AKUSASYON NG PARTNER NI EDDIE GARCIA KINONTRA NG GMA-7

pwede ed deleon (NI ED DE LEON)

PINASINUNGALINGAN ng GMA 7 iyong sinabi ng long time partner ng actor na si Eddie Garcia na ayaw siyang bigyan ng network ng resulta ng imbestigasyon, at kailangang makiusap pa ang kanyang abugado para mabasa iyon.

Sinabi naman ng GMA na matapos ang imbestigasyon, nagpadala sila agad ng kopya sa pamamagitan ng spokesperson ng pamilya Garcia na si Dr.Tony Rebosa, dahil noong panahong iyon, si Lillibeth Romero ay nasa abroad.

Nagpadala rin daw sila agad ng kopya sa DOLE, at sinasabing kagaya ng kasunduan, hindi lamang nila inilabas sa publiko ang resulta ng imbestigasyon hanggang hindi nakakapag-comment ang pamilya ni Eddie Garcia.

Ganoon pa man sinabi ng network na naiintindihan nila na ang pamilya ay nasa panahon pa ng kalungkutan.

Bagama’t sinabi nilang hindi totoo na itinago nila ang resulta ng imbestigasyon sa long time partner ni Eddie Garcia, hindi naman nila napasinungalingan ang akusasyon noon na nagkaroon sila ng negligence dahil sa mga pagkukulang sa safety measures habang nasa set sila ng ginagawang serye.

Iyan ay simula pa lang ng isang mahabang usapan. Tiyak na ang isa’t isa ay maghaharap pa ng mga ebidensiya at mga testigo na pabor sa kanila. Natural ang mga tao sa set noon ay maaaring tumestigo pabor sa GMA 7. Iyong medical people naman na nangalaga kay Eddie Garcia pagkatapos ng aksidente ang maaaring magpatunay ng maling handling ng pasyente bago nadala sa kanila.

Ang resolusyon ng kasong iyan ay aabot sa korte, tiyak iyon. Hindi naman kasi maaaring walang settlement sa nangyari.

 

 

Please follow and like us:
Read More

LILIBETH ROMERO INAKUSAHAN NG NEGLIGENCE ANG GMA-7

pwede ed deleon(NI ED DE LEON)

SIGURO unexpected ng GMA 7 iyong naging pahayag ni Lilibeth Romero, ang long -time partner ng actor na si Eddie Garcia, nang iyon ay humarap sa isang hearing ng Senado tungkol sa occupational safety.

Inakusahan ni Romero ng ‘negligence’ o kapabayaan ang GMA 7. Sinabi rin niyang pinagtrabaho ng network ang mga artista sa isang ‘unsafe working condition’, at ‘lack of medical personnel to assist in an emergency’. Ang mga bagay na iyon ang sinabi rin naman ng DOLE, na sinagot ng GMA na hindi nila talagang obligasyon dahil ang sinasabi lang sa batas ay kailangan iyon sa isang working area, at hindi kabilang ang mga palipat-lipat na location shooting o set ng mga serye.

Sinabi rin nilang may tatlo silang first aider na sumailalim sa ‘seminar’ ng Philippine Red Cross. Ibig sabihin, ni hindi isang registered nurse, at mayroon mang first aider, wala naman sigurong gamit.

Sinasabi ni Lilibeth na siya at ang pamilya Garcia, ay hindi titigil hanggang walang katiyakan na ang nangyari sa beteranong actor ay hindi na maulit sa ibang mga artista.

Nag-file ng panukalang batas sa Kamara si Congressman Michael Romero. Mayroon ding parallel bill sa Senado si Senador Bong Revilla.

Kung isasampa ng DOLE ang reklamo, magmumulta ang GMA 7. Pero paano ang mga naulila ni Eddie Garcia?

Siguro naghihintay sila ng kaso mula sa DOLE, at kung matapos iyon ay gagamitin nila ang resulta noon para makapagharap naman ng kasong sibil laban sa GMA 7. Malaki ang babayaran nila niyan.

HINDI SI TEEJAY MARQUEZ SA VIRAL NA NUDIES

Hindi raw totoo ang kumakalat na mga nude pictures ng model at male star na si Teejay Marquez. Inamin sa amin ni Teejay na alam niya kung sino ang may kagagawan noon, isang bakla na dati niyang fan noong araw na dahil naging close sa kanya ay nagkaroon ng ilusyon na papatulan niya at magkakaroon sila ng relasyon. Ninilinaw ni Teejay na ang mga lumalabas na pictures ay hindi naman kita ang mukha.

May isang picture na kita ang mukha, pero lumalabas na hindi si Teejay ang nasa picture. Nilabuan iyon, pero ang mas malinaw na kopya ng picture ang magpapakita na hindi si Teejay iyon kung di isang Vietnamese-American model, na ang pangalan ay Jimaye Nguyen, na look-alike naman niya.

 

 

Please follow and like us:
Read More

MABIGAT NA PARUSA IPAPATAW NG DOLE SA GMA-7

eddie garcia12

pwede ed deleon(NI ED DE LEON)

SINABI ni Labor Secretary Silvestre Bello na sa kanilang imbestigasyon ay lumabas na nagkaroon ng kapabayaan ang GMA Network sa pagpapatupad ng safety standards sa kanilang taping, na kung saan walang nakitang safety officer. Sinabi rin niyang kung may safety officer na naroroon at marunong nang tamang handling,”maaaring hindi lumala ang bunga ng aksidente at hindi namatay si Eddie Garcia”.

Natisod ang beteranong actor sa cable na ginagamit sa mga ilaw sa taping at bumagsak. Sa pag-aakalang siya ay inatake lamang sa puso dahil sa init, binuhat siya ng mga tao roon at isinakay sa taxi patungong ospital. Hindi naingatan ang kanyang leeg na fractured na pala noon. Kung may isang safety officer, malamang nilagyan siya agad ng “neck brace” bago binuhat at hindi na lumala ang problema.

Pero wala pang opisyal na dokumento tungkol dito. Paglabas ng dokumento, sinasabi ni Bello na ipapataw sa GMA ang pinaka mahigpit na parusang multang P100,000 dahil sa kapabayaan. Maaaring lumaki iyan dahil maaari silang pagbayarin ng P100,000 sa bawa’t araw hanggang hindi nila nakukumpletong bayaran ang multa.

Hindi rin natin alam kung ano ang aksiyon ng naiwang pamilya ni Eddie Garcia. Kausap nila ang kanyang long time partner na si Lilibeth Romero, pero may habol pa rin diyan ang legal niyang anak na si Edwin kung sakali. Iyong resulta ng imbestigasyon at parusang ipinataw mismo ng DOLE ang siyang magiging matibay na ebidensiya kung maghahabol pa nga ang pamilya ni Eddie Garcia laban sa GMA.

Masakit na pananagutan iyan dahil wala namang may gusto sa nangyari. Iyan ay isang aksidente. Pero isang katotohanan na matindi ang occupational hazards sa shooting ng isang pelikula o taping ng isang television show at iyan ay hindi dapat pabayaan.

Ang masakit pa para sa network, kung may magbabalik sa kasaysayan pagkatapos ng maraming taon, mauungkat pa ring si Eddie Garcia ay namatay sa set ng GMA.

 XIAN DAPAT KUMUHA NG MAGALING NA A.D.

Nakalulungkot naman, wala kaming narinig na pumuri sa first directorial job ni Xian Lim kung di ang kanyang ka-love team na si Kim Chiu. (Meron naman, isang director na in love kay Xian-Ed).

Maski na ang mga pra la la boys, girls and gays na noong una ay excited sa pelikulang idinirek ni Xian, nanahimik matapos mapanood ang pelikula.

Iyong mga kritiko, halos lahat ay nagsabing nahilo sila sa pelikula ni Xian. Dapat kasi naalalayan iyan ng isang mahusay na AD para hindi nangyari iyan.

Si Gladys Reyes, natuwa dahil naging bida ang kanyang asawang si Christopher Roxas for the first time sa pelikula ni Xian. Hindi namin alam kung natutuwa pa rin siya matapos na mapanood iyon.

 

Please follow and like us:
Read More

PARTNER NI EDDIE GARCIA HINIHINTAY SA GMA-7 PROBE RESULTS

eddie garcia12

(NI GORGY RULA)

NASA bakasyon pa pala ang long-time partner ni Eddie Garcia na si Lilibeth Romero kaya hindi pa raw niya nababasa ang resulta ng imbestigasyon na ginawa ng GMA 7 kaugnay sa nangyari sa nasirang aktor.

In-announce na kasi ng GMA 7 na natapos na raw nila ang imbestigasyon ng nangyaring aksidente kay Manoy Eddie na naging sanhi nang pagkasawi niya.

Iyun na lang kasi ang hinihintay ng lahat kung ano ang susunod na hakbang ng GMA 7 sa pangyayaring ito.

Sa unang statement nila ay iimbestigahan nga raw nila ang pangyayaring ito, at ilalabas daw nila kaagad ang resulta.

Tinapos nila ang imbestigasyon at nakahanda na silang ilabas ang resulta anytime, pero kailangang mabasa raw muna ng pamilya ni Manoy Eddie bago nila ito ilabas sa publiko.

Hinihintay na lang nila ang feedback mula sa pamilya kapag nabasa na nila ito.

Ang pagbalik na lang ni Lilibeth ang hinihintay, para mahingan muna siya ng feedback sa ginawang imbestigasyon ng GMA 7.

Inaasahan nilang bago matapos ang linggong ito ay puwede na nilang i-release ang resulta ng imbestigasyon.

Samantala, nagsimula na ring magpasa ng mga bills ang mga bagong halal na congressmen at inaasahang ipapasa  na ng 1Pacman partylist representative na si Cong. Mikee Romero ang ihahain niyang The Eddie Garcia Law bilang proteksyon sa mga artista at production staff na nagtatrabaho sa taping at shooting.

Sana nga may mangyayari rito at hindi lang ningas cogon.

LSGH’S KUNDIRANA’S PRIDE: RANDY, GARY, OGIE & DINGDONG

Proud na proud ang mga  produckto ng Kundirana ng La Salle na

hanggang ngayon ay dala nila ang disiplina at professionalism na itinuro sa kanila.

Ilan na nga rito ang mga dating Kundirana members na sina Gary Valenciano, Ogie Alcasid, Dingdong Avanzado at Randy Santiago na magkakaroon ng fundraising concert na pinamagatang Green and Go na gaganapin sa Filoil Flying V Centre sa San Juan sa darating na Sabado, July 6.

Sa presscon nila na ginanap sa My Brother’s Mustache sa  Hive Hotel, ipinagmamalaki nilang malaki ang nagawa ng La Salle at training sa Kundirana sa kanilang singing career.

Ani Gary V; “Eversince we were young, immature, merong isang tao si Bro, Gus Boquier who cared enough to mold, to hone yung talents. Iba eh.

“Pag nabigyan ka ng pagkakatong mag-shine for the school, but shine for music.

“Obviously, pag nag-audition ka, ibig sabihin mahal mo talaga ang music. It’s really a part of who you are. Kaso, may pagkakataon na gamitin talaga nang husto.

“Kasi, yung mga practice namin kapag medyo bumagsak ka pa nang konti, tanggal. You’re out of the group, walang excuse yan kahit  magaling ka pa or whatever.”

Dagdag naman ni Dingdong; “Yung natutunan namin dun sa La Salle, sa Kundirana, ina-apply namin ngayon.

“In fact, yung sinabi nga ni Gary kanina. Maganda eh, you’re bringing joy to others.

“Yung pagiging entertainer namin, hindi kami namimili kung matanda o bata…basta kami ang objective namin magbigay saya. Tapos yung reward namin, is maipakita na sabihin nila sa yo na nag-enjoy sila. Masaya sila na hindi nila makalimutan yung performance. I think it speaks for all of us, that’s why  we’re still around.

“This is not really work for all of us. It’s a passion. It’s a love for it that we carry through all these years.”

Iba raw talaga ang upbringing nila kapag na-train ka sa Kundirana sabi naman nina Randy at Ogie.

Kaya kahit saang mga events na may kinalaman ang kanilang alma mater, bukas ang schedule nila para rito.

Itong concert kasi nila sa July 6 na binuo ng La Salle Greenhills batch 1984 ay bahagi ng kanilang 35th homecoming year at ang lahat daw na mga proceeds nito ay para sa medical needs ng kapwa LSGH alumni.

Kailangan daw kasing matustusan ang mga pangangailangan ng De La Salle University Medical Center. Kaya magiging bahagi sila sa One Billion Endowment Fund Program.

FAMILY HISTORY AT HELLO, LOVE, GOODBYE ANG MGA MAGSASALBA SA PELIKULANG PILIPINO

As of yesterday, mahigit 6M views na ang trailer ng Hello, Love, Goodbye.

Medyo nabitin nga ang iba, kaya hinihintay pa nila ang iba pang version ng

teaser nito.

Pero marami ang natuwa dahil nakikita raw nilang may chemistry sina

Alden Richards at Kathryn Bernardo.

Ang dami na ngang nagkukuwento sa aming puring-puri si Alden ng mga

taga-Star Cinema lalo na si direk Cathy Garcia-Molina.

Magaling daw talaga ang Kapuso actor at napakabait nito, kaya hindi malayong masundan pa ang project niya sa naturang film production.

Pinag-uusapan na ngayong nakikita na ang box-office success ng pelikulang ito.

Ang tanong ng karamihan, kapag mag-hit ito, gagawan na rin kaya ng GMA Pictures ng pelikula si Alden?

Kasinlaki rin daw kaya ng Hello, Love, Goodbye itong ibibigay na pelikula ng GMA Pictures?

Sa ngayon ay mahigit isandaan na ang naka-schedule na block screenings  at tiyak na madaragdagan pa raw ito bago dumating ang showing nito sa July 31.

 

Please follow and like us:
Read More

SUSPENSIYON NG DOLE SA GMA-7 NAKAAMBA

pwede ed deleon(NI ED DE LEON)

ANG konsulta ngayon sa isang pribadong doctor ay P700 ang pinakamababa. Magkano kaya ang babayaran kung naka-istambay siya sa isang shooting o taping na minsan ay inaabot ng maghapon at magdamag pa? Ang isang private nurse ay binabayaran ng 1500 piso sa maghapong trabaho, at karaniwang twelve hours lamang iyan. Magkano ang rental ng isang ambulansiya sa isang oras? Ang ambulansiya at kailangang kumpleto sa gamit, may stretcher, may oxygen tank, kumpleto ng lahat ng gamot at may crew para magpatakbo noon at bumuhat ng pasyente nang tama.

All in all, tinataya naming aabutin ng 20 libong isang araw ang dagdag sa gastos sa shooting kung magkakaroon lamang ng additional medical personnel kagaya ng itinatadhana ng Occupational Safety and Health law.

Sa isang network, karaniwan na ang dalawa hanggang tatlong tapings ng mga serye nila sa araw-araw. May mga pelikula ring nagsi-shooting. Kung bibilangin mo sa isang buwan, mas malaki pa ang gastos sa mga safety measures na iyan, kaysa sa puhunan sa isang indie film.

Mahigpit ang batas. Depende kung ano ang lalabas sa kanilang imbestigasyon, pero sinabi ni Labor Secretary Silvestre Bello na posibleng mapagmulta ang GMA ng P100,000  at masuspinde ang network. Iyong P100,000 maliit iyan para sa network. Isang commercial lang nila milyon na ang halaga. Pero iyong suspensiyon, iyon ang matindi. Ibig bang sabihin noon ay wala silang broadcast?

Ang usapan noong isang gabi, lalo na raw dadami ang mga Koreanovela at mga Chinese drama sa telebisyon kung ganyan nga kahigpit ang batas. Mas mura kasi kung bibilhin mo na lang ang mga serye at ipapa-dub mo na lang. Wala ka pang sakit ng ulo at iintindihing madidisgrasya.

Kailangan ang batas na iyan, pero nakatatakot isipin na baka dahil diyan, umurong na nga ang mga film at television producers.

Parang joketime?

PORNHUB SINABIHAN NG PNP NA ALISIN ANG SEX VIDEO NG MGA UNDERAGE

Mayroon pang isang nakakatawang balita. Sinabihan na raw ng PNP ang porno site na Pornhub, na alisin ang mga sex videos ng mga kabataang Pilipino. Diyan sa pornhub na iyan may lumalabas talagang porno ng mga pinoy, at bukod doon, diyan kumakalat ang mga video scandal ng mga artista.

Ilan na nga ba iyong mga sex videos na nakita naming may nakalagay pang “Pornhub”.

Ipina-block na iyan ng National Telecommunications Commission, pero may nagagamit na mga applications para maitago at mapalitan ang IP address ng user at makaka-konekta pa rin siya sa nasabing porn site. Diyan dapat na pumasok ang pagdisiplina ng mga magulang. Katungkulan nilang bantayan kung ano na ang ginagawa ng kanilang mga anak.

 

 

Please follow and like us:
Read More

DOLE PUMASOK NA SA PAG-IIMBESTIGA NG PAGLABAG NG GMA-7

eddie garcia12
pwede ed deleon

(NI ED DE LEON)

NASIMULAN na ba ang imbestigasyon ng GMA-7 kung bakit walang medic at ambulansiya sa set nila noong maaksidente si Eddie Garcia?

Sinasabi naman nila na requirement nila iyon sa kanilang mga tapings at shooting. Ibig sabihin alam nila, hindi lang dahil si Eddie Garcia iyon, kundi iyon ay itinakda na ng batas.

Iyang Occupational Safety and Health Standards ay nagsimulang ipatupad noon pang 1978 at nakatutuwang hanggang ngayon ay hindi pa naipapatupad iyan nang tama. Maski nga si Congresswoman Vilma Santos ay nagsabi noong isang gabi na mukhang nagkakaroon nga ng pagkukulang sa pagpapatupad ng batas na iyan lalo na sa showbusiness.

Ngayon tingnan natin kung ano ang mangyayari.

Sinabi na ni Secretary Silvestre Bello na mag-iimbestiga ang DOLE, sa pamamagitan ng Occupational Safety and Health Center na pinangungunahan ni Noel Binag bilang executive director, ang imbestigasyon sa kaso sa shooting na iyon ng GMA-7. Hindi dahil si Eddie Garcia ang nadisgrasya kung di dahil kahit na sino pa ang nadisgrasya riyan, dapat mayroong mga qualified medical personnel at isang ambulansiya para mabilis ang aksiyon kung may emergency.

Ang tagal, dalawang linggo na at hindi mo malaman kung ano ang resulta ng imbestigasyon ng GMA, o kung nasimulan na ba nila iyon. Kasi ano man ang kalabasan ng imbestigasyon nila, sabihin man nilang may nagpabaya, lalabas na tauhan din nila iyon at may pananagutan sila. Kaya mabuti na kung ang DOLE na mismo ang magsasagawa ng imbestigasyon. Una trabaho naman nila iyon. Ikalawa tiyak na ang kalalabasan ng imbestigasyon ay parehas.

 “Hindi ito ang panahon para tayo magturuan. Dapat ngayon buksan na natin ang mga mata natin na kailangan ngang mahigpit na ipatupad iyang occupational safety law. Kung kailangan pa ng amendment para mas mapalakas iyan at mapanagot talaga ang hindi susunod, iyan ang asikasuhin natin sa kongreso. Hindi lang dahil kay Manoy. Maaaring mangyari iyan kahit na kanino, kahit na sino sa mga 25,000 manggagawa sa industriya ng pelikula at telebisyon,” sabi ni Ate Vi.

Please follow and like us:
Read More

CONG. LUCY AT MAYOR GOMA BALAK SUNDAN SI JULIANA

ang kulit ni Lolit

(NI LOLIT SOLIS)

KAHAPON na iniuwi ang mga abo ni Eddie Garcia sa kanyang tahanan sa Alabang.       

Base sa kuwento ng mga nandun, naghahanap pa raw sila ng columbary  na paglalagakan ng urn ni Manoy.

Pero alam nyo, sa pagpanaw ni Manoy, nag-iwan siya ng leksyon sa lahat na mga taga-showbiz na mag-ingat sa set sa taping o shooting.

Isa nga sa very vocal na dapat paghahanda sa set ay si Mayor Richard Gomez na noon pa man ay nagsasalita tungkol sa gadget na ito na dapat daw gamitin sa set.

Tsika nga ni Gorgy sa akin na nakipagtsikahan dun sa mag-asawang Richard at Lucy, sinasabi na raw ni Mayor na dapat meron daw tayong gadget na ginagamit sa set kapag may mangyari sa isa sa mga nagtatrabaho sa taping o shooting.

Sabi raw ni Mayor Goma; “Our job is very stressful no?

 “We start taping or shooting early in the morning, then natatapos ng late evening or early morning the next day.

 “It’s important that the production takes care not only  just the actors but also of everybody –the staff, the crew, by at least providing a medical staff on standby all the time sa set.

And it’s also important to have an AED an Automated External Difribilator. In fact, the movie industry people should know how to do CPR.

“What if somebody all of a sudden biglang ma-unconscious ma-heart attack, mawalan ka ng heartbeat, somebody na have to know the CPR.”

Matagal na palang tini-train nina Richard at Lucy ang  mga estudyante sa Ormoc na mag-CPR. Kaya kung anu’t-ano mang merong aksidenteng mangyari sa school, marunong na raw ang mga estudyante gumawa ng CPR.

Marami na ang nagsa-suggest ng ganun dahil nga sa nakita natin sa nangyari kay Manoy Eddie.

At least, nagkaroon ng leksyon sa lahat na mga industriya. Okay na siguro yun, huwag na lang manisi ng dapat ganito, dapat ganyan.

Mag-move on na tayo at mabuting may natutunan tayo sa nangyari kay Eddie Garcia.

Isipin nyo, umalis lang siya, nag-iwan pa siya ng magandang aral sa ating movie and TV industry.

Bukod pala sa isyung yan, napag-usapan din pala ang magkaroon uli ng baby nina Richard at Lucy.

Ikinuwento ni Mayor Goma na pinag-usapan na raw nila ni Cong. Lucy na magpa-freeze ng eggs at sperm cell niya para kung sakali, puwede nang i-fertilize para mabuo ang embryo.

Okay si Richard sa ganung ideya at pinag-iisipan na rin daw iyun ni Lucy.

Ayaw lang daw ni Richard ng kumuha ng surrogate mother dahil ang gusto niya si Lucy pa rin talaga ang magbuntis.

Pero kung tanungin nyo naman si Lucy, parang ipinaubaya raw niya sa Diyos lahat.

Naniniwala raw siya na kung gusto talaga ni Lord, ibibigay ito sa kanila. Pero tingnan daw natin baka gagawin din nila iyun.

Please follow and like us:
Read More

ALDEN TUMULA SA EULOGY; PRIVILEGED NA NAKASAMA SI EDDIE

alden100

ANG GARA NI VINIA(NI VINIA VIVAR)

Isa si Alden Richards sa mapalad na kabataang artistang nagkaroon ng pagkakataong makatrabaho ang yumaong legendary actor na si Eddie Garcia.

Kaya naman sa kanyang recent Instagram post ay nagbigay-pugay din si Alden and shared his experience on working with the late veteran actor.

Ayon kay Alden, bumilib siya sa eksena nila ni Manoy Eddie 8 years ago kung saan ay inakyat ni tito Eddie ang bundok in costume.

“8 years ago, I had the privilege of working with Tito Ed in Panday 2. We had one scene on a mountain and grabe si Tito Ed, he would climb up by himself in costume.

“I will always remember him as being very independent, professional and passionate. I learned a lot from him. What a great loss to the industry. You shall be missed,” ang kabuuan ng post ni Alden.

Sa unang gabi ng burol ni Manoy Eddie sa Heritage ay nagbigay ng eulogy si Alden.

Usap-usapan ang binasang tula ni Pambansang Bae sa gabi ng mga Kapuso na pinangunahan ni GMA-7 C.E.O.Felipe Gozun.

 

Please follow and like us:
Read More

NAKAKIKILABOT ANG POST NI YASSI PRESSMAN

yassi pressman12

(NI VINIA VIVAR)

MEDYO  nakakikilabot ang post ni Yassi Pressman ilang oras matapos ang pagyao ni Eddie Garcia noong Huwebes (June 20) ng hapon.

Nag-post ng short video si Yassi taken at the set of FPJ’s Ang Probinsyano that day at sa caption, she wrote, “this was a very special moment on the set of #FPJsAngProbinsyano….kakabukas lang ng camera sa phone namin, ng biglang may paruparong hindi kami iniwan…wait till the end.”

Makikita sa video ang paru-parong lumilipad-lipad sa set. Narinig namin ang isang staff na nagsalita ng “naku, Diyos ko, Lord” habang si Yassi ay talagang sinusundan-sundan ito ng tingin. Aniya, “ayan na naman, o” nang mapalapit sa kanya ang butterfly.

Nang lumayo ang paru-paro ay nag-wave pa sila ng kamay na tila nagpaaalam sa paru-paro.

Dito sa atin ay pinaniniwaalang ang paru-paro ay kaluluwa ng isang namatay at sinasabing nagpaparamdam daw ang yumao sa pamamagitan nito.

As we all know, matagal ding nakasama ng cast ng FPJAP si Manoy Eddie at ito actually ang huling serye niya bago yumao. He was doing Rosa Agimat sa GMA-7 kung saan nga siya naaksidente sa taping. Hindi pa ito umeere dahil nagsisimula pa nga lang sanang gawin ito ni Tito Eddie.

 

 

Please follow and like us:
Read More

HALF-MAST KAY MANOY; SCHOOL SA BICOL IPAPANGALAN  SA AKTOR

eddi22

pwede ed deleon(NI ED DE LEON)

SA kabutihang loob ng pamilya ni direk Eddie Garcia, at dahil alam naman nila na bukod sa kanyang personal na kahilingan at kagustuhan niyang magkaroon ng privacy, hindi naman maikakailang si Eddie Garcia ay bahagi ng yaman ng sining ng sambayanang Pilipino, pinahintulutan nilang magkaroon ng pagkakataon ang mga kaibigan, at maging ang mga fans na makapagbigay pugay sa actor sa loob ng tatlong araw hanggang sa Linggo. Hindi natupad ang buo niyang kagustuhan na sinasabi niyang “from the deathbed, diretso na ako sa crematorium. Tapos iyong kaibigan kong helicopter pilot will get my ashes immediately after cremation, at isasabog niya sa Manila Bay”.

Pati ang mababang kapulungan ng Kongreso may reaksiyon. Matapos na mabalitang namatay na si direk Eddie, mabilis na nagpasa ng resolution si Congressman Francisco Datol, ng party list na Senior Citizen na humihiling sa DEPed, bilang pagkilala sa kontribusyon ng actor sa sining, na ang isang iskuwelahan sa kanyang bayang Sorsogon ay ipangalan kay Eddie Garcia.

May kahilingan din si party list representative Alfredo Garbin ng Ako Bicol, kay Presidente Digong na ipalagay sa half mast ang bandila ng Pilipinas bilang pagkilala kay Eddie Garcia.  Hindi pa natin alam kung maisusulong ang dalawang panukalang iyan.

Pero kahapon, umaga pa lang ay marami na ang nagtungo sa Heritage dahil sa naunang announcement na bubuksan nga nila ang burol sa publiko ng alas-9:00 ng umaga, pero pagkatapos hiniling nga ng pamilya na pahabain ang kanilang privacy hanggang alas tres ng hapon.

Kine-cremate pa lamang, may mga malalapit na kaibigan nang dumating ang yumaong actor, na pinayagan naman ng pamilyang sumaksi sa mga mangyayari. Sa buong panahong iyon, simula noong siya ay bawian ng buhay noong hapon pa, kalmado na ang kanyang long-time partner na si Lilibeth Romero.

Tila tumatayong spokesperson na ng pamilya ang kanyang stepson na si Congressman Mikee Romero ng 1Pacman. Hindi pa rin maliwanag sa amin kung mangyayari ngang ililipad ng helicopter ang  abo ng kanyang labi para maisabog sa Manila Bay kagaya ng kanyang kahilingan. Sa pananaw naman kasi ng simbahan, ang mga labi ng isang tao ay kailangang ihimlay nang tama at hindi isasabog na lang sa dagat o kung saan man niya gusto.

Sa pagyao ni direk Eddie, sinasabing nawala na rin ang ikatlong hari ng pelikulang Pilipino. Nauna na sina FPJ at si Mang Dolphy sa kanya. Nawala na rin ang tatlong hari ng mga kontrabida. Nauna na sina Max Alvarado at Paquito Diaz.

Gusto rin daw magbigay pugay ng LGBT, dahil si Eddie Garcia ay isa sa mga unang actor na gumawa ng gay role, sa pelikulang Tubog na Ginto na idinirek ni Lino Brocka para sa Lea Productions, at mula naman sa panulat ni Mars Ravelo. Nasundan iyon ng iba pang mga pelikulang gawa ni Danny Zialcita

Ang unang pelikula ni Eddie Garcia ay iyong Siete Infantes de Lara na ginawa ng national artist na si Manuel Conde. Iyan din ang kauna-unang pelikulang Pilipino na nailabas sa mga sinehan sa abroad. Ang pelikula ay nabili ni Howard Hughes, ang bilyonaryo at pilantropong engineer at director ng pelikula sa Hollywood. Sa kanya rin ang RKO Pictures noon, at siya ang distributor ng Siete Infantes de Lara na ang naging title ay Sons of the Seven Devils.

Bukod doon nakasama rin si Eddie Garcia sa maraming mga pelikulang ingles na ginawa para sa mga off Hollywood companies nina Eddie Romero at Cirio Santiago noong araw. Bukas ikukuwento namin iyong mga mas personal na kuwento namin tungkol kay direk Eddie.

 

 

Please follow and like us:
Read More

KATARUNGAN PARA KAY TITO EDDIE

eddie garcia12

(NI SIR NOEL FERRER)

NAKALULUNGKOT ang pagpanaw ng isang icon na tunay na iginagalang sa ating industriya – si Eduardo Verchez Garcia o kilala sa atin bilang si Manoy o simply si Tito Eddie.

Bago nangyari ‘yung kahapon, sinasabi ng ibang tao na mag-let go na ang pamilya dahil brain dead at nakadepende na sa life support si Tito Eddie; pero kapag nangyari na yan, mahirap talagang tanggapin. Promise, I went through that with my dad too!

Alam ko na kahapon dapat ilalabas ang desisyon ng GMA7 kung ano ang gagawin at kahihinatnan ng teleseryeng “Rosa Agimat.” Malamang minabuti na nilang i-shelve ang project.

Ngayong namatay na si Tito Eddie, ilabas na rin kaya nila kung ano rin ang resulta ng sinabi nilang imbestigasyon sa nangyari na “they’ll get down to the bottom of things”?

Sadyang nakalulungkot lang talaga ang nangyaring aksidente. Oo walang may gustong mangyari yun, pero sana may safeguards na tayo sa susunod para sa manggagawa natin lalo na yung mga nasa ganoong edad na.

Isa pa, habang lahat sana ng award giving bodies ngayong taon tulad ng FAMAS at Urian ay nagkaisa para igawad kay Tito Eddie ang Best Actor award, hindi kaya maganda ring ipaliwanag ng PMPC Star Awards kung paano hindi nakapasa sa kanilang panlasa ang acting niya para ipagkait sa kanya ang tropeyo kahit ka-tie lang sana ni Ogie Alcasid? Oo, tanggap natin na iba’t iba ang panlasa ng mga award giving bodies pero katulad ng FAMAS at URIAN at kahit Cinemalaya, with the intention of film education – and with no offense meant to anyone- sana ma-purge sa pangongonsensya na naghintay si Tito Eddie hanggang dulo ng programa hanggang matawag ang Best Actor winner

sa Resorts World Manila (na in fairness kay Ogie ay in-acknowledge pa ito.)

The next award which he rightfully deserves is the National Artist Award.

Maliban kay Ate Guy, sisigaw na ba tayo ng “Katarungan Para Kay Tito Eddie?”

 

Please follow and like us:
Read More

HULING HABILIN NI MANOY :  GAWING PRIBADO LAHAT, CREMATION

pwede ed deleon(NI ED DE LEON)

YUMAO na ang actor na si Eddie Garcia, Huwebes ng alas 4:55 ng hapon, ayon sa ipinalabas na medical bulletin ng Makati Medical Center. Walang detalyeng ibinigay si Dr.Artemio Cabrera Salvador, na hepe ng patient relations department ng ospital, maliban sa pakikiramay nila at pakikiisa sa pagdarasal para sa kaluluwa ng yumaong actor.

Ang kamatayan ng actor ay kinumpirma rin ni Dr.Tony Rebosa na tumayong tagapagsalita ng pamilya, subali’t wala pa ring detalye kung ano ang kasunod nilang gagawin. Sinusulat namin ito nananatili pa sa ospital ang mga labi ng actor.

Nagsimula ang lahat matapos ang isang aksidente sa set ng isang seryeng kanyang ginagawa para sa GMA 7 noong Hunyo 8. Bahagya pang nagbalik ang kanyang malay matapos na malapatan ng pangunang lunas, pero muling naging comatose nang mailipat na sa Makati Medical Center.

Nagpatuloy ang pagde-deteriorate ng kanyang kalagayan, at hindi man diretsahang sinasabi, mukhang wala na ngang masyadong magawa para sa kanya ang kanyang mga doctor. Pumayag na rin ang kanyang pamilya sa “no resuscitation order”, at sinabing hayaan kung ano ang talagang mangyayari. Ganoon pa man hanggang sa huling sandali ay nakakabit siya sa isang ventilator upang tulungan pa rin siyang huminga kahit nahihirapan.

May nagsasabing “tila bahagyang gumalaw ang kanyang kamay” nang sabihin sa kanyang nanalo siyang best actor sa Urian” at inilagay sa kanyang mga kamay ang tropeo. Iyon ang pinakahuling panalo niya habang siya ay buhay pa.

May mga usapang may bilin siya noon pa man na gusto niyang mas pribado ang lahat kung ano man ang mangyayari sa kanya. Mukhang mas pinipili niya ang cremation, pero wala pang desisyon ang kanyang pamilya.

Ang sambayanang Pilipino ay nakikiramay sa kanyang pagyao.

 

Please follow and like us:
Read More

EDDIE GARCIA YUMAO NA

eddie123

YUMAO na ang multi-awarded actor-director na si Eddie Garcia bandang alas-4:55 Huwebes ng hapon matapos ang komplikasyon sa tinamong neck fracture, ayon sa kompirmasyon ng Makati Medical Center. Siya ay 90-anyos.

Si Garcia ay nadapa habang nagte-taping sa isang teleserye ng GMA Network noong nakaraang linggo.

Naging comatose at kritikal ang kalagayan ng aktor at hindi na muling nagising.

Si Eddie Garcia, Eduardo Verchez Garcia, sa tunay na buhay, ay ipinanganak noong Mayo 2, 1929 sa Juban, Sorsogon.

Please follow and like us:
Read More

BISITA NI EDDIE GARCIA PINALILIMITAHAN NG MGA DOKTOR

eddie123

pwede ed deleon(NI ED DE LEON)

PINAYUHAN na raw ng mga doctor ang pamilya ng actor na si Eddie Garcia na limitahan ang mga bisita niya habang nasa ospital.

Nag-iingat lang sila na baka magkaroon pa ng ibang kumplikasyon. Reverse isolation iyang ginagawa nila eh, na kailangan sa kalagayan ng actor.

Pero marami pa rin ang umaasa na makakabawi pa si direk Eddie.

                                                                                                     ***

AKTRES SI AIAI SA FEELENNIAL FILM

Lately, tamad na tamad na kaming manood ng sine, unless alam naming mahusay talaga iyon. Iyong mga imbitasyon sa mga preview at premiere night, hindi na namin pinupuntahan iyan dahil sayang ang mahabang oras na gugugulin mo riyan. Kaya noong napag-usapan natin Tito KC ang pelikula ni Aiai delas Alas,iyong Feelennials, kahit na iba ang palagay ko noong una, nakumbinsi mo akong panoorin iyon.

Kung hindi ko pala pinanood, nagsisi ako. Actually,  mahusay ang pagkakagawa ng pelikula. Hindi magiging rated A iyan, hindi naman iyan pelikula para sa mga kritiko eh. Pero iyan ang tipo ng pelikulang magugustuhan ng masa.

Madaldal din ang pelikula. Comedy eh. Pero napakahusay ng script ng pelikulang iyan. Mahusay sa pasahan ng linya sina Aiai at Bayani, at ang pumapasok sa isip namin habang pinakikinggan ang kanilang mga dialogues ay ang mga script ni Maning Borlaza noong araw. Alam ba ninyong si Maning ang sumulat ng mga linyang natatandaan ng mga tao hanggang ngayon mula sa mga pelikula noon?

Diyan sa pelikulang iyan, hindi lamang kumedyante kungdi isang aktres si Aiai. Ngayon lang yata namin nasabi iyon. Hindi nagpatalo sa kanya ang first time leading man na si Bayani Agbayani.

Mahusay din iyong dalawang support na sina Arvic Tan at Raffy Roque, na sa totoo lang habang pinanonood namin ang pelikula ay hindi namin kilala, at ipinagtanong lang namin kung sino noong papalabas na kami sa sinehan. Nag-Google pa kami para malaman kung saan sila nagsimula.

Sa mga unang araw ng pelikulang iyan sa mga sinehan, wala silang aasahang babatak ng tao sa takilya kung di sina Aiai delas Alas at si Bayani Agbayani. Sana mabatak nila ang mga tao, dahil basta napanood na iyan, may magkukuwento na sa kapitbahay na posibleng manood din ng pelikula.

Malaki ang magagawa ng “nag-aaway na isang babaing mahaba ang baba at isang lalaking maasim ang mukha”. Tiyak iyon, sila lang ang babatak ng fans at kung magawa nila iyon, hindi lang kikita ang pelikula, malaki ang posibilidad na sumikat din iyong Arvic Tan at Raffy Roque.

 

 

Please follow and like us:
Read More

GASTOS KAY EDDIE GARCIA, SAGOT LAHAT NG GMA-7

eddie12

pwede ed deleon(NI ED DE LEON)

HINDI mo naman masisisi kung may ilang personalities mula sa GMA-7 na medyo napipikon doon sa mga akusasyon na iniiwasan daw ng network ang kanilang responsibilidad sa aksidente ni Eddie Garcia sa pagsasabing nagkaroon iyon ng atake sa puso, ganoong ang totoo ay napatid pala sa cable.

May nagsabi pang umiiwas daw ang network sa pananagutan sa nangyari sa actor.

In fairness, ang pinagmulan naman ng mga naunang detalye ay kinikilalang mga members ng pamilya ng actor. Ungkatin na natin para maliwanag ha. Si direk Eddie ay open naman sa kanyang relasyon kay Lilibeth Romero noon pa man. May dalawang anak si Lilibeth sa naunang asawa, isa si Congressman Mikee Romero na siya ring may-ari ng Global Sports Batang Pier team sa PBA, at ang kapatid niyang si Nikki. Lumaki na ang dalawang batang iyan, kasama si Eddie Garcia at sila ay itinuring na ngang mga anak niya.

Si Nikki ang unang nagsabi na inatake si direk Eddie, dahil iyon ang presumption na nangyari noong una. Wala pang opisyal na medical bulletin. Nagsasagawa pa ng pagsusuri ang medical team ng Mary Johnston Hospital. Natural pagdating sa ER, ang titingnan muna ay kung ano ang physical damage, at pagkatapos at saka gagawa ng mas malalim na pagsusuri sa kalagayan ng pasyente.

Bakit sa isang taxi isinakay si direk Eddie nang ihatid sa ospital? Nasaan ang ambulansiya at wala ba silang ibang sasakyang magagamit?

Iyon daw pong location nila ay medyo makipot na kalye, at ang mga sasakyan ay kailangang iparada sa mas malayong lugar sa set. Mas madali para sa kanila na tumawag ng taxi at madala ang actor sa pinakamalapit na ospital. Wala silang ideya na cervical fracture ang nangyari. Akala rin nila inatake dahil sa init, kaya isinakay nila sa taxi. Iyong location pala nila, sa kalye Katubusan. Medyo sulok na iyon at siguro nga malayo ang mga sasakyan nila para hindi iyon mahagip ng kanilang camera.

Ang mahalaga, iyong commitment ng GMA na pananagutan nila ang lahat.

HINDI NABABAHALA ANG ABS-CBN… IN FACT, PANAY PAPIRMA NILA NG NETWORK CONTRACTS

Doon naman sa kabilang bakod, sa ABS-CBN, ang nababalita ay ang muling pagpapapirma nila ng kontrata sa kanilang mga stars. Parang pahapyaw, sinasabi nilang hindi mangyayari ang ikatutuwa ni Jimmy Bondoc. Maaari namang ang ibig sabihin noon, mangyari man ang kinatatakutan ng marami nilang empleyado, mayroon pa rin silang malilipatan at walang mawawalan ng trabaho, after all may mga internet streaming sites na ang kanilang network kung sakali man.

Sana nga wala namang mangyaring hindi maganda sa kanilang network. Sana nga maayos pa rin nila ang kanilang naging mga problema.

 

Please follow and like us:
Read More

BASHED PATI ACCENT NI DANIEL SA Q&A NG BB. PILIPINAS

daniel222

(NI ED DE LEON)

PINUNA ng mga bashers pati ang accent ni Daniel Padilla nang magtanong siya sa question and answer segment ng Binibining Pilipinas.

Bakit hindi ba naintindihan ang tanong ni Daniel? Si Daniel naman ay isang Pilipino, hindi naman siya Kano. Bakit kailangang hanapin sa kanya ang accent ng isang Kano?

Ang mas nakatatawa iyong masyadong Kano na bano kung magsalita ng Tagalog. Nasa Pilipinas po tayo.

MALUBHA ANG KALAGAYAN NI MANOY

Kuryente, one hundred percent ang sinasabing inatake sa puso si Eddie Garcia doon sa set ng Rosang Agimat.

Nagkakaturuan na ngayon. Wala naman kasing medical bulletin na inilabas iyong Mary Johnston Hospital dahil humingi ng privacy ang pamilya. Iyon pala doon pa lang alam na nila na hindi inatake si Manoy kung di bumagsak nang medyo masama, at nagkaroon ng severe cervical fracture. May nabaling buto sa gawi ng leeg.

Iyan ay naka-konekta sa spinal column, kaya siya nag-comatose. Apektado na ang nervous system ng kanyang katawan. Nang ma-review namin ang video ng aksidente na naka-slow motion, noon namin napansin na mukhang nasabit nga ang paa niya sa isang cable, at nadapa nga siya.

Nagkakaturuan na ngayon, at mismong ang GMA 7 na nagpalabas din ng ganoong balita, ganoon din ang iba pang media entity, ang nagsabing ang source ng kanilang information ay son-in-law raw ni Manoy na ang pangalan ay Nick. Ngayon hindi na lumabas si Nick. Parang na-Bikoy lahat ng tao.

Anyway, malubha ang kalagayang iyan ni Manoy, at iyon ay pinatotohanan na ng kanyang doctor na si Dr.Enrique Lagman. Siya ay nasa ICU ng Makati Medical Center. Iyon ang totoo. Ipanalangin nating sana nga makabawi pa si Manoy.

 

 

Please follow and like us:
Read More

WE ARE PAID TO WAIT –EDDIE GARCIA

eddie12

ang kulit ni Lolit(NI LOLIT SOLIS)

DITO mo talaga nakikita kung gaano kamahal ang isang tao, kapag marami
ang nagdarasal para sa yo.

Talagang dagsa ang post ng mga taga-showbiz na ipagdasal si Eddie Garcia.

Nakikita mo talagang well-loved siya dahil ang daming nag-aalala sa kanya nang napabalita ang nangyari sa kanya sa taping ng bagong drama series ng GMA 7 na Rosang Agimat.

Kasali pa naman diyan ang alaga kong sina Tonton Gutierrez at Amy Austria.

Alam ko si Manoy Eddie ang ama diyan ni Tonton. Marami silang mga eksena, pero nung nakaraang Sabado hindi kasali si Tonton sa taping.

Dapat meron silang taping ngayong Lunes, pero sinabihan na kaming mapa-pack up munat humihingi pa ng dagdag na dasal para sa agarang paggaling ni Manoy.

Sa totoo lang, hindi naman kailangan ni Manoy na magtrabaho eh.

Sabi nga ng mga staff, hindi raw sa pera yan para kumita.

Gusto lang talaga niyang magtrabaho dahil iyun ang nagpapalakas sa
kanya.

Silang dalawa ni Gloria Romero ang hindi pa talaga tumitigil sa trabaho kaya nakakabilib din ang lakas nila talaga.

Nakatutuwa pa nga ang professionalism nilang dalawa. Kay Manoy Eddie ko nga narinig yang linyang “we are paid to wait”. Kaya hindi siya nagrereklamo kapag naghihintay siya sa taping o shooting.

Sa ngayon ay marami pa rin ang nag-aabang sa latest update kay Manoy Eddie, at naglabas na nga ng statement ang pamilya. May mga nagkakalat na kasi ng kung anu-anong balita tungkol sa kanya.

Hindi rin ganun kalinaw kung heart attack ba talaga o aksidenteng napatid siya sa sa kable dun sa set. Kasi kumalat naman yung video ng eksenang kinukunan nang natumba siya.

Hintayin na lang siguro natin ang statement mula sa GMA 7 kung ano talaga ang totoong nangyari doon sa set ng Rosang Agimat.

Sana malagpasan ito ni Manoy Eddie dahil sinasabi niya yan noon pa sa mga interviews na gusto pa niya talaga magtrabaho.

     INSIDE STARSTRUCK STARTS TODAY WITH KYLINE AS HOSTESS

Sa June 15 na pala magsisimula ang Starstruck at marami na ang nag-aabang dahil bago ang line-up ng mga judges na sina Heart Evangelista, Cherie Gil at Jose Manalo.

Pero ngayong araw ay magsisimula na ang online show ito na tinawag nilang Inside Starstruck.
Si Kyline Alcantara ang host nito at tuwang-tuwa nga ang young actress dahil sa kanya raw ito ipinagkatiwala.
Dito sa Inside Starstruck nyo mapapanood ang mga auditons at mga interview ng mga Starstruck hopefuls.

Mapapanood ito sa official You Tube channel ng naturang programa.

Dito mapapanood ang mga behind the scenes at highlights ng talent-reality search na ito.
Kaya mag-subscribe na kayo sa You Tube channel nitong Starstruck para masubaybayan nyo ito.

Bongga naman ang mga nag-audition, lalo na yung mga natirang finalists kaya abangan nyo na yan.

Ngayong araw ang mediacon ng Starstruck, pero ang mga hosts na sina Dingdong Dantes at Jennylyn Mercado, pati mga judges ang haharap. Hindi pa yata yung mga finalists.

Abangan na lang!

 

Please follow and like us:
Read More

EDDIE GARCIA KRITIKAL SA ‘SEVERE HEART ATTACK’

eddie garcia12

(NI HARVEY PEREZ)

PATULOY na inobserbahan at nasa kritikal na kondisyon ang beteranong aktor na si  Eddie Garcia matapos mag-collapse sa kasagsagan ng taping  ng isang teleserye ng isang TV network, Sabado ng hapon sa Tondo, Maynila.

Nalaman na  dumanas ng atake sa puso  ang 90-anyos na aktor  bumagsak habang tumatakbo sa isang action scene sa   taping ng “Rosang Agimat” ng GMA-7, sa Tondo, Maynila pasado alas-3:00 ng hapon.

Kinumpirma  ng kaanak ni Garcia na malubha man ang kalagayan ng aktor ay ginagawa naman ng mga doktor sa isang hospital sa Quezon City ang lahat para mailigtas.

Himingi din ang mga kaanak ni Garcia ng panalangin  sa mga fans at mamamayan para sa aktor.

“Manoy Eddie Garcia was at a taping this Saturday morning when he suffered from a severe heart attack. He is still under critical observation and all his doctors are doing their best to assure that he gets the best care. Our family would like to extend our sincerest gratitude to all those who have expressed concern and extended prayers. Please continue praying for Tito Eddie’s fast recovery. At 90, he is still doing what he loves most, acting. He is a pillar of the industry and is very passionate about his craft. We would like to request his fans and everyone to pray with us so he could get better the soonest time possible. Thank you. ” ayon sa opisyal na pahayag ng kaanak ng aktor.

Si  Garcia ay matagal na lumabas  sa “Ang Probinsiyano” ng ABS-CBN at sa pagbabalik sa GMA7 ay unang proyekto nito ang “Rosang Agimat” kasama sina Gabbi Garcia, Chanda Romero, Tonton Gutierrez, Thea Tolentino, Gil Cuerva, Jeric Gonzales, Kristoffer Martin, Luz Valdez, Aubrey Miles, Victor Neri, Roi Vinzon at Betong Sumaya.

Please follow and like us:
Read More

MANOY EDDIE, TWICE A MONTH NA SEX SA EDAD 90

eddie123

(NI SIR NOEL FERRER)

MUTLI-AWARDED actor and director Eddie Garcia finally got his Best Actor award from the Metropolitan Manila Development Authority and Metro Manila Film Festival Executive Committee para sa 52nd Annual WorldFest in Houston, Texas noong April 15.

Hindi nakadalo si Tito Eddie sa naturang international film festival dahil  nagshoshooting siya para sa isang pelikula sa Viva with Andrew E.

Pero magpaganunpaman, nagkaroon ng mini-awards session sa presscon kahapon dahil nagkaroon ng pagkakataon ang Team Rainbow’s Sunset para magpasalamat sa lahat ng sumuporta sa kanilang pelikula.

“Marami na akong sinalihan at sinamahang international film festivals, pero dito sa MMDA-MMFF ang pinakamagandang pag-aalagang nakuha namin dahil buong -buo ang suporta nila sa amin habang kami’y nasa Texas,” sabi ng director na si Joel Lamangan.

Naging mas espesyal pa ang award para kay Tito Eddie dahil natanggap niya ang award after he celebrated his 90th birthday last May 2.

At 90, ano ang rule ni Tito Eddie sa healthy at productive na lifestyle?

“Everything in moderation : food, work, even fitness and work out.”

How about sex? “Meron pa naman pero mga twice a month na lang pero existent pa rin,” sabi ng multi-awarded actor.

Kinaya mo, Boss KC?

And I thank you!

 

Please follow and like us:
Read More

EDDIE GARCIA NAGSISILBING INSPIRASYON KAY COCO

eddie garcia1

boy abunda(NI BOY ABUNDA)

NOONG Miyerkoles ay namatay na ang karakter ni Eddie Garcia sa teleseryeng ‘FPJ’s Ang Probinsyano’ bilang si Senyor Gustavo o Don Emilio. Tatlong taong napanood ang beteranong aktor sa serye kaya siguradong hahanap-hanapin daw niya ito. “ It’s a very good teleserye. We had good rapport. I will miss it. Gano’n talaga sa teleserye. Kapag hanggang doon na lang ang papel mo, hanggang doon na lang,” nakangiting pahayag ni Eddie.

Para naman sa bida at isa sa mga direktor na si Coco Martin ay talagang hinangaan niya si Eddie dahil sa pagiging magaling na artista nito. “Inspirasyon namin siya, lalo kaming mga batang artista sa pagiging professional niya, sa pagiging in character niya sa lahat ng oras. Hindi mo siya kailangang sabihan. Lahat ng requirements alam niya. Tito Eddie, walang kapares, walang katulad mapa-bida siya, mapa-kontrabida, talagang binibigay niya ang lahat. Hindi niya itinuturing na trabaho eh. Makikita mo sa kanya dito ‘yung pagiging passionate niya sa ginagawa niya,” paglalarawan ni Coco.

Umaasa rin si Coco na muli silang magkakatrabaho ng beteranong aktor sa iba pang mga proyekto. “Sana, after ng Probinsyano, sa susunod na proyekto ko makasama ko ulit si Tito Eddie. Sana marami pang proyekto, teleserye at pelikula na makasama namin siya. Iba kapag kasama namin siya. Nakakapagbigay siya sa amin ng guidance at fuel para mas lalo pa naming pagbutihan ang trabaho namin. Nakikita namin na si Tito Eddie nga, gano’n siya sa trabahao niya, lalo na dapat kami,” pagtatapos ng aktor. -Reports from JCC-

 

Please follow and like us:
Read More