PAULO, JANINE MAGSASAMA SA BAGONG PELIKULA

red(NI ISAH V. RED)

MUKHANG nagiging regular na ang pagsasama ng mga artistang magkaiba ng home studio, partikular na ang Kapuso at Kapamilya.

Habang may hysteria sa pagsasanib pwersa ng dalawang network sa katauhan ni Alden Richards at Kathryn Bernardo sa pelikulang Hello, Love, Goodbye na ipapalabas na sa July 31, heto’t magsasama naman si Paulo Avelino at Janine Gutierrez sa isang pelikula ni Prime Cruz para sa T-Rex Entertainment. Sinulat ito ng GF ni Prime na si Jen Chuaunsu.

Nagpa-presscon angT-Rex nung isang Linggo sa restaurant na pag-aari ng producer ng pelikula ni si Rex Tiri. Naroon si Paulo, Janine, Jen, at Prime.

Ipinaliwanag ng direktor at writer kung tungkol saan ang If We Don’t Make It – yan ang titulo ng pelikula – na sisimulan nang i-shoot kapag naayos na ang schedule ng dalawang lead stars. Isipin nyo na parehong may ginagawang serye ang dalawa, Si Paulo ay nasa The General’s Daughter ng Kapamilya. Si Janine naman ay ang babaeng ipinanganak na isang dragona sa  The Revenge of the Dragon Lady ng Kapuso.

Pero masaya sila na magkakasama sila sa isang peilikula. Yan ang sinabi ng dalawa sa mga miyembro ng media na nandoon sa presscon na binusog ng Limbaga 77 Resto Bar sa pancit bihon, fried chicken, turon at iba pa para yata huwag masyadong magtanong kung anong klaseng pelikula ito.

“Definitely,” pagsisimula ni Prime, “hindi ito romcom.”

Eh, kung hindi nga romcom, ano nga ito. “Pwede sigurong romance o romantic drama, pero hindi heavy drama,” paliwanag ng direktor.

Sabi naman ng kanyang ka-relasyong writer, “Base poi to, at least part of it, sa buhay ni Prime,” sabay bungisngis.

Dagdag pa nya,  “This is about two people with unresolved issues in life, a lot things unsaid, and things that need closure.”

Nakaka-relate daw si Janine dun sa karakter na kanyang gagampanan. “Kasi parang naalaala ko na at some point in time parang me ganoon ding akong experience. Kaya nakaka-challenge na gaganap ako ng isang karakter na medyo malapit sa experience ko pero malayo sa kung sino talaga ako.”

Sabi naman ni Paulo, “Parang masarap balikan ang mga taon ng inyon kabataan.  Parang ganoon ako sa pelikula. May kaibigan pero parang hindi ko nasabi sa kanya ang tunay kong mga nararamdaman hanggang sa nagkahiwalay na kami. Ang tanong, nung magkita kami uli, ano ang mangyayari.”

Ang tanong kasi ng pelikula ay simple lang  na “What if?” Kung sa Tagalog, “Ano kaya?”

Ang pelikula ay nakatakdang i-release sa third or fourth quarter ng taon. That is if the production can complete the film on time.

Bagay naman kaya sina Janine at Paulo, o sa lenggwahe ng ng nagdudunung-dunungan sa pelikula…May chemistry ba sina Janine at Paulo? E di tingnan natin pag ipinalabas na ang pelikula kung magtutugma ang dalawa. Malalaman nya yan sa unang eksena pa lang. Isang malaking challenge kay Prime yan, dahil ang isang romantic film will only work if the audience experiences a spark when the two lead characters meet in the first scene.

KADENANG GINTO HATAW SA RATING

Masayang masaya si Daniela at Romina at panalo ang drama nila Kadenang Ginto  sa ratings nuong July 8. Umabot sa 23.5 porsyento ang viewership ng drama na pinangungunahan ni Dimples Romana (Daniela) at Beauty Gonzales (Romina). Ang figures na ito ay base sa Kantar Media. (Ano naman kaya ang masasabi ng katapat na programa nito sa kabilang bakod?)

May extension na ulit ang serye at pumasok na ang bagong karakter na ipinalit sa namatay na si Roberto Mondragon (Albert Martinez). Si Richard Yap ay ipinakilala sa media nung isang linggo at gagampanan niya ang papel na Leon na maging kakampi ni Daniela sa pag-agaw ng mga kayamanang sinamsam ni Romina nung namatay si Roberto. Tutulung nga ba si Leon o gagamitin lang nya si Daniela? Ano ang kaugnayan niya kay Romina? Yan ang mga aabangan natin sa mga susunod na episode ng Kadenang Ginto.

Samantala, TV Patrol pa rin ang pinanood ng sambayanang Pilipino pagdating sa balita. Talo nita ang 24 Oras ng 7 points sa rating nitong 27.9 % nung Lunes, July 8.

Samantala, panalo pa rin ang FPJ’s Ang Probinsyano (37%) kumpara sa katapat na drama ng Kapuso na Sahaya na nangalahati lang 18.7% nung July 8 din.

O baka magalit ang mga taga Eat Bulaga sa ratings ng kalaban nilang It’s Showtime.  Ang matagal nang noontime show ay nag-rate ng 13.2% nung July 9, samantalang ang palabas ni Vice Ganda ay umarangkada ng 17.4%.

Syempre sasabihin ng Kapuso, ratings yan ng Kantar. Eh, kasi sila sa AGB NUTAM naka subscribe. Hintayin natin ang ratings ng AGB.

 

Please follow and like us:
Read More

BEA AMINADONG TAKOT GUMAWA NG HORROR FILM

BEALONZO22

AKO PA BA NI ROSE GARCIA(NI ROSE GARCIA)

AMINADO si Bea Alonzo na talagang iniiwasan daw niya noon ang mga horror movies dahil matatakutin siyang talaga. May offer raw sa kanya noon na mas bata pa siya pero tingin daw niya, hindi pa siya handa.

Pero buong ningning niyang tinanggap ang bagong pelikula ng Star Cinema na “Eerie” under the direction of young acclaimed director, Mikhail Red at kunsaan, co-star niya si Ms. Charo Santos.

“To tell you honestly, hindi ako gumagawa ng horror kasi, I’m afraid to go to that dark place. Medyo matatakutin kasi ako, alam nina Mik at Ma’am Charo ‘to.

“Kasi, when you do a character, aabutin mo yung lalim na kayang abutin ng character, ‘di ba? Medyo takot akong pumasok sa balon na yun. Pero ngayon, noong nabasa ko ang script na ‘to and when I learned na Ma’am Charo is going to be part of the movie, I just couldn’t say no.”

Tingin daw niya, ito na yung time na umalis siya sa comfort zone niya.

Sa buhay, pinaka-takot daw si Bea na hindi niya magawa ang gusto niyang magawa. Na mawalan siya ng pagkakataon na magawa ito.

Kabaligtaran naman ng co-star ni Bea, ang Asia’s Best Actress na si Madam Charo si Bea dahil ito raw, napakarami ng hinarap na “multo” sa buhay.

Sey niya, “Marami na kong multong hinarap, ay, napakarami. I’ve reached a point that I live at the moment. Hindi ko na masyadong pinag-iisipan ang mga bagay-bagay, I go with the flow.

“Marami nang naharap.”

Mukhang promising nga ang “Eerie” among the so far, mga local horror movies na ipinapalabas. Sa 10 minutes pa lang ng movie na ipina-experience sa ilang media during the presscon, may mga napasigaw na.

Ang ganda rin ng pagkaka-cast sa dalawang aktres. The two generation of movie queen. Halata kay Bea na nandun ang pagka- “overwhelmed” na ka-eksena, co-actor na niya ang dating Presidente ng kinabibilangang network habang si Madam Charo naman ay nakikita mong relax at confident lang.

In fact, nang tanungin ni Manay Ethel Ramos si Bea kung ano ang pakiramdam nito na mas nauna ang pangalan niya sa billing than Madam Charo, obvious ang pagkagulat nito at tila na-tensed.

At pinagdiinang may “and” daw sa pangalan nila, though wala sa poster. Pero si Ms. Charo ay tila dedma lang naman sa billing at para rito, hindi ito issue.

Sa March 27 na ipalalabas.

 

 JANINE GUSTONG GUMANAP BILANG GAMES OF TRONES CHARACTER

 

Dream come true raw para kay Janine Gutierrez ang bagong pinagbibidahang afternoon prime na “Dragon Lady.” Ngayong araw na ito ng Lunes ang pilot episode at pinalitan niya ang time-slot ng Asawa Ko Karibal Ko na unang serye naman ni Rayver Cruz as Kapuso.

“Ako naman,” natawang sabi niya.

Dalawang pangarap daw niya ang natupad. Ang makagawa ng ganitong genre ng serye at ang makapareha si Tom Rodriguez.

“Gusto ko po talagang gumawa ng character na mala-Games of Thrones. Hindi ko nga akalain na sobra pa mabibigay sa akin, magiging dragon lady pa ko, sobrang thankful lang po talaga ko.

“Then, si Tom naman, kahit dati pa, kinukulit ko si Mama, sabi ko, sana makasama ko si Tom at si Dennis Trillo kasi, ang galing nila. Natatandaan ko, umuuwi pa ko ng maaga noon para makapanood ng My Husband’s Lover.”

Kung titingnan si Janine, hitsurang sweet-sweetan lang siya kaya sa totoong buhay kaya, may pagkakataon na nagiging “dragona” rin siya?

“Siguro kapag tinanong niyo ako, sasabihin nilang dragona nga ako. Na as ate, ako ang istrikto, nagagalit, nanggigil at iba pa.”

Pero nagiging dragon lady lang daw siya in real life out of love sa mga kapatid niya. Pero ang sure, natatawang sabi niya, nagiging dragona raw siyang talaga kapag gutom siya.

 

 

 

 

 

 

Please follow and like us:
Read More

BAKIT HINDI NA KUMIKITA ANG MGA LOCAL FILMS?

xian8

(Ni ED DE LEON)

BAKIT  walang nanonood ng mga pelikulang Pilipino? Iyan ang tanong ng director na si Erik Matti. Ibig bang sabihin totoong hindi nila alam kung bakit flop ang mga pelikulang Pilipino?

Simple lang ang sagot namin diyan eh. Kasi gumagawa sila ng mga pelikulang hindi gustong mapanood ng mga tao. Siguro hindi nila alam kung anong klaseng pelikula ang babagay sa kanilang mga artista. Maaaring hindi rin nila alam kung sinong artista ang babagay sa kanilang pelikula.

Ang isa sa mga sikreto ng pelikula, casting. Eh kaso ano ang nangyayari ngayon? Isinasaksak ng mga managers ang artista nila kahit hindi naman bagay at hindi naman kayang magdala ng pelikula. Eh malakas bumulong ang manager eh. Iyon ba namang mga managers marunong magpakete ng artista nila? Karamihan diyan humahawak lang ng schedule, pero hindi alam kung papaano ipapakete ang kanilang mga artista. Wala silang career plan. Kaya sila nilalayasan ng mga artistang ino-OPM lang nila eh.

Isang example, bakit si Enchong Dee ang ginawang leading man ni Janine Gutierrez? Hindi kaya mas kumita iyan kung ang leading man ay si Rayver Cruz? Ganoon din naman, bakit biglang iyong Louise delos Reyes ang leading lady ni Xian Lim? Iyang pelikulang iyan hindi pa man inilalabas sinasabi na naming maghihilahod sa takilya dahil mali ang casting. Hindi sila marunong mag-casting.

Ang pelikula ay ibinabagay sa artista. Tingnan ninyo noong araw, bida sa pelikula si Redford White at kumita ang mga pelikula niya. May panahong iyong si Wengweng naging box office star. Kasi tama ang proyektong ginagawa niya. Noon kasing araw, ang iniisip ng mga director at producers ng pelikula ay kung anong pelikula ang gusto ng masa, hindi iyong kung ano lang ang trip nilang gawin.

Hindi rin puwede iyong ginagawa nilang nababasa lang sila sa Facebook araw-araw. Lalo namang hindi puwede iyong lumabas man sila sa diyaryo, maliwanag namang pra la la lamang ng kanilang mga “kaibigan” na siyempre halata rin namang pra la la lang. Alam naman ng mambabasa kung sino iyong nagsusulat ng press release lang. Hindi ninyo mauutakan ang mga tao ngayon. Hindi nila pinaniniwalaan ang mga pra la la. Hindi na rin nila pinaniniwalaan ang sinasabi ng mga artistang “maganda po ang aming pelikula kaya panoorin ninyo” Wala namang umamin sila sa kanila na gumawa ng pangit eh.

Dapat gumawa sila ng mga pelikulang magugustuhan ng tao, at huwag ninyong sabihin na hindi nila alam kung ano iyan. Nakikita na nila kung anong klaseng pelikula ang pinanonood ng mga tao, bakit hindi sila gumawa nang ganoon? Bakit ipinipilit nila ang gusto nila na ayaw naman ng mga tao.

Puro sila yabang na nanalo sila ng awards abroad, eh iyon pala ang gusto nila eh bakit sila naghahanap ng manonood ng pelikula nila rito? Di isali na lang nila sa festivals abroad, manalo sila ng award pero huwag silang hahanap ng kita.

Sabihin man ninyo sa akin na masama sa kalusugan ang alimango,  hindi ako kakain ng ginisang malunggay kung may alimango akong makikita. Kung nagugutom ako, hahanap ako ng carinderia, at hindi ninyo ako mapipilit na huwag nang kumain at magpagupit na lang dahil barberya ang itinayo ninyo.

Magising na kayo sa katotohanan na bilang director at producers, kayo ay naglalako ng pelikula. Kung hindi gusto ng bibili ang pelikula ninyo, hindi nila bibilhin iyan kahit na i-bargain pa ninyo. Ganyan ang kalakaran sa industriya simula noong araw pa, hindi ninyo mababago iyan. Ang nanonood ng sine ay hindi nadidiktahan, at sa communications, hindi totoo ang sitting target theory. Mahirap ninyong bolahin ang mga tao lalo’t kulang naman sa kredibilidad ang mga nagagamit ninyong mambola.

Iyang pelikula magpapatuloy iyan nang ganyan, hanggang hindi kayo nagbabago.

 

 

Please follow and like us:
Read More

NAKABUNTIS KAY ANDI ‘DI KILALA NI GABBY

andi200

AKO PA BA NI ROSE GARCIA(NI ROSE GARCIA)

Pinangunahan na ni Gabby Eigenmann ang entertainment press na nagtatanong sa kanya tungkol sa pag-amin ng kapatid na si Andi Eigenmann na buntis itong muli sa ikalawang pagkakataon, pero sa ibang Tatay na.

“To be honest, I’m not the right person to be asked,” sabi niya agad.

Alam din daw niya na tatanungin siya kung susuportahan niya ba si Andi, kung masaya ba siya para rito, kapatid daw niya yun, siyempre raw, mahal niya.

Pero sey niya rin, “At the end of the day, malaki na yun. May sarili ng pag-iisip. Adult na ‘yan. Magtu-twenty-nine na next year. Hindi ko na dapat pinakikialaman ang personal nilang buhay.

“I’ll always be a brother to my siblings but I can never be their parent.”

Wala naman na raw siyang magagawa kung ano man ang gustong buhay ni Andi, kung ano man ang desisyon nito at kung saan ito masaya.

“Ano gagawin ko, ‘di ba? Palayasin ko? Hindi naman nakatira sa akin. Idi-disown ko? Hindi naman ako ang nagpapakain sa kanya. Hindi naman kay Andi lang, as a brother, kung saan sila masaya, dun ako. Kung malungkot sila, kung ano ang makakaya ko, pasasayahin ko sila.

“But if I meddle with their personal life, I cannot.”

Kumpara sa Daddy ng panganay ni Andi na si Ellie, talagang naging malapit si Gabby at ang pamilya niya kay Jake Ejercito. This time, hindi pa raw nakikita o naipapakilala sa kanila ni Andi ang ama ng magiging ikalawang anak, ang surfer mula sa Siargao na si Philmar Alipayo.

Pero bilang kapatid, tila sinasabi nito na wala namang bearing whether boto siya sa boyfriend ng kapatid o hindi.

“Sa lahat naman ng minahal ni Andi, well, hindi lang si Andi, sa lahat ng kapatid ko, it was never a question for me kung boto ba ko o hindi. Kasi, kahit sabihin kong hindi ako boto, may magagawa ba ko?

“Sabihin kong boto ko, may magagawa rin ba yun? Wala, it doesn’t matter, ‘di ba?”

Nilinaw naman ni Gabby na wala silang isyung magkapatid ngayon at okay sila. Kapatid niya raw ito kahit na ano pa ang mangyari.

Nahingan ng reaksiyon si Gabby dahil same day ng presscon ng bagong afternoon prime ng GMA-7, na magsisimulang umere sa February 11, ang “Inagaw Na Bituin” ang naging pag-amin ng kapatid na 14 months, 3 days pregnant na.

So far, hindi pa raw niri-reveal sa kanya kung good or bad ba ang tatakbuhin ng character niya. Pero excited si Gabby dahil sa pagkakataong ito, ang mga ka-trabaho niya ay mga kasabayan niya rin noong 90’s na sina Angelu de Leon, Sunshine Dizon, Angelika dela Cruz at Marvin Agustin.

 

-o-

 

Madalas naming nababasa sa ilang mga comments, lalo na yung mga harsh comments ng ibang netizens na maaaring fans ng ibang loveteam kaya mainit ang dugo naman sa JaDine nina James Reid at Nadine Lustre kung nasaaan na raw ang mga ito.

Nandiyang, bakit wala na raw silang serye? Bakit wala ng nababalitang ginagawa nila at marami pang mas negative comments sa dalawa.

Tulad dati, dedma lang talaga sina James at Nadine sa mga bashers nila at hindi nagpapa-apekto. Kung sisilipin ang parehong Instagram accounts nila, iba ang passion nila pagdating sa music. In fact, sila mismo ang gumagawa ng music at MTV nila.

Ang balita namin, hindi pa tapos i-shoot ang pagbibidahang remake ng Pedro Penduko ni James dahil nagkaroon ito ng injury na kailangan pang pagalingin, pero tuloy pa rin daw ito from our source.

Si Nadine naman, malapit ng ipalabas ang pinagbibidahang pelikula under VIVA Films, ang “Ulan” na dinirek ni Irene Villamor. Kung walang mababago sa nalaman namin, posibleng ito na raw ang isusunod ng VIVA Films na ipalalabas nila after Hanggang Kailan.

Kaya sa mga bashers ng dalawa, hindi naman pala totoo na puro out-of-town at wala ng ginagawa ang mga ito.

 

-0-

 

Sa February 6 na ipalalabas sa mga sinehan ang Regal Film’s “Elise” movie na pinagbibidahan nina Enchong Dee at Janine Gutierrez. Nag-press preview na ito kaya napanood na namin.

Tama ang sinabi ni Janine na mga ilang minuto na ang movie bago siya mapapanood at more on Enchong film talaga ito. Pero, hindi pupuwedeng menosin ang existence ni Janine sa movie.

Pagkaganda-ganda lalo ng girlfriend ni Rayver Cruz sa big screen, ha! At ibang Janine rin dahil mas carefree, independent at yes, kissing scene kung kissing scene talaga sila ni Enchong.

The movie talks about forever in a different level. It also talks about moving-on kaya pasok talaga ngayong Valentine’s Day. Iba ang insights ng director ng pelikula na si Direk Joel Ferrer pagdating sa love kaya sana panoorin ito ng mga manonood.

At tingin namin, personal experience niya ang kuwento ng Elise.

 

 

 

Please follow and like us:
Read More

JANINE, RAYVER NAGSAMA NA SA US PERO ‘DI PA MAG ON

AKO PA BA NI ROSE GARCIA(NI ROSE GARCIA)

SA kabila nang nagbakasyon na sa America nitong Holidays sina Janine Gutierrez at Rayver Cruz at matagal na rin silang nakikitang magkasama, sweet sa isa’t-isa, hindi pa pala “officially yours” ang dalawa.
Actually, nagulat kami na hindi pa pala sila official. Dahil all the while talaga, akala namin ay openly, sila na.
“Hindi pa, hindi pa,”natawang sabi ni Janine.
Wala raw silang date or anniversary.
“Wala po, wala pa po talagang ganun.”
Sabi pa niya, “Well, for me kasi, mas importante yung relationship kesa dun sa label. Meron na official na mag boyfriend-girlftiend, pero hindi naman sila masaya.”
Inamin naman ni Janine na base na rin sa past experiences niya kaya ayaw rin daw niya ng masyadong madaliin o seryosohin.
One week lang daw ang naging U.S. vacation nila kunsaan sumama si Rayver at nakasama sa bonding naman nilang magkakapatid kasama ang ama na si Ramon Christopher.
Mas naging masaya raw ang bakasyon na kasama nila ang rumored boyfriend.
“Nanood kami ng N.B.A. kasi pareho kaming super fan ng Lakers. Nag-Disneyland kami at kumain ng kumain. Talagang para kaming turista.”
May bagong movie naman si Janine, kunsaan, may kissing scene sa pelikulang sila ni Enchong Dee sa “Elise,” ang Valentine’s offering ng Regal Films ngayong February 6.
“Meron, meron… eh, ako kasi medyo nerbiyosa talaga ko kapag merong kissing scene.
“Pero dahil si Enchong ang kasama ko, mas naging kumportable ako dahil si Enchong ang kasama ko.”

KUMPORTABLE DAHIL KAY ENCHONG DEE

Malapit na magkaibigan sina Enchong at Rayver at natatawang kuwento ni Janine, sa kanilang dalawa, mas si Enchong pa raw ang na-awkward.
“Ako kasi, ginamit ko na lang ang nerbiyos ko sa eksena kasi, ninenerbiyos talaga ko run. Si Enchong, nakakatawa kasi, siya ang awkward dahil bestfriend niya si Rayver.
“After ng scene, nagdyo-joke siya na, I think I lost a friend.”
Sa isang banda, kahit na hindi pa raw sila official ni Rayver, sinabi rin daw niya rito ang tungkol sa ginawang kissing scene nila.

SAY NI KATRINA:  SIKAT AKO

(SUKLAY DIVA YATA ‘ YAN)

First major concert ni Katrina Velarde o mas kilala bilang si Suklay Diva ang “SiKAT Ako” concert niya sa New Frontier Theater on February 1.
Hindi raw siya nainip na mabigyan ng pagkakataon na mag-stage ng sarili niyang concert at tingin niya rin, this could be the right time, though aminado itong nandoon ang kaba dahil mas malaking venue nga naman kumpara sa mga intimate venues like Music Museum.
Eh, kung ipapakita on stage, kakabahan pa ba siya? Since 6 year old ay kontesera na siya at “classmate” niya sa mga singing contests noon pa si Angeline Quinto.
Nahasa pa siya lalo sa mga shows/concert ni Gary Valenciano na madalas din ay kasama siya. And yes,  isa rin sa special guest niya si Gary V sa concert niya.
At 24 napakarami ng hirap na pinagdaanan ni Katrina. Mula sa pagtutuhog at pagtitinda ng sampaguita, single mommy sa kanyang 3- year old baby boy at nagkaroon pa ng bell’s palsy, survivor rin talaga siya na certified Tondo girl.
Ayon kay Katrina, “Kung hindi niyo po alam na may Bell’s palsy ako, hindi niyo mahahalata, pero hindi pa rin ako fully healed.”
Sa lahat daw ng mga pinagdaanan niya, ang pagkakaroon ng ganitong sakit siya pinaka-natakot.
“Inisip ko po, paano pa ko makakakanta? Yun po ang talaga ang ginagawa ko. Ipinagpalit ko nga po pag-aaral ko. So, natakot po talaga ko.”
At double meaning man ang title ng concert niya na SiKAT ako. Una, hango sa pangalan niya talaga at sa social media, puwede naman talaga niyang i-claim na sikat nga siya.
Sikat siya sa mga pagsubok at pagiging survivor.

 

 

 

Please follow and like us:
Read More