LALAKING MAY BITBIT NA PAYROLL MONEY HINOLDAP, PINATAY

(NI ROSE PULGAR)

PATAY ang isang lalaki na may dalang payroll money ng isang travel and tours nang pagbabarilin ng tatlong nakamotorsiklo sa Paranaque City, nitong Biyernes.

Namatay noon din ang biktima na kinilalang si Michael Angelo Mamuad, sanhi ng tinamong mga tama ng bala sa iba’t ibang bahagi ng katawan buhat sa hindi matukoy na kalibre ng baril.

Patuloy pang inaalam ng Paranaque City Police ang pagkakakilanlan ng dalawang suspect na sakay ng motorsiklong walang plaka.

Sa inisyal na ulat, naganap ang pamamaril sa likod ng parking area ng City of Dreams, Macapagal Boulevard panulukan ng Asean Avenue, Barangay Tambo, sa nasabing lungsod, dakong ala-1:35 ng hapon.

Ayon sa imbestigasyon naglalakad ang biktima sa tabi ng COD at Jollibee sa Bgy. Tambo nang biglang sumulpot ang tatlong armadong suspect at pinagtulungan barilin si Mamuad.

May dala umano ang biktima ng hindi pa mabatid na halaga ng payroll money ng Excelsior Travel and Tours nang mangyari ang insidente kaya may hinala ang awtoridad na posibleng panghoholdap ang pakay ng mga salarin.

Sa ngayon, sinusuri pa ng mga imbestigador ang CCTV footage sa malapit na mga estáblisimiyento sa lugar upang magbigay linaw sa naganap na krimen at matukoy ang mga suspect.

 

Please follow and like us:
Read More

3 HULI SA HOLDAP NG CAB DRIVER

(NI FRANCIS SORIANO)

KULUNGAN ang kinabagsakan ng tatlong kalalakihan matapos itong ireklamo at maaresto sa follow-up operation ng Caloocan PNP dahil sa robbery sa Phase 3, Barangay 176, Bagong Silang, Caloocan City, nitong Sabado.
Kinilala ni PCol. Carlito Gaces, hepe ng Caloocan City Police Station, ang mga suspek  na sina Ralph Bertulfo, 34, cellphone technician, ng Phase 3, Package 2, Block 54, Lot 3, Barangay 176, Bagong Silang; Oliver Ramil, 45, ng Area A, Libis, Barangay 175, Camarin at Jiener  Billones, 23, ng Phase 80, Block 66, Barangay 176, Bagong Silang, Caloocan City.

Kinilala ang biktima na si Virgilio  Suganob, 58, taxi driver, ng Phase 1, B27, L8, Pabahay 2000, Muzon, San Jose Del Monte Bulacan.

Ayon kay Gaces, dakong alas 5:00 ng umaga noong Biyernes ay nagtungo ang biktima sa PCP-3 upang ipagbigay alam sa awtoridad na siya ay naholdap ng kanyang pasahero dakong alas 3:30 madaling araw.

Dito ay agad na nagsagawa ng follow-up operation ang PCP-3 sa pangunguna ni PMAJ Jobbie Astucia na nagresulta sa pagkakaaresto ng tatlong suspek dakong alas-3:30 ng hapon.

Narekober sa mga suspek ang  cellphone, improvised 12 gauge shotgun (sumpak),  dalawang 12 gauge Iive ammunition, improvised handgun (pengun),  tatlong  live ammos ng caliber .38, pistol replica at 1 hand grenade.

 

 

Please follow and like us:
Read More

TAXI DRIVER, HINOLDAP, PINASLANG SA PASAY

cabdriver12

(NI KOI HIPOLITO)

INAALAM  ng otoridad ng Pasay City Police Station ang pagkakakilanlan ng mga suspek sa pamamaslang sa isang taxi driver na natagpuan sa loob ng kanyang minamanehong taxi at iniwan sa lugar ng F.B. Harrison Avenue corner Gotamco St., Brgy. 16, Zone 1 sa Pasay City, dakong 9:30 ng gabi noon Miyerkoles.

Nakilala ang biktima na si Edgardo Egan, 54, residente sa No.696 Block 2, Nueve de Pebrero St., Brgy. Mauway, Mandaluyong City, taxi driver ng Elpa Taxi Company na meron plaka na UVW-582.

Base sa ipinadalang report ng Buendia Police Community Precint (PCP-2) kay Pasay City acting Chief of Police Colonel Bernard R. Yang, isang tawag umano ang kanilang natanggap galing sa isang security guard na nakatawag pansin sa grupo ng mga kalalakihan na nakapaligid sa isang kulay puting kotse. Nang lapitan para alamin ang pangyayari ay nakita niya bangkay ng biktima.

Sinabi ni P/Cpl. Anthony Rico na posibleng hinoldap muna bago pinaslang ng hindi pa kilalang salarin ang biktima.

Limang saksak sa katawan ang tinamo ng biktima.

 

Please follow and like us:
Read More

P4-M PANALO SA CASINO NATANGAY SA KOREANO

casino 100

HINARANG at hinoldap ng mga armadong lalaki ang taxi na sinasakyan ng isang Koreano at natangay ang nasa P4 milyong napanalunan nito sa isang casino sa Buendia Flyover, Roxas Boulevard, Lunes ng madaling araw.

Hindi nagpakilala ang biktima ngunit sinabi ng kaibigan nito na galing ang biktima sa isang casino kung saan nanalo ng naturang halaga at sumakay ng taxi para lumipat sa katabing casino sa Paranaque.

Pagdating umano sa Buendia flyover ay hinarang sila ng mga lalaking sakay ng SUV. Tatlong lalaking mula sa sasakyan ang bumaba, nanutok ng baril at tumangay sa pera ng biktima.

Humingi ng tulong ang taxi driver na si Richard Sarmiento sa isang security guard na nakatalaga malapit sa Buendia flyover ngunit wala na ang mga suspect pagbalik nila.

Naniniwala ang biktima na minamanmanan na sya ng grupo at nasundan nang malamang malaking halaga ang napanalunan nito. Inaalam na kung may nakakabit na CCTV sa lugar upang mabilis na malutas ang insidente.

Please follow and like us:
Read More