MANO-MANO SA DUMEGUETE

(NI DENNIS INIGO)

MAGKAKASUBUKAN ang pinakamagagaling na mixed martial arts stars mula sa iba’t ibang lugar sa bansa sa paghataw ng “Mano-Mano: Battle of the Strikers” na gaganapin sa Dumaguete City sa Nobyembre 25.

Lalarga ang event kaalinsabay  sa taunang fiesta celebrations sa Dumaguete City.

“We’re bringing exciting muaythai action for the first time in Dumaguete, the “City of Gentle People,” saad ni DTC Events Chairman Ed Dames.

“Mano-Mano; Battle of the Strikers” will be a fitting but long-overdue follow-up to the highly-successful Mano-Mano competition held at the Philsports Arena (formerly ULTRA) in 2004, ” ayon kay Dames.

“Exactly 15 year ago, we’ve organized the first–ever Mano-Mano at the ULTRA, which followed the K-1 rules and featured the best strikers from all over the country, representing boxing, karate, kuntaw,yaw-yan, taekwondo, sikaran, sanda and muaythai.”

“Today, muaythai forms the pillar of the striking discipline in mixed martials arts,” giit ni Dames, siya ring responsable sa ginanap na first-ever professional muaythai competition sa Metrowalk sa Pasig noong Marso 27.

Magtatagpo sa main event sina veteran Janito “Optimum Prime” Blanca ng Leyte at Jason”The Mutant” Vedana ng Cabanatuan City sa prestihiyosong one-day event na inorganisa  ng DTC at PhilThaiboxing Association of the Philippines, sa kooperasyon ng Dumaguete City government at ni Mayor Ipe Remollo.

Isa sa tiyak na aabangan ng mixed martial arts fans ang bakbakan nina John “The Punisher” Vallega Dumaguete at Edyson “Knockout Artist” Serrano ng Zamboanga, isa sa main event sa Mano-Mano na suportado ng Bethel Guest House (official hotel), Tactic (official fight gear), iConcepts at San Miguel Beer.

Masasaksihan din sa event na sanctioned ng Games and Amusements Board (GAB), ang arnis at muay boran performances,  at maging ang entertainment numbers ng mga ipinagmamalaking talento sa Dumaguete at Negros Oriental, ayon kay Dames.

Please follow and like us:
Read More

ASSET NG MILITAR, 1 PA, ‘PINATAHIMIK’ 

crimeshooting12

(NI JG TUMBADO)

ISANG umano’y asset ng militar ang pinagbabaril hanggang sa mapatay ng armadong kalalakihan sa Purok Hayahay, Barangay Calindangan sa Dumaguete City.

Nakilala ang biktima na si Lori De Jesus, 40, ang sinasabing informant ng Military Intelligence Group (MIG) sa Central Visayas at ang kanyang kasama na si Mark Anthony Booc, 39.

Ayon sa Negros Oriental Police Provincial Office (NOPPO), alas 9:30 ng gabi ng Miyerkoles nang pasukin ng armadong grupo ang bahay ni De Jesus sa nabanggit na lugar at agad siyang pinuntirya.

Matapos bumulagta si De Jesus ay isinunod na pinagbabaril si Booc bago tumakas ang mga suspek matapos ang krimen.

Nakuha ng mga tauhan ng NOPPO-Scene of the Crime Operatives ang mga basyo ng bala ng kalibre .45 na baril.

Nabatid pa sa report na may narekober pa ang pulisya ng ilang pirasong sachet na naglalaman ng shabu at ilang drug paraphernalia.

Please follow and like us:
Read More

EMPLEYADO NG DUMAGUETE LOCAL GOV’T HULI SA SHABU

SHABU-ARRESTED

ARESTADO ang 46-anyos na empleyado ng lokal na pamahalaan ng Dumaguete City sa ikinasang anti-drug operation sa Barangay Camanjac, Biyernes ng gabi.

Nabatid sa sa hepe ng Philippine Drug Enforcement Agency (PDEA) sa Negros Oriental na si Grace Cruz, itinuturing na high-value target ang naarestong suspect.

Anim na taon na umanong nagtatrabaho ang suspect sa lokal na pamahalaan sa Special Enforcement Unit ng lungsod.

Dalawang malaking sachet ng hinihinalang shabu na tinatayang nagkakahalaga ng P68,000 ang nakumpiska sa suspect.

Nahaharap sa kasong paglabag sa Republic Act 9165 o Comprehensive Dangerous Drugs Act of 2002 ang suspect.

 

Please follow and like us:
Read More