CHINESE SINISI SA PAGTAAS NG KASO NG KIDNAPPING

crime kidnapping12

(NI AMIHAN SABILLO)

PAGDAGSA ng mga Chinese national na nagsusugal sa bansa ang dahilan kung bakit tumaas ang bilang ng mga kidnapping incidents sa mga Tsino.

Ito ang inihayag ni Police Lt. Col Elmer Cereno, tagapagsalita ng PNP-Anti kidnapping group.

Ayon kay Cereno,  nakapagtala umano sila ng 52 kaso ng casino-related kidnapping incidents kung saan naaresto ang 119 Chinese kidnappers.

Sa paunang imbestigasyon ng PNP-AKG marami umano ang mga Chinese nationals na nagsusugal sa bansa na dinadala ng mga junket operators mula sa mainland China, na pawang hinihikayat na magbakasyon sa Pilipinas, at kapag nandito na ay dinadala sa mga casino para magsugal, kasabay ng pinapautang pa ng kapital o pangsugal.

Kapag natalo o wala ng pambayad ay dito na kinikidnap, ikinukulong sa isang hotel room, binubugbog, at tinatawagan ang kanilang pamilya sa China para magpadala ng pang-bayad utang sa pamamagitan ng wire-transfer.

Ayon kay Cereno inilunsad ni PNP-AKG acting Director Police Col Jonnel Estomo, ang mas mahigpit na koordinasyon sa kanilang foreign counterparts, Department of Justice (DOJ), National Capital Regional police office (NCRPO), Bureau of Immigration (BI), NAIA management at iba pang PNP territorial units.

Mag-oorganisa din aniya ang AKG ng “summit on casino debt related kidnappings”, kasama ang iba’t ibang law enforcement agencies at casino and hotel operators para mailatag ang action plan kontra dito.

Please follow and like us:
Read More

1 CHINESE NATIONAL, 2 PA, NAILIGTAS NG PNP-AKG

crime kidnapping12

(NI NICK ECHEVARRIA)

NASAGIP ng mga tauhan ng PNP-Anti-Kidnapping Group (PNP-AKG) ang tatlong biktima ng kidnapping sa magkakahiwalay na operasyon nitong linggo.

Sa ulat ni P/Lt. Col. Elmer Cereno, tagapagsalita ng  PNP-AKG, nakilala ang mga nailigtas na mga biktimang sina  Adora Taberna, Noia Mae Mendoza at isang Chinese national na si Lilang Qui.

Lumalabas na unang nailigtas ng PNP-AKG  si Mendoza sa isang hotel sa Ermita, Maynila nitong Biyernes (Agosto 9),  matapos mapaulat na ilang araw na itong nawawala.

Sumunod namang nasagip nitong Sabado ang Chinese national na si Qui sa isang ring hotel sa Roxas Blvd sa Maynila kasama ang tatlo pang kababayan na hindi pa batid ang mga pangalan matapos silang ikulong ng kanilang mga kidnappers kung saan nakita pa sa kuha ng CCTV kung paano ini-lock ng mga suspek ang isa sa mga silid ng mga biktima sa nasabing hotel.

Sa isang inn sa Dagupan City, Pangasinan naman natunton ng PNP-AKG ang kidnap victim na si  Taberna  na tatlong araw na ring iniulat na nawawala na dinukot umano sa Caba, La Union, makaraang hindi makabayad sa P500,000 sa dalawang lalaki na pinagkakautangan nito.

Gayunman duda ang PNP-AKG sa kaso ni Taberna na posibleng ‘kidnap me’ matapos mabatid na problemado ito sa pera at nagbabakasakali umanong  makahingi sa kanyang nobyong Amerikano sa pamamagitan ng nasabing modus na sinisikap na mai-establish ng pulisya.

 

Please follow and like us:
Read More

4 CHINESE, VIETNAMESE, PINOY, LAGLAG SA KIDNAPPING

(NI JULIE DUIGAN/PHOTO BY KIER CRUZ)

KASONG kidnapping at serious illegal detention ang kinakaharap ng apat na Chinese national, isang Vietnamese at isang  Filipino matapos bitbitin ng mga tauhan ng National Bureau of Investigation (NBI) sa Muntinlupa City, iniulat kahapon.

Kinilala ni NBI Director Dante Gierran ang mga nadakip na suspek na sina Tan Xiaguang, Zheng Jia Lei ;  Su Zhiwei at Jian Zhou pawang mga Chinese national ; Tran Bui Thu Thuy, isang Vietnamese at ang Filipino na si Virgilio Cuyugan San Juan.
Nabatid sa report ng NBI, nag-ugat sa pagkakadakip ng mga suspek sa tulong ng head security ng Alabang Village sa Muntinlupa City, noong Agosto 5, 2019 kung saan isang biktima ng pagdukot ang natagpuan sa loob ng village.
Ayon sa biktima na nagtratrabaho bilang electrician sa isang Chinese employeer sa isang online company, kinidnap  sila ng mga Chinese national matapos na paghinalaang nagsumbong sila sa mga pulis kaugnay sa illegal activities ng kanilang employer.

Sa salaysay pa ng biktima, galing sila ng Clark, Pampanga at  pauwi na ng bahay nang posasan sila ng kanyang misis at ikinukong ng 10 araw saka tinortyur.

Inilipat din sila sa isang bahay sa 311 Cadena de Amor  St., Ayala , Alabang Village kung saan nagawang alertuhin ang kapitbahay sa pamamagitan ng paghagis ng papel na may mensahe.

 

Please follow and like us:
Read More

BAHAY NG EX-COP VS KIDNAP NI-RAID:  P1.3-M CASH, ARMAS NAKUHA

(NI DAVE MEDINA)

NAKAKUMPISKA ang mga awtoridad ng P1.3 milyong halaga ng pera at ilang armas sa bahay ng isang dating pulis na umano’y sangkot sa kaso ng kidnapping sa limang Chinese national sa Las Piñas City.

Sa bisa ng search warrant, hinalughog ng mga tauhan ng Las Piñas City Police at Philippine National Police-Anti-Kidnapping Group (PNP-AKG) ang bahay ni dating Staff Sgt. Magdaleno Fernandez Pacia Jr. at live-in partner nitong si Andrelyn Gayumali Naldoza sa Barangay Pulang Lupa Uno alas 5:00 ng madaling-araw ng Biyernes.  Naaresto si Naldoza  sa kanilang bahay sa Pulang Lupa Uno ngunit wala si Pacia nang magsagawa ng operasyon ang pulisya.

Maliban sa pera, nakuha rin sa tinitirhang bahay ni Naldoza ang 9mm pistol,  dalawang kalibre .45 na baril, ilang bala para sa iba’t ibang uri ng baril,  granada at ilang cellphone.

Kasamang nasamsam ang police uniform ni Pacia na may name plate, bull cap at mga badge na may logo pa ng National Bureau of Investigaton (NBI).

Nakuha rin sa bahay ang 30 piraso ng credit card , 150 card ng Visa at pitong identification card na may pangalang Angel Vertucio.

Dating nakatalaga si Pacia sa Southern Police District (SPD) pero nasibak sa puwesto noong April 2018 dahil sa kasong pagnanakaw at illegal possession of explosives.

Please follow and like us:
Read More

IPINOSAS SA KAMA, CHINESE NATIONAL NA-RESCUE  SA MAKATI

(NI NICK ECHEVARRIA)

NASAGIP ng mga elemento ng CIDG-National Capital Region na nakabase sa Eastern Metro Manila at PCP 3, ng Makati City Police Station, ang isang  Chinese national mula sa kanyang mga kidnappers sa Ermita Building, Batangas St., corner Uruguay St., Brgy. San isidro Makati City, Huwebes ng gabi.

Kinilala ni P/MGen. Amador V. Corpus, director ng CIDG, ang nailigtas na biktima si Jiang Fan Li, 22, mula sa umano’y mga suspek na dumukot ditong sina Lee Arvin Lisboa  Apostol at Brian Alit Requintina.

Sa report na nakarating sa Camp Crame, nag-ugat ang rescue operation makaraang magtungo sa tanggapan ng CIDG ang isang concerned citizen bandang alas-4:00 ng hapon ng Huwebes para isumbong ang dinukot na isang Chinese national na umanoy minamaltrato habang nakaposas.

Agad tinungo ng mga operatiba ng CIDG, kasama ang mga opisyal ng Barangay San IsidroPolice operatives ang nasabing lugar kung saan natagpuan ang biktima na nakaposas sa kama.

Hindi naman makausap nang maayos ng mga miyembro ng raiding team ang biktima dahil hirap umano itong makaintindi ng wikang English at Tagalog habang naaresto naman sa isinagawang operasyon ang mga nabanggit na kidnappers.

Nahaharap ngayon sa kasong serious illegal detention ang mga nadakip na suspek habang inaalam din ng pulisya kung may kaugnayan ang inaresto sa iba pang grupo ng mga kriminal.

Please follow and like us:
Read More

PULIS MAYNILA, TIMBOG SA KIDNAPPING

arrested124

(NI JULIE DUIGAN)

DAHIL sa bisa ng arrest warrant, naaresto Martes ng umaga, ang isang pulis Maynila, sa kasong Kidnapping at Serious Illegal Detention, apat na taon na ang nakakaraan sa Antipolo City .

Si P/Staff Sgt. Alejandro Ruz  ay inaresto alas-9:30 ng umaga , sa harap ng Manila Police District –Ermita Police Station 5 .

Dahil sa bisa ng warrant of arrest na inisyu ni Judge Ma.Consejo Gengos-Ignalaga ng Regional Trial Court Br.B -98 ng Antipolo City, inaresto ng pinagsanib na puwersa ng Integrity Monitoring & Enforcement Group, Manila Police District-General Assignment Investigation Section at ng MPD-PS 5, si Ruz.

Ang kaso ay naganap umano noong July 30, 2015 .

Si Ruz ay dating nakatalaga sa Manila City Hall  and  Action Special Assistant (MASA) sa ilalim ni Manila Joseph Estrada.

Nasa kustodiya na ng  IMEG sa Camp Crame si Ruz, upang mapanagot sa ibinibintang dito.

 

Please follow and like us:
Read More

TAWI-TAWI, SULU, BANTAY SARADO SA DINUKOT NG 10 MALAYSIAN

tawitawi12

(NI NICK ECHEVARRIA)

NANINIWALA ang militar na nasa  Sabah, Malaysia pa rin ang mga bandidong dumukot sa 10 Malaysian nationals na naunang napaulat na mga Filipino na mangingisda na lulan ng dalawang fishing boats.

Ito ang pahayag ni Armed Forces of the Philippines (AFP) Chief of Staff General Benjamin Madrigal Jr., kasunod ang utos sa militar na mahigpit na bantayan ang Tawi-Tawi at Sulu.

Sa intelligence report ng AFP,  inilipat umano ng Malaysian kidnappers ang 10 bihag sa mga bandidong Abu Sayyaf, kaya posibleng sa Tawi-Tawi o Sulu dalhin ang mga ito dahil sa mahigpit na pagbabantay ng mga awtoridad ng bansang Malaysia sa kanilang mga boarders.

Sa kasalukuyan, patuloy ang mahigpit na  koordinasyon ng AFP sa Malaysian authorities simula pa nang mapaulat ang kidnapping sa karagatang sakop ng Lahad Datu, Sabah nitong Martes.

 

 

Please follow and like us:
Read More

6 CHINESE NATIONAL HULI SA KIDNAPPING, BRIBERY

nbi12

(NI JULIE DUIGAN/PHOTO BY KIER CRUZ)

ANIM na Chinese National ang binitbit ng mga tauhan ng National Bureau of Investigation (NBI), na sangkot sa kidnapping ng kanilang kababayan at panunuhol sa mga awtoridad, sa Paranaque City.

Nauna nang natimbog ng  NBI-Cybercrime Division noong  Mayo 31,ang mga suspek na sina Junrong Jia, Xurjian Li at Quijin Tian makaraan umanong idetine ang tatlo nilang kababayan sa isang hotel sa Paranaque City.

Modus operandi ng grupo na hikayatin ang kanilang kababayan na magsugal at kapag nagkautang na ang mga ito ay idedetine at tatawagan ang kanilang kamag-anak sa Beijing ,China at pagbabayarin ng ransom na higit na mas malaki sa pinahiram nilang pera na ipinang-sugal ng biktima.

Nabatid sa NBI na nakakumpiska sila ng  dalawang skimming devices, mga blangkong cards, security strips, smartphones, USB, holographic stickers at mga identification cards.

Batay kay NBI Deputy Director for Services Ferdinand Lavin, nakautang umano ang mga biktima ng may P1.5 milyon ngunit P7 milyon ang hinihingi nilang kabayaran para mapalaya ang mga biktima.

Nang dalhin sa NBI headquarters para sa imbestigasyon ,inalok umano ng mga suspek ang mga ahente ng NBI ng P500,000 suhol para sila palayain.

Kinabukasan, nagpunta sa tanggapan ng NBI-CCD sina Peter Lim Santos,Wang Liping at Au Pang Liang, para ibigay ang pera, kaya agad na isinagawa ang isang entrapment operation. Nahaharap sa kasong Kidnapping at paglabag sa RA 8484 (Access Device Regulation Act) sa Paranaque Prosecutors Office sina Jia,Li at Tian.

Habang paglabag naman sa Article 212 sa ilalim  RPC,ang isinampa kina Santos sa Manila Prosecutors Office.

 

 

Please follow and like us:
Read More

SEAMAN, BEBOT, DINUKOT; 7 ARESTADO

imus12

(NI SIGFRED ADSUARA)

NAHAHARAP sa patong-patong na kaso ang pito katao, kabilang ang tatlong babae, matapos na maaresto ng Cavite Police dahil sa pagdukot  sa isang 25-anyos na seaman at kasama nitong babae sa Imus City, Cavite.

Kasong kidnapping, paglabag sa RA 10591 at RA 9165 ang kinakaharap na kaso ng mga naarestong suspek na sina  sina Floyd Ordoñez, 36, ng Zone 1, San Agustine, Dasmariñas City, Cavite, Arwin Varrios , 35,ng  67 Manggos 1, Alfonso, Cavite., Allan Sundiam, 39,  ng 24 Arcontica Village, Dasmariñas City, Cavite,  Mark Angel Andamon, 27 , security guard ng B7, L25, ACM Homes, ANABU, 2 B, Imus Cavite, Cavite, Princess Sarmiento, 23,  ng B56, L10, Golden City, Anabu 2F, Imus City, Cavite, Princess Joy Poras, 19,  ng B188, L13, P4, Paliparan 1 Dasmarinas, Cavite Jackielou Bernal, 38 , ng 4 Arcontica Village, Dasmariñas City, Cavite dahil sa umano’y pagdukot kay Sherwin Allen Legaspi, ng   B6, L20, Pioneer Ave., Villa Isabel, Burol Main, Dasmariñas City, at  Patricia Dante, 19, ng  B-GA, L15, San Lorenzo Ruiz, Dasmariñas City.

Sa ulat ni PSSgt Mark Anthony Salvador, ng Imus City Police Station, dakong alas-4:00 Martes ng hapon nang nakatanggap ng tawag ang Imus CPS hinggil sa umano’y pagdukot sa mga biktima sa Barangay Anabu 1D, Imus City Cavite.

Agad namang nagresponde ang awtoridad kung saan naaresto ang mga suspek.

Ayon kay Sherwin, humihingi umano  ng halagang P40,000 si Ordonez  sa magulang nito kapalit ng kanyang paglaya.

Ayon din kay Patricia, nakatakas siya mula sa mga dumukot sa kanila habang ang mga ito ay tulog. Agad siyang nagsumbong  sa pinakamalapit na barangay na siyang nag-report sa pulisya at nagresulta sa kanilang pagkakaaresto.

Nakuha sa mga suspek ang isang kalibre 45 na baril, 11 bala, isang kalibre 38 at 5 bala, 8 hinihinalang plastic sachet ng  pinatuyong marijuana , 3 sachet ng shabu, 9 na cellphones at drug paraphernalias.

Tumanggi naman si Salavador na magbigay ng  anumang detalye hinggil sa pagdukot sa seaman.

 

Please follow and like us:
Read More

SUPPORTER NG OPOSISYON DINUKOT, PINALAYA

crime kidnapping12

(NI ELOISA SILVERIO)

ISANG dating barangay captain at kasalukuyang barangay kagawad at supporter ng mga opposition candidates ang umano’y dinukot ng mga naka-bonet na armadong kalalakihan at umanoy tauhan ng Civil Security Unit ng Lungsod ng San Jose Del Monte sa Bulacan, Huwebes ng gabi.

Nakilala ang biktima na si Kagawad Arnel Aspile ng Barangay Citrus at supporter nina mayoralty candidate Rey San Pedro at Congressman candidate Irene Del Rosario.

Sa ginanap na press briefing, Biyernes ng hapon, sinabi ni Del Rosario na illegal ang pagkakaaresto sa kanilang political leader na si Aspile dahil wala umanong search and arrest warrant.

Kinuwestyun din ni Del Rosario kung bakit mga tauhan ng CSU ang umaresto gayun hindi naman awtorisado ng PNP at Comelec ang nasabing grupo.

Ayon kay San Pedro, positibong ginagamit ng kasalukuyang administrasyon ng lungsod ng SJDM ang mga security personnel bilang mga private armies.

Nabatid na bandang alas-9:45 ng gabi habang nagpupulong nang makatanggap sina Del Rosario at dating mayor San Pedro na dinukot ang kanilang supporter sa nasabing barangay.

Pinuntahan nina Del Rosario ang City Police Station subalit wala doon ang kagawad ngunit bandang alas-10:15 ng gabi ay dumating ang tropa ng CSU bitbit si Aspile at dun pa lamang itinurn-over sa kapulisan.

Ayon sa report ng PNP, si Aspile ay inaresto sa reklamong grave threat dahil sa umano’y harassment na ginagawa nito sa kanilang barangay.

Nabatid pa na nakuha sa bag ni Aspile ang isang .45 caliber at tatlong sachet ng shabu.
Ayon kay Del Rosario, planted ang baril at droga na sinasabing nakuha kay Aspile.

Napag-alaman pa na hindi nagtutugma ang report ng pulis sa pahayag ng mga witness.

Kinuwestyon ni Del Rosario kung bakit hindi agad sa pulis dinala ng mga taga CSU si Aspile at napag-alaman na sa motorpool una itong dinala.

Please follow and like us:
Read More

TAKOT IWAN NG BF, YAYA NANGIDNAP NG ‘ANAK’ 

BACOLOD12

(NI KIKO CUETO)

BACOLOD CITY – Inaresto ang isang 19-anyos na babae nang dukutin ang sanggol ng kanyang amo, para ipakilala bilang anak ng kaniyang nobyo para hindi siya iwan.

Sa imbestigasyon, sinasabing tatlong linggo pa lamang nagsisilbing kasambahay ang babae sa mag-asawang nakatira sa Barangay Alijis sa lungsod na ito.

Pero sa kwento ng pamilya, matagal na umano nilang kilala ang suspek dahil kapitbahay nila ito sa dating tinitirahan sa Barangay Mandalagan.

Dagdag pa ng pulisya, nagpo-post na ang suspek sa social media ng mga retrato kasama ang bata at sinasabing anak niya ito.

Noong una ay hindi naman nag-aalala ang pamilya, hanggang nitong Lunes, kinabahan ang mga ito dahil hindi nakauwi ang suspek at ang kanilang anak.

Lunes ng gabi nang dumulog sa pulisya ang pamilya.

Hinanap ng pamilya ang suspek at kinausap sa Facebook ang nobyo ng suspek.

Napag-alamang taga bayan ng Miag-ao, Iloilo ang nobyo at doon posibleng pumunta ang suspek.

Humingi ng tulong ang Bacolod City Police sa Miag-ao Police at doon nakita ang suspek at ang kanyang kinuhang bata.

Agad namang dinala ang bata at ang suspek sa Bacolod City.

Inamin naman ng suspek ang pagdukot sa bata. Aniya, ginawa niya ito para hindi siya iwan ng kanyang nobyo.

Ipinakilala niya ang bata na anak umano ng nobyo niya para panagutan nito at hindi siya iwan.

Haharap sa kasong kidnapping ang suspek.

Please follow and like us:
Read More

CCTV FOOTAGE NG PAGDUKOT SA EX-AIDE NG MAYOR, INILABAS

sta rosa12

(NI NILOU DEL CARMEN)

TUMAGAL ng halos walong minuto ang pagkakadukot ng mga armadong kalalakihan  kay Allan Fajardo at sa driver nito na si Ricky Atienza sa loob ng Misto Restaurant,  sa SEDA Hotel-Nuvali noong Abril 3.

Sa kuha ng CCTV camera  ng hotel, alas 7:43 ng  gabi nang dumating ang sasakyan nina  Fajardo at diretsong pumasok sa loob ang dalawa.

Alas 7:51 naman dumating ang puting van at bumaba ang nasa 11 pawang nakaitim na kalalakihan at armado ng mahahaba at maiiksing kalibre ng baril.

Tinutukan ng dalawa sa mga suspek ang dalawang security guard habang pumasok ang siyam sa loob habang naghihintay naman sa labas ang van.

Sa kuha sa loob, isa-isang nilapitan ng mga kalalakihan ang mga nakadapang kostumer na tila hinahanap sina Fajardo.

Muling nakita ang mga ito sa kuha sa labas ng hotel dakong alas 7:59 habang kaladkad na ang dalawa na isinakay sa van.

Dalawang magkaparehong van na ang sinakyan ng mga suspek paalis sa lugar.

Samantala tumanggi na ang pamilya ni Fajardo na paimbestigahan pa sa PNP ang nagyaring pagdukot.

Sa pamamagitan ng waiver, sinabi ng mga ito na sa National Bureau of Investigation na nila ipinapaubaya ang pag-iimbestiga.

Wala na  umanong kumpiyansa ang pamilya ni Fajardo sa puwersa ng Calabarzon police dahil sa hindi nito pag-intindi sa pagdukot kay Fajardo na nasa kanilang reponsibilidad.

Una nang sinabi ni Atty. Ferdinand Topacio, abogado ng pamilya, sa isang presscon, na mga pulis lamang ang may kapasidad na gawin ang nabanggit na istilo ng pagdukot.

Nag-alok na rin ng pabuyang P1 milyon   ang pamilya sa makapagbibigay ng impormasyon para matunton ang kinaroroonan ng biktima.

 

Please follow and like us:
Read More

PITONG CHINESE NATIONAL TIMBOG SA KIDNAP

nbi12

(NI JULIE DUIGAN)

BINITBIT ng mga tauhan ng National Bureau of Investigation (NBI) ang pitong Chinese national na sangkot sa pagkidnap sa isa nilang kababayan,  Linggo ng hapon sa isang Condominium sa Pasay City.

Martes ng hapon ay ipinirisinta nina Vicente de Guzman, deputy director for Investigation Service at  Atty. Emetrio Dongallo, Jr. Chief SAU, ang mga suspek na sina  Liu Shenshui,Deng Shuijin,Xiong Jinxiang,Xiong Jonpeng  ,Xiong Jilong,Luo Gen Jin, at Chen Yiguo, pawang Chinese nationals at mga turista  na kadarating lamang umano sa bansa.

Ang mga suspek ay sinampahan ng kasong kidnapping at serious  illegal detention sa  Pasay City Prosecutors Office.

Ang pag-aresto sa pito ay matapos na magreklamo si Jian Shi Lun, kapatid ng biktimang si  Jian Shi Xin na dinukot ng mga suspek sa Okada Manila sa Paranaque City at dinala sa hindi alam na condominium, doon idinetine at sinaktan ng mga suspek.

Pinayagan umano ng mga suspek ang biktima na makatawag sa kanyang kapatid para  ipaalam ang kanyang sinapit na pinuwersa ito na magbayad ng P200,000.

Nag-ugat umano ang pagkidnap sa biktima matapos na umuwi sa China ang kanyang kaibigan na nangutang sa mga suspek na umano’y nagpi-finance sa casino.

Hindi umano nakabayad ang kaibigan ng biktima sa mga suspek  kaya siya ang kinuha para ma-pressure ang kaibigan nito na magbayad ng kanyang inutang sa mga suspek.

Sinabi ni De Guzman na kinasuhan ang mga suspek dahil wala naman utang sa kanila ang biktima pero kinidnap nila ito.

 

 

 

 

 

Please follow and like us:
Read More

2 ARESTADONG ‘KIDNAPPER’ INIHARAP NG NCRPO

kidnapping1

(NI ROSE PULGAR/PHOTO BY RAFAEL TABOY)

HINIMOK ni National Capital Regional Police  Office (NCRPO) Chief Director Guillermo Eleazar ang mga pamilya ng tangkang kidnapping na magsampa ng kaukulang reklamo upang umusad ang kaso sa korte. Kasabay nito, dumagsa rin sa tanggapan ang ilang pamilya na kumumpirmang tinangkang dukutin ang kanilang mga anak.

Sa isang press conference sa tanggapan ng NCRPO, sinabi ni Eleazar na wala aniya itong katotohanan na may nagaganap na kidnapping at itoy nagiging sanhi lamang aniya para mag-panic ang publiko lalu na ng mga magulang.

Kung saan wala naman aniyang ebidensiyan, na nagpapatunay na may insidente ng kidnapping dahil wala namang nag-re-report sa pulisya.

Ang naging tugon ni Eleazar ay base sa pahayag ng suspect na iprinisinta  sa mga mamamahayag na si Lilibeth  Bustamante, 47, tubong San Pedro, Laguna at nakatira sa Brgy. Manuyo Uno, Las Pinas City.

Naunang inakusahan na isang miyembro ng kidnapping syndicate ang suspect  na nagsasagawa ng iligal na operasyon sa Metro Manila, Cavite, Laguna at Bulacan.

Ayon pa kay Bustamante,  dalawa aniyang bata ang biktima ng kidnapping sa area ng Laguna.

Base sa record ng NCRPO, naganap ang tangkang pangingidnap  ni Bustamante ay noong Pebrero 19 ng taong kasalukuyan, alas-11:00 ng umaga sa no. 8 Libas St., Sampaloc Site, BF Homes, Paranaque City.

Nabatid, na lumapit  at nagtanong umano ang suspect sa biktimang si  alias Nene, kung saang may malapit na tindahan at  kung maaari ay samahan siya.

Subalit, tumanggi ang biktima, kung kaya’t pwersahan itong hinawakan  ng suspect hanggang sa nagpapupumiglas naman ang bata.

Umatungal ng iyak ang bata ngunit pilit pa rin itong hinihinala ng suspect para dalhin ito.

Isa sa mga kapitbahay ng biktima ang nakialam at napilitang umalis ang suspect.

Nakarating sa barangay ang insidente, na nagresulta nang pagkakaaresto sa suspect, na kaagad namang dinala ito ng mga tanod sa tanggapan ng Paranaque City Police.

 

 

Please follow and like us:
Read More

6 BATA NAKALIGTAS SA PAGDUKOT SA CAMSUR

foil

(NI JG TUMBADO)

LIMANG kalalakihan na umanoy nagtangkang dumukot sa tatlong elementary pupil ang tinutugis ng mga awtoridad sa bayan ng Iriga, sa Camarines Sur Biyernes ng umaga.

Dumulog sa himpilan ng pulisya kasama ang kanilang mga kaanak upang ipagbigay alam ng mga biktima ang sinapit ng mga ito sa hindi pa makilalang mga suspek sa tangkang pagkidnap.

Base sa inisiyal na imbestigasyon ni PO2 Marisol Paloma ng Iriga City police, naglalakad lamang umano ang tatlo papasok sa eskwelahan bago mag alas 6 ng umaga nang harangin umano sila ng isang kulay puting van kung saan lumabas ang mga suspek.

Pero nagawa umanong makatakbo ang isa sa tatlong bata habang ang dalawang naiwan ay sapilitang isinasakay ng mga suspek papasok sa loob ng van.

Ilang saglit pa ay nagawa rin umanong makawala ang dalawang biktima nang kapwa kagatin nila ang mga kamay ng suspek at mabilis din na tumakbo palayo mula sa kanilang abductors.

Naglatag na ng mga checkpoints ang pulisya sa ilang mga lugar na pinaniniwalaang daraanan ng mga suspek.

Please follow and like us:
Read More

HIGIT 400 BUGOK NA PULIS, SINIBAK

pnp

(NI NICK ECHEVARRIA)

MULA nang manungkulan ang Pangulong Rodrigo Duterte,  nasa 441 na ang kabuuang bilang ng mga  tiwaling pulis ang nasibak sa serbisyo mula 2016.

Sa ulat ni PNP spokesperson P/Colonel Bernard Banac. 322 sa mga ito ang nag positibo sa paggamit ng iligal na droga habang  119 na iba pa ang sangkot naman sa mga kasong may kinalaman sa  pangongotong, at pagbibigay proteksyon sa mga drug suspek.

Binigyang-linaw din ni Banac, na lahat ng mga nasibak sa serbisyo na mga pulis ay walang makukuhang retirement benefits  idadag pa ang kinakaharap na kasong criminal ng mga ito.

Idinagdag pa ni Banac na 8,000 mga pulis naman ang nahaharap sa disciplinary action kaugnay  sa mga kasong administratibo kung saan  may mga na-reprimand, na-demote sa mga ranggo at nasuspinde sa serbisyo ng walang kaukulang bayad.

Ipinalabas ng PNP ang ulat makaraang muling  uminit ang isyu sa mga tiwaling pulis kaugnay sa makahiwalay  na insidente ng pangongotong at kidnapping umano ng dalawang pulis sa Pasig at Pasay City kamakalawa kung saan kinuha ng mga ito ang gamit ng mga complainant gayundin ang paghingi nila ng halos tig-P100,000 kapalit ng pagpapalaya ng mga hinuling live-in partner na iniugnay  sa iligal na droga.

Please follow and like us:
Read More

HEPE, 26 TAUHAN NG SDET PASAY CITY POLICE,  SINIBAK 

pasay1

(NI DAVE MEDINA)

SINIBAK sa puwesto ang 27 pulis kasama ang hepe sa Pasay City Miyerkoles ng umaga kasunod ng isinagawang entraptment operation ng mga operatiba ng Counter-Intelligence Task Force (CITF) Miyerkoles ng madaling araw sa loob mismo ng kanilang opisina sa Station Drug Enforcement Team (SDET) ng Pasay City Police Headquarters.

Kinilala ang mga sinibak na pulis sa pangunguna ng hepe ng SDET na si PLt. Ronaldo Frades at ang 26 pang tauhan nito na kinilalang sina  PSMSgt Victor  C. Abalos Jr. ,PSMSgt Marlon M Bongalon, PSSgt Carlo M Sison, PSSgt Nathaniel R Garcia, PSSgt Rigor R Octaviano, PCpl Sajid Anwar E Nasser,PCpl Monsier Navarro; PCpl Frangie O Furton, Pat Dennis T Orola, Pat Anthony P Fernandez, Pat James Paul G Callo; Pat John Mark DG Cruz, Pat Rad B Dranto, Pat Clyde V Tabulog, Pat John Maynard C Tolentino, Pat Lore John R Nicholas,Pat Jess G Dulnuan, PCpl Rodel A Lalimarmo, Pat Christian P Villanueva, Pat Joel Jann M Magallaness at Pat  Jay-ar  O Orquino, PMSgt Jay M Martinez, PMSgt John Vernal M Barraza at PSSgt Jerry A Hernandez, at Jailer na sina PSMSgt John Christopher B Lim, PSMSgt Edwin J Hamor.

Nauna rito ay nahuli ng DEU police officers ang drug suspek na George Revilla at hiningian umano ng P100,000 ang live in partner nito na si Joan Dela Torre para sa kanyang kalayaan.

Nagsumbong naman si Dela Torre sa CITF kaya nagkasa ng entrapment operation laban sa pitong DEU officer.

Dala-dala ni Dela Torre ang marked money  para sa mga pulis ng DEU  pero kinapkapan siya kaya nadiskubreng may entrapment operation at nagsitakas ang mga pulis.

Gayunman, inabutan  ng CITF si Police Corporal Anwar Nasser na kasama sa pakikipagtransaksyon kay Dela Torre kaya  nahuli ito.

Nahaharap ngayon ang naturang mga pulis sa mga kasong administratibo at kriminal, samantalang patuloy na nagtatago ang anim na pulis na sangkot sa extortion.

 

Please follow and like us:
Read More

5 CHINESE TIMBOG SA KIDNAPPING

ARRESTED-9

ARESTADO ang limang Chinese nationals na mga miyembro umano ng kidnap-for-ransom syndicate nang salakayin ng pulisya ang kanilang ‘kuta’ sa isang subdibisyon sa Las Piñas City.

Ang mga nasakote ng pinagsanib na puwersa ng Bureau of Immigration Fugitive Search Unit (BI – FSU) Philippine National Police Anti Kidnapping Group (PNP – AKG) ay sina Wang Rui, Li Ming, Ju Wenping, Liu Ming at Li Sanjiu.

Ang biktima nila ay kapwa nila Intsik, banggit ng PNP-AKG.

Ayon kay Immigration Commissioner Jaime Morente, naaresto ang mga suspek sa isang bahay sa Sampaloc Street, Casimiro Village.

Nasagip ang huling biktima ng grupo na hindi na pinangalanan ng mga awtoridad para sa kanyang kaligtasan.

Please follow and like us:
Read More