LASING, WALANG GAWANG MAGALING

ALAK-11

(Ni Guillermo Octavio / Huling labas)

TOTOONG walang buting maidudulot ang pagpapakasawa sa alak. Marami ang napapasama at napapariwara dahil sa pag-inom ng alak nang sobra. Hindi nga masama ang uminom ng alak suba­lit kailangang kaya itong dalhin ng isipan. Hindi puwedeng mangibabaw ang espiritu ng alak sa utak ng umiinom dahil kapag nangyari iyon, tiyak na gulo ang mangyayari.

 Walang basagan ng trip

Noong Marso, agaw-buhay ang isang closed-circuit television technician nang pagsasaksakin ng kainuman nang tangkaing umawat ng biktima sa pagtatalo ng suspek at isa pa nilang kainuman  sa Malabon City.

Itinakbo sa Valenzuela Medical Center sanhi ng mga saksak sa katawan si Rannie Garcia, 32, ng 144 Compound, Orange Rd., Barangay  Potrero.

Naaresto naman ang suspek na nakilalang si Renato Badidles, 58,  kapitbahay ng biktima.

Alas-3:40 ng hapon,  umiinom ang biktima, ang suspek at  isa pa nilang kapitbahay na si Wilson Alising, 23, sa loob ng  compound.

Nang tumama na ang alak ay nagtalo ang suspek at si Alising at nang umawat si Garcia ay sa kanya nabaling ang galit ng suspek at tinarakan ang biktima ng screw driver.

Marso rin nang pagsasaksakin at paluin ang isang lalaki ng  grupo ng mga lasing na kalalakihan na binawalan nitong umihi sa tabi ng kanyang bahay sa Caloocan city.

Duguang isinugod sa ospital ang biktimang si  Jerome Sambayon, 38 ng Phase 8 Blok 77 Lot Excess Brgy. 176 Bagong Silang.

Alas-5:45 ng hapon nang mapansin ni Sambayon ang isang tropa ng mga nag-iinuman at nang matuklasang ginawang comfort room ang gilid ng kanyang bahay ay sinita niya ang mga ito.

Kumuha ng bote ang mga suspek  bago pinagtulungang pagpapaluin sa ulo ang biktima na tatakbo sana papasok ng bahay ngunit bumunot pa ng patalim ang isang suspek at inararo ng saksak ang biktima.

Abril naman nang halihawin ng saksak habang umiihi ang isang lalaki ng kainumang best friend na pinauuwi na ng biktima dahil sa kalasi­ngan, sa Malabon City.

Isinugod sa Tondo Medial Center si John Renz, 22, ng 22 Perez Street, Barangay Tonsuya ng lungsod, dahil sa saksak sa leeg at kanang balikat.

Palaisipan naman sa mga pulis kung sino ang sumaksak sa suspek na si Redenze Manaclang, 24,  kapitbahay ng biktima,  na may saksak din sa dibdib at likod nang mahuli sa follow-up operation.

Ayon sa pulisya, alas-2 ng madaling-araw ay tuloy pa sa pagtagay sina Rez at Manac­lang sa kahabaan ng Perez Street, Barangay Tonsuya.

Bilang bespren, pinayuhan ni Renz si Manaclang na umuwi na dahil  lasing na ito at  tumayo na rin si Renz para umuwi ngunit nagpaalam muna ito sa kaibigan na iihi lamang.

Habang dyumidyinggel ang biktima ay sumalipawpaw ang ihi nito nang pagsasaksakin ng tila nahihibang na si Manaclang saka tumakas dala ang ginamit na patalim.

Nakita ni Ryan Revecencio, pinsan ni Renz, na du­guan ito kaya itinakbo sa sa nasabing pagamutan ang kaanak.

Nalaman ng iba pang kaanak ni Renz ang kinaroroonan ni Manaclang at humi­ngi ng tulong mga pulis  at ipinadakip ngunit nang dakpin ay duguan din ito dahil sa mga saksak kaya dinala sa  Jose Reyes Memorial Hospital si Manaclang  at kinasuhan ng frustrated murder

Noon namang Hulyo, hindi na nalagok ng isang 20-anyos na lalaki ang iniaabot  sa kanyang tagay nang aksidenteng mabaril ng kanilang tanggero na iniabot ang baso ng alak gamit ang kamay na may tangang baril sa Caloocan City.

Idineklarang dead-on-arrival sa Tala Hospital sanhi ng tama ng bala sa kanang bahagi ng katawan ang biktimang si  Jomar Selagan, ng San Jose Del Monte, Bulacan at agad na tinugis ng mga pulis ang suspek na si Leo Mape, 19, residente ng Caloocan City, na tumalilis matapos ang insidente.

Nabatid, lumalaklak ng alak ang bitkima at suspek kasama ang isang Christian De Oro, 19,  sa Barangay 185, Malaria  alas-10:30 ng gabi nang may hugutin si Mape mula sa kanyang baywang.

Baril pala ang binunot ni Mape at sinimulang ibida ito sa mga kaharap at nang iaabot na ang tagay ni Selagan ay hawak pa rin niya ang armas.

Aksidenteng nakalabit ni Mape ang baril at pagputok ay tinamaan ng punglo ang biktima na isinugod sa nasabing osptital ngunit sa daan pa lamang ay nalagutan na ito ng hininga.

Hulyo rin nang masakote sa Caloocan City ang isang lasing na driver matapos na mabundol ang isang tricycle na minamaneho ng isang se­nior citizen sa Navotas City  at  maikipaghabulan sa mga pulis.

Lasing pa nang masakote si Ralf Alcalde, 44, ng Block 16, Lot 57, Phase 2 Area 2, Brgy Longos, Malabon City, sa Samson Road nang tinangka niyang takbuhan ang nabanggang tricycle ni Ricardo San Pedro, 71, ng C-4 Road, Brgy Bagumbayan North, Navotas City.

Itinakbo sa Tondo Medical Center si San Pedro para magamot habang ang gray na Suzuki Ciaz, na may conduction no. G0-M126 na minamaneho ng suspek ay dinala sa Navotas impounding area.

Binabagtas ni Alcalde ang  M. De Vera St. Brgy. Navotas West dakong alas-10:15 p.m. nang mabangga ang minamanehong tricycle ng matandang biktima.

Matapos mabangga ay nawalan ng control si  San Ped­ro at bumangga sa puwitan ng  isang Navotas police mobile patrol car, isang Toyota Avanza na sakay na dalawang pulis.

Sa halip na huminto para tulungan ang biktima, humarurot si Alcalde papuntang  C-4 Road, at hinabol ito ng mga nagmamalasakit na riders at sa tulong ng mga pulis ay nadakma  ang suspek sa Samson Road.

Kasong reckless imprudence resulting in physical injury, damage to government and private property at  paglabag sa anti-drunk and drugged driving act ang ikinaso laban sa suspek sa Navotas City Prosecutor’s Office.

Kaya’t ngayong Kapaskuhan, para sa kapakanan ng iba, ng kanilang pamilya, ng ating pamilya, at para na rin sa pansarili nating kaligtasan, mga kaibigan, hinay-hinay lang ang tagay upang ang alak ay mailagay sa tiyan at hindi sa bao na may bumbunan.

Please follow and like us:
Read More

BUMANGGA SA 3 SASAKYAN; 2 LASING NA RIDER TODAS

accident12

(NI NILOU DEL CARMEN)

KAPWA namatay ang dalawa umanong lasing na magkaangkas sa motorsiklo matapos na ang sinasakyan ng mga ito ay kumarambola at sumalpok sa tatlong sasakyan  sa Tagatay – Nasugbu highway sa Barangay Kaylaway, Nasugbu, Batangas Martes ng gabi.

Dead on the spot ang backrider na si Rene Gonzales, 46,  samantalang nasawi  rin matapos na maisugod sa ospital ang nagmamaneho na si Gilmark De Villa.

Ayon kay PMAJ Ronald Cayago, hepe ng Nasugbu police, batay sa findings nang doktor sa pinagdalahan na Metropolitan Hospital, parehong amoy alak ang dalawa.

Base sa report, tinatahak ng mga ito ang highway nang sumalpok muna ang mga ito sa likuran ng isa ring motorsiklo.

Nawalan ng kontrol ang mga biktima at sumalpok muli sa kasalubong na drop truck na minamaneho ni Rolando Torreta  bago pa muling napabalik sa kanilang linya at bumangga sa kasunod na Toyota Fortuner na minamaneho naman ni Rodlyn Fernandez Alvaran.

Kinostudiya ng Nasugbu police ang driver ng dalawang nakabanggaang sasakyan at sasampahan na rin ng kaso.

 

Please follow and like us:
Read More

COED NATULOG NANG LASING, ‘DI NA NAGISING

crime43

(NI ANNIE PINEDA)

HINDI na nagising pa ang isang college student mula sa himbing nitong pagkakatulog matapos makipag-inuman sa harap ng kanyang boarding house, iniulat kaninang umaga sa Cagayan de Oro City.

Kinilala ang biktimang si Jomel Enot Sebuya, 27,  estudyante sa Caraga State University, at taga Purok-1, Barangay Charito, Bayugan City Agusan Del Sur.

Batay sa report ng Butuan City Police Station-4, dakong alas 12:-00 ng tanghali nang madiskubre ang bangkay ng biktima sa loob ng boarding house nito sa Purok-6, Barangay Ampayon,  Butuan City.

Lumabas sa pagsisiyasat ng pulisya, dakong alas 4:00 ng hapon nakikipag-inuman pa ang biktima sa mga kaibigan sa harap ng kanilang boarding house at pagsapit ng alas 8 ng gabi ay pumasok na ito sa kanyang silid saka natulog.

Kuwento ni Jomari Sanchez, 24, binata, kasama ng biktima sa boarding house, nagtaka na lamang sila at tanghali na ay hindi pa lumalabas sa kanyang kuwarto si Sebuya.

Dito, kanilang binuksan ang silid para tingnan kung natutulog pa ito at bumulaga sa kanilang harapan ang wala nang buhay na biktima.

Tumanggi naman ang ama ng biktima na si Joey Sebuya, na isailalim sa otopsiya ang bangkay ng anak dahil naniniwala itong sinumpong sa kanyang sakit ang biktima na naging dahilan ng kamatayan nito.

 

Please follow and like us:
Read More

TRIP-TRIP LANG: NATULOG SA INUMAN, SINILABAN

fire

DAHIL pawang mga lasing na, pinagtripan ng isang lalaki ang kapitbahay na lasing na umano’y natulog sa kalagitnaan ng inuman sa Barangay Bangkas Heights Toril, Davao City.

Kinilala ang biktima na si William Chiong, 50. Nagtamo ito ng lapnos sa katawan at inoobserbahan pa sa ospital.

Ayon sa pinsan niya, nakipag-inuman ang biktima sa mga kapitbahay hanggang sa nakatulog siya sa ilalim ng isang puno sa sobrang kalasingan.

Sa imbestigasyon, pinagtripan umano ng suspect ang biktima na gustong gisingin para uminom pa.

Para magising ay sinilaban ng suspek ang biktima gamit ang dahon ng niyog at mga plastik, sa akala na magigising ito.

Gayunman, hindi nagising ang biktima at nagkagulo na lang nang hindi na maapula ang lumaking apoy.

Nalapnos ang likurang bahagi ng katawan ni Chiong na dinala agad sa ospital.

Wala pang pormal na reklamo na inihain laban sa suspek.

 

Please follow and like us:
Read More

LALAKI TINAGA SA ULO NG SINAWAY NA LASING 

(NI ANNIE PINEDA)

NASA balag ng alanganin ngayon ang buhay ng isang lalaki makaraang tagain sa ulo ng lasing na kapitbahay na nagwawala dahilan para kanya itong sawayin, Sabado ng gabi, sa Capiz.

Kinilala ang biktimang si Lot Labetoria, 31,  habang tugis naman ang suspek na kinilalang si Reneboy Victor, 39, kapwa residente ng Brgy Roxas, Tapaz, Capiz.

Batay sa report ng Tapaz-PNP, dakong alas 8:20 ng gabi nang maganap ang insidente sa nasabing lugar.

Lumabas sa pagsisiyasat ng pulisya, lasing ang suspek at nagwawala ito sa labas ng kanilang bahay. Dahil sa maingay at nakabubulahaw na ito, tinangkang awatin ng biktima ang suspek pero sa halip na makinig sa kanya ay kumuha ito ng itak at tinaga sa ulo si Labetoria saka tumakas.

Kaaagad naman isinugod sa Western Visayas Medical Center, Iloilo City ang biktima at patuloy na inoobserbahan.

 

Please follow and like us:
Read More

BABY NABITIWAN NG LASING NA TATAY SA SEAWALL, NALUNOD

crime23

(NI ANNIE PINEDA)

NAWALA ang kalasingan ng isang mister nang matagpuan na lamang ang anak nitong nagpalutang-lutang sa dagat nang mabitawan umano nito habang nasa sea wall, sa Iloilo City.

Ayon sa Guimbal Municipal Police Station, bitbit ng amang si Vales, residente ng Barangay Pescadores, Guimbal, Iloilo ang kanyang 6-buwan sanggol na anak habang nagpapahangin sa sea wall malapit sa kanilang bahay.

Sinabi ng ama na nakainom siya ng alak at maaring nakaidlip siya nang malasing kaya hindi na niya napansing nabitawan ang anak.

Nagising na lamang siya nang masisigaw na ang mga residenteng may batang lumulutang sa dagat.

Kaagad naman iniahon ang sanggol at dinala sa ospital pero idineklara na rin itong patay.

Please follow and like us:
Read More

LASING NAGWALA, TINAGPAS NG KAINUMAN

(NI ANNIE PINEDA)

SA buwisit ng kanyang kainuman, tinagpas ang isang lalaki nang mag-iingay ito at magwala habang nag-iinuman , iniulat kaninang umaga sa probinsya ng Zamboanga del Norte.

Kinilala ang biktimang si Ranie Fuentes, 38, habang sumuko naman sa pulisya ang suspek na kinilalang si Jemar Cadano, 44, kapwa residente ng Brgy. Linabo, Polanco, Zamboanga del Norte.

Batay sa report ng pulisya, nag-iinuman ang biktima at suspek kasama ang iba pang kaibigan sa nasabing lugar.

Makalipas ang ilang oras ay parehong nalasing sina Fuentes at Cadano hanggang sa nag-iingay na ang biktima at nagwawala.

Dahil sa naingayan ang suspek kinausap nito ang biktima na tumigil na sa pag-iingay at pagwawala at uminom na lamang sila ng alak, subalit hindi nakinig si Fuentes.

Dito kumuha ng itak ang suspek at pinagtataga ang biktima na tinamaan sa dibdib at iba pang parte ng katawan na agad nitong ikinamatay.

Matapos ang insidente tumakas ang suspek pero kalaunan ay sumuko rin sa kanilang barangay at tinurn-over sa himpilan ng pulisya.

Nahaharap ngayon sa kasong murder ang suspek.

 

Please follow and like us:
Read More

DALAGITA NILASING; 42-ANYOS KAINUMAN HULI SA RAPE 

(NI ANNIE PINEDA)

“BASTA may alak, may balak!”

MULI na naman napatunayan ang salita sa nasabing kanta, makaraan gahasain ang isang 16-anyos ng lalaking kanyang kainuman sa loob ng bahay nito, sa Kalibo, Aklan.

Kinilala ang nadakip na si Malcom Salayon, 42, ng nasabing bayan.

Batay sa report ng Kalibo Police station, dumulog sa kanilang himpilan ang 16-anyos na dalagita at kaibigan nito para pormal na magsampa ng reklamo laban sa suspek.

Kuwento ng biktima, niyaya sila ng suspek sa bahay nito na mag-inuman. Makalipas ang ilang oras ay nalasing sila kaya nakatulog ang mga ito sa bahay ng suspek.

Sinabi naman ng kaibigan ng biktima, nakarinig siya ng boses ng babae na tila nasasaktan kaya bigla siyang bumangon at napansin na hindi na nito katabi ang biktima kaya tinunton niya ang silid ng suspek.

Bumungad sa kanyang harapan ang nakahubad na kaibigan at nakakubabaw ang suspek na wala na ring pang ibaba at ginagahasa ang biktima.

Mabilis niyang itinulak ang suspek at hinila ang biktima saka nagsuot ng damit at tumakbo palabas ng bahay , sakto naman nakita sila ng dalawang market collector at nagpatulong sila para dalhin sa nasabing himpilan ng pulisya.

Mabilis naman tumugon ang mga awtoridad at nadakip ang suspek sa loob ng bahay nito at itinanggi ang akusasyon laban sa kanya.

Nakatakda naman sampahan ng kasong rape ang suspek.

 

Please follow and like us:
Read More

TRIP NG LASING; 15-ANYOS HINAMBALOS SA ULO

arrested12

(NI CHERK BALAGTAS)

TRAUMA ang inabot ng isang 15-anyos na binatilyo matapos siyang paghahampasin sa ulo nang walang dahilan ng nakasalubong na lasing na lalaki sa Lungsod ng Valenzuela, Sabado ng hapon.

Sa ulat ng Valenzuela City Police -Women and Children Protection Desk (WCPD), bandang alas-4:30 ng hapon nang maganap ang insidente sa kahabaan ng F. Bautista, Barangay Marulas ng nasabing lungsod.

Naglalakad papunta sa bahay ng kanyang kaibigan ang biktimang itinago sa pangalang Aldrin, nang makasalubong ang lango sa alak na suspek na si Jolan Daza, 34, ng nasabi ring lugar at walang anu-anong paghahampasin sa ulo.

Sa takot ay hindi na nakagalaw ang biktima kahit pa patuloy siyang hinahampas ng suspek na pinagbantaan pang huwag na umano nitong ipapakita ang kanyang pagmumukha sa kanilang lugar, doon pa lang nagmamadaling umuwi ang biktima at nagsumbong sa kanyang mga magulang.

Mabilis namang humingi ng saklolo sa mga awtoridad ang biktima na nauwi sa agarang pagkakaaresto sa suspek na agad ding sumailalim sa medical examination sa Valenzuela Medical Center na nag-positibo sa alcoholic breath.

Nasa kustodiya na rin ng Valenzuela City detention facility ang suspek na nahaharap sa kasong paglabag sa RA 7610 o special protection against child in abuse, exploitation and discrimination act.

 

Please follow and like us:
Read More

ANAK PUMALAG SA KAAWAY NG TATAY, 2 TINAGA SA ULO

(NI JUN V. TRINIDAD)

QUEZON — Dalawang senglot na magkapatid ang parehong tinaga ng nabuwisit na anak matapos na hamunin ng away ang kanyang tatay sa bayan ng Infanta sa lalawigang ito noong Sabado.

Sa report ng pulisya, kinilala ang mga biktima na sina Jayson Leynes, 29, at Marte Leynes, 29, parehong residente ng Barangay Banugao sa nasabing bayan.

Parehong lango sa alak ang dalawang biktima na nagtungo sa bahay ni Vilmar Soltura, 33, bandang 10:50 ng gabi.

Naging magulo ang magkapatid sa tapat ng bahay at pilit na hinahamon ng suntukan ang tatay ni Soltura, ayon sa report.

Dahil sa magkahalong galit at kabuwisitan, kumuha ng itak si Soltura sa loob ng bahay at pinagtataga sa ulo ang dalawang lasenggo.

Isinugod sa Claro M. Recto District Hospital sa kabayanan ang dalawang biktima na parehong nakaligtas sa kamatayan.

Kusang sumuko ang suspek sa pulisya.

Please follow and like us:
Read More

MAGSASAKA HINIGOP NG IRIGASYON 

(NI ANNIE PINEDA)

WALA nang buhay nang lumutang ang isang magsasaka na lasing nang higupin ito ng malakas na alon sa irigasyon matapos tumalon para maligo, iniulat sa probinsya ng  Kalinga.

Kinilala ang biktimang si Marvin Bagyo, 43, residente ng Brgy Bulo.

Tabuk City, Kalinga.

Batay sa report ng pulisya, wala ng buhay nang iahon sa irrigation canal ang biktima sa nasabing lugar.

Kuwento ng misis ng biktima, sinundo niya ang kanyang asawa sa inuman dahil lasing na ito at habang pauwi ay napadaan sila sa irrigation canal at sinabi ng biktima na maliligo lang dahil siya’y naiinitan at biglang tumalon.

Ilang minuto ang makalipas, kinabahan ang misis ng biktima dahil hindi pa rin ito umaahon mula sa pagtalon sa irigasyon, kaya humingi na siya ng tulong.

Pagdating ng mga rumespondeng otoridad ilang oras pa ang nakalipas bago nila natagpuan ang katawan ng biktima dahil sa malakas na agos at mataas ang lebel ng tubig sa irigasyon.

Dinala sa ospital ang biktima pero idineklara na rin itong patay.

Please follow and like us:
Read More

LALAKING LASING NAHULOG SA SAPA, PATAY

crime

(NI JESSE KABEL)

ISANG bangkay ng lalaki ang natagpuan kahapon ng umaga sa sapa sa Mandurriao district, Iloilo City  na sinasabing nagbibiro lamang nang mahulog sa sapa.

Kinilala ang biktima na si Ramcel John Porral, isang construction worker.

Huli umanong nakitang lasing si Porral na nangungulit na tatalon sa tulay patungong Dungon Creek sa Mandurriao district.

Tumanggi namang kumpirmahin ng pamilya ng biktima na nagpakamatay si Porral dahil nasa impluwensiya lamang umano ito ng alak kaya tumalon sa creek.

Wala naman nakitang malalaking sugat sa katawan ng bangkay maliban sa ilang gasgas na posible umanong dulot ng mga bato sa paligid sa creek dahilan upang i-rule out na may foul play sa insidente.

Please follow and like us:
Read More

KUYA NAGHURAMENTADO, PATAY SA DALAGITANG KAPATID 

crime145

(NI ANNIE PINEDA)

TULUYANG pinatahimik ang isang lalaki ng kanyang dalagitang kapatid matapos guluhin ang birthday party ng kanilang ina sa loob ng bahay, sa Albay.

Namatay ang 33-anyos na lalaking hindi pinangalanan, habang dinakip naman ng mga awtoridad ang 17-anyos na dalagita at kapwa residente ng Barangay Nagas Oas, Albay.

Batay sa report ng Oas- Albay PNP, masayang nag-iinuman ang pamilya ng magkakapatid sa loob ng kanilang bahay dahil sa ika-60 kaarawan ng kanilang ina.

Kinagabihan, nalasing ang biktima at nagwawala ito hanggang sa sirain pa ang kanilang bahay kaya tinangka itong awatin ng mga kapatid, pero maging sila ay inaway din.

Nawalan ng malay ang kanilang ina dahil sa ginawang panggugulo ng biktima pero nang magkamalay na ito nakita niyang hinampas ng matigas na bagay sa batok ng kanyang anak na dalagita ang biktima.

Bumagsak sa sahig ang biktima na agad naman dinala sa ospital pero nalagutan na rin ito ng hininga.

Rumesponde naman ang mga pulis sa lugar at dinakip ang dalagita saka tinurn-over sa PNP -Women and Children’s Protection Desk (WCPD) at ngayon ay nasa pangangalaga ng Department of Social Welfare and Development (DSWD) na nahaharap sa kasong homicide.

Kuwento naman ng ina ng suspek at biktima, ugali na anak niyang lalaki (biktima) ang maghuramentado sa tuwing nalalasing at kinasuhan niya na rin ito.

Please follow and like us:
Read More

LASING NA TATAY, ANAK NALUNOD

lunod1

(JUN V. TRINIDAD)

LUCENA CITY – Nalunod at parehong namatay ang lasing na tatay at ang kanyang 10-anyos na anak na lalaki sa isang ilog sa lungsod na ito Linggo ng hapon.

Sa ulat ng pulisya, nakilala ang biktima na si Ronaldo Dacer, 30 at ang kanyang anak na lalaki na hindi pinangalanan sa report.

Ayon sa imbestigasyon, nakikipag-inuman ang biktima, isang construction worker, sa mga kamag-anak ng kanyang kalive-in partner sa Barangay Gulang-Gulang sa tabi ng Dumacaa River bandang alas-5:00 ng hapon.

Dahil gustong mabawasan ang epekto ng alak, niyaya ang kanyang anak na lumangoy at magtampisaw sa malamig na tubig ng nasabing ilog.

Subalit pagkalipas ng ilang minuto ay napansin ng mga kainuman na tinangay ng malakas na agos ang magtatay patungo sa malalim na bahagi ng ilog.

Narekober ng search and rescue team mula sa Lucena Disaster and Risk Reduction Management Office ang dalawang biktima at mabilis na isinugod sa Quezon Medical Center sa kalunsuran ngunit hindi na sila umabot ng buhay sa nasabing pagamutan

Please follow and like us:
Read More

LASING NAHIGA SA HWAY PATAY SA MOBILE CAR

isabela

(NI KIKO CUETO)

ILAGAN CITY, ISABELA – -Patay ang isang umano’y naka-inom na lalaki na nahiga sa gitna ng kalsada nang aksidenteng masagasaan ng police mobile car.

Kinilala ng pulis ang biktima na si Mark Anthony Meneses, 25-anyos.

Sa imbestigasyon, sinabing nakahiga umano sa isang bahagi ng national highway ng Barangay Baligatan ang biktima, nang mapadaan ang police mobile na minamaneho ni Police Officer 1 Maynard Marayag.

May kabilisan ang takbo ng sasakyan dahil rumeresponde ito sa kaguluhan sa Barangay Alibagu ayon sa tagapagsalita ng Isabela Police na si Senior Inspector Frances Littaua.

Nagawa pa nilang dalhin sa opistal ang biktima, pero idineklarang dead-on-arrival dahil sa tinamo niyang mga pinsala sa katawan.

Napag-alaman din ng awtoridad na bago maaksidente ay nabugbog ng hindi pa kilalang salarin si Meneses na noon ay lasing din.

Sumuko naman si PO1 Marayag sa mga kabaro, habang patuloy na inaalam kung sino ang mga nanakit sa kaniya.

Isa pang aksidente ang naitala sa bayan ng Gamu kung saan sugatan ang dalawang matandang babae.

Tumatawid sa kalsada ang mga biktima nang mabundol nang humaharurot na motorsiklo.

Isinailalim sa eksaminasyon ang driver ng motorsiklo para malaman kung siya ay lasing nang magmaneho.

Please follow and like us:
Read More

TOTOY UMAYAW SA TAGAY, UMUWING MAY BLACKEYE

8black

(NI GUILLERMO OCTAVIO)

AMOY chico at may black eye nang umuwi ang isang totoy na nasa Ikawalong Baitang matapos na tugisin ng lagari, sapakin at batuhin ng basong may alak ng isang lasing na construction worker nang tumanggi sa tagay ang estudyante sa lungsod ng Valenzuela Huwebes ng gabi.

Naglalakad mula sa paaralan sa kahabaan ng Feliciano Street, Barangay Mapulang Lupa , kasama ang mga kaibigan, ang 14-anyos na itinago sa pangalang Elmer nang alukin ng tagay ng bangengeng obrerong si Jimmy Mengote, 51.

Tumanggi si Elmer at sinabi umano sa suspek na “Ang sabi ni Inay, ‘wag munang tumagay.”

Dito umusok ang bumbunan ng suspek at ibinato ang basong may alak sa bata saka sinapak.

Nang tumakbo ang bata ay hinabol ito ni Mengote habang armado ng lagari na ikinabulabog ng mga residente at nagresulta sa kanyang pagkakadakip.

Sa selda na nahimasmasan ang suspek at dito na niya napagtantong kinasuhan na siya ng physical injuries at grave threat in relation to child abuse.

Please follow and like us:
Read More