng lindol.

 

Please follow and like us:
Read More

5 NA PATAY, 24 SUGATAN SA 6.9 MAGNITUDE LINDOL SA DAVAO DEL SUR

(NI DONDON DINOY)

DAVAO DEL SUR—Lima na ang kumpirmadong patay matapos tumama ang magnitude 6.9 na lindol, alas 2:11 ng hapon, Linggo, Disyembre 15.

Unang naitala ng Philippine Institute of Volcanology and Seismology (PhiVolcs) ang epicenter ng lindol sa bayan ng Padada, ngunit nagbago ito at naitala mga 6-kilometro northwest sa bayan ng Matanao, Davao del Sur at nasa 3-kilometro ang lalim.

Nangyari ang kalamidad habang patuloy na nagrerekober ang lalawigan sa tatlong sunud-sunod na lindol noong buwan ng Oktubre.

Isang 6-anyos na batang babae, kinilalang si Chelberchen Imgarto, residente sa Brgy. Asinan, Matanao, Davao del Sur, ang unang nakumpirma na namatay matapos tamaan ng mga nahulog na pader sa kanilang bahay.

Sa bayan ng Padada, sinabi ni Mayor Pedro Caminero na aabot na sa 24 ang isinugod sa pagamutan habang narekober naman ang dalawang bangkay ng hindi pa kilalang babae sa patuloy na search and retrieval operation sa loob ng gumuhong commercial building.

Dalawang building sa Padada ang gumuho, isa ang pamilihang bayan at ang tatlong palapag na Southern Trade Commercial Building kung saan pinaniniwalaang may mga na-trap pa sa loob.

Isang 73-anyos na ginang din ang patuloy na hinahanap ng pamilya dahil hindi na nakauwi sa kanila matapos mag-grocery sa commercial building.

Sa Brgy. Limonso sa lugar, makikita ang malalaking bitak ng lupa na sinasabing fault line.

Sa bayan ng Hagonoy, Davao del Sur, hindi na magamit ang Clinica Rudinas na isang Infirmary Hospital sa Barangay Poblacion, matapos magkabitak ang mga pader sa building kaya nag tent na muna sa labas ang mga pasyente.

Sa Bansalan, Davao del Sur, patay ang senior citizen na si Elias Degamon, matapos matabunan ng gumuhong pader sa kanilang bahay sa Sitio Kadenas, Brgy. New Clarin.

Sa Matanao, Davao del Sur, isang sasakyang nakaparada sa labas ng St. Benedict Hospital matapos gumuho ang istruktura nito.

Gumuho rin ang Dalapo-Rudinas Hospital sa Brgy. Poblacion kaya pinalabas ang mga pasyente.

Sa pagsulat nitong balita, hindi pa masabi ng Provincial Disaster Risk Reduction and Management Office ang kabuuang halaga ng pinsala at ang bilang ng lahat ng biktima dahil sa patuloy na assessment.

Please follow and like us:
Read More

4 PATAY SA 6.9 MAGNITUDE LINDOL SA DAVAO DEL SUR

LINDOL-2

(NI ABBY MENDOZA/JEDI PIA REYES)

APAT na residente ang iniulat na nasawi sa magnitude 6.9 na lindol sa Matanao, Davao del Sur,  Linggo ng hapon.

Sinabi ni Bureau of Fire Protection (BFP) Director for Operations Chief Superintendent Samuel Tadeo na may inilunsad nang rescue operation para sa mga naipit pang biktima nang gumuho ang isang supermarket sa Padada, Davao del Sur.

“Mayroon po tayong ongoing rescue operations sa three-storey na collapsed structure, yung [Padada] Southern Trade na grocery store. Mayroon na pong tatlong patay,” ani Tadeo.

Sinabi naman ni Matanao Mayor Vincent Fernandez na mayruong anim na taong gulang ang namatay sa lindol sa kanilang lugar.

Nauna rito, niyanig ng magnitude 6.9 na lindol ang Davao del Sur na naka-apekto sa ilang lugar sa Mindanao.

Ang panibagong malakas na lindol ay  dalawang buwan ang pagitan matapos ang.killer quake noong Oktubre sa Mindanao kung saan 23 katao ang nasawi.

Ang magnitude-6.5 earthquake ay naganap noong  October 31, habang 6.6 magnitude noong Oktubre 28.

Ayon sa Phivolcs ang  sentro ng 6.9 magnitude na lindol na naramdaman alas 2:11 ng hapon ay sa Matanao,Davao del Sur.

Sa lakas ng lindol ay  Intensity VII ang naramdaman sa Matanao at Magsaysay sa Davao del Sur.

Intensity VI sa Kidapawan City; General Santos City; Bansalan, Davao del Sur; Alabel at Malapatan, Sarangani; at Koronadal City.

Intensity V sa  Tulunan at Matalam, Cotabato; Cotabato City; Davao City; at Glan, Saranggani.

Nasa Intensity III ay naitala sa Kalilangan, Talakag at Dangcagan sa Bukidnon.

Habang Intensity l naman Impasugong, Bukidnon; Cagayan de Oro City, Dipolog City at  Zamboanga del Sur.

Tectonic ang pinagmulan ng lindol at makapagtata ng aftershocks sa mga susunod na oras.

Inaalam pa ng Phivolcs ang naging lawak ng pinsala ng lndol gayundin kung may kinalaman ito sa dalawang malakas na lindol kamakailan.

 

Please follow and like us:
Read More

BEBOT BIKTIMA NG LINDOL, PATAY SA KURYENTE SA TENT

electrocution

(NI BONG PAULO)

PATAY matapos makuryente at nabagok pa ang ulo ng isang 42-anyos na babae sa Purok 7, Barangay Nuangan, Kidapawan City, Linggo ng tanghali.

Kinilala ang biktima na si Mary Jean Sinco na residente ng naturang lugar.

Ayon sa salaysay ng tiyahin ng biktima, nasa loob ito ng kanilang tent sa labas ng kanilang bahay dahil sa nasira ang kanilang bahay sa lindol at manonood lang sana ito ng telebisyon nang mahawakan ang alambreng naka konekta sa kanilang extension wire.

Dito na nakuryente ang biktima hanggang sa matumba at nabagok pa ang ulo sa baterya ng sasakyan na nooy malapit lang sa biktima, alas-12:00 ng tanghali.

Agad na isinugod ng City 911 ang biktima sa ospital pero idineklarang dead on arrival ng mga doktor.

Please follow and like us:
Read More

DAVAO OCCIDENTAL NIYANIG NG 5.7 LINDOL

LINDOL-2

NIYANIG ng 5.7 lindol ang lalawigan ng Davao Occidental, Huwebes ng gabi, ayon sa Philippine Institute of Volcanology and Seismology (Phivolcs).

Naganap ang lindol ng alas 8:24 ng gabi may 145 kilometers southeast ng Jose Abad Santos town. May lalim ito na 35 kilometers.

Naitala rin ang instrumental intensities sa:

Intensity IV – Malungon, Sarangani
Intensty II – General Santos City; Tupi, South Cotabato; Kiamba, Sarangani
Intensity I – Gingoog City

Sinabi ng Phivolcs na walang inaasahang pinsala  sa lindol ngunit may mga aftershocks na susunod.

 

Please follow and like us:
Read More

SENIOR CITIZEN NA BAKWIT PATAY SA EVACUATION CENTER

north cotabato 12

(NI DONDON DINOY)

MAKILALA, North Cotabato  – Binawian ng buhay ang isang senior citizen na bakwit matapos hindi kayanin ang pabago-bagong panahon sa loob ng evacuation center sa Barangay Bulakanon, nitong bayan, Huwebes

Ayon sa ulat, kinilala ang nasawi na si Evie Damali, 60, ng Purok 1, Barangay Bato sa lugar, na isa rin sa mga lugar na ideneklarang high risk area at pinagbawalan pa silang bumalik sa lugar.

Sinasabing nagkasakit na noon ang matanda pero mas lumala lamang dahil na rin sa pabago-bagong panahon na kanilang nararanasan sa evacuation center, mainit sa tanghali at minsan malakas naman ang ulan kapag gabi at wala ring maayos na tulogan.

Pansamantalang lumikas ang kanilang pamilya sa evacuation center sa Barangay Bulakanon habang naghahanap pa ang lokal na pamahalaan ng lugar na kanilang posibleng paglilipatan.

Patuloy ang paalala ng kagawaran ng kalusugan sa lahat ng mga bakwit na kung may hindi magandang nararamdaman ay agad na komunsulta sa mga doctor sa mga bawat incident command post ng LGU.

Batay sa pinakahuling datos, umakyat na sa 22 ang nasawi dahil sa lindol sa buong North Cotabato.

 

Please follow and like us:
Read More

200 PAMILYA INILIKAS SA BITAK-BITAK NA LUPA

(NI KIKO CUETO)

PINALIKAS ang aabot sa 200 na pamilya mula sa 4 na purok ng bayan sa bahagi ng Bansalan sa Davao del Sur.

Ito ay dahil na rin sa nakitang malaking bitak ng lupa.

Ginawa ang sapilitang pagpapalikas kasunod na rin ng abiso ng Mines and Geosciences Bureau (MGB) ng Department of Environment and Natural Resources.

Nasa evacuation center na ang mga apektadong residente ng mga purok Pananag B, Neptune, Venus at Pluto.

Sa report ang Purok Pananag B, makikita ang mga malalaking bitak sa lupa na ikinasira rin ng mga bahay at isang simbahan dahil sa mga pagyanig nitong Oktubre.

Sinabi naman ni Barangay Managa chairman Sixto Taparan Jr., na hindi pa malinaw sa kanila ang paliwanag ng MGB-Davao kung anong lugar talaga ang maapektuhan ng mga bitak kaya nais nilang magpasuri muli sa ahensiya.

Naghahanap ang lokal na pamahalaan ng malilipatang lugar para sa mga residente na hindi na puwede pabalikin sa kanilang lugar.

 

 

Please follow and like us:
Read More

MAG-AAMA NAG-AWAY SA NAWASAK NA BAHAY

(NI BONG PAULO)

NORTH COTABATO – Ospital ang bagsak ng ama at dalawang anak nito matapos na tagain ng tatay ang mga anak at gantihan naman ito ng bala sa Barangay Naje, Arakan, North Cotabato, Miyerkoles ng hapon.

Sa panayam kay Police Sgt. Alexander Gomez, ng Arakan PNP, sinabi nitong nag-iinuman ang magkapatid na sina Alex Tabaosares, isang CAFGU at Joenalie Tabaosares, kasama ang isa pa sa harap ng kanilang bahay.

Pauwi na sana sila nang magkita ng kanilang ama si Antonio Tabaosares at pinag-usapan ang tungkol sa nasira nilang bahay dahil sa nagdaang lindol.

Nais umano ni Alex na ipaayos ang kanilang nasirang bahay pero nagalit ang kanyang ama na si Antonio at iginigiit na huwag pakiaalaman ang kanyang pag-aari.

Nagkaroon aniya ng mainit na pagtatalo ang dalawa hanggang sa pinagtataga ng ama ang kanyang mismong anak pero bumunot din ng baril si Alex at binaril ang kanyang ama.

Sinabukan pang awatin ng nakakabatang kapatid na si Joenalie ang mag-ama pero tinamaan din siya ng baril ng kanyang kapatid na si Alex.

Napag-alamang hindi na nakatira sa kanilang bahay ang kanilang ama dahil naghiwalay na umano sila ng kanyang asawa.

Sa ngayon, patuloy pang nagpapagamot ang mga sugatan sa ospital habang inilipat na sa Davao City si Jonalie matapos na magtamo ng maraming sugat sa iba’t ibang bahagi ng katawan.

 

Please follow and like us:
Read More

HIGIT 800 BAKWIT NAGKAKASAKIT NA SA EVACUATION CENTERS

(NI DONDON DINOY)

DAVAO CITY— Mahigit sa 800 na mga bakwit ang nagkasakit sa mga evacuation centers sa tatlong bayan ng Davao del Sur.

Dahil dito, inabisuhan na ng Department of Health (DoH) ang mga lokal na gobyerno na maglagay ng mga nurse sa mga evacuation center.

Sa datos mula sa Provincial Health Office (PHO) ng lalawigan, aabot na sa 524 ang nilalagnat, may ubo at sipon, 123 ang may lagnat lang at 118 ang tumaas ang ang blood pressure, mula sa mga bayan ng Matanao, Magsaysay at Digos City.

Sa kabuuan, aabot na sa 825 indibidwal ang nakararanas ng sakit.

Ayon sa inang si Marilou Abing, agad niyang dinala ang 5-anyos na anak na si Rixie sa mga health personnel sa Brgy. Balnate, Magsaysay, matapos makaranas ng lagnat na may dalang ubo at wala ring ganang kumain.

Nahihirapan na umano sila sa sitwasyon dahil madali lang dadapo sa kanila ang sakit ng iba kapag may isang inuubo.

Ang mister ni Marilou, tumaas rin ang presyon kaya agad ipinagamot.

Ipinag-utos naman ngayon ng mga kagawaran ng kalusugan sa mga lokal na gobyerno na magsagawa ng supplemental feeding lalo pa sa mga bata na undernourished.

 

Please follow and like us:
Read More

DONASYON NA PAGKAIN SA BAKWIT HINIGPITAN

(NI DONDON DINOY)

MAKILALA, North Cotabato — Nagpatupad ng mahigpit na seguridad at ilang panuntunan ang lokal na gobyerno sa pagbibigay ng pagkain sa mga evacuation centers.

Ito’y matapos malason ang 30 katao sa pagkain na dinala sa evacuation center.

Nasa mabuting kalagayan na umano ang mga biktima matapos makaranas ng pananakit ng tiyan makaraang kumain ng pastil. Maliban sa pananakit ng tiyan, nagsusuka rin ang mga biktima kasabay ng kanilang loose bowel movement (LBM).

Pawang mga residente ng Barangay Patulangon at Malabuan nitong bayan ang nakaranas ng pagkalason na agad dinala sa pagamutan.

Samantala, sinabi ni North Cotabato Acting Vice Gov. Shirlyn Macasarte Malabuan-Villanueva, na nagpalabas na sila ng direktiba na temporaryo muna nilang i-ban ang pamimigay ng hot meal o packed lunch sa mga bakwit upang maiwasan ang katulad na insidente.

 

Please follow and like us:
Read More

QUEZON NIYANIG NG MAGNITUDE 5.5 LINDOL

phivolcs lindol12

NIYANIG ng magnitude 5.5 na lindol ang lalawigan ng Quezon alas-4:52 Huwebes ng madaling-araw.

Ayon sa Phivolcs, ang episentro ng lindol ay sa layong 42 kilometro Hilagang-Silangan ng bayan ng Jomalig.

May lalim ang pagyanig na 7 kilometro at tectonic ang origin.

Naitala ang sumusunod na intensities:

Intensity IV – Guinayangan, Quezon
Intensity II – Marikina City; Navotas City; Quezon City
Intensity I- Muntinlupa City

Instrumental Intensities:
Intensity IV – Guinayangan, Quezon; Jose Panganiban, Camarines Norte
Intensity III – Pili, Camarines Sur; Mauban, Lopez and Mulanay, Quezon
Intensity II – Marikina City; Malolos City; Gumaca and Dolores, Quezon; Baler, Aurora
Intensity I – Iriga City; Malabon City; San Juan City; Quezon City; Pasig City; Guagua, Pampanga.
Talisay, Batangas; Palayan City

Samantala, marami ang nakaramdam ng pagyanig sa bahagi ng Makati, Pasay at Taguig.

Walang inaasahang pinsala sa ari-arian ngunit posible ang aftershocks ayon sa Phivolcs.

Please follow and like us:
Read More

4 PATAY, 8 SUGATAN SA PANIBAGONG 6.5 LINDOL SA COTABATO

(NI JG TUMBADO)

MULING niyanig ng malakas na lindol ang Mindanao region kung saan apat ang nasawi kabilang ang isang barangay chair sa bayan ng Tulunan, North Cotabato,kaninang umaga.

Nakilala ang nasawing kapitan na si Cesar Bangot ng Barangay Batasan.

Sa nakarating na report sa National Disaster Risk Reduction and Management Council (NDRRMC), gumuho ang Barangay gym sa kasagsagan ng 6.5 magnitude earthquake sa bayan ng Tulunan pasado alas 9 ng umaga at nadaganan si Bangot ng bumagsak na debris ng gusali.

Tatlo pang indibidwal ang nasawi sa iba’t ibang lugar sa bayan ng Tulunan, Davao City at Kidapawan City na patuloy pang inaalam ang pagkakakilanlan ng mga Ito.

Walo naman ang iniulat na nasugatan na dinala sa ibat ibang ospital kung saan nakilala ang iba sa kanila at ito ay sina Catley Ubas, 27, Naser Enog, 27, Baswil Ledya, 60, at ang Korean national na si Park Jung O, 61.

Maraming kalsada rin sa Makilala ang nakitaan ng malalaking bitak matapos ang panibagong malakas na pagyanig.

Kabilang sa ilang mga gusali na gumuho sa panibagong lindol ay ang Ecoland 4000 condominium sa Davao City at ang Eva hotel sa Kidapawan City.

Habang sa Digos City naman sa Davao del Sur ay gumuho din ang gusali ng Triple F store kung saan nasa mahigit 30 empleyado nito ang nasaktan sa bumagsak na mga debris.

Please follow and like us:
Read More

2 PATAY, MARAMI SUGATAN SA LINDOL

(NI JG TUMBADO)
UPDATE
DALAWA katao ang patay habang nasa 215 iba pa ang sugatan makaraang yumanig ang magnitude 6.6 na lindol na tumama sa malaking bahagi ng Mindanao region kahapon.

Batay sa ipinalabas na datos ng National Risk Reduction and Management Council (NDRRMC), kabilang sa mga nasawi ang 15 anyos na si Jessie Riel Parba, grade 9 student ng Kasuga National High School sa bayan ng Magsaysay at ang 66 taong gulang na si Nestor Narciso ng Koronadal City, South Cotabato.

Ayon sa NDRRMC, nabagsakan si Parba ng mga debris mula sa nasirang gusali ng paaralan nito sa kasagsagan ng pagtama ng lindol.

Matindi namang pinsala ang natamo ni Narciso ng mabagsakan ito ng gumuhong pader sa loob mismo ng kanyang tahanan.

Dakong alas 9:04 ng umaga ng Martes ng tumama ang 6.6 magnitude na lindol sa bayan ng Tulunan, Cotabato kung saan tectonic ang origin nito at may lalim lamang na pitong kilometro sa epicenter nito.

Naramdaman ang pagyanig ng lupa sa malaking bahagi ng mga sumusunod na lugar:

Intensity VII – Tulunan at Makilala, Cotabato; Kidapawan City; Malungon, Sarangani.

Intensity VI – Davao City; Koronadal City; Cagayan de Oro City

Intensity V -Tampakan,Surallah and Tupi, South Cotabato; Alabel, Sarangani

Intensity IV – General Santos City; Kalilangan, Bukidnon

Intensity III – Sergio Osmeña Sr., Zamboanga del Norte; Zamboanga City; Dipolog City; Molave, Zamboanga del Norte; Talakag, Bukidnon

Intensity I- Camiguin, Mambajao

Instrumental Intensities:

Intensity VII – Kidapawan City; Malungon, Sarangani

Intensity V – Alabel, Sarangani; Tupi, South Cotabato

Intensity IV – Gingoog City, Misamis Oriental; General Santos City

Intensity II – Zamboanga City

Intensity I – Dipolog City; Bislig City; Palo, Leyte

Una ng ini ulat ng Phivolcs na magnitude 6.4 sa kanilang 9:04am na bulletin subalit pinalitan Ito ng magnitude 6.6 sa oras na 9:44 bulletin.

Please follow and like us:
Read More

MINDANAO NIYANIG NG 6.6 LINDOL

lindol12

NIYANIG ng magnitude 6.6 earthquake ang ilang bahagi ng Mindanao kanila, ayon sa Philippine Institute of Volcanology and Seismology (Phivolcs).

Ang epicenter ay naitala sa Tulunan town sa Cotabato province, kung saan nilindol din nitong buwan na pumatay sa tatlo katao.

Naitala ang lakas ng lindol sa:  Intensity VII – Tulunan at Makilala, Cotabato; Kidapawan City; Malungon, Sarangani

Intensity VI – Davao City; Koronadal City; Cagayan de Oro City

Intensity V – Tampakan, Surallah at Tupi, South Cotabato; Alabel, Sarangani

Intensity IV – General Santos City; Kalilangan, Bukidnon

Intensity III – Sergio Osmeña Sr., Zamboanga del Norte; Zamboanga City; Dipolog City; Molave, Zamboanga del Norte; Talakag, Bukidnon

Intensity I – Camiguin, Mambajao

The U.S. Geological Survey also measured the quake at Magnitude 6.6.

“Mas malakas ito kumpara sa nakaraang lindol,” sabi ni Tulunan Mayor Reuel Limbungan, na ang tinutukoy ay ang magnitude 6.3 na lindol na tumama sa noong Oktubre 16 na sumira sa mga barangay hall, health center, at senior citizen’s hall.

Sinuspinde na ang klase at trabaho sa lahat ng pampubliko at pribadong kompanya sa Tulunan.

 

Please follow and like us:
Read More

STATE OF CALAMITY SA N. COTABATO QUAKE IDINEKLARA 

(NI BONG PAULO)

SA pamamagitan ng resolution number 46-2019 ng Sangguniang bayan ay isinailalim na sa state of calamity ang buong bayan ng Makilala, North Cotabato nitong Huwebes ng hapon dahil sa pinsala sa mga kabahayan at paglobo ng mga taong nasugatan dahil sa nagdaang lindol.

Sinabi ni Municipal Administrator Sheryl Orbita, umakyat na sa 24 katao ang nasugatan dahil sa magnitude 6.3 na lindol, isa rito ang malubha at isinugod sa isang ospital sa Davao City.

Aabot naman sa 63 kabahayan ang nasira at marami ang hindi na pwedeng matirhan.

Labin-apat naman na barangay mula sa 38 ang lubhang naapektuhan dulot ng pagyanig at ang tatlong mga barangay ang una nang nagdeklara ng state of calamity.

Pinabibilis na rin ng lokal na pamahalaan ang pagpapalabas ng pondo upang makabili ng mga pangunahing pangangailangan ng mga apektadong pamilya tulad ng mga gamit na masisilungan, pagkain, gamot at iba pa.

Samantala, inirekomenda na rin ng MDRRMC sa Sangguniang Bayan na ilagay sa danger zone ang barangay ng Luayon at ilang mga lugar sa Barangay Kisante.

Apela rin ni Orbita sa mga opsiyales ng bawat barangay na makipag-ugnayan sa LGU- Makilala upang agad na maibigay ang sapat na tulong para sa kanilang nasasakupan.

Samantala, pumalo na sa 569 tahanan ang nasa partial at totally damaged sa bayan ng Tulunan, North Cotabato na siyang sentro ng 6.3 magnitude na lindol, ayon sa pinakahuling ulat ng PHIVOLCS.

Ayon kay Tulunan Vice Mayor Maureen Ann Villamor, sa pag-iikot ng Rapid Assessment Needs Analysis o RDANA team ng nasabing bayan, matinding tinamaan sa ng lindol ang New Caridad High School kung saan halos buong kisame ang natanggal sa isang silid.

Habang malalaking lupa rin ang gumuho sa boundary ng Brgy. Bituan at Bacong, kabilang pa ang mga tulay na nasira sa ilang mga barangay.

 

Please follow and like us:
Read More

2 BATA, 2 PA, PATAY, HIGIT 60 SUGATAN SA COTABATO QUAKE

(NI KIKO CUETO)

APAT na ang kumpirmadong patay kasunod ng magnitude 6.3 na lindol na tumama sa bayan ng Tulunan, North Cotabato at kalapit na lugar Miyerkules ng gabi.

Sa report, sinabi ng pulis na kabilang sa namatay ang 7-taong gulang na bata na nadaganan ng gumibang pader sa Tulunan.

Namatay din ang 2-taong gulang na bata sa Davao del Sur, na nabagsakan ng mga bagay habang natutulog.

Kinilala ang biktima na si Cristine Roda.

Natabunan naman ng landslide ang bahay sa Barangay Malawanit, Magsaysay.

Nailigtas ang isang lalaki at dalawa niyang anak. Pero namatay ang nanay.

Aabot naman sa 60 tao ang sugatan sa Tulunan, North Cotabato, at sa Magsaysay at Digos sa Davao del Sur.

Sa Kidapawan City, North Cotabato, na nakaramdam ng ng intensity 7 sa lindol, inilabas ang mga pasyente mula sa Midway Hospital nang hinihinalang may naging sira sa ospital.

Sa labas o sa outdoor tennis court nagpalipas ng gabi ang mga pasyente habang mabilis na sinusuri ang integridad ng gusali.

Ayon kay Philippine Institute of Volcanology and Seismology (Phivolcs) director Renato Solidum, maituturing na “moderately strong” ang lindol.

Sinasabing tectonic quake ang lindol at naitala ng 7:37 p.m. ng gabi 22 kilometero southeast ng Tulunan at may lalim na 15 km.

Nakapagtala ang Phivolcs, 246 na aftershocks kanilang naitala.

Sinabi naman ng Department of Energy (DOE) na ang lindol ay naka-apekto sa Mount Apo geothermal power plant, na dahilan ng blackout sa ilang bahagi ng South Cotabato, North Cotabato at sa buong siyudad ng of Kidapawan.

Bukod sa Kidapawan, North Cotabato, South Cotabato, at Davao del Sur, naramdaman din ang lindol sa Sarangani province, Davao City, General Santos City, Sultan Kudarat, Maguindanao at Compostela Valley.

Napag-alaman din na may isang babae na nakunan kasunod ng mga afetrshocks dahil sa lindol.

“More than 200 aftershocks na iyong naramdaman natin,” sinabi ni Psalmer Bernalte, pinuno ng the disaster office sa Kidapawan.

“Iyong isang buntis, nag-miscarriage… Nalaglag lang iyong kaniyang baby dahil na-shock [noong] nagkaroon ng lindol,” dagdag nito sa panayam sa DZMM.

Please follow and like us:
Read More

5.3 LINDOL YUMANIG SA DAVAO ORIENTAL

ISA na namang 5.3-magnitude earthquake ang yumanig sa Davao Oriental, Huwebes ng umaga, ilang oras matapos yanigin ng 6.3 magnitude ang ilang bahagi ng Mindanao, Miyerkoles ng gabi.

Bandang alas-4:53 ng umaga nang maganap ang lindol sa 120 kilometers northeast ng Manay town.

Naitala rin ang intensity 3 sa Alabel, Sarangani, intensity 2 sa Tupi at General Santos City sa South Cotabato, at intensity 1 sa Kiamba, Sarangani.

Sinabi ng Phivolcs na ang lindol ay hindi aftershock ng naunang liondol na tumama sa Tulunan, North Cotabato, Miyerkoles ng gabi.

Hindi inaasahang lilikha ng pinsala ang lindol ngunit inaasahan ang mga aftershock.

Ang lindol sa North Cotabato ay naramdaman sa ilang bahagi ng Mindanao at nag-iwan ng apat na kataong patay at higit sa 30 sugatan.

 

Please follow and like us:
Read More

COTABATO, DAVAO NIYANIG NG LINDOL

phivolcs lindol12

(NI DAHLIA S. ANIN)

ISANG 4.6 magnitude na lindol ang tumama bandang alas 7:55 ng Martes ng umaga sa lalawigan ng Cotabato.

Ayon sa Philippine Institute of Volcanology and Seismology (PhiVolcs), naitala ang sentro ng lindol sa bayan ng Tulunan, Cotabato.

Tectonic ang pinagmulan ng lindol na may lalim na 12 kilometro.

Naitala naman ang Intensity II sa Kidapawan City at Instrumental Intensity I naman sa Tupi, South Cotabato.

Wala namang naitalang pinsala sa nasabing lindol, ngunit, ang mga estudyante sa Kidapawan Citu National High School- Lanao Extension ay naglabasan sa kanilang silid aralan matapos maramdaman ang lindol. Pinag-iingat ang mga residente dahil sa posibleng pagkakaroon ng aftershocks.

Samantala, niyanig din ng isang 4.2 magnitude na lindol ang Davao Occidental bandang alas 9:37 ng umaga.

Ayon sa PhiVolcs, naitala ang epicenter nito sa 126 kilometro TimogSilangan ng munisipalidad ng Jose Abad Santos.

Tectonic din ang sanhi ng lindol na may lalim na 33 kilometro.

Wala namang naitalang pinsala sa lugar dahil sa lindol.

Please follow and like us:
Read More

DAVAO OCCIDENTAL, NIYANIG NG 6.4 LINDOL

LINDOL-2

(NI JEDI PIA REYES)

NIYANIG ng magnitude 6.4 na lindol ang Davao Occidental na naramdaman sa maraming lugar sa Mindanao, umaga ng Linggo.

Ayon sa Philippine Institute of Volcanology and Seismology (Phivolcs), dakong alas-10:02 ng umaga nang maitala ang pagyanig sa layong 130 kilometro ng bayan ng Jose Abad Santos sa Davao Occidental.

May lalim na 60 kilometro ang lindol na tectonic ang pinagmulan.

Naitala ng Phivolcs ang Intensity IV sa General Santos City habang Intensity III sa Tampakan, South Cotabato; Kidapawan City; Makilala, at Magpet, Cotabato; Davao City; Magsaysay, at Sta. Cruz, Davao del Sur; Panabo City; Gingoog City, at Magsaysay, Misamis Oriental; Damulog, at Kalilangan, Bukidnon.

Naramdaman naman ang Intensity II sa Cagayan de Oro City; Balingasag, Jasaan, at Villanueva, Misamis Oriental; Kabacan, M’lang, at Tulunan, Cotabato; Columbio at Tacurong City, Sultan Kudarat

Hindi na inaasahan ng Phivolcs na magdudulot ng pinsala ang lindol ngunit nakapagtala na ng ilang aftershocks.

Samantala, lumikas naman ang mga residente ng residential unit sa Davao City dahil sa naramdamang malakas na pagyanig.

Ramdan din sa bayan ng Malita, Davao Occidental ang lindol kaya’t magsasagawa ng assessment ng pinsala ang Municipal Disaster Risk Reduction and Management Office ruon.

Please follow and like us:
Read More