KASAMBAHAY NAGNAKAW NG P2.7-M, TIMBOG

arrested12

JG TUMBADO)

NAHULI sa isinagawang follow-up operation ng pulisya ang isang 20-anyos na babaeng kasambahay matapos umanong nakawin ang P2.7 milyon mula sa kanyang among negosyante sa bayan ng Kalibo, Aklan noong Sabado.

Inabutan pa ng mga tauhan ng Kalibo municipal police ang suspek na si Cheryl Nabor na nasa jetty port terminal habang nag-aantay ng kanyang biyahe patungo sa bayan ng Caticlan.

Ayon sa imbestigasyon ng pulisya, tinangay umano ng suspek na si Nabor ang perang nagkakahalaga ng P2.7 milyon na nakatago sa cabinet ng kuwarto ng kanyang amo.

Subalit nasa P2.6milyon na lamang umano ang nabawing pera mula kay Nabor na hindi na tumanggi pa sa akusasyon laban sa kanya.

Napag-alaman pa sa report na 13-anyos pa lamang umano ang suspek nang unang mamasukan ito sa biktima bilang kasambahay.

Hindi umano makapaniwala ang biktima na magagawa sa kanya ang pagnakaw ni Nabor na itinuring na niyang anak.

Kasalukuyang nakapiit na sa Kalibo police detention cell si Nabor at nahaharap sa kasong robbery.

Please follow and like us:
Read More

AMO TINANGKANG LASUNIN, KASAMBAHAY KULONG

arested12

(NI DAVE MEDINA)

NAKAKULONG ngayon sa Muntinlupa City Police Detention Facility ang isang housemaid dahil sa tangkang pagpatay sa kanyang among babae .

Sa tala ng Muntinlupa City Police, mismong ang target na biktima na kinilalang si Remedios Dalit Gimena, 76, residente  ng Block 11 Lot 2 Soldiers Hills Village, Brgy. Putatan, Muntinlupa City, ang nakadiskubre na gusto siyang lasunin ng housemaid dakong alas-8:30 ng umaga ng Sabado.

Sa salaysay pa ni Gimena, iinumim niya sana ang herbal medicine liquid nang mapansin niya ang kakaibang lasa at nang kanyang silipin ang loob ng bote, nakakita siya ng tatlong piraso ng Camphor Balls (Alcampor) dito.

Tinawag umano niya ang kanyang asawa at sinabi kung ano ang kanyang nakita sa bote ng gamot.

Nang kanilang komprontahin ang kasambahay na si Garnet Balacoy Gallardo, 35, ng Block 39 Lot 32 Carnacion St., Navotas City ,  umamin umano ito na sa sobrang galit sa amo kaya nilagyan niya ng alcampor ang bote ng gamot.

Dahil dito ay mabilis na nagreport ang asawa ng biktima sa mga opisyal ng Barangay Putatan para humingi ng ayuda upang madala ang suspek na si Gallardo sa tanggapan ng Muntinlupa City Police Station para sa kaukulang disposisyon.

 

Please follow and like us:
Read More

3 KASAMBAHAY BIKTIMA NG INVESTMENT SCAM; BABAE HULI

ARRESTED WOMAN

(NI ROSE PULGAR)

INARESTO ng mga tauhan ng Makati City Police ang isang babae matapos ireklamo ng tatlong kasambahay ng pagtakbo ng kanilang perang naipon nang pangakuan sila ng malaking kita sa isang investment, Miyerkoles ng gabi.

Kinilala ni Police Colonel Rogelio Simon, hepe  ng Makati City Police, ang suspect na si Emelda Sagonal, 38, dalaga, tubong Crossing-Dapuyan, San Joaquin, Iloilo.

Ayon kay Simon , inireklamo ang suspect ng kanyang mga biktima na sina Maylyn Cabanda, dalaga, 23; Marita Semorlan, 52, dalaga; at Adelfa Bullo, 53, balo, at pawang mga stay-in sa Mahogany Road, Dasmarinas Village, Makati City.

Batay sa report ng Station Investigation Detective Management Branch ng Makati City Police, sinabi ng mga biktima na nahikayat sila ng suspect na maglagak ng pera sa investment business na kikita umano ng malaki.

Kuwento sa kanila ng suspect na kikita ng P5,000 sa interes kada buwan ang P60,000 nilang investment.

Agad naman naniwala ang tatlong biktima sa matamis na salita lalo’t na nobya ng suspect ang tsuper ng kanilang amo, naglagak si Candaba ng kabuuang P140,000; nagbigay ng P77,000 si Semorlan habang umabot sa P202,000 ang naibigay ng biktimang si Bullo.

Makaraang maibigay ang interes ng kanilang pera para sa isang buwan, hindi na nagawang makapagbigay pa ng pera ang suspect sa mga biktima.

Nang magkita nitong nakaraang Miyerkules dakong alas-6:00 ng gabi sa isang mall sa Ayala Center, Barangay San Lorenzo, Makati, hindi na pinaalis ng tatlong biktima si Sagonal at dinala nila ito sa Police Community Precinct (PCP)-5 para magsampa ng reklamo.

Sasampahang naman ng kasong swindling ang suspect sa Makati City Prosecutor’s Office habang ito ay nakakulong sa nasabing himpilan ng pulisya.

 

Please follow and like us:
Read More

TOTOY BINARIL NG AMO, PATAY 

crimeshooting12

(NI JUN V. TRINIDAD)

QUEZON – Isang lalaking kasambahay na menor-de-edad ang walang awang binaril hanggang sa mapatay matapos pagmumurahin ng kanyang amo sa Lucena City, nitong Linggo.

Sa ulat ng pulisya, nadinig ng mga kapit-bahay si Niño Mikki Sekigawa, veterinary clinic staff, na pinagagalitan ang biktimang hindi pinangalanan sa report, sa loob ng kanilang apartment sa Barangay 11, bandang 10:00 ng gabi.

Pagkatapos ng walang patid na pagmumura ay bigla na lang nadinig sa paligid ang putok ng baril mula sa hindi pa malamang kalibre mula sa apartment ng suspek.

At kasunod ng putok ay nakita naman ang mabilis na paglisan ng suspek sa kanyang tirahan.

Pagkalipas ng ilang minuto ay dumating ang isa pang kasambahay sa nasabing bahay at nakita sa loob ang biktima na may tama ng bala at naliligo sa sariling dugo.

Mabilis na dinala sa Quezon Medical Center ang biktima subalit namatay din ito matapos ang dalawang oras. Nagsasagawa ng kaukulang imbestigasyon ang mga awtoridad upang alamin ang motibo sa pamamaslang kasabay ng malawak na police operation upang madakip ang suspek.

 

Please follow and like us:
Read More

DUGO-DUGO ALIBI ‘DI UMUBRA; 2 KASAMBAHAY HULI

ARRESTED-2

(NI FRANCIS SORIANO)

KASONG theft o pagnanakaw ang haharapin ng dalawang kasambahay matapos na ipaaresto ng kanilang amo makaraan hindi umubra ang kanilang kwento na nabiktima sila Dugo-Dugo Gang.

Kinilala ng Malabon PNP,  ang mga suspek  na sina Michelle Sumayang, 19, at Stephanie Entoy, 18, pawang kasambahay at kasalukuyang stay-in sa 21 Tuazon Avenue, Brgy. Potrero at taga Masbate.

Ayon sa ulat,  inireklamo umano ang mga suspek ng kanilang amo na si Susan Lim, 58, matapos na maabutang tangay-tangay ang mamahaling bag na naglalaman ng mga alahas, relo na nagkakahalaga ng P500,000 dakong alas-8:30 ng gabi.

Dito na kinumpronta si Entoy at sinabi na una nang nakaalis si Sumayang dala ang P600,000 cash upang dalhin ang pera sa tagpuan ng kausap nila na agad naman binalikan si Sumayang na inaresto na ng mga awtoridad.

Pero depensa ng mga suspek, inutusan umano sila ng kausap sa telepono na kunin ang pera at alahas sa isang cabinet at dalhin sa isang napagkasunduang lugar dahil naaksidente umano ang kanilang amo.

Sinabi umano ng dalawang kasambahay na nagoyo sila ng Dugo-Dugo Gang.

Gayunman, hindi naniwala ang kanilang amo sa alibi ng dalawa matapos panoorin sa footage mula sa Closed Circuit Television (CCTV) camera sa kanyang bahay at kitang-kita kung paanong hinakot ng dalawa ang mga nawawalang gamit.

 

Please follow and like us:
Read More

KASAMBAHAY NG SOLON KULONG SA NINAKAW NA P10-K

ARRESTED-2

(NI KOI HIPOLITO)

INARESTO ng mga operatiba ng Parañaque City Police Station (PCP-5) ang kasambahay ni Parañaque City Second District House Representative Gustavo ‘Gus’ Tambunting matapos mabawi ang P10,000 umano’y ninakaw nito sa kanyang amo sa BF Homes Parañaque City.

Nakilala ang suspek na si Jovelyn Tormis, 26, tubong Valencia, Bukidnon.

Ayon sa report humingi ng tulong sa pulisya ang accountant ni Tambunting, na si Jasmin Campued, 44.

Nagpaalam umano ang suspek na si Tormis, na pansamantalang uuwi sa kanilang probinsya para dumalo sa burol ng kanyang ama at pinayagan naman ito ng kanyang mga amo, subalit nang tingnan ang dala nitong maleta para inspeksyunin ay nakita ang P10,000 kaya’t agad itong ipinaaresto sa mga otoridad.

Mahaharap  ngayon sa kasong Qualified Theft ang suspek at nakatakdang isailalim sa Inquest Proceeding sa Parañaque City Procecutor’s Office.

Please follow and like us:
Read More