AFTER ALDEN, MAINE, SI DENNIS TRILLO NAMAN ANG KINUHA NG ABS-CBN

ang kulit ni Lolit(NI LOLIT SOLIS)

SA dami ng mga artista ng ABS-CBN 2, kumukuha pa rin sila ng mga artista

ng GMA 7.

Inaabangan na ngayon itong Hello, Love, Goodbye na binigyan ng Grade A ng Cinema Evaluation Board.

Ang sabi nila, ang ganda raw talaga. Nakakaiyak, at ang galing daw nina Alden Richards at Kathryn Bernardo.

Pagkatapos ni Alden, kinuha na rin nila si Maine na ipinartner naman kay Carlo Aquino.

Ang latest naman ngayon si Dennis Trillo ang kinuha nila para sa isang horror movie na may pamagat daw na A Family Ghost Story kasama sina Beauty Gonzales, Alyssa Muhlach at Raymond Bagatsing.

Nakagawa na noon si Dennis Star Cinema co-production sa Regal Films, pero ngayon Star na lang yata talaga.

Tapos na ba ang kontrata ni Dennis sa Regal?

Bakit kaya kuha nang kuha ang mga taga-ABS sa mga stars ng GMA 7?

Kunsabagay, magagaling naman ang mga big stars ng Kapuso network, at bumabagay sila sa mga stars ng Kapamilya.

Pero panoorin ko talaga itong Hello, Love, Goodbye dahil happy talaga ako para kay Alden.

Puring-puri siya sa pelikulang ito at gustung-gusto siya ng mga taga-Star.

Malamang may kasunod pa yan, at gagawa pa uli si Alden sa Star Cinema.

Bakit kaya hindi naman kumuha ang GMA Pictures ng stars ng ABS-CBN 2 para gumawa ng pelikula sa kanila?

Abangan muna natin tong Family History ni Michael V na magbubukas na ngayong araw.

 

Please follow and like us:
Read More

GMA-7 PINIPIGILAN ANG PAG-ALAGWA NI ALDEN

(NI GORGY RULA)

MALAKI raw talaga ang posibilidad na masundan pa si Aldrn Richards ng isa pang pelikula sa Star Cinema dahil gustung-gusto siya ng mga taga-Star Cinema lalo na raw si direk Cathy Garcia-Molina.

Napakagaling daw ni Alden sa Hello, Love, Goodbye kaya gustung-gusto na raw siyang makatrabaho uli.

Ang inaayos daw nila ngayon ay kung puwedeng mag-promote si Alden sa ilan pang programa sa ABS-CBN 2 dahil dalawang programa pa lang ang ina-allow ng GMA 7.

Tinatanggihan daw nilang lumabas daw si Alden sa primetime shows ng Kapamilya network.

Please follow and like us:
Read More

DOLE PUMASOK NA SA PAG-IIMBESTIGA NG PAGLABAG NG GMA-7

eddie garcia12
pwede ed deleon

(NI ED DE LEON)

NASIMULAN na ba ang imbestigasyon ng GMA-7 kung bakit walang medic at ambulansiya sa set nila noong maaksidente si Eddie Garcia?

Sinasabi naman nila na requirement nila iyon sa kanilang mga tapings at shooting. Ibig sabihin alam nila, hindi lang dahil si Eddie Garcia iyon, kundi iyon ay itinakda na ng batas.

Iyang Occupational Safety and Health Standards ay nagsimulang ipatupad noon pang 1978 at nakatutuwang hanggang ngayon ay hindi pa naipapatupad iyan nang tama. Maski nga si Congresswoman Vilma Santos ay nagsabi noong isang gabi na mukhang nagkakaroon nga ng pagkukulang sa pagpapatupad ng batas na iyan lalo na sa showbusiness.

Ngayon tingnan natin kung ano ang mangyayari.

Sinabi na ni Secretary Silvestre Bello na mag-iimbestiga ang DOLE, sa pamamagitan ng Occupational Safety and Health Center na pinangungunahan ni Noel Binag bilang executive director, ang imbestigasyon sa kaso sa shooting na iyon ng GMA-7. Hindi dahil si Eddie Garcia ang nadisgrasya kung di dahil kahit na sino pa ang nadisgrasya riyan, dapat mayroong mga qualified medical personnel at isang ambulansiya para mabilis ang aksiyon kung may emergency.

Ang tagal, dalawang linggo na at hindi mo malaman kung ano ang resulta ng imbestigasyon ng GMA, o kung nasimulan na ba nila iyon. Kasi ano man ang kalabasan ng imbestigasyon nila, sabihin man nilang may nagpabaya, lalabas na tauhan din nila iyon at may pananagutan sila. Kaya mabuti na kung ang DOLE na mismo ang magsasagawa ng imbestigasyon. Una trabaho naman nila iyon. Ikalawa tiyak na ang kalalabasan ng imbestigasyon ay parehas.

 “Hindi ito ang panahon para tayo magturuan. Dapat ngayon buksan na natin ang mga mata natin na kailangan ngang mahigpit na ipatupad iyang occupational safety law. Kung kailangan pa ng amendment para mas mapalakas iyan at mapanagot talaga ang hindi susunod, iyan ang asikasuhin natin sa kongreso. Hindi lang dahil kay Manoy. Maaaring mangyari iyan kahit na kanino, kahit na sino sa mga 25,000 manggagawa sa industriya ng pelikula at telebisyon,” sabi ni Ate Vi.

Please follow and like us:
Read More

GASTOS KAY EDDIE GARCIA, SAGOT LAHAT NG GMA-7

eddie12

pwede ed deleon(NI ED DE LEON)

HINDI mo naman masisisi kung may ilang personalities mula sa GMA-7 na medyo napipikon doon sa mga akusasyon na iniiwasan daw ng network ang kanilang responsibilidad sa aksidente ni Eddie Garcia sa pagsasabing nagkaroon iyon ng atake sa puso, ganoong ang totoo ay napatid pala sa cable.

May nagsabi pang umiiwas daw ang network sa pananagutan sa nangyari sa actor.

In fairness, ang pinagmulan naman ng mga naunang detalye ay kinikilalang mga members ng pamilya ng actor. Ungkatin na natin para maliwanag ha. Si direk Eddie ay open naman sa kanyang relasyon kay Lilibeth Romero noon pa man. May dalawang anak si Lilibeth sa naunang asawa, isa si Congressman Mikee Romero na siya ring may-ari ng Global Sports Batang Pier team sa PBA, at ang kapatid niyang si Nikki. Lumaki na ang dalawang batang iyan, kasama si Eddie Garcia at sila ay itinuring na ngang mga anak niya.

Si Nikki ang unang nagsabi na inatake si direk Eddie, dahil iyon ang presumption na nangyari noong una. Wala pang opisyal na medical bulletin. Nagsasagawa pa ng pagsusuri ang medical team ng Mary Johnston Hospital. Natural pagdating sa ER, ang titingnan muna ay kung ano ang physical damage, at pagkatapos at saka gagawa ng mas malalim na pagsusuri sa kalagayan ng pasyente.

Bakit sa isang taxi isinakay si direk Eddie nang ihatid sa ospital? Nasaan ang ambulansiya at wala ba silang ibang sasakyang magagamit?

Iyon daw pong location nila ay medyo makipot na kalye, at ang mga sasakyan ay kailangang iparada sa mas malayong lugar sa set. Mas madali para sa kanila na tumawag ng taxi at madala ang actor sa pinakamalapit na ospital. Wala silang ideya na cervical fracture ang nangyari. Akala rin nila inatake dahil sa init, kaya isinakay nila sa taxi. Iyong location pala nila, sa kalye Katubusan. Medyo sulok na iyon at siguro nga malayo ang mga sasakyan nila para hindi iyon mahagip ng kanilang camera.

Ang mahalaga, iyong commitment ng GMA na pananagutan nila ang lahat.

HINDI NABABAHALA ANG ABS-CBN… IN FACT, PANAY PAPIRMA NILA NG NETWORK CONTRACTS

Doon naman sa kabilang bakod, sa ABS-CBN, ang nababalita ay ang muling pagpapapirma nila ng kontrata sa kanilang mga stars. Parang pahapyaw, sinasabi nilang hindi mangyayari ang ikatutuwa ni Jimmy Bondoc. Maaari namang ang ibig sabihin noon, mangyari man ang kinatatakutan ng marami nilang empleyado, mayroon pa rin silang malilipatan at walang mawawalan ng trabaho, after all may mga internet streaming sites na ang kanilang network kung sakali man.

Sana nga wala namang mangyaring hindi maganda sa kanilang network. Sana nga maayos pa rin nila ang kanilang naging mga problema.

 

Please follow and like us:
Read More