PULIS, BOARD MEMBER, PATAY SA GUHO SA APAYAO 

(NI JG TUMBADO)

KAPWA nasawi ang isang pulis at provincial board member makaraang matabunan ng gumuhong lupa habang nasa loob ng bahay sa kasagsagan ng pagbuhos ng malakas na ulan sa bayan ng Kabugao sa Apayao, Huwebes ng gabi.

Sa report na nakarating sa National Disaster Risk Reduction and Management Council (NDRRMC), nakitulog lamang umano ang mga biktima na sina Board member Tolentino Butch Cacho Mangalao at Police Corporal Romel Gumidam Jr.  matapos ang kanilang dinaluhang public consultation sa lugar.

“Initially, they are engaging in barangay consultation and then inabot sila doon ng malakas na ulan. Nagpahinga sila sa isang bahay and then yung bahay nila was hit by landslide,” pahayag ni Police Colonel Byron Tegui-in, ang Provincial Police Director ng Apayao.

Inilipad ng mga awtoridad ang bangkay ng dalawa patungo sa bayan ng Calanasan mula Kabugao bago ihatid sa kani-kanilang pamilya.

Isa ang Apayao sa mga labis na naapektuhan ng pananalasa ng bagyong Quiel.

Please follow and like us:
Read More

2 PATAY SA LANDSLIDE SA DAVAO

(NI AMIHAN SABILLO)

PATAY ang dalawa katao makaraang tamaan ng intensity 6 na lindol sa Davao Del Sur, Sabado ng umaga.

Ayon kay Mark Timbal, spokesperson ng National Disaster Risk Reduction and Mangement Council (NDRRMC), ala-1:00 ng umaga niya natanggap ang report na nadaganan ng lupa ang mga kabahayan sa ibaba ng bundok sa munisipalidad ng Magsagsay.

Sa ngayon, hindi pa matukoy ni Timbal ang pagkakilanlan at edad ng dalawa.

Sinabi na maliban sa 2 patay, 18 naman ang injured o nasugatan dahil sa landslide sa Brgy. Poblacion at San Isidro.

Inaalam  pa rin  ang kabuuang bilang ng mga bahay na nasira sa magsaysay.

Patuloy din ang clearing operations sa lugar.

Please follow and like us:
Read More

LOLA PATAY SA GUHO, APO SUGATAN

(NI ANNIE PINEDA)

NALIBING nang buhay ang isang lola habang sugatan ang kanyang apo nang gumuho ang lupa sanhi ng walang patid na buhos ng ulan kagabi sa probinsya ng Benguet.

Kinilala ang nasawi na si Gloria Rolando Langawan, 72,  habang sugatan ang kanyang apo na si Ben Rafael Langawan,10, kapwa residente ng Barangay Bangao, Buguias, Benguet.

Batay sa report ng Buguias Municipal Police Station, bandang alas 10:00 ng gabi ng Linggo, natutulog ang maglola sa loob ng kanilang bahay nang bigla na lamang gumuho ang lupa.

Halos natabunan ng lupa ang lola na agad nitong ikinamatay habang dinala naman sa Lutheran Hospital ang apo para lapatan ng lunas ang tinamong sugat.

 

Please follow and like us:
Read More

LALAKI TUMULONG SA LANDSLIDE NILAMON NG LUPA

(NI ANNIE PINEDA)

HINDI inakala ng isang lalaki na ang ginawa nilang pagtulong sa sasakyan na na-stranded ang magiging dahilan ng kanyang kamatayan habang sugatan ang kasama makaraan gumuho ang kalsada na kanilang kinaroroonan ng motorsiklo, sa probinsya ng Mountain Province.

Kinilala ang namatay na si Jernel Umbalin, 27, habang sugatan si Jeofrey Abuan, 29, kapwa residente ng Cagayan.

Batay sa report ng Mountain Province Police Provincial Office, naganap ang insidente sa Saliok, Natonin, Mountain Province.

Lumabas sa imbestigasyon ng pulisya, sakay ng motorsiklo sina Umbalin at Abuan nang madaanan nila ang isang sasakyang na-stranded dahil sa pagguho ng lupa.

Huminto ang mga biktima at tinulungan ang driver ng stranded na sasakyan saka bumalik ang mga ito sa kanilang motorskilo para sana umalis na, pero biglang gumuho ang bahagi ng kalsada na kanilang kinaroroonan.

Bumagsak ang motorsiklo ng mga biktima at nadaganan ang mga biktima.

Nagawa naman dalhin sa Natonin Municipal Health Office ang mga biktima subalit hindi na rin umabot pang buhay si Umbalin habang nagpapagaling si Abuan.

Please follow and like us:
Read More

3 MIYEMBRO NG PAMILYA PATAY SA LANDSLIDE

(NI DONDON DINOY)

JOSE ABAD SANTOS, DAVAO OCCIDENTAL- Tatlong kasapi ng isang pamilya ang naiahon matapos makitang wala nang buhay ng mga kasapi ng Municipal Disaster Risk Reduction and Management Council (MDRRMC) dito sa bayan noong Lunes.

Ayon kay Mayor Jason John Joyce, malakas ang ulan sa kanilang bayan noong Linggo ng gabi ngunit naisipan ng pamilyang Serna na lumabas ng bahay upang bumili ng makakain dakong alas 8:00 ng gabi.

Nakilala ang mga biktima na sina Efrencio Serna Sr., asawang si Mateya, pawang 53 ang edad, at anak na si Efrencio Jr., 23, mga residente ng Purok Mangga, Barangay Nuing.

Sa panayam kay Joyce sinabi nito na nangyari ang landslide dakong alas 8:00 hanggang alas 10:00 ng gabi kung saan pauwi na ang mga biktima sa kanilang tahanan.

Nasa tabing ilog ang daang tinatahak ng pamilya pauwi sa kanilang bahay kung saan bigla na lang umanong nahulog ang malaking tibag ng bato kasama ng gumuhong lupa kung kaya’t nadaganan ang tatlong biktima.

Dagdag ni Joyce na umaga na noong Lunes, Hulyo 15, nang matagpuang patay ang tatlo.

Agad na nagbigay ng hollow blocks, semento at salaping P20,000 ang lokal na gobyerno para mabigyan ng disenteng libing ang pamilya.

Ngunit sinabi ni Joyce na hihingi rin sila ng tulong sa lokal na gobyerno ng probinsiya upang mabigyan ng tulong pinansyal ang mga iniwang pamilya lalo na at mayroong 5-taong gulang na anak pa si Efrencio Jr., na kasamang iniwan sa kanyang asawa.

Inabisuhan din ng alkalde ang publiko na manatili na lamang sa bahay kung masama ang panahon at agad na lumikas sa mga evacuation center kung nakatira sa mga river banks at landslide prone areas upang maiwasan ang sakuna.

Patuloy na nakararanas ng masamang panahon ang lugar na nakaharap sa Dagat Pasipiko dahil sa epekto umano ng bagyong ‘Falcon’.

Please follow and like us:
Read More

TAXI NILAMON NG LUPA

cab321

(NI KIKO CUETO)

DAVAO CITY– Nilamon ng lupa ang isang taxi habang dumaraan sa Diversion Road sa Barangay Ma-a sa lungsod na ito sa kasagsagan ng ulan, Miyerkoles ng gabi.

Sinabi ni James Babao, nagulat na lang siya nang biglang natabunan ang kanyang taxi.
Kwento pa ni Babao, natakot sila sa nasaksihan at hindi agad na nakaatras dahil na rin sa mga sasakyan na kasunod nila sa likod.

“Na-stuck ako kasi yung paa ko, hindi ko na maapakan ang brake kasi takot na ako. Nabigla ako eh. Nanginginig na ang tuhod ko. Natagalan pa akong kumilos. May tumalsik na tubig sa gilid ng taxi. Napasigaw na kami lahat.

Bumulwak na yung lupa, may kasamang kahoy,” sabi ni Babao.

Tinulungan si Babao ng Barangay rescue team ng Matina Crossing at pag-rescue ng Central 911 Urban Search and Rescue Team sa pasahero’t driver na na-trap sa loob ng natabunang lupa.

Matagumpay naman silang nailigtas.

Pansamantalang isinara ang bahagi ng Diversion Road na apektado ng landslide habang patuloy ang clearing operations ng Department of Public Works and Highways.

Please follow and like us:
Read More

BATA INANOD SA TUMAAS NA ILOG

davao

DALAWA ng ang patay habang isa pa ang nawawala sa pagbaha at pagguho sa malaking bahagi ng Southern Mindanao bunga ng walang tigil na pag-ulan bunsod ng cold front.

Natabunan ng gumuhong lupa sina Dennis Pesadilla, ng Compostela at Rommel Gogo, ng Montevista. Noong Sabado pa binabayo ng malakas na pag-ulan ang lalawigan.

Si Pesadilla ay namatay nang matabunan ng mining village bandang alas-4:00 ng hapon gayundin si Gogo na natabunan nang gumuho ang isang bahagi ng bundok sa Barangay Tapia.

Nawawala naman ang 12-anyos na si Krisel Hermosura nang anurin ng tumaas na Handurumog River sa Nabunturan, Sabado ng hapon. Sugatan din ang kanyang lola nang nangkaing sagipin ang bata.

Linggo ng madaling araw ay umabot na sa 907 pamilya mula sa anim na lalawigan ang inilikas.

Wala ring kuryente sa Monkayo, ayon sa Davao del Norte

Davao del Norte Electric Cooperative (Daneco).

Please follow and like us:
Read More

RESIDENTE PINAG-IINGAT SA LANDSLIDE, BAHA NI ‘AMANG’

rain

NAKATAAS pa rin ang alert level ng Philippine Atmospheric Geophysical and Astronomical Services Administration (Pagasa) sa mga residente sa ilang lugar na tatamaan ng bagyong ‘Amang’ kahit malaki ang posibilidad na maging low pressure area na lamang ito sa mga susunod na oras.

Sinabi ni Pagasa Senior Weather Specialist Chris Perez, magdadala pa rin ng maraming ulan kahit na LPA na lamang si ‘Amang’.

Pinag-iingat din ang mga residente sa pagbaha at pagguho ng lupa, higit sa mga lugar na tatamaan nito, Huling namataan ang bago salayong 40km hilaga hilangang silngan ng Guiuan, Eastern Samar o 45km silangan timog-silangan ng Borongan City sa Eastern Samar.

Taglay pa rin ng bagyo ang lakas ng hangin na 45 kph at pagbugsong 60 kph.

Tinatahak nito ang direksiyong pa-hilaga sa bilis na 10 kph.

Sa ngayon, nakataas pa rin ang tropical cyclone warning signal number 1 sa Masbate kabilang na ang Ticao Island, Sorsogon, Northern Samar, Eastern Samar, Samar, Biliran at Leyte.

Libong pasahero naman ang stranded sa mga pantalan sa Visayas at Mindanao, ayon sa Philippine Coast Guar.

Sa huling tala, ang mga pasaherong stranded ay: Central Visayas – 280 pasahero

Northern Mindanao – 354, Eastern Visayas – 2,083, Southern Visayas, 85

Bukod sa mga pasahero, may 55 vessels, 423 rolling cargoes, at 10 motorbancas ang kasalukuyang ding hindi pinabyahe.

 

Please follow and like us:
Read More

RESIDENTE ILILIKAS DAHIL SA MALAMBOT NA LUPA

lanslide

NAGA CITY – Habang lumalakad ang araw ay patuloy na nadaragdagan ang biktima ng landslide dahilan para ilikas na ang may 1,000 residente sa posible pang mga pagguho ng lupa sa Barangay Iraya, Buhi, Camarines Sur.

Masyado umanong malambot ang lupa sa maraming lugar sa Camarines Sur kaya’t nagdesisyon nang ilikas ang mga residenteng nakaligtas sa mga pagguho. Kagabi ay may report sa patuloy na pagtaas ng bilang ng mga narerekober na bangkay. Umaabot na sa 22 biktima ang nakuha habang marami pa ang iniulat na nawawala.

Nagpasiya na rin ang lokal na pamunuan na pansamantalang itigil ang retrieval operations sa Barangay Ipil dahil delikado umano sa kaligtasan ng team dahil sa sobrang lambot ng lupa.

Please follow and like us:
Read More

PATAY SA LANDSLIDE SA SAGNAY CAMSUR UMAKYAT NA SA 30

CAMSUR LANDSLIDE

UMAKYAT na sa tatlumpu ang patay sa landslide sa Sagnay, Camarines Sur matapos makuha kanina ang bangkay ng limang miyembro ng isang pamilya sa Sitio Igot.

Target ng mga rescuer na pasukin bukas ang Sitio Garang na apektado rin ng anim hanggang walong ektaryang pagguho ng lupa mula sa bundok.

Tinatayang may mahigit na 50 bahay ang natabunan at mga sasakyang dumadaan sa national hiway ng Sitio, Garang ang pinangangambahang nadamay sa landslide.

Please follow and like us:
Read More

MAG-ANAK PATAY SA LANDSLIDE

albay

PATAY ang tatlo katao matapos matabunan nang buhay sa landslide sa kanilang bahay sa Legazpi City, Albay, Sabado ng madaling-araw. Hindi pa inilalabas ang pangalan ng mga biktima – mag-asawa at kanilang anak – na natutulog nang maganap ang trahedya bandang alas-2:00 ng madaling araw sa Barangay San Francisco. Patuloy sa pag-ulan sa lugar dulot ng bagyong ‘Usman’ dahilan para lumambot ang lupa at gumuho.

Please follow and like us:
Read More

BAHAY GUMUHO: 6 PATAY

guho

ANIM ang iniulat na namatay matapos gumuho ang kinatitirikang bahay malapit sa creek sa Sitio Bathala, Bgy Bahay Toro, Quezon City kaninang  madaling araw.

Ayon kay Mike Marasigan ng Quezon City Disaster Risk Reduction Management office, pito ang natabunan ng gumuhong bahay sa gilid ng Culiat River.  Naidala pa sa ospital ang dalawang biktima subalit ang anim na nasawi ay naipit at nalunod sa ilog.

Ang mga nasawi ay nakilalang sina  Nilo Manguso, 46; Ryan Rigueros, 31; Benito Añora, 45; Jun Gabin; Ronald Conde, 65; at Rey Gestro, ayon kay PO1 Armed Pascual. Ginagamot naman sa ospital si Efren Milan at Fredericko Rigueros na nagtamo ng sugat sa katawan matapos tumalon habang gumuguho ang bahay

Ayon sa Quezon City Disaster Risk Reduction and Management Office, may nakita silang paglabag sa 3-meter easement sa mga waterways sa bahay na gumuho. Nasa creek na ang pundasyon ng itinatayong extension ng bahay ng biktimang si Ryan Rigueros.

Posible umanong lumambot ang lupa ng pundasyon dahil sa pag-ulan  at bumigay ito.

Please follow and like us:
Read More