53-ANYOS PINAY GALING DUBAI PATAY SA MENINGO

batangas1

KINUMPIRMANG meningococemia ang ikinamatay ng isang 53-anyos na babae sa Tanauan City, Batangas, habang tatlong  iba pa ang hinihinalang nasawi rin sa nasabing sakit.

Kinumpirma ni Dr. Eduardo Janairo, direktor ng Department of Health (DOH) sa Calabarzon, ang pagkamatay ng babae dahil sa meningococcemia.

Galing umanong Dubai sa United Arab Emirates ang babae at namatay noong Setyembre 21 sa isang ospital sa Tanauan, ani Janairo.

Kaugnay nito, hinihintay pa ng DOH-Calabarzon ang resulta ng pagsusuri sa blood sample ng tatlong  namatay sa Lian, Nasugbu at San Jose na hinihinalang dahil din sa meningococcemia.

Ang meningococcemia ay malubhang sakit dulot ng bakterya. Maaari itong magdulot ng impeksiyon sa utak, gulugod at dugo.

Maaaring mahawa ang isang tao ng meningococcemia sa pamamagitan ng pag-ubo at paghalik.

Ilan sa mga sintomas nito ay mataas na lagnat, pananakit ng ulo, sore throat, pananakit ng kalamnan, pagsusuka at pagkakaroon ng rashes o mga pantal.

 

Please follow and like us:
Read More

KALBARYO NG PINAY WORKERS SA DUBAI 

pinayworker12

(NI ROSE PULGAR)

SA isang maliit na kuwarto nagsisiksikan, gamit ang iisang palikuran na wala pang pinto at kapos sa pagkain.

Ito ngayon ang sitwasyon ng daan-dang mga kababayang mga Pinay overseas Filipino workers (OFWs) na nasa pangangalaga ngayon ng konsulado sa Dubai, United Arab Emirates.

Ang mga nasabing OFWs ay pawang mga undocumented domestic helpers na naloko ng mga illegal recruiter.

Habang ang iba naman ay tumakas mula sa pagmamalupit ng kanilang mga employer at ang iba naman ay ibinalik ng kanilang dayuhang amo sa konsulado.

Una na rito ang isang OFW na nakauwi na sa Pilipinas dahil sa  pagmamalupit ng kanyang amo.

Kuwento nito, naloko siya ng isang illegal recruiter, na sinasabing magandang trabaho ang kanyang makukuha sa  Dubai, ngunit pagdating doon ay dumanas ng pagmamaltrato tulad ng overwork, walang pagkain at pinaglilinis ng napakalaking bahay.

Dahil dito, tumakas ang nabanggit na OFW kasama ang ilan pang Pinay at nagtungo sa Konsulada.

Masuwerte naman siyang nakabalik sa Pilipinas sa tulong ng Blas Ople Center sa pangunguna ni Susan Ople.

Kaugnay nito, nanawagan naman ang OFW na itinago sa pangalang  “Cristy”  (hindi tunay na pangalan), sa pamahalaan ng tulungan ang iba pang mga  naiwan na mga OFWs doon, dahil sa kaawa-awang kalagayan ng mga ito.

Binanggit pa na sa mahigit na 300 mga Pinay ang umano’y ibinebenta pa ng mga kapwa Pilipino doon sa Dubai at Abu Dhabi para manilbihan at magkapera.

 

 

Please follow and like us:
Read More

23 PINOY SA HUMAN TRAFFICKING SA DUBAI, NAKAUWI NA

dubai12

(NI ROSE PULGAR)

NAKAUWI na ng bansa ang  23 overseas Filipino workers (OFW) na pawang nabiktima ng human trafficking sa Dubai.

Lunes ng alas-9:00 ng umaga nang lumapag ang Philippine Airline flight PR-659 sa Ninoy Aquino Internaional Airport (NAIA) Terminal 2 lulan ang mga naturang OFWs.

Sa panayam kay Leisly Cabatingan, isa sa mga OFW na tubong Cebu City, hinikayat silang mag-abroad ng isang agency sa Dubai sa pamamagitan ng Facebook at pinangakuan sila ng malaking sweldo at mababait na amo.

Pinatulan nila ang alok ng agency sa kadahilanan na wala silang gagastusin para magtrabaho sa abroad.

Nakarating sila ng Dubai gamit ang tourist visa at  pinaniwalaang may kakuntsabang taga immigration sa NAIA ang agent ng agency para makalusot at makalabas ng bansa ang mga biktima patungong Dubai.

Anila, isang agent naman ang nagsisilbing namagitan sa mga babaeng nahikayat mag-abroad mula sa isang agency sa nasabing bansa.

Reklamo ng mga OFWs, pawang nakaranas umano sila ng pagmamaltrato at hindi pagbibigay ng sahod.

Malungkot pang inihayag ni Leisly na muntik na siyang magahasa sa pangalawa niyang amo at mabuti na lamang aniya ay nakatakas siya agad at nagtungo sa Philippine Overseas Labor Office (POLO) sa Dubai at natulungan siya.

Bagama’t pawang mga undocumented silang lahat, agad naman silang tinulungan ng gobyerno upang makauwi sa bansa.

Sinalubong sila ng ilang kinatawan ng Overseas Workers and Welfare Administration (OWWA) para alalayan sa pag proseso ng kanilang mga dokumento bago sila pansamantalang mananatili sa halfway house ng nasabing ahensiya bago sila makauwi sa kani- kanilang mga lalawigan.

Please follow and like us:
Read More

PAGLINIS NG LOCKER ROOM NG AZKALS, HINANGAAN

azkal

(Ni FRANCIS ATALIA)

NABIGO man sa unang laban ang Philippine Football Team na Azkals sa Asian Cup ay  nagbitbit naman ng papuri ang koponan matapos nilang ipakita ang kanilang disiplina sa paglilinis ng kanilang locker room sa Dubai bago umuwi.

Sa viral photo na ipinost ng Gulf News, hinangaan ng mga netizens ang maayos at malinis na locker room ng Azkals sa Al Nasr Club’s Maktoum Stadium.

Nagpasalamat din ang Azkals sa pagho-host ng Dubai sa Asian Cup ayon sa iniwang note ng Azkals.

Nabigong manalo ang Azkals sa South Korea sa score na 0-1.

Pinaghahandaan naman ng Azkals ang susunod nilang laban sa January 11 sa Abu Dhabi kung saan makakaharap nila ang China.

Please follow and like us:
Read More