LIDER NG “GUN FOR HIRE” ARESTADO SA CHECKPOINT

NAHULI sa isang checkpoint na isinagawa ng mga tauhan ng Manila Police District -Traffic Enforcement Unit ang isang umano’y lider ng gun-for-hire syndicate na sangkot sa pagpatay sa isang pulis, iniulat kahapon.

Kinilala ang suspek na si Allan de Castro, alyas Allan Metallica, na nakapiit ngayon sa MPD-Integrated Jail matapos mahulihan ng dalawang kalibre. 45 baril noong Biyernes ng gabi.

Nang masita sa checkpoint, nagtaka ang mga pulis kung bakit ito nakasuot ng bullet proof vest gayung hindi naman ito alagad ng batas.

Sa malalimang imbestigasyon na isinagawa laban kay de Castro, nabatid na plano nitong patayin ang isang Police Captain Evangelista na dating nakatalaga sa Navotas Police Station bilang paghihiganti sa pagpatay ng huli sa kapatid ng suspek.

Nakalkal din sa ilang ulat  na si De Castro ang itinuturong responsible sa pagpatay sa isang PO1 Christopher Estor,  na sumita sa kanya sa Road 10, sakop ng Navotas noong Marso 2012.

Napiit umano sa New Bilibid Prison (NBP) si De Castro sa loob ng sampung taon.

Kamakailan lang ay naaresto din si De Castro ng Navotas Police sa pagbibitbit ng kalibre 45 baril at wala pang isang linggo  ay muli itong naaresto ng MPD sa inilatag na checkpoint  (RENE CRISOSTOMO)

Please follow and like us:
Read More

6 MIYEMBRO NG CARNAPPING, GUN FOR HIRE GROUP ARESTADO

(NI NICK ECHEVARRIA)

NASAKOTE ng pinagsanib na pwersa ng mga tauhan ng 6th Infantry Division (ID) ng Philippine Army at PNP Criminal Investigation and Detection Group (CIDG) sa isang operasyon ang anim na miyembro ng notoryus na carnapping at gun for hire group sa North Cotabato, Miyerkoles ng madaling araw.

Ayon kay Maj. Gen. Diosdado C. Carreon, commander ng 6th ID, naaresto ang anim makaraang isilbi ng militar at pulisya ang search warrants laban sa nabanggit na grupo sa Brgy. Inug-ug sa bayan ng Pikit sa nasabing lalawigan pasado alas-2:00.

Hindi na umano nagawang makapanlaban ng mga suspek na pinaniniwalaang responsable sa mga serye ng patayan, carnapping at highway robberies sa naturang lugar. matapos na masorpresa ang mga ito sa isinagawang operasyon.

Kinilala naman ng CIDG-North Cotabato ang mga naaresto na sina Toto Pañares 34, Ibrahim Guimalan, 33 , Jonathan Batunga, 19, Ibrahim Katogan, 20, Bohari Katogan, 20, at Kus Minga, 59, na pawang mga residente ng Barangay Inug-ug.

Nakumpiska sa mga suspek ang (2) M16 Armalite rifles, (1) M1 Garand rifle, (1) homemade .30 caliber rifle, (2) M19 pistols, granada at mga bala.

Binigyang diin pa ni Carreon na siya ring kasalukuyang pinuno ng Joint Task Force Central (JTFC) na ang mga nahuling armadong miyembro ng lawless groups ang itinuturong may kagagawan ng paghahasik ng takot sa mga residente ng Pikit at sa mga katabing bayan nito.

Naniniwala ang mga awtoridad na malaking tulong ang pagkaka-neutralisa sa grupo ng mga suspek sa isinasagawang imbestigasyon kaugnay sa dumadaming bilang ng mga patayan at iba pang uri ng kriminalidad sa lugar.

 

Please follow and like us:
Read More

P5-K PARA ITUMBA ANG LOVER NG MISIS; 5 LAGLAG

(NI GUILLERMO OCTAVIOPHOTO BY AJ GOLEZ)

DINAMPOT ang sinasabing gun-for-hire at apat nitong kasapakat sa pamamaslang sa isang negosyante dahil umano sa love triangle, sa Caloocan City, nitong Sabado.  Kinilala ang mga inaresto na sina Alexander Fernandez alyas “Tatay”, 60, ng Blk 48, Lot 26, TM Kalaw, Sto. Niño; Randy Vicente, 42, ng Manga St., San Vicente Ferrer; Dexter Cariliman, 48, ng Lansones St., San Vicente Ferrer; Jandrex Paguyanan, alyas “Tisoy”, 22, ng TM Kalaw, Sitio Diwa St., pawang ng Brgy. 178; at Jason Villamor alyas “Regie”, 31, ng Phase 2, Package 3, Blk 75, Brgy. 176.

Unang nasakote sina Pagayunan at Villamor at sa isinagawang interogasyon, inginuso nila ang lungga ng kanilang mga kasama sa Blk 48, Lot 26, TM Kalaw, Sto. Niño, Brgy. 178 kaya nasakote rin sina Fernandez, Vicente at Cariliman.

Nakumpiska sa mga suspek ang dalawang cal. 45, isang  9mm, dalawang cal. 38, isang cal. 22 rifle, mga bala, dalawang gun replica, dalawang motorsiklo at pitong iba’t ibang cellphone.

Alas-8:50 ng gabi noong June 28 nang pagbabarilin ng hindi kilalang gunman si Eugene Borlaza, 38, negosyante ng Phase 4C, Pkg. 7, Blk 64, Brgy. 176, Bagong Silang habang naglalakad sa Phase 4C.

Matapos ang pamamaril ay tumalilis ang gunman sakay sa motorsiklong minamaneho ng kanyang kasama habang isinugod naman ang biktima sa Nodados Gen. Hospital subalit hindi na ito umabot nang buhay sanhi ng mga tama ng bala.

Inamin naman ni Vicente na siya ang bumaril kay Borlaza matapos umano siyang bayaran ng P5,000 ng asawa ng sinasabing lover ng biktima na nasa ibang bansa.

Positibo namang kinilala ng mga saksi si alyas Tisoy na driver ni Vicente habang nagsilbi namang back-up si Cariliman na sakay din ng motorsiklo.

Please follow and like us:
Read More

GANG LEADER PATAY SA ENGKWENTRO

gang1

(NI NICK ECHEVARRIA)

PATAY ang umanoy lider ng kilabot na “Cunanan Criminal Group” matapos makipagbarilan sa pinagsanib na pwersa ng pulisya sa Tarlac, Lunes ng gabi.

Kinilala ni P/Dir. Amador V Corpus ng PNP Criminal Investigation and Detection Group (CIDG) ang suspek na si Roel Cunanan.

Si Cunanan ay napatay noong Lunes matapos makipagbarilan sa mga operatiba ng pinagsanib na pwersa ng CIDG RFU 3, Bamban at Capas Police Station, kasama ang Tarlac PNP, sa isang buy-bust operation sa Sitio Pandan, Bgy. Anupul, Bamban ng nabanggit na lalawigan  matapos maramdamang pulis ang kanyang ka-transaksyon.

Narekober sa lugar ng insidente ang baril at shabu, cellphone at motorsiklo.

Ayon naman kay PNP Regional Chief P/SSupt. Christopher Abrahano, ang grupo ng napaslang na suspek ay sangkot sa illegal drug trading, gun for hire, robbery/hold-up, motornapping at cattle rustling na nag-o-operate sa mga lalawigan ng Tarlac at Nueva Ecija.

Please follow and like us:
Read More

3 GUN-FOR-HIRE UTAS SA SHOOTOUT SA BATANGAS

GUN-FOR-HIRE

TATLONG hinihinalang miyembro ng gun-for-hire group ang patay makaraan maka-enkuwentro ang mga awtorirdad sa Taysan, Batangas, ngayong Huwebes ng umaga.

Ayon sa ulat ng mga awtoridad, lulan ng isang van ang mga suspek at may target umano sa lugar nang makasagupa ng mga pulis sa Barangay Bilogo.

Makaraan ang palitan ng putok ay agad namatay sa pinangyarihan ng insidente ang hindi kilalang mga suspek.

Agad nagtungo si Supt. Edward Carranza, hepe ng Calabarzon police, para pangunahan ang pagsisiyasat sa insidente.

Please follow and like us:
Read More