MARK HERRAS PUMATOL SA NAM-BASH SA GF

ANG GARA NI VINIA(NI VINIA VIVAR)

HALATANG napikon si Mark Herras sa mga pangba-bash na natanggap niya at ng bagong girlfriend na si Nicole Donesa sa social media. Sinagot niya ito isa-isa at tinawag niyang “ulul” ang mga ito.

Nag-post kasi ang GMA Network na kinukumpirma ang relasyon nina Mark at Nicole na nagkasama sa katatapos lamang na serye na Bihag.

“Nabihag: @herrasmarkangeloofficial and actress @nicole_donesa confirm relationship. New couple alert!” ang caption ng GMA Network sa larawan nina Mark at Nicole.

Marami naman ang natuwa sa balita at nagkomento ng positibo pero may mga negatibo ring reaksyon ang ilang netizens.

“Naku parang c luis manzano lang yan papalit palit parang damit lang pag nag sawa na. Walang forever,” komento ng isang netizen.

Sinagot ito ni Mark ng “ulul.”

Ang isa namang basher ay kinumpara si Mark kay Gerald Anderson. “Budoy ng gma 7 yan..kya mtulus..lol,” komento nito.

Sagot naman ni Mark, “ulul bulol ako hindi budoy.”

Ang isa namang basher ay nilait ang hitsura ni Nicole.  “Mahilig tlga sa chaka si Mark,” komento nito na siyempre ay hindi pinalampas ni Mark.

“Ulul, ulul, ulul,” reaksyon ni Mark sa nasabing comment.

Heto pa ang isa pang komento, “Grabe sia ung mga kasabayan nia At ung naging lt nia At gf lumagay n sa tahimik si pa gf gf n lng version ni gerald anderson at Luis M.”

Sagot ulit ni Mark, “isa ka pang ulul.”

MARK AT WINWYN, ‘DI GHOSTING MAY CLOSURE

Siyempre marami rin namang nagtanggol kay Mark at  nagsabing hindi raw dapat i-compare ang aktor kay Gerald dahil maayos naman daw ang naging break-up ng Kapuso actor kay Winwyn Marquez.

In fairness, true naman. Hindi naman “ghosting” ang nangyari kina Winwyn at Mark at talagang may closure sila.

“AKO AY ISANG BARGAS NA BABAE”–SUE

Hindi nagkaroon ng awkwardness si Sue Ramirez sa pagsasabi ng mga sex organs in Tagalog sa pelikulang Cuddle Weather dahil in real life ay talagang sinasabi naman daw niya ang mga ito.

“That’s how I am as a person. Alam n’yo naman ‘ata ‘to, sa marami pong nakakakilala sa akin dito. Ako po ay isang bargas na babae,” natatawang sabi ni Sue sa presscon ng Cuddle Weather.

“Hindi issue sa akin na magsabi ng mga private parts ng tao. Hindi ako nao-offend na nakakarinig ako ng mga ganito. And ewan ko, siguro, depende na lang din po ‘yan sa upbringing.

“But sa household namin, it was never an issue, lumaki po ako na may sakit po ang tatay ko, and kapag umiihi po ang tatay ko, nasa bote. Minsan, ako pa ang nagtatapon, ako po ang magbabalik doon.

“Kaya that’s why, I do not sexualize body parts because I grow up seeing and witnessing those kinds of stuff and hindi siya big deal for me. T..ti lang ‘yun, kung baga. Hashtag t..ti lang ‘yun. Suso lang ‘yan,” dagdag pa ni Sue.

Kaya payo niya sa mga manonood ng Cuddle Weather, “huwag na tayong masyadong sensitibo sa mga naririnig natin. Words are just words and how you react to it is up to you. Kung paano mo tatanggapin, kung paano mo pakikinggan ‘yung mga salita. So, depende pa rin po sa atin.”

Kasama si RK Bagatsing as Sue’s leading man, showing na sa Sept. 13 ang Cuddle Weather bilang isa sa official entries ng Pista ng Pelikulang Pilipino 2019. Ito ay mula sa direksyon ni Rod Marmol under

Regal Entertainment and Project 8 Corner San Joaquin Productions.

 

Please follow and like us:
Read More

CONSTRUCTION WORKER KINATAY SA BAHAY

(NI TJ DELOS REYES/PHOTO BY EDD CASTRO )

INAALAM na ng pulisya kung sino ang responsable sa pananaksak sa isang construction worker na natagpuan na naliligo sa sarili nitong dugo sa loob ng kanyang tirahan sa Quezon City.

Kinilala ang biktima na si si Ronald Sepida Valdez Jr., 26, construction worker at residente ng No. 141 Blessing St., Area 6, Brgy. Bagong Silangan, QC.

Base sa ulat, dakong alas-8:00 ng umaga nang matuklasan ang duguang katawan ng biktima ng nobya nito na si Jeraldine Tolentino na  nakahandusay at tadtad ng saksak sa  leeg   loob ng bahay.

Ayon kay Tolentino, nagpupunta lamang siya sa tahanan ni Valdez tuwing weekend at kung may freetime siya kaya wala siyang nalalaman kung sino ang may kagagawan ng krimen.

Nagulantang na lamang siya nang buksan nito ang pintuan at tumambad sa kanya ang wala nang buhay na katawan ng nobyo.

Agad naman ipinagbigay alam ni Tolentino ang pangyayari sa mga barangay officials ng Brgy. Bagong Silanganan na siya naman tumawag sa kapulisan.

Patuloy ang pagsisisayat ng mga otoridad sa nangyari krimen at kung ano ang motibo sa pamamaslang kay Valdez.

 

Please follow and like us:
Read More

BINATA TINODAS SA HARAP NG GF HABANG NAGHAHAPUNAN

crimeshooting12

(NI NILOU DEL CARMEN)

CALACA, BATANGAS – Patay ang isang binata nang ito ay barilin ng nakaalitang anak ng dating pulis habang kumakain kasalo ang kanyang girlfriend sa Calaca, Batangas, Biyernes ng gabi.

Isang tama sa ulo at isa sa katawan ang ikinamatay ng 18-anyos na biktimang si Jonathan Seco na binaril alas 7:30 ng gabi sa kusina mismo ng kanilang bahay sa Barangay Sinisian.

Batay sa report ng Calaca police, bigla na lamang pumasok  sa bahay  ang suspek na si Jose Lisandro Dimailig alyas Butchoy, 20, at malapitang binaril ang biktima gamit ang 9mm na baril.

Agad ding tumakas ang suspek matapos ang pamamaril.

Ayon kay PMaj. Norman Cas-oy, hepe ng Calaca police, batay sa  pahayag ng girlfriend ng biktima sa mga imbestigador, nakasigaw pa umano ng “huwag Butchoy” ang biktima nang tamaan ito sa katawan subalit muli itong pinaputukan ng suspek at tinamaan sa ulo.

Nasawi ang biktima bago pa man ito nairating sa ospital ng Calaca.

Agad nagsagawa ng manhunt operation ang mga tauhan ng Calaca police.

Nang puntahan ang bahay ng suspek matapos ang pangyayari ay wala ito sa kanilang bahay.

Ayon sa tatay na pulis, nasa trabaho ang kanyang anak na isang security officer sa Laguna at hindi umuuwi sa kanilang lugar.

Matagal nang alitan ng dalawa  ang nakikita ng pulisya na  motibo sa krimen.

 

Please follow and like us:
Read More

GF, SUGAR MOMMY NG BF NA MAY SIDELINE SA MGA BADING

(NI ED DE LEON)

USAP-USAPAN ang katotohanan na sa ngayon pala, si girlfriend pa ang nagtutustos ng mga pangangailangan ng boyfriend niyang ka-live in at wala namang masyadong trabaho.

May pera man daw itinatago naman iyon ng boyfriend sa girlfriend niya, dahil selosa si girl at alam niyang maaaring galing iyon sa mga “sideline” ng kanyang boyfriend.

Kahit naman kasi live in na sila, alam ni girlfriend na may mga bading pa ring nagkaka-interest sa kanyang boyfriend.

Minsan nahuhuli pa niya ang text ng mga iyon sa phone ng boyfriend niya. Kaya kung may sideline man, itinatago na lang iyon ni boyfriend sa girlfriend niya.

Please follow and like us:
Read More

MESSAGE SA FB BINULATLAT; GF BUGBOG SA SELOSONG BF

huli

(NI MAC CABREROS)

KALABOSO ang isang binatang estudyante na nambugbog sa kanyang 16-anyos na kasintahan sa Marikina City.

Desidido ang pamilya ng biktimang sinadyang itinago sa pangalang ‘Dmet’ na sampahan ng kaso laban kay Kyle Gabriel Coronado,18.

Sa imbestigasyon ng pulisya, pinuntahan ng lalaki ang bahay ng kasintahan sa Tuazon Ville, Brgy. Tanong, ng nasabing lungsod alas-10:00 ng umaga ng Martes at kinompronta hinggil sa mga mensaheng nababasa sa messenger account.

Nagkaroon ng mainit na pagtatalo ang dalawa hanggang sa hilahin ng lalaki,  na noo’y sinukluban ng matinding galit, ang kamay ng babae saka ibinalandra sa dingding kung saan nagtamo ng pinsala sa katawan ng huli.

Agad na humingi ng tulong  sa awtoridad ang tiyahin ng biktima kung saan agarang rumesponde at naaresto ang suspek.

Paglabag sa Republic Act 7610 o Anti-Child Abuse, Exploitation and Discrimination ang isasampa laban sa akusado.

 

Please follow and like us:
Read More

BF PUMATAY NG GF SUMUKO

agusan

BUTUAN CITY – Inihahanda na ang kasong isasampa laban sa sinasabing suspek na pumatay sa kanyang karelasyon sa Nasipit, Agusan del Norte makaraan sumuko sa mga awtoridad.

Ayon kay PO3 Elmer Haranay, pursigido ang pamilya ng biktimang si Aimee Tampan, 34, na sampahan ng reklamo ang sumukong suspek na si Remare Bitangcor.

Sa ngayon, hinihintay na lang ng pulisya ang resulta ng autopsy report para malaman ang sanhi ng pagkamatay ng biktima.

Batay sa ulat, natagpuang walang malay si Tampan makaraan ang kanilang pagtatalo nitong Huwebes.

Agad tumakas ang suspek makaraan ang krimen ngunit sumuko sa pulisya kalaunan.

Ayon sa inisyal na imbestigasyon, hindi tanggap ng suspek ang pakikipaghiwalay sa kanya ng biktima kaya nangyari ang krimen.

Please follow and like us:
Read More