KRISTONG HUDAS INUTAS

BLOODY GUN

NASAWI ang 54-anyos na tagakuha ng taya o “Kristo” sa sabungan na umano ay sangkot sa pandaraya sa mga sabungero at ipinagkakanulo maging mga sariling amo matapos pagbabarilin sa garahe ng sabungan sa Malabon City kamakalawa ng gabi.

Kinilala ang biktima na si Alexander Francisco, ng 36 S. Pascual Beacum, Brgy. San Agustin habang tumalilis patungong Obando, Bulacan ang hindi pa nakilalang gunman na lulan ng motorsiklong minamaneho ng kanyang kasabwat.

Ayon sa pulisya, naglalakad si Francisco sa garahe ng Dampalit Cockpit Arena dakong alas-6:25 ng gabi nang lapitan at pagbabarilin ng salarin.

Dagdag pa ng pulisya, bilang Kristo ay tinatandaan lamang ni Francisco ang taya ng mga sabungero na umaabot ng libo-libong piso at hindi lang umano minsang inireklamo ito ng pandaraya sa mga nananalo at pagkaraan ay nagtatago ng ilang linggo o buwan.

Napag-alamang nagtrabaho rin bilang trainer ng mga manok na panabong si Francisco para sa “malalaking” sabungero na dinugas din umano nito.

Sinasabi umano ni Francisco na nasa kondisyon at hustong timbang na ang mga manok na ipinagkatiwala sa kanya kahit hindi totoo kaya kapag inilaban ay milyon-milyon ang natatalo sa kanyang mga amo. (ALAIN AJERO)

Please follow and like us:
Read More

KAGAWAD TODAS SA AMBUSH, PARI SUGATAN SA STRAY BULLET

crime143

(NI NILOU DEL CARMEN)

NASAWI habang nilalapatan ng lunas sa ospital ang isang barangay kagawad na pinagbabaril habang sakay ng kanyang SUV  sa isang  mataong kalsada sa  San Pablo City, Laguna, Lunes ng hapon.

Nadamay din sa pamamaril at nasugatan sa balikat ang isang pari na nakasakay naman sa isa ring SUV na malapit sa sinasakyan ng  biktima nang mangyari ang pamamaril.

Kinilala ng San Pablo City police ang nasawi na si Richard Capal Galit, alyas Uso, 37, kagawad at residente  ng  Pope Pious Village, Purok 4, Brgy. Concepcion, San Pablo City Laguna.

Batay sa report ng San Pablo City police, nangyari ang pamamaril habang nagmamaneho ang biktima  ng kanyang sasakyang  Toyota Fortuner  sa kahabaan ng Werner Schetelig Avenue, dakong alas- 2:15 ng hapon .

Huminto ang biktima dahil  sa isang stoplight sakop ng Barangay 4-A na  sinamantala ng mga suspek na  magkaangkas sa isang walang plakang  motorsiklo.

Tumabi ang mga ito sa sasakyan at pinaulanan ng bala ang biktima na nagtamo ng apat na tama ng kalibre .45 baril.

Nahagip din ng mga ligaw na bala ang Isuzu MUX na sinasakyan ng paring si Fr. Mil Larano  na nakahinto naman   sa kabilang bahagi ng intersection.

Agad ding tumakas ang mga hindi nakilalang  suspek matapos ang pamamaril.

Nagawa namang imaneho pa ng sugatang kagawad ang kanyang sasakyan patungo sa PPL hospital kung saan ito nasawi makalipas ang tatlong oras.

Patuloy pa ang imbestigasyon sa pangyayari at inaalam pa ng mga awtoridad kung may kinalaman sa katungkulan nito bilang barangay councilor at sa trabaho nito na manager ng mga ‘kristo’ sa sabong ang nangyaring pagpaslang.

 

 

Please follow and like us:
Read More