GUNRUNNER UTAS SA SHOOTOUT

GUNRUNNER

CAGAYAN de Oro City – Patay ang isang lalaking hinihinalang gunrunner makaraang manlaban umano sa mga awtroidad sa ikinasang operasyon nitong Martes ng umaga sa lungsod na ito.

Kinilala ang napatay na si Klyd Jun Bryan Llamis, nasa hustong gulang, residente ng Zone 4, Barangay Bulua, Camaman-an.

Batay sa report ng Camman-an Police Station, dakong alas-2:00 ng madaling araw nang mangyari ang insidente sa City Public Cemetery sa Barangay Camaman-an ng nasabing lungsod.

Ayon sa pulisya, matagal nilang minanmanan ang suspek sa hinggil sa pagbebenta umano ng mga armas at nang magpositibo ay isang pulis ang umaktong poseur buyer para makabili ng armas.

Ngunit nakatunog ang suspek na pulis ang katransakskyon kaya agad umanong bumunot ng baril.

Gayunman, mabilis umanong kumilos ang pulis at naunahan sa pagpapaputok ang suspek na agad napuruhan.

Dinala sa ospital ang suspek ngunit nalagutan ng hininga habang nilalapatan ng lunas.

Nakuha sa pinangyarihan ng insidente ang isang caliber .45 at caliber .38 na baril.

Patuloy ang imbestigasyon ng pulisya para alamin kung sino ang iba pang mga kasama ng suspek sa kanilang grupo. (ANNIE PINEDA)

Please follow and like us:
Read More

3 GUNRUNNERS TODAS SA HIDEOUT

crimeshoot

(NI ALAIN AJERO)

PARANG mga dagang natodas sa kanilang lungga ang tatlong sinasabing miyembro ng sindikatong sangkot sa pagtutulak ng droga at gunrunning na napatay matapos makipagbarilan sa mga pulis Miyerkoles ng umaga sa Navotas City.

Kinilala ang mga napatay na suspek na sina Edgar Doctolero, 40-55 anyos,  Kim Ryan Permejo, 35, at Ernesto Gallardo, ng Blk 35, Lot 26, Phase ,2 Area 2, Brgy. Tumana, Navotas city.

Napag-alamang may isisilbing search warrant laban kay Doctolero  na inisyu ng Navotas City Regional Trial Court (RTC) Branch 286 dahil sa paglabag sa Comprehensive Law on Firearms and Ammunition Act makaraang ireklamo dahil sa walang habas na pagpapaputok ng baril.

Nang makita ni Gallardo ang mga pulis sa labas ng kanilang hideout at pinagbabaril ang mga ito.

Gumanti ng putok ang mga pulis hanggang sa hagisan ng granada ni Permejo ang mga pulis ngunit hindi ito sumabog.

Ilang sandali pa ay bangkay nang tumimbuwang ang tatlong suspek.

Limang baril na may kalibreng.45, .38, at .22 at dalawang granda ang nasamsam sa lungga ng mga suspek.

Napag-alamang si Doctolero ay kasama rin sa drug watch list ng pulis at barangay.

Please follow and like us:
Read More

CARNAPPER PATAY SA ENTRAPMENT

nueva1

SA halip sumuko, binaril ng suspect na si Jayson Ragule, ng San Antonio Bambang, Nueva Vizcaya, ang ka-transaksiyong pulis dahilan para barilin ito at mapatay.

Sinabi ni S/Insp. Samuel Lopez, hepe ng Bambang Police Station na kilalang napatay na kilabot na carnapper sa lalawigan at nitong huli ay mga motorsiklo na ang ninanakaw at ibinebenta.

Sa isang entrapment operation ng Intelligence Branch ng Nueva Vizcaya Police Provincial Office, naikasa ang bentahan ng baril at motorsiklo.

Sa kalagitnaan ng transaksiyon ay natunugan umano ng napatay na pasok sya sa entrapment kaya’t agad niyang binaril ang poseur-buyer na pulis.

Pinaputukan niya sa dibdib ang pulis ngunit naka-bullet proof vest ito kaya’t nang gumanti ay agad bumulagta ang napatay.

Narekober kay Ragual ang isang caliber 45 na baril at motorsiklo na kaniyang ibinebenta. Nakuha rin sa kanyang bag ang tatlong maliliit na sachet na naglalaman ng hinihinalang shabu.

Batay sa record ng Philippine National Police, kinasuhan na si Ragual ng carnapping noong 2017.

Please follow and like us:
Read More