INSTALLER SA POGO CONSTRUCTION SITE, NAKURYENTE

electrocution

(NI SIGFRED ADSUARA)

DALAWA katao na ang namamatay sa construction site sa Cavite  ng Philippine Gaming Offshore Operator (POGO) nang isang 24-anyos na installer ang nakuryente matapos dumikit sa kuryente ang electric dynamo ng air compressor sa stainless na bakal na pintuan na kanyang nahawakan sa Kawit, Cavite.

Hindi na umabot nang buhay sa Binakayan Hospital ang biktimang si Johnmark Lagos, installer ng Xiai Song Corp, contractor sa construction site,  at residente ng 209 Via Ferrea St., Caridad, Cavite City.

Sa ulat ni PSSgt Jason Murcia, ng Kawit Municipal Police Station, dakong alas-4:30 Miyerkoles ng hapon nang maganap ang insidente sa POGO building 8 Project site sa First Orient International Venture Inc., Brgy. Pulvorista-Binakayan, Kawit, Cavite.

Nabatid na palabas ang biktima sa naturang kuwarto nang sa paghawak nito sa stainless na hawakan ng pintuan ay madikit ito sa electro dynamo ng air compressor dahilan sa kanyang pagkakakuryente at kamatayan.

Ito na ang pangalawang insidente ng sakuna sa nasabing construction site kung saan namatay din ang erector na si Manuel Oli, 32, Miyerkoles ng hapon matapos mabagsakan ng beam.

Please follow and like us:
Read More

GRADE 7 STUDENT PATAY SA LIVE WIRE 

electrocution

HALOS masunog ang katawan ng isang binatilyo nang maapakan nito ang nakalaylay na live wire ng Capiz Electric Company (CAPELCO), sa Roxas City.

Kinilala ang biktimang si Mike Buhe, 12-anyos, Grade 7- student ng Capiz National High School at residente ng Sitio Binalabag, Barangay Sibaguan, Roxas City.

Batay sa report ng pulisya, naglalakad ang biktima pauwi sa kanilang bahay kasama ang mga pinsan at kaibigan nang hindi nito napansin ang live wire na kanyang nasagi.

Sa lakas ng boltaheng pumasok sa katawan nito ay nagkikisay ang biktima at nagawa pang dalhin sa ospital pero wala na rin itong buhay nang idating.

Sinisi naman ng pamilya ng biktima ang pamunuan ng Capelco dahil sa kapabayaan at hindi inaayos ang nakalaylay na linya ng kuryente sa lugar.

Patuloy naman ang imbestigasyon ng pulisya sa insidente.

 

Please follow and like us:
Read More

3 NATUSTA SA KURYENTE

electrocution

(NI ANNIE PINEDA)

NANGITIM ang katawan ng tatlo katao matapos masabugan habang nagkukumpuni ng kuryente sa isang balon, iniulat kaninang umaga sa probinsya ng Zamboanga del Sur.

Kinilala ang mga namatay na sina Klent Daydora, Eliseo Dumunot at Julieto Ratso, pawang residente sa Pitogo, Zamboanga del Sur.

Batay sa report ng pulisya, nagkukumpuni ng kuryente ang tatlong biktima sa likurang bahagi ng bahay ni Daydora na may balon.

Makalipas ang ilang minuto, bigla na lamang nakarinig ng pagsabog ang mga residente dahilan para kanila itong alamin at bumulaga sa kanilang harapan ang katawan ng tatlo na nangingisay.

Pinagtulungan naman dalhin sa ospital ang mga biktima pero wala na rin buhay nang sila ay idating.

Iniimbestigahan na ng mga awtoridad ang naturang insidente.

Please follow and like us:
Read More