INAASAHAN nang mag-trending ang ABS-CBN Ball na ginanap sa BGC Shangri-La kagabi.
Siyempre, ang inabangan sa malaking event na ito ng Kapamilya network ay ang pagkikita-kita roon nina Bea Alonzo, Gerald Anderson, Julia Barretto at Joshua Garcia.
Kuwento sa amin ng mga kaibigang nag-cover doon, naunang dumating si Bea na mag-isa.
Nagpa-interview daw sandali si Bea at sinagot naman nang safe ang mga tanong. Si Gerald ay ganundin pero may nakabakod nang taga-Star Magic. Kasama raw niya ang mga co-stars niya sa A Soldier’s Heart
Dumeretso na raw sa red carpet si Julia Barretto, na hindi na dumaan sa mga media. Kaya hindi na siya napansin. Mag-isa lang daw itong dumating, at mag-isa rin si Joshua.
Wala nang nakaalam ng mga kaganapan sa loob ng ball dahil bawal na doon ang press.
Pero sabi ng ilang source na nasa loob ng ball, halos magkasunod lang daw na pumasok sina Bea at Julia.
Na-tense nga raw ang mga nasa loob na at all-eyes sa kanila dahil, baka magkasalubong daw ang dalawa.
Ilang minuto lang daw ang pagitan nang pagdating ng dalawa.
Nagkaroon lang ng maikling programa at napiling Best-dressed ng Metro Magazine
Couple of the Night naman sina Richard at Sarah Lahbati.
May mga napiling winners din ang mga sponsors nila, at naglabasan na ang mga best-dressed at worst-dressed ang iba’t-ibang fashion bloggers.
Bukod sa rampahan ng mga nagagandahang Kapamilya stars, pagkakataon na rin iyun ng mga fashion designers na magpakitang-gilas ng kani-kanilang creations.
Filipiniana ang motif, at karamihan ay hindi traditional na Filipiniana outfit ang ginawa. Karamihan ay parang ni-restyle na nila para bagong-bago ang dating.
Ang iba naman, parang European na ang look at hindi na lumabas ang pagka-Pinoy.
Na-modify ng ibang designers ang suot ng ibang stars, pero lumalabas pa rin ang pagka-Pinoy.
Kagaya ng kakaibang version ng terno ni Anne Curtis na gawa ni Mich Dulce, ang barong Filipiniana gown ni Liza Soberano, ang seksing gown ni Pia Wurztbach, at marami pa.
Pero ang ang hindi pa rin talaga sumasabit na napakaganda sa suot niyang Filipiniana gown ay ang kay Dawn Zulueta na gawa ni Pepito Albert at ang kay Regine Velasquez.
Base sa napanood namin sa live streaming ng red carpet ng ABS-CBN Ball, standout ang mga sikat na Kapamilya couples na sina Kathryn Bernardo at Daniel Padilla, Liza Soberano at Enrique Gil, Nadine Lustre at James Reid, at Kim Chiu at Xian Lim.
Marami pang kapansin-pansin sa event na iyun, pero itong mga nabanggit ang talagang hindi nawawala sa na-feature ng iba’t-ibang bloggers.
“CHOICE KONG ‘Di DUMALO AT MAG-DONATE NA LANG”–ANGEL LOCSIN
Ang beneficiary nitong ABS-CBN Ball 2019 ay ang Bantay Bata 163.
Lahat daw nang dumalo ay may pledge para sa naturang foundation, pero si Angel Locsin ay hindi na nag-effort na magpagawa ng damit, at mag-ayos.
Hindi na lang siya dumalo, kundi ibinigay na lang ang donasyon niya sa Bantay Bata.
Sabi niya sa kanyang IG post; “I salute my friends at the ABS-CBN Ball who are doing their share to promote awareness on children’s rights and to help the beneficiaries of Bantay Bata 163 get the education that everyone deserves.”
May ilang followers siyang nagkomento na nanghinayang dahil once a year lang naman iyun at wala raw bang puwedeng mag-sponsor ng gown na isusuot niya.
Pinagtiyagaan niyang sagutin ang ilang komento, at isa roon ay nasagot niyang 200 thousand pesos ang posibleng gagastusin sa event na iyun, kaya idinonate na niya deretso sa Bantay Bata.
Choice daw niya iyun na tingin nga naman niya mas makakatulong pa ito sa naturang foundation.
ALDEN NA-BULLY NANG BONGGA NANG NEWBIE PA LANG SIYA
Dahil sa nakakaintrigang pahayag ni Jean Garcia sa mediacon ng The Gift
na siya raw ang isa sa kumakampi at nagtatanggol.
Doon nalamang nabu-bully pa pala dati si Alden nung nagsimula pa lang siya sa Alakdana, at hindi naman ito itinatanggi ng Asia’s Multimedia Star at nagsisilbing challenge pa ito sa kanya na pagbutihin ang kanyang trabaho.
Isa ito sa napag-usapan nang mag-promote si Alden sa Cebu nung nakaraang linggo.
Ngayong araw ay magsisimula na ang The Gift ni Alden pagkatapos ng Beautiful Justice.