NO.8 SA DRUG LIST PATAY SA PULIS

PULIS-11

BULACAN – Patay ang isang hinihinalang drug pusher na no.8 sa Lambat Sibat provincial level drug watchlist, makaraang manlaban sa mga pulis sa anti-drug operation sa bayan ng Plaridel, habang lima pang drug suspect ang nadakip sa buy-bust operation sa mga bayan ng Baliuag at Marilao sa lalawigang ito, noong Linggo ng gabi.

Kinilala ni P/Col. Emma Libunao, Acting Bulacan police director, ang suspek na si Rommel Garife y Dionisio, alyas  “Mome”, residente ng bayan ng Pulilan.

Napatay si Garife dahil sa mga tama ng bala sa katawan habang nakatakas ang kanyang kasama lulan ng hindi naplakahang motorsiklo.

Ayon sa ulat, dakong 1:05 ng madaling araw nang magsagawa ng buy-bust operation ang mga tauhan ng Drug Enforcement Unit (DEU) ng Plaridel police sa Barangay Agnaya, sa pangunguna ni P/Lt. Col. Victorino Valdez, hepe ng pulisya ng Plaridel.

Target sa nasabing operasyon ang umano’y tulak ng ilegal na droga na si Garife ngunit nakatunog ang suspek kaya’t bumunot ng baril at nanlaban na naging dahilan ng kanyang kamatayan habang nakatakas ang kanyang kasama patungo sa Barangay Lumang Bayan.

Nakuha ng Bulacan SOCO Team sa suspek ang isang .38 kalibreng baril, 14 pakete ng umano’y shabu at buy-bust money.

Samantala, limang iba pang mga drug suspect ang nakorner sa Barangay Poblacion 2, Marilao at Barangay Sta. Barbara sa bayan ng Baliuag.

Kinilala ni P/Lt. Col. Amado Mendoza Jr., Marilao police chief, ang arestadong mga suspek na sina Mark Anthony Villasenor, 25; Josua Galupong, 22; Kenneth de Leon; Miner Bautista, at Michael dela Cruz. (GINA BORLONGAN)

Please follow and like us:
Read More

MISIS NASA DRUG LIST PINATAY SA BAHAY

crime22

(NI GUILLERMO OCTAVIO)

PINASOK sa bahay para todasin ang isang ginang na nasa drug watchlist ng Navotas City.

Hindi na natapos ni Romelyn Jane Sioson, 28, ang kanyang mga gawaing-bahay nang pagbabarilin ng hindi nakilalang salarin matapos pasukin sa bahay at pagbabarilin sa Barangay San Roque.

Napag-alamang nasa ikalawang palapag lamang ng kanilang bahay ang 12-anyos na babaeng anak ni Sioson nang patayin ito.

Dalawang basyo ng bala ng hindi pa batid na kalibre ng baril ang narekober sa pinangyarihan ng insidente.

Please follow and like us:
Read More

MAYORS SA DRUG LIST UNTI-UNTING ‘BINABAWASAN’ NG PDEA

aquino

BUMABA sa 77 alkalde na lamang ang nasa drug list ng Philippine Drug Enforcement Agency (PDEA), ayon sa pinuno ng ahensiya.

Binawasan ng PDEA ng lima ang 83 pangalan ng mga alkalde ang official drug list ng ahensiya, sapagkat batay sa malalimang imbestigasyon ay napatunayang ang naging papel ng limang alkalde ay “nakiusap lamang sa mga awtoridad na palayain ang kanilang mga kamag-anak na nasakote dahil sa iligal na droga,” ayon kay PDEA Director General Aaron Aquino.

Hindi inilabas ni Aquino sa media ang mga pangalan ng limang alkaldeng inabsuwelto niya.

Ilang buwan ang nakalilipas, 93 ang nasa PDEA drug list.

Mabawasan ito ng sampu, kaya naging 83 dahil ayon kay Aquino inilinaw ng mga alkalde sa PDEA mismo na hindi sila sangkot sa iligal na droga, samantalang ang iba naman ay patay na.

Hindi rin binanggit ni Aquino kung sinu-sino ang mga alkaldeng namatay na pasok sa PDEA drug list.

Tiniyak niyang isasapubliko ang listahan kapag pumayag si Pangulong Rodrigo Duterte.

Matatandaang nanawagan si Aquino sa mga botante na huwag iboboto ang mga kandidatong pasok sa iligal na droga bilang protektor o kasama sa drug syndicate.

Please follow and like us:
Read More