PDU30 TALO

(NI ANN ENCARNACION)

WALANG panalo si Pangulong Rodrigo Duterte dahil kapwa bigo ang Pilipinas at China, kahit pa sa konsolasyon na maging kinatawan ng rehiyon sa 2020 Tokyo Okympics.

Matatandaan na bago pa man nagsimula ang FIBA World Cup ay nagbiro si PDU30 na hindi mananalo ang Gilas Pilipinas at kung siya ang pappipiliin ay mas pupusta raw siya sa China.

Ngunit kapwa luhaan ang Gilas at World Cup host China makaraang mabigo sa huli nilang mga laban kontra Iran at Nigeria, ayon sa pagkakasunod.

At dahil sa 95-75 panalo ng Iran laban sa Pilipinas, nagkaroon ito ng “higher aggregate margin of victory” (plus-7) kumpara sa China (minus-10) kaya’t nakuha nito ang karapatan na maging kinatawan ng Asya sa 2020 Olympics.

Samantala dahil sa pagkabigo ng China kontra Nigeria, 86-73, ang huli naman ang magiging kinatawan ng Africa sa Tokyo Olympics.

I FELL THEIR PAIN–Bolick

NAPAIYAK si Gilas Pilipinas rookie player Robert Bolick Jr. matapos mabokya ang Gilas Pilipinas sa 2019 FIBA World Cup sa Beijing, China

Ayon kay Bolick nalulungkot siya para sa mga kasamahan niya at bumubuo sa national coaching staff dahil hindi sila nanalo kahit isang beses sa FIBA.

Nalasap ng Gilas ang ikalimang sunod na kabiguan laban sa Iran, na muling sasabak sa 2020 Olympics matapos maagaw sa China ang karapatan na maging Best Team in Asia.

“I can feel their pain,” emosyunal na sabi ni Bolick. “I feel bad for the coaching staff, they had to… they really work hard, and they…we only had 10 days to prepare. I really feel bad for them kasi lahat ng blame napupunta sa kanila. I really feel bad for the coaching staff.”

Ikinalungkot din ng Gilas rookie ang mga nasayang na pagkakataon sa koponan para manalo subalit hindi nito nagawang makumpleto upang makapaguwi ng kahit isang panalo mula sa World Cup.

“I hope to do better, some of the games are winnable games, hindi lang kami nagkakaanuhan eh, hindi lang kami masyadong nagkaka-in synch, offensively and defensively,” aniya.

“I think it is an eye opener for us, for our country. Give more time to prepare, especially in this kind of magnitude, World Cup, the best teams are here eh, hindi na ito biro. So it just sucks for me. Siyempre bata pa ako, but for Gabe, for those senior guys, feeling nila last na nila eh, I feel their pain,” hinagpis ni Bolick.
Ikinainis pa ni Bolick ang pagyayabang umano ng Iran bago matapos ang game sa pagitan nila.

“The thing that they (Iran) did, they were jumping, shouting and everything. It’s gonna be a motivation for me. I, for sure, I won’t let it happen again… Babawi kami next time, hindi na sila tatalon for sure,” sabi pa nito.

Please follow and like us:
Read More

DUTERTE MANONOOD NG GILAS VERSUS ITALY 

(NI ANN ENCARNACION)

MATAPOS sabihin na hindi mananalo ang Gilas Pilipinas, bumawi si Pangulong Rodrigo Duterte at nagpahayag na panonoorin niya ang laban ng national team kontra Italy sa 2019 FIBA World Cup sa Foshan, China.

Ito ang tiniyak ni dating Special Assistant to the President at ngayo’y Senador Christopher Lawrence Go matapos na laitin ng pangulo ang Gilas Pilipinas.

“Panonoorin talaga niya (Duterte) ang laban natin kontra Italy dahil importante ito sa kailangan na dalawang panalo para makapasok tayo sa susunod na round. Napagkuwentuhan nga namin na huwag na natin isipin ang Serbia dahil talagang malakas pero dito sa Italy ay may mas tsansa tayo kaya gusto niya manood,” aniya.

Ipinaliwanag ni Go na susuportahan ng pangulo ang national team sa World Cup dahil makakasabay ito mismo sa ikalimang pagbisita nito sa China para makipagpulong kay President Xi Jinping.

Kasalukuyang nasa training camp sa Spain ang Gilas at noong Martes ng gabi (Miyerkules sa Pilipinas) ay kanilang tinalo, 102-80, ang Congo sa isang tune-up match sa Palacio Multiusos de Guadalajara.

Pinamunuan ni naturalized player Andray Blatche ang national team sa tinipong 25 puntos, nagdagdag si Japeth Aguilar ng 22, at 16 puntos si Mark Barroca.

Lahat ng 10-player pool ng Gilas ni coach Yeng Guiao ay nakaiskor laban sa ranked 82nd sa mundo na Congo.
Ilang oras bago ang tune-up game ng Gilas at Congo, nagbiro ang Pangulong Duterte na walang tsansang manalo ang Gilas sa World Cup.

“Problema unang kalaban natin Italy. Wala, talo tayo, walang laban,” sabi ni Duterte Martes ng gabi sa oathtaking ng Filipino-Chinese businessmen sa Malacanang.

“We will lose dito sa Italya. Ang lalaki kaya niyang mga %@#$ na yan,” sabi ni Duterte.

Nabatid na Italy ang unang makakalaban ng Gilas sa FIBA World Cup.

Please follow and like us:
Read More

MGA PROYEKTO NI DUTERTE SUPORTADO NG LANDBANK

DUTERTE

(Ni Nelson S. Badilla /Ikatlong labas)

MISTULANG ipinalasap ng pamunuan ng Land Bank of the Philippines (LandBank) ang mag-asawang sampal kay Pangulong Rodrigo Duterte nang isapubliko nito ang ‘bomba’ hinggil sa pautang ng nasabing bangko.

Sa pasabog ng pamunuan ng LandBank, mukhang gustong palabasing sinungaling si Duterte nang isalang nito sa kalan ang naturang bangko habang nanonood at nakikinig ang mga mambabatas at iba pang espesyal na mga tao sa kanyang ikaapat na state-of-the-nation-address (SONA).

65.64% NG PAUTANG NAPUNTA SA MGA PROYEKTO NI DUTERTE

 Sa kabuuang P744.49 bilyong pautang ng LandBank, 65.64 porsyento nito ay inilaan sa mga proyekto ng administrasyong Duterte.

Ang 65.64% ng P744.49 bilyon ay P488.7 bilyon.

Aminado ang chief executive ng LandBank na si Cecilia Borromeo na ito ang pinamalaking pinaglagyan ng mga ipinautang ng LandBank.

Ang mga proyektong nakinabang ay iyong mga kasama sa tinatawag na public-private partnership (PPP); micro, small and medium enterprises; komunikasyon; transportasyon; pabahay; edukasyon; kalusugan; mga proyektong may kinalaman sa kapaligiran; turismo; kabuhayan; at iba pa, ayon sa opisyal ng bangko.

Ang mga proyektong ito na nasa ilalim ng programang Build, Build, Build (BBB) ay tiniyak noon ni Pangulong Duterte na naglalayong ibayong isulong at iangat ang ekonomiya ng bansa.

Sa gayon, magbibigay ang ekonomiyang ito ng higit na magandang buhay sa mga Pilipino.

Sa eksakto, iaangat ng BBB ang buhay ng milyun-milyong mahihirap na mga Pilipino.

Batay sa rekomendasyon ng kanyang economic managers, kasama si Finance Secretary Carlos Dominguez III na tagapangulo rin ng LandBank, idineklara ni Duterte ang BBB na siyang “solusyon” upang ‘makalaya’ sa kahirapan ang napakaraming Pilipino.

MGA NEGOSYANTE, NAPAKALAKI RIN ANG NAKUHA SA LANDBANK

Kung 65.64% ang nakuhang utang para sa mga proyekto ni  Duterte, 5.27% sa mga magsasaka, 0.02% sa mga mangingisda, umabot naman sa 22.17 porsyento ang kabuuang ipinautang ng LandBank sa mga negosyante, batay na rin sa talaan ng LandBank.

Sa rekord ng LandBank, P119.52 bilyon (14.95 porsyento) pautang sa agribusinesses, P2.59 bilyon (0.32 porsyento) sa aqua-businesses at P55.21 bilyon (6.9 porsyento) sa mga proyektong may kinalaman sa agrikultura ng mga pamahalaang lokal at government-owned and controlled corporations (GOCCs).

$85 MILYON PAUTANG SA HANJIN -PHILIPPINES

Maging dayuhang kompanya ay pinautang ng LandBank.

Isang matingkad na halimbawa at ang $85 milyong pautang ng LandBank sa Hanjin Heavy Industries and Construction Co.-Philippines (HHIC-Phil) noong Enero ng kasalukuyang taon.

Hindi ito masyadong alam ng mga Pilipino.

Nabunyag ang $85 milyong utang ng Hanjin – Phils. mula sa LandBank nang biglang magdeklara ng pagkalugi at magsara ang nasabing kompanya noong Enero.

Ang HHIC – Phil o Hanjin – Phils ay pag-aari ng mga negosyanteng South Korean.

Gumagawa ng “world class” na klase ng mga barko ang Hanjin – Phils. na nakabase sa Subic Bay Freeport sa Zambales.

Batay sa palitan ng piso sa dolyar ng Amerika, ang $85 milyon ay P4.4 bilyon ang tinatayang halaga.

Nangangahulugang kinaya ng LandBank na magpautang ng bilyun-bilyong halaga sa isang korporasyon na mga banyaga pa ang mga nagmamay-ari.

Ang nasabing halaga ay bahagi ng $400 milyong utang ng Hanjin – Phils. sa ilang malalaking bangko sa Pilipinas, kabilang na ang LandBank.

Hanggang ngayon ay hindi pa nakababayad ang Hanjin – Phils sa pagkakautang nito sa LandBank at iba pang bangko, sapagkat wala pang nakakabili sa kompanya at mga pag-aari nito na ang idineklarang kabuuang halaga ay $1.2 bilyon.

Inamin ng Hanjin – Phils. noong Enero na maliban sa $400 milyong utang sa mga bangko sa Pilipinas, mayroon din itong $900 milyong utang sa ilang pampinansyang institusyon sa South Korea.

Alam ito ng pamunuan ng LandBank kung saan sabi pa sa media noon ni LandBank president at chief executive officer Alex Buenaventura “We’ll have to address the problem (about Hanjin – Philippines’ $85 million loan from LandBank). But the good news is we can recover the assets. The shipyard is worth $1.2 billion and the total exposure of the creditors is $400 million. Down the road, we hope to recover our exposure.”

Kinastigo nang husto ni Philippines Maize Federation (PhilMaize) president Roger Navarro ang LandBank sa ginawa nitong pagpapautang ng napakalaking halaga sa iisang kompanyang dayuhan sa halip na unahin ang mga kooperatiba ng mga magsasaka at mangingisda.

Idiniin ni Navarro na ang $85 milyong pautang ng LandBank sa Hanjin – Phils. ay pagpapatunay lamang na “misplaced priority” ang desisyon ng nabanggit na bangko.

Please follow and like us:
Read More

OPERASYON NG LOTTO OK NA ULIT

lotto

TULOY nang muli ang operasyon ng lotto ng Philippine Charity Sweepstakes Office (PCSO).

Ito ay matapos alisin na ni Pangulong Rodrigo Duterte ang suspensiyon nito, Martes ng gabi.

“As per the advice of Executive Secretary Salvador C. Medialdea, the suspension of Lotto operations has been ordered lifted by the President,” sabi ni presidential spokesperson Salvador Panelo sa isang statement.

Gayunman, nilinaw ni Panelo na ang iba pang gaming operations ng PCSO — tulad ng Small-Town Lottery (STL), Keno, at Peryahan ng Bayan (PNB) — ay nananatiling suspended.

Mananatili aniyang suspendido ito hangga’t nagsasagawa ng imbestigasyon kaugnay sa ilegal na aktibidades at corrupt practice na may kinalaman dito. Hihintayin din na masuri pang mabuti ng Office of the President (OP) ang resulta ng nasabing imbestigasyon.

Please follow and like us:
Read More

DUTERTE KAMPI SA ‘ENDO LORDS’?

DUTERTE 30

(Ni Nelson S. Badilla / Ikalawang Bahagi)

MAYROONG mga probisyon sa Labor Code of the Philippines na nagsasabing bawal ang kontraktuwalisasyon sa mga pribadong kompanya sa bansa.

Nakasaad din sa naturang batas-paggawa na kailangang maging regular ang mga manggagawa o empleyado ng mga pribadong kompanyan matapos ang anim na buwang “probationary period.”

Batas-paggawa binastos ng mga kapitalista

Noon pa man, batid na ng mga manggagawa na hindi kumikilos ang mga mambabatas sa usapin ng probisyon ng Labor Code sa Pilipinas kaugnay sa kontraktuwalisasyon kaya nga nasasabing binastos nila ang Batas-paggawa.

Ang ginawa at patuloy na ginagawa ng mga kapita­lista ay tinatanggal nila ang mga manggagawa sa kanilang negosyo bago sumapit ang anim na buwan o kapag limang buwan nang nagtatrabaho ang mga manggagawa sa kanila.

“End of contract” (endo)  ang tawag sa kalakarang ito na isang paraan upang hindi ma­ging regular na empleyado ang mga manggagawa.

Kapag, kontraktuwal o kaswal ang kalagayan ng manggagawa ay wala sa minimum ang sahod at wala pang natatanggap na mga benepisyo.

Ang kontraktuwalisasyon ay palasak at talamak sa iba’t ibang panig ng bansa at nakakapit sa lahat ng larangan ng negosyo, malaki man o maliit na negosyo.

Dahil sa pagdami ng mga kapitalista na tumatangkilik sa kontraktuwalisasyon, tinawag silang  “Endo Lords.”

Duterte kakampi ng ‘endo lords’ kung…

Ipinasa ng Ika-17 Kongreso ang panukalang batas laban sa kontraktuwalisasyon na  tinawag na “Security of Te­nure and End Endo of 2018.”

Ngunit, hindi pa ito pini­pirmahan ni Pangulong Rodrigo Duterte upang maging  ganap na batas.

Ayon sa PM, papatuna­yan lamang na kakampi ng endo lords si Duterte kung makikinig at susundin niya ang kahilingan ng mga kapitalista na huwag tanggapin ang panukalang batas, sapagkat “tapos na” raw ang kontrak­tuwalisasyon sa Pilipinas.

“Should President Duterte surrender to the demand to veto the bill, then he reveals where he stands on the class war between the workers and capitalists on contractualization,” tugon ng pangulo ng PM na si Renato Magtubo.

Ang punto ni Magtubo ay kakampi si Duterte ng endo lords kapag pinaboran niya ang kapritso ng mga negos­yanteng naniniwala sa konsepto ng pagrekrut ng mga manggagawa o empleyado sa mga pribadong kompanya.

Ipinaalala din ng dating kongresista ang pumalpak na pangako ni Duterte sa mga  manggagawa noong eleksyong 2016.

“It has been three years since Duterte promised [du­ring the campaign period of  2016 presidential elections] to abolish contractualization, but millions of workers  continue to suffer from this abusive scheme [until today],” wika ni Magtubo.

Idiniin ni Magtubo na kapag ibeto ni Duterte ang mungkahing batas na Security of Tenure and End Endo ay walang ibang ibig sabihin nito kundi panibagong kataksilan ng pangulo sa kanyang pangako sa mga manggagawa.

Ang matapang na tindig ng PM ay posisyon nito sa kolektibong kahilingan ng mga kapitalistang Pilipino at dayuhan kay Duterte laban sa nasabing panukalang batas.

Nabanggit sa unang ba­hagi ng serye ng special na ulat na ito na nagpadala ng liham ang iba’t ibang organisasyon ng mga kapitalista, kabilang ang pitong samahan ng mga dayuhang negosyanteng namumuhunan sa bansa noong Hulyo 1.

Sa kanilang kolektibong sulat na pinangunahang lagdaan nina Sergio Ortiz-Luis Jr.,  pangulo ng Employers Confederation of the Philippines (ECOP) at ng Philippine Exporters Confederation (Philexport) at Alegria Limjoco, pangulo ng Philippine Chamber of Commerce and Industry (PCCI),  hiniling nila kay Pangulong Rodrigo Duterte na huwag gawing batas ang panukalang Security of Tenure and End of Endo Act of 2018, sapagkat kinopya lang nito ang Executive Order No. 51 na inisyu niya at ang Department Order No. 174 ang  Department of Labor and Employment (DOLE).

Anila, “patay na” ang kontraktuwalisasyon matapos na magkaroon ng EO 51 at DOLE  – DO 174.

Iginiit pa ng endo lords na negatibo ang epekto nito sa Pilipinas pagdating sa kompetisyon sa pandaigdigang palengke ng mga negosyante.

Batay sa Konstitusyon, kapag hindi lagdaan ng pa­ngulo ang isang panukalang batas na ipinasa sa Office of the President (OP) sa loob ng 30-araw ay otomatikong magiging ganap na batas na ito.

Upang hindi maging batas ang isang panukalang batas, kailangang literal na gumawa ng hakbang ang pa­ngulo laban sa panukala tulad ng pagbeto rito. (Itutuloy)

Please follow and like us:
Read More

KADAMAY NAG-RALLY SA CRAME


(NI AMIHAN SABILLO)

SINUGOD ng nasa 70 miyembro ng Kadamay bitbit ang kani-kanilang mga banner na may nakasulat na “itigil ang gawa gawang kaso” sa gate 2 ng Camp Crame, Lunes.
Panawagan ng grupo na itigil ang patuloy na pag-atake sa mga mahihirap sa pamamagitan ng mga polisiya at kampanya na hindi makatao.
Kabilang na dito ang Oplan Tokhang ng PNP, Oplan Kapayapaan ng AFP at Martial law sa Mindanao.
Tinuligsa rin ng grupo ang tatlong matataas na opisyal ng sandatahang lakas ng Pilipinas na sina AFP Chief of Staff Benjamin Madrigal, AFP Deputy Chief of Staff for Military Operations Major General Antonio Parlade Jr at PNP Chief Police General Oscar Albayalde.
Giit ng grupo, sa tatlong taon na pamumuno ni Pangulong Duterte ay patuloy ang mga paglabag sa karapatang pantao dahil sa bukod sa mga inosenteng napapatay ay mayroon ding mga naarestong human rights worker.
                  

Please follow and like us:
Read More

KRIS HUMINGI NG PAUMANHIN KAY MARIEL

mariel123

AKO PA BA NI ROSE GARCIA(NI ROSE GARCIA)

HUMINGI ng paumanhin si Kris Aquino kay Mariel Padilla. Nabasa nito ang ipinost ng misis ni Robin Padilla sa kanyang Instagram account kung saan, tila high na high naman din talaga si Mariel sa naging karanasan.

Ever since naman, kilalang supporter na talaga ni President Duterte ang mag-asawang Robin at Mariel Padilla. So, as expected, mawawala ba naman sa listahan sina Robin at Mariel sa pa-dinner/ thanksgiving daw sa mga artistang supporter nga ng Pangulo.

Ang haba ng IG caption ni Mariel na halatang overwhelmed sa naturang imbitasyon. Ilan sa nakasaad sa caption niya, “PRRD is not the first President that i campaigned for but he is the first President to invite me to the palace.”

Then, bukod sa kinuwento niya kung ano ang inihandang pagkain sa kanila at kung bakit mas lalo niyang hinangaan si PDigong dahil in advance, pinaghanda na sila ng fish. At kung paano, hinintay pa raw ni PDigong si Robin na kumain dahil yung pagkain dapat ni Binoe, binigay muna sa asawa ni Freddie Aguilar.

At ang sidelight ng kuwento niya na bawal daw pala ang sleeveless, buti na lang daw at may dala siyang blazer to cover her Carolina Herrera dress, huh.

So, dahil sa post na yun ni Mariel, nag-reply si Kris at humingi ng paumanhin na during her brother’s term, wherein, sinuportahan din ni Mariel, hindi pala ito naimbitahan sa Malacanang. Pero sana raw ay napadalhan naman ng bulaklak.

Sey ni Kris, “Hi Ma… it’s those human gestures of saying THANK YOU that matter… Nahiya ako that hindi ka na invite for a proper thank you celebration (I am keeping my fingers crossed at some point you did receive flowers?)”

At saka ito nagkuwento rin tungkol sa kanyang skin-baring outfit. Napagalitan daw siya dahil ang nakalagay, business attire. Since sa showbiz naman daw kasi, business attire na ang suot niya.

Nag-reply naman si Mariel sa comment ni Kris nang, “hi ate!!! No I didn’t receive flowers maybe because I’m married na hehehe but my friendship with you is more than enough. Hehehe bawal pala skin-baring.”

At saka humingi ng paumanhin si Kris kay Mariel dahil sa kakulangan daw ng personal touch. Pero sabi naman ni Mariel, walang dapat ihingi ng apology.

“No need to apologize ate. I was not expecting anything personal in exchange. I willingly did it from my heart.”

Siyempre, as expected, lusob na rin ang mga pro-Duterte, anti-Aquino sa IG at sa palitan ng comments nina Kris at Mariel.

Ang maganda lang, magkaiba man sila ng partido o pinaniniwalaan, at least ha, intact pa rin ang friendship nila, same with Binoe and Kris.

 

 

Please follow and like us:
Read More

46 SA ‘NARCOLIST’ KINASUHAN NA NG DILG

dilg500

SINAMPAHAN ng Department of the Interior and Local Government (DILG) ng mga kasong administratibo sa Office of the Ombudsman ang 46 incumbet politicians na sangkot umano sa tinatawag na ‘narco-list’ sa gobyerno.

Ang 46 na politiko ay haharap sa administrative charges ng grave misconduct, conduct prejudicial to the best interest of the service, conduct unbecoming of a public officer, at gross neglect of duty, ayon sa DILG.

Nauna nang ibinunyag ni Pangulong Rodrigo Duterte ang pangalan ng mga sangkot sa droga sa pamamagitan ng live telecast sa government channel PTV-4 mula sa Davao City, Huwebes ng gabi.

Please follow and like us:
Read More

P900-M COCAINE NALAMBAT SA LOOB NG 15-ARAW

pdeadrugs

(NI NICK ECHEVARRIA)

IPINAHAYAG ni Philippine National Police (PNP) spokesperson SSupt. Bernard Banac na nasa 164.8 kilo na ng cocaine na nagkakahalaga ng P871,654,226.00 ang narekober ng mga awtoridad mula sa mga baybaying-dagat ng  bansa simula February 10.

Ginawa ni Banac ang pahayag makaraang marekober ang tatlo pang batch ng mga bloke-blokeng cocaine sa magkahiwalay na lugar noong Linggo.

Unang  nadiskubre at inireport ng dalawang mangingisda ang 34 na bloke ng cocaine sa baybayin ng Tandag City, Surigao del Sur noong Linggo, na tinatayang may street value na P180 milyon.

Linggo rin nang matagpuan ang isa pang bloke  ng cocaine  sa dalampasigan ng Dingalan, Aurora  na may mahigit isang kilong timbang at  nagkakahalaga ng P6.3 milyon.

Muling nadagdagan  ang orihinal na narekober 36 na bricks ng cocaine sa Caraga Davao Oriental noong Linggo  makaraang muli na namang makabawi ng karagdagang 3 pang bricks ng umanoy cocaine  sa Talisay Beach, Purok Macopa, Bgy. Santiago, Caraga, Davao Oriental, Lunes ng umaga.

Noong nakalipas na linggo matatandaan na tatlong bloke ng cocaine ang narekober sa magkakahiwalay na lugar sa mga bayan ng mauban at Perez, sa Quezon Province at 2 bloke naman  sa Paracale, Camarines Norte.

Sa Siargao Islands naman kalahating bilyong pisong halaga ng cocaine ang narekober din ng pulisya sa unang bahagi ng buwang kasalukuyan.

 

Please follow and like us:
Read More

DUTERTE KAILANGAN NG LOCAL FILM INDUSTRY

DUTERTE-29

ang kulit ni Lolit(NI LOLIT SOLIS)

NAAWA naman ako sa mga producers ngayon na kaagad tinatanggalan ng mga sinehan kapag mahina sa unang araw ng showing nito.

Di ba yung Elise ng Regal, hindi man lang umabot sa weekend sa mga sinehan lalo na sa mga SM cinemas?

Kay Mother Lily na yun ha?

Akala ko pa naman pag mga Regal na pelikula may respeto diyan ang mga theater owners dahil ang Regal pa rin ang gumagawa ng napakaraming pelikula.

Ang dinig ko maganda naman ang pelikula. Wala akong narinig na negative feedback sa pelikula nina Enchong Dee at Janine Gutierrez. Kaya kung napapag-usapang maganda, saan pa ngayon ito papanoorin ng mga tao?

Bakit yung Kita Kita, yung Heneral Luna, pati yung Rainbow Sunset last MMFF, hindi rin maganda ang resulta sa boxoffice, kaagad na tinanggalan ng mga sinehan at ibinigay sa malalakas na pelikula. Pero nung nagka-award at marami ang nagsasabing maganda, ibinalik ang mga sinehan, dumami pa lalo at masaya na si Harlene Bautista dahil nakakabawi na siya.

Bakit hindi man lang pinaabot ng weekend ang Elise? Kasi puwede pang word of mouth yun eh!

Kung talagang mahina siya hanggang weekend, eh di dun nyo na tanggalan ng mga sinehan!

Naku ha! Dapat mag-ingay na ang mga producers at sa tulong siguro ni Liza Dino ng FDCP, puwedeng iparating nila yan kay Pres. Rodrigo Duterte di ba?

Alam nyo naman Papa Digong ko, walang pinipili sa mga babanggain niya kung tingin niya abuso na di ba?

Naku day! Patingnan lang ni Pres, Digong kung maayos ba ang bayad nila sa tax, matataranta na yang mga theater owners na yan!

Sana mapagbigyan naman ang mga producers natin na kahit isang linggo man lang sana sa mga sinehan bago nila ito tanggalin.

Mabigyan man lang sana ng chance ang mga pelikula na mapanood ng mga tao in their most convenient time di ba?

-0-

 

R.I.P. BENTONG

 

Uy! Gusto ko nga palang iparating ang pakikiramay ko sa pamilyang

naiwan ng komedyanteng si Bentong.

Pumanaw na po si Bentong, Sabado ng mga alas-singko ng madaling araw

sa Fairview General Hospital dahil daw sa kumplikasyon sa sakit niyang diabetes.

Matagal ding nasa Wowowin si Bentong, na parang umaalalay dun kay Willie, nagpapatawa run, at lahat ginagawa niya,

Matagal na nga kasi yung sakit niya, kaya gusto niyang makapagtrabaho. Naawa naman si Willie, kaya hinayaan na lang siya roon.

Pero nung last year lang daw hindi na bumalik ng Wowowin si Bentong dahil na rin sa sakit niya.

Malamang tutulungan naman ni Willie ang pamilya nun.

Sa mga gustong makiramay, nasa St. Peter Chapel sa Tandang Sora, Quezon City ang burol ni Bentong.

-0-

 

INORGANIZE NI DAWN DAHIL IN TOWN SI RACHEL ANNE WOLF

 

Naloka si Mariz Ricketts nung nagpa-presscon sila ng pelikula nila ni

Ronnie Ricketts na Exit Point dahil ang tinanong sa kanya yung reunion nilang mga female hosts ng GMA Supershow nung nakaraang Linggo, February 3.

SI Dawn Zulueta nga raw ang nag-organize nito dahil nandito ngayon sa bansa si Rachel Anne Wolfe. Kaya si Dawn ang nag-ayos ng venue at lahat na ginawa nga nila sa Manila House sa BGC, Taguig.

Naiintriga ito ngayon dahil wala raw si Gretchen Barretto. Inimbitahan ba talaga si Gretchen lalo na’t si Dawn ang nag-organize nito?

Sabi ni Mariz at pati na rin si Jackie Lou Blanco na kasama roon sa movie,  inimbitahan daw si Gretchen pero hindi raw siya puwede.

Lahat naman sila inimbitahan pero ang iba nasa ibang bansa at merong prior commitment ang iba.

Pero si Lani Mercado, a night before lang daw nasabihan dahil huli na lang na nakunan siya ng contact number, pero talagang isiningit niya kahit kararating lang niya nung galing Ilocos.

Saka sabi ni Jackie Lou, sinabi naman daw ni Dawn na okay lang daw talaga sa kanya na imbitahin si Gretchen.

Wala raw problema sa kanila kung dumating si Gretchen, pero siya naman daw ang tumanggi dahil hindi raw siya puwede,

Dagdag pa nilang kuwento, nung nagkita nga raw sila roon sa reunion nila, nagkapalitan na raw sila ng numbers at bumuo na raw sila ng Viber group nila.

Siyempre tinanong ng mga hitad kung kasama nga bas a Viber group nila si Gretchen, hindi raw nila nasagot.

Sabi ni Mariz, hindi raw siya sure kung kasali si La Greta.

Si Jackie Lou naman ay hindi rin daw niya alam.

I’m sure, wale yang Gretchen sa Viber group nila

 

 

Please follow and like us:
Read More

DUTERTE KAY ESPENIDO: ‘LINISIN MO ANG OZAMIS SA ILIGAL NA DROGA’

DUTERTE-ESPENIDO

(Ni LILIBETH JULIAN)

PAGLILINIS ng Ozamis City laban sa mga taong sangkot sa iligal na droga ang direktiba ni Pangulong Rodrigo Duterte kay Chief Inspector Jovie Espenido sa pagbabalik nito bilang hepe ng pulisya sa nasabing lalawigan.

Sa mahigit kalahating oras na pag-uusap ng pangulo at ng police official, inamin ni Espenido na mahigpit ang tagubilin ni Duterte sa kanya na huwag magpatakot o magpapasindak sa mga politiko na gagawa ng iligal sa Ozamis City, lalo na iyong sangkot sa droga.

Aniya, iginiit din ni Duterte sa kanya na kahit pa kaalyado o kakampi ng administrasyon o iiendorso ng Pangulo para sa nalalapit na 2019 midterm elections ay isama niya sa kampanya kung sangkot din sila sa droga.

Inilinaw ni Espenido na aarestuhin lamang ng pulisya ang mga drug personality kapag nakitaan ng paglabag sa batas at hindi papataying tulad ng nangyari sa ilang miyembro ng pamilya Parajinog kung saan ilan sa kanila ay namatay.

Pero, siniguro nito na iba ang magiging usapin kung manlalaban sila.

Si Espenido ay naging sikat dahil ilang kilalang personahe na sangkot sa iligal na droga ang namatay habang siya ang opisyal ng pulisya sa nasasakupan ng nasabing personahe.

Please follow and like us:
Read More

DU30 ALWAYS IN MINDANAO TUWING ‘BONIFACIO DAY’

DUTERTE-29

WALA na naman si Pangulong Rodrigo Duterte sa pagdiriwang ng anibersaryo ng kaarawan ni Gat. Andres Bonifacio, ang kinikilalang “pambansang bayani” ng mga obrero.

Inaasahan si Duterte na siyang mangunguna sa pagtaas ng watawat ng Republika ng Pilipinas sa Monumento sa Lungsod ng Caloocan.

Ngunit, wala ang pangulo.

Ang pumunta bilang kapalit niya ay si Executive Secretary Salvador “Bingbong” Meldadea.

Ang pag-absent ni Duterte ay ikatlo na simula nang maging Pangulo siya ng bansa noong 2016.

Ang paliwanag ng Malakanyang, kinansela ng Pangulo ang kanyang pagtungo sa Monumento dahil pumasyal siya sa Mindanao upang tingnan umano ang aktuwal na kalagayan ng communist insurgency.

Sa naunang dalawang hindi pagsipot ni Duterte sa pagdiriwang ng anibersaryo ng kaarawan ni Bonifacio, idinahilan din niya ang Mindanao dahil inuna niya ang kalagayan ng mga sundalo.

Ngayong taon ay ika-155 taong anibersaryo ng kaarawan ni Bonifacio.

Siya ay ipinanganak, lumaki, at namulat sa pagsasamantala ng dayuhang Kastila sa Tondo noong 1880s.

Sa Tondo rin niya pinamunuan ang pagtatatag ng Kataas-taasang Kagalanggalangan Katipunan ng mga Anak ng Bayan na ang layunin ay kamtin ang kalayaan ng Pilipinas mula sa pananakop ng imperyong Kastila sa pamamagitan ng armadong pakikibaka.

Kapag naganap ito. itutuloy nila ang pamahalaang pinamunuan ni Bonifacio sa isang malayang Pilipinas.

Ngunit, pinatay si Bonifacio ng isang paksyon ng KKK.

May tatlong taon pa sa Malakanyang si Duterte kung saan inaasahang hindi na niya babalewalain ang anibersaryo ng kaarawan ni Andres Bonifacio.

Please follow and like us:
Read More

WALA KAYONG PAKI – DUTERTE

DUTERTE

BALEWALA kay Pangulong Rodrigo Duterte ang mga batikos hinggil sa kanyang pagkampanya sa ibayong dagat para sa kanyang mga manok sa nalalapit na senate elections, sinabing hindi ito sakop ng election rules dahil siya ay nasa ibang bansa.

Si Duterte nasa Papua New Guinea para dumalo sa Asia Pacific Economic Cooperation (APEC) Summit.
Sa kanyang unang araw sa Pacific nation, nakipagpulong si Duterte sa Filipino community, unang beses magmula nang mag-umpisa ang paghahain ng certificate of candidacy para sa 2019 polls.

Sa kanyang pagsasalita sa harap ng Filipino community, inihayag ni Duterte ang suporta sa Senate bet, na si dating police chief Ronald dela Rosa, sinabing kailangan ng bansa ang taong katulad niya.

Pagkaraan ay idinepensa ang kanyang hakbang, sinabing ang anomang campaign rule ay hindi maaari sa kanya dahil siya ay wala sa Filipinas.

“Bawal daw sa kampanya. Ul*l, wala man ako sa Filipinas,” ayon kay Duterte.

“Yung criminal laws are jurisdictional. You can only be prosecuted in the country where you committed the crime. Magkampanya ako, paki ninyo?”

Tiniyak ni Duterte na walang pondo ng gobyerno na gagamitin sa pagkampanya sa kanyang poll bets.

Ang long-time aide ng Pangulo, si Bong Go, ay tumatakbo sa Senado, na kinukuwestiyon din kung ang pondo ng gobyerno ay ginagamit sa kanyang senatorial bid, dahil sinamahan ng punong ehekutibo ang kanyang paghahain ng certificate of candidacy nitong nakaraang buwan.

Samantala, sa 2009 Supreme Court decision, ang premature campaigning ay imposibleng magawa, dahil nakasaad na ang isang indibiduwal ay magiging opisyal na kandidato lamang sa pagsisimula ng campaign period.

Dahil dito, walang premature campaigning na maaaring maganap dahil sa ‘absence’ ng official candidates.

Please follow and like us:
Read More

‘DI AKO KUMAKAIN NG KANGAROO –  DUTERTE

duterte

NAGPATAWA si Pangulong Rodrigo Duterte sa kanyang pagliban sa breakfast meeting kay Australian Prime Minister Scott Morrison sa 33rd Association of Southeast Asian Nations (ASEAN) Summit sa Singapore, iginiit na hindi siya kumakain ng kangaroo.

Tanging si Duterte ang ASEAN head of government na hindi dumalo sa ASEAN-Australia Informal Breakfast Summit noong Miyerkoles.

Hindi rin dumalo si Duterte sa limang iba pang meetings at events na itinakda sa nasabing araw. Ayon sa Malacañang, nag-power naps ang Pangulo dahil kaunting oras lamang ang kanyang itinulog noong nakaraang gabi.

Sa kanyang talumpati sa harap ng Filipino community sa Papua New Guinea, sinabi ni Duterte na ang masyadong maaga ang breakfast invitation.

“Dumating kami from Davao 1:30 a.m. so we had to fix our things at itong mga Australyano di ko rin maintindihan, 8:30 ang invitation informal breakfast. Sabi ko sa mga sundalo bakit ako magpunta doon, unang-una hindi ako kumakain ng breakfast. Totoo,” aniya.

“Pangalawa, informal, ano ipakain nila diyan sa atin, kangaroo?” dagdag niya.

Binatikos ng mga kritiko ang pagliban niya sa mga pagpupulong, iginiit na ayaw ng Pangulo na makuwestiyon hinggil sa kalagayan ng karapatang pantao sa bansa kaugnay sa kanyang ‘war on drugs’.
Sinabi ni Duterte, hindi niya hilig ang masaganang pagkain katulad ng buffets.

“Ang totoo talaga ako, every time, nagbabaon ako ng karne norte, tuyo at sardinas, yan lang ang kinakain ko, hindi ako puwede ng buffet.  Punta kayo sa hotel ngayon, bigyan ko kayo ng karne norte,” pahayag niya.

Ikinuwento niya na noong pagbisita niya sa India, hindi sila pinayagang magdala ng canned beef. Ang mga Hindu ay hindi kumakain ng cow meat, dahil ang baka para sa kanila ay sagrado.

“Punta kami ng India, pagbaba namin dun, sabi nila ibalik, ibalik (corned beef).  Sa India hindi puwede kang kumain ng beef, . . ‘wag kayo magdala ng delata, ang beef hindi kinakain, hinahayaan lang magpasyal sa downtown,” aniya.

“Ako Bisaya, mahilig talaga kami sa maalat because of my ancestral genetics, sa Bisaya walang puno dun, walang tanim, dinaanan ng bagyo,” aniya.

Samantala, sinabi ni Salvador Panelo, spokesperson ng Pangulo, hind karaniwan para sa world leaders ang pagliban sa pulong sa foreign engagements.

Binanggit niya si United States President Donald Trump, na naging kinatawan sa ASEAN meetings ngayon taon si Vice President Mike Pence, at Singaporean Prime Minister Lee Hsien Loong, “who had to be represented in two of the meetings he was presiding because he was indisposed.”

Si Duterte ay kasalukuyang nasa Papua New Guinea para dumalo sa 26th Asia Pacific Economic Cooperation (APEC) Economic Leaders’ Meeting.

Please follow and like us:
Read More