JANINE THE THEME SONG DIVA

Janine Tenoso

Kami ang nagbansag sa bagong hitmaker ng Viva Records na si Janine Tenoso as the newest “Theme Song Diva” matapos maging hit ang sunud-sunod niyang cover version ng ilang lumang hit songs na ginawang theme songs ng mga hit movies ng Viva Films tulad ng “Di Na Muli,” ang hit song ng Itchyworms in 2016 na ni-record ni Janine at ginawang theme song ng hit movie na “Sid and Aya (Not A Love Story)” na pinagbidahan nina Anne Curtis at Dingdong Dantes in 2018 na dinirek ni Irene Villamor.  Sumunod dito ang “241” ng Rivermaya in 2003 na ginawa namang theme song ng hit movie ng PPP (Pista ng Pelikulang Pilipino) in 2017 para sa pelikulang “100 Tula Para Kay Estela” na pinagbidahan nina Bela Padilla at JC Santos.

Ang grupong Rivermaya rin ang nagpasikat ng awiting “Ulan” in 1994 ang muling kinanta ni Janine at ginawang theme song ng pelikulang “Ulan” ni Nadine Lustre nung isang taon habang ang awiting “Tag-Araw” na kinompos ni Wency Corjeno at kinanta niya in 1996 nung kasama pa siya sa Afterimage group.

Ang awiting “Tag-araw” na muling ni-record ni Janine  ang ginawang theme song ng blockbuster movie na “Miracle in Cell No. 7” na siyang nanguna sa walong pelikulang kalahok sa katatapos pa lamang na Metro Manila Film Festival na dalawang beses pinanood ni Janine sa sinehan at iniyakan.

Although panay cover ang mga hit songs ni Janine, hindi alam ng marami na isa siyang singer-composer at musician na kanyang sinimulan since she was 16.  Katunayan, ang first single ni Janine na pinamagatang “Fall” ay siya mismo ang nag-compose gayundin ang kanyang latest single na pinamagatang “Umibig Muli” na malamang gamitin din sa isang movie ng Viva Films.

Aminado ang 20-year-old na si Janine na utang umano niya sa awiting “Di Na Muli” ng Itchyworms kung bakit siya agad nakilala ng publiko dahil agad itong nag-click nang gamitin itong theme song ng pelikulang “Sid & Aya (Not A Love Story)”.  Since then ay naging sunud-sunod na ang kanyang pag-awit ng mga theme songs ng mga pelikula ng Viva Films.

Please follow and like us:
Read More