KATHNIEL NAG-ADVANCE HONEYMOON?

pwede ed deleon(NI ED DE LEON)

KUNG makikita mo iyong mga lumalabas na pictures nina Daniel Padilla at Kathryn Bernardo mula sa kanilang bakasyon sa Iceland, aba eh sasabihin mo siguro mukhang advanced honeymoon na iyon. Aba hindi mo masasabi, magkasama silang dalawa at malamig sa Iceland.

Pero ang sinasabi naman nila, gentleman iyang si Daniel at hindi naman gagawa nang over board, pero ano nga ba ang over board sa ganoong sitwasyon at sa klase ng relasyon nila. Hindi man inaamin sa publiko, engaged na iyang dalawang iyan. Hindi ba minsan nadulas pa nang salita ang nanay ni Kathryn at nagsabing “may nag-propose”. At bakit hanggang sa Hongkong na wala naman siyang gagawin doon sinundan ni Daniel si Kathryn?

Sa mga naglabasang mga pictures na iyan, aba eh maliwanag na plantsado na ang kanilang relasyon. Hindi kami magtataka kung isang araw sabihin na lang nilang magpapakasal na sila. Dahil diyan, plantsado na rin ang kanilang love team. Aywan kung maniniwala pa ang mga fans oras na sila ay i-love team pa sa iba.

Hindi sila umaamin kagaya nina James Reid at Nadine Lustre na nagsasama na. Pero halos ganoon na rin iyon eh. Aywan kung maikakaila pa nila na may commitment na sila talaga.

Kung sa bagay, ano nga ba ang masama. Mukhang desidido na naman si Daniel kay Kathryn. Iyong babae naman ay mukhang ganoon din. Hindi mo masasabing nagkabiglaan lang eh, dahil matagal na iyang kanilang relasyong iyan. Hindi nga lang nila inaamin noong una. Siguro umiiwas sila noon na masabing masyado pa silang bata para pumasok sa ganoon, pero ganoon na rin iyon.

Eh ano ba naman ang masama kung maisipan nilang ilagay na sa ayos ang buhay nila?

NANATILI SA GAY WEBSITE ANG WETPAK NI JUANCHO

Hindi raw sasali si iyong baguhang Juancho Trivino sa mga “box office puwet stars.” Kahit na sinasabing mabilis na napansin ng mga tao ang mga baguhang artistang nagpakita ng kanilang puwet sa pelikula, ang sinasabi raw ni Juancho, kung lahat naman sila magpapakita na ng puwet,  ano na ang pagkaka-iba-iba nila.

Hindi naman masasabing conservative ang boyfriend na iyan ni Joyce Pring, dahil may panahon na sa kanyang social media account ay nagpakita na rin siya ng kanyang puwet, nang walang kadahi-dahilan. Inalis lang niya agad iyon nang kumalat na.

Pero nawala lang naman sa kanyang social media account. Nananatili iyon sa isang gay website.

 

Please follow and like us:
Read More

PAKIUSAP NI KATHRYN SA FANS: SUPPORT DJ FILM WITH SARAH G.

(NI GORGY RULA)

SI Sarah Geronimo nga kaya ang makaka-partner ni Daniel Padilla sa isang project?

Bago umalis sina Kathryn Bernardo at Daniel sa bakasyon nila sa Iceland, sinabi ni Kathryn sa mga fans na sana suportahan si Daniel sa pelikulang gagawin niya na iba ang makaka-partner.

Ngayon pa lang ay humingi na ng suporta si Kathryn para kay Daniel.

Kaya nagtatanong na kung sino itong makaka-partner ni Daniel.

Pero sa nakikita namin, mas type ng mga fans si Sarah.

Katatapos lang ni Sarah ng pelikula niya sa Viva, ang Unforgettable na wala siyang leading man kundi isang aso. Choice daw talaga ni Sarah na aso ang gusto niya makasama sa pelikula. Pero suportado naman ito ng mga big stars na nagmamahal kay Sarah gaya nina Regine Velasquez, Anne Curtis at marami pa.

Abangan na lang natin kung matutuloy nga ang pagsasama nina Sarah at Daniel.

Samantala, marami ang nagtatanong kung may kasama ba sina Daniel at Kathryn na nagbakasyon sa Iceland.

Ang pagkakaalam namin, silang dalawa lang at matagal na nila itong pinlano at ipinaalam sa ABS-CBN 2.

Dalawang linggo raw silang mawawala at sa kanilang pagbalik ay aayusin na raw ang teleseryeng pagsamahan nilang dalawa.

HUHUSGAHAN NA SI KYLINE

Sa mediacon pa lang ng pelikulang Black Lipstick na pagbibidahan ni

Kyline Alcantara, kinakabahan na siya dahil launching movie niya ito na magsu-showing na sa October 9 at dito mahuhusgahan kung makapagdala na ba siya ng pelikula.

Kasama ni Kyline dito sina Migo Adecer at Manolo Pedrosa na dinirek ni

Julius Ruslin Alfonso at prinodyus ng Obra Cinema.

‘Modern fairytale’ daw itong Black Lipstick na base sa pelikulang Blusang Itim na pinasikat ni Snooky Serna.

Sabi ni Kyline, kampante naman daw siya sa pelikulang ito dahil maganda raw ang kinalabasan kasama ang iba pang millennial stars na sina Migo Adecer, Manolo Pedrosa, at dito rin si Snooky Serna na gumaganap bilang ina niya.

Isa raw sa na-tackle sa pelikulang ito ay ang bullying na nangyayari sa mga millennials.

Hindi rin ipinagkaila ni Kyline na naranasan di niyang ma-bully, lalo na nung nagsisimula pa lang siyang mag-artista.

Hindi lang daw sa mga kaedaran niya kundi pati raw sa ilang nanay ng mga batang nakakasabay niyang rumaraket.

“Sinasabi po nila na broken family ka naman…hindi ka magandang example para sa mga kabataan.

“Ang dami pong gumaganun sa akin,” kuwento ni Kyline na nagiging emotional kapag napapag-usapan ang tungkol sa paghihiwalay ng kanyang magulang.

“Noon po kasi, hindi ko naintindihan at…mabilis ako naapektuhan dahil totoo po naman na broken family ako, and back then hindi ko pa po accepted nun.

“But right now, pag bina-bash po ako at pag binu-bully po ako online, hindi na ako naapektuhan kasi  I know myself and mahal ko yung sarili ko.

“Right now, it made me stronger as a person and as artista, lahat na pamba-bash sa akin kasi alam ko naman kung ano yung hindi ko nagawa at nagawa ko dun sa mga bina-bash sa akin,” saad ni Kyline.

Pero ngayon ay masaya na siya dahil nagkabalikan din ang Mommy at Daddy niya kahit medyo mahirap pa raw ang adjustment gawa nang mahigit 10 years din daw na hindi nila nakasama ang kanilanga ama.

Napapanood daw  siya nung nagsisimula na siyang mag-artista, at bago mag-Kambal Karibal, nakipagbalikan na raw ang kanyang ama na tinanggap naman daw ng Mommy niya kaya nakabalik na raw sa kanilang bahay,at happy family na sila.

“Sa kanila ko rin na-realize yung true love kumbaga,” pakli ni Kyline.

Pagkatapos sumikat si Kyline sa Kambal Karibal, hindi pa rin siya nakakawala sa bullying.

Hindi raw niya makalimutan na na-bully din siya ng ilang grupo ng fans nang mag-mall show siya sa Iloilo City.

“Nasaktan po ako dahil nabastos po ako nang sobra dun. But, I’m happy na

nangyari po sa akin yun kasi leasson learned and it made me stronger eh.

“Nakilala ko yung sarili ko, at minahal ko yung sarili ko at alam ko naman po yung nagawa at hindi ko nagawa dun sa mga sinasabi nila. Kumbaga, deadma na lang po,” sabi pa ni Kyline.

Obvious na mga fans iyun ni Bianca Umali nung kainitang naiintriga silang dalawa

Pero nilinaw ni Kylone na hindi niya naranasang na-bully ni Bianca Umali nung nagkaroon sila ng isyu pagkatapos ng Kambal Karibal.

“May mga iba po kasi talaga na kapag nasasabihan mo ng kuwento at naniniwala agad,” pakli niya.

“We’re both happy in our careers, and alam naman po namin yung katotohanan eh, and positive lang talaga kami lahat.

“Ang dami pong nakikita kami na alam nila yung isyu. Pinapakita namin sa kanila na wala iyun sa amin,” sabi pa ni Kyline.

Okay daw silang dalawa, at basta libre lang daw ang schedule ni Bianca, iimbitahin daw niya sa premiere night ng Black Lipstick.

 

Please follow and like us:
Read More