CARETAKER TODAS SA BAWAL NA RELASYON

crimebolo123

(NI DANN RIVERA)

SARIAYA,QUEZON- Duguan at naghihingalong isinugod sa ospital ang isang farm caretaker matapos itong pagtatagain ng isang construction worker sa loob ng Tuna Boys Farm na nasa bahagi ng Purok 6, Brgy.Sto Cristo, bayan ng Sariaya.

Ang dahilan: Selos. Natuklasan ng suspect na si Ariel Matibag, alyas Paeng, 41, na may lihim na relasyon ang kanyang misis at ang biktimang  si Eufrocino Ferrer,47, residente ng Brgy. Concepcion,Palasan.

Batay sa imbestigasyon ng Sariaya PNP, dakong alas 6:30 ng umaga nakita umano ng kasamahan ng biktima na si Edgardo Panaligan ang pagsugod at pananaga ng ilang beses ni Matibag, gamit ang isang itak, kay Ferrer habang ito ay naglalaba ng kanyang mga damit sa kanyang barracks.

Nagtamo ng maraming sugat sa katawan ang farm caretaker at nagawa pang dalhin ito sa pagamutan subalit binawian ito ng buhay habang ginagamot.

Tumakas naman ang suspect matapos ang insidente.

Please follow and like us:
Read More

STAFF NABUNTIS; OPISYAL SINISILIP SA IMORALIDAD

gov't official12

(NI HARVEY PEREZ)

NASISILIP na ng kanyang mga kasamahan sa ahensiya ang “illicit affair” ng isang mataas na opisyal ng gobyerno na nakabuntis at inanakan ang kanyang information officer.

Ayon sa isang insider sa naturang maimpluwensiyang ahensiya, ang babae ay naanakan umano nito ng isang sanggol na lalaki.

Hindi umano nagsasama ang  dalawa dahil may asawa ang mataas na opisyal at sinusustentuhan lamang nito ang babae.

Sanhi nito, nanganganib na hindi matapos ng mataas na opisyal ng pamahalaan ang kanyang termino dahil kaunting panahon na lamang ang hinihintay ay pormal na ihahain ang kaso ng imoralidad laban sa opisyal.
Ang naturang mataas na  opisyal ay isa sa  pinakabatang naging opisyal  ng administrasyon ni Pangulong Rodrigo Duterte.

Tulad ng mga sinundan at pinalitan nitong opisyal sa nasabing ahensya ay nanganganib ding hindi matapos ng mataas na opisyal ang kanyang termino dahil sa isyu ng imoralidad.
Ang nasabing staff ay dati ring estudyante ng Pamantasan ng Lungsod ng Maynila (PLM) at kumuha ng kursong Law.

Ang nasabing mataas na opisyal ay  kauna-unahang namuno sa nasabing ahensya na nagmula sa isang kontrobersyal na rehiyon.

Siya rin ang nag-iisang opisyal na kapwa naitalaga ng nagdaan at kasalukuyang administrasyon sa ahensya.
Nabatid na nag-aral rin ito sa Ateneo De Davao at kaanak ng isang chief negotiator mula sa Mindanao.

Please follow and like us:
Read More