APO PUMUTOK ANG ULO SA LASING NA LOLO

crime

(NI ANNIE PINEDA)

PUTOK ang ulo ng siyam na taong gulang na batang babae makaraan paluin ito ng matigas na kahoy ng kanyang sariling lolo, sa Ilocos Norte.

Dinala naman sa ospital ang biktimang si Nene at tinahi ang malaking  hiwa sa ulo nito sanhi ng malakas ng pagkakapalo na matigas at mahabang kahoy.

Nadakip naman ang suspek at lolo nitong si Dennis Saludez, residente ng Pinili, Ilocos Norte.

Batay sa report ng pulisya, nagalit umano ang suspek nang umalis ang biktima na walang paalam kaya hinabol niya ito ng kahoy saka hinataw.

Nakita naman ng ilang residente ang pangyayari at sinaklolohan ang bata saka dinala sa ospital.

Agad naman nahuli ang suspek na ngayon ay nahaharap sa kasong frustrated homicide.

 

Please follow and like us:
Read More

21 STUDENTS SA ILOCOS NORTE; 10 SA BACOLOD, ‘SINAPIAN’

(NI KIKO CUETO)

AABOT sa 21 na estudyante ang pinaniniwalaang sinaniban umano ng masamang espiritu sa Ilocos Norte.

Sa report, nagwawala at sumisigaw ang mga estudyante ng Marcos National High School.

Dinadasalan pa ng mga guro at kakalse ang mga estudyante na sinaniban umano.

May ilang estudyante din ang sumisigaw tapos ay biglang tumatawa.

Ang iba na nahimasmasaman ng mas maaga, niyakap ang magulang na umiiyak.

Kwento ng principal ng eskwelahan, pagkatapos ng blessing ng bagong gusali ng kanilang paaralan na Marcos National High School, saka nangyari ang naturang pagwawala ng mga estudyante.

“One by one they fell down. Hindi namin alam kung sino uunahin namin,” sinabi ni Principal Paciano Cid.

Itinakbo ang nga estudyante sa malapit na simbahan para dasalan.

“Nagseizure, meron nagsabi sa pinagtayuang building may tanim na mangga kasi nga pinutol,” dagdag ni Cid.

Pero para sa pari na pinagdalahang simabahan, posibleng ibang kaso ang nangyari.

“They should not think na they were influenced by evil spirits we just pray to help that God will help them,” sinabi ni Fr. Victor Calma, Parish priest ng St. Anthony Padua Parish.

“We need experts to determine,” sinabi naman ni Vilma Eda, superintendent ng DepEd Ilocos Norte.

Samantala, sa Bacolod, mabibilang ang mga estudyante na pumasok sa Father Gratian Murray Integrated, na nagkaroon din ng kaso ng umanoy mga siniban na estudyante.

Sa report, Martes ito nangyari kung saan 10 na estudyante ang sinasabing sinaniban.

Kwento ng guro na si Jocelyn Salamanes, Grade 2 teacher, ni isa na estudyante sa kanang classroom ay walang pumasok.

“Zero. Walang pumasok,” sabi ni Salamanes.

Dagdag niya, naintindihan naman niya ang takot ng mga magulang at estudyante.

Sinuspinde ang klase noong Martes dahil sa insidente ng mga sinapian na Grade 8 at 9 students.

Ang iba sa kanila nagwala at may nagsisigawan.

“Sabi ng pari i-try din namin investigate ang mga pamilya at background ng mga apektadong bata. Hindi pa naman natin masabi kung ano talaga, pero parang mass hysteria. May interview ako na bata wala naman silang nakita. May naramdaman lang daw,” kwento naman ni Dionisio Lindugan, Principal ng eskwelahan.

 

Please follow and like us:
Read More

‘DOKTOR’ NAGBEBENTA NG P800-K ‘MINERAL WATER’ NA GAMOT HULI

ARRESTED-12

(NI KIKO CUETO)

ARESTADO ang isang lalaki na nagpakilalang doktor maging ang kanyang kasamahan sa  entrapment operation sa Vintar, Ilocos Norte.

Kinilala ng mga pulis ang suspek na si Rodrigo Caniaveral Jr. habang ang kanyang kasabwat ay kinilalang si Arnel Valdez.

Isinumbong sila sa pulis ng pamilya ng biktima.

Kwento ng mga biktima, nanghingi ng P800,000 si Caniaveral para gamutin ang isang babaeng paralisado.

Sinasabing humingi pa ang suspek ng P35,000 bilang down payment para sa mga gamot na walang label.

Pero nabisto ang suspek nang sabihin ng kaibigan ng pasyente na dati na siyang naloko ng pekeng doktor dahilan upang magsumbong ang pamilya ng babae sa mga pulis.

Ayon sa mga pulis, may ipinakita pang PRC ID ang suspek.

“Meron kasing pumunta sa opisina natin na nagrereklamo na iyong mga gamot na binigay sa kanila ay parang kaduda-duda dahil walang mga label saka yung mga liquid parang mineral water lang din kaya pina-test nila kaya nalaman na hindi naman totoo,” ani Major Joseph Baltazar, hepe ng Vintar Police.

Agad naman na itinanggi ni Caniaveral ang mga paratang sa kanya bagama’t inamin niyang isa lamang siyang “reflexologist” na may kaalaman sa paggamot ng mga na-stroke, may highblood at matataas na acid.

Ayon sa mga pulis, dati nang nasangkot si Caniaveral sa pagbebenta ng pekeng gold bars.

Nahaharap ang mga suspek sa kasong estafa at paglabag sa Medical Act of 1959.

Please follow and like us:
Read More

ILOCOS NORTE NIYANIG NG 5.3 LINDOL

phivolcs

NIYANIG ng 5.3 magnitude na lindol ang 52 kilometrong northwest ng Burgos sa Ilocos Norte, Linggo ng umaga ayon sa Philippine Institute of Volcanology and Seismology (PHIVOLCS).

Naramdaman ang lindol ng alas-3:46 ng madaling araw at tectonic ang pinagmulan na may 22 kilometro ang lalim.

Ang pagyanig na Intensity IV ay naramdaman sa Laoag, Ilocos Norte, at Intensity III sa  Badoc, Ilocos Norte; Bantay, Ilocos Sur; Magsingal, Ilocos Sur; San Ildefonso, Ilocos Sur; Santo Domingo, Ilocos Sur; Sinait, Ilocos Sur; at Vigan, Ilocos Sur.

Intensity IV din sa Pasuquin, Ilocos Norte; at Intensity III sa  Vigan City, Gonzaga, Cagayan.

Please follow and like us:
Read More

MGA ALAGANG HAYOP WINAKWAK ANG LEEG

goat

(NI JESSE KABEL)

MABILIS na kumalat ang takot sa ilang residente sa isang barangay sa Laoag, Ilocos Norte bunsod ng umanoy aswang sa kanilang lugar na siyang responsable sa pagkamatay ng mahigit 20 alagang hayop  sa isang farm.

Sa kumalat na balita pinatay umano ng hinihinalang aswang ang 20 tupa at apat na kambing na nasa kanilang pastulan.

Base umano sa salaysay ni  Carmelito Labayog, may-ari ng farm , nadiskubre ang pagkamatay ng kanyang mga alaga nang papakainin na sana niya ang mga ito.

Sinasabing karamihan sa mga hayop ay wakwak ang leeg. Hinala ni Labayog, aswang umano ang may kagagawan nito dahil walang dugong nagkalat.

Ayon kay Dr Valenzuela hindi asawang kung hindi mga aso ang responsable sa pagkamatay ng mga alagang hayop.

“May mga cases in the past na ganito na na-prove naman na aso talaga ang may kagagawan. Grupo sila, may leader,” paliwanag ng duktora.

Sinasabing mga asong ligaw na gutom at naghahanap ng makakain ang gumawa ng pananalakay s amga alagang hayop

Noong Disyembre, may 3 katulad rin na insidente na naitala sa naturang barangay.

Papaigtingin ng barangay ang pagpapatrolya para matunton ang mga sinasabing ligaw na aso.

 

Please follow and like us:
Read More

ESTUDYANTE BASAG ANG ILONG SA MGA BULLY

ilocos

(Ni FRANCIS ATALIA)

LAOAG CITY – Kailangang maoperahan ang isang binatang mag-aaral habang patuloy na nagsasagawa ng imbestigasyon ang mga awtoridad sa kaso ng pambubugbog umano ng apat na kapwa niya mag-aaral sa Paoay City, Ilocos Norte.

Sa pahayag ng isang Jeff Agcolicol, tiyuhin ng hindi na pinangalanang biktima, na-disalign ang ilong ng binata sa naturang insidente kaya kailangan itong isailalim sa operasyon.

Nanawagan din si Agcolicol sa magulang ng mga suspek para sagutin ang bayarin sa nasabing operasyon.

Sa imbestigasyon ng pulisya, nawalan ng malay ang estudyante ng Paoay National High School matapos umanong bugbugin ng apat na senior high school students.

Bukod sa nasabing nadispormang ilong, namaga rin umano ang isang mata ng biktima.

Please follow and like us:
Read More