PAGKAMATAY NG MGA BABOY PINAIIMBESTIGAHAN NI GOB. FERNANDO

HAGUPIT NI BATUIGAS BOMBA

DAHIL sa patuloy na pagdami ng mga itinapong patay na baboy sa ilog na nakita sa lugar ng Guiguinto, San Miguel at Malolos ay ipinasya ng gobernador ng lalawigan ng Bulacan na imbestigahan ang misteryosong pagkamatay ng mga ito.

Kaagad iniutos ni Gob. Daniel Fernando sa Provincial Veterinary Office na tutukan at imbestigahang mabuti ang pagdami ng mga misteryosong pagkamatay ng mga baboy sa Bulacan.

Sa pulong sa mga mamamahayag ay sinabi nito na kanya nang ipinag-utos kay Bulacan Veterinary Officer head Voltaire Basinang na imbestigahan ang insidente para malaman kung ano ang sanhi ng pagkamatay ng mga ito. Kaugnay pa rin ito sa pangambang dulot ng kumakalat na African Swine Flu dahil baka naman sa simpleng sakit lamang namatay ang mga baboy.

Kaugnay nito, bumuo ng National African Swine Fever Task Force ang pamahalaan na may inilaang pondong P7.8-M na tututok sa pagkontrol sa sakit ng mga alagang baboy.

Maging si Mayor Gatchalian ng Malolos City ay nababahala na sa pagkamatay ng mga alagang baboy sa kanyang lungsod kung kayat bumuo na rin ito ng special task force na siyang tututok sa naturang kaso.

Samantala, nakipagpulong na rin sa mga tauhan ng Department of Agriculture si Bulacan Vice Governor Willy Alvarado kasama ang mga board member ng lalawigan upang tutukan ang pagkamatay ng mga baboy sa anim na bayan sa lalawigan ng Bulacan.

Ipinag-utos na rin ni Fernando ang pagsasagawa ng mga checkpoint sa buong lalawigan upang masiguro na hindi kumalat ang sakit na ASF at kasabay riyan ang pagpapatawag sa lahat ng mga barangay chairman sa buong lalawigan upang paalalahanan ang mga ito na maging alerto sa ­lumalaganap na sakit sa baboy at tiyaking naipatupad ang kautusan ni Pangulong Rodrigo Duterte na ibalik sa taumbayan ang kalsada sa kanilang mga nasasakupan.

Tiniyak naman ni Gob. Fernando na bibigyan ng tulong ang mga hog raiser sa lalawigan dahil batid nito ang hirap na dinaranas ngayon ng mga negosyante ng baboy sa lalawigan.

Sa mga nag-aalaga ng baboy sa Bulacan, paalala po lamang huwag ninyong itatago ang mga alaga ninyong may sakit dahil delikadong makain ng tao ang karne ng may sakit na baboy lalo’t may bayan sa lalawigan na nagbebenta ng patay na baboy sa mga nagbobotya. Abangan! (HAGUPIT NI BATUIGAS / Mario Batuigas)

Please follow and like us:
Read More

SINO ANG RERESOLBA SA MALALANG TRAFFIC SA BANSA?

HAGUPIT NI BATUIGAS BOMBA

PINAGBIBITIW ni Senadora Grace Poe si DoTR Secretary Art Tugade dahil hindi raw nagagampanan ng kalihim ang kanyang trabaho lalo na ang pagresolba sa malalang trapik sa Metro Manila partikular sa EDSA.

Makailang beses nang humirit ang DoTR kay Poe na bigyan na nito ng emergency power si Pangulong Rodrigo Duterte para maresolba ang sobrang trapik sa kalakhang Maynila, pero dedma ang mambabatas, sa halip tila takot itong pagbigyan ang kahilingan ni Tugade dahil kapag binigyan ng emergency power ang pangulo ay makorap lamang ang pondo ng gobyerno. Sa sandaling magkaroon ng emergency power ang pangulo, wala nang magaganap na bidding sa mga prokyekto ng ahensiya.

Sa totoo lamang, hindi naman lahat ng pagresolba sa sobrang trapik sa bansa ay kailangan ang mga bidding power, ang kailangan natin ay ang mabigyan ng ekstra power ang pangulo para maresolba ang trapik sa Metro Manila, halimbawa na riyan ang pag-utos sa mga private subdivision na padaanan ang kanilang lugar para maibsan ang volume ng sasakyan na dumadaan sa EDSA.

Kapag ang mga pribadong lote at mga subdibisyon ay nadaanan ng mga sasakyan papuntang Pasig, Makati at Baclaran ay tiyak luluwag ang daloy ng trapik.

Ang mga panukalang pagbawas sa mga sasakyan ay mahirap nang mapigilan dahil may mga kababayan tayong kahit hirap sa paghulog ng sasakyan kada buwan ay mas gugustuhin nilang kumuha ng kahit segunda manong sasakyan, kesa naman magtiis sa mga UV, Grab at buses na ubod nang bagal ang takbo dahil sa trapik.

Subukan ninyong bigyan ng emergency power ang pangulo kahit isang taon lamang para maresolba ang matinding trapik sa Metro Manila at sa totoo lamang maaari namang maglagay ng isang ahensiya o composite team ang DoTR na siyang magbabantay para matiyak na walang magaganap na katiwalian sa mga proyekto na gagawin ng ahensiya na may kinalaman sa pagresolba ng matinding trapik sa bansa.

Kaya kay Senator Grace Poe, huwag kang masyadong magduda, pagbigyan mo muna ang kahilingan ng ahensiya, kung ayaw mo naman ikaw na ang gumawa ng paraan para maresolba ang matinding trapik sa Metro Manila.

Hindi ka ba nahahabag sa kalagayan ng ating commuters na nale-late sa pagpasok sa trabaho o eskwela? O kaya naman suportahan na ninyo ang panukala ni Kongresman Egay Erice na ipagbawal na ang mga private vehicle sa EDSA at ang papayagan lamang ay ng mga public utility vehicle para lumuwag ang kalsada. Period. (HAGUPIT NI BATUIGAS / MARION BATUIGAS)

Please follow and like us:
Read More

SEN. LACSON UMALMA SA ‘IGNORANTE’ NI PRES DU30!

HAGUPIT NI BATUIGAS BOMBA

UMALMA si Senador Panfilo “Ping” Lacson sa pahayag ni Pangulong Rodrigo Duterte kamakalawa na ignorante ito at pinipilit na maging crusader. Dapat umanong magbasa muna ng batas si Lacson.

“Hindi ko naman matanggap na sabihan ako na ignorante, pero magkaibigan pa rin kami dahil noong nagpupunta ako sa Davao nagkikita kami,” pahayag ni Lacson.

Nag-ugat ang lahat nang magbigay ng reaksyon sina Lacson at VP Leni Robredo sa ­pahayag ng pangulo na bawal umano sa batas ang pagtanggap ng regalo ng mga pulis na hindi nagustuhan ni Duterte.

“The penchant for politician, to think that they are the only ­honest men and women in this world gaya nito ni Gordon, Lacson, nagpapa-hero nung may isyu. When I said that the policemen can accept gift in gratitude but small token, I was stating that’s the  words of the law,” ­pahayag ng pangulo.

Dahil dito, nag-post sa kanyang Twitter account si Lacson ng “Is this not graft Mr. President? Pray tell, who is ignorant.”

Sinabi pa ng mambabatas na masyadong ini-exaggerate umano ng pangulo ang kanyang mga pahayag at sinabi na sa tuwing magsasalita si Duterte ay nagbibigay ng komento ang mambabatas.

“Bukod sa aking Twitter post ako ay nagbibigay lamang ng mga komento sa mga isyu kung tinatanong ako at hindi sa lahat ng pagkakataon,” pahayag pa ng senador.

“I may not be a lawyer but I know how to read and understand what I read, o kahit magtanong pa kayo sa aking mga lawyer na abogado,” pahayag pa nito.

Pinabulaanan din ni Lacson ang pahayag ni Duterte na kaya ito nag-iingay at nagbibigay ng mga komento dahil tatakbo itong pangulo ng bansa at pinipilit maging crusader.

“I am not even sure if I want to run for president, so I do not know what he is talking about,” dagdag na pahayag ni Sen. Lacson.

Sa ganang akin, sa Republic Act 3019 o ang ANTI-GRAFT AND CORRUPT PRACTICES ACT ay wala tayong nakitang Section or Definition of terms na ­maaaring tumanggap ng regalo ang sinomang tauhan o ­opisyal ng gobyerno. (HAGUPIT NI BATUIGAS / Mario Batuigas)

Please follow and like us:
Read More

WITNESS SA GCTA FOR SALE DAPAT ILAGAY SA WPP!

HAGUPIT NI BATUIGAS BOMBA

SA patuloy na pagdinig sa Senado kaugnay sa kontrobersiyal na pagpapalaya sa mga heinous crime convict, unti-unting nabibigyan ng linaw ang isyu ng Good Conduct Time Allo­wance (GCTA) for sale sa Bureau of Corrections (BuCor).

Sa imbestigasyon ng Senate Blue Ribbon Committee na pinamumunuan ni Senador Richard Gordon, ipinatawag ang isang Yolanda Camelon na asawa ng isang bilanggo na nagbigay umano ng pera kay Senior Insp. Maribel Bansil, BuCor Officer, para sa maagang paglaya ng asawang si Godfrey Gamboa. Halagang P50,000 umano ang napagkasunduan nila ni Bansil para makalaya nang maaga ang kanyang asawa sa pamamagitan ng GCTA.

Naghintay ang mag-asawang Godfrey at Yolanda sa pangako ni Bansil subalit hindi natupad kaya nagdesisyon ang mga ito na bawiin na lamang ang P50,000 subalit pinababalik-balik lamang si Camelon kaya nagsumbong na ito sa mga senador.

Isiniwalat ni Camelon sa Senado na nanghihingi umano ng pera si Bansil sa kanya para ibigay sa hepe ng documentation division ng BuCor na si Ramoncito Roque at ang u­nang P10,000 ay sa bahay pa umano ni Roque idineliber hanggang sa mabuo ang halagang P50,000.

Sa pagtatanong ng mga senador kay Roque, inamin nito na isinoli na niya ang pera kay Camelon pagkaraan ng ilang araw kung saan nagpahayag ang mga senador na bakit pinatagal pa bago isinoli ang pera kay Camelon.

Si Godfrey Gamboa ay nakatakda nang lumaya sa darating na Oktubre 14, taong kasalukuyan. Pero nabalitaan niya ang tungkol sa GCTA for sale kaya napag-usapan nilang mag-asawa na magtanong-tanong tungkol dito para makalabas siya nang maaga.

Inihayag din ng mag-asawa ang kagustuhang ibulgar sa Senado ang lahat ng kanilang nalalaman kaugnay sa GCTA for sale. Nakahanda na rin umano si Gamboa kung anoman ang mangyayari sa kanyang buhay sa sandaling bumalik ito sa bilangguan.

“Alam mo ba na wala ka namang mapapala kung magsasalita ka rito sa Senado? Pagtatanong ni Senador Lacson. Sumagot naman si Gamboa na “nakahanda na ako at maaaring mapatay ako sa loob ng bilangguan dahil sa aking pagsisiwalat sa katotohanan. Naawa ako sa aking  mga kapwa bilanggo, ang iba namamatay na lamang lalo na ang mga walang dalaw. Karamihan sa mga maagang nakalaya ay ang may mga kasong heinous crime samantalang ang mga simpleng kaso lamang ay hindi makalaya.”

Tinanong naman ni Senador Ping Lacson si DOJ Secretary Menardo Guevarra kung maaari bang habang nasa custody nila si Gamboa ay mapabilang o maisama sa computation ng kanyang paglaya at sinabi naman ni Guevarra na titingnan nila kung paano ang computation at posible rin na maisama sa Witness Protection Program (WPP) si Gamboa.

Sa ganang akin, sa sanda­ling matapos ang pagdinig ng mga senador sa GCTA for sale at kapag naibalik si Gamboa sa kulungan na hindi pa ito mapalaya ay nanganganib ang kanyang buhay dahil marami itong isiniwalat na anomalya sa loob ng BuCor kasama na rin ang kanyang asawa na si Camelon.

Kaya sana, huwag pumayag ang mga senador na maibalik sa kulungan si Gamboa dahil na-consumate na nito ang kanyang sentensiya na apat na taon kaya nga nakatakda na siyang lumaya sa darating na Oktubre. (HAGUPIT NI BATUIGAS / MARION BATUIGAS)

Please follow and like us:
Read More

ILLEGAL POGO WORKERS DAPAT IMBESTIGAHAN

HAGUPIT NI BATUIGAS BOMBA

MUKHANG umaarangkada na naman ang mga tauhan ng Bureau of Immigration and Deportation kung saan ang pakay nila ay mag-monitor sa mga illegal alien at mga dayuhang nagtatrabaho nang walang special working permits.

Kamakailan ­lamang ay may pangyayari na may isang grupo ng mga tauhan ng BID ang may misyon na magsagawa ng pag-inspeksyon sa mga ­establisimyento ng ­Philippine Offshore ­Gaming ­Operators (POGO) kung saan isa sa mga ­sangay nito sa Metro Manila ang nainspeksyon ng grupo, subalit nang malaman ng mga ito na limampu (50) katao sa mga nagtatrabaho na Chinese na pawang walang special working permits ay kaagad na nagdeklara ang mga ito ng raid.

Matindi ang koneksiyon ng naturang POGO dahil habang inuusisa ng grupo ang mga papeles ng mga Chinese worker ay tila nakatawag ito ng padrino kung kaya medyo lumamig ang sitwasyon habang mahigpit naman ang ­pagbabantay ng grupo sa mga illegal worker.

Sinasabing nagkaroon umano ng negosasyon kung saan pumapel ang padrino at sinabi nito sa POGO na kailangan ang  halagang P30 milyon para huwag nang arestuhin ang ­naturang mga Chinese worker.

Ang tanong natin, alam kaya ni BID Commissioner Jaime Morente ang lakad ng kanyang mga tauhan? Na pinagkakakitaan ng mga ito ang mga Chinese na walang special working permit na nagtatrabaho sa POGO? Tiba-tiba nga naman ang mga kolokoy kung hindi ito nakarating kay Morente.

Dapat imbestigahan ng mga senador at kongresista ang patuloy na pagdami ng POGO sa ating bansa kung saan marami pala sa mga trabahador nito ay pawang mga walang special working permit.Napakaluwag ngayon pumasok ang mga Chinese sa ating bansa pero dapat salain ang mga ito ng BID.

Mantakin mo nga naman, pinagkakakitaan pa ng mga kupal ang mga Chinese kaya ayos lang sa kanila na pumasok ang mga ito sa ating bansa kaya halos 70% na sa mga condo unit sa Metro Manila ay inuupahan ng mga Chinese.

Bakit hindi kumilos ang mga mambabatas at kuwestiyunin ang Philipine Gaming Carporation (PAGCOR) na patuloy na nagbibigay ng permit sa POGO na mag-operate ng pasugalan sa ating bansa? Sa totoo lang, hindi lamang mga Intsik ang naglalaro sa POGO outlets, ­maging ang mga negosynteng Pinoy ay nagsusugal din kaya tinuturuan ng PAGCOR ang mga Pilipino na magsugal.

Dapat din imbestigahan ng mga mambabatas si PAGCOR Chairwoman Andrea Domingo at Vice President Carmelita Valdez kung saan napupunta ang bilyong pisong pondo ng kagawaran.

May nakarating na impormasyon sa inyong lingkod na napakaluwag umanong magbigay ng pondo ni Domingo sa mga politiko at pagbibigay ng alokasyon ng advertisement sa mga media outlet kahit hindi naman kilala ang istasyon.

Kahit nga raw iyong mga blocktimer na broadcaster sa radyo ay nakakukuha ng alokasyon ng advertisement sa PAGCOR kaya kung tutuusin, nasasayang lamang ang pondo ng ahensiya sa walang kuwentang pinagkakagastusan. Abangan ang karugtong.

oOo

Palaging subaybayan ang aking programa sa social media LATIGO NEWS TV at sa aking Youtube channel, LATIGO ONLINE NATIONWIDE NEWS TV (HAGUPIT NI BATUIGAS / Mario Batuigas)

Please follow and like us:
Read More

MAHIGIT 88 HEINOUS CRIME CONVICTED, PINAKAWALAN SA PANAHON NI FAELDON SA BUCOR!

HAGUPIT NI BATUIGAS BOMBA

DALAWANG araw na ginisa ng mga senador si Bureau of Correction Director General Nicanor Faeldon kaugnay sa pagpapalaya ng mga convicted heinous crime inmate at sa pagtatanong mga mambabatas ay maraming nakita at napuno sa mga sagot ng mga kasamahan ni Faeldon at maging ng director ng BuCor, na talagang marami silang ginawang katiwalian at kapalpakan.

Sa totoo lamang marami ang nagtatanong at nagtataka kung anong hinahawakang alas ni da­ting Navy Captain Nicanor Faeldon at sobrang lakas nito kay Pangulong Rodrigo Duterte at sa kabila ng mga kinasasangkutan nitong katiwalian at kontrobersiya ay hindi pa rin ito sinisibak ng pangulo?

Si Faeldon ay tumulong noong nakaraang 2016 presidential election sa kampanya ni Duterte, kaya bilang utang na loob ay binigyan ito ng puwesto sa gobyerno bilang kumisyuner ng Bureau of Customs (BOC) kung saan sa pamumuno nito ay maraming mga shabu ang nakalusot sa kanyang liderado nito kabilang na ang P6.4 bilyong halaga ng shabu.

Ibinunyag pa nga noon  ni dating BOC Commissioner Isidro Lapeña na tumanggap umano si Faeldon ng mahigit sa P107 milyon pasalubong mula sa mga bigtime smuggler, subalit pinabulaan ito ng dating kumisyuner.

Dahil sa sobrang kapalpakan at katiwalian sa ahensiya ng BOC ay napi­litang sibakin ni Duterte si Faeldon at ipinakulong ito ng mga senador dahil hindi ito sumasagot sa tanong ng mga mambabatas.

Makaraang makalaya sa poder ng mga senador, ay agad din itong itinalaga ni Duterte bilang Bureau of Correction (BuCor) director general at marami ang nagulat nang pumutok sa media na palalayain na si dating Calauan, Laguna Mayor Antonio Sanchez na may kasong rape at double murder makaraang ipapatay nito ang magkasintahan na sina Allan Gomez at Aileen Sarmienta na ni-rape bago pinatay.

Dahil nabuko ng media ang nakatakdang pagpapalaya kay Sanchez at iba pang halos 11,000 inmates ay pansamantalang ipinatigil ito ng Malakanyang at natuklasan ng mga senador at kongresista na halos umaabot na sa mahigit sa dalawang libong mga bilanggo ang pina­laya simula noong 2014 dahil umano sa bisa ng Good Conduct Time Allowance (GCTA).

Sinabi ni Bayaning Partylist Congressman Jerecho Nograles, simula nang maupo bilang Director General ng BuCor si Faeldon noong 2018 ay umaabot sa 816 na  mga bilanggo na convicted at may mga kasong heinous crime ang napalaya sa pamamagitan ng GCTA sa ilalim ng R.A. 10592 simula noong Enero hanggang Agosto 2019.

Mantakin mo nga naman, ang mga bilanggo na  may mga kasong murder at rape ay halos 42 % sa kabuuan ng 1,914 preso na napalaya na simula noong 2014 hanggang 2019.

Sinabi pa ni Nograles, 22, 049 ang total ng inmates na nakakulong sa iba’t ibang piitan sa buong bansa ang pinalaya sa pamamagitan ng GCTA? simula nang maging batas ito noong 2013. At 48 sa mga bilanggo ito na convicted sa kasong illegal drugs ay nakinabang sa sinasabing GCTA.

Ayon naman kay Senador Lacson, apat  sa Chineses drug lords ang pinalaya at patuloy pa rin ang pangangalap ng ebidensiya ng mambabatas para matukoy ang iba pang mga pangalan ng pinalaya sa BuCor dahil sa GCTA.

Halatang halata na  pera-pera ang labanan diyan sa BuCor, mantakin mo ang mga taong hinatulan ng guilty sa mga kasong heinous crime ay pinalaya? Mabuti na lamang at nagyabang si Faeldon na lalaya na si dating Mayor Antonio Sanchez kaya pumutok sa media at napigilan ang paglaya nito.

Kay Pangulong Rodrigo Duterte, sana makinig ka sa payo ni Senador Ping Lacson, na huwag mo namang gawing recycled ang mga dating opisyal ng gobyerno na kinasuhan na tapos itatalaga mo pa rin sa puwesto?

Kay BuCor Chief, Nicanor Faeldon sir… hindi ka ba naaawa sa mga pamilya ng mga biktima ng heinous crime na sila ay umaasa na nakakulong ang mga taong may kasalanan sa kanilang pamilya? Mababalitaan na lamang ng mga pamilya na pinalaya na pala? Kung may delicadeza ka, dapat umalis ka na riyan sa puwesto mo.. kakahiya na eh!  (HAGUPIT NI BATUIGAS / MARIO BATUIGAS)

Please follow and like us:
Read More

ANTONIO SANCHEZ, LAYA NA NABULILYASO PA!

HAGUPIT NI BATUIGAS BOMBA

MAGASAGAWA na raw ng malalimang imbestigasyon ang Department of Justice (DOJ) kaugnay sa umano’y nakatakda sanang pagpapalaya sa kontrobersiyal na ­dating alkalde ng Calauan, Laguna na hinatulan ng pitong habambuhay na pagkabilanggo.

Ayon sa DOJ, sisiguraduhin nilang may mananagot na mga opisyal ng Bureau of Correction sa sandaling mapatunayan na  nakipagkutsabahan ang mga ito sa umano’y pagpapalaya kay dating Calauan, Laguna Mayor Antonio Sanchez.

Si Sanchez ay hinatulan ni retired Judge Harriett Demetriou ng pitong Reclusion Perpetua sa pagpatay kina Allan Gomez at Aileen Sarmienta at paggahasa sa huli.

Si Sanchez umano ay kabilang sa 11,000 bilanggo na nakatakdang palayain ng gobyerno dahil kuwalipikado ang mga ito sa Republic Act 10592 o Good Conduct Time Allowance (GCTA), subalit nang pumutok sa media ang balitang kasama sa palalayain si Sanchez ay umani ito ng batikos sa taumbayan at netizens kung saan ­maging sina Senador Ronald Dela Rosa at Presidential Spokesperson Salvador Panelo ay nagpahayag na may karapatan umanong magbagong buhay ang convicted rapist at murderer na si dating Mayor Antonio Sanchez.

Sinabi naman ni ­Pangulong Rodrigo Duterte na hindi siya papayag na makalaya si Sanchez dahil hindi ito kuwalipikado sa Good Conduct Time Allowance (GCTA) dahil ang kinasasangkutan nitong kaso ay heinous crime o karumal-dumal na krimen.

Ayon naman sa pamilya ni Sanchez, may nagpasabi na sa kanilang pamilya mula sa BuCor na palalayain na ang kanilang amang si Antonio Sanchez kung kaya nagmadali silang sunduin ito at nang nasa parking area na ng NBP ay may tumawag sa kanila na hindi muna matutuloy ang pagpapalaya sa kanilang ama.

Well, sa ganang akin, kung hindi sana nabuking at ipinamalita ni BuCor Chief Nicanor Faeldon na lalaya na si Sanchez, hindi sana mauunsiyami ang paglaya ng kontrobersiyal na rapist at murderer.

Kung ako ang tatanungin, talagang hindi dapat palayain si Sanchez dahil hindi siya qualified sa GCTA dahil heinous crime ang kanyang kaso.

Dapat imbestigahan ang mga opisyal ng Bureau of Correction para malaman kung sinu-sino sa mga ito ang nag-compute at nagrekomenda na isama sa mga bilanggo na palalayain at kung bakit isinama sa listahan si Sanchez.

Kaya kay Justice ­Secretary Menardo Guevarra, sir… laliman ninyo ang gagawing imbestigasyon, tiyak may anomalyang nangyari kaya isinama sa listahan si Sanchez para makalaya ito. Kung hindi pa nabuking ng media, kasama na sana sa palalayain ang  convicted na si Sanchez. (HAGUPIT NI BATUIGAS / Mario Batuigas)

Please follow and like us:
Read More

PANUKALANG BATAS NI SEN. PANGILINAN, TUTULDOK SA TALAMAK NA LAND CONVERSION!

HAGUPIT NI BATUIGAS BOMBA

Nakakalungkot isipin na patuloy ang pagbagsak ng produksiyon ng palay sa buong bansa dahil sa unti unting pagkaubos ng mga lupang taniman ng ating mga kababayang magsasaka dahil sa mga land conversion.

Alam ba ninyo na sa kabila ng maliit na produksiyon ng palay ang inaani ng ating mga magsasaka ay lalo pa silang pinapahirapan  o nalulubog dahil sa napakamurang halaga lamang binibili ang kanilang mga inaning palay?

Dahil sa Rice Tariffication Law ay halos wala nang bumibili sa aning palay ng mga magsasaka dahil ang mga negosyante ng palay at bigas ay umaangkat na sa ibang bansa sa mas murang halaga lamang kung ikukumpara sa halaga ng palay sa ating bansa, kaya napipilitang ibenta ng mga magsasaka ang kanilang palay maging ang kanilang palayan dahil sa pagkalugi.

Ang Rice Tarification Law ay inaabuso at sinasamantala ng mga bigtime rice trader kung saan binibigyan sila ng karapatan na umangkat ng bigas sa ibang bansa at ang hindi maganda ay nasasangkot  umano ang mga ito sa rice smuggling kakutsaba ang ilang ­tiwaling opisyal ng Bureau of Customs(BOC).

Ang siste, halos lahat ng mga magsasaka ay inutang lamang ang kanilang puhunan para  makapagtanim ng palay at kapag panahon na ng anihan ay halos lugi pa sila dahil may tubo ang perang kanilang inutang at mura ang bili sa kanilang mga palay.

Sa inihaing Senate Bill No. 256 o ‘The Agricultural Land Conversion Ban Act’ ni Senador Francis “Kiko” Pangilinan, layunin ng kanyang panukala na mapigilan ang conversion ng agricultural lands.

Mantakin mo nga naman na simula noong 1988 hanggang 2016, umabot na sa 100  libong ektarya ng taniman ang ginawang subdibisyon, bodega, pabrika, residential, commercial at industrial na maikukumpara sa laki ng Metro Manila at buong lalawigan ng Cebu?

Napapanahon ang panukalang batas ni Pangilinan, dahil maisasalba nito ang kakulangan sa pagkain ng mga Pilipino dahil sa ban ng land conversion sapagkat ang mga natitirang lupain sa bansa ay  maaari nang taniman ng mga magsasaka.

Sa totoo lamang napakaraming mga land developer at nagmamay-ari ng mga subdivision, eh wala nang inisip ang mga ganid na ito kundi silipin ang mga nakatiwangwang na lupain at aangkinin, bayaran ang amilyar ng lupa at palalabasin na sila na ang may ari at tatayuan  ng subdivision.

Isa na sa pamilyang nangunguna sa pagpapatayo ng mga subdivision ay ang pamilya Villar na tila hindi na iniisip ang kapakanan ng mga magsasaka na mawawalan ng matataniman ng palay dahilan upang kapusin sa suplay ng bigas ang ating bansa.

Marahil naisip ni Pangilinan na unti-unti nang nauubos ang agricultural land sa bansa kaya naghain ito ng panukalang batas na pipigil sa mga land conversion.  (HAGUPIT NI BATUIGAS / MARIO BATUIGAS)

Please follow and like us:
Read More

TAMA BA NA LAGING MMDA ANG SINISISI SA MATINDING TRAFFIC?

HAGUPIT NI BATUIGAS BOMBA

NITONG nakaraang linggo ay matindi ang trapik na naranasan ng ating mga kababayan sa halos buong Metro Manila partikular sa EDSA. Biruin mo nga naman, inabot ng halos apat na oras ang biyahe sa nasabing lansangan magmula lamang sa Makati patungong  lungsod ng Quezon.

Pinagpipiyestahan na nga ng media at mga politiko ang nangyaring “carmageddon” noong nakaraang linggo at idagdag pa ang matinding ulan na dulot ng hanging Habagat at ang kalituhan sa ipinalabas na Tempory ­Restraining Order (TRO) ng korte laban sa pagpapatupad ng provincial bus ban.

Maging ang Senado ay nagpatawag ng pagdinig tungkol sa nangyaring indulto at imbudo sa EDSA. Marami ang nagbigay ng kanilang panukala upang masolusyunan ang naturang problema ng ating bansa.

Ayon sa mga kritiko, sinisisi ang MMDA dahil wala raw sapat na preparasyon sa planong provincial bus ban at bakit daw pinupuntirya ang mga provincial bus sa halip na pagtuunan ang enforcement ng mga batas-trapiko.

Ang sabi naman ng iba ay masyado na raw marami ang mga sasakyan na tumatakbo sa Metro Manila, ang iba naman ay nagsabing mas higit na dapat bigyan ng importansiya ang kapakanan ng mga ­komyuter sa halip na ipasara ang mga terminal ng bus na nag-ooperate sa kahabaan ng EDSA.

Sa totoo lang, ang daming panukala pero kulang sa suporta kaya ang kawawang ahensiya ng MMDA ang madalas na tumanggap ng batikos at kritisismo mula sa mga politiko at taumbayan.

Tama ang sinabi ni MMDA General ­Manager Jojo Garcia, na hindi naman sila ang nagpapasimuno ng pagtanggal ng mga provincial bus terminal sa EDSA. Hindi rin sila ang nagpasimuno sa pagtatayo ng malaking bus terminal sa labas ng Metro Manila kung saan doon lamang titigil ang mga provincial bus upang magbaba at magsakay ng mga pasahero mula sa mga lalawigan.

Hindi kasi alam ng iba na ito ay programa ng nakaraang administrasyon na ipinatutupad lamang ng MMDA at malinaw sa charter ng MMDA na tagapagpatupad lamang sila ng alituntunin at kasunduan ng mga bumubuo ng Metro Manila Council na ang mga ­miyembro ay mga alkalde sa Metro Manila. At alam ba ninyo na ang number coding ng MMDA ay hindi sinusunod ng lungsod ng Makati at Las Piñas dahil may sarili silang ordinansa sa number coding?

Sa mga kritiko at mga politiko, sa halip na magpasikat kayo at bumatikos sa para sa inyo’y kamalian ng MMDA, suportahan na lamang ninyo, tulad ng pagsuporta ng MMDA sa kautusan ng DILG na linisin ang mga lansangan sa Metro Manila.

Ang matindi nga pati iyong mga dating naging chairman ng MMDA na sina ­Bayani ­Fernando na ngayon ay ­kongresman na at Francis Tolentino na ngayon ay senador na, sumasawsaw din sa isyu ng trapik sa ating bansa. Ang tanong natin bayan, noong panahon ng dalawang ito bilang chairman ng MMDA, ­nasolusyunan ba nila ang sobrang trapik sa Metro Manila at EDSA? Hindi rin di ba? Sa totoo lang, namana lamang ng kasalukuyang nagpapatakbo ng MMDA ang mabigat na suliraning ito.

Hindi tumitigil ang MMDA sa paghahanap ng solusyon sa problemang kinakaharap hangga’t hindi pa natatapos ang malalaking proyekto tulad ng MRT-7, subway, mga karagdagang tulay na mag-uugnay sa Pasig, Mandaluyong at Makati at ang interconnector road, CALAEX at iba pang mga imprastraktura.

Kaya para sa akin, hindi lamang ang MMDA ang dapat sisihin sa problemang kinakaharap ng lipunan patungkol sa trapik. (HAGUPIT NI BATUIGAS / Mario Batuigas)

Please follow and like us:
Read More

MMDA ITUTULOY NA ANG PAGBABAWAL SA PROVINCIAL BUSES SA EDSA!

HAGUPIT NI BATUIGAS BOMBA

MAKARAAN ang napakahabang plano, pag-aaral, pakikipagpulong sa mga opisyal ng Land Transportation Franchising and Regulatory Board (LTFRB), Land Transportation  Office (LTO) at Metro Manila mayors, tuloy na tuloy na ang plano ng Metro Manila Development Authority (MMDA) na alisin ang lahat ng provincial buses na dumaraan sa EDSA.

Ayon kay MMDA General Manager Jojo Garcia, kasado na ang kanilang plano at operasyon upang pagbawalan sa kahabaan ng EDSA ang provincial buses para mabawasan ang sobrang traffic at maglalagay na sila ng fence at rubber bollards.

Sa totoo lang, matagal nang plano ng MMDA na alisin sa EDSA ang mga bus terminal at i-ban ang lahat ng provincial buses, pero hindi matuloy-tuloy dahil sa maraming problemang kinakaharap ang ahensiya.

Maging si Pangulong Rodrigo Duterte ay naiinis na rin dahil sa hindi masolusyunang matinding traffic kung kaya noong nakaraang taon ay hiniling nito sa Kongreso na ma­bigyan ng emergency powers para masolusyunan ang matinding traffic sa Metro Manila pero hindi naipagkaloob ng mga mambabatas.

Naniniwala tayo na hindi tumitigil sina MMDA Chairman Danilo Lim at General Manager Jojo Garcia na mapaluwag ang traffic sa Metro Manila lalo na sa kahabaan ng EDSA.

Kung inyong matatandaan, pag-upo ni Lim sa MMDA, kaagad niyang sinampulan ang mga bus terminal sa EDSA at natuklasan na karamihan sa mga terminal ay walang permit.

Sa ating mga kababayan, huwag ho kayong magagalit at mag-alala dahil maglalagay ang MMDA ng designated bus station para sa mga bus na manggagaling sa probinsiya.

Para sa kaunlaran ng ating bansa ang ginagawa ng gobyerno na mapaluwag ang daloy ng trapiko sa Metro Manila at para hindi malugi ang ating mga negosyante at gobyerno ng bilyong piso kada araw dahil sa sobrang traffic.

Kina MMDA Chairman Danilo Lim, GM Jojo Garcia at Ma’am Celine Pialago, congratulations sa inyong kasipagan. Congrats for a job well done.  (HAGUPIT NI BATUIGAS /  MARIO BATUIGAS)

Please follow and like us:
Read More

BLACK SAND MINING SA APARRI, CAGAYAN DAPAT IPATIGIL!

HAGUPIT NI BATUIGAS BOMBA

NANGANGAMBA ang mga residente ng Appari, Cagayan dahil sa patuloy na dred­ging operation ng isang dayuhang kompanya kung saan natatakot ang mga mamamayan sa masamang epekto ng paghuhukay sa kanilang ilog.

Ayon kay Joel Aquino at iba pang residente, umaabot na sa kanilang mga bahay ang tubig dahil sa pag-apaw ng ilog simula nang maghukay ang Chinese company. Nangangamba sila na gumuho ang mga gilid ng ilog kung patuloy ang paghuhuhay ng dayuhang kompanya.

Nitong nakaraang Martes ay naglabas na ng kanilang resolusyon ang Sangguniang Bayan ng Aparri na humihiling sa Department of Environment and Natural Resources (DENR) Region 2 na ipatigil ang dred­ging operation ng Chinese company. Napag-alaman din na walang dred­ging plan at permit ang kompanya na kinontrata umano ng provincial government.

Sinasabing nagkaroon ng Memorandum of Agreement(MOA) ang provincial government ng Cagayan at Chinese company para palalimin ang ilog na magbibigay-daan sa pagbubukas ng Aparri Port.

Kamakailan ay ipinag-utos ni Pangulong Rodrigo Duterte ang dredging sa apat na malalaking ilog sa bansa at kabilang na riyan ang Aparri, Cagayan River.

Pero, ayon naman sa Anti-Mining Advocate Group ng Cagayan, hindi dredging ang pakay ng Chinese company kundi ang pagmimina ng “black sand” sa Aparri River na sinasabing aabot umano sa $50 milyon ang bentahan sa bansang Hong Kong.

Sinikap ng inyong lingkod na makuha ang panig ni Cagayan Governor Manuel Mamba, pero hindi ito sumasagot sa a­king text at tawag para sana makapagbigay siya ng kanyang kasagutan kaugnay sa isyu at rek­lamo ng mga mamamayan ng Aparri.

Sa mga taga-DENR, kay Secretary Roy Cimatu, sir, malaking usapin ang pagmimina ng black sand sa ilog ng Aparri, Cagayan baka naman ho pwede ninyong ipatigil dahil mismong ang taumbayan at simbahan ay tutol sa dredging operation ng Chinese company dahil sa masamang epekto nito sa kalikasan lalo na sa buhay ng mga residente.

Teka muna, kay Governor Manuel, sir, ano po ba ang kasunduan ninyo ng dayuhang kumpanya para payagan ang dredging o pagmimina ng black sand? Kita-kitang ho sa video na sinisipsip ng malaking tubo ang mga buhangin na ga­ling sa ilalim ng tubig at hindi lupa ang kanilang hinuhukay.

oOo

Subaybayan ang aking araw-araw na FACEBOOK LIVE PROGRAM sa LATIGO NEWS TV at sa YOUTUBE CHANNEL ang LATIGO ONLINE NATIONWIDE NEWS TV.  (HAGUPIT NI BATUIGAS / MARIO BATUIGAS)

Please follow and like us:
Read More

“NO BREAK POLICY” SA BID AT MODUS NG CHINESE NATIONAL SA BANSA!

HAGUPIT NI BATUIGAS BOMBA

IMINUNGKAHI ng Department of Transportation (DOTr) na ipatupad ang “No break policy” sa mga opisyal ng Bureau of Immigration lalo na kung maraming nakapila sa mga Immigration counter sa Ninoy Aquino International Airport (NAIA).

Ayon kay Secretary Arthur Tugade, mas higit na mababawasan ang mahabang pila sa mga Immigrations counter at mababantayan pa umano ang record ng mga turista na pumapasok ng bansa. Idinagdag pa ni Tugade na kailangan din ng karagdagang rapid response team o strike team force mula sa Manila International Airport Authority para sa pagbabantay sa mga immigration counter.

Sa kasalukuyan ay 500 personnel lamang ang naka-deploy sa tatlong terminal ng NAIA na nasa shift schedule kaya iminungkahi ng kalihim ng “No break Policy”.

Sa panayam ng inyong lingkod kay Ma’am Dana Sandoval, spokesperson at Deputy Chief ng IRD, sinabi nito na higit nilang binabantayan ang mga immigrations counter para ma-monitor ang pagpasok ng mga turista at kahit kakain lamang ang isang personnel ay hindi nawawalan ng tao ang immigration counters dahil may shifting sila.

Napakaganda ng mungkahi ni Secretary Arthur Tugade dahil maiiwasan nga naman ang matagal na pila ng mga tao sa immigration counter. Mismong ang inyong lingkod ay naobserbahan ang mahabang pila sa mga counter, pero tuloy-tuloy naman ang paggalaw nito.

Ang importante ay dapat magdagdag ng personnel ang BID para lalong maserbisyuhan ang mga pasaherong pumapasok sa terminal o paliparan sa buong bansa.

Ang ating pakiusap lamang kay BID Commissioner Jaime Morente, Sir, sana naman higpitan pa ninyo ang pagbabantay sa mga undocumented Chinese national na halos umaabot na sa 1.3 milyon ang nakapasok sa bansa dahil sa maluwag ang ating gobyerno sa pagpapasok sa mga ito.

Kamakailan lamang ay may mga Chinese national na hinuli ng NBI dahil sa pangingidnap sa kanilang kababayan na ang kanilang modus ay alukin na mag-travel sa Pilipinas pero kalaunan ay kanilang pauutangin para magsugal sa mga casino hanggang mabaon sa utang. Kapag hindi nakabayad ay kanilang ikukulong at ipatutubos sa mga kamag-anak ang biktima.

Diyan lamang sa lungsod ng San Jose Del Monte, may isang “Godfather” ng mga Chinese national na nagngangalang alyas Jojo Lim at Vicson Lim na maraming hawak na mga Intsik na itinatago umano sa kanilang warehouse sa isang barangay sa lungsod. Kapareho ang kanilang modus operandi, aalukin ang kanilang kababayan na mapera na mag-travel sa Pilipinas at tuturuang magsugal sa casino at kapag lulong na ay kanilang pauutangin hanggang masimot ang dalang pera. Kapag walang-wala na ay mapipilitan na itong mangutang at doon na ito sasamantalahin ng mga kababayang pasok sa ganitong uri ng sindikato. Abangan ang mas matitindi pang expose. (HAGUPIT NI BATUIGAS / Mario Batuigas)

Please follow and like us:
Read More

PAGBAWI SA MGA KALSADA SA METRO MANILA SINIMULAN NA!

HAGUPIT NI BATUIGAS BOMBA

SINIMULAN na ng Department of Interior and Local Government (DILG) ang pagbawi sa mga kalsadang hindi nagagamit nang tama sa kalakhang Maynila makaraang ipag-utos ni Pangulong Rodrigo Duterte kay DILG Secretary Eduardo Año.

Kaagad namang pinulong ni Año ang lahat ng alkalde sa Metro Manila katuwang ang Metro Manila Development Authority (MMDA) at mga barangay official upang matiyak na maipatutupad ang kautusan ng pangulo at mabawi sa mga illegal vendor ang bangketa.

Tinaningan ni Año ng dalawang buwan o 60 days ang mga mayor sa Metro Manila na linisin ang mga sagabal sa mga pampublikong kalsada sa kanilang nasasakupan at inaasahan ng kalihim na sa buwan ng Setyembre ay malinis na ang mga kalsada sa Metro Manila.

Binalaan ni Año ang lahat ng alkalde sa Metro Manila at mga gobernador na kakasuhan ang mga ito kapag nabigo silang mabawi ang pampublikong kalsada mula sa mga pribadong gumagamit nito.

Samantala, hindi lamang alkalde at gobernador ang tumalima sa kautusan ni Pangulong Rodrigo Duterte kundi maging ang PNP sa pangunguna nina PNP Chief Director General Oscar Albayalde at NCRPO Director Major General Guillermo Eleazar ay pinangunahan ang paglilinis sa mga obstruction kabilang na ang mga outpost ng barangay at PCP ng PNP maging ang isang PNP detachment sa lungsod ng San Juan na mismong sina General Albayalde, General Eleazar at Mayor Francis Zamora ang nanguna sa pagsira.

Kitang-kita ang dedikasyon sa tungkulin at trabaho ni Eleazar kung saan siya pa ang nagmungkahi kay General Albayalde na kailangang gibain ang nasabing PNP Detachment sa nasabing lungsod bago sila maggiba ng iba pang mga nakasasagabal sa mga kalsada kung kaya’t pinangunahan nito (Eleazar) ang pagmaso sa PNP detachment na sinundan naman nina PNP Chief Albayalde at Mayor Zamora.

Sana naman MMDA Chairman Danny Lim, Secretary Eduardo Año sir … ipatupad na ninyo ang pagbabawal sa mga bus na dumaan sa EDSA dahil sila talaga ang pangunahing pinagmumulan ng matinding traffic.

Kung inyong mapapansin, hanggang sa panahon ngayon ay nakasusuya nang bumiyahe sa EDSA dahil sa matinding traffic kaya sa sandaling tuluyan nang maipagbawal ang mga bus sa kahabaan ng kalyeng iyan ay tiyak luluwag na ang naturang kalsada.

Ika nga, political will ang kailangan para maisakatuparan ang paglilinis sa mga kalsada sa Metro Manila lalo na sa kahabaan ng EDSA kung saan naging epektibong chairman ng MMDA si retired General Danilo Lim at marami na itong napatunayan lalo na ang pagpapasara sa mga iligal na terminal ng bus sa EDSA. Abangan!  (HAGUPIT NI BATUIGAS / MARIO BATUIGAS)

Please follow and like us:
Read More

LOTTO OPERATIONS NG PCSO, IBINALIK NI PDU30!

HAGUPIT NI BATUIGAS BOMBA

KASING bilis ng kidlat kung umaksyon si National Capital Region Police Office (NCRPO) Chief Major General Guillermo Eleazar sa pagpapasara sa lahat ng gaming operations ng Philippine Charity Sweepstakes Office (PCSO) sa kalakhang Maynila.

Ang mabilis na aksyon ni Eleazar ay kaugnay sa kautusan ni Pangulong Rodrigo Duterte na ipasara ang lahat ng gaming operations ng PCSO tulad ng Keno, Peryahan ng Bayan, Lotto at Small Town Lottery (STL)  kung saan nagalit ang pangu-lo dahil sa natuklasan nitong talamak na katiwalian sa ahensya. Subalit pagkaraan ng limang araw ay muling binawi ng pangulo ang kanyang kautusan at pinabuksan ang operasyon ng Lotto matapos lumabas sa imbestigasyon ng Mala-kanyang na walang anomalya sa Lotto operation ng PCSO. Nananatiling suspendido ang operasyon ng Keno, Peryahan ng Bayan at STL.

Sa nakalap na impormasyon ng inyong lingkod, umaabot sa P73 bilyon ang kinikita ng PCSO sa gaming operations pero P4 bilyon lamang ang pumapasok sa kaban ng gobyerno at ang P69 bilyon ay napupunta sa bulsa ng mga tiwaling opis-yal ng PCSO.

Halos tatlong linggo pa lamang naitalaga bilang bagong general manager ng PCSO si retired Kernel Royina Garma, pero nagkaroon kaagad ng sibakan dahil ang balita namin hindi umano magkasundo ang ilang opisyal sa PCSO kaugnay sa remittance ng kita ng naturang gaming operations ng ahensya.

Saan ngayon lalapit ang ating mga kababayan lalo na ang mahihirap na humihingi ng pinansiyal na tulong? Mabuti na lamang pinabuksan ng pangulo ang operasyon ng Lotto kaya makalalapit na uli rito ang ating mga kababayan.

Alam ba ninyo na umaabot na ngayon sa 80 ang nakakuha ng prangkisa ng STL na dati lamang ay 18 at ang mga nakakuha ay karamihan mga retired general at ang iba naman ay malapit umano kay Pangulong Duterte? (HAGUPIT NI BATUIGAS /Mario Batuigas)

Please follow and like us:
Read More

PAGPAPASARA SA PCSO GAMING OPERATIONS MALAKING PERWISYO!

HAGUPIT NI BATUIGAS BOMBA

MALAKING perwisyo sa mga taong umaasa sa gaming operation ng Philippine Charity Sweepstakes Office(PCSO) katulad ng Keno, Peryahan ng Bayan, Lotto at Small Town Lottery (STL) ang pagsasara ng mga ito.

Nagsimula ang lahat nang magalit si Pangulong Rodrigo Duterte sa garapalang korapsyon sa ahensiya kung saan natuklasan ng pangulo na P4 bilyon lamang ang pumapasok na kita ng gobyerno mula sa nasabing gaming operations gayung ang totoo pala na kinikita nito ay umaabot sa P73 bilyon kada taon.

Ang balitang nakaabot sa atin, hindi magkasundo ang ilang matataas na opisyal sa PCSO kaya nagkaletse-letse ang ahensya.

Ang tanong, paano na ngayon ang mga taong umaasa sa PCSO lalo na ang mga tumaya na nanalo at kumuha ng prangkisa ng STL? Saan lalapit ang ating mga kababayan lalo na ang mahihirap na nasa mga ospital ngayon na walang pambayad? Libu-libong kababayan natin ang umaasa sa tulong ng PCSO at nang dahil lamang sa awayan ng mga opisyal ay marami ang nadamay dahil ito ang naging dahilan para itigil ang operasyon ng mga gambling game nito.

Dapat sibakin ni Pangulong Duterte ang mga nag-aaway na opisyal sa PCSO at palitan sila ng mga hindi korap.

Alam mo ba Pangulong Duterte na dahil naipasara na ang gaming operations ng PCSO ay may mga sumulpot na jueteng sa lalawigan ng Nueca Ecija, Pampanga at Pangasinan? Nagbanta si PNP Chief Oscar Albayalde na kanyang sisibakin ang mga hepe ng pulisya na mahuhulihan ng illegal gambling sa kanilang perya.

Kaya dapat lamang na kaagad pabuksan ng pangulo ang PCSO para manungbalik ang kita ng gobyerno at manumbalik ang sigla  ng mga taong umaasa sa tulong ng ahensiya. (HAGUPIT NI BATUIGAS / MARIO BATUIGAS)

Please follow and like us:
Read More

MGA MAYOR KARAMIHAN BABAERO – PRES. DU30!

HAGUPIT NI BATUIGAS BOMBA

NANINIWALA si Pangulong Rodrigo Duterte na tatlo sa limang alkalde sa bansa ay mayroong kinakasamang ibang babae kaya hindi mapigilan ang katiwalian sa pamahalaan, ayon sa pahayag ng isang mataas na opisyal ng Department of Interior and Local Government (DILG).

Ayon kay DILG Undersecretary Epimaco Velasco, 95 porsiyento sa mga gobernador at mayor sa bansa ang nakausap ng pangulo sa isang hotel sa Maynila nang ipahayag nito na 60 percent sa mga alkalde sa buong bansa ang may mistresses kaya natutukso umanong magkaroon ng pera sa kanilang mga bulsa para masustine ang pangangailangan ng kanilang mga kabit.

Sinabi ni Densing na dismayado na umano ang pangulo sa nangyayaring korapsyon sa gobyerno kaya parang gusto na nitong mag-resign dahil hindi nito kayang sugpuin ang katiwalian sa gobyerno.

Pinaalalahanan din ni Duterte ang mga local chief executive na huwag malilinya sa illegal drugs dahil nasa huling tatlong taon na lamang niya sa termino kaya kapag may mga nasangkot sa mga ito ay kanyang papatayin.

Ipinag-utos din ni Duterte sa DILG official na maglabas ng isang Circular na nag-uutos sa mga local chief executive na linisin ang mga kalsada na kanilang nasasakupan para mabawasan ang sobrang traffic sa bansa at ang mabibigong sumunod ay sususpendihin sa tungkulin.

Iyan ang gusto ng taumbayan Mr. President, ang kamay na bakal at political will, sumasang-ayon ako sa pagtaya mo na 60 porsiyento sa mga alkalde sa bansa ay may mga kabit kaya nga hindi masugpo ang korapsiyon sa gobyerno.

Natural kapag mistress ka ng mayor, sosyal ka. Kailangan bilhin ni mayor ang lahat ng gusto ng kanyang kabit para hindi siya iwan. Tao lang ang mga mayor kaya kailangan nila ng kaligayahan, pero ang nagsasakripisyo naman ay ang pera ng taumbayan.

Diyan lamang sa lalawigan ng Bulacan, maraming mga alkalde ang may mga kabit na dapat imbestigahan ng DILG para masampahan ng kaso. I-PM n’yo ako at ibubulong ko sa inyo. Maging sa sa 1st Engineering ng DPWH Bulacan ay may opisyal na madalas uminit ang ulo dahil panay ang hingi ng pera ng kanyang kulasisi. Gusto n’yong malaman? Abangan!  (HAGUPIT NI BATUIGAS / MARIO BATUIGAS)

Please follow and like us:
Read More

SA PAGKAWALA NG 641 CONTAINERS, BILYONES ANG NAWALA SA GOBYERNO!

HAGUPIT NI BATUIGAS BOMBA

HINDI dapat lubayan ng Bureau of Customs (BOC) ang mga taong sangkot sa pagkawala ng 641 containers sa loob ng Port of Manila (POM) kung saan nalugi o nawalan ng mahigit sa isang bilyong pisong buwis ang gobyerno.

Kung hindi sana nagpabaya ang Intelligence Group ng (IG-BOC) na pinamumunuan ni Ranier Ramiro, hindi sana nakalabas ang 641 containers. Trabaho ni Ramiro ang bantayan ang lahat ng mga iligal na transaksyon sa Aduana.

Ang mga sinampahan ng kaso sa Department of Justice (DOJ) ay ang mga may-ri ng Orophils Shippings Corporations, Inc. na sina Juan Orola, Jr. chairman of the board; Tomas Orola, president & CEO; Elizabeth Orola Salabas, vice president; Gilray Romeo Torres, operations ma­nager; John Derick Mendoza, John Adam Derain, Documentations Officer of MMD Logistics, Inc.; Myra Doce, Gliceria Umandap, processor, Cyrill Go at Eliceo Mon­tances.

Walang ibang dapat kumilos kundi sina BOC Commissioner Leo­nardo Guerrero, Atty. Jet Maronilla at iba pang opisyal ng ahensya para tugisin ang nasabing mga akusado dahil malaking anomalya ang kinasangkutan ng mga ito.

Hindi biro ang pagkawala ng 641 containers kaya dapat lamang na pursigihin ng BOC at DOJ na habulin ang mga akusado sa pagkawala ng mga ito dahil maliwanag na itong sabotahe at pagnanakaw sa kabang bayan ng gob­yerno.

Dapat bantayan ng mga taga-BOC na hindi magkaroon ng whitewash sa kaso ng mga nabanggit na personalidad dahil kapag nalusutan ng mga ito ang kinakaharap nilang kaso ay tiyak uulit at uulit ang mga iyan.

Kagaya ng ating sinasabi, bagama’t nagpaliwanag na ang pamunuan ng Orophil Shippings na wala silang kinalaman sa pagkawala ng 641 containers ay marami ang hindi naniniwala na ino­sente sila.

Sa mga taga-BOC, bantayan ninyo ang kaso sa DOJ dahil baka maluto at makalusot pa ang mga lintek na may kinalaman sa pagkawala ng mga container sa BOC. Ayaw ni Tatay Digong ng ganyan. Abangan!  (HAGUPIT NI BATUIGAS / MARIO BATUIGAS)

Please follow and like us:
Read More

“PULIS MAGITING PROGRAM” MAGBIBIGAY INSPIRASYON SA MGA TAUHAN NG PNP

HAGUPIT NI BATUIGAS BOMBA

HINDI tumitigil sina PNP Chief Director General Oscar Albayalde at National Capital Region Police Office (NCRPO) Chief Major General Guillermo Eleazar sa pagsasagawa ng mga programa at cleansing sa hanay ng kapulisan upang tuluyan nang manumbalik ang tiwala ng taumbayan.

Marami na ang nakasuhan, nakulong at natanggal sa serbisyo na mga pulis dahil sa hindi pagkunsinte nina Albayalde at Eleazar sa mga pulis na gumagawa ng pang-aabuso at paglabag sa batas pero hindi pa rin sila nawawalan ng pag-asa na malilinis nang tuluyan ang kanilang hanay.

Panibago na namang programa ang inilunsad nina Albayalde at Eleazar katulad na lamang ng ­“Pulis Magiting Program” na naglalayong mabigyan ng pagkilala at inspirasyon ang mga pulis na gumawa nang mabuti sa ­kapwa at para lalo pa nilang pagbutihin ang kanilang serbisyo sa taumbayan.

Isang halimbawa si Corporal Claro Fornis ng Police Community Precinct 1, ng Makati City Police Station na nag-viral sa social media. Siya ­tumayong guardian ni ­Angela Perez, na nakakulong ang mga magulang dahil sa kasong illegal drugs.

Sa kabila naman ng cleansing sa PNP, dalawa na namang pulis at isang asset ng mga ito ang inaresto ng kanilang kapwa pulis makaraang ireklamo ng isang Robert Tamondong, 28 anyos, nakatira sa Tambakan 2, Eusebio Avenue, Barangay San Miguel, Pasig City.

Ayon sa reklamo ng biktima, nilapitan siya ng mga suspek na sina P/Cpl. Roy Duman-ag, 27, P/Pat. Arsenio Velardo, 29, kapwa nakatalaga sa PCP 5 Drug Enforcement Unit at ang police asset na si Francisco at sinabi ng mga ito sa biktima na huwag kang tumakbo dahil isa kang drug addict. Kasunod nito ay kinapkapan ang biktima at kinuha ang kanyang P850 cash at isang silver wedding ring na naging dahilan upang magsumbong ang mga kamag-anak niya sa mga pulis na agad namang isinagawa ang pagdakip sa mga suspek. Nabawi sa kanila ang singsing ng biktima.

Diyan natin hinahangaan si Major General Guillermo Eleazar dahil mabilis siyang umaksyon at walang sinasanto na mga kabaro basta nagkamali, tiyak kulong at tanggal. Hinikayat naman ni Eleazar ang mga biktima na magsampa ng reklamo laban sa mga suspek para tuluyan nang makulong at matanggal sa serbisyo.

Sa dami ng mga accomplishment ni Major General Guillermo Eleazar, walang duda na siya na ang pipiliin na maging PNP Chief sa pagreretiro ni General Oscar Albayalde. Mabuhay ka General Eleazar sir. Keep up the good work! (HAGUPIT NI BATUIGAS / MARIO BATUIGAS)

Please follow and like us:
Read More

BAKIT HINDI NA LAMANG BUWAGIN ANG OWWA AT POEA?

HAGUPIT NI BATUIGAS BOMBA

MAY panukalang batas si Senador Bong Go na magtatatag ng Department of Overseas Filipino Workers (DOFW) upang matutukan at mabantayan ang mga kababayan nating nagtatrabaho sa ibang bansa na kadalasan ay biktima ng pang-aabuso ng kanilang mga employer.

Ang panukalang batas ni Go ay upang may matakbuhan ang mga OFW sakaling magkaroon ng problema ang mga ito at upang mabantayan ang mga recruitment at placement agency sa ibang bansa hanggang sa makabalik sa Pilipinas ang ating mga kababayang OFW.

Sinasabing ang pagtatayo ng DOFW ay siyang mamamahala at sasaklaw sa mga ahensiya ng gob­yerno tulad ng Overseas Workers Welfare Administration (OWWA) at Philippine Overseas Employment Administration (POEA).

Teka muna Senator Go, sir… hindi po ba duplication lamang ang panukala mong batas na pagtatatag sa DOFW? Dahil ang OWWA at POEA ay kapareho ng function ng bubuuin mong ahensiya? Sayang lamang ang pondo ng gobyerno para sa panukala mong DOFW? Bakit hindi mo na lamang kausapin si Pangulong Rodrigo Duterte na bigyan ng pangil at dagdagan ang pondo ng OWWA at POEA para matulungan ang ating mga kababayan na biktima ng pang-aabuso sa ibang bansa?

Alam mo ba Senator Go, na marami sa ating mga kababayan ang nakukulong sa ibang bansa na walang kasalanan at napagbintangan lamang ng kanilang mga amo? Bakit hindi kayo maglaan ng malaking pondo sa OWWA at POEA para tulungan ang ating mga kababayang OFW na hindi makauwi dahil walang pamasahe? At bakit hindi ninyo kastiguhin ang mga opisyal ng Philippine Consulate sa ibang bansa na siyang nakikipagkutsabahan sa mga amo ng ating mga kababayan para sila ay makulong? Alam mo rin ba na ginagawang busabos ng mga sulsol este Consul ng Pilipinas sa ibang bansa ang ating mga kababayang OFW? Iyan ho ang pagtuunan mo ng pansin – ang pagpapauwi sa mga kababayan natin mula sa ibang bansa.

Iyong pagtatatag ng DOFW ay pagsasayang ng oras at pondo ng gobyerno sa sandaling magkaroon ng mga hearing sa senado at paglaan ng panahon at pondo riyan sa sinasabi mong panukalang batas. Uulitin ko, buwagin na lamang ang OWWA at POEA kung ipaggiitan mo ang panukala mong batas na isang duplication lamang sa trabaho ng OWWA at POEA. Period. Nga pala, sinikap ko na makuha ang panig mo pero hindi ka sumasagot sa a­ming text at tawag.  (HAGUPIT NI BATUIGAS / MARIO BATUIGAS)

Please follow and like us:
Read More

NCRPO CHIEF MAJ. GEN. GUILLERMO ELEAZAR, SINIBAK ANG DALAWANG ABUSADONG PULIS!

HAGUPIT NI BATUIGAS BOMBA

SA kabila ng pagiging istrikto at mahigpit sa pagdidisiplina sa mga alagad ng batas nina PNP Chief Director General Oscar Albayalde at NCRPO Chief Major General Guillermo Eleazar, may mga pulis pa rin ang patuloy na umaabuso sa tungkulin tulad na lang ng mga nag-viral kamakailan sa social media.

Sa direktiba ni Albayalde kay Eleazar, ipinag-utos nito na tanggalan ng tsapa ang mga pulis na nasangkot sa pang-aabuso kaya’t inatasan naman ni Maj. Gen. Guillermo Eleazar si Eastern Police District (EPD) Director B/General Nolasco Bathan na alisin na sa San Juan Police Station at Marikina Police Station sina PSMS Arnulfo Ardales at PSMS Nicolas Lapie, Jr. at ilipat sa Regional Headquarters Support Unit (NC RPO-RHSU) sa Camp Bagong Diwa, sa Taguig.

Ang siste, noong Sabado ng gabi, nag-viral sa social media ang pagmumura at pagbabanta ni Ardales sa isang call center agent na nakasabay niyang bumili ng ulam sa karinderya sa San Juan kaya’t nagalit si Albayalde at ipinag-utos na disarmahan ang nasabing pulis.

Samantala, nakakulong naman ngayon sa Pasig City Custodial Center si Lapie, Jr. dahil sa kasong Physical Injuries in Relation to RA 7610 o The Anti – Child Abuse Law dahil sa pananakit sa walong taong gulang na totoy na nanonood ng basketball game sa covered cout ng Barangay Bambang sa naturang lungsod.

Kitang-kita sa video na sinakal ng pulis ang bata at pinagmumura. Nakatakbo ang bata ngunit hinabol pa rin ng pulis at pinilipit ang braso. Mabuti na lang at naglakas ng loob ang mga nakakita at inawat ang pulis.

Nagtataka lamang tayo kung bakit nagagawa ng mga pulis ang umabuso sa tungkulin gayung bago sila pumasok sa pagkapulis ay dumaan sila sa katakot-takot na training at alam nila ang hirap na kanilang pinagdaanan lalo na ang moral values at disiplina sa sarili bilang iang alagad ng batas? O baka naman gumagamit na rin ng illegal drugs sina Ardales at Lapie, Jr. kaya hindi nila napipigilan ang kanilang sarili na umabuso? Kailangan muli ng PNP ang random drug test at patuloy na cleansing para tuluyan nang malinis ang hanay ng PNP at maalis na ang bulok sa kanilang hanay.

Kay Major General Guillermo Eleazar, sir, mabuhay ka dahil patuloy mong nililinis ang hanay ng mga pulis sa NCRPO at dahil diyan nagtitiwala na ang publiko sa mga alagad ng batas. (HAGUPIT NI BATUIGAS / Mario Batuigas)

Please follow and like us:
Read More

MUNGKAHI NA GAWING GAMOT ANG MARIJUANA, PAG-ARALANG MAIGI

HAGUPIT NI BATUIGAS BOMBA

NAIS ng Phi­lippine Drug Enforcement Agency (PDEA) na pag-aralang maigi kung maaari nga bang gamitin ang Marijuana bilang gamot. Sa pana­yam ng inyong lingkod kay Director Carreon, sa aking programa sa social media live at youtube channel, sinabi nito na nakatakda nang umpisahan ang pagsasaliksik ng kanilang ahensya tungkol sa paggamit ng Marijuana bilang gamot.

Ang magiging resulta ng kanilang pag-aaral ay gagamitin sa Kongreso at Senado para makatulong sa deliberasyon kaugnay sa naturang panukala. Matatandaang noong nakaraang 17th Congress ay inaprubahan na sa Kamara ang panukalang paggamit ng medical marijuana subalit bigo itong makalusot sa senado.

Sinasabing sa pagbubukas ng 18th Congress, nakatakda itong muling talakayin kung saan nakapaloob sa nasabing batas ang:  (1). Paggamit ng medical Marijuana bilang gamot para sa malalang sakit. (2). Pagpapatayo ng Medical Cannabis Compassionate Center na siyang res­ponsable sa pagbibigay ng medical Marijuana sa mga kwalipikadong pasyente.

Nilinaw rin ni Carreon sa inyong lingkod na ang sinasabing medicinal Marijuana ay gamot na sasamahan o may sangkap lamang na Marijuana at hindi iyong mismong halaman na Marijuana.

Sa ganang akin, tama ang desisyon ng PDEA sa pamumuno ni Director General Aaron Aquino na pag-aralan muna ang pagsasabatas  ng medicinal Marijuana bago ito tuluyang aprubahan at tiyaking maigi kung may medicinal value ba talaga ito sa mga taong may sakit na gagamit nito.

Mahirap kasi kung hindi mapag-aralan ang nasabing panukala at sa sandaling ma­ging batas na ito ay baka naman maraming kabataan ang gu­mamit nito at makasira sa kanilang kalusugan at kinabukasan dahil ang Marijuana ay nakakaadik at nakaka-high din.

Bilib tayo kay PDEA Director General Aaron Aquino. May tapang at malasakit sa mga Pilipino at maging sa gobyerno kung saan dibdiban ang kanyang pagpupursige na malansag ang iligal na droga sa bansa.  (HAGUPIT NI BATUIGAS / MARIO BATUIGAS)

Please follow and like us:
Read More

SIKRETO NI DUQUE PATULOY NA ILALANTAD NI SEN. LACSON

HAGUPIT NI BATUIGAS BOMBA

MAS patitindihin pa umano ni Senador Ping Lacson ang pagbubun­yag sa mga anomal­yang kinasasangkutan ni De­partment of Health (DOH) Secretary Francisco Duque III na may kaugnayan sa Philippine Health Insurance Corporation (PhilHealth) at DOH para tuluyan nang makasuhan ito ng plunder sa Office of the Ombudsman.

Kamakailan lamang ay ibinulgar ni Lacson ang sikreto ng kalihim kaugnay sa pagpapaupa sa PhilHealth sa gusali na pag-aari ng pamilya Duque na matatagpuan sa Dagupan, lalawigan ng Pangasinan.

Sinabi ng mambabatas na mas matindi pa ang kanyang gagawing pagbubunyag sa kinasasangkutang katiwalian ng kalihim at upang mapatunayan na umaabuso ito sa tungkulin.

“Maliwanag na plunder. Isang dokumento na lang hinihintay ko,” pahayag ng senador. Meron na naman, mas malaki pa, mas grabe pa. Di lang ito list ng building niya kundi may family corporation involved na meron na namang kinalaman tungkol sa DOH mismo.” Hinihintay na lamang ng senador ang mga dokumento para higit na patunayan ang akusasyon na may iregularidad sa pamumuno ng kalihim sa naturang ahensiya.

“May hinihintay akong last document. May hawak akong mga dokumento. Karamihan ng dokumento na dumating sa amin, galing din sa loob eh. kasi sa tinagal-tagal ng panahon, nakikita nila ang namumuno sa PhilHealth na pinaglalaruan ang pera,” dagdag pa ng senador.

“Mantakin mong sa kuwenta nila, for the last five years lang, P154 bil­yon ang nalustay. ‘Yan ang kuwenta nila at ito alam mo, nagpasa na tayo ng Universal Health Care Act. Ang pondong hinihingi ng DOH, P257 bilyon, na pondo lang sa nakaraang GAA para sa 2019, P217 bilyon, so may funding gap na P40 bilyon.”

“Nagpasa tayo ng sin tax kung saan inaasahang earmark sa UHC P22 bil­yon. Daan-daang bilyon ang pinag-uusapan natin tapos nakakarinig tayong nilustay nila ang P154 bil­yon only for the past five years,” pagpapatuloy ng senador.

Sinabi ni Lacson na sa sandaling makumpleto na ang kanyang mga hawak na ebidensiya ay ibibigay niya kay Pangulong Rodrigo Duterte para mapag-aralan. “Kapag kumpleto na. Sa ngayon subs­tantial, pero mas maganda ang makarating sa hanggang logical conclusion,” pahayag pa nito.

Well, mabuti na lamang at may isang Senador Ping Lacson na may tapang at malasakit upang ibulgar ang katiwalian sa gobyerno. Biruin mo, pinaglalaruan lang pala ang pondo ng PhilHealth at DOH na aabot sa P154 bilyon? Walang kaalam-alam ang taumbayan na napupunta lamang sa iisang bulsa ang pera ng taxpayers? Nasaan ang konsensiya ng mga taong ito? Kaya dapat lamang na makasuhan ng graft at plunder sa Ombudsman si Duque sakaling totoo ang mga alegasyon laban sa kanya. Abangan ang karugtong. (HAGUPIT NI BATUIGAS / Mario Batuigas)

Please follow and like us:
Read More

DANIEL FERNANDO, NANUMPA BILANG IKA-35 GOBERNADOR NG BULACAN

HAGUPIT NI BATUIGAS BOMBA

PINANGUNAHAN ni Bulacan Governor-elect Daniel R. Fernando ang sabayang panunumpa sa tungkulin ng mga bagong halal na opisyal ng lalawigan na ginanap sa Bulacan Capital Gymnasium sa lungsod ng Malolos kasabay ng kanyang prayoridad na proyekto ang  “The Peoples Agenda 10”.

Si Fernando na dating SK Federation president, board member at bise gobernador ng lalawigan ay nanumpa bilang ika-tatlumpo’t limang punong lalawigan ng Bulacan at maglu­lunsad ng mga proyektong tulad ng kalusugan, edukasyon, kabuhayan, agrikultura, serbisyong panlipunan, imprastraktura, turismo, kultura, kapaligiran, kaayusan, kapayapaan at mabuting pamamahala.

Nagpasalamat si Fernando kay dating Governor Wilhelmino M-Sy Alvarado dahil sa pinagkatiwalaan siya ng dating gobernador at nangako ito na magtutulungan sila ni Alvarado para sa kapakanan ng mga Bulakenyo at magi­ging halimbawa siya bilang gobernador ng mga tao at lingkod ng lahat.

“On my honor and as my solemn, I will listen to the call of people for good governance. Sa tulong ninyong lahat, ako si Daniel R. Fernando at ang aking mga kasamahan sa paglilingkod ay maninindigan para sa kaunlaran at pagbabago sa lipunan. It is a social transformation based on good governance with honesty ang integrity,” pahayag ng gobernador.

“Kung dati nahihirapan ang mga tao na pumunta sa bahay ko at sa kapitolyo dahil wala silang pamasahe, ako na mismo ang lalapit sa kanila, ilalapit ko sa mga tao ang kapitolyo,” dagdag na pahayag ni Fernando.

Kay Governor Daniel Fernando, sir congratulations! Sana magtagumpay kayo ng partner mong si VG Willy Alvarado para mapabuti ang pamumuhay ng mga Bulakenyo at isa kang tunay na lingkod bayan at “HINDI KA NANG-IIWAN NG KASAMA SA KAPARTIDO.” May ibang politiko riyan  na nanlalaglag ng kanilang mga kasamahan.  (HAGUPIT NI BATUIGAS / MARIO BATUIGAS)

Please follow and like us:
Read More

3 KOREANO NA NAGPASOK NG BASURA SA BANSA IPINADE-DEPORT NI COLLECTOR JOHN SIMON

HAGUPIT NI BATUIGAS BOMBA

PUSPUSAN na ngayon ang paghahanap ng mga awtoridad sa tatlong Koreano na nagpasok ng tone-toneladang basura sa bansa upang matiyak na hindi makatatakas ang mga ito at tuluyan nang ipade-deport pabalik sa kanilang bansa.

Sa panayam ng inyong lingkod kay Caga­yan De Oro Port Collector Atty. John Simon, nais niyang ipadakip, ipakulong at sampahan ng patong-patong na kaso sa CDO-RTC ang mga suspect na sina Chul Soo Cho, alyas Charles Cho, Jae Ryang Cho at Sena Na dahil sa paglabag sa R.A 6969.

Mantakin mo nga naman sa kasaysayan umano ng Pilipinas, pinakamalaking basura ang ipinasok ng mga suspect sa bansa noong July 21, 2018 na umaabot sa 6,500 metric tons na na­ging dahilan upang magdulot ng malaking pinsala sa kalikasan at kalusugan ng mga tao sa Northern Mindanao.

Nadiskubre ni Collector Simon ang ipinuslit at itinagong basura sa liblib na lugar ng Barangay Sta. Cruz sa Misamis City noong Oktubre 2018 kung saan nangangamba siya na baka makatakas ang mga smuggler kahit may mga warrant of arrest ang mga ito dahil nakalaya sila ng pansamantala sa bisa ng piyansa.

Nanawagan si Collector Simon sa mga awtoridad na dapat bantayan ang mga airport, seaport sa buong bansa at isailalim

Sa Hold Departure Order (HDO) ang tatlong suspect sapagkat mapanganib na makalaya ang mastermind ng pagpasok ng basura at pagyurak sa dignidad ng mga Pilipino.

“Silang tatlo’y mapanganib sapagkat maaari pa silang magpasok ng mga basura sa ibang Puerto ng bansa kaya’t akoy nananawagan sa ating bayan na magkaisa at labanan natin ang mga mapagsamantalang dayuhan na tiwali at masama ang gawain,” pahayag ni Collector Simon.

Aba’y dapat ang mga Port Collector sa bansa ay masigasig, matapang at may dedikasyon sa trabaho para makuha nila ang minimithi ni Pangulong Rodrigo Duterte na mapalaki ang koleksiyon sa taxes para ma-sustain ang mga programa ng gobyerno lalo na ang Build, Build, Build.

Isa si Collector John Simon sa may pinakamagandang record bilang Port Collector dahil lumaki ang taxes na kanyang nakokolekta sa kanyang pagiging tuwid at masipag sa trabaho. Kay Collector John Simon, Sir Congratulations. Mabuhay ka!

oOo

Anomang impormasyon at reaksiyon ay maaari ninyo akong makontak sa Cellphone No. 0917-1628411.  (HAGUPIT NI BATUIGAS )

Please follow and like us:
Read More