NINANG KO SI KRIS, DON’T COMPARE US – MARIAN

AKO PA BA NI ROSE GARCIA(NI ROSE GARCIA)

Mabilis na kinontra ng Kapuso Primetime Queen na si Marian Rivera ang pagkukumpara sa kanila ni Kris Aquino.

Kung dati raw kasi, si Kris ang Endorsement Queen, mukhang naagaw na niya ang korona dahil halos buwan-buwan yata, may bago siyang endorsement na nilo-launch. Kung hindi man, renewal of contract.

Eh, sa isang endorser, ang isa sa pinakamasasabing effective ka, ‘yong nirerenew ang kontrata dahil ibig sabihin, happy ang brand o kompanya.

Sa naging renewal of contract ni Marian sa Reverie by Beautedérm Home ay nag-react si Marian sa comparison sa kanila ni Kris.

 

Ikinumpara si Marian kay Kris na diumano’y naungusan na niya ito sa pagiging most-in-demand endorser.

Sey niya, “Hindi, huwag ganoon. Ang hirap mag-compare ng isang tao sa ibang tao so walang comparison. Ayoko ng comparison at Ninang ko ‘yan, nirerespeto ko ‘yan.”

Si Kris ay isa sa mga ninang nina Marian at Dingdong Dantes sa kasal.

Sabi pa ni Marian, may kanya-kanya sila.

“Iba ang sa kanya at iba ang bigay sa akin ng Panginoon. Very thankful ako dahil dati kasi noong single ako, wow, may endorsement, ipon ako. Ngayon, kapag nanay ka, iba. Salamat Lord at nakakaipon ako para sa magandang future sa mga anak ko.”

Sa isang banda, mismong ang may ari ng Beautederm na si Ms. Rei Tan ang nagpatunay na simula raw nang kuhanin nila si Marian bilang endorser, isang buwan pa lang, tumaas na ang sales ng three times.

Please follow and like us:
Read More

8 LANG FB FRIENDS NI KRIS

ANG GARA NI VINIA(NI VINIA VIVAR)

KATUWA ang post ni Kris Aquino sa kanyang Instagram account na mayroon na raw siyang personal Facebook account pero 8 lang daw ang kanyang friends. Kaya iniimbita niya ang mga single and available men na i-add siya.

“Fyi, i now have a personal FB account, BUT i only have 8 friends- so far… anybody there na gustong i-friend ako privately? if you’re male, please be between 41 to 55, single (pwedeng widowed, divorced, legally separated, or annulled),” post ni Kris,

Kung doktor naman daw ay may requirement din siya.

“And if you’re a DOCTOR (especially a rheumatoid, immunology, allergy specialist, neurologist, anesthesiologist, pain management specialist, or cardiologist) promise ACCEPT agad ang friend request❣

“My 2 sons said okay w/ them ang pilot who has an international route- hehehe,” sey pa ni Kris sa kanyang caption.

RITKEN KILIG NA KAHANGA-HANGA PA

Touching ang message na ibinahagi ni Ken Chan para sa kanyang ka-love team na si Rita Daniela na nagdiwang kamakailan ng kanyang ika-24 birthday.

Ayon sa Instagram post ng Kapuso actor, masaya siya sa nangyayari sa buhay ng kanyang kapareha sa upcoming primetime series na One of the Baes.

“Nakikita ko sa mga mata mo kung gaano ka kasaya. Masaya ako para sayo kasi unti-unti mo nang naabot mga pangarap mo Ta. Masaya din ako kasi bahagi ka ng buhay ko. Akap! Maligayang kaarawan @missritadaniela,” ang birthday message ni Ken sa ka-loveteam.

Sinagot naman ni Rita ang message na ito at nagpasalamat sa presence ni Ken sa buhay niya.

“Salamat, Ken. Masaya rin ako na bahagi ka ng buhay ko. Stay the same and keep on smiling kasi that’s your gift. You share so much energy and happiness to a lot of people!” sagot ni Rita.

Maraming tao ang hindi lang kinikilig sa tambalang RitKen kundi humahanga pa sa nabuong samahan ng dalawa. Nakikita raw kasi nila na sincere si Ken at Rita sa kung ano meron sila ngayon.Kaya naman nakikita ito sa kanilang mga project sa TV at radio.

Pero higit na excited siyempre ang RitKen fans dahil malapit na nilang mapanuod muli ang kanilang mga idolo sa One of the Baes sa GMA Telebabad.

LOUISE NA-TRAUMA SA BADING NA BOOM

Sina Heaven Peralejo at Gelli de Belen ang mapapanoo ngayong Sabado, Sept. 21 sa Ipaglaban Mo sa episode titled Samantala.

May trivia nga si Gelli na si Heaven pala ay sumali noon sa Darna Liiit contest ng Sis na dating show niya sa GMA-7. Kaya ‘yun daw bale ang kanilang first meeting.

Ngayong dalaga na si Heaven, who would have thought na magkakasama na sila sa isang industry at heto nga’t magkasama na sa proyekto.

Sa nasabing episode ay gagampanan ni Gelli ang papel na Lilet, isang single mother at mag-isang tinataguyod ang kanyang anak na si Paolo portrayed by Louise Abel.

Si Heaven naman ay si Jillian na kaklase at kaibigan ni Paolo at lihim na mahal ng binatilyo.

Si Paolo ay magkakaroon ng traumatic experience sa bading na teacher na gagampanan naman ni Boom Labrusca.

Mula sa direksyon ni Ian Lorenos, kasama rin sa Malasakit episode si Bugoy Carino, Peter Serrano at Jessica Marco.

 

Please follow and like us:
Read More

WE PRACTICE FREEDOM OF CHOICE IN OUR FAMILY –KRIS AQUINO

ANG GARA NI VINIA(NI VINIA VIVAR)

NAGSALITA na si Kris Aquino hinggil sa relocation ng estatwa ng ama niyang si yumaong Sen. Benigno “Ninoy” Aquino, Jr. na dating nakalagay sa kanto ng Timog and Quezon Avenues.

Naging kontrobersyal ang nasabing relocation dahil magkaiba ng gusto sina Kris at ang kapatid nitong si former President Noynoy Aquino kung saan ire-relocate ang statue ng ama.

Kaya naman sa kanyang Instagram account ay nagbigay na si Kris ng kanyang pahayag tungkol dito. Aniya, hindi raw naging issue sa family nila kung saan ire-relocate ang statue bagama’t magkaiba nga sila ng option ng kapatid.

“To clarify HINDI po naging issue sa family where our his statue would be relocated.

“Ate had messaged all of us after Mayor Joy Belmonte had communicated with her that MMDA had requested a change of venue. 2 options were given, Parks & Wildlife or the area near Trinoma/Vertis North where @iloveayalamalls is doing a lot of expansions.

“Hindi po issue na Noy chose DENR’s Parks & Wildlife and i wanted the mall development area… obvious naman na magkaiba talaga kami, and clear din na we practice freedom of choice in our family.

“My vote had gone to the area nearer malls because i had felt mas mataas ang “foot traffic” and more of our youth would see my dad’s likeness on a regular basis and maybe have some curiosity about Ninoy Aquino & his contribution to Philippine democracy as we know it today.

“Hindi naman secret sa inyo, rebuilding our relationship as brother and sister remains a work in progress for us BUT hindi ibig sabihin na wala na kong pagmamahal at respeto sa “kuya” ko na naging napaka mahalagang bahagi ng magandang pagpapalaki ko kay kuya josh,” ang paliwanag ni Kris.

Ipinahayag din niyang wala raw makukuhang issue ang mga gustong gawing teleserye ang buhay ng kanilang pamilya.

“So kung trip nyong gawing teleserye ang buhay pamilya namin, ma bo-bored lang kayo kasi walang matinding di pagkakaunawaan na nagaganap. Hindi ko rin kayo pa-plasticin at sasabihan na very close kami, we’re not- last time kaming nagkita was more than 4 months ago.

“But really? Location ng statue ng dad namin ang gustong gamitin na issue to widen our gap? Trust me we’ve had more disagreements of substance than that.

“It’s just that we respect our mom’s memory so much that whatever differences we may have, we choose to keep them private in the hope that TIME will help heal & resolve all of them,” ani Kris.

 

Please follow and like us:
Read More

KRIS, THINGS HAPPEN FOR A REASON — DEREK

(NI GORGY RULA)

NASA Instagram account ni Kris Aquino ang palitan ng mensahe nila ni Derek Ramsay na nagbibigay ng mensahe nang pampalubag loob sa nangyari sa MMFF entry sana nilang (K)Ampon.

Wala naman daw mababago ang pagkakaibigan nila pagkatapos naunsyami ang pelikulang pagsasamahan sana nila.

Nag-comment si Derek sa isang IG post ni Kris na; “@krisaquino things happen for a reason and I’m positive you and I will work on something amazing soon. You are so right that rules are rules.”

Sinagot naman ni Kris ng “@ramsayderek07 thanks for the call BUT more than that THANK YOU for the almost 15 years of friendship. Love to your mom & it was wonderful hearing your dad’s voice.”

Na kaagad namang sinagot ni Derek ng “@krisaquino yes 15 solid years. It’s unfortunate that this project won’t push through but you and I both know that there will be something bigger and better at the right time.”

Si Gabby naman ay nag-post sa kanyang IG account ng mensahe para kay Kris na; “The comeback is always stronger than the setback.”

Sinagot din ni Kris ng; “You are truly a WONDERFUL person. God blessed me because I got a chance to reconnect with you.”

Ngayong Lunes pa lang ipadadala ng MMFF Execom ang kanilang sulat sa producers ng (K)Ampon.

Bale doon pa lang malaman ang official na decision nila, pero ang dami nang nasabi at napag-usapan sa social media.

Kaya inaasahang doon pa lang maglalabas ng official statement ang producer na inaasahang manggagaling ito kay Atty. Joji Alonso.

Wala pa kasi silang pahayag kung itutuloy pa rin ba nila ang shooting.

Kasi may mga nagsasabing puwede namang ituloy pa rin ang shooting at tapusin ito bago ang deadline ng finished films sa September 20.

Natanggal man siya sa apat na official entries dahil hindi na si Derek ang leading man, puwede pa ring makapasa sa Selection Committee kung maganda ang kalabasan ng pelikula, at si Gabby na ang lead actor nito.

Pero sana, tahimik na lang muna si Kris at iiwas muna sa social media. Pwede silang magtuloy ng shooting na tahimik lang at i-submit na lang uli sa MMFF   .

Wala pa munang pahayag si Atty. Joji kaugnay dito, pero nag-post lang siya sa kanyang Instagram account ng “Moving on. No looking back. We will get there.”

 

Please follow and like us:
Read More

MAGPAPA-AUDITION FOR ALDEN’S NEW LEADING LADY

ang kulit ni Lolit(NI LOLIT SOLIS)

ANG bait talaga ni Alden Richards na sinabi pala niyang willing siyang sagutin ang pamasahe ng ibang co-stars nila sa Hello, Love, Goodbye para makasama lang sila sa international screening nito.

Last Thursday lumipad sila ni Kathryn Bernardo pa-Dubai para daluhan ang mga naka-schedule na screening doon  at sa Abu Dhabi. Meron pa raw sila sa Saudi, UAE, Oman, Kuwait at Bahrain, pero hindi ko lang alam kung pupuntahan din nila iyun.

Pero sabi sa akin, pagbalik nila rito may naka-schedule pa raw sila sa Singapore at baka doon makasama ang ilang co-stars na sasagutin ni Alden ang plane fare ha?

Naging close na kasi ni Alden sina Joross Ganboa at Jeff Tam magmula nang mag-shoot sila sa Hongkong kaya gusto niya talagang magkakasama rin sila sa ilang international screening na dadaluhan nila.

Ang dinig ko nga pati sa bagong soap ni Alden na gagawin sa GMA 7 ay ni-request niyang isama si Joross. Ewan ko lang kung matutuloy doon ang aktor dahil may gagawin din yata siya sa ABS-CBN 2.

Napag-usapan na rin ang drama series ni Alden na may tentative title na The Gift, naghahanap pa raw sila ngayon ng leading lady na i-partner sa kanya.

Bagong mukha raw ang gusto nila na babagay kay Alden.

Magpapa-audition siguro yan sila. Abangan na lang natin.

KRIS-GABBY HISTORY MAKAKALKAL

Wala pang inilalabas na statement ang Quantum Films tungkol sa latest

development ng MMFF entry nilang (K)ampon.

Ang sabi naman kasi ni Noel Ferrer, wala pa rin daw silang pinadalang

advice sa MMFF Executive Committee sa mga babaguhin sa casting nila.

Kagaya ng Viva Films nang ipinalit nila si Bela Padilla kay Nadine Lustre na makaka-partner ni Aga Muhlach sa Miracle at Cell No. 7.

Hinihintay lang daw nila ang pasabi ng Quantum na si Gabby Concepcion na ang ipinalit nila kay Derek Ramsay.

Pero ang narinig ko naman ay nagsimula na raw mag-shooting si Gabby eh. Kaya mukhang siya na nga talaga ang makaka-partner ni Kris Aquino sa pelikulang ito.

Naku! Kung matutuloy din ang guesting ni Herbert Bautista sa pelikulang ito, mapapag-usapan na naman ang lovelife ni Tetay dahil dumaan din sa lovelife niya si Gabby na ako raw ang tinuturo na nagtulak na ma-in love kay Gabby.

Sa kadaldalan ni Kris, tiyak na makakalkal na naman yang past nila ni Gabby.

JAVI BENITEZ KINAKARIR ANG PAGIGING ACTION STAR

Suportado ko siyempre ang pagpasok ni Javi Benitez sa showbiz.

Bongga nga itong binata ng Papa Albee Benitez ko dahil talagang kinakarir

ang pag-action niya.

Action na action kasi ang ginagawa niyang pelikulang Kid Alpha One na sinu-shoot pa rin pala niya hanggang ngayon.

Proud na proud si Javi na ipinakita sa amin ang teaser ng Kid Alpha One at kitang-kita mo talagang sobrang maaksyon.

Siyempre, tatak Richard Somes yan na direktor nila sa pelikulang ito.

Sabi ni Javi, mala-Jason Statham daw ang mga action scenes niya rito na talagang pinag-aralan niya nang husto.

Limang buwan na siyang nagri-training ng Filipino Martial Arts dahil nagagamit niya dito sa movie niya.

Pero nag-enjoy din si Javi sa participation niya sa The General’s Daughter.

Mga pitong araw din daw siyang nag-taping sa teleseryeng iyun at markado naman ang role lalo na’t magagaling na artista ang mga kaeksena niya.

Sobrang bait pa raw sa kanya ni Angel Locsin, kaya hinding-hindi raw niya makakalimutan ang pagsali sa kanya sa naturang teleserye.

“It was a good experience kasi after si Angel was asking  ‘o okay ka lang ba? Sobrang sweet niya,” sabi ni Javi.

Medyo mabigat nga ang mga eksena niya sa teleseryeng iyun, kaya kabadung-kabado siya.

“Siyempre, kabado talaga…parang naging challenge na siyempre nandun ka na eh, kailangang panindigan na. Mukhang happy naman sila sa eksena.

“Si Angel nakahawak sa mukha ko, tapos nagtinginan kami, my God, si Darna nakatingin sa akin,” natatawang kuwento ni Javi.

 

 

 

 

 

Please follow and like us:
Read More

SHARON, KRIS MEGA-SAD SA SONG-SONG DIVORCE

ANG GARA NI VINIA(NI VINIA VIVAR)

TULAD ni Kris Aquino, ikinalungkot din ni Sharon Cuneta ang paghihiwalay ng SongSong couple na sina Song Joong Ki at Song Hye Kyo. Ang term na ginamit nga niya ay “heartbreaking.”

“The other night, I finally got to finish watching “Descendants of the Sun.” This couple, fondly called the Song-Song couple since they have had the same last name even before they met – fell in love while filming this K-Drama in 2016.

“They married on October 31, 2017, and after less than two years of marriage, are now divorcing.

“This is so heartbreaking. They look so good together! And I am sure their fans are heartbroken too. But we never really know what goes on between two people, and should really only wish each of them the very best,” ang post ni Megastar sa kanyang IG account.

Kaaliw ang sagot ng isang netizen na “katulad din po ng pagka heart broken namin sa inyo ni Gabby nuon. You two are really look good together and seems perfect for each other too.”

Curious kaming malaman kung ano ang naging reaksyon ni Shawie sa comment na ito ng netizen.

Anyway, bago si Sharon ay nag-post din si Kris tungkol sa divorce ng SongSong couple.

“opo, late talaga ‘ko… ngayon pa na nag di-divorce na ang #songsongcouplebinge watching & super na o-obsess sa ganda ng kwento ng DESCENDANTS OF THE SUN,” post ni Kris.

    OKAY LANG KAY ROBIN KUNG MAGKAANAK NG GIRL BOY BAKLA TOMBOY

Babae ulit ang ipinagbubuntis ni Mariel Rodriguez-Padilla sa pangalawang anak nila ni Robin Padilla. This was revealed sa gender-reveal party na isinagawa ng TV host last Saturday.

Sa You Tube channel ni Mariel, in-upload niya ang video ng gender-reveal party at ikinuwento niyang maging si Binoe ay hindi talaga alam ang gender ng second baby nila’t doon na lang din nalaman ng mister sa mismong revelation moment.

Ani Mariel ay hindi daw siya talaga naglilihim kay Robin at sinasabi niya ang lahat. Pero this time, talagang nagawa raw niyang i-secret.

“Ito ‘yung talagang sinicret ko, there were times na madudulas na ‘ko pero talagang ginalingan ko talaga na i-surprise siya sa gender ng aming baby no.2,” kwento ni Mariel.

Pero ang nakakatuwa, hindi pa man niya alam ang gender ay babae na ang hula ni Binoe.

“Sa nakikita ko, kasi siyempre, marami na rin naman akong naging anak, sa nakikita ko kay Mariel, mukhang babae. Kasi, ang ganda-ganda niya, sobra,” sabi ni Binoe sa interview na in-upload ni Mariel sa kanyang vlog.

“Naguguluhan lang ako, minsan, hindi ko mabasa, kasi ‘yung paglilihi naman ni Mariel ngayon, matindi. Minsan, iniisip ko, baka lalaki ito kasi ‘yung paghihilo niya ngayon, iba, eh. Pati ako nadadamay, eh. Pati ako nahihiluhan,” sey pa ng action star.

Pero anuman daw ang gender ay okay naman daw sa kanya.

“Babae, lalaki, bakla, tomboy, walang ano sa akin. Basta tao. Gusto ko ‘yung anak ko, makatulong doon sa tradisyon ng pamilya, na makatulong doon sa less-fortunate. ‘Yun lang naman,” saad pa ng action star.

Dahil nga pangalawa na ito ni Mariel, ani Robin ay alam niyang hindi na gaanong mahihirapan pa ang asawa sa pagbubuntis at panganganak unlike the first time.

As we all know, may isa nang anak sina Robin at Mariel, si Isabella na magta-tatlong taon na.

 

Please follow and like us:
Read More

HANGGANG KELAN MATATAPOS ANG KRIS-GRETCHEN FEUD?

ANG GARA NI VINIA(NI VINIA VIVAR)

“WE have never been not okay,” ang sagot ni Kris Aquino nang tanungin ng isang netizen kung okay na sila ni Claudine Barretto.

“I believe she answered that very clearly.and i am happy for her that this bridge has been rebuilt because the TRUTH will always be- “how could we not talk about family when family’s all we got?” Sincerely I am happy for Clau-Clau,” patuloy pa ni Kris.

Matatandaang sa Instagram live session ng magkapatid na Gretchen and Claudine ay natanong sila about Kris at sagot ng youngest Barretto, ay okay naman daw sila.

Ito ay sa kabila ng may ongoing feud nga ang ate Gretchen niya kay Kris dahil naman kay Nicko Falcis na idinemanda ng Queen of All Media.

May isa pang netizen naman ang nag-comment kay Kris na bitter siya dahil in-unfollow niya si Claudine sa IG at sinagot din ito ng media influencer.

“Sir, if I continued to follow and sasabihin nyo naman plastic ako. Habang DEMOCRACY pa ang (Pilipinas) pabayaan nyo na po ako. We can remain friends in real life… following a person on social media isn’t proof of affection. Keeping a respectful silence is actually a more sincere gesture,” sagot ni Kris.

Actually, more than Claudine, mas ang dapat itanong ng netizens kay Kris ay kung magiging okay pa ba sila ni Gretchen dahil mukhang malala ang galit nila sa isa’t isa lalo na nga si Greta na may pagbabanta pa na marami siyang gustong ikuwento.

PABOR NA PANGALANAN ANG MGA ADIK SA SHOWBIZ

Pabor si Polo Ravales na pangalanan ang 31 celebrities na nasa narco-list ng PDEA (Phillipine Drug Enforcement Agency). Nakausap namin ang aktor last Tuesday sa premiere night ng movie nila ni Kiray Cellis na Portrait of My Love ng RJ7 Films Entertainment Production at aniya, fair lang daw na ibunyag na ang names ng mga artistang ito.

“Para sa akin, mas okay na pangalanan for me, kasi, just to be fair. Kasi, kung politicians, pinapangalanan, pulis, pinapangalanan, bakit hindi artista, di ba?” sey ni Polo.

Of course, sigurado ang aktor na wala siya sa 31 celebrities dahil aniya, ever since ay drug free siya.

“Hindi talaga ako nagte-take niyan, evesince, kahit noong bata ako, hindi ako nagda-drugs. Noong highschool, na-try ko siya, pero once lang, marijuana.”

Wala rin daw siyang alam kung sino-sino ang mga nasa drug watch list. May mga naririnig siyag names pero hindi naman daw niya kumpirmado.

Tungkol sa mandatory drug testing sa mga artista, siyempre ay pabor din daw siya.

Samantala, natuwa naman si Polo nang i-offer sa kanya ang Portrait of My Love kung saan ay silang dalawa ni Kiray ang lead stars.

“Dahil alam ko na sobrang funny si Kiray at magaling umarte si Kiray, so na-excite ako na siya ‘yung magiging partner ko dito. Para maiba naman, di ba?  First time ko kasing mapartner sa isang comedian,” he said.

Nagsimula ng ipalabas sa mga sinehan last April 3, ang Portrait of My Love at kasama rin dito sina Epy Quizon, Jeffrey Santos, Cai Cortez, Leo Martinez at marami pang iba.

 

 

 

Please follow and like us:
Read More