TAPATANG COCO AT DINGDONG ROUND TWO NA

DINGDONG-COCO

Nalalapit na ang pagtatapos ng Kapuso primetime series na Beautiful Justice, na katapat ng FPJ’s Ang Probinsyano.

Ano naman kaya ang itatapat ng GMA 7 sa teleserye ni Coco Martin?

Malamang sa alamang, Descendants of the Sun nina Dingdong Dantes at Jennylyn Mercado.

Tinapatan na noon ang FPJ’s Ang Probinsyano ng Cain at Abel nina Dingdong at Dennis Trillo. If ever, round ito ito ng tapatang Coco-Dingdong.

Bet ba ng Kapuso Primetime King na makipagsalpukan muli sa Hari ng Telebisyon? Why not hazelnut ngayong nakabinbin pa rin ang renewal of franchise ng ABS-CBN, at posibleng sa Marso ay matigil na ang operasyon ng Dos?!

SUPORTADO NI LEA SALONGA ANG SIGNATURE CAMPAIGN SA RENEWAL NG ABS-CBN’S FRANCHISE

May signature campaign para ma-renew ang franchise ng Dos. Suportado iyon ni Lea Salonga.

Makalikom man iyon ng isang milyong pirma, lalambot ba ang puso ni Pangulong Duterte?

Kung hindi DOTS ang tatapat sa FPJ’s Ang Probinsyano, makikipagpingkian dito ang Anak ni Waray vs Anak ni Biday nina Barbie Forteza at Kate Valdez.

If ever, round  two rin ito ng labanang Coco vs Barbie. Nakipagbakbakan noon sa FPJ’s Ang Probinsyano ang Kara Mia nina Barbie at Mika de la Cruz.  (JEERRY OLEA)

Please follow and like us:
Read More

DINGDONG, FINISHER NG 2019 BERLIN MARATHON

(NI GORGY RULA)

MATIYAGA naming tinutukan nung Linggo sa live streaming ng 2019 Berlin Marathon para magbakasakaling makita doon si Dingdong Dantes at ang grupo niya na sumali sa naturang Marathon.

Mahigit 50,000 runners ang sumali, kaya mahirap silang makita run.

Siyempre, ang tinutukan yung mga nangunguna na mga Olympic runner ng Ethiopia na sina Kenenisa Bekele at Birhanu Legese.

Mahaba ang itinakbo ng naturang marathon, na sabi nga ni Dingdong minsaan inaabot pa raw ito ng apat hanggang limang oras.

Nung pinanood namin sa live streaming, parang ang hirap nga naman mabuo ang mahigit 42 kilometer-race na iyun.

Hindi ko alam kung ilang oras na tapos iyun ni Dingdong, pero bago siya tumakbo, nag-post ito sa kanyang Instagram account na kuha roon sa Berlin.

Nasa caption ng post na iyun; “Sabi nga ng utol ko, ‘ang tunay na finish line ay nag-aantay sa bahay.’ Korek! I’ll be home soon my loves. This is it! @marianrivera #BerlinLegend #GottaRunInBerlin.”

Kaagad namang nag-comment si Marian sa post niyang iyun ng, “Go Dada! We love you.”

Nagbakasakali akong i-viber si Dingdong para tanungin sana kung natapos

niya ang buong run, pero kahapon lang siya nakasagot na natapos nga raw niya.

Akala ko nga hindi niya nabuo ang pagtakbo dahil may ipinost din siyang kuha ng grupo niyang tumakbo kasama roon sina Kim Atienza at Tim Yap.

Sabi niya, “I may not have crossed the finish line yet but I already feel like a winner because I had trained with these awesome and inspiring fellows.”

Pero pagkalipas ng ilang oras, nag-post na ang manager niyang si Perry Lansigan ng PPL Entertainment na proud siya sa na-achieve ng GMA Primetime King na natapos niya ang buong race.

Sabi ni Perry sa kanyang IG post; “I am proud new achievement! Natapos po ang Berlin Marathon with more than 50 thousand runners all over the world! Iba ka!

“Thank GOD and thank you to all those who prayed. Uwi na sa pamilya. Uwi ka na dito. You made me proud!”

Kahapon ay ipinost na rin ni Dingdong sa kanyang IG account ang beer at ang medal na nakumpleto niya ang buong race.

Ani Dingdong; “More than the finish line medal, I was just really looking forward to having this glass of cold beer with my teammates and friends.”

Congratulations kay Dingdong. Natupad ang matagal niyang pangrap na makatakbo sa Berlin Marathon.

 

Please follow and like us:
Read More

MATTEO GRADUATE NA NG SCOUT RANGER COURSE

AKO PA BA NI ROSE GARCIA(NI ROSE GARCIA)

NAKA-graduate na ang Kapamilya actor na si Matteo Guidicelli ng kanyang 30-day Scout Ranger Orientation and Leadership Development Course kasama ang PMA class of 2021 sa Camp Tecson, San Miguel, Bulacan.

Bukod sa pagdalaw ng girlfriend ni Matteo na si Sarah Geronimo sa kalagitnaan ng training niya, dumating din ito sa mismong graduation ni Matteo kahapon, June 27 kasama pa rin ang mga magulang at kapatid ng actor.

Nakatanggap ng special awards si Matteo tulad ng medalya dahil sa ginawa niyang pagbo-volunteer sa clean-up drive sa ilang eskuwelahan sa San Miguel, Bulacan at sa pagiging magandang inspirasyon daw nito sa mga kabataan.

Bukod sa special recognition, nakatanggap din siya ng letter of commendation at scout ranger replica dahil sa pagiging outstanding student niya.

Obviously, proud girlfriend naman si Sarah sa mga achievements na ito ng boyfriend. Na ang sinasabing rason ni Matteo kaya siya nag-join bilang Army Reserved Command ay dahil daw sa pagmamahal niya sa bansang Pilipinas.

MARIAN MAY SEPARATION ANXIETY KINA ZIA AT ZIGGY

Mas mabilis daw na unti-unting bumabalik na ang Kapuso Primetime Queen na si Marian Rivera sa mga showbiz commitments niya after niyang manganak sa ikalawang baby nila ni Dingdong Dantes na si Ziggy.

Kumpara raw nang ipanganak niya si Zia, ngayon daw kasi after a month, nag-shoot na agad siya for an endorsement, after two months naman, humarap na siya sa ilang entertainment press para naman sa renewal of contract niya as ambasadress of Kultura.

Natuto na rin daw siya kasi noong pinanganak niya si Zia, talagang nahirapan siyang iwan ito, nagkakaroon siya ng separation anxiety at talagang ang focused niya lang, puro Zia. Although, aminado si Marian na may ganun pa rin siya sa baby boy nila.

Halatang hirap si Marian na magdesisyong bumalik agad sa mga shows niya kahit na nandoon na ang clamor na mapanood siyang muli. Natatawang kuwento ni Marian, nakatanggap na raw siya ng letter mula sa Tadhana kaya baka ito raw ang una niyang balikan this July, saka pa lang ang Sunday comedyo show niyang Sunday PinaSaya.

“Sabi ko nga, nagi-guilty naman ako. Sige, I’ll try baka this end of July,” natawang sabi niya.

Sa teleserye, it took more than two years bago muling gumawa si Marian. Eh, heto’t bakante pa ang leading lady ni Dingdong sa Descendants of the Sun. Halos siya rin ang mababasa na nire-request ng mga fan at netizens na gumanap bilang si Dra. Kang.

Siya kaya ang sinasabi ni Dingdong na “may hinihintay pa” when asked kung sino na na talaga ang magiging leading lady nito since almost all the cast was announced na.

“Sabi ko nga, sa puntong ito eh, hindi talaga pero, malay niyo naman, kapag nilapitan ang location… umuwi ako ng maaga,” natatawang sabi niya.

Sabay sabi rin nang, “Uy, ano ha, baka may napili na silang leading lady, bakit ako ang sinasabi ko, hindi naman ako.”

Nagpapasalamat naman si Marian sa mga fans na siya talaga ang nire-request na gumanap sa character na ginampanan ng Korean actress na si Song Hye Kyo.

Sa ngayon daw talaga, mahirap pa dahil may newborn siya, bukod pa sa may toddler pa siya na hinatid-sundo rin daw niya sa school.

As much as possible, kung si Marian ang masusunod, since two months pa nga lang naman nang mangangak siya, mas gusto niya muna ang ginagawang more on endorsements muna siya.

Masaya nga ito dahil siya pa rin ang first and only celebrity ambasadress ng Kultura through Kultura X Marian. Nag-renew nga si Marian ng kontrata at kasabay nito ang launching ng mga bagong shirts ng Kultura inspired by her.

 

 

Please follow and like us:
Read More

MARIAN GUSTONG MAG-EXTEND NG MATERNITY LEAVE

ang kulit ni Lolit(NI LOLIT SOLIS)

KUNG si Marian Rivera ang masusunod, gusto pa niyang mag-extend ng maternity leave niya dahil talagang tutok siya sa pag-alaga sa bagong baby nila ni Dingdong Dantes na si Sixto o si Ziggy.

Pero unti-unti na siyang bumabalik sa trabaho, gaya nitong endorsement niyang Kultura na kung saan ni-renew ang kontrata niya bilang brand ambassadress nila.

Nagkaroon sila ng contract-signing nung nakaraang Martes ng hapon sa SM Megamall at talagang dinagsa siya roon ng napakaraming fans.

Sabi nga ni Marian, sinulatan na raw siya ng GMA 7, pati nga  ang programa niyang Tadhana na pinapabalik na siya sa trabaho.

Pero priority raw niya talaga ang pamilya at pag-aalaga sa dalawang anak nila ni Dingdong.

“Ang isa sa pinakamahirap na trabaho pero napakarewarding, ang pagiging nanay.

“Kay Zia sobrang busy na ako, what more may newborn pa ako. “Nakakatuwa, ang sarap kasi si Zia pumapasok na uli sa school, so ako rin

yung hatid at sundo.

Si Ziggy alam mo, gutom lagi, nagbi-breastfeeding kasi ako. Isa yun sa mahirap gawin.

“Priority ko talagang alagaan si Ziggy. Mahirap para sa akin na iwan si Ziggy tapos mag-soap  kami,” pahayag ni Marian nang tinanong siya roon sa media launch ng Kultura.

Napapag-usapan kasi yung sa Descendants of the Sun ni Dingdong na sinasabin hinihintay pa raw ang magiging leading lady niya.

Eh sa totoo lang, bagay kay Marian ang role.

Ang isa sa binabalita, si Jennylyn Mercado raw pero extended ang Love You Two nya. Kaya hindi pa masabi kung siya  na nga.

Ang pinu-push ng mga fans si Marian talaga pero kung titingnan ko diyan, malabo dahil agreement nila ni Dingdong na isa lang sa kanila ang magsu-soap dahil dapat meron talagang nagbabantay sa dalawang anak nila.

Kaya ang sagot ni Marian nang tinanong tungkol sa partisipasyon niya sa DOTS; “Sa ngayon kung tatanungin nyo ako…if given a chance na tanungin na balikan, sa punto na to, I will say no kasi hindi ko talaga kaya.

“Ako yung tipong nanay na hands on ako. Ayokong pagsisihan na wala ako habang lumalaki sila.

“Si Zia nun bago ako nakabalik two and half years. Pero kay Ziggy mas mabilis kasi after giving birth, one month pa lang nag-shoot na ako eh. So ngayon, andito ako ngayon.

“So sa soap, ‘no’ ako ngayon pero malay nyo baka after two months mag-yes ako.”

Mabago kaya ang desisyon diyan ni Marian? Ewan ko lang.

Kasi nakikita ko sa kanya sobrang saya niya sa buhay niya ngayon, at eto raw talaga ang pangarap niya na buo ang pamilya, na merong inaalagaang mga anak nila.

“Sabi ko nga  kay Dingdong minsan, parang pangarap pa rin. Parang hindi pa nagsi-sink in na nakahiga ako na may kasama akong dalawang anghel sa tabi ko na sabi ko ‘wow!’” saad ni Marian.

Kay Zia at Ziggy, sobrang okay na raw siya. Pero si Dingdong daw humihirit pa ng isa, kaya okay lang kay Marian na mabuntis siya uli.

Sa ngayon ay puro endorsements muna siya gaya nitong sa Kultura.

Hindi pa niya masasabi kung kailan talaga siya babalik sa regular show niyang Tadhana at Sunday Pinasaya.

Siguro next month may balita na tayo diyan.

VICE. GOV. JOLO-ANGELICA WEDDING SA USA?

Marami na ang nagtatanong sa akin kung totoo bang sa December na raw

ang kasal nina Jolo Revilla at Angelica Alita.

Kung may alam man ako, hindi dapat manggaling sa akin.

Abangan na lang natin kung ano ang sasabihin nina Jolo at Angelica.

Sa kanila dapat manggagaling kung ano ang plano nilang dalawa.

Kung itsitsika ko na sa inyo na aalis ako sa December pa-Amerika, baka yun na nga yun no!

Eh, dapat noon pa gustung-gusto na talaga ni Jolo na mag-asawa.

Gusto niya talagang may partner siya sa pagharap sa mga constituents niya sa Cavite.

Kaya nga tingin ko nun akala ko talaga si Jodi Sta. Maria na. Pero hindi pa kasi talaga puwede, kaya sayang din at natapos na ang relasyon nila.

Pero nakikita ko namang masayang-masaya na si Jolo kay Angelica, kaya masaya na rin ang lahat para sa kanya.

Abangan na lang natin ang official statement nina Jolo at Angelica.

 

Please follow and like us:
Read More

DINGDONG IIWAN SI MARIAN SA PAGPUNTA SA GERMANY

mariandon12

boy abunda(NI BOY ABUNDA)

SA ngayon ay wala pa raw balak bumalik sa trabaho si Marian Rivera. Matatandaang ipinanganak ng aktres ang pangalawang supling nila ni Dingdong Dantes noon lamang April 16. Ayon sa aktor ay talagang ini-enjoy ngayon ni Marian ang pagiging ina kay Jose Sixto kaya hindi pa masabi kung kailan posibleng bumalik ang aktres sa trabaho.

“Hindi pa sa July. Hindi ko pa masabi kung kailan. Siguro, ini-enjoy pa niya ‘yung early stages ni Sixto. Kung may choice rin naman ako, ako rin eh. Hindi rin ako aalis ng bahay. Pero sabi ko, ‘Ako na munang bahalang magtrabaho para sa atin, relax ka lang diyan,” nakangiting pahayag ni Dingdong.

Samantala, pinaghahandaan na ng aktor ngayon pa lamang ang pagsali sa Berlin Marathon na gaganapin sa Berlin, Germany sa September. Para kay Dingdong ay mabuti na nang maging aktibo sa sports upang mapanatiling maayos ang lagay ng kalusugan. “Parang naging panata ko siya sa sarili ko saka sa pamilya ko. Lalo na nang ipanganak si Sixto. Sabi ko gusto kong i-renew ‘yung commitment ko sa kalusugan. Kasi dati naging active ako no’ng si Zia (panganay nina Marian at Dingdong) ipinanganak. Eh sabi ko, gusto kong ibalik ‘yon. So nag-commit ako na sumali sa isang marathon. Kasi siyempre parang reflection ‘yon na talagang committed ka di ba, na pagandahin lalo ‘yung health mo. so kung pumayat ka, resulta na lang ‘yon,” pagbabahagi ng aktor.

Nakasuporta rin umano si Marian para sa paglahok ni Dingdong sa nasabing marathon event. “Very supportive naman ‘yon sa lahat ng gusto kong gawin. Kaya nga lang, hindi siya makakasama dahil mag-aalaga siya kay Sixto,” pagtatapos niya.   -Reports from JCC-

 

Please follow and like us:
Read More