SEX TRADE SA MALLS SA MAYNILA PINAIIMBESTIGAHAN NI ISKO

(NI HARVEY PEREZ)

PINAIIMBESTIGAHAN ni  Manila Mayor Francisco ‘Isko Moreno’ Domagoso ang umano’y laganap na sex trade sa  bisinidad ng Quiapo, Maynila.

Ipinaabot ni Moreno ang kanyang mensahe  sa mall administrator na ipinaabot ni Moreno sa pamamagitan ni Secretary to the Mayor Bernadito Ang, kung saan binalaan nito ang mga mall operator na tiyakin na walang magaganap na  prostitusyon sa lugar.

Nalaman rin na ang nabanggit na mall ay ginagawa  ng mga call boys ng mga bakla naghahanap ng makakatalik kung saan sa halagang P150 ay binabayaran ang mga kabataang lalaki para sa oral sex.

Kalimitan umanong ginagawa ang pagtatalik sa rest rooms ng malls at ilang lumang sinehan sa Maynila.

Inutusan ni Moreno ang mall operators na maglagay ng mga roving guards para maitaboy ang mga call boy at mga babaeng nagbebenta ng panandaliang aliw sa loob ng malls.

Matatandaan na  ipinasara ni Moreno ang Isetann mall dahil sa ilang paglabag pero muling binuksan matapos na matugunan ang kanilang kakulangan ng magbayad ng P2 milyon.

Please follow and like us:
Read More

MET BUBUHAYIN NI ISKO

(NI DAHLIA S. ANIN)

NANAWAGAN si Manila Mayor Isko Moreno sa National Commission for Culture and Arts (NCCA) at Government Service and Insurance System (GSIS) na ilipat na lamang sa pangangalaga ng Maynila ang isa sa pinakamatandang teatro sa Pilipinas, ang Metropolitan Theater.

Nasa pangangalaga ng GSIS ang teatro mula 1996 at ibinenta ito sa NCCA noong 2015.

Gumastos umano ng P270 million ang gobyerno para sa rehabilitasyon nito, ayon kay dating Budget Secretary Butch Abad, pero makalipas ang apat na taon ay sinira ito ng mga informal settlers kaya naman hindi na ito muli pang nabuksan sa publiko.

“Kung hindi niyo kayang i-maintain, ibigay niyo na lang sa amin, ime-maintain namin,” ayon kay Moreno, sa isang press conference.

Ayon pa kay Moreno, 100 taon na ang Philippine Cinema, ngunit nanatili pa ring bulok ang Metropolitan Theater.

Wala rin umano kay Moreno kung ibabalik nang libre o papabayaran ang nasabing tanghalan.

“It doesn’t matter, if they ask money from us or libre….From one pocket of the government lang yan to another. Wala namang kikitang private individual,” ani pa ni Moreno.

Gagamitin umano ang MET theater, bilang tangahalan ng cultural shows, dahil nais ni Moreno na patuloy na mag-invest para sa mga pamana at tradisyon ng lungsod.

“We will think of something to revive it, with the help of our friends in showbiz,”dagdag pa ni Moreno.

Nais itulak ng administrasyon ni Mayor Isko na ibalik ang dating ganda ng dating Maynila, maging ang pagiging sikat nito sa turismo at entertainment districts.

“Totoong madumi at dugyot ang Maynila, but our heritage and history is something others can’t take away from this city. I will invest on that,” pagtatapos ni Moreno.

 

Please follow and like us:
Read More

MAYNILA MAGHIHIGPIT SA CURFEW SA MINORS

(NI DAHLIA S. ANIN)

AABOT sa 20 menor de edad ang nasagip sa lansangan ng Maynila matapos magsagawa ng surprise inspection si Manila Mayor Isko Moreno.

Dismayado si Moreno nang makitang maraming kabataan ang pakalat-kalat sa lansangan kahit disoras na ng gabi, at nakita pa niyang nagsosolvent at umiinom ng alak ang iba.

Nais ng alkalde na maging istrikto sa pagpapatupad ng ordinansa ng curfew sa lungsod simula ngayong Lunes.

Ipatatawag ni Moreno ang mga precinct commander upang pulungin kaugnay sa curfew sa lungsod.

Ang curfew ay ipatutupad mula alas-10 ng gabi hanggang alas-4:00 ng madaling araw sa mga menor de edad ayon sa Ordinance No. 8547.

May multa na P2,000 para sa mga 15-17 years old. P3,000 naman sa mga 13-14 years old.

Nasa P5,000 naman at anim na buwang pagkakakulong ng magulang sa mga batang may edad na 12 years old pababa ang ipapataw.

Nagpaalala naman si Moreno sa mga magulang na bantayan at gabayan lagi ang kanilang mga anak upang maiwasang mapariwara ang mga ito.

 

Please follow and like us:
Read More

20 TONELADA NG CHINESE MEAT IBINAON SA DUMPSITE

(NI HARVEY PEREZ)

IBABAON ang may 20 toneladang botcha na Chinese meat  na may street value na P20 milyon na nakumpiska sa may siyam na bodega sa pangunguna ni Manila Vice Mayor Honey Lacuna ,Veterinary Inspection Board-Social Enforcement Squad, nitong Lunes sa Juan Luna , Tondo, Maynila.

Ang mga botchang karne ay itinurn over ng  Veterinary Inspection Board-Special Enforcement Squad  sa Department of Agriculture -National Meat Inspection Service.

“Sir, for your info,the meat are on its way to the dumpsite Rizal- doon po natin ibabaon. Disposal protocol will be followed and Region 4A incident command center will be on top of situation on disposal,” ayon sa report ni Dr. Rieldrin Morales, ng Crisis Management Team of Department of Agriculture (DA) kay Manila Mayor Francisco ‘Isko Moreno’ Domagoso.

Kaugnay nito, pinasalamatan naman ni Moreno si Lacuna , VIB at NMIS dahil sa pagtupad sa kanyang tagubilin para sa kapakanan ng mga taga Maynila.

Kasabay nito, nalaman na iniimbestigahan na ng Special Mayors Reaction Team (SMaRT) ang mag-amang Chinese na sina  Johann Sim at Won Hong Cheng, may-ari ng bahay na sinalakay sa 2114 Juan Luna St. Gagalangin,Tondo kung saan natagpuan ang mga Chinese meat, gayundin ang dalawang driver at isang Chinese na pumasok sa bahay sa kasagsagan ng raid.

Kasunod nito,ipinahahanda na ni Moreno sa City legal at BPLO ang pagsasampa ng kaso laban sa mga natirang indibidwal na nagbebenta ng hot meat, sangkot sa storage at distribusyon at may-ari ng mga apartment.

Kabilang sa mga nakumpiska ay ang duck blood  111.5 kls.; duck (whole, half, and other byproducts  11,950.24 kls.;
chicken 459.86 kls. ; pork meat and other byproducts 868.8 kls.; beef 156.9 kls.; processed food 91.7 kls.; black chicken 11.3 kls.; lamb 695.7 kls ; other meat products 222.4 kls ; chicken feet 21 kls.; fish 10,5 kls.; at sea weeds 43.5 kls.

 

Please follow and like us:
Read More

LIBRENG WIFI SA ISKONEK BONIFACIO SHRINE

(NI HARVEY PEREZ)

MAKATATAMASA na ang publiko ng libreng wifi connections  sa Bonifacio Shrine makaraang  ilunsad ni Manila Mayor Francisco “Isko Moreno” Domagoso  ang bagong  WiFi Kiosk  na tinawag na  “ISKOnek” sa Andres Bonifacio Shrine,

Bukod umano sa libreng wifi connections  maaari rin magamit ng publiko  ang kiosk para sa landline calls, social networking at video calls.

Isinagawa ng alkalde ang launching ng ISKOnek pasado alas 6:00 ng gabi noong Miyerkoles.

Sinabi ni Moreno, hindi lamang ang Bonifacio Shrine ang lalagyan ng libreng wifi  connections kundi maging ang iba pang lugar sa Maynila.

Lalagyan din ng libreng wifi ang mga hospital at iba pang  mga lugar sa Maynila na malimit na puntahan ng mga tao.

 

Please follow and like us:
Read More

BASECO SINUYOD, 2 PATAY; 1,000 BINITBIT

(NI HARVEY PEREZ/PHOTO BY MAYA FELIZA)

BINITBIT ng pinagsanib na puwersa ng Philippine National Police (PNP), Manila Police District at CIDG ang may 1,000 kalalakihan  at dalawa naman ang namatay nang manlaban sa   isinagawang  Simultaneous Anti-Criminality Law Enforcement Operation (SACLEO ), Linggo ng hapon sa Baseco, Port Area, Maynila.

Isinagawa ang pagsalakay sa naturang lugar alas 2:00 ng hapon kung saan nabulaga ang mga residente.

Ang operasyon ay isinagawa sa tugon sa kautusan ni  Manila Mayor Francisco ‘Isko Moreno’ Domagoso na linisin ang Baseco sa kriminalidad at droga.

Nabatid na ang operasyon ay pinangunahan ni PColonel Antonio Yarra, deputy director ng MPD.

Isasailalim umano sa beripikasyon ang lahat ng kalalakihan na inaresto at binitbit sa basketball court.

Ang  mga kalalakihan na may records, warrant of arrest at sangkot sa droga ay ihihiwalay habang pauuwiin naman ang mga walang kaso.

Habang isinusulat ang balitang ito ay patuloy pa rin ang operasyon.

Inaalam pa ng pulisya ang pagkakilanlan ng dalawang nasawi matapos na manlaban sa mga pulis.

 

 

Please follow and like us:
Read More

DORMITORYO SA MAYNILA IINSPEKSIYUNIN

(NI JULIE DUIGAN)

MISMONG si  Manila City Mayor Isko Moreno ang nag-utos na inspeksiyonin ang lahat ng dormitoryo sa lungsod upang mabatid kung sumusunod sa patakaran ang mga ito.

Ngayong Miyerkoles ay nilagdaan ng alkalde ang Executive Order No. 25 na nag-aatas sa paglikha ng komite na mag-iinspeksiyon sa lahat ng dormitoryo sa lungsod upang matukoy kung tumatalima ang mga ito sa itinatakdang panuntunan at regulasyon para sa kanilang operasyon at maintenance.Itinalaga ni Moreno,  si Manila City Administrator Felixberto Espiritu bilang chairman ng komite at si City Legal Officer Atty. Emeterio “Jun” Moreno bilang vice chairman.

“The committee shall ensure that dormitories, boarding houses, rooms for rent and such allied businesses in the City of Manila are complying with regulatory requirements governing busniess operations and safety building standards, including that of the Building Code, the Fire Code and Ordinance No. 4765,”  anang executive order.

Sa ilalim ng kautusan, inaatasan ang komite na bumuo ng composite teams na kinabibilangan ng mga inspektor sa Department of Engineering and Public Works (DEPW), Manila Health Department (MHD), Bureau of Fire Protection (BFP) at iba pang departmento, tanggapan at kawanihan sa lungsod.

“The composite team shall conduct actual inspections under the supervision of the executive director or his representatives,” anang kautusan.“The committee, based on the evaluation report of the composite team, shall make recommendations to the Honorable Mayor, on the approval/disapproval of licenses of these establishments,” dagdag pa ng alkalde.

Please follow and like us:
Read More

DAGDAG-PWERSA NG NCRPO IBIBIGAY SA BASECO

(NI ROSE PULGAR)

BUNSOD ng kautusan ni Manila Mayor Isko Moreno, magdaragdag

ng pwersa ang National Capital Region Police Office (NCRPO) upang linisin ang kontra droga sa buong Baseco Compound sa Tondo, Maynila.

“Maybe because of his instruction, we will provide more muscle and more personnel to add up to the personnel who are conducting operations already in Manila, gagawin natin lahat. You know Manila is one of the hotbeds in drug problem as well as the whole Metro Manila because we have some peculiarity in Metro Manila, all the barangays have depressed area,” pahayag ni NCRPO Chief Police Major General Guillermo Eleazar.

Sinabi ni Eleazar, nito lamang nakaraang araw ay ipinag-utos ni Moreno sa Manila Polic e District (MPD), Philippine Drug Enforcement Agency (PDEA) at sa mga barangay officials na linisin ang buong Baseco Compound kontra droga at loose firearms.

“Pag nalinis natin ‘yan (Baseco), wala na tayong hindi malilinis sa Maynila,” ayon kay Moreno.

Mariing sinusuportahan ng alkalde ang mahigpit na kampanya ng gobyerno kontra droga

 

Please follow and like us:
Read More

3 CENTENARIANS, DINALAW BINIGYAN NG TIG-1OO-K NI ISKO

(NI HARVEY PEREZ)

TATLONG centenarian ang tumanggap ng tig-P100,000 kay  Manila Mayor ‘Isko’ Moreno Domagoso bilang bahagi ng kanilang benepisyo, alinsunod sa  Centenarians Act of 2016.

Sa ilalim ng batas, ang mga Filipino na tumuntong ng 100 taong gulang ay pagkakalooban ng P100,000 cash gift mula sa pamahalaan.

Hindi na pinangalanan ni Moreno ang tatlong centenarians na personal niyang  dinalaw, Huwebes ng gabi sa iba’t ibang lugar sa lungsod.

“Kesa sila ‘yung papupuntahin, kami na lang pupunta sa kanila,” ayon kay Moreno.

Nabatid  na maarimg mai-encash agad ang tseke para maipamhili nila ng  pagkain, bitamina, damit at iba pang pangangailangan ng mga centenarians.

Nalaman na ang lahat rin  ng   senior citizen sa lungsod  ay bibigyan ng tig-P500 buwanang allowance mula sa lokal na pamahalaan matapos na lagdaan ni Moreno ang isang ordinansa.

Gayundin ang mga grade 12 students, mga persons with disabilities (PWDs), at solo parents.
Ayon sa stadistika sa Office of the Senior Citizen’s Affairs (OSCA) ng Manila City government, umaabot sa 168,000

Manileños ang nagkaka-edad na ng 60-taong gulang.

Ang mga senior citizen ay bibigyan  ng ATM cards, para hindi na sila magpunta sa city hall at ang ATM cards ay maaari rin umanong magamit bilang senior citizen’s ID.

Aabot sa  P1.11 bilyon ang gugulin  ng lokal na pamahalaan para sa naturang pension program ng mga senior citizen, PWDs at Grade 12 student.

Please follow and like us:
Read More

P1-K ALLOWANCE NG PLM, UDM STUDENTS, OK KAY ISKO

(NI DAHLIA S. ANIN)

MAKATATANGGAP ng P1,000 allowance kada buwan ang mga estudyante ng Pamantasan ng Lungsod ng Maynila at Universidad de Manila na may ‘good standing’ mula sa gobyerno ng lungsod ng Maynila.

Ang City Ordinance No.8568, na pinirmahan na ni Manila Mayor Francisco “Isko Moreno” Domagoso noong Miyerkoles, ay nagsasaad na makakatanggap ng P1,000 ang mga ‘qualified students’ mula sa PLM at UDM.

Naroon ang Presidente ng UDM na si Atty. Ernesto Macedo at PLM President na dati ding Social Welfare undersecretary na si Emmanuel Leyco ng pirmahan ni Mayor Isko ang ordinansang ito sa Manila City hall.

Parte din ang ordinansang ito ng ‘social amelioration program’ ng lungsod upang makapagbigay ng kabuhaya  sa mga senior citizen at PWDs, at maayos na pangangalaga sa kalusugan para sa mga residente ng lungsod.

Nauna ng pinirmahan ni Mayor Isko ang dalawang ordinansa na magbibigay ng financial assistance para sa mga grade 12 students mula sa mga pampublikong paaralan, solo parents, person with disabilities, at senior citizens.

 

Please follow and like us:
Read More

PAG-BAN NG E-TRIKES SA MAYNILA IGAGALANG NG DOTr

(NI KEVIN COLLANTES)

IGAGALANGng Department of Transportation (DOTr) ang kautusan ni Manila Mayor Isko Moreno na i-ban o ipagbawal na ang mga e-tricycles (e-trikes) sa lungsod.

Sa isang kalatas, sinabi ni DOTr Undersecretary for Road Transport and Infrastructure Mark Richmund de Leon, na sakop ng mga local government unit (LGU) ang pagbibigay ng prangkisa upang makapag-operate ang mga tricycle sa kanilang hurisdiksyon.

Nilinaw rin niya na ang naunang Memorandum Circular na inilabas ng DOTr at Department of Interior and Local Government na nagbabawal sa mga tricycle sa national roads at papayagan lamang silang gumamit ng municipal at city roads.“Joint Memorandum Circular 001 Series of 2017 of the DOTr and the DILG expressly states that ‘tricycle operation should only be confined along city or municipal roads, not along national roads, and is limited only to routes not traversed by higher modes of public transport’,” ayon pa kay de Leon, sa isang pahayag.

Binibigyan rin umano nito  ng kapangyarihan ang mga lokal na pamahalaan na payagan ang pagdaan ng mga tricycle sa national highway kung walang ibang daan o walang ibang mode of transportation sa lokalidad.

Idinagdag pa ni de Leon na kailangang maglabas ng detalyadong memorandum ang Land Transportation Office (LTO) na may kaugnayan sa pagpaparehistro ng mga e-trikes, e-bikes, at e-scooters.

“As the DOTr recognizes the full authority of Mayor Isko to cancel the franchises of e-tricycles in his city, we shall remain willing and ready to assist the City of Manila in rationalizing its public transportation system to improve the commuting experience of the public through enhanced mobility and connectivity,” aniya pa.

 

Please follow and like us:
Read More

KELOT TIMBOG SA LECHON ASO

(NI JULIE DUIGAN)

SWAK sa selda ng Manila Police District ang isang 44-anyos na tambay, makaraang maaktuhang nagli-lechon ng aso sa Baseco  Compound sa Port Area, Manila, Huwebes ng tanghali.

Inihahanda na ang kasong paglabag sa Animal Welfare Act sa suspect na si Jovie Lebrando.

Batay sa ulat ni P/Major Rosalino Ibay Jr., hepe ng Special Mayor’s Reaction Team, bandang 11:30 ng tanghali , nang makatanggap ng tawag ang kanyang opisina sa aktibidades ni Lebrando sa nasabing lugar sa Brgy.654, Port Area.

Dahil dito, agad na nagsagawa ng pagsalakay ang kanyang mga tauhan at naaktuhan ng bandang alas-12:55 ng tanghali na nagluluto ng lechon aso ang suspek.

Si Lebrando ay iniharap kay Manila Mayor Isko Moreno, saka ito isinelda para sampahan ng kaso.

 

 

Please follow and like us:
Read More

2 ‘SPIDERMAN’ HULI SA DIVI

(NI HARVEY PEREZ)

NASAKOTE ng mga operatiba  ng Special Mayor’s Reaction Team (SMaRT),ang dalawang  tinatawag na “Spiderman” ng Divisoria na nasa likod ng  pagnanakaw ng kuryente ng Manila Electric Company(Meralco), Lunes ng gabi sa panulukan ng Juan Juan Luna St. at Claro M. Recto Avenue, Tondo, Maynila.

Kinilala  ni PMajor Rizalino Ibay ang mga suspek na sina Amador Cabauatan, 72 , vendor, ng  # 1008 Juan Luna St, Tondo, Maynila ; at  Christian Garcia, 37 , vendor, ng # 969 Dagupan St, Tondo, Maynila.

Alas 6:00 ng gabi nang maaktuhan ng mga SMaRT, sa pangunguna ni  PMaj Cicero Pura at  PCapt Edward Samonte, ang pagkakabit ng iligal na koneksiyon ng kuryente ni Garcia, sa utos ni Cabauatan.

Iprinisinta ni Manila Mayor Francisco ‘Isko Moreno’ Domagoso sa mga mamahayag ang dalawang suspek na sasampahan ng kasong paglabag sa RA 7832 (Anti Pilferage Act) .

“Ito yung mga Spiderman ng Recto. Dapat magbayad sa akin ang Disney, Marvel. Kaya lang, nahuli siya ng Avengers,” birong pahayag ni Moreno.

Nabatid na isinailalim sa surveillance ang dalawa  matapos ang mga ibinigay na impormasyon ng mga concerned citizen sa malawakang iligal na koneksiyon ng kuryente sa Divisoria kung saan nakumpiska sa kanila ang mga electrical wires, screwdrivers at pliers.

Sinabi ni Moreno na wala naman silang tutol sa pailaw sa Divisoria kapag gabi dapat lamang ay gawin nilang legal.

 

Please follow and like us:
Read More

TAUHAN NG MTPB ARESTADO SA KOTONG

(NI JULIE DUIGAN)

MISMONG si Manila Mayor Francisco ‘Isko Moreno’ Domagoso, ang nag-alis ng uniporme at identification card ng isang  tauhan ng Manila Traffic and Parking  (MTPB) na nakunan ng video sa aktong nangongotong  sa kanyang sinitang nakamotorsiklo, nitong nakaraang Hulyo 15 ng gabi sa Rizal Avenue, Manila.

Sa loob  ng bahay kinuha ng mga tauhan ng Special  Mayor’s  Reaction Team (SMaRT), ang suspek na si  Ricardo Galit, 44, Job Order –Traffic Enforcer, ng Baseco Compound, Port Area.

Sa pagharap sa mga mamamahayag, inamin ng suspek na nagagawa niya ang mangotong dahil mayroon umano siyang ‘quota’ na P13,000 kada buwan  na ibinibigay sa kanyang sector commander na si  Charlie Espiritu  na ibinibigay naman sa isang tanggapan sa Manila City Hall.

Sa ulat, nabatid na nag-viral ang video na ipinost ng isang concerned citizen kung saan nakitang inaabutan ng P500. ng motorista ang suspek may caption pa umano na “Nagpalit lang kayo ng kulay dati kahel, ngayon kulay blue, pero ganun rin” noong Hulyo 21.

Sanhi nito, kaagad ipinahanap ni Moreno sa SMaRT  ang naturang  MTPB at dinala sa City Hall.

Bukod sa pagsibak sa tungkulin, sinabi ni Moreno na mahaharap sa kasong robbery extortion ang suspek.

Kasabay nito, nagbabala si Moreno sa mga supervisors at sector commander ng MTPB na susunod na silang aarestuhin.

“Sa susunod may marked money na, kaya kayong mga supervisor, sector commander, susunod na kayo pag hindi kayo huminto. Saan kayo nakakita na sinasabi na sa inyo ang gagawin, mabigat din sa akin ang ganito pero bahagi ito ng pagsasaayos na ginagawa natin sa Maynila,”ayon pa kay Moreno.

Please follow and like us:
Read More

532 KILO NG BOTCHA NAKUMPISKA SA DIVISORIA

(NI HARVEY PEREZ)

NAKUMPISKA ng mga tauhan ng  Manila Veterinary Inspection Board (VIB), ang may 532 kilo ng “botcha” o  ‘hot meat’ na itinitinda sa kahabaan ng El Cano Street Miyerkoles ng hapon sa Divisoria,Maynila.

Dakong alas 2:15 ng hapon nang makumpiska ang mga parte ng baka sa nabanggit na lugar na tinatayang may street value na 80,000.

Ang operasyon ay ginawa ng VIB matapos ang impormasyon na ibinigay ng isang concerned citizen sa pamamagitan ng social media.

Nang dalhin kay Manila Mayor Francisco “Isko” Moreno Domagoso ,hinikayat nito ang mga nagtitinda ng ” botcha meat” na ihinto na ang pagtitinda nito dahil masasayang lang ang kanilang mga puhunan.

“Botcha sa umaga botcha sa hapon ayaw nilang tumigil ,”ayon kay Moreno.

“Basta hindi ininspeksyon ng accredited slaughterhouse, hindi ito safe,” dagdag pa ni Moreno.

Kasabay nito,pinayuhan ni Moreno ang publiko na maging maingat sa pagbili ng karne dahil peligroso ito sa katawan ng tao.

 

Please follow and like us:
Read More

PAROJINOG GANG NASA LIKOD NG METROBANK ROBBERY

(NI HARVEY PEREZ)

KILALA na ng  Manila Police District (MPD), ang limang suspek na.konektado sa Parojinog.group  sa naganap na bank robbery sa may Sto. Cristo branch  sa Binondo, Maynila noong Hulyo 11 ng umaga.

Ipinakita nina Manila Mayor Francisco ‘Isko Moreno’ Domagoso at MPD Director PBGen Vicente Danao Jr. sa ginanap na media briefing, ang larawan ng  limang Person of Interest (POI) ng pulisya sa naganap na bank robbery

Kinilala ni Danao ang limang POI na sina  Gilcar Domagan Mofan, alyas ‘Jing Mofan,’ at Marlon ‘Ailon’ Parojinog, na kapwa itinuturing umanong mga lider ng grupo at may nakabinbing warrant of arrest sa kasong murder.

Itinuturing din naman na persons of interest sina Noli Bonifacio Casuela, alyas ‘Lito Dapitan,’ Michael ‘Batang’ ‘Pilay’ Calunod, at Frederex Secretario.

Sinabi ni Danao, ang pagkakakilanlan ng lima ay natukoy nila base na rin sa mga pahayag ng ilang saksi sa holdapan, at matapos na makakuha ng mga larawan ng mga ito mula sa kopya ng CCTV footage ng banko na hindi natangay ng mga magnanakaw.

Nalaman na nakasuot umano ng uniporme ng security guard ang dalawa sa mga suspek habang naka-Grab uniform ang isa pa.

Samantala, muli  namang nag-alok si Mayor Isko ng P1 milyong pabuya para sa kung sinuman ang makapagtuturo o makapagbibigay ng impormasyon sa kinaroroonan ng mga naturang persons of interest.

Sanhi ng paglabas ng mga larawan ng POI inaasahan ni Moreni na agarang madarakip ang mga sangkot sa holdapan at makikipagtulungan ang pamunuan ng Metrobank para sa agarang paglutas ng insidente.

Una nang  sinabi ni Danao na posibleng inside job ang insidente matapos na papasukin ang mga suspek kahit hindi pa bukas ang bangko at naka-helmet pa ang ilan sa mga ito.

Hanggang sa ngayon,hindi pa rin umano idinedeklara ng Metrobank ang halaga ng natangay na salapi at hindi pa rin nagsasampa ng reklamo sa pulisya.

Please follow and like us:
Read More

MAYOR ISKO NAKATANGGAP NG DEATH THREATS

(NI HARVEY PEREZ)

NAKATATANGGAP na umano ng mga pagbabanta sa kanyang buhay si Manila Mayor Francisco ‘Isko Moreno’ Domagoso sa kabila ng pagsusumikap na maisaayos ang Lungsod ng Maynila.

Ito ang ibinulgar n Councilor Manuel ‘Letlet’ Zarcal, ng ikatlong Distrito at malapit na kaibigan ni Moreno na ang mga pagbabanta ay nanggagaling umano sa iba’t ibang sources na malamang na nasagasaan ni Moreno sa isinasagawa niyang pagsasaayos ng Maynila.

Si Moreno ay may dalawang linggo pa lamang nanunungkulan bilang alkalde ng Maynila.

Sinabi ni Zarcal na hindi naman pinapansin ni Moreno ang death threat dahil alam nito na bahagi iyon ng mangyayari sa kanya dahil sa desisyon niya na ibalik sa publiko ang kalsada ng Maynila.

“Sabi ni mayor, hazards of the job daw ‘yun and only meant to derail his efforts to rid the city of illegal vendors and syndicated, ‘organized’ vending schemes,” ayon kay Zarcal.

Magugunita na sinabi ni Moreno na inaalok siya ng P5 milyon kada araw para lamang payagan ang pananatili ng mga vendors sa kalsada.

Nabatid na ang mga inalis na vendor ay patuloy na lumalapit kay Moreno sa pamamagitan ng kanilang mga koneksiyon na umaasang magbabago pa ang isip nito.

Gayunman, nanindigan si Moreno sa kanyang desisyon na alisin ang mga vendor sa kalsada ng Divisoria, Recto, Ylaya , Juan Luna , Soler, Carmen Planas ,Tabora, Asuncion, Villalobos, Carriedo, C. Palanca , Ronquillo , Raon at Evangelista laban sa mga vendors.

Hindi naman idinetalye ni Zarcal ang posibleng pinanggagalingan ng mga death threat kay Moreno.

Please follow and like us:
Read More

METRO BANK HINOLDAP; P1-M PABUYA VS ROBBERS IBIBIGAY NI ISKO

armed robbery12

(NI JULIE DUIGAN)

PAGBUKAS  pa lang ng banko, Huwebes ng umaga nang looban ng dalawang nakasuot ng uniporme ng security guard ang isang sangay ng Metro Bank habang umano’y may iba pang lookout sa labas at kulimbatin ang hindi pa batid na halaga sa Binondo, Manila.

Hinalang inside job ang isa sa anggulong binubusisi ng Manila Police District -Theft and Robbery Section, makaraang makitaan ng dalawang nakasuot ng security guard at mabilis na sumakay sa motorsiklo.

Batay sa ulat ng pulisya, bandang alas-9:00 ng umaga, nang pasukin ang nasabing banko sa Sto. Cristo St., sakop ng Binondo.

Iginapos at saka kinuha ang service firearm ng sekyu sa loob ng banko.

Hinalang nasa pito katao ang nanloob sa banko, ayon sa ilang saksi.

Gayunman,mabilis naman umanong nakapagresponde ang pinagsanib na puwersa ng MPD,sa pangunguna ni Brigadier General Vicente Danao Jr, kasunod naman si Manila Mayor Isko Moreno.

Nabatid na hindi muna pinapasok ang mga pulis sa hindi pa malamang kadahilanan, pero kalaunan ay pinayagan nang mag imbestiga sa insidente.

Kaugnay nito, magbibgay ng pabuyang isang milyon piso si Mayor Isko, kung sinu-sino ang dapat managot.

Please follow and like us:
Read More

PANGALAN NG MGA POLITIKO PINAAALIS SA MGA PAARALAN

(NI HARVEY PEREZ)

INIUTOS ni Manila  Mayor Francisco “Isko Moreno” Domagoso, sa City School Board ng lungsod na tanggalin ang mga pangalan ng politiko na nakapintura  sa mga pader ng lahat ng pampublikong paaralan sa elementarya at high school sa Maynila.

Ginawa ni Moreno ang pahayag matapos makipagpulong sa mga opisyal ng City School Board na ginanap sa Manila City Hall ngayong Martes, Hulyo 9.

Bahagi umano ng adbokasiya ni Moreno na ihiwalay ang  public education mula sa tradisyunal na pamumulitika.

Sinabi ni Moreno sa mga politiko na huwag pulitikahin ang mga paaralan at ibigay sa mga academe

ang mga educational institutions.

“Walang epal sa pader ng eskwelahan. Walang epal sa mga basketball court, gymnasium na pinagawa ng mga politiko sa loob ng eskwelahan. Bawal ang epal. Tigilan na natin ‘yan,” aniMoreno.

Hinimok ni Moreno na maging ang kanyang pangalan ay  kanya ring  pinatatanggal sa mga paaralan.

“Pinatatanggal ko lahat ng pangalan, ultimo ang pangalan ko at pangalan ng mga politiko, na nakapintura o nakakabit sa mga eskwelahan,” ayon kay Moreno.

Sinabi pa ni Moreno hindi pag aari ng mga politiko ang ginastos sa pagpapatayo ng gusali kundi pera ito ng taumbayan.”

Please follow and like us:
Read More

9 OPISYAL SA MPD -PS 11 SIBAK SA ILLEGAL VENDORS

(NI HARVEY PEREZ)

SINIBAK sa posisyon ni Manila Police District Director PBrig General Vic Danao ang siyam na opisyal ng MPD-Police Station 11 matapos mabuking ni Manila Mayor Francisco “Isko Moreno’ Domagoso na pinapayagan ng mga opisyal ang pagtitinda ng mga vendor sa gabi sa mga lugar na kanilang nasasakupan.

Nabatid na itinalaga ni Danao bilang bagong hepe ng MPD-PS11 si PLt. Col. Noel Calderon Aliño.
Habang kabilang sa mga sinibak na opisyal ng MPD-PS 11, sina PLt.Col Antonietro Eric Mendoza, PMaj Robinson Maranion, PMajor Alden Lee Panganiban, PCapt. Jerry Garces, PCapt. Bernardino Venturina, PCapt. Manuel Calleja, PLt. Jerry Caneda, PLt. Maricel Pili, at PLt. Maribel Fiedacan.

Sinabi ni  Moreno na ang aksiyon na ginawa sa mga nabanggit na opisyal ay magsilbi sanang babala sa lahat ng opisyal ng MPD na hindi nakikiisa sa isinasagawang pagsasaayos sa Lungsod ng Maynila.

Kasabay nito, tiniyak ni Moreno na hindi na niya aarestuhin kundi papoposasan na lang niya kaagad ang mga barangay chair na nasa likod ng mga illegal vendor.

Sinabi rin ni Moreno na hindi siya aaksyon kung wala siyang hawak na ebidensiya.
Tiniyak ni Moreno na hindi siya titigil sa isinasagawang pagsasaayos sa Maynila kaya huwag mag akusa na ningas kogon lamang ang kanyang ginagawa.

Kaugnay nito, nagpasalamat din si Moreno sa lahat ng opisyal ng pamahalaan na pumupuri sa isinasagawang pag aayos sa Maynila.

Sinabi ni Moreno na wala pa siyang nagagawa sa Maynila dahil nagsisimula pa lamang siya at ang nagaganap na pagbabago sa Maynila ay utang niya sa MPD at sa mga mamamayan na gusto ng pagbabago.

Please follow and like us:
Read More

75 VIDEO KARERA MINASO SA MAYNILA

(NI HARVEY PEREZ/PHOTO BY KIER CRUZ)

WINASAK ,sa pangunguna ni  Manila Mayor Francisco “Isko” Moreno Domagoso  at Manila Police District (MPD) Director P/BGen Vicente Danao Jr., ang may 75 video karera at fruit game machine  bilang bahagi nang mas pinaigting na kampanya laban sa mga ilegal na sugal sa Maynila.

Dakong alas 8:00 ng umaga nang isagawa ang pagmaso sa  mga video karera at fruit games  machines  sa Manila City Hall quadrangle.

Ang mga telebisyon naman ay ipamamahagi sa mga  paaralan, batay na rin sa rekomedasyon ng mga pulis sa alkalde.

Nalaman  na ang mga naturang video karera machines ay nakumpiska ng mga tauhan ng MPD sa  dalawang araw na operasyon na isinagawa , na nagresulta rin sa pagkaaresto sa ilang naglalarong teenagers na matapos pangaralan ay pinauwi rin ng mga pulis.

Nakatanggap ng napakaraming reklamo  si Moreno mula sa mga magulang dahil sa pagkalulong ng kanilang anak sa video karera at fruit games na nagreresulta ng pagliban sa klase at pagkaubos ng baon.

Binalaan din ng alkalde ang mga pulis na protektor ng ilegal na sugal na tumigil na sa kanilang masamang gawain, dahil ang susunod aniya nilang gagawin ay imbestigahan at panagutin ang mga pulis na sangkot o nasa likod ng mga ito.

Una nang sinabi ni Moreno bago pa man siya maihalal na  tututukan niyang sugpuin ang ilegal na sugal sa lungsod.

Please follow and like us:
Read More

MAYOR ISKO MALAKI ANG PASALAMAT SA KATHNIEL

pwede ed deleon(NI ED DE LEON)

MATAPOS marinig ang problema ng City Pound ng Maynila sa ginawang inspeksiyon doon ni Mayor Isko Moreno, mabilis na nagpadala ng sampung dog cages sina Daniel Padilla at Kathryn Bernardo sa City Pound para makabawas sa problema doon.  Agad namang nagpasalamat sa kanila si Mayor Isko.

Iyan ang napapansin namin, marami tayong mga artistang animal lovers.  Isa sa mabilis na nagre-react basta may mga kuwento tungkol sa mga hayop ay si Sharmaine Arnaiz, eh kasi naman nag-aral iyan ng veterinary medicine. Natapos niya ang pag-aaral, pero hindi nakapag-practice dahil artista na siya noon,

Si Heart Evangelista magpapatayo rin daw ng tahanan para sa mga napapabayaang hayop sa Sorsogon. Maraming mga ganyang artista eh, pero nagulat kami doon sa naging concern ng Kathniel doon sa mga aso na nasa City Pound.

Hind biru-biro ang halaga noong sampung kulungan ng aso ha. Malaking halaga rin ang isa niyan. Maraming nag-alaga ng aso ang hindi maka-afford niyan kaya ang ginagawa, tatawag na lang ng karpintero para gumawa ng bahay ng aso, kaya huwag ninyong biruin iyong sampung dog cages na bigay nila. At ano ang malay ninyo kung iyan ay simula lamang? Nagkusa silang magbigay niyan kahit na hindi naman nanghihingi sa kanila. Baka isang araw magulat na kayo ng maging involved sila at magtayo ng isang animal welfare group.

Actually wala pang artistang nakakaisip nang ganyan, pero kung mayroon natitiyak naming marami silang mga kapwa artista na sasali rin. Halos lahat sila may mga alagang aso o pusa. Mayroon pang ang mga alaga ay exotic animals. Maganda iyang simulang iyan ng Kathniel. Sana may sumunod na iba.

LEA SALONGA MAINTAINS HER TOP CALIBER INTERNATIONAL STAR STATUS

May mga usap-usapan na diumano, kinuha ng isang top company si Lea Salonga bilang endorser ng kanilang produkto. Hindi katakataka iyon, dahil si Lea ay isang star of top calibre. International star iyan. Hindi iyan pa-star lang.

Siguro kahit na sino namang advertiser kung afford nila ang presyo ni Lea, kukunin siya. Siya iyong ideal endorser talaga eh. Marami siyang followers, kilala, pinaniniwalaan at higit sa lahat malinis ang image. Iyang kalinisan ng image mahalaga iyan para sa isang endorser. Kung ang reputation ng product endorser mo ay iskandalosa, huwag na lang.

Through the years, napanatili rin ni Lea ang kanyang popularidad “without really trying”. Hindi gaya ng iba na lahat gagawin, magbabayad, mambobola, para mapag-usapan lang.

NASULUTAN NG INTERNATIONAL MODEL-BF

Naku Tito KC, alam mo bang mukhang broken-hearted na naman ang gay na friend mo na just a few months back ay ipinagmamalaki ang kanyang boyfriend na international model? Ang tsismis, mukhang naagaw na sa kanya ang international model, at ang nakaagaw ay isa namang junior executive ng isang hotel-casino na gay din. Ang mas masakit, nakilala ng executive ang model nang minsan kasama ng gay friend mo ang kanyang boyfriend sa hotel-casino na iyon.

Mas bata naman daw kasi at mas mukhang fresh ang junior executive. Iyon namang gay friend mo dapat itigil na ang kanyang ilusyon na pwede rin siyang Miss World. Wala pa kasing baklang nakakasali at nananalo ng title na Miss World.

 

Please follow and like us:
Read More

2 KOTONG SA MANILA VENDORS ARESTADO

(NI JULIE DUIGAN)

KINUWELYUHAN ng mga tauhan ng Manila Police District ang dalawa katao, kabilang ang isang babae, habang umano’y nangongolekta sa mga ambulant vendor sa Blumentritt , Sta.Cruz, Manila , Martes ng umaga.

Nakilala ang mga suspek na sina Jeffrie Solomon , 37, checker, at Vilma Cortez, 48, secretary at kapwa empleyado ng Bagong Maynila Development Corporation, at residente ng Blk.3 lot 18 Phase lll ,Golden City, Barangay Salawag, Damarinas, Cavite.

Batay sa ulat ni P/Major Rosalino Ibay Jr., hepe ng Special Mayor’s  Reaction Team (SMART), bandang alas-8:45 ng umaga, nang bitbitin ang dalawa sa pangunguna nina P/Major Cicero Pura, Deputy Chief ng SMART at si P/Capt. Edward Samonte , habang nasa aktong nangongolekta sa panulukan ng Blumentritt at Felix Huertas Sts.sa Sta.Cruz.

Nabatid sa ulat na pawang mga sidewalk vendor ang target ng dalawa na umano’y nagsimula pa noong nakaraang September 2018 .

Sa salaysay ng mga manininda sa lugar, kapag umano hindi kaagad sila nakapagbibigay ng halagang P100.00 kada araw  tinututukan umano sila ng baril at tinatakot. Umaabot sa 3,000 vendors mayroon sa naturang lugar.

Dahil dito,inilatag na ang isang entrapment operation, saka sila iniharap kay Manila Mayor Isko Moreno.

Nahaharap ang dalawa sa kasong  robbery-extortion, grave coercion at usurpation of authority sa Manila Prosecutor Office.

 

Please follow and like us:
Read More

KOTONG TSERMAN POPOSASAN

arrested12

(NI HARVEY PEREZ)

AARESTUHIN at kakasuhan ang sinumang barangay chair sa Maynila na mapatutunayang nangongotong sa mga vendors at pedicab drivers.

Ito ang tiniyak kahapon ni  Manila Mayor-elect Francisco “Isko” Moreno Domagoso matapos makarating sa kanya ang mga impormasyon na may mga barangay chairn ang nangongotong sa mga vendor at pedicab drivers sa lungsod ng Maynila.

“Itigil niyo na po ‘yan. I have no choice but to arrest you and poposasan namin kayo. Hindi po namin hahayaan sa bagong gobyerno ng Lungsod ng Maynila na panonoorin ko na lamang ang pang-aabuso ninyo.”

“Aarestuhin namin kung sino man ang manggigipit sa taumbayan sa Lungsod ng Maynila,” ayon pa kay Moreno.

Kaugnay  nito, binigyan ng direktiba ni Moreno ang Manila Police District(MPD) na panatilihin madaraanan ng mga motorista at sibilyan ang  Recto , Juan Luna at Soler.

Samantala, tiniyak naman ni Moreno na patuloy na makapagtitinda ang mga vendors pero dapat na sumumod sila sa regulasyong itinakda ng batas.

Bibigyan din ng liham ng babala ang lahat ng barangay official na markadong nangongotong sa maliliit na manininda at sidecar boy.

Ayon kay Moreno, hindi niya masisikmura  na   panoorin na lamang ang pang-aabuso sa maliliit na vendor at sidecar boys sa Maynila.

Tinanggal  din ni Moreno ang  pangamba ng mga vendor at sidecar boys laban sa mga abusadong chair na nang aagrabyado sa kanila dahik tiniyak nito na aarestuhin ang mga kotongero na chair.

 

Please follow and like us:
Read More