DANIEL MALABO PANG PAKASALAN SI KATHRYN

pwede ed deleon(NI ED DE LEON)

MALABO pang pakasalan ni Daniel Padilla ang girlfriend na si Kathryn Bernardo. Bagama’t umamin na rin sila finally sa kanilang relasyon, sinabi ni Daniel na marami pang mga bagay na kailangan nilang ihanda para sa kanilang kinabukasan.

“Kung bilyonaryo na nga ba ako eh di kahit na bukas magpapakasal na ako. Kaso hindi eh. Marami pang mga bagay na kailangang paghandaan. Hindi naman puwedeng basta ganoon lang iyon,” sabi ng actor.

CALOY YULO ROCKSTAR NG SEA GAMES

Sa ngayon, para talagang rockstar si Caloy Yulo sa SEA Games. Siya ang pinagkakaguluhan matapos na manalo ng sunud-sunod na gold at maging qualified sa Olympics sa Tokyo sa susunod na taon. Pero hindi pa lumalaro ang mga basketball players ng bansa.

Oras na lumaro na ang mga basketball players ng bansa, aba mas marami riyan ang tinatawag nilang “hotlethes”. Tiyak na mas magkakagulo ang mga fans, pero hindi naman yata libre ang tickets pagdating sa basketball.

Anyway, diyan natin malalaman kung sino ang kanilang pinagpapantasyahan talaga.

 

Please follow and like us:
Read More

MAJOR WINNERS SA LUNA AWARDS ‘NO SHOW’

(NI BOMANI BATUNGBAKAL)

KAYA ba wala ang karamihang major winners sa 37th Luna Awards ng Film Academy of the Philippines (FAP) nitong Nobyembre 30, Sabado nang gabi sa Maybank Performing Arts Theater, BGC, Taguig City dahil wala talagang leakage.

Kahit iika-ika ay dumating si Direk Chito Roño na nominadong best director para sa Signal Rock.

Second to the last ang announcement ng best director at hindi niya iyon nahintay. Nakaalis na si Direk Chito sa venue nang ihayag ang kanyang pagkapanalo.

Ang tumanggap ng kanyang tropeo ay si Christian Bables, na gumanap bilang pangunahing karakter na si Intoy sa movie.

Ayon sa katotong Jun Lalin, inihatid kapagkuwan ni Christian kay Direk Chito ang tropeo sa Manila Peninsula Hotel.

WALA SI BEST ACTOR DANIEL; WALA RIN SI BEST ACTRESS GLAIZA

Wala ang best actor na si Daniel Padilla (The Hows of Us). Nasa Dubai, UAE ito kasama si Kathryn Bernardo for a prior commitment.

Wala ang best actress na si Glaiza de Castro (Liway). Dumalo si Glaiza sa Nominees’ Night noong Nobyembre 20 sa Delgado.112 restaurant, QC.

Ang tumanggap ng award ni Glaiza ay ang direktor ng Liway na si Kip Oebanda.

Inilahad ni Direk Kip na lahat ng mga nakapaligid kay Glaiza ay ayaw  na gawin ng aktres ang nasabing indie movie.

“She was doing a teleserye that required her to do kickboxing on heels, and do stunts. And so, dumarating siya sa set namin, walang tulog,” kuwento ni Direk Kip.

“Blonde ang buhok niya, kukulayan namin nang isang oras. Pero despite that, naglakad siya sa putik, sa bundok.

“Dumating sa point, by the end of Luway na hindi na siya makabigay ng emosyon. Kasi, ubos na ubos na ubos siya sa role.

“At ginamit namin iyon sa cut.

“Ganoong klaseng artista si Glaiza de Castro, and she deserves this.”

Pumalakpak nang husto ang audience.

WALA RIN SI BEST SUPPORTING ACTOR ARJO

Wala ang best supporting actor na si Arjo Atayde (Buy Bust). Ikailang pagwawagi na ba niya ito na absent siya sa awards night?

Nasurpresa ang best supporting actress na si Daria Ramirez (Signal Rock).

“Hindi ko po ito ine-expect tonight, really,” masayang sambit ni Daria,  a takaw-pansin ang cleavage.

Masigabo ang palakpakan ng mga tao.

Pagpapatuloy ni Daria, “Suwerte pala uli ang paglabas ng cleavage ko! For the very long, long time after… 1978? Yes! Aguila. Yes.

“Well, to 37th Film Academy Luna Awards, thank you so much for this award talaga! Maraming-maraming salamat po!

“At sa bumubuo ng Signal Rock, of course, my son Intoy is here… Christian Bables. And my director, our director, Chito Roño. And the rest of the group ng Signal Rock.”

Hmmn… Pebrero 1980 ipinalabas ang Aguila na pinagbidahan ni Fernando Poe Jr. Kaya sa 5th Gawad Urian noong 1981 naging best supporting actress si Daria.

UMUWI NANG MAAGA SI BEST DIRECTOR ROÑO

Ang best director sa Luna Awards ay si Chito Roño para sa Signal Rock, pero ang best picture ay ang Goyo: Ang Batang Heneral na idinirek ni Jerrold Tarog para sa TBA Studios.

Nasurpresa ang producer na si Vincent Nebrida na napabulalas, “Oh my God! The competition was tough!”

Ani Vincent, hinahangaan niya lahat ng mga pelikulang nominado ngayong taon sa Luna Awards.

“Of course, when I’m surprised, I’m also very humbled and very proud of this, ‘no, of this award that I’m accepting obviously, and especially on behalf of the two driving forces ng TBA Studios, namely Mr. Ed Rocha and Mr. Fernado Ortigas.

“If we could just give them an applause, kasi, talagang sila po ang nagdadala…”

Pumalakpak ang audience.

“I thank you both,” pagpapatuloy ni Vincent. “Thank you, Ed, Fernando. And of course, itong Goyo, you know, ito ang pangalawa sa trilogy na gusto naming matapos, ‘no?

“Pangatlo ‘yung tungkol kay Quezon. Thank you po sa Goyo team. Direk Jerrold, congratulations! Congrats and thank you to you and to all your team, ‘no?

“Maraming salamat! Ako po’y hindi makapaniwala na sa amin ang award na ito. Pero thank you po, we very much appreciate it.

“And patuloy po kami sa TBA Studios sa pag-aprreciate, you know, ng mga biyayang ito, blessings na ito.

“In fact, magse-shameless plug po ako. Iyon pong susunod na pelikula namin na pang-MMFF called Write About Love, it’s a tribute po to all the scriptwriters. OK.

“So, bihira ‘yon. Romcom siya pero tribute po sa lahat ng manunulat!”

Bida sa Write About Love sina Miles Ocampo, Rocco Nacino, Joem Bascon at Yeng Constantino.

Magpi-premiere night ito bukas, Disyembre 2, Lunes nang gabi sa SM Megamall.

GOYO, 3; LIWAY, 3

Tatlo ang awards ng Goyo: Ang Batang Heneral — best picture, best musical score (Jerrold Tarog), at best sound design (Albert Michael Idioma at Alex Tomboc).

Tatlo rin ang awards ng Liway — best actress (Glaiza de Castro), best screenplay (Zig Dulay at Kip Oebanda), at best editing (Chuck Gutierrez).

Dalawa ang awards ng Signal Rock — best director (Chito Roño) at best supporting actress (Daria Ramirez).

Dalawa rin ang awards ng Gusto Kita With All My Hypothalamus — best production design (Maolen Fadul) at best cinematography (Neil Daza).

Tig-isa ng award ang The Hows Of Us (best actor, Daniel Padilla) at Buy Bust (best supporting actor, Arjo Atayde).

Apat ang pinagkalooban ng special awards — Regal Matriarch Lily Monteverde (Fernando Poe Jr. Lifetime Achievement Award), Nova Villa (Manuel de Leon Award for Exemplary Achievement), Soxie Topacio at Wenn Deramas (Lamberto Avellana Memorial Award).

Ang host ng programa ay si Jon Santos. Ang director ay si Ice Seguerra.

Magkatuwang sa 37th Luna Awards ang FAP at FDCP (Film Development Council of the Philippines).

Wala sa awards night si Leo Martinez, na director general ng FAP sa loob ng 16 na taon. May shooting daw ito out of town.

Wala rin ang bagong director general ng FAP na si Vivian Velez.

Sabi ni FDCP Chairperson and CEO Liza Diño-Seguerra, “6:00 PM, nagpasabi siya sa staff ko na hindi siya makakarating.”

Ang nag-welcome remarks tuloy ay si Ms. Boots Anson-Rodrigo.

Dumalo si Vivian Velez sa Nominees’ Night noong Nobyembre 20 sa Delgado.112 restaurant, QC. Doon sila unang nagkita ni Liza Diño-Seguerra.

Inaasahang magmi-meeting sina Vivian at Liza upang maging malinaw ang mga bagay-bagay.

 

Please follow and like us:
Read More

FANS ‘DI MADIDIKTAHAN NI KATHRYN SA DANIEL-SARAH FILM

pwede ed deleon(NI ED DE LEON)

PARANG natatakot kami riyan sa pelikula nina Daniel Padilla at Sarah Geronimo. Kahit na nga sabihin ni Kathryn Bernardo na suportahan ang pelikula, hindi niya talaga madidiktahan ang mga fans. Dapat sigurong malaman ni Kathryn ang isang bagay. Noong ang mga pelikula niya ay nag-establish ng box office records, hindi kami naniniwala na minsan lang nanood ang mga fans nila noon. Hindi ganoon karami ang fans para makagawa ng ganoong box office record, kaya ibig sabihin ang mga fans nila ay nanood nang paulit-ulit, at iyon ay dahil nagustuhan nila ang pelikula.

Ang isang pelikula ay hindi magiging hit kung puro fans lang, nakuha nila ang publiko. At maraming hindi naman mga fans, pero nanood din nang paulit-ulit.

Kaya hindi masasabing dahil nanawagan si Kathryn sa kanyang mga fans, siguradong hit din ang pelikula nina Daniel at Sarah. Nakasalalay iyan ngayon sa lakas ni Daniel talaga.

Nakakatakot dahil hindi nabuhat ni Daniel ang mga pelikula ng tiyuhin niyang si Robin Padilla noon kahit na isinama siya sa pelikula. Ibig sabihin namimili rin ng pelikula ang mga fans ni Daniel. Ang tanong ngayon, magugustuhan ba nila ang pagsasama ng kanilang idol at ni Sarah Geronimo.

Iyan namang si Sarah, ok naman sana. Kaya lang matagal na siyang walang project. Medyo natatagalan na rin simula nang magkaroon siya ng hit song. Wala kang naririnig kung di ang mga activities nila ni Matteo, at idagdag pa natin, iyong pelikula nina ni James Reid, kumita rin naman pero hindi iyon ganoon kalaki ha. Ang malalaking hits ni Sarah, si John Lloyd pa ang kasama.

Kung ang pelikula nina Daniel at Sarah ay hindi rin maipo-promote nang mahusay, palagay naming aabangan na lang ng mga tao ang kopya niyan sa internet. Aba mabibilis ang mga pirata ngayon. Lumalabas ang buong pelikula sa social media at malilinaw pa. Akala mo nga walang Optical Media Board.

 

Please follow and like us:
Read More

NEXT LEADING LADY NI DANIEL, SARAH G. OR LIZA S.?

pwede ed deleon(NI ED DE LEON)

MAY isang insider na nagkuwento sa amin, talaga nga raw pinag-aaralan nang husto kung ang gagawin bang leading lady ni Daniel Padilla ay si Sarah Geronimo o si Liza Soberano. Halos toss coin na lang daw ang kailangan para sa desisyon, dahil talagang hindi sila makarating sa tamang conclusion kung sino nga ba ang dapat.

Aywan naman kung bakit, kasi naniniwala silang kung naabot ni Kathryn Bernardo ang ganoon kalaking box office record na hindi si Daniel ang kasama, magagawa rin ng actor na abutin ang box office record na iyon kahit na hindi si Kathryn ang partner.

Mayroon pa nga raw proposal, bakit hindi sila gumawa ng isang pelikulang May-December affair at ang kunin nilang partner ni Daniel ay si Congresswoman Vilma Santos, tutal sinabi naman noon na gusto niyang makatrabaho si Daniel.

Pero kung si Ate Vi naman, lalabas na iyon ay nangyari dahil kay Ate Vi at hindi dahil kay Daniel, pero iyon sana ang project na sigurado kung magagawa nga in time.

Sa ngayon, ang sinasabi nilang maaari lamang mapagpilian talaga ay iyong syota ni Matteo Guidicelli o iyong syota ni Enrique Gil.

Kung kami ang tatanungin, mas pipiliin namin iyong syota ni Enrique Gil. Kasi tingnan ninyo ang mukha nina Liza at Daniel, hindi ba nagko-compliment? Isa pa, magaling na artista si Liza, at iyan ang talagang nakikita naming may potentials na makarating sa level ng isang superstar, huwag lang sanang magkakamali sa diskarte sa kanyang career.

Hindi mo masasabi, baka nga ang isang project lamang na kasama si Daniel ang kailangan ni Liza at “bingo” na. Para kang tumama sa “free”, hindi na kailangang lumaban pa ng punuan.

 

Please follow and like us:
Read More

TRUE DEDICATION DOES PAY OFF –KATHRYN

kath12

ANG GARA NI VINIA(NI VINIA VIVAR)

MAY hugot si Kathryn Bernardo sa kanyang acceptance speech as she received the Best Actress trophy for The Hows of Us sa katatapos lamang na 35thPMPC (Philippine Movie Press Club) Star Awards for Movies.

Pahayag niya, dumating daw siya sa punto na kinukuwestiyon niya ang kanyang kapasidad bilang aktres.

“I was at a certain point in my career wherein I started questioning my capacity as an actress. Alam ko, most of you alam n’yo ‘yung story na ‘yun.

“And then I questioned myself why things weren’t working out the way I wanted to, “bakit binigay mo lahat pero bakit ganyan?” So, ang dami kong “whys” last year before we shot The Hows of Us.

“And then, alam n’yo, ‘yung pinakabaon na natutunan ko siguro while making this film, ang then ‘yung ipinatuto sa akin ng universe – that life is not perfect, it doesn’t always go the way we wanted it to be, and ‘etong award na ito, this is a validation that true dedication really does pay off,” ang bahagi ng acceptance speech ni Kathryn.

She added, “at napatunayan din nito na it’s okay not to be okay sometimes, it’s okay to get tired in the process, it’s okay to fail even. Kasi lahat ‘yan, parte ‘yan ng journey natin. Because what’s important is that you stand up and you try again until you’re able to meet that dream into reality.”

Siyempre, hindi nakalimutang pasalamatan ni Kathryn ang boyfriend, ka-loveteam at kapareha rin sa The Hows of Us na si Daniel Padilla na naroroon din sa awards night.

“My love, thank you,” sabi ni Kathryn sa gitna ng pagsisigawan ng mga fans.

“Alam n’yo, hindi ko magagawa ‘yung hinihingi kay George (her character in The Hows of Us) kung wala ‘yung tulong ni DJ. So, thank you, love,” sey pa ni Kathryn.

 

  “KATHRYN DESERVES HER BEST ACTRESS TROPHY”–DANIEL

Siyempre, proud na proud naman si Daniel sa pagkakapanalo ng kanyang “love.”

“Sabi ko nga sa inyo, matagal na niya dapat itong nakuha. Pero ‘eto, siyempre, nakamit na niya. And I think, I’m just very, very proud and talaga, she really deserves it,” ani Daniel sa panayam ng press sa kanya after the awards night.

Ayon pa sa aktor, si Kathryn daw ang nagdala ng The Hows of Us talaga.

“Kung bakit umabot do’n, kung bakit ganu’n kaganda ang pelikulang ‘yun, bakit ganu’n kaganda ‘yung storya, eh talagang nagampanan ng characters, lalo na si Kathryn. Talagang she deserves this, and she deserves more,” saad pa ni DJ.

Tungkol naman sa mga hugot ni Kathryn sa acceptance speech nito, natanong si DJ kung nasaan siya nang mga panahong dumadaan ang girlfriend sa stage na ganu’n.

“Eh nasa tabi niya,” he said.

Kung tutuusin daw kasi ay mas matagal pa sa kanya si Kathryn sa industriya at mas marami nang nagawang mahihirap na proyekto.

“At ngayong gabi ay nakamit na niya ang umpisa na marami pang makakamit,” sey niya.

Please follow and like us:
Read More

KATHDEN MAG-PROMOTE SA EAT BULAGA HABANG ANDOON SI MAINE

kathden1

ang kulit ni Lolit(NI LOLIT SOLIS)

NOONG Sabado, May 18 lang pala ang last shooting day ng Hello, Love, Goodbye nina Kathryn Bernardo at Alden Richards.

Ang saya raw ng last shooting day nila na kung saan may pa-T-shirts pa si Alden sa mga staff doon at  siguro may pakimkim pa  yan.

Ang nakakatuwa, dumaan din doon si Daniel Padilla para dalawin lang si Kathryn at matagal-tagal din daw siyang nakipagtsikahan doon.

Bago nga umalis si Daniel, nagkatsikahan din daw sila ni Alden kaya ang gaan lang daw ng feeling doon sa set.

Natapos ang movie na ito na maayos, walang intrigahan, walang gusot. Kaya sana maganda ang kalalabasan di ba?

Dapat nga kasali pa diyan ang isa kong alagang si Benjie Paras, pero hindi pumuwede sa schedule niya dahil may ginagawa rin siyang isang pelikula sa Star Cinema.

Excited ako sa pelikulang ito ha? Dati mga pelikula lang ni Sarah Geronimo at John Lloyd Cruz ang pinapanood ko, ngayon papanoorin ko itong sa kanilang dalawa.

Ang bait kasi ni Alden at pati na rin si Kathryn, kaya gusto ko suportahan yan!

Ang dinig ko mga end of July daw ang showing nito, kaya maplano pa nila nang mabuti ang promo nito.

Siguro naman papayagang mag-promote si Alden sa ABS-CBN 2, at ganundin si Kathryn.

Ang saya siguro pag mag-promote sila sa Eat Bulaga, at nandun din si Maine Mendoza. Bongga yan!

    ALDEN IPAPALIT KAY REGINE BILANG HOST NG THE CLASH 2ND SEASON 

Si Alden Richards daw pala ang matunog na pinag-uusapang maghu-host ng The Clash na nasa second season na.

Nagsisimula na kasi ang audition ngayon ng The Clash at sabi ni direk bert de Leon na isa sa screening panel, umaasa raw silang makakahanap ng kakaibang talent sa musical competition na ito.

Marami nga ang nagtatanong kung saan na ba ang first grand winner na si Golden Canedo.

Alam ko may single na siya sa GMA Records pero siguro dapat push pa nang bongga para makilala siya.

Magaling naman ang batang yan eh!

Tuluy-tuloy na raw ang audition nila. Katatapos lang sa Dagupan City at meron pa sila sa Gen. Santos City, sa Davao, Bacolod at marami pang lugar.

Maganda nga kung si Alden ang mag-host para ibang-iba talaga ang look kung ikumpara sa unang season na si Regine Velasquez ang host.

Pero ang mga judges daw sina Aiai delas Alas, Christian Bautista at Lani Misalucha pa rin.

BIRTHDAY  KO TODAY.  WAIT AKO SA BAHAY NG PADALA NINYONG GIFTS

you pala sa mga nakaalala na sa birthday ko at naibigay na ang regalo nila in advance.

Feeling ko tuluy-tuloy pa ang dating ng regalo sa akin kaya waiting na lang ako ngayon sa bahay.

Sabi raw ni Mayor Lani Mercado, dapat na magpa-party daw ako ngayon.

Sinabi ko kasi noon na gusto ko lang magpa-party pag nakalabas na si Bong Revilla. Eh nakalabas na nga at nanalo pa sa election kaya dapat na nga sigurong magpa-party.

Pero parang mas type kong get na lang nang get ng regalo at sabi ko nga  kina Lani at Bong, sa halip na ipa-party ko, perahin na lang nila no!

Sa totoo lang nagkasakit na nga ako sa katututok sa bilangan ng boto.

Nung binasahan ng verdict si Bong sa Sandiganbayan na kung saan ‘not guilty’ nga siya, nagkasakit din ako dun sa sobrang tensyon siguro.

Ngayon, sumama rin ang pakiramdam ko sa kapupuyat para bantayan lang sa TV ang update sa bilangan ng boto.

Na-tense din ako nang husto habang binabantayan kong makakaakyat siya sa magic 12.  Kaya hindi na ako magpa-party! Rest na lang ako sa bahay habang hinihintay ko ang pagdating ng mga regalo sa akin.

Kaya padala nyo na birthday gift nyo sa akin no!

 

 

 

Please follow and like us:
Read More

OH MY GOD KATH — DANIEL

danielp12

(NI GORGY RULA)

NAKATUTUWA naman pala ang sweetness nitong KathNiel no?

Nung nakaraang Biyernes Santo, nag-surprise si Daniel Padilla kay Kathryn Bernardo sa Hongkong na ikinatuwa nang bongga ng young actress.

Nung kamakalawa naman ay sinorpresa ni Kathryn si Daniel sa kanyang 24th birthday party na ginanap sa Manila House Club sa BGC, Taguig.

Nung April 26 talaga ang birthday ni Daniel pero sinalubong na nila ito nung kamakalawa ng gabi na dinaluhan siyempre ng pamilya, mga close friends at executives ng ABS-CBN 2.

Walang kamalay-malay si Daniel na inayos pala ni Kathryn ang bandang Orange and Lemons na mag-perform doon sa party dahil paborito ito ng young actor.

Naki-jamming doon si Daniel ng paborito niyang kantang Hanggang Kailan(Umuwi Ka na Baby), at nung nakatalikod si Daniel, biglang tumakbo papasok si Kathryn at niyakap ang nobyo.

“Oh my God Kath!” yun lang ang nasabi ng celebrator sa sobrang pagkabigla sa pagdating ni Kathryn.

Nakiusap lang si Kathryn sa Star Cinema na mag-break muna sa shooting sa Hongkong para makauwi siya ng Maynila para sa kaarawan ni Daniel.

Kaya hindi rin magtatagal dito si Kathryn, babalik din siya agad ng Hongkong para tapusin na ang shooting ng Hello, Love, Goodbye nila ni Alden Richards.

 

AYAW NA NILANG UMASA KAY MAINE

 

Kahapon naman ang grand opening ng McDonald’s outlet ni Alden

Richards sa may Binan, Laguna.

Hindi pa sila nagsimula habang tinitipa ko ito. Pero ang pagkakaalam ko lang, ang kaibigan niyang sina Ruru Madrid at Chynna Ortaleza ang dadalo sa opening at ilang close friends sa Eat Bulaga.

Hindi ko lang sure kung naimbitahan si Maine Mendoza, pero base sa mga nababasa kong komento ng mga fans, parang ayaw na nilang umasa kay Maine.

Tanggap na nilang may iba nang pinagkakaabalahan ang ka-loveteam ng Pambansang Bae kaya okay lang daw kung wala si Maine.

Kahit naman ang mga taga-GMA 7 ay iniiwasan na ring ikabit pa si Alden kay Maine para tahimik na lang.

Ang pagkakaalam ko, meron silang nakaplano kay Alden na hindi kasama si Maine. Kaya ewan ko lang kung matutuloy pa ang mga projects na nakaplano sana sa kanilang dalawa.

 

AYAW IKUMPARA KAY VICE GANDA…

“VICE GANDA NA ‘YON…BASTA, I DID MY BEST”–SUPER TEKLA

 

Emotional si Super Tekla nang humarap ito sa ilang movie press  na

dumalaw sa kanila sa set ng pelikula niyang  Kiko en Lala.

Hanggang sa ngayon kasi ay hindi raw nagsi-sink in sa kanya na bida na siya sa pelikula.

Nung unang napanood nga raw niya ang lumabas na trailer, naiyak din siya dahil wala raw sa hinagap niyang magbibida na pala siya.

Ani Super Tekla, ““Pinaka-dream ko lang yung magkaroon ako ng minimum wage na trabaho eh.

“Hindi ko akalain na dati kung ano lang…sobrang na-amaze lang talaga ako, kaya thankful talaga ako sa GMA.

“Thank you, thank you talaga sa GMA..and of course dun sa mga naniniwala. Kaya tumbasan ko talaga yung pagtitiwala.”

Nung lumabas ito, karamihan sa mga komentong nakuha namin ay naipagkukumpara sila ni Vice Ganda.

Sabi ng komedyante, huwag naman daw sana silang pagkumparahin dahil Vice Ganda na raw iyun.

“Vice Ganda na yun eh! Ano lang naman ba ako?

“Mahirap na siyang abutin, o kahit lagpsan ko man siya, iba na siya kasi Vice Ganda na siya. Wala na silang magagawa,” saad ng komedyante.

Pero sa totoo lang natatalo na nga ng The Boobay and Tekla Show ang Gandang Gabi ni Vice kaya hindi maiwasang makipagkumpara sila.

Lalo raw siya tuloy napi-pressure dahil alam niyang malaki ang expectations sa kanya ng GMA 7.

Basta ginagalingan na lang daw niya para hindi naman ma-disappoint sa kanya ang GMA 7 na talagang nagtitiwala sa kanya.

“Ang bigat. Hindi ko maano bakit ganun. Ganun ba talaga?

“Yung sa akin nakaatang yung responsibilidad.

“Kaya nga tinutumbasan ko ‘to ng husay…bahala na ang tao.

“Kung hindi sila maano wala na akong magawa. Pero I did my best, kumbaga kung ano ang dapat kong gawin sa mga scenes sa movie binibigay ko ang tama at husay in my own way of comedy,” halatang kabadong pahayag ng bida ng Kiko en Lala na prinodyus ng Backyard Productions at dinirek ni Adolf Alix.

Kasama ni Super Tekla rito sina Derrick Monasterio, Kim Domingo, Divine Tetay, Jo Berry at special guest nila rito si Aiai delas Alas.

Sa May 22 na raw ang showing nito.

 

 

 

Please follow and like us:
Read More