PAMANGKIN TINUBO NG TIYUHIN, PATAY

crime600

(NI SIGFRED ADSUARA)

PATAY ang isang lalaki nang tubuhin ng kanyang tiyuhin matapos ang akusasyon sa nakawan sa Imus City, Cavite.

Namatay noon din ang biktimang si Felipe Bobis, may-asawa, walang trabaho ng Brgy Bulihan, Silang, Cavite  habang arestado naman ang tiyhun nitong si Jaime Laureles, 50, may-asawa, driver ng Block 16 Lot 3 Regal Homes, Brgy Alapan 1-A, Imus  City, Cavite.

Sa ulat ni Corporal Jessie Villanueva ng Imus City Police Station, dakong alas-11:00 Linggo ng gabi nang maganap ang insidente sa loob ng bahay ng suspek sa Brgy Alapan 1-A, Imus City kung saan bumisita umano ang biktima sa kanyang tiyuhin.

Nagkayayaan umanong mag-inuman ang magtiyuhin nang sa kalagitnaan ng kanilang kuwentuhan ay naungkat ng suspek ang pagnanakaw ng biktima sa kanya.

Hindi nagustuhan ng biktima ang akusasyon sa kanya ng kanyang tyuhin kaya nauwi sa mainitang pagtatalo  na humantong sa palitan  ng maaanghang na salita hanggang sa kumuha ng tubo ang suspek at pinalo sa ulo ng kanyang pamangkin na nagresulta sa kanyang agarang kamatayan.

Naaresto naman ang suspek sa isinagawang follow up operation ng pulisya.

 

Please follow and like us:
Read More

MAG-AAMA MINARTILYO NG MANUGANG

crime67

(NI SIGFRED ADSUARA)

PINAG-MAMARTILYO sa ulo ang mag-aama ng kanyang manugang matapos mapikon habang nag-iinuman sa Imus City, Cavite

Inoobserbahan pa sa  Ospital ng Imus  ang magkapatid na sina Jay R, 24, at Jason Lucelo, 23, habang sa Philippine General Hospital naman isinugod ang kanilang ama na si Romeo Lucelo, 53, magsasaka, pawang residente ng Brgy. Bucandala 4, Imus City, Cavite.

Hawak naman na ng pulisya ang suspek na si Rolando Mara, alias Lolong, 28, obrero, kasama rin sa bahay at manugang ng matandang Lucero.

Sa ulat ni PSMSgt Ronaldo Orozco ng Imus City Police Station, dakong alas-3:15 ng madaling araw nang maganap ang insidente sa loob ng bahay ng mag-aama kung saan sama-samang nag-iinuman ang mga ito.

Sa kalagitnaan ng inuman, nagkaroon ng mainitang pagtatalo hanggang sa mapikon ang suspek kaya kumuha ng martilyo at pinagtulungang martilyuhin sa ulo ang mag-aama.

Isinugod sa osiptal ang tatlo habang naaresto naman ng mga rumespondeng barangay tanod ang suspek.

 

Please follow and like us:
Read More

‘KAANAK’ NI SEN. REVILLA HULI ARMAS

arrested124

MATAAS na uri ng armas ang nakumpiska sa lalaking nagpakilalang kaanak umano ni Senador Bong Revilla sa police checkpoint sa Imus City, Cavite.

Nang sitahin, ayon kay Police Lt. Col. Junar Alamo, hepe ng Imus City Police, nagpakilala umanong bayaw sa pinsan ng senador ang lalaki na hindi na pinangalanan.

Nabatid na bandang alas-2:00 ng madaling araw ng Biyernes ay nagsasagawa ng checkpoint sa naturang lugar nang parahin ang Toyota Innova ng lalaki sa Bayang Luma.

Nang siyasatin, nakuha sa lalaki ang anim na matataas na kalibre ng baril gaya ng M16 at dalawang Uzi na pawang walang mga papeles.

Patuloy na iniimbestigahan ng mga pulis ang lalaki.

 

Please follow and like us:
Read More

SEAMAN, BEBOT, DINUKOT; 7 ARESTADO

imus12

(NI SIGFRED ADSUARA)

NAHAHARAP sa patong-patong na kaso ang pito katao, kabilang ang tatlong babae, matapos na maaresto ng Cavite Police dahil sa pagdukot  sa isang 25-anyos na seaman at kasama nitong babae sa Imus City, Cavite.

Kasong kidnapping, paglabag sa RA 10591 at RA 9165 ang kinakaharap na kaso ng mga naarestong suspek na sina  sina Floyd Ordoñez, 36, ng Zone 1, San Agustine, Dasmariñas City, Cavite, Arwin Varrios , 35,ng  67 Manggos 1, Alfonso, Cavite., Allan Sundiam, 39,  ng 24 Arcontica Village, Dasmariñas City, Cavite,  Mark Angel Andamon, 27 , security guard ng B7, L25, ACM Homes, ANABU, 2 B, Imus Cavite, Cavite, Princess Sarmiento, 23,  ng B56, L10, Golden City, Anabu 2F, Imus City, Cavite, Princess Joy Poras, 19,  ng B188, L13, P4, Paliparan 1 Dasmarinas, Cavite Jackielou Bernal, 38 , ng 4 Arcontica Village, Dasmariñas City, Cavite dahil sa umano’y pagdukot kay Sherwin Allen Legaspi, ng   B6, L20, Pioneer Ave., Villa Isabel, Burol Main, Dasmariñas City, at  Patricia Dante, 19, ng  B-GA, L15, San Lorenzo Ruiz, Dasmariñas City.

Sa ulat ni PSSgt Mark Anthony Salvador, ng Imus City Police Station, dakong alas-4:00 Martes ng hapon nang nakatanggap ng tawag ang Imus CPS hinggil sa umano’y pagdukot sa mga biktima sa Barangay Anabu 1D, Imus City Cavite.

Agad namang nagresponde ang awtoridad kung saan naaresto ang mga suspek.

Ayon kay Sherwin, humihingi umano  ng halagang P40,000 si Ordonez  sa magulang nito kapalit ng kanyang paglaya.

Ayon din kay Patricia, nakatakas siya mula sa mga dumukot sa kanila habang ang mga ito ay tulog. Agad siyang nagsumbong  sa pinakamalapit na barangay na siyang nag-report sa pulisya at nagresulta sa kanilang pagkakaaresto.

Nakuha sa mga suspek ang isang kalibre 45 na baril, 11 bala, isang kalibre 38 at 5 bala, 8 hinihinalang plastic sachet ng  pinatuyong marijuana , 3 sachet ng shabu, 9 na cellphones at drug paraphernalias.

Tumanggi naman si Salavador na magbigay ng  anumang detalye hinggil sa pagdukot sa seaman.

 

Please follow and like us:
Read More

AWAY SA BABAE: KARIBAL HINATAW NG BASEBALL BAT

imus12

(NI SIGFRED ADSUARA)

SUGATAN ang dalawa katao nang resbakan at pagpapaluin ng baseball bat sa ulo ng dating karibal sa babae may isang taon na ang nakakaraan   sa Imus City, Cavite.

Ginagamot ngayon sa Imus Family Hospital ang biktima  na si Ryan Legarda , 25, binata, cargo reloader ng  Block 2 Lot 34 Goldlane Subd., Anabu 1-F, Imus City at Neil Luzon, 27, binata, call center agent ng  Block 2 Lot 56 Goldlane Subd., Anabu 1-F, Imus City, dahil sa sugat a ulo.

Arestado naman ang suspek na nakilalang si Eugene Espiritu, 26, binata, isang seafarer  ng  461 Brgy. Anabu I-C, Imus City  at isang John Doe.

Sa report ni PO1 Jessie Villanueva ng Imus City Police Station, nag-iinuman ang mga biktima sa harapan ng bahay nina Legarda nang dumating ang mga suspek dakong alas-11:30 ng gabi at walang sabi-sabing pinagpapalo sa ulo ni Espiritu si Legarda habang ang kasama nito ay pinukpok naman ng bato sa ulo si Luzon.

Isinugod sa ospital ang mga biktma habang ang mga suspek ay naaresto sa isinagawang follow up operation.
Ayon kay Villanueva, may isang taon nang may alitan si Legarda at Espiritu dahil lamang sa babae kung saan inireklamo ng biktima ang suspek sa barangay.

Please follow and like us:
Read More

6 ESTUDYANTE NALASON SA COOKIES, 1 PATAY

cookies

(NI NILOU DEL CARMEN)

ANIM na estudyante ang umano ay nalason  sa kinaing cookies na niluto ng isa nilang  kaklase sa kanilang tahanan sa Brgy. Palico 4, Imus City Martes ng hapon.

Nasawi naman habang nilalapatan ng lunas sa ospital ang isa sa mga biktima na kinilalang si Mark Joseph Tan, 18 anyos.

Batay sa report ng Imus police, nagtungo ang anim sa bahay ng kanilang kaklase na si Daniela Grace Bulo na nag-bakenaman ng kanilang kinaing chocolate cookies.

Subalit matapos kumain, nakaramdam na ang mga biktima ng pagkahilo, pananakit ng tiyan at nahirapang huminga.

Agad isinugod ang mga ito sa Medical Center of Imus kung saan nasawi rin si Tan.

Nasa maayos na namang kalagayan ang lima matapos malapatan ng lunas.

Kumuha na ang mga awtoridad ng sample na pagkain upang ipasuri at para malaman kung ano ng ikinalason ng mga biktima.

Please follow and like us:
Read More