FANS NI BARBIE AYAW TIGILAN SI JM

(NI GORGY RULA)

MUKHANG ayaw pa ring tigilan ng mga fans ni Barbie Imperial si JM de Guzman, dahil nga kaya kay Ria Atayde?

Hindi lang ako sure kung mga fans lahat ni Barbie ang nagku-comment nang di maganda sa mga pinu-post ni JM. Pero di na nakapagpigil ang Kapamilya actor at sinagot na niya ang ibang masyadong personal na ang kinukomento sa kanya.

Napansin ko nung nakaraang Sabado na kung saan may ipinost si JM na ‘bottle cap challenge’ na ginagawa rin ng ilang celebrities.

Nakatuwaan nila itong ‘bottle cap challenge’ na kung saan kanya-kanya silang gimik kung paano nila nabubuksan ang takip ng isang bote.

Merong sinisipa o bina-back flip ang pagbukas bottle cap gaya nang ginawa ni Martin del Rosario.

Nakiuso rin si JM dito, na akala mo meron siyang kakaibang gagawin, pero madrama ang ginawa niyang pagbukas ng kamay niya at saka nag-muwestrang mag-karate.

Natuwa naman ang karamihang nag-comment na mga kaibigan niya gaya nina Joross Gamboa, Billy Crawford at marami pa.

Pero may mga ilang followers na tila nagdududa kung ano na naman daw ang natira nito.

Sa mga komento nila, pinapalabas na hindi pa rin nakaalis ang aktor sa dating bisyo.

Meron pang nagku-comment ng “bog na bog ka na naman”.

Dito na nag-react si JM at sinagot niya ng “judgemental”.

Nung nakaraang Lunes ng umaga ay nag-post uli si JM ng isang prayer na ikinatuwa ng mga netizens at nagbibigay ng mga inspiring messages sa kanya.

Pero meron pa ring nagni-nega na obvious mga fans sila ni Barbie Imperial.

Pati si Ria ay nagba-bash, pero meron ding nagtatanggol at natutuwa sa kanila ni JM.

Ewan ko lang kung sila na ngayon, pero nung huli naming nakatsikahan si Sylvia Sanchez, tingin daw niya nanliligaw si JM kay Ria.

Hindi naman daw siya nakikialam sa lovelife ng mga anak niya, pero tinanong daw niya minsan si JM kung balak ba nitong ligawan si Ria.

Napangiti lang daw ang aktor at sasabihin naman daw sa kanya.

Close naman si Sylvia kay JM at wala naman siyang kontra kung magkaroon ng relasyon ang dalawa.

Please follow and like us:
Read More

RIA KINIKILALA PA RIN SI JM

ria12

boy abunda(NI BOY ABUNDA)

ILANG buwan na ang nakalilipas nang unang napabalitang may espesyal nang ugnayan sina Ria Atayde at JM de Guzman. Mula noon ay wala namang naging kumpirmasyon mula sa dalawa kung ano talaga ang tunay na estado ng kanilang relasyon.

“Okay naman, we’re still friends. We’re still getting to know each other, friends talaga. I’m saying this all the time genuinely just friends,” bungad ni Ria.

Ayon sa dalaga ay hindi pa nanliligaw sa kanya si JM sa ngayon. “Hindi pa din naman kasi dumarating sa ligawan or whatever. So far they were okay naman as a person, like my brother is friends with him. My mom works with him and my mama’s said nothing but good things about him,” paglalahad ng aktres.

Para kay Ria ay masyado pang maaga upang magkaroon sila ng espesyal na ugnayan ng aktor. “As long as there’s no connection talaga. I go beyond the physical, it’s more like the mental, emotional connections, spiritual as well. You know what I mean? You can’t be you don’t know completely. Mas okay na kilala mo sila and I think right now we’re on that stage,” pagtatapat ng dalaga.

Madalas nang nakikitang magkasama sa mga pampublikong lugar sina Ria at JM. Nae-enjoy naman umano ng aktres ang mga oras na kasama niya ang binata. “We’re really friends. Doon talaga nag-umpisa, you know barkada. We started hanging out with everybody. Until you know, we started hanging out na kami na lang. So slowly but surely. I don’t know, we’ll see,” pagtatapos niya. -Reports from JCC-    

Please follow and like us:
Read More

BARBIE NAPUNO KAY JM KAYA NAWALA ANG LOVE

barbiejm12

boy abunda(NI BOY ABUNDA)

AMINADO si Barbie Imperial na talagang napamahal siya noon kay JM de Guzman. Nagkamabutihan ang dalawa mula nang magkatambal sa teleseryeng ‘Araw-Gabi.’ “Oo naman po. Totoong in love naman talaga kaso wala, nagpe-fade siya eh, pag may mga nangyayari. Hindi talaga ako naniniwala na bigla-bigla na lang nagpi-fade ‘yung love, pero totoo pala talaga ‘yon kasi nangyari siya sa akin. ‘Pag napuno ka pala talaga sa tao, bigla na lang wala na,” makahulugang pahayag ni Barbie.

Kontrobersyal ang naging paghihiwalay ng landas ng dalawa at hindi malinaw kung ano talaga ang totoong dahilan nito. “Kahit naman sabihin niya na ready siya, ako naman, hindi naman ako ‘yung iisipin ko lang ang sarili ko na, siyempre bilang babae gusto natin ng label, di ba? Pero ako naman po, hindi ako ‘yung klase ng tao na parang alam ko eh, na hindi siya ready. So hindi ko naman ipipilit dahil lang babae ako at gusto ng label,” giit ng dalaga.

Masalimuot ang mga pinagdaanan ni JM bago pa nakilala at napamahal kay Barbie. Naramdaman naman ng aktres na talagang ibinigay din sa kanya ang lahat ng binata noon. “Alam ko rin naman ‘yung pinagdaanan ng tao at alam ko kung paano siya ma-inlove, na ibibigay niya talaga ‘yung mundo. Kaso hindi pwede ‘yung gano’n, eh. Kahit ako po mismo, sinasabi ko sa kanya na ‘Huwag mong ibigay sa akin ang mundo.’ Sabi ko, ibigay mo sa sarili mo,” paglalahad ng aktres. -Reports from JCC- 

 

 

Please follow and like us:
Read More

JM ON RIA: ANG DAMI KONG NATUTUTUNAN SA KANYA!

boy abunda(NI BOY ABUNDA)

NAGING kontrobersyal ang relasyon nina JM de Guzman at Barbie Imperial noong isang taon. May bulung-bulungan na pinaasa lamang umano ng aktor si Barbie kaya nagkaroon ng tampuhan sa pagitan nila.

“Hindi naman po ako gano’n, and hindi naman po siya kagano’n-gano’n,” paglilinaw ni JM.

Nagkatambal ang dalawa sa teleseryeng ‘Araw Gabi’ kung saan nagsimula ang espesyal na turingan nila. Ayon kay JM ay hindi sila naging opisyal na magkasintahan ni Barbie. Halos isang buwan lamang niligawan ng aktor ang dalaga bago pa tuluyang nagkahiwalay ng landas ang dalawa. “Hindi po pero I tried. I tried to pursue her. After ng show, I told her, ‘Baka pwede nating i-try maging magkaibigan muna. Tapos tingnan natin kung pwede bang may mangyari,’ or something,” kwento ng binata.

Sa ngayon ay ang anak ni Sylvia Sanchez na si Ria Atayde naman ang sinasabing bagong nagpapatibok sa puso ni JM. Kamakailan ay nakita rin ang dalawang magkasama sa airport na mukha umanong galing sa bakasyon. “’Yung meron po kami ngayon is parang sobrang okay na friendship. ‘

Yung parang alam mong pwede, posible. Parang nali-lift niya ako, nali-lift ko rin siya, tapos positibo. Ang dami kong natututunan sa kanya. She’s very sweet,” pagbabahagi ni JM.

May balak na kaya ang aktor na ligawan si Ria? “Hindi pa, kapag umabot na doon, magpapaalam muna ako kay Tita Sylvia. Hindi pa po siguro, marami pang factors eh. Counselors ko, psychiatrist ko, sa na-experience ko, alam n’yo naman ‘yung na-experience ko.

Hindi nila ina-advise na lalo na ngayon na nagsa-start (ulit) ako sa career ko. Sabi nga nila three years, or two years bago ako muling… Advise nila, relax ka muna. Huwag mo munang isugod ang puso mo. Kasi baka masubsob ka na naman,” nakangiting pahayag ni JM. -Reports from JCC-

 

Please follow and like us:
Read More

JM, RIA SPOTTED SA AIRPORT TOGETHER, SILA NA BA?

jmria12

AKO PA BA NI ROSE GARCIA(NI ROSE GARCIA)

KATULAD nina Arjo Atayde at Maine Mendoza, heto’t spotted na rin si Ria Atayde kasama ang napapabalitang manliligaw (o boyfriend na kaya?) na si JM de Guzman sa airport.

Biglang naging open na may interes si JM kay Ria dahil sa ginawang pambubuking dito ng kaibigan na si Arci Munoz na siyang leading lady naman ni JM ngayon sa pelikula nilang “Last Fool Show.”

Umalis ang dalawa day after ng pa-thanksgiving sa press ng Atayde family. Nagpa-thanksgiving ang mga ito dahil silang mag-iina ay puro magaganda ang career at napakaraming magagandang opportunity na dumarating. While si Sylvia Sanchez just won another Best Actress award from Sinag Maynila.

Anyway, hindi kami sure kung ang blog site na Fashion Pulis ba ang unang nakakuha ng spotted picture nina JM at Arci sa airport, pero naaliw kami sa mga comments ng netizens na nabasa namin.

Ang isyu nila at naging basehan kung kumpirmadong ang dalawa na nga, yung hindi raw pagdadala ni JM ng maleta ni Ria.

Sabi ng isang comment, “Magbarkada lang ‘yan. Kung sila, eh ‘di sana, tumulong si JM sa pagdadala ng maleta ni Ria.”

Sinagot naman ng karamihan na, pareho silang may dalang maleta, may dalawang kamay naman daw si Ria para hindi nito makayang itulak ang luggage niya.

Sey naman ng isa pang comment, “2019 na, kailangan pa bang hintayin at itulak ang maleta?!”

Anyway, mukhang hindi mapapangatawanan ni JM ang naging pahayag niya kamakailan lang na ang kapal naman daw ng mukha niya kung papasok na naman siya ngayon sa isang relasyon at pagsasabay-sabayin niya na naman.

Although, sa naging pahayag niya na gusto niyang i-keep si Ria as “forever” e, alam na rin na malaki ang interes ng dating boyfriend ni Jessy Mendiola sa kapatid ni Arjo.

 

HUSTISYA SA PAGPASLANG SA HANDLER NI DARREN

 

Hindi kami familiar sa handler raw ni Darren Espanto kaya tiningnan namin ang Facebook account nito. Ramdam sa naging Instagram post ni Darren ang matinding pagka-shock at nanginginig nga raw siya nang mabalitaan niya at hindi makapaniwala.

Tragic ang naging kamatayan sa isang lugar sa Pampanga ng handler niya na si Karen Pelayo o Carmencita Pelayo. Bukod dito, pinatay rin ang kaibigan na kasama.

May asawa at anak ang handler ni Darren at bata pa ang nag-iisang anak na babae nito.

Sa Instagram ni Darren, may mahaba siyang post patuungkol sa pagkamatay ng handler niya at nagbahagi rin ng ilang larawan nila na magkasama.

Sabi ni Darren, “I still couldn’t believe the news of your passing, ate Karen. Nanginginig ako hanggang ngayon kasi di ako makapaniwala sa nabalitaan ko. Actually, ayaw ko maniwala sa totoo lang. Sobra kasing masakit. Napakabuti mong tao.

“You were more than a road manager to me. Inalagaan mo ako at itinuring na parang kapamilya mo at ganoon ka rin sa amin. You are family to us… You will forever be my “Ate Karen.” I will keep all the memories that we had through the good times and the bad and I will always remember the things you’ve taught me in the past. I love you so much and I’ll keep you close to my heart always.”

 

Halos lahat naman ng mga kakilala ni Darren, maging ang ibang celebrities na kilala rin ang handler niya ay hindi makapaniwala sa naging tragic death nito. Hindi lang din mga taong malapit sa namayapang handler, halos lahat ng fans ni Darren ay umaasang magkakaroon daw ng justice ang pagkamatay nito.

Shinare naman ng Mister ni Karen sa Facebook account nito ang post ni Darren at may caption na, “Ate mo Mahal na Mahal ka sobra Darren…”

 

Please follow and like us:
Read More

JM NASA PDEA LIST PA KAYA?

jm123

red(NI ISAH V. RED)

NASA PDEA list pa kaya si JM de Guzman?

Yan ang pangamba ng actor nung makaniig namin sya sa isang presscon para sa pelikulang Last Fool Show na ipalalabas na sa mga sinehan sa buong bansa sa Biyernes sa isang linggo.

“Sana wala na” ika nya. “Hindi ko alam kung naroon pa ang pangalan ko, pero nakakababa, di ba? Hindi natin alam kung ano ang mangyayari.”

Inaamin naman ng actor na minsan ay nalulong sya sa ipinagbabawal na gamot. Pero sya ay nag-rehab ng mga dalawang taon sa isang private facility na hanggang ngayon ay tumututok pa rin sa progreso ng kanyang rehabilitasyon.

Tatlong taon na syang malinis. Pero hindi nya sinasabing magiging ganito na sya habang buhay. “May mga triggers na pwedeng magpabalik sa isang dating gumamit ng droga…gaya ng depresyon, stress, at galit sa mundo. Kinakailangan talaga ng mga support group na magre-remind sa iyo kung ano ang dapat mong gawin.”

Si JM de Guzman ang bidang lalake sa pelikulang Last Fool Show ng Star Cinema. Kasama nya dito si Arci Muñoz na kaibigan nya at dating kaklase sa UP Diliman. Pareho silang Theater Arts major at nagkasama rin sa Dulaang UP.

“Dati sa backstage lang ang trabaho naming. Sa costumes, props, and all that stuff,” paliwanag ni Arci. Nakakabigla na ngayon magkasama pa rin kami ni JM pero sa harap na ng kamera,” kwento ni Arci.

Si JM naman natutuwa at nakasama na nya, finally, sa isang proyekto ang kanyang kaibigan at kaklase. “Ang maganda dyan dahil may pinagsamahan na kami before, komportable na kami sa isa’t isa.”

Mukha nga, kasi sa presscon pa lang, kitang-kita na ito at nakakaaliw silang tingnan kapag naghaharutan.

May nagtanong nga kung may mga eksena silang medyo intimate. Sagot naman kaagad ni Arci, “Ay oo, madami. Pero walang malisya nang ginawa namin ang mga eksena. Panay nga ang tawanan namin.”

Biro naman ni JM, “Sabi lang nya yon.” Nagtawaman tuloy ang mga nandoon sa presscon.”

Z-Pop kasama sa concert ng The Cr3W

Akalain mong mapasali ang dalawang Pinoy sa Korean  Z-Pop Dream Project na itinatag ng K-Pop visionary at Zenith Media Contents CEO Jun Kang. Nagpa-audition si Kang sa buong Asia at sa Pilipinas, dalawa ang napili para mag-training sa South Korea under ng mga experto sa K-Pop.

And napili nila ay sina Carlyn Ocampo na ngayo’y isa na sa mga Z-Pop Girls at si Josh Bautista na miyembro na rin ng  Z-Pop Boys.

Si Carlyn ay dating kasali sa Pop Girls at si Josh naman ay dancer ng G-Force. Sila lang dalawa ang napili sa mga libu-libong nag-audition. Swerte naman nitong dalawang ito.

Ngayong gabi, mapapanood sila, kasama ang ibang mga miyembro ng Z-Pop Girls at Z-Pop Boys sa Smart Araneta Center kasi special guests sila ng The Cr3w na binubuo nina James Reid, Billy Crawford, at Sam Concepcion.

Dumating sa Manila ang Z-Pop Boys and Girls nung March 27 para magpromote ng Z-Pop Dream Project.

“Natutuwa ako sa bagong consepto na ito sa paghubog ng mga future stars,” wika ni Vic del Rosario, Jr,]., Viva Chairman at CEO. Ang Viva ang partner ng Glimmer nag nagre-reprsent ng Z-Pop sa Manila.

Sabi ni Grace Lee, CEO ng Glimmer, “ Through Z-Pop dream, we hope to be able to widen the K-Pop arena to flourish the seed of the dream of Asian talents in realizing their dreams to become pop artists.”

Mag-lo-launch na rin ang Z-Pop groups ng kanilang mga recording debut. Ang Z-Pop Girls ang umawit ng “While Waiting For You” na gawa ng mga top names sa recording industry gaya nina DEJO na taga Sweden at ng Briton na si Abi F. Jones, kasama rin nila ang singer at kompositor na Hapon na si Kanata.

Ang mga Z-Pop Boys ay nag-record na rin ng kanilang single na pinamagatang “No Limit” na prinodyus ng Swedish na si Andreas Ohrn. Magsasama naman ang dalawang grupo bilang Z-Stars sa recording ng Our Galazxy na gawa naman ng Koreanong si Min Young Lee na nakagawa na mga hits para kina Ailee, Girls’Day Sistar, Suran and Turbo.

Ang mga kasama ni Carlyn sa Z-Girls as sina Vanya (Indonesia), Queen (Vietnam), Bell (Thailand), Joanne (Taiwan), Priyanka (India) at Mahiro (Japan).

Si Josh naman ay may mga ka-gupong galing sa Vietnam (Roy), Indonesia (Mavin), Thailand (Blink), Taiwan (Perry), India (Sid) at Japan (Gai).

      Malungkot na katotohanan

Nalungkot naman ako nung nalaman ko na meron palang nag-viral na sex video si Jim Paredes. Kaibigan ko ang miyembro ng Apo Hiking Society mula nung pareho kaming nasa kolehiyo…siya sa Ateneo de Manila University at ako sa kalapit na iskwelahan sa Diliman, ang University of the Philippines.

Natatandaan ko, isang masayahin na tao si Jim, kung minsan seryoso. Sa kanilang tatlo nina Danny Javier at Boboy Garovillo, si Jim na ang pinakamatino. Kasi yung dalawa playful talaga in a nice way.

So, nung naglabasan ang mga komentaryo kay Jim at sa viral video nya, parang hindi ko maitugma sa imahe ng taong nakilalala ko.

Sana naman, kung sino ang nagpakalat ng video na yon, naisip man lang nya na matagal mabura sa isipan ng tao ang ginawa ni Jim, lalu na’t may video. At hindi man lang nya naisip ang magiging epekto nito sa pamilya nung tao.

At kay Jim naman, hindi ko maubos maisip kung bakit, sa edad nyang yan, eh para syang nawala sa sarili at nagpadala na lang sya sa silakbo ng kanyang pagnanasa.

 

 

 

Please follow and like us:
Read More

JM NAPAGKAMALANG BADING NI ARCI MUNOZ

arcijm12

pwede ed deleon(NI ED DE LEON)

Matagal na palang magkakilala sina Arci Munoz at Jm de Guzman. High school pa lang daw nila ay nagkasama na sila sa isang theater group. Pero noon napagkamalan pang bading ni Arci si JM, kasi nga raw karamihan naman ng lalaking sumasali sa mga theater groups bading.

Diretsahang sinabi ni Arci, wala naman daw nanligaw sa kanyang bading. Kaibigan niya ang mga bading pero kung liligawan siya, hindi niya trip. Hindi naman siya against sa LGBT, kasi inamin niya na nagkaroon din siya ng karelasyon na “tomboy”.

Iyan ay kuwento ng tunay nilang buhay. Iba naman ang kuwento ng pelikula nilang Last Fool Show, kahit na iyon ay may kinalaman din sa showbusiness.

Eh ngayon kaya na sinasabi nilang pareho silang libre, magkagustuhan kaya?

Please follow and like us:
Read More

MAY HIT MOVIE NA BA ANG BOYFRIEND NI MAINE?

arjo12

pwede ed deleon(NI ED DE LEON)

MAY nagtatanong sa amin, “may nagawa na bang hit movie ang boyfriend ni Maine Mendoza”?

Admitted naman iyon. Maaaring may nagsasabi ngang mahusay namang artista si Arjo Atayde, pero mukhang wala pa nga yatang pelikulang kumikita na siya ang bida. Iyon namang huli niyang ginawa, hindi naman inilabas sa sinehan eh, dina-download lang sa cellphone at computers. Kailangan pa ngang makagawa si Arjo ng isang hit movie na masasabi niyang kanya.

Puwede naman siguro iyon. Iyon nga lang, kailangang hanapin muna nila ang listahan ni KC Guerrero ng mga director na wala pang kumitang pelikula para maiwasan nila, baka matangay pa siya sa kamalasan.

 

 SI JM DE GUZMAN NAGPAREHAB NAGBAGO; PAANO NA ANG IBA?

Nakakainis na iyang ilang araw nang paulit-ulit na naririnig namin iyang sinasabing 31 mga artistang gumagamit at posibleng nagtutulak din daw ng droga. Eh bakit nga ba hindi pa ilabas kung sino man iyang 31 na iyan para matapos na. Una, matatapos na iyong hulaan kung totoo nga bang mayroong ganyang listahan o wala.

May nagdududa na ngayon na iyang listahan na iyan ay suntok lang sa buwan. Sinasabi nila may 31 sila sa listahan pero hindi nila mailabas kung sino? Ano ang kaibahan niyang 31 artistang iyan doon sa listahan ng 46 na narco politicians na inilabas nila? Naghihintay ba sila na si Presidente Digong pa ang mag-announce niyan para makapagtago sila sa likod ng “presidential immunity”?

Hindi na bago iyang listahang iyan, natatandaan namin late eighties pa sinasabi na noon ni Senador Tito Sotto, na noon ay vice mayor pa lang ng Quezon City, na may listahan siya ng 51 mga artistang gumagamit ng droga. Noon pa man, sinasabi na nila kakausapin muna ang mga artista para magbago, at kung hindi at saka gagawan ng aksiyong legal, eh ilan bang artista ang nagpa-rehab nang kusa?

Iyang si JM de Guzman, nagpa-rehab nang kusa, pero nasaan na iyong iba?

Bakit parang takot na takot sila sa mga artistang addict kung talagang mayroon nga silang listahan. Natakot sila sa mga artistang addict, hindi sila natakot doon sa mga mayor at governor na inakusahan nila. Kung talagang lalabanan natin ang droga, wala na tayong pipiliin, artista man, pulitiko, negosyante at kahit na sino ka pang pilato.

Ang sinasabi ni director Aaron Aquino ng PDEA ngayon, “tumigil na kayo sa bisyo”. Para bang sinasabi, hindi namin kayo mahuli, magpahuli na lang kayo. Hindi ganoon. Kung may listahan kayo, siguruhin ninyo ang bintang ninyo at sampahan na ng kaso iyang mga addict na iyan.

Problema rin ng industriya iyang mga iyan. Darating sa taping bangag, makakapagtrabaho pa ba iyan? Pagdating ng gabi bangag at laklak, ano mangyayari?

 

MABILI ANG SEX VIDEO NG MALE ATHLETE NA “CLOSE TO YOU” KAHIT P500 PER KOPYA

 

Tito KC,  naging hit pala ang sex video ng isang model athlete na kumalat sa internet. Ngayon daw ang bentahan noon ay 500 piso ang kopya, sa iyo pa ang gagamiting flashdrive.

Kung iisipin mahal naman iyon dahil 25 minutes lang ang full video. Pero dahil sumali nga siya sa isang tv show, aba eh may nagda-download na nga raw noon sa isang mall, pero 500 ang bayad. Ang mahal naman.

Pero ganoon talaga ang pinoy eh. Hindi naman iyong sex video ang hinahabol nila roon kung di iyong masabi nila sa tsismis na napanood nila iyon. May alam kaming may clear copy.

 

Please follow and like us:
Read More