COAST GUARD NAKAALERTO NGAYONG HOLIDAY SEASON

(NI JESSE KABEL)

IPINAG-UTOS  ni Transportation Secretary Arthur Tugade na ilagay sa heighted alert ang buong puwersa ng Philippine Coast Guard ngayong Christmas season.

Sa direktiba ng DOTr,  naka- heightened alert ngayon ang  Philippine Coast Guard sa lahat ng pantalan sa bansa sa buong panahon ng yuletide season .

Ayon kay PCG Commandant Admiral Joel Garcia, ito ay bahagi ng “Oplan Biyaheng Ayos: Pasko 2019” na pinasimulan nila ngayong Lunes at paiiralin hanggang January 5, 2020.

Layunin ni Tugade na masigurong ligtas at komportable ang lahat ng transportation services para sa publiko.

“All PCG units are directed to be on heightened alert and intensify safety and security measures on national ports and ferry terminals this Christmas season to ensure the orderly operations of all sea transport facilities; the safe and convenient  travel of the riding public; and the security at beaches and local resorts,” pahayag pa ni Adm.  Garcia.

Bunsod nito, naka-deploy na rin ngayon ang lahat ng assets ng PCG sa mga pangunahing pantalan sa bansa partikular ang kanilang  55-meter multi-mission offshore vessels, siyam na 44-meter multi-role response vessel, anim na 30-meter monitoring control surveillance vessel, dalawang 35-meter search and rescue vessels, at tatlong 24-meter fast patrol boats.

Nakahanda rin ang maliliit na sasakyang-pandagat tulad ng dalawang 12-meter high speed boat, sampung seven-meter rigid hull inflatable boats, at ilang aluminum at rubber boats para rumesponde sakaling magkaroon ng hindi inaasahang insidente.

Bunsod nito, inihayag din ng DOTr na 24-oras na nakaalerto ang Special Operations Forces, Harbor Patrols, at Ship Inspectors sa mga pier at iba pang daungan sa bansa.

Bukod dito inihayag din ni Garcia na mayroon ding mga tauhan ng PCG sa mga Malasakit Help Desk sa mga pantalan sa buong bansa na kaagapay ng Philippine National Police (PNP) at Armed Forces of the Philippines (AFP) upang masiguro na walang maritime incident o casualty ngayong Kapaskuhan.

 

Please follow and like us:
Read More

P3.2-M ISDA HINULI GAMIT ANG DINAMITA NASABAT

coast12

(NI JULIE DUIGAN)

NADISKUBRE ng Philippine Coast Guard (PCG) at Bureau of Fish and Aquatic Resources (BFAR) ang isang cargo vessel na may sakay na P3.2 milyong halaga ng isda, kabilang ang endangered species, na kinuha sa karagatang sakop ng Linapacan, Palawan, ayon sa ulat nitong Biyernes.

Ayon sa PCG ,  ang  M/V Alejandra ay  umalis sa Palawan noong Mayo 19, patungo sa Delpan Wharf nang  masabat ng PCG at BFAR noong Mayo 20.

Sa cooler boxes  ng isda , natukoy na ginamitan ng dinamita ang mga ito habang ang iba ay naglalaman ng mga pating at page (stingrays at sharks) at ang isdang Mameng na kabilang umano sa endangered species.

Ilan naman sa cooler box  ng isda ay hindi naman umano kabilang sa iligal na panghuhuli kaya itinurn-over sa consignees habang ang mga ginamitan ng dinamita ay ipinamigay sa charitable institutions upang pakinabangan.

Patuloy pang iniimbestigahan ang kapitan ng barko at mga crew  para matukoy kung sino ang responsable sa panghuhuli at pagpapabiyahe ng mga kinumpiskang endangered species, na sinasabing ikinukubli sa pamamagitan ng pagtatanggal ng ulo at palikpik upang hindi umano mahalata kung anong klase ng isda.

Hindi naman umano fishing vessel ang naharang kungdi cargo vessel kaya kailangan pa ang mas malalim na pagsisiyasat.

Ayon sa PCG, sa pamamagitan ng intelligence information ay nakarating ang ulat hinggil sa nasabing barko na nagpupuslit ng endangered.

 

Please follow and like us:
Read More

2 MIYEMBRO NG COAST GUARD, 1 PA HULI SA DROGA

drugs

(NI JULIE DUIGAN)

DALAWANG umano’y tauhan ng Philippine Coast Guard,  kabilang ang isang babae, ang nakitaan ng shabu sa inilatag na checkpoint sa Intramuros, Huwebes ng madaling araw.

Nagkaroon muna ng mainitang habulan , bago nadakip ang mga suspek na lulan ng motorsiklo na nakilalang sina Daryl Oracoy, 27 ng Zambaonga Del Norte ; Arvin Solante , 30, at Norfayda Maruco, 20, ng Sta.Cruz,Manila.

Base sa report na nakarating kay PLt.Col. Igmedio Bernaldez , Station Commander ng Manila Police District-Ermita Police Station 5, dakong 1:15 ng madaling araw, nang ilatag ang checkpoint sa panulukan ng P.Burgos at Victoria Sts., sa Intramuros.

Lulan ng motorsiklo na walang helmet ang mga suspek nang sila’y sitahin, subalit imbes na huminto ay humarurot ang motorsiklo , kaya nagkaroon ng habulan hanggang sa makorner ang mga ito .

Isa sa suspek ang nakitaan ng tatlong sachet na hinihinalang shabu, kaya agad silang dinala sa himpilan ng pulisya at nahaharap sa mga kasong paglabag sa violation of the anti-illegal drugs act, anti-drunk and drugged driving act, and motorcycle act.

Please follow and like us:
Read More

TAUHAN NG COAST GUARD SINIBAK SA KOTONG

coast1

(NI JULIE DUIGAN)

SINIBAK na sa puwesto ang isang personnel ng Philippine Coast Guard (PCG) makaraang bitbitin ng  mga tauhan ng National Bureau of Investigation (NBI) sa isang entrapment operation sa Palawan.

Kinumpirma ni PCG Spokesman Capt. Armand  Balilo, na inilagay sa preventive suspension si Ensign Allison Tindog, operations officer ng Coast Guard Distrct Palawan na ngayon ay nasa kustodiya ng NBI.

Nabatid na bukod sa isasampang kasong kriminal, mahaharap din ito sa mga kasong administratibo.

Ayon kay Balilo,  pinahahalagahan ng PCG ang doktrina ng integridad at propesyunlismo lalu na sa pagtupad ng kanilang tungkulin.

Nag -ugat ang pag aresto kay Tindog, nang magreklamo ang isang dayuhang turista.

Nalaman na walang  walang permit ang yate ng dayuhan para makadaong  sa Palawan.

Hiningan umano siya ni Tindog ng P80,000  pero  sa resibo  ay P10,000 lamang ang inilagay ni Tindog.

Nagreklamo sa NBI ang dayuhan at nang ibinigay na nito ang kakulangan na P40,000 sa kanilang pinag-usapan P80,000 dito na inaresto ang suspek.

Please follow and like us:
Read More

31 FLOATING VESSELS, RUBBER BOATS SA PISTA NG NAZARENO

coastguard

(NI DAHLIA SACAPANO)

INAASAHAN ngayong araw ang pagdagsa ng ilang milyong deboto para sa paggunita ng Pista ng Itim na Poong Nazareno.                .

Bilang paghahanda sa dagsa ng mga tao, maglalagay ng 31 isang floating vessel ang Philippine Coast Guard na nakaistasyon sa likod Quirino Grandstand, Manila Baywalk at sa Pasig River.

Tuluy- tuloy din ang inspeksyon ng Coast Guard sa mga ruta na dadaanan ng Traslacion.

Nakaantabay na rin ang kanilang mga floating vessel na may kakayahang mag bigay ng first aid sa Manila bay na maaring maging medical evacuation sakali mang may maganap na aberya habang ginaganap ang prusisyon.

Simula pa kahapon ay nasa “no sail zone” na ito para bigyang daan ang pagresponde nila at paghahatid sa mga pasyente sa ospital.

Binabantayan na rin ang mga tulay na dadaanan ng Traslacion. Sa mga nagdaang taon ng Pista may mga insidenteng tumatalon o nahuhulog na deboto sa tulay dahil sa sobrang dagsa ang mga tao.

Magpapadala din sila ng mga mga rubber boats at maliliit na bangka na may sakay na mga medical personnel. Sila naman ang magbabantay sa  ilalim ng Jones Bridge.

Sinisiguro nila nakahanda silang magbantay sa mga nasabing lugar hanggang sa matapos ang Traslacion.

Please follow and like us:
Read More

RORO BUMANGGA SA FISHING BOAT, 2 MISSING

roro

HINAHANAP na ng awtoridad ang dalawang mangingisda na nawawala matapos lumubog ang bangka nila nang mahagip ng nagdaraang roll-on/roll-off (RORO) ship sa Guimaras.

Nailigtas naman ang isa pang mangingisda na si Erwin Mansuerto at pabalik na sa Bacolod City habang pinaghahanap pa rin ang dalawa niyang kasama. Sinabi ni Mansueto na sakay sila ng kanilang Bangka nang masagi ng RoRo vessel sa Iguana bank, Nueva Valencia, bandng alas-11 ng gabi, Huwebes. Si Mansueto ay nailigtas ng isa pang nagdaraang RoRo vessel.

Nagpapahinga umano ang mga mangingisda nang masagi ng barko.Hindi rin umano niya napansin ang RoRo dahil madilim at mataas pa ang alon. Pinaalalahanan naman ng Coast Guard ang maliliit na mangingisda na huwag pumaalot dahil pa rin sa sama ng panahon.

Please follow and like us:
Read More