MAINE VS NADINE VS KATHRYN VS JENNYLYN…  AS  DARNA

DARNA12

ANG GARA NI VINIA(NI VINIA VIVAR)

ANG pagba-back-out  ni Liza Soberano sa pelikulang Darna ang mainit na pinag-uusapan ngayon sa showbiz. Inanunsyo ng aktres ang kanyang withdrawal sa nasabing proyekto sa panayam niya kay MJ Felipe na umere sa TV Patrol last Thursday night.

Ang injury na tinamo ni Liza sa finger last year habang ginagawa ang Bagani ang naging dahilan ng kanyang pag-atras na matagal na raw na tini-treat pero up to now ay hindi pa rin ito maayos and she’s still undergoing therapy bukod pa sa dalawang beses na raw siyang inoperahan.

Nagbigay na rin ng official statement ang ABS-CBN and Star Cinema regarding this stating na naiintindihan at nirerespeto nila ang kundisyon at desisyon ng aktres.

Dahil dito ay open nang muli ngayon ang Darna role para sa mga aktres nating nangangarap na makaganap ng iconic character na likha ng yumaong magaling na nobelistang si Mars Ravelo.

Ang dami na namang lumilitaw na pangalan ngayon kung sino ang pwede sa role. Nag-trending pa kahapon sa Twitter Phillipines ang hashtag na #BagongDarna at kanya-kanyang suggestions ang netizens.

Nagpa-survey din si Eric John Salut ng ABS-CBN kung sino ang best choice ng netizens para maging bagong Darna.

Ang daming sumagot ng Maine Mendoza, Nadine Lustre, Kathryn Bernardo and Jennylyn Mercado. May mga nagbanggit din ng names nina Maja Salvador, Julia Montez, Pia Wurtzbach, Catriona Grey, Yassi Pressman, Loisa Andallo at Maymay Entrata. Ang iba ay sinasabi namang ibalik na lang daw kay Angel Locsin ang Darna.

Bukod kay Jen at Maine, may nagru-root din kina Sanya Lopez at  Andrea Torres na mga Kapuso actresses din.

Ang nakakatuwa, nilalagyan na nila ng costume ni Darna ang kani-kanilang bet para ipakitang bagay ang mga choices nila for the role.

Kung kami ang tatanungin, eversince ay dalawa ang gusto naming aktres for the role. Magkaibang star for Darna and Narda para mas bongga. Pwedeng si Nadine for Darna at Kathryn for Narda or vice versa. Kailangan lang ay equal ang exposure gayundin ang mabibigat na scenes or pwedeng at one point ay gawan ng paraan na pareho silang magsuot ng costume para walang lamangan.

Pero sinuman ang mapili, iisa lang ang sure na naman, magtatagal na naman ang proyekto bago mag-materialize again dahil fresh start na naman ito for the production at kinakailangang sumailalim na naman sa matagalang rigid training ang mapipili.

Ito yata ang Darna movie na nakita naming talagang nagkaroon ng maraming problema at napaka-kontrobersyal since from the start. Just when everybody thought na okay na, bigla na namang magkakaroon ng panibagong aberya.

                                 GARY ‘DI PABOR NA IBROADCAST ANG MGA ADIK SA SHOWBIZ

Hindi pabor si Gary Valenciano na i-broadcast pa ang pangalan ng mga artistang nasa narco-list or drug watch list and instead, mas gusto niyang mabigyan muna ng tulong ang mga ito mula sa gobyerno.

“Right now, I think there’s a whole list of people, more than artist na hindi rin alam ng ibang tao,” pahayag ni Gary V. nang makausap namin last Wednesday sa presscon niya with Jona and Katrina Velarde para sa kanyang US concert tour ngayong Abril.

“So, I think that in this case, if I were the government, I would exhaust all efforts to either help, rehab anyone that in involved in it, but they personally need to know your name, alam na ng government, because the government is also doing efforts to lessen the use of it.

“It’s important na rin siguro for people who are on the list to know that they are on the list but it doesn’t have to be (broadcasted). Because again, that doesn’t change anything, eh, it doesn’t change the practice, eh. Mas lalo pang itatago siguro,” patuloy ni Gary.

Naniniwala rin siya sa pagbibigay ng another chance sa mga taong ito at kailangan lang talagang mag-reach out ang gobyerno para mabigyan ang mga ito ng tulong.

Samantala, matapos ang kanyang dalawang operasyon sa puso at sa kidney last year, Gary V. is back at the international scene. He’s having his US concert tour this April titled “He’s Back: Gary V US Tour.”

Ang unang leg ng tour ay mangyayari sa Abril 12 sa Sam’s Town Hotel & Casino sa Las Vegas at susundan ito ng mga shows sa The Town Hall sa New York City sa Abril 14; sa Creative Arts Building Pittsburg High School sa Pittsburg, California sa Abril 20; sa Saban Theater sa Los Angeles sa Abril 21; sa Snoqualmie Casino sa Seattle sa Abril 26; at matatapos ito sa Morongo Casino, Resort, and Spa sa Morongo sa Abril 28.

Kasama ni Mr. Pure Energy sa concert tour ang award-winning na musikerong si Mon Faustino bilang musical director at at kanyang mga espesyal na panauhin na sina Fearless Diva Jona at Suklay Diva Katrina Velarde.

 

Please follow and like us:
Read More

ISANG MALAKING MIRACLE SI GARY VALENCIANO

garyv12

(NI ROSE GARCIA)

NAPANOOD na namin sa isa sa mga mall tour ng Pure Energy na si Gary Valenciano, ang “Awit at Laro” kung paano at the age of 54, a diabetic for almost all his life, just had an open heart surgery at kidney surgery nang malaman na meron itong kidney cancer, pero parang mas energetic at walang pinagdaanang life threatening sickness.

Isang malaking miracle si Gary at ang battle niya in-terms of his health. Bonggang patotoo talaga siya of faith.

Inamin nito na dalawang buwan din daw siyang dumaan sa depression. Nakatulong daw nang may magregalo sa kanya sa isang beach sa Batangas ng ilang araw at doon tila nakapag-soul searching.

Nag-iisa lang talaga ang Gary Valenciano. After nang lahat na pinagdaanan niya and part of his 35th anniversary in showbiz, ngayong April ay handa na raw itong talaga na bumalik ng America for his North American tour kasama ang mga special guests na sina Jonalyn Viray at Katrina Velarde.

Cleared na rin si Gary V ng doctor niya na fit to travel and perform abroad on his “He’s back: Gary V US Tour.”

Bukod dito, regular rin siyang napapanood sI Gary  sa ASAP Natin ‘To. Dalawang beses sa isang lingo din siya nasa It’s Showtime bilang Punong Hurado. Sa weekends naman, isa si Gary sa mga hurado ng World Of Dance (WOD) kung saan kasama niya sina Maja Salvador at Billy Crawford. Hosted nina Luis Manzano at Pia Wurtzbach, isang linggo na lang ang nalalabi para sa WOD bago nito i-anunsiyo ang grand winner.

Naglilibot din si Gary sa 35 mga paaralan sa Luzon upang markahan ang kanyang anibersaryo sa isang seryeng pinamagatang Face2Face kung saan nagbibigay siya ng libreng inspirational talks at intimate mini concert sa mga graduating college students. “I wish to impart something inspiring and positive to the students who are about to enter a new chapter in their lives matapos silang grumadweyt sa college.”

At bago umalis papuntang U.S., bilang pasasalamat sa lahat ng sumuporta sa kanya sa kanyang pinagdaanang krisis, bibisita si Gary sa Ayala Trinoma para sa isang fans day sa ABS-CBN Studio Experience ngayong Abril 5 mula 3:00 p.m. hanggang 6:00 p.m.

 

 

Please follow and like us:
Read More