MAG-DYOWANG DRIVER LAGLAG SA BUY BUST

arrested

(NI ALAIN AJERO)

ARESTADO ang sinasabing mag-dyowang pedicab at tricycle driver na bagito sa pagtitinda ng shabu sa isang buy-bust operation sa Caloocan City, Huwebes ng madaling araw.

Ayon sa pulisya, wala pang dating record sa pagtutulak ang mga dinakip na sina and Regina Herrera, 32, pedicab driver, ng Barangay 27, Caloocan City at Johndale Mamasigan, 31, tricycle driver; ng Barangay 185, Tala, ng lungsod.

Ngayon ay magkakabahid na ang pangalan ng dalawa dahil kakasuhan sila ng paglabag sa Dangerous Drugs Act of 2002.

Alas-2:30 ng madaling-araw nang isagawa ang operasyon laban sa dalawa sa Barracks 2, Barangay 185, Tala.

Isang pulis ang nakaiskor ng shabu sa mag-dyowa at nang magkakaliwaan na ng epektos at salapi ay dinamba na ang dalawa.

Nakumpiska sa dalawa ang dalawang sachet ng shabu at ang P200 buy-bust money.

Please follow and like us:
Read More

DRIVER LUMUWA ANG BITUKA SA SAKSAK; ISINIKSIK SA LIKOD NG TAXI

stab100

(NI CHERCK BALAGTAS)

ISA na namang taxi driver na tadtad ng saksak ang natagpuang patay sa back seat ng pinapasadang taxi sa Lungsod ng Caloocan, Miyerkoles ng madaling araw.

Sa ulat ni Caloocan police deputy chief for administration P/Lt. Col. Ferdie Del Rosario, kinilala ang biktima sa pamamagitan ng kanyang driver’s license na si Pablo Damot, Jr. ng Bocaue, Bulacan.

Nadiskubre siya ng isang streetsweeper na si Clarita Castro, 59, ganap na alas- 4:30 ng madaling araw sa kahabaan ng C-4 Road, Barangay 8, ng nasabing lungsod.

Ayon sa nakasaksi, napansin na lamang umano niya na nakasindi ang head at tail lights ng sasakyan na nakaparke sa nasabing lugar kung saan siya naglilinis.

Nang lapitan ay doon na niya nadiskubre ang wala nang buhay na biktima na naliligo sa sariling dugo sa likurang bahagi ng passenger’s seat.

Agad niyang ipinagbigay-alam sa kanilang barangay ang insidente.

“Lumuwa na ang bituka ng biktima dahil sa dami ng tama ng saksak, posibleng nanlaban dahil may tama rin ng saksak ang mga kamay, ” ayon sa mga tauhan ng barangay.

Posible umanong mga holdaper ang nasa likod ng krimen na nagpanggap na pasahero ngunit nanlaban ang biktima kaya nila ito pinatay.

Please follow and like us:
Read More

DRIVER SINUWAG NG SARILING TRAK

crime

(NI NILOU DEL CARMEN)

NASAWI ang isang driver matapos maipit ng kanyang truck sa Barangay Poblacion, San Juan, Batangas, nitong Huwebes.

Kinilala ang nasawi na si Raymund Añora, 36, residente ng Barangay Concepcion, Batangas City.

Batay sa report ng San Juan police, nakatayo ang biktima sa unahan ng kanyang nakahintong truck na nakaparada sa paibabang bahagi ng kalsada.

Bigla na lamang umanong umarangkada ang kargadong trak at nasalpok ang biktima hanggang sa maipit ito sa kongkretong pader.

Agad isinugod ang biktima sa San Juan Doctor’s Hospital matapos  maialis sa pagkakaipit subalit idineklara na itong dead on arrival ng doktor dahil sa grabeng pinsala sa ulo at katawan.

Please follow and like us:
Read More