MAYMAY SOBRANG NAKA-RELATE SA ROLE NIYA SA HELLO, LOVE, GOODBYE

ANG GARA NI VINIA(NI VINIA VIVAR)

MATAGAL na palang OFW (Overseas Filipino Worker) ang ina ni Maymay Entrata sa Japan kaya naman sobrang nakaka-relate siya sa karakter niya sa Hello, Love, Goodbye na isang DH (domestic helper) sa Hong Kong.

“Lumaki po ako na ang nanay ko, OFW. Mahigit na pong 28 years na siya sa Japan, so hindi po talaga kami nagsama sa isang bubong,” kwento niya.

Kaya alam na alam daw niya na talagang hindi maging madali na maging isang OFW na kailangang tiisin ang pangungulila at magsakripisyo talaga para mabuhay ang pamilya sa Pilipinas.

“Sobrang proud na proud ako sa nanay ko, sa lahat ng OFWs, saludo ako sa inyo dahil mahirap ang ginagawa n’yo,” she said.

When asked kung wala ba siyang balak na kunin ang mommy niya sa Japan since may trabaho na rin siya rito sa Pinas, ani Maymay ay may half-brother din daw siya roon kaya hindi rin daw ganu’n kadali. But she’s hoping na someday ay magkasama-sama rin sila.

Samantala, dream come true para kay Maymay na makatrabaho si direk Cathy Garcia-Molina na direktor ng HLG. Aniya ay isa raw talaga ito sa mga pangarap niya kaya sobrang thankful siya na mapasama sa movie na ito topbilled by Alden Richards at Kathryn Bernardo.

ALONE IN HER FAVE COUNTRY SI KRIS

Kris Aquino is in her fave country now and for a change, hindi niya kasama ang kanyang dalawang anak na sina Joshua and Bimby. Ang kasama lang niya ay ang kanyang mga staff.

Umalis si Kris patungong Japan para raw makapag-relax muna siya dahil pinaghahandaan niya ang kanyang surprise on Saturday, July 20.

“We’re taking a short trip kasi, nag-complain kayong lahat sa sobrang kapayatan ko, so aalis ng 5 nights para ma-relax, mag-try na mag-gain nang kaunti because I have a surprise for all of you which I’m super-excited for.

“We’re shooting it on Saturday, para talaga. . .something you’ve all been waiting for, something I’ve wanted all of you to see, and yes, pumayag na lahat and it’s gonna happen,” ang sabi ni Kris sa short video na in-upload niya bago umalis.

Sa caption ay nag-hint siya na may “reunion” na magaganap na aniya ay ipinadasal niya.

“Thanks kuya. Thanks Bimb… for allowing me to take this trip w/ @rbchanco & @bincailuntayao. Thank you MINDSHARE & @unileverphilippines for making a “reunion” i prayed for, a reality on July 20. Bye for now. Flying to my happy place,” ang caption ni Kris.

Nang may magtanong kung ano ba ang reunion na sinasabi niya, sinagot naman ito ng diretso ni Kris.

“It’s a Christmas endorsement BUT they were so accommodating to allow me to shoot early because we won’t be in the (Philippine flag emoji) for the whole of August, and our (christmas tree emoji)  starts pag “ber” month. Reunion with someone we consider “FAMILY,” sagot ni Kris.

 

Please follow and like us:
Read More

OFWs SA HK GIPIT; PASAPORTENG ISINANGLA KINUMPISKA

(NI DAVE MEDINA)

BUKING ang modus ng mga gipit na Overseas Filipino Workers (OFWs) sa Hongkong na nagsasangla ng pasaporte para makapangutang sa lending company matapos kumpiskahin ang mga pasaporte ng mga ito.

Kasabay nito, umaabot sa 1,400 OFWs ang ilalagay sa watchlist ng Department of Foreign Affairs (DFA) dahil sa naturang iregularidad.

Ang aabot sa 1,400 na pasaporte ng mga (OFWs) na isinangla sa isang lending company ay nasa pangangalaga na ngayon ng embahada.

Sa inisyal na imbestigasyon, napag-alaman na ang naturang mga pasaporte ay ginamit bilang collateral para makapangutang ang mga OFW sa lending company na Overseas First Credit.

Subalit, sa Foreign Service Circular #2014-99 ng Hong Kong ay malinaw na nasasaad  na bawal gamitin ang passport bilang collateral sa anumang pangungutang o iba pang rason.

Bilang parusa sa naturang paglabag sa circular ng mga nahuli, ang kanilang mga pasaporte ay ipapawalang-bisa at isasauli sa Philippine Consulate sa Hong Kong.

Ayon naman sa  Philippine Consulate Office sa Hong Kong, 900 na pasaporte mula sa orihinal na kumpiskadong 1,400 pasaporteng nakumpiska ay na turn-over na sa kanilang tanggapan

Kaugnay nito, nilinaw ng Konsulada na papayagan naman ang mga OFW na muling mag-apply ng panibagong pasaporte ngunit sa paghahain ng panibagong aplikasyon ay kinakailangan nilang magsumite ng affidavit na umaamin at  nagsasabing ang luma nilang passport ay ginamit nilang pang-collateral upang makapangutang.

Please follow and like us:
Read More

KATHRYN-ALDEN FILM MA-OUTGROSS KAYA ANG HOWS OF US?

pwede ed deleon(NI ED DE LEON)

ANG kuwento sa amin, this early, napakarami na raw gustong magpa-schedule ng blocked screening sa isang theater chain para sa pelikula nina Kathryn Bernardo at Alden Richards. Iyong blocked screening ay sa unang araw pa lamang ng playdate. Ibig sabihin, sabi nga ng mga theater bookers, gusto nila ng insurance na magiging malaki ang kita ng pelikula sa mga unang araw pa lamang noon, may manood man o wala.

Kasi kung ang gusto lang nila ay masigurong makakaupo sila sa panonood ng sine, aba eh sigurado naman iyon dahil kung malakas ang pelikula, ang sinehan na mismo ang gagawa ng paraan. Babawasan nila ang screening ng ibang pelikula, para madagdagan ng screening ang mga hits.

Kung may blocked screening ka sa simula pa lamang, ibig sabihin gusto mong matiyak na lalabas na may malaking kita ang pelikula sa mga unang araw pa lamang. Pero iyang blocked screening ay hindi katiyakan na magiging big hit ang pelikula.

“Hindi naman kasi nila makakayang mai-sustain na tuluy-tuloy ang blocked screening nila. Napakalaking gastos noon. Kahit mayaman ka pa hindi mo gagawin iyon,” sabi nga ng aming source. Kasi binabayaran mo na ang lahat ng tickets sa buong sinehan. Dahil sa dami, karaniwan ibinebenta pa iyan nang mas mababa nang kaunti kaysa sa admission prices. Ang totoo, nakakaapekto iyan sa kita ng mga kasunod na screenings, “kasi iyong mga tao basta nakakita ng blocked screening, doon sila bibili ng tickets dahil karaniwang mas mura kaysa sa regular price. Nababawasan ang kita ng kasunod na screening”.

Mayroon namang blocked screening na may sponsor na mga kumpanya. Ipinamimigay na lang nila ang tickets noon, may manood lang. Kaya minsan blocked screening pero wala pa ring tao.

Maraming blocked screening ang kanilang pelikula, pero kaya ba nilang pantayan man lang ang record sa takilya ng Kathniel? Ano ang palagay mo Tito KC?

Please follow and like us:
Read More

KAKAI TARGET NG NEGATRONS DAHIL SA POSTS WITH ALDEN

kakai12

AKO PA BA NI ROSE GARCIA(NI ROSE GARCIA)

MAY  mga na-develop ba na bashers si Kakai Bautista sa pagsasama nila ngayon ng Pambansang Bae na si Alden Richards.

Isa sa supporting cast si Kakai ng “Hello, Love, Goodbye” ng Star Cinema at isa rin si Kakai sa mahilig mag-post sa social media ng mga ganap nila habang nasa Hong Kong. Obvious naman na masaya lang silang lahat at ang tawag niya kay Alden ay “baby.”

As usual, may mga ilang negatrons agad at ‘di bet ang mga postings ni Kakai o yung mga hirit niya sa socmed. Ending, may mga nangba-bash dito.

Nakita namin si Kakai sa naging blessing ng pag-aaring branch ng Mc. Donald’s ni Alden sa Biñan Highway, Laguna at sey niya, hayaan na lang daw ang mga ito.

“Kung doon sila masaya, hayaan na natin sila. Kung doon sila sumasaya.”

Natatawang hirit nga niya, “Friends lang kami ni Alden.”

Eh, hindi naman pala ngayon lang sila nagkasama. Nagkasama rin sila sa ILAM at pareho pa raw silang taga-Laguna ni Alden.“At saka, sanay na akong ma-bash. Kung ano-ano na sinabi sa akin, bahala sila.”

Sobrang happy raw ni Kakai sa movie nila na ito dahil sobrang happy raw ng set nila at team work daw talaga.

Kaabang-abang daw talaga ang tambalan nina Alden at Kathryn Bernardo.

Tulad ni Alden, balik Hong Kong na rin daw siya ngayong araw na ito sa continuity ng shooting nila.

Please follow and like us:
Read More

DANIEL ‘BABAKOD’ SA SHOOTING NI KATHRYN SA HK

kathniel123

(NI PETER LEDESMA)

SOLONG inihatid ni Daniel Padilla sa NAIA Airport ang girlfriend na  si Kathryn Bernardo patungong Hongkong para sa shooting ng movie nito na “Hello, Love, Goodbye” with Alden Richards sa Hongkong.

Dahil tatagal raw ng isang buwan sa nasabing bansa si Kathryn ay susunod sa kanya roon ang kanyang Papa Daniel.

Tatapusin lang daw ng Kapamilya actor ang kanyang mga natanguang commitment tapos fly na siya ng Hongkong. (Matatapos na ang shooting bago matapos ang campaign perioed. Commiitment ni DJ ang manalo ang amang si Rommel Padilla na Congressman sa aming distrito sa Nueva Ecija-Ed)

Well can afford naman ang binata ni Karla Estrada
na magcheck-in sa mamahaling hotel dahil mapera siya.

For sure ay malaki ang gagastusin ni DJ lalo’t nakahihiya naman kung si Kath ang pasasagutin niya sa mga magiging expenses nila habang nasa Hongkong.

Pero papayag naman kaya si Direk Cathy Garcia-Molina(director ng Kathryn-Alden movie) na makigulo sa kanyang set si Daniel? Baka naman lalo na kapag breaktime.

Please follow and like us:
Read More

ALDEN  MAINIT NA TINANGGAP NG KAPAMILYA

alden kat1

ang kulit ni Lolit(NI LOLIT SOLIS)

NAKATUTUWA naman at natuloy na ang pelikulang pagsasamahan nina Kathryn Bernardo at Alden Richards.
Parang sampal ‘yan ngayon sa ibang fans na nagsasabing nagkalat lang daw ng fake news si Alden.

Eh hindi naman galing sa kampo ni Alden ang kuwentong iyun.
Ang bongga lang ng mga baklang taga-PEP at sila ang unang naglabas ng balitang yan.(Manay, scoop story ni Noel Ferrer ang Kathryn-Alden film na halos sabay lumabas sa pep.ph)

Nakausap ko nga ang ibang taga-GMA Artist Center, tuwang-tuwa raw si Alden sa mainit na pag-istima sa kanya ng mga taga-ABS-CBN 2. Napakabait daw sa kanya ng mga taga-Star Cinema, kaya ang suwerte raw niya na  pinili siyang maka-partner ni Kathryn.

Kasi nagsama naman sina Kathryn at Alden sa isang endorsement. Ang bait nga raw ng Mommy Min ni Kathryn sa Pambansang Bae kaya naging kumportable agad si Alden sa kanila.

Pagkatapos ng story conference nila,nagkaroon agad  ng looktest, at lilipad pa-Hongkong si Kathryn para magkaroon ng immersion doon.

Karamihan kasi sa mga eksena ay kukunan doon dahil tumatalakay daw sa millennials na OFW ang takbo ng kuwento, at doon daw sila sa Hongkong nagtagpo.
Kaya sobrang thankful si Alden sa blessing na ito.

Pagkatapos nga ng storycon at look test nila nung Martes, lumipad naman sina Alden pa-Holy Land kinagabihan.
Kasama niya ang mga Dabarkads ng Eat Bulaga na umalis, at magkasama naman sila roon ni Maine Mendoza.
Itong project na ito ang isa raw sa ipagdarasal ni Alden doon sa Holy Land.
·

DAGSA ANG USYUSERO SA WAKE NI CHOKOLEIT;
VICE, POKWANG, K, POH AT SWEET  GABI-GABI HALOS PRESENT

Dagsa raw ang mga tao sa burol ni Chokoleit, na karamihan lang naman
daw ay umusyuso at magpa-picture sa mga artista.
Hindi naman kasi talaga maiwasan yan, kapag artista ang namamatay.

Kaya nakiusap na si John Lapuz na kung puwede huwag nang sabihin kung saan nakaburol dahil ang dami na ang nagpuntahan.

Ang iba nga raw ay nakapasok na sa loob ng chapel at nakakaabala pa sa mga artistang nakikiramay doon.
Halos gabi-gabi ay nasa burol ang mga close friends ni Chokoleit, na sina Vice Ganda, Pokwang, K Brosas, Poh at si Sweet.

Pinaghahandaan daw nila ang last night ng burol dahil dadalhin na ito sa Davao.
Dalawang araw daw nilang ibuburol doon sa Davao, at pagkatapos nun ay iki-cremate na nila.

Ang mga abo raw nito ay ibabalik uli dito sa Maynila at dadalhin sa bahay nito sa Cainta, Rizal para makatabi raw nito ang mga abo rin ng kanyang ina.

Sa totoo lang, ang isa sa concern ko ang mga aso ni Chokoleit na marami rin.

Kapapanganak lang pala ng isa niyang aso, pero may mga may-ari na raw yung mga tuta.
Yung mga alaga raw talaga nitong aso ay aalagaan daw ng bunsong kapatid niya, dahil alam daw niyang mahal na mahal daw ito ng namayapang komedyante.

 

 

 

Please follow and like us:
Read More