YENG, ‘BORN ACTRESS’ – DIREK CRISANTO AQUINO

(NI LEO BUKAS)

“BORN actress” ang singer na si Yeng Constantino, ayon sa director ng Metro Manila Film Festival entry na Write About Love who is also my schoolmate sa Polytechnic University of the Philippines (PUP) na si Crisanto Aquino.  Si Yeng ang leading lady ni Joem Bascon sa pelikula ng TBA Studios na pinagbibidahan din nina Miles Ocampo at Rocco Nacino.

Opinyon ni Yeng,  “Siguro nakatutulong din yung pagiging singer namin. Kasi po pag kumakanta kami nilalagay din po namin yung sarili namin sa kanta, so in a way it’s also acting.

“Pero iba rin po yung nagde-deliver ng lines na walang melody at saka aaralin mo talaga yung karakter mo sa pelikula, very challenging.”

Naniniwala ba siya na ang magagaling na singer ay posible ring maging magaling na artista?

“Yes po,” tugon ng singer-actress. “Example po niyan si Ms. Regine Velasquez, Ms. Nora Aunor, napakagaling. Napakahusay. Parang sinasabi lang nila yung mga lines. Feeling ko nga yung mga co-singers ko sa ASAP kaya din nilang umarte, kaya nila ito.”

After Write About Love ay gusto ni Yeng na ituluy-tuloy na ang paggawa ng pelikula.

Aniya, “Sana po. Sana po after this film ay makitaan po ako ng potensyal ng ibang production houses. Mag-o-audtion po ako ulit kasi nag-audition po ako para sa aking karakter dito, eh. Hindi po ako titigil kasi I found it talaga na parang naging passion ko na rin ito.”

Samantala, natawa naman si Yeng nang tanungin namin siya kung sino ba sa palagay niya ang mas magaling na aktres sa kanila ng kapwa singer din na KZ  Tandingan na pinasok na rin ang pag-arte sa pelikula.

“Sa akin hindi ko makukumpara kung sinong mas magaling sa amin ni KZ, pero alam ko na… kasi nagbasa din ako ng mga write-up tungkol kay KZ, bilib talaga yung director ni KZ sa kanya.

“Hindi ko nga lang napanood kasi nawala sa cinema kasi ang dami kong ginagawa. Pero even sa manager namin, sinabi nga na ang galing-galing ni KZ do’n, sobrang natural lalo na yung timing niya sa comedy,” huling pahayag ni Yeng.

 

Please follow and like us:
Read More

KZ, NAG-ARTISTA NA RIN

(NI BOY ABUNDA)

SA kauna-unahang pagkakataon ay nakagawa ng pelikula si KZ Tandingan. Magbibida ang singer kasama si Epi Quizon sa ‘The Art of Ligaw’ na mapapanood na sa mga sinehan sa November 13.

Magkahalong emosyon umano ang naramdaman ni KZ noong unang malaman na magbibida sa isang pelikula.

“Noong una ko pong nalaman, na-overwhelm ako. Kasi singer naman talaga ako eh. Sa seven years ko dito sa industriya, singer ako. So noong sinabihan po nila na aarte ako, sobrang nalula ako. Pero I always tell myself na you’ll never grow in your comfort zone. So noong sinabi nila sa akin na I was given this opportunity, to be part of this movie, tumalon ako sa bangin knowing na nando’n sila to guide me. Talagang inalalayan ako, hindi ako pinabayaan sa project,” nakangiting pahayag ni KZ. Matatandaang nanalo ang dalaga sa X Factor Philippines noong 2102 at mula noon ay nagtagumpay at nagtuloy-tuloy na sa pagkanta.

Masayang-masaya ang singer ngayon dahil bukod sa pagkanta ay mayroon na siyang pwedeng ibang gawin sa industriya. “Sobrang nurturing ng experience for me. Ang dami ko pong natutunan,” giit ng dalaga.

Ayon sa leading man na si Epi ay napahanga rin siya sa taglay na galing ni KZ sa pag-arte. “She reminds me of Ate Guy (Nora Aunor). Oo alam natin iba si Ate Guy. KZ is small, petite, Pinay na Pinay, expressive eyes, kumakanta rin. Nagsimulang kumanta, tapos noong pinapaarte namin, nagulat talaga ako,” pagbabahagi ni Epi. -Reports from JCC-

 

Please follow and like us:
Read More