SUNUD-SUNOD NA BEST ACTRESS TAPOS FLOP ANG PELIKULA

(NI GORGY RULA)

MAHIGIT kalahating bilyon na ang kinita ng Hello, Love, Goodbye na dalawang linggo na sa mga sinehan.

Patuloy pa rin itong nagpapakita ng lakas sa takilya, dahil ang dami palang mga nag-uulit na panoorin.

Domestic gross pa lang iyun, at hindi pa kasali ang mga international screenings talagang dinadagsa pa  rin daw ng mga manonood.

Kaya malaki raw talaga ang posibilidad na maabot nito ang record ng The Hows of Us.

Kasabay nang pananalasa sa takilya ng HLG, meron namang pa-hashtag ngayon ang mga JaDine fans ng #JusticeforIndak.

Ang pagkakaintindi ko lang sa hashtag na iyun ng mga fans ni Nadine ay nawawalan na raw sila ng mga sinehan, dahil ibinibigay na raw sa ibang pelikula na ang karamihan ay ibinalik pa sa HLG.

Obvious naman kung bakit nawawalan na sila ng mga sinehan, dahil mahina talaga at hindi na pumalu-palo nung weekend.

May iilang sinehan pa namang naiwan sa Indak nina Nadine Lustre at Sam Concepcion pero slide na lang ang iba.

Nakalulungkot talaga ng sinapit nito sa takilya na tila hindi naman inalagaan nang husto ng Viva Films.

Ang latest na narinig namin, magbabakasyon daw muna si Nadine.

Hindi lang kinlaro kung saan siya pupunta at kung gaano katagal, pero tama ngang ibakasyon muna niya para ilabas muna lahat na mga kamalasan na tinamo ng mga pelikula.

Sayang kasi, dahil sunud-sunod pa naman siyang nag-Best Actress, tapos flop naman ang mga pelikula niya.

Kaya dapat merong magandang maisip ang Viva para makabawi na si Nadine.

Nakakapanghinayang naman kasi ang galing niyang umarte.

REP. ALFRED, SHAINA & CO. MUNTIK MA-STRANDED SA HK AIRPORT

Nalagpasan ng team ni Cong. Alfred Vargas ang gulo sa Hongkong nang mag-shooting sila roon para sa pelikulang MNL/HK/NY na working title nito.

Kasama ni Alfred na nag-shoot doon si Shaina Magdayao under the direction of Mac Alejandre.

Apat na araw daw silang nag-shoot doon na ilang beses ding naantala dahil sa kabi-kabilang protest rally na ginagawa roon.

Mabuti at cooperative naman daw ang mga kababayan nating OFW na nagtatrabaho roon, kaya nakunan nila ang mga mahahalagang eksenang dapat kunan.

Medyo tensyonado na raw sila nung nakaraang Lunes, August 12 dahil kailangang makabalik na sila ng bansa.

Natatakot na raw silang baka ma-cancel ang mga flights at stranded na sila roon.

Buti na lang daw maaga ang nakuha nilang return flight at nakalipad na sila bago nakansela ang mga flights.

“Pagdating ko ng bahay, nakatulog agad ako sa sobrang pagod,”text sa kin ni Alfred.

Marami pa raw siyang ikukuwento kapag magkita kami.

Susubukan pa naming kapanayamin sa radio program naming Showbiz Talk Ganern sa DZRH.

Kasali rin sa pelikula si Iza Calzado, at mabuti na lang daw hindi siya kasali sa  mga eksena sa Hongkong, at kung nagkataon baka doon daw siya sa Hongkong mag-birthday.

Next week na raw siya lilipad patungong New York para ipagpatuloy ang shooting nila roon.

Excited si Cong. Alfred sa project na ito dahil ang ganda raw ng kuwento na sinulat ni Ricky Lee.

 

Please follow and like us:
Read More

BAKIT NAWALAN NG GANA ANG MGA MOVIEGOERS?

movies1

pwede ed deleon(NI ED DE LEON)

MAGANDA iyong documentary na inilabas ng I-Witness ng Channel 7, tungkol doon sa mga pintor na gumagawa ng mga movie advertising billboard. Ngayon sinabi nga nilang nag-iisa na lang pintor ang natira sa ganoong hanapbuhay. Nawala nang lahat iyong iba.

Noong araw, may naging kaibigan kaming ganyan din ang trabaho, iyong si Bert Tinonas, dahil noong panahong iyon, naging involved din kami sa marketing ng mga pelikula, at isa sa mga susi sa magandang marketing ng pelikula ay ang nakatatawag na pansing mga billboard.

Natuwa kami nang na-interview nila ang isang beterano sa ganyang negosyo, si Benjie Sagmit, at ang pag-iikot nila sa mga lumang sinehan sa Maynila na ngayon pala ay ginawa nang paupahan, kuwarto-kuwarto. Parang slums sa loob ng lumang sinehan. Mai-imagine mo kung gaano kahirap ang buhay sa loob ng isang lumang sinehan, dahil kulong na kulong iyon at halos walang hangin.

Noon sabi ni Sagmit, ang suki niya nasa 86 na sinehan. Siya ang gumagawa ng lobby display. Ngayon isang lumang sinehan na lang, iyong Times Theater na maaaring isara na rin any time. Ibig sabihin noong panahong iyon, mahigit na isandaan ang mga sinehan sa Maynila lang.

Sinasabi ni Sagmit, humina ang mga sinehan simula noong nauso ang DVD, at iyong mga movies for tv, iyang pagda-download din. Pero palagay namin hindi iyan ang dahilan. Early 80’s may pirated video na, sa Betamax. Mas madaling piratahin  at nakokopya agad. Wala pang Optical Media Board noon. Libre pa ang pumirata. Lahat ng pelikulang Tagalog mabibili mo sa mga tindahan sa Cash and Carry noon at sa Broadway Centrum. Lahat ng mga pelikulang klasiko, may kopya sa Greenhills, doon sa second floor ng Virra Mall. Kilala ng lahat ng mahilig sa classic movies iyong shop na ang pangalan Trifari. Pero bakit kahit na ganoon kumikita pa rin ang mga sinehan?

Ang paniwala namin, ang nagpabagsak sa sinehan ay hindi iyong dahil sa mataas na admission prices kung ‘di iyong sistema ng screening ngayon. Nagkakatamaran ang mga tao dahil kung minsan darating ka sa sinehan, matagal ka pang maghihintay bago makapasok sa sine dahil kailangan mong hintayin iyong simula. Noong araw maaari kang pumasok kahit sa kalahatian, pag-abutin mo na lang ang pinanonood mo. Dahil sa screening schedule, ang sine ay nakasasayang ng oras.

Iyan ang isipin ninyo. Hindi kayo nakinabang sa schedule na ganyan. Nawalan kayo ng audience.

 

 

Please follow and like us:
Read More