HINDI TAYO PUWEDENG MABUHAY SA TAKOT –DANIEL

(NI ROMMEL PLACENTE)

SABAY na nag-guest sa Magandang Buhay noong Martes sina Ian Veneracion at Daniel Padilla.

Kaya sabay silang pinag-guest sa nasabing morning show   ay dahil nagging very close sila.

Nagsimula ang friendship nila noong nagkasama sila sa defunct drama series ng Kapamilya network  na Pangako Sa ‘Yo

na gumanap sila rito bilang mag-ama.

Nahilig sa motorbike si Daniel dahil naimpluwensiyahan siya ni Ian na naunang nahilig mag-motor.

Ayon sa mommy ni Daniel na si Karla Estrada ay natatakot daw siya kapag nagmo-motor ang kanyang anak.

“Ang kaluluwa ko! Hindi kayang nagmo-motor si Daniel. Kung hindi si Tito Ian niya, o si Papa ( Rommel Padilla) niya ang makakasama niya (na nagmo-motor), hindi ako talaga (pumapayag).”sabi ni Karla

Patuloy niya,”So kapag magpapaalam siya, tapos dadaaan siya diyan sa kalsada, wala akong pahinga sa nerbiyos ko. Parang you’re in pain, but you just have to be used  to it,”

Sa sinabing ito ni Karla, sumagot si Ian:”Kaya nga sinasabi ko sa kanya (Daniel) lagi, mag-iingat ka.  Kahit ‘yung daliri mo sa paa, hindi pwedeng mabalian. Kahit siguro 50 years old ka na, ‘pag nasugatan ka sa motor, kasalanan ko pa rin ‘yun. Ako ang sisisihin ng nanay mo”

Ayon naman kay Daniel, naiintidihan niya ang nanay niya, kung ganoon na lang itong mag-alala sa kanya.

“Pero lagi ko namang sinasabi sa kanya, “Ma, hindi naman pwedeng lagi na lang tayong natatakot. Hindi tayo pwedeng mabuhay sa takot dahil hindi natin maabot ang  mga pangarap natin,”

Sa sinabing ito ni Daniel, tinanong siya ni Jolina Magdangal, co-host ng mommy niya sa MB, na paano raw kung muling magmahal ang mommy niya, matatakot ba siya? Ang tanging sagot ni Daniel,”Huwag nating pag-usapan ‘yan,”

Sa narinig na sagot ni Daniel, tinanong naman siya ni Melai Cantiveros, kung over-protective ba siya sa kanyang mommy?

“Alam ninyo, lumaki ako na marami akong nakilala rin (na mga minahal ni Karla) and alam naman natin na may darating at darating din. Pero pinag-usapan namin ni Mama. “sabay buntong-hininga ni Daniel at  hindi na itinuloy ang sasabihin.

At ang natatawang reaksyon naman ni Karla sa sinabing ‘yun ni Daniel.

“Ganito na lang anak, mag-compromise tayo. Hindi na ako mag-aasawa hanggang sa pagtanda ko. Pero kasakasama mo ako kahit saan kayo magpunta ni Kathryn (Bernardo) I’m just here anak, kasi hindi mo ako binigyan ng buhay ko,”

 Aminado naman si Daniel na seloso siya kaya hangga’t maari ay ayaw niyang mag-asawa ang kanyang ina.

Please follow and like us:
Read More

IAN, PRINCIPAL ANG TINGIN KAY PATTI AUSTIN

ian patii12

boy abunda(NI BOY ABUNDA)

KABI-KABILANG concerts ang pinaghahandaan ngayon ni Ian Veneracion. Nakatakdang pumunta ang aktor sa Canada para sa kanilang concert ng international singer na si Patti Austin.

“I’m leaving for Canada for four to five concerts, back-to-back with Patti Austin. So nakaka-pressure kasi feeling ko parang principal. Mapapagalitan ako ‘pag nawala ako sa tono, I’m excited. Pag-uwi ko I’m doing this concert on May 16 and then sana this year madami pang music-related things for me,” nakangiting pahayag ni Ian. Magiging guest ni Zsa Zsa Padilla ang aktor sa ‘Totally Zsa Zsa!’ concert na gaganapin sa Newport Performing Arts Theater ng Resorts World Manila sa May 16.

Matatandaang marami na ring nagawang solo concert ang aktor noong isang taon. Ayon kay Ian ay kailangang mas galingan niya pa talaga lalo na’t world class talent ang makakasama niya sa nalalapit na concert. Unang nagkakilala sina Ian at ang beteranang singer sa naging concert nina Patti at Jaya sa bansa noong December lamang.

“Excited and talagang pressured ako ngayon. Parang it’s the real deal. I’m bringing my whole band with me. So I’m comfortable kasi I’ve been playing with them for a long time and alam na alam na namin ‘yung vibe ng isa’t isa. So I’m really happy that I’m with my band. Kasi mas matatakot ako kung hindi ko banda ‘yung nando’n eh, and then parang nangangapa ka lang. It’s a big deal for me,” pagbabahagi ni Ian. -Reports from JCC-

 

 

 

Please follow and like us:
Read More

BEA EXCITED MAKASAMA SI RICHARD

boy abunda(NI BOY ABUNDA)

EXCITED na si Bea Alonzo sa bagong teleserye na pagsasamahan nila nina Richard Gutierrez at Ian Veneracion. Ito ang kauna-unahang pagkakataon na makakatambal ng aktres si Richard sa isang proyekto. “Excited ako kasi during the time na gumagawa siya ng mga soap opera (sa GMA), katapat no’n ‘yung mga soap operas namin ni John Lloyd (Cruz) sa channel 2. So parang gusto kong makita kung paano ‘yung effect ngayong kaming dalawa naman ang magko-collaborate,” nakangiting pahayag ni Bea.

Kamakailan ay nagkaroon ng world premiere ang pelikulang ‘Eerie’ kung saan ay kasamang bida ng aktres sina Charo Santos-Concio at Jake Cuenca. Ayon kay Bea ay mapapanood naman sa Pilipinas sa susunod na buwan ang nasabing horror film.

Hindi raw masyadong nahirapan ang dalaga sa paggawa ng horror ang tema kahit ito rin ang kauna-unahang pagkakataon na naranasan niya ito. “Ako kasi kapag tumatanggap ako ng proyekto, mas nagko-concentrate ako doon sa character study, at doon sa lahat ng elemento bukod do’n sa character. So hindi ko masasabi kung paano ako nag-a-adjust. With the help of the director and ako, nakakapagplano rin on how I would attack the character,” paliwanag niya.

Samantala, isang bagong negosyo raw ang papasukin ni Bea ngayong taon. “I have a new business na ia-announce ko sana mid this year. I’m so excited for it. Baka mag-post ako ng mga snippets tungkol do’n,” pagtatapos ni Bea.-Reports from JCC-

Please follow and like us:
Read More