23 PINOY SA HUMAN TRAFFICKING SA DUBAI, NAKAUWI NA

dubai12

(NI ROSE PULGAR)

NAKAUWI na ng bansa ang  23 overseas Filipino workers (OFW) na pawang nabiktima ng human trafficking sa Dubai.

Lunes ng alas-9:00 ng umaga nang lumapag ang Philippine Airline flight PR-659 sa Ninoy Aquino Internaional Airport (NAIA) Terminal 2 lulan ang mga naturang OFWs.

Sa panayam kay Leisly Cabatingan, isa sa mga OFW na tubong Cebu City, hinikayat silang mag-abroad ng isang agency sa Dubai sa pamamagitan ng Facebook at pinangakuan sila ng malaking sweldo at mababait na amo.

Pinatulan nila ang alok ng agency sa kadahilanan na wala silang gagastusin para magtrabaho sa abroad.

Nakarating sila ng Dubai gamit ang tourist visa at  pinaniwalaang may kakuntsabang taga immigration sa NAIA ang agent ng agency para makalusot at makalabas ng bansa ang mga biktima patungong Dubai.

Anila, isang agent naman ang nagsisilbing namagitan sa mga babaeng nahikayat mag-abroad mula sa isang agency sa nasabing bansa.

Reklamo ng mga OFWs, pawang nakaranas umano sila ng pagmamaltrato at hindi pagbibigay ng sahod.

Malungkot pang inihayag ni Leisly na muntik na siyang magahasa sa pangalawa niyang amo at mabuti na lamang aniya ay nakatakas siya agad at nagtungo sa Philippine Overseas Labor Office (POLO) sa Dubai at natulungan siya.

Bagama’t pawang mga undocumented silang lahat, agad naman silang tinulungan ng gobyerno upang makauwi sa bansa.

Sinalubong sila ng ilang kinatawan ng Overseas Workers and Welfare Administration (OWWA) para alalayan sa pag proseso ng kanilang mga dokumento bago sila pansamantalang mananatili sa halfway house ng nasabing ahensiya bago sila makauwi sa kani- kanilang mga lalawigan.

Please follow and like us:
Read More

5 BIKTIMA NG TRAFFICKING NAPIGIL

arrestwomen12

(NI MINA DIAZ)

HINDI nagawang makalusot ng limang kababaihan sa mga tauhan ng Bureau of Immigration (BI) sa Clark International Airport (CIA) sa Angeles City, Pampanga matapos matuklasang hindi dokumentadong overseas Filipino workers (OFWs) ang mga ito nang tangkaing umalis ng bansa na nagkunwaring mga turista.

Sinabi ni BI port operations division chief Grifton Medina, ang mga pasahero na pawang kababaihan ay naharang sa dalawang magkahiwalay na insidente noong Mayo 8, ng mga enforcement officer habang pasakay ng kanilang mga flight sa Malaysia at United Arab Emirates.

Nabunyag na ang tatlong babae ay papunta ng Kota Kinabalu kung saan sila ay tinanggap upang magtrabaho bilang mga entertainer sa nightclub habang ang dalawa ay papuntang Lebanon na magtatrabaho bilang kasambahay.

Ayon sa BI, ang tatlo ay naengganyong magtrabaho dahil sa isang job offer na kanilang natanggap sa online, at nakilala ang isang ‘Danilo’ sa isang mall sa Quezon City, kung saan sila ay nagbayad ng P10,000 para sa kanilang recruitment. Inamin nila na inalok silang magtrabaho sa isang pub sa Kota Kinabalu, at ang kanilang mga dokumento ay ibibigay sa kanila sa Hong Kong.

Samantalang ang dalawa ay nagpakita ng mga pekeng visa sa UAE.

Sa ginawang interogasyon inamin nila na inalok silang magtrabaho sa Beirut, at iniutos ng kanilang recruiter na huwag ibunyag ang kanilang tunay na patutunguhan.

“Obviously these women have been victimized by unscrupulous human trafficking syndicates that prey on the poor. We must pursue cases against these illegal recruiters to protect our fellow Filipinos from exploitation in foreign lands,” wika ni Medina.

Sinabi ni Medina na sa panahon ng Inter-Agency meetings, nalaman na ang ilang mga biktima ay humahantong sa prostitusyon, o mas mababang sahod na lihis sa pamantayan ng industriya.

“Illegal recruiters will put their victims in a tight spot. The victims, knowing that they entered through illegal means, would be forced to agree to the unfair work conditions given to them and would even be asked to pay via salary deduction hefty sums for their recruitment,” ibinahagi pa ni Medina.

Dahilan ito upang alertuhin ni BI Commissioner Jaime Morente ang lahat ng kanyang tauhan sa mga daungan sa labas ng Maynila na bantayan ang iba pang mga biktima ng trafficking na maaring magtangkang umalis sa pamamagitan ng parehong pamamaraan.

Naniniwala si Morente na ang “mga sindikato ng trafficking ay maaaring inilipat o ibinaling  ang kanilang operasyon sa iba pang mga international airport dahil sa maraming interception sa NAIA (Ninoy Aquino International Airport).”

Lahat ng limang pasahero ay dinala sa Inter-Agency Council Against Trafficking (IACAT) para sa karagdagang imbestigasyon at tulong.

Please follow and like us:
Read More

BABAE PUPUSLIT PAPUNTANG MACAU NASABAT SA NAIA

naia immigration 12

(NI FROILAN MORELLOS)

NASABAT ng mga tauhan ng Bureau of Immigration (BI) sa Ninoy Aquino International Airport (NAIA) noong Linggo ang isang menor de edad na biktima umano ng human trafficking.

Ayon sa pahayag ng pamunuan ng Bureau of Immigration ang biktima ay pasakay sa kanyang Cebu Pacific flight papuntang Macau nang masakote ng Immigration officers sa departure area ng terminal 3.

Nadiskubre ng Immigration officers na aalis ang biktimang nagkunwaring guardian ng 11- anyos na anak ng kanyang recruiter.

Sa kabila ng kanyang dalang mga papeles at travel clearance mula sa  Department of Social Welfare and Development (DSWD) hindi nakalusot ang babae dahil sa kahina-hinalang kilos nito.

Sa inisyal na imbestigasyon, inamin ng biktima na pinangakuan siya ng trabaho ng kanyang kaibigan bilang isang waitress sa Macau, at ang kanyang ginastos ay babawasin sa kanyang suweldo .

Nadismaya naman si Immigration Commissioner Jaime Morente sa nangyari, sapagkat ginagamit ng sindikato ang mga menor de edad sa kanilang illegal na gawain .

Please follow and like us:
Read More

2 DRUG SUPPLIER HULI, 3 BABAENG IBINUBUGAW NASAGIP

arrest12

DALAWANG umano’y drug supplier ang inaresto samantalang nasagip naman ang tatlong babaeng umano’y ibinibugaw sa mga parokyano matapos lusubin ang hotel na hideout sa Barangay Katipunan, Quezon City, Sabado ng gabi.

Magkatulong na ikinasa ng operatiba ng Anti-Narcotics Unit and Intelligence Branch ng Novaliches Police Station at inaresto ang mga suspect na sina Emmanuel Cerojales, 31, at 18-anyos na si Jessica Abalos na umano’y nagdeliver ng drugs kasama ang tatlong babae.

Sinabi ni Police Captain Dennis Francisco na sangkot sa illegal na aktibidad si Cerojales at sa hotel isinasagawa ang transaksiyon sa customer.

“Doon na rin ginagawa ang transaksyon sa droga. Pwedeng doon din gumamit kasabay ng mga babae kung trip nila o kaya doon lang din ang bilihan,” sabi ni Francisco.

Nakuha sa suspect ang 1.5 gramo ng shabu gayundin ang P6,500 at mga condom.

Nahaharap sa kasong Violation of Republic Act 9165 section 5 and 11 at Violation of Republic Act 9208 o Human Trafficking kay Emmanuel. Ang tatlong babae ay ni-rescue, sumailalim sa counseling at pinalaya rin.

 

 

Please follow and like us:
Read More