MAGPINSAN NAG-CELEBRATE SA PAG-INOM NG PESTICIDE

(NI DONDON DINOY)

DAVAO CITY- Agad dinala sa pagamutan ang magpinsang lalaki matapos uminom ng pesticide dahil sa tuwa ng dalawa na nagkabati noong araw ng Pasko matapos ang ilang taon nilang away.

Nangyari ang insidente sa Barangay Malibago, sa Cateel, Davao Oriental, alas 12:30 ng tanghali, Miyerkoles.
Sa ulat mula sa Compostela Emergency Respond Team (COERT), nakilala ang isa sa mga biktima na si Alex Cabanilla, 24, residente sa lugar.

Mismong mga kaanak ng biktima ang humingi ng tulong sa COERT matapos malason ang magpinsan upang dalhin sa ospital.

Sinabi ng asawa ni Cabanilla na ilang taong nag-away ang magpinsan at wala na itong kibuan ngunit dahil araw ng Pasko ay nagkabati rin sila.

Bilang selebrasyon, nagkasundo ang magpinsan na uminom ng Coradan, isang pesticide na ginagamit na pang-spray sa mga pananim kontra insekto.

Matapos ang pag-inom, bumula na ang bibig ng magpinsan kung kaya’t dinala ito sa Davao de Oro Provincial Hospital at hanggang ngayon ay patuloy na nilalapatan ng medikasyon.

 

Please follow and like us:
Read More

5 NA PATAY, 24 SUGATAN SA 6.9 MAGNITUDE LINDOL SA DAVAO DEL SUR

(NI DONDON DINOY)

DAVAO DEL SUR—Lima na ang kumpirmadong patay matapos tumama ang magnitude 6.9 na lindol, alas 2:11 ng hapon, Linggo, Disyembre 15.

Unang naitala ng Philippine Institute of Volcanology and Seismology (PhiVolcs) ang epicenter ng lindol sa bayan ng Padada, ngunit nagbago ito at naitala mga 6-kilometro northwest sa bayan ng Matanao, Davao del Sur at nasa 3-kilometro ang lalim.

Nangyari ang kalamidad habang patuloy na nagrerekober ang lalawigan sa tatlong sunud-sunod na lindol noong buwan ng Oktubre.

Isang 6-anyos na batang babae, kinilalang si Chelberchen Imgarto, residente sa Brgy. Asinan, Matanao, Davao del Sur, ang unang nakumpirma na namatay matapos tamaan ng mga nahulog na pader sa kanilang bahay.

Sa bayan ng Padada, sinabi ni Mayor Pedro Caminero na aabot na sa 24 ang isinugod sa pagamutan habang narekober naman ang dalawang bangkay ng hindi pa kilalang babae sa patuloy na search and retrieval operation sa loob ng gumuhong commercial building.

Dalawang building sa Padada ang gumuho, isa ang pamilihang bayan at ang tatlong palapag na Southern Trade Commercial Building kung saan pinaniniwalaang may mga na-trap pa sa loob.

Isang 73-anyos na ginang din ang patuloy na hinahanap ng pamilya dahil hindi na nakauwi sa kanila matapos mag-grocery sa commercial building.

Sa Brgy. Limonso sa lugar, makikita ang malalaking bitak ng lupa na sinasabing fault line.

Sa bayan ng Hagonoy, Davao del Sur, hindi na magamit ang Clinica Rudinas na isang Infirmary Hospital sa Barangay Poblacion, matapos magkabitak ang mga pader sa building kaya nag tent na muna sa labas ang mga pasyente.

Sa Bansalan, Davao del Sur, patay ang senior citizen na si Elias Degamon, matapos matabunan ng gumuhong pader sa kanilang bahay sa Sitio Kadenas, Brgy. New Clarin.

Sa Matanao, Davao del Sur, isang sasakyang nakaparada sa labas ng St. Benedict Hospital matapos gumuho ang istruktura nito.

Gumuho rin ang Dalapo-Rudinas Hospital sa Brgy. Poblacion kaya pinalabas ang mga pasyente.

Sa pagsulat nitong balita, hindi pa masabi ng Provincial Disaster Risk Reduction and Management Office ang kabuuang halaga ng pinsala at ang bilang ng lahat ng biktima dahil sa patuloy na assessment.

Please follow and like us:
Read More

TSERMAN, KALIVE-IN PATAY SA AMBUSH

(NI JG TUMBADO)

UTAS  matapos umanong pagbabarilin ang kapitan ng barangay at ang live-in partner nito sa Marilog District, Davao City, Sabado ng umaga.

Batay sa paunang imbestigasyon ng pulisya, magka-angkas sa motorsiklo sina Fernando Banayao at Genevive Valenzuela nang tambangan sa Purok Mundo Hill, Sitio Quarry sa Barangay Gumitan.

Agad namatay si Banayo habang hindi na umabot ng buhay nang isugod sa ospital si Valenzuela.

Narekober sa lugar ng krimen ang pitong basyo ng kalibre .45 na baril at dalawang .9mm.

Patuloy na nagsasagawa ng imbestigasyon ang awtoridad hinggil sa krimen.

Sinasabing aktibo sa kampanya laban sa mga miyembro ng New People’s Army (NPA) ang kapitan ng barangay.

 

Please follow and like us:
Read More

SUNDALO, MISIS TIMBOG SA BUY-BUST

arrested12

(NI DONDON DINOY)

DAVAO CITY– Naghimas na sa rehas ang isang sundalo at asawa nito matapos mahuli sa isang buy-bust ng mga otoridad sa Villa Cacacho Subdivision, Barangay Mankilam, Tagum City, Biyernes ng umaga.

Isinagawa ng Philippine Drug Enforcement Agency (PDEA)-Davao, National Bureau of Investigation (NBI)-Davao at Tagum Police Station, ang operasyon laban kay Staff Sergeant Ramil Edullantes, miyembro ng 10th Infantry Division, at asawa nitong si Flora Mae.

Nakuha sa posisyon ng mga naaresto ang walong gramo ng pinaghihinalaang shabu, marked money, cellphone, at drug paraphernalia.
Ayon sa mga otoridad matagal na nilang minanmanan ang kilos ng suspek hanggang sa maikasa ang operasyon.

Kinokonsiderang high-value target (HVT) sa kanilang talaan ang mga suspek.

Sa ngayon ay inihanda na ng pulisya ang kaso laban sa mag-asawa.

 

Please follow and like us:
Read More

CHEMIST PATAY SA AMBUSH

(NI DONDON DINOY)

DAVAO CITY — Hindi na nakaabot sa darating na Pasko ang isang gold chemist matapos mautas sa pamamaril, alas 8:00 ng gabi, Biyernes.

Kinilala ang biktima giila na si Jake Cabuslay, 36, ng Tagum City at pinakaunang namatay nitong buwan sa sunod-sunod na pamamaril sa lugar.

Sa ulat ng mga otoridad, sakay ang biktima sa kanyang motorsiklo papunta sa sentrong parte ng lungsod nang pagbabarilin ng mga nakasunod na armadong lalaki.

Nagtamo ang biktima ng maraming tama ng bala sa katawan na agad nag-resulta ng kanyang kamatayan.

Sinabi ng mga otoridad na agad nakatakas ang mga salarin patungo sa di pa malamang direksiyon.

Narekober naman sa crime scene ang apat na basyo ng 9m caliber pistol.
Noong Martes, binaril din ng mga hindi kilalang suspek si Kagawad Ananias Broho sa Brgy. Magugpo South kung saan wala pang maiturong suspek ang Tagum City Police Station.

Nanawagan na ang mga residente sa lugar na malutas ng pulisya ang sunud-sunod na pamamaril sa lungsod dahil marami ng buhay ang nalalagas.

 

Please follow and like us:
Read More

AMAZONA INGINUSO NG LOVER NG MISTER

arrested12

(NI DONDON DINOY)

DAVAO CITY–Naaresto ang isang babaeng pinaghihinalaan na aktibong  miyembro ng New People’s Army (NPA) matapos ibulgar ng kinakasama ng mister nito.

Ayon sa ulat, love triangle ang dahilan ng pagkatimbog ng amazona na kinilala sa alyas Venus,  ayon ulat ng Philippine 71st Infantry Battalion ng Philippine Army.

Naaresto ang suspek sa harap ng Davao Regional Medical Center sa Tagum City noong Miyerkoles, Disyembre 4, matapos ituro ng live-in partner ng mister nito kung saan nagtatago ang suspek.

Ang suspek at mister nito ay miyembro umano ng Guerilla Front 2 (WGF2) at may standing warrant of arrest mula sa 11th Judicial Region, RTC Branch 3, sa Nabunturan dahil sa kasong serious illegal detention noong taong 2014.
Si Venus, ay legal wife ng NPA commander na si Jury Escasinas, alyas Jupiter, na siyang namuno sa Milisya ng Bayan Cluster Command wing WGF2.
“We will continue to carry out similar tasks of enforcing the law of the land in our area of operation,” ayon kay 71st IB commanding officer, Lieutenant Colonel Esteven Ducusin.

Patuloy ding pinaghahanap ang mister ng suspek na nahaharap sa kasong serious illegal detention.

 

Please follow and like us:
Read More

200 NA PATAY SA HIV/AIDS SA DAVAO REGION

(NI DONDON DINOY)

DAVAO CITY–Aabot na sa 200 na indibidwal sa Davao Region ang namatay dahil sa human immunodeficiency virus-acquired immunodeficiency syndrome (HIV-Aids) sa unang kalahati ng taong 2019.

Ayon kay Davao City Reproductive Health and Wellness Center (RHWC) head Dr. Jordana Ramiterre, base sa datos ng Department of Health-Epidemiology Bureau (DOH-EB), nakapagtala ang rehiyon ng kabuuang 191 indibiduwal, kung saan 137 nito galing sa Davao City.

Dagdag ni Ramiterre na ang bilang sa rehiyon ay ang pang-lima sa rankings na may pinakamaraming kaso ng HIV-Aids na 3,476 at 2,902 nito ay mula dito sa lungsod.
Nilinaw din ng opisyal na may mga indibidwal na “tested” na positibo sa sakit ang nanggaling sa katabing probinsya.
“Baka medyo tumaas ang kaso dito dahil sa influx of population,”  ayon kay Ramiterre noong Huwebes, Nobyembre 28, sa isinagawang iSpeak media forum sa City Hall ng lungsod.

Ayon sa DOH-EB, ang National Capital Region ang nanguna sa pinakaraming kaso ng HIV-Aids na may 23,634, sumunod ang Calabarzon na 11,122, Central Luzon na may 8,341, Central Visayas na aabot sa 5,561, at Davao Region.
Sinabi ni Ramiterre na karamihan sa nakakuha ng virus ay mga lalaki, habang ang vulnerable age group ay mula sa 15 hanggang 34 anyos, na kinokonsidera na “reproductive age group”.
Aniya, ang pagtaas ng bilang ay “multifactoral”, na puwedeng makuha dahil sa unsafe sex, hereditary, o blood transmission.
Sinabi ng opisyal sa pangkalusugan na ang social media ang isa rin sa mga dahilan ng pagtaas ng kaso ng HIV-Aids sa bansa, dahil madali na lang paghahanap ng sexual partner dito.

Ngunit nilinaw naman nito na hindi pa rin makonsidera na “accurate”, ang datos na ito dahil may mga indibidwal na hindi pa “tested”, ngunit nahawaan na ng virus.

May 300 centers ang lungsod para sa pagsagawa ng HIV-Aids testing at treatment.
Nagsagawa na ang RHWC ng community-based testing, upang marami pang indibidwal ang sasailalim nito. Namigay din ng pre-exposure profilaxis bilang preventive measure sa mga indibidwal na hindi pa nahawaan ng HIV/Aids, ngunit vulnerable na makakuha nito.

 

Please follow and like us:
Read More

200 PAMILYA INILIKAS SA BITAK-BITAK NA LUPA

(NI KIKO CUETO)

PINALIKAS ang aabot sa 200 na pamilya mula sa 4 na purok ng bayan sa bahagi ng Bansalan sa Davao del Sur.

Ito ay dahil na rin sa nakitang malaking bitak ng lupa.

Ginawa ang sapilitang pagpapalikas kasunod na rin ng abiso ng Mines and Geosciences Bureau (MGB) ng Department of Environment and Natural Resources.

Nasa evacuation center na ang mga apektadong residente ng mga purok Pananag B, Neptune, Venus at Pluto.

Sa report ang Purok Pananag B, makikita ang mga malalaking bitak sa lupa na ikinasira rin ng mga bahay at isang simbahan dahil sa mga pagyanig nitong Oktubre.

Sinabi naman ni Barangay Managa chairman Sixto Taparan Jr., na hindi pa malinaw sa kanila ang paliwanag ng MGB-Davao kung anong lugar talaga ang maapektuhan ng mga bitak kaya nais nilang magpasuri muli sa ahensiya.

Naghahanap ang lokal na pamahalaan ng malilipatang lugar para sa mga residente na hindi na puwede pabalikin sa kanilang lugar.

 

 

Please follow and like us:
Read More

PEKENG ABOGADO, CPA, KALABOSO SA CIDG

(NI NICK ECHEVARRIA)

ARESTADO sa isang entrapment operation ang isang lalaki na nagpanggap na abogado at accountant ng mga tauhan ng Criminal Investigation and Detection Group (CIDG) Davao City Field Unit at Toril Police Station, Lunes ng umaga sa nasabing lalawigan.

Hindi na nakapalag ang suspek na si Juvern Reyes Garcia, nang dakmain ng mga awtoridad sa aktong tinatanggap ang P42,000 marked money sa nagreklamong biktima na  si Juvy dela Pena, matapos siyang hingan umano ng suspek ng nasabing halaga bilang bayad sa  paglalakad ng petisyon for recognition foreign of judgement of divorce nito.

Sa ulat ng ipinadala ng CIDG Davao kay Police Brig General Joel Napoleon Coronel, CIDG Acting Director, dakong alas 8:45 ng umaga nang isagawa ang entrapment operation sa bahay ng suspek sa Kunisawa Apartment sa Durian St., Sitio San Roque, Daliao, Davao City.

Nagpanggap umano ang suspek na isang abogado at CPA at nangako na tutulungan ang biktima na ayusin ang mga kinakailangang dokumento para sa deborsyo.

Nakumpiska sa suspek ang pekeng Professional Regulatory Commission (PRC)  ID mula kay Garcia gayundin ang mga drug paraphernalia sa bahay ng suspek.

Nakapiit sa CIDG Davao City ang suspek habang sinampahan ito ng kaukulang kaso dahil sa ginawang krimen.

 

Please follow and like us:
Read More

DALAGANG STAFF NG TMC BINARIL NG TANDEM

crimeshooting

(NI DONDON DINOY)

DAVAO CITY-Inaalam pa ng  Digos City Police Office (DCPO) kung ano ang motibo sa pamamaril at pagpatay sa isang babaeng staff ng Traffic Management Center (TMC), alas 12:00 ng tanghali nitong Miyerkoles.

Batay sa ulat ng DCPO, kinilala ang biktima na si Angelica Lasaga, 23, dalaga, ng Sulop, Davao del Sur.

Galing sa pananghalian ang biktima kasama ang babaeng kaibigan nang barilin habang nakasakay ng traysikel pabalik sa kanilang opisina sa likod ng terminal sa Brgy. Aplaya ng lungsod.

Kabababa lang ng biktima sa entradang parte ng terminal nang biglang paputukan ng mga suspek.

Agad bumulagta ang biktima at binawian ng buhay dahil sa tama ng bala sa leeg at dibdib.

Binaril ang biktima malapit lamang sa police outpost ngunit nagawa pa ng mga kriminal ang makatakas.

Naaalarma na ang mga residente sa lugar matapos ang sunud-sunod na kasong pamamaslang ngunit wala ni isang suspek sa riding in tandem ang naaresto ng pulisya.

 

Please follow and like us:
Read More

MAG-INA KINATAY NG KALAGUYO SA SELOS

crime34

(NI JG TUMBADO)

DAHIL sa matinding selos ng isang lalaki  kaya’t nagawang pagtatagain hanggang sa mapatay nito ang isang mag-ina na kanyang kapitbahay sa Davao City.

Sa presinto na nahimasmasan at sising sisi ang 37-anyos na suspek na si Renuel Habillo, dahil sa nagawa nitong karumal- dumal na krimen at handa umanong pagbayaran ito.

Nabatid sa inisyal na report ng pulisya, ang suspek at ang biktima na nakilalang si Evelyn Lapera ay may limang buwan nang lihim na relasyon.

Sinabi ni Davao City Police Office (DCPO) chief Col. Kirby John Kraft, matinding selos ng suspek ang dahilan ng brutal na pagpatay sa biktima at kanyang 11-anyos na anak na babae na si Joy.

Inabutan ng suspek na may kasamang lalaking kainuman na ka-trabaho ng biktima sa labas ng bahay ng huli.

Dito na nagkaroon ng pagtatalo ang dalawa hanggang sa makakuha ng itak si Habillo at pinagtataga ng ilang beses ang biktima gayundin din ang anak nito na naglalaro lamang sa labas ng bahay.

Mahal na mahal umano ni Habillo ang biktima at ayaw niya umano itong mawala sa kanya.

Nahaharap si Habillo ng two counts of murder kaugnay sa krimen.

Please follow and like us:
Read More

NAGWALA SA EROPLANO; PASAHERO KULONG SA BOMB JOKE

(NI FROILAN MORALLOS)

HINULI ng mga tauhan ng Philippine National Police (PNP) Aviation group ang isang pasahero na nagwala sa loob ng eroplano dahilan upang mag-panic ang mga nasa loob nito at mabalam ang biyahe ng isang oras.

Kinilala ang suspek ng mga tauhan ng PNP Avesegrp na isang Ramon Barrios, pasahero papuntang Cebu.

Batay sa report, nangyari ang insidente bandang alas 9:47 kahapon ng umaga sa runway ng Davao International Airport bago mag-take off ang flight. Biglang nagwala si Barrios sa hindi malaman na dahilan.

Agad na pinigil ng pilot ang pag-take off, at pinababa ang lahat ng mga pasahero, crew at maging ang mga bagahe upang halungkatin ang kinaroroonan ng bomba.

Makaraan ang ilang minuto, sa isinagawang inspeksiyon ng mga tauhan ng PNP sa tulong ng sniffing dogs sa bawat bagahe , walang nakitang bomba, bagkus abala ang naging dulot nito.

Ang flight GAP 2364 ay dapat makaalis dakong alas 9:47 kahapon ng  umaga sa Davao International Airport, ngunit dahil sa idinulot na gulo ni Barrios, delayed ito ng mahigit sa isang oras bago makaalis.

Ayon sa Civil Aviation Authority of the Philippines (CAAP), si Barrios ay sasampahan ng kasong kriminal sa korte dahil ang bomb joke, isang criminal offense, na may kaakibat na pagkulong at maging civil liability .

 

Please follow and like us:
Read More

2 PATAY SA LANDSLIDE SA DAVAO

(NI AMIHAN SABILLO)

PATAY ang dalawa katao makaraang tamaan ng intensity 6 na lindol sa Davao Del Sur, Sabado ng umaga.

Ayon kay Mark Timbal, spokesperson ng National Disaster Risk Reduction and Mangement Council (NDRRMC), ala-1:00 ng umaga niya natanggap ang report na nadaganan ng lupa ang mga kabahayan sa ibaba ng bundok sa munisipalidad ng Magsagsay.

Sa ngayon, hindi pa matukoy ni Timbal ang pagkakilanlan at edad ng dalawa.

Sinabi na maliban sa 2 patay, 18 naman ang injured o nasugatan dahil sa landslide sa Brgy. Poblacion at San Isidro.

Inaalam  pa rin  ang kabuuang bilang ng mga bahay na nasira sa magsaysay.

Patuloy din ang clearing operations sa lugar.

Please follow and like us:
Read More

5.3 LINDOL YUMANIG SA DAVAO ORIENTAL

ISA na namang 5.3-magnitude earthquake ang yumanig sa Davao Oriental, Huwebes ng umaga, ilang oras matapos yanigin ng 6.3 magnitude ang ilang bahagi ng Mindanao, Miyerkoles ng gabi.

Bandang alas-4:53 ng umaga nang maganap ang lindol sa 120 kilometers northeast ng Manay town.

Naitala rin ang intensity 3 sa Alabel, Sarangani, intensity 2 sa Tupi at General Santos City sa South Cotabato, at intensity 1 sa Kiamba, Sarangani.

Sinabi ng Phivolcs na ang lindol ay hindi aftershock ng naunang liondol na tumama sa Tulunan, North Cotabato, Miyerkoles ng gabi.

Hindi inaasahang lilikha ng pinsala ang lindol ngunit inaasahan ang mga aftershock.

Ang lindol sa North Cotabato ay naramdaman sa ilang bahagi ng Mindanao at nag-iwan ng apat na kataong patay at higit sa 30 sugatan.

 

Please follow and like us:
Read More

COTABATO, DAVAO NIYANIG NG LINDOL

phivolcs lindol12

(NI DAHLIA S. ANIN)

ISANG 4.6 magnitude na lindol ang tumama bandang alas 7:55 ng Martes ng umaga sa lalawigan ng Cotabato.

Ayon sa Philippine Institute of Volcanology and Seismology (PhiVolcs), naitala ang sentro ng lindol sa bayan ng Tulunan, Cotabato.

Tectonic ang pinagmulan ng lindol na may lalim na 12 kilometro.

Naitala naman ang Intensity II sa Kidapawan City at Instrumental Intensity I naman sa Tupi, South Cotabato.

Wala namang naitalang pinsala sa nasabing lindol, ngunit, ang mga estudyante sa Kidapawan Citu National High School- Lanao Extension ay naglabasan sa kanilang silid aralan matapos maramdaman ang lindol. Pinag-iingat ang mga residente dahil sa posibleng pagkakaroon ng aftershocks.

Samantala, niyanig din ng isang 4.2 magnitude na lindol ang Davao Occidental bandang alas 9:37 ng umaga.

Ayon sa PhiVolcs, naitala ang epicenter nito sa 126 kilometro TimogSilangan ng munisipalidad ng Jose Abad Santos.

Tectonic din ang sanhi ng lindol na may lalim na 33 kilometro.

Wala namang naitalang pinsala sa lugar dahil sa lindol.

Please follow and like us:
Read More

KUYA PINASLANG NI BUNSO SA AWAY-LUPA

crimeshooting

(NI DONDON DINOY)

DAVAO CITY- Nagdadalamhati ngayon ang pamilya ng isang magsasaka matapos mapatay ng kanyang bunsong kapatid na lalaki sa Purok Jacinto, Barangay Coronobe, Maragusan, Compostela Valley, Biyernes ng gabi.

Nakilala ang biktima na isang Marjun Lumikid Magkidong, 32, binata, habang ang suspek ay kinilala na isang Sannyboy Lumikid Magkidong, 30, pawang mga residente ng lugar.

Ayon sa ulat ng Compostela Valley Police Provincial Office, napag-alaman na rumesponde pa ang mga personahe ng Maragusan Emergency Response Team (MERT) sa Maragusan Municipal Police Station upang ipaalam ang nangyari.

Sa inisyal na imbestigasyon ng mga otoridad, napag-alaman na nakipag-inuman ang suspek sa bahay ng kanyang tiyuhin ngunit pumunta ito sa bahay ng kanyang tiyahin kung saan kinuha nito ang isang homemade shotgun na nakalagay sa kwarto.

Ayon sa mga otoridad galit na galit na ang suspek na sumugod sa bahay ng biktima na kapatid nito at nag-huhurumentado habang sumisigaw na lumabas ito sa kanyang bahay.

Dagdag ng pulisya na hindi nagtagal ay lumabas ang nakatatandang kapatid at nilapitan ang suspek ngunit sinapak ito ng bunso sa kaliwang parte ng tiyan sabay sa pagbaril sa tuhod ni Marjun.

Pagkatapos ng krimen ay agad na umalis ang suspek papuntang Purok Mandayan kung saan sumuko kay Purok Leader Nolan Subayno sa Barangay Coronobe.

Dinala pa umano ang biktima sa Compostela Valley Provincial Hospital-Maragusan ngunit ideneklarang dead on arrival na ito.

Agad namang rumesponde ang mga otoridad sa crime scene ngunit tanging homemade shotgun na ginamit ng suspek sa pagpatay ang narekober.

Ayon sa mga otoridad away sa lupa ang naging motibo ng krimen.

Nakakulong ngayon sa Maragusan Municipal Police Station ang suspek.

 

Please follow and like us:
Read More

VENDETTA SINISILIP SA PINATAY NA MANAGER NG INVESTMENT FIRM

(NI ORLANDO B. DINOY)

DAVAO CITY- Posible umanong paghihiganti  ang nakikitang anggulo sa krimen matapos na mamatay sa pamamaril ang isang manager ng real estate broker at negosyante noong Lunes ng hapon, sa Purok 3, Peñano Street, Calinan.

Ang biktima ay kinilalang si Elizabeth Lanticse Mantalaba, 29, manager at franchisee ng RTM Investment scheme sa Panabo City.

Dead on the spot ang biktima matapos barilin sa ulo ng hindi pa kilalang suspek habang pasakay na sa kanyang Toyota Hilux na nakapark sa Peñano Street.

Isa sa mga tinintingnang motibo ng mga otoridad ang personal na atraso ng biktima. Tatlong mga basyo ng bala ng isang kalibre .45 na baril ang narekober ng mga operatiba ng Scene of the Crime Operatives sa pinangyarihan ng pamamaril.

 

Please follow and like us:
Read More

INDON PUMUSLIT SA PINAS,  ARESTADO

(NI DONDON DINOY)

DAVAO CITY–Inaresto ng mga otoridad ang isang Indonesian national sa Glan, Sarangani Province noong Lunes, matapos madiskubre na wala itong mga dokumento sa pagpasok sa bansa.

Ayon kay Police Col. Teody Condesa, tagapagsalita ng Sarangani Provincial Police Office, ang Indonesian national na si Jeffrey Masua ay sinita ng mga otoridad dahil wala itong maipakitang mga papeles at sinasabing dumaan pa sa backdoor ng Malaysia, Indonesia, Balut Island at papuntang Glan, Sarangani.

Si Masua nangingisda sa kanilang lugar.

Nasa kustodiya na ng Glan PNP ang naarestong Indonesian national at nakatakdang sampahan ng reklamo sa immigration law sa pamamagitan ng inquest proceedings.

Dagdag ni Condesa na mahigpit ang kanilang ipinatutupad na seguridad sa border ng Glan lalo pa’t dito maraming banyaga ang dumadaan sa backdoor ng Pilipinas.

 

Please follow and like us:
Read More

DAVAO OCCIDENTAL, NIYANIG NG 6.4 LINDOL

LINDOL-2

(NI JEDI PIA REYES)

NIYANIG ng magnitude 6.4 na lindol ang Davao Occidental na naramdaman sa maraming lugar sa Mindanao, umaga ng Linggo.

Ayon sa Philippine Institute of Volcanology and Seismology (Phivolcs), dakong alas-10:02 ng umaga nang maitala ang pagyanig sa layong 130 kilometro ng bayan ng Jose Abad Santos sa Davao Occidental.

May lalim na 60 kilometro ang lindol na tectonic ang pinagmulan.

Naitala ng Phivolcs ang Intensity IV sa General Santos City habang Intensity III sa Tampakan, South Cotabato; Kidapawan City; Makilala, at Magpet, Cotabato; Davao City; Magsaysay, at Sta. Cruz, Davao del Sur; Panabo City; Gingoog City, at Magsaysay, Misamis Oriental; Damulog, at Kalilangan, Bukidnon.

Naramdaman naman ang Intensity II sa Cagayan de Oro City; Balingasag, Jasaan, at Villanueva, Misamis Oriental; Kabacan, M’lang, at Tulunan, Cotabato; Columbio at Tacurong City, Sultan Kudarat

Hindi na inaasahan ng Phivolcs na magdudulot ng pinsala ang lindol ngunit nakapagtala na ng ilang aftershocks.

Samantala, lumikas naman ang mga residente ng residential unit sa Davao City dahil sa naramdamang malakas na pagyanig.

Ramdan din sa bayan ng Malita, Davao Occidental ang lindol kaya’t magsasagawa ng assessment ng pinsala ang Municipal Disaster Risk Reduction and Management Office ruon.

Please follow and like us:
Read More

BOARD MEMBER NA OPERATOR NG KAPA, ARESTADO

kapa12

(NI DONDON DINOY)

DIGOS CITY, Davao del Sur – Inaresto ng National Bureau of Investigation 11 ang Board Member ng Davao del Sur na operator ng Kabus Padatuon o KAPA Community Ministry International Incorporated sa Digos City, Ramon Magsaysay, Davao del Sur, kaninang umaga.

Kinilala ang inaresto na si Davao del Sur Board Member Arvin Malaza o mas kilala bilang Jun Blanco.

Ito ay may kaugnayan sa pagbabalik operasyon ng Kapa Community Ministry International Inc. sa Digos City branch kung saan umano’y nagsisilbing media relations officer si Blanco.

Kasabay na inaresto ang tatlong empleyado na naaktuhan ng mga otoridad.

Hulyo ng taong ito nang ipinatigil ng gobyerno ang operasyon ng lahat ng investment firms sa buong bansa.

Noong Setyembre 2, nagpatawag ng orientation ang KAPA sa kanilang mga miyembro sa lahat ng branches sa planong pagbabalik ng operasyon nito.

Sa isang panayam, itinanggi ni Blanco na nagbalik na ang kanilang operasyon at ang tatlong mga tauhan nito na naaresto ay hindi nagtransaksiyon sa KAPA bagkus sila ay mga kawani ng himpilan ng radyo na pinamamahalaan ni Blanco.

Please follow and like us:
Read More

4 PATAY, 16 SUGATAN SA SALPUKAN NG BUS, WING VAN

(NI DONDON DINOY)

DAVAO CITY–Apat na ang naitalang namatay habang nasa 16 ang sugatan matapos ang banggaan ng isang pampasaherong bus at isang wing van sa Binugao, Toril nitong lungsod, pasado alas- 3:00 ng hapon, Martes, Setyembre 10.

Ayon sa Toril Police Station, isang Mindanao Star Bus na lulan ang maraming pasahero at wing van na puno ng kargamento ang nagsalpukan.

Wasak ang kabilang bahagi ng dingding ng wing van matapos pumasok sa driver side ng bus at dahilan upang masugatan ang mga pasahero.

Agad binawian ng buhay ang pasaherong si Judy Mejares, 50, habang sa Southern Philippine Medical Center (SPMC) naman binawian ng buhay ang mga pasaherong sina Theresa Gonzales, at mag-asawang Julieta, 53 at Rodrigo Tulin.

Napag-alaman na mayroong 21 pasahero ang bus galing sa North Cotabato at papunta sa Ecoland Terminal dito sa lungsod nang mangyari ang sakuna.

Napag-alaman na nakalabas na kahapon ng umaga ang 11 biktima ngunit nasa operating room pa ang ilan sa kanila.

Kabilang sa mga naiwan sa pagamutan ang 37-anyos na drayber ng bus na si Andro Saiden Abdulwahab; Jeffrey Abarquez, 29; Lizel Ramos, 25; Lucresia Gomez, 74; Patrocenia Gomez, 81; Dorotea Masangay, 81; at Emediline Masangay, 51.

Isa umanong retiradong sundalo ang namatay na si Rodrigo Tulin habang ang asawa nitong si Julieta ay kawani ng Department of Social Welfare and Development sa bayan ng Monkayo, Compostela Valley Province, na pauwi na sa kanilang lugar galing sa Midsayap, North Cotabato.

Patuloy na ino-obserbahan sa SPMC ang natitirang mga biktima habang patuloy pa ang imbestigasyon ng otoridad sa malagim na trahedya.

 

Please follow and like us:
Read More

BUS VS WING VAN; 1 TODAS, 8 SUGATAN

accident121

(NI BONG PAULO)

NORTH COTABATO – Isang 50-anyos na babae ang nasawi habang hindi bababa sa walo katao, halos mga pasahero ng bus, ang nasugatan sa inisyal na ulat sa banggaan ng bus at wing van truck sa Mc Arthur Highway, Central 1 Barangay Binugao Toril, Davao City, Martes ng hapon.

Kinilala ang nasawi na si Judy Tepacia Mejares, 50.

Sa ulat na nakarating kay Police Col. Alexander Tagum, hepe ng Davao City Police, nangyari ang aksidente ala-1:15 ng hapon.

Ang wing van ay minamaneho ni Nick Barcelona Lopez, 37, ng Purok 9 Livara Compound Tacurong Sultan Kudarat, ay patungo ng Digos na direksiyon habang ang Mindanao Star Bus (M01-15-002647) ay papasok ng Davao City Proper.

Ang bus ay minamaneho ni Zandro Saiden Abdulwahab, 37, ng Cotabato City.

Ayon sa ulat, nasa parehong magkasalungat na direksiyon ang dalawang mga sasakyan na nasangkot nang magkasalpukan.

Dahil sa lakas ng impact, wasak ang unang bahagi ng bus na ikinasugat ng ilang mga pasahero na sina Jeffrey Abarquez, 29,; Theresa Gonzales, 55, Bayugan 1, Agusan del Sur; Lizel Ramos, 25, ng  Bansalan Davao del sur; Lucrecia Aller Gomez, 74, retired teacher at ang kanyang kapatid na si Patrocenia Aller Gomez, 81, kapwa residente ng Ubas compound Matina, Davao City; Dorotea Masangay, 81, ng Mercedez Caraga Davao Oriental at Emediline  Masangay, 51, ng Duha San Rafael Maa, Davao city.

Ang mga sugatan ay dinala sa iba’t-ibang pagamutan sa lugar.

 

Please follow and like us:
Read More

BABY TUMILAPON SA SINASAKYANG TRICYCLE, PATAY

accident121

(NI ANNIE PINEDA)

KAAWA-AWA ang sinapit ng isang 10-buwan sanggol makaraan lumipad ito mula sa tricycle na sinasakyan nilang mag-ina nang mabangga ng kasalubong na motorsiklo, sa Davao City.

Agad binawian ng buhay ang sanggol nang mabitawan ito ng kanyang ina habang nakaupo sa harapan bahagi ng tricycle.

Nadakip naman ang suspek at driver ng motorsiklo na kinilalang si Christian Joy Tawaay, ng Tugbok, Davao City.

Batay sa report ng pulisya, naganap ang insidente sa Barangay Mintal, Tugbok District, ng lungsod.

Lumabas sa imbestigasyon ng Tugbok Police, nagkasabay na nag-overtake sa parehong lane ang dalawang sasakyan. Pero sa bilis ng patakbo ng motorsiklo, nabangga nito ang tricycle.

At sa lakas ng pagkakasalpok, nabitawan ng ina ang karga nitong anak kaya tumilapon palabas ang sanggol at bumagsak una ang ulo na agad nitong ikinamatay.

Nabatid, na nakainom ng alak ang suspek habang nagmamaneho.

Nakatakda naman sampahan ng kasong reckless imrpudence resulting to homicide, physical injuries at damage to property ang suspek.

 

Please follow and like us:
Read More

2 LALAKI NALUNOD SA RESORT

lunod1

(NI DONDON DINOY)

DAVAO CITY- Dalawang lalaki ang namatay matapos malunod sa isang resort sa Brgy. Daliao, Toril District noong Linggo.

Kinilala ng Toril Police Station ang mga nasawi na sina Laoro Villamor, 48, ng San Gabriel Mintal; at Geovani dela Torre Torres, 48, ng Sanai Village, Purok 22, Mintal.

Ayon sa otoridad, naliligo ang mga biktima sa Vales Beach Resort mga 100 metro mula sa police outpost kung kaya’t napansin agad ito ng mga pulis.

Gayunman, huli na nang mailigtas ang mga biktima dahil malakas ang alon sa dagat kaya’t tuluyan na silang nalunod habang nakitang kumakaway-kaway ang mga ito.

Dumating din ang mga rescuers ngunit dahil sa lakas ng alon ay nahirapan na silang maisalba ang dalawa.

Isang Master Sergeant Lapitan ng Philippine Army din ang nagligtas sa dalawa ngunit nang maisugod sa Saint John Hospital ay idineklara rin ng mga doktor na dead on arrival sa pagamutan.

Paaalala ng mga otoridad na huwag munang maligo sa dagat lalo pa’t malalakas ang mga alon dahil sa habagat.

 

Please follow and like us:
Read More